#الـرقطاء_وكراتها_الثلاث🐍
#مقدمه ومشهد
يتحدثون كثيرًا هُنا وهُناك عِن كيدهن الواسع والعظيم ، كيدي فاق معايير الطبيعه لكن هل تعلمون ما هي أقصى مخاوفي
اخاف من نفسي حين لاا أبكي
امام الأمور القاسيه التي تحدث لــي
اخاف من نفسي عندما اريد البكاء ولا أستطيع ان ابكي
اخاف من عدم خوفي
اخاف من فكرة تقبلي للخذلان
وأن الناس مهما كانوا احبه هُـم فترات لاا اكثر
اخاف من عدم إهتمامي لأي شـيئ
اخاف من فكرة انني شخص قوي
لاا احد يستطيع كسري
لاا احد يستطيع ان يحزنني
اخاف من صمتي في موقف يستدعي للكلام
اخاف من كوني وحيده ولا احتاج احدًا استند على كتفه
أَنا التي تأَخُذ ولا تؤخَذ
أنا التي تَخدُش ولا تُخدَش
أَنا التي تَربح ولا تَخسر
أنا التي تُحطِم ولا تُكسَر
أَنا التي يُهابها الجَميعُ ولا تُهاب أحدًا..
أنا الأفعىٰ الرقطاء ولدي ثلاثِ كُرات.. 🐍🤎
_______
هرم
دزوني علمود ارتب الحديقه وازينها اليوم عدنا مناسبة حنة خالتي وكلها فرحانه واني عفت كلشي وگعدت اكرز حب وما اسمع اله صوت امي تصيح
-العتوووي أكعددديييي
طفرت من مكاني والحب تطشر بالكاع وهيه تتخبل من الوصاخه شالت النعال مالتها وشمرته عليه طاح على بطني لزمت بطني بألم
-اخخخخ
-ومررررضض لمي الحب الوگع كله وترحين هاچ هــاي فلوس
هرم:-"مدت ايدها بصدرها وطلعت فلوس شمرتها بوجهي"
-موصيه على قطع مال كيك من المعجنات اللي براس الشارع ترحين بهاي الدراجه مال حمودي بَــس والله لو تتأخرين اله اغرگج بالمي مال التانكي
هرم:-"من سمعت بطاري المي كزبر جلدي اخذت الفلوس وباوعتلها غمتني بكصتي مشيت رحت للمطبخ اخذت المفاتيح مال الدراجه وخليت الشفقه على رأسي واني ادردم "
-والله مالم الحب لو تموت مالمه خليها شتسوي خلي تسوي شغلت الدراجه ولامبين عليه بنيه شعري قصير كِلِّـشْ وملابسي مال ولد
وصلت يم المحل نزلت شفت ثنين بالمحل واگفين ثخنت صوتي وگلت "السلام عليكم" ردوا السلام الولد الواگفين واحد لابس قاط والثاني سبورت باوعت على حذائه عجبني
-خويه لعد ابو المحل وين "اندار عليه الولد اللي لابس سبورت والثاني ابو القاط ولا چن واحد يحچي وياه مبين عليه محتقن وعصبي گال الثاني "
-ماندري بيه وين حالنا من حالك
هرم:-"ضحكت وگلتله "
-تَـره الدنيا ماتسوه لــيش ضايجين انتوا "باوعلي صفح واستغفر وطلع تليفونه يخابر ويصيح"
-صيحوووووا ابن الـكـ.... وينه
هرم:-"فتحت عيوني على وسعهن ودرت وجهي من يمهم وجوههم متبشر بخير مبينين ناس مو خوش أنـي صوچي حچيت وياهم هسه يطلعون مخابيل اجه ابو المحل وجهه كله دم وعيونه مدمعات "
-هــاي شِــنو علاوي شبيه وجهكك منو كاتلك "مسح دموعه والدم اللي على وجهه وحچه بصوت مبحوح قهرني "
علاوي:-هــا هرم شتردين
هرم :-امي موصيه كيك ودزتني وهاي الفلوس بَــس أنـي عجبني ذاك الچكليت مدري ككاو هذاك "اشرتله بيدي " اريد من عنده بَــس مو اشتري هــيچ بلاش عجبني كلش ، باوعلي چن واحد لازمينه ويهرسون بيه وغلس مانطاني لان مبين عليه ماله خلك
راح جاب الكراتين مال الكيك وبدا يرتب بيهن علمود اخذهن انداريت عـ الولد اللي يمي لگيته يباوعلي من شافني اندار گلت بگلبي "خطـيـه شگد ماعنده ثقه بروحه يباوع عليه بهاي الطريقه يمكن مريض الله يكون بعونه" درت وجهي نوب رجعت باوعت هَـم لگيته صافن عليه ماتحملت حچيت
-اخوووي انتَ مضيع شـيي بوجهي شـ "قاطع كلامي"
-انتِ بنيه
عهد:-لــيش 'مارد عليه هــوَ طبعًا عرف بنيه لان علاوي صاحلي هرم عافني وطلع ، والولد ابو القاط انطه لعلاوي كارت لونه اسود من شافه ضل يتراجف عافه وطلع وخطيه علاوي اخذ الكارتونات وياي وخلاهن عالدراجه ىكلي ديري بالچ لاا يوگعن
رجعت للبيت شفت اكو كم سياره بالباب مديت ايدي عالكيك اخذتلي قطعه اكلتها ومسحت حلكي ودخلت للبيت ...
.
.
مسك
دخلت للبيت تلگتني ماما انطتني فستان لونه احمررر دمم وضيق كلش بيه خراخش لماعه جوه الضهر رحت مشيت ودخلت للغرفه وهـيَ ورايه تمشي سدت باب الغرفه واني نزعت ملابسي ولبست الفستان وسط أنظارها باوعتلها وهزيتلها رأسي بمعنى "شــكوو"
-ديري بالچ تفشليني
مسك:-مافشلچ أنـي
-يـله لعد روحي شوفيهن مهاراتچ
مسك:-"طلعت هـيَ واني وراها دخلت للصاله كلها صلت عالنبي ، صوت الاغاني عاااليه ابتسمت الهم باوعت بغرور لجهة الحجيه المقصوده اللي گال عليها جدو
مديت رجلي اليسرى قبل اليمنى وبلشت ارگص ويه الدگه وكلها تباوع عليه وامي واگفه على صفحه تصفگ وتضحك "مجامله" وعيونها على نسوان
آل فياض عكسي أنـي باوعت للحجيه وبعدها تغاضيت النظر الهن حسب توصيات جدو خلصت رگص وختمتها بالسلام المصري
اللي تصفك واللي تتبسبس هـيَ والبصفها واللي تگول صلوا عالنبي لاتنحسد البنبه جمال وشعر وجسم رحت گعدت يم خواتي والأنظار كلها عليه ابتسمت احب هالشي
گالوا راح يدخلون الزلم وياهم العريس علمود يخلولهم حنه رحت جبت شال خليته على اكتافي وغطيت صدري لأن فستاني فاضح كِلِّـشْ
باوعت على أمي فرحانه وتضحك وهنا تأكدت امي متحبنا أنـي وخواتي بگد متحب اخواتها
العريس حناها وسط الهوسات والرگص لبسها الذهب بَــس امه ضايجه وواكفه على صفحه باوعت عليها وابتسمت ابتسامه جانبيه
شويه واجاني وگف بصفي وشاورني
-يـله جربي تندگين بخالتي والله لاكتلج واخلص عليچ