بقلم نازك الحمراني ❤
......مشهد......
اووف تيسير أني ألچ
ترکتیني أمشي وحدي بشارع
طاحظج صدیقه غبرة
دنتظري شويه شصار عليج هي عشر دقايق
اعيوني تتفحص الطالبات الي ديمشن ألمدارسهن
أنتبهت على نفسي..
هسه أني ليش دا أراقبهن...
شيردن يسولي
مااعرف هل شعور يجني كل ما أروح للمدرسه
برغم حيصير سنه من انتقلنا لهنا
بس اعتبرها المنطقه جديده عليه...
أو لأن مو مثل منطقتنا ألي چنا ساکنین بیها
دنكت راسي بخيبه امل
اي اكيد مو مثلها....
ذيج حافظه كل تفاصيلها
حافظه كل مكان بيها...
حتى التراب الناعم الي على حافة الرصيف
بوقت الهوا العالي
اعرف وين يتجمع
أووف أشتاقيت للكراده والشوارعها...
دعش شهر...مفاركتها..
خلصت الرابع...واني دا أداوم هنا...
ولساتني ما متأقلمه على هل منطقه
وأصفن على وجه كل طالبه اشوفها
طريقه اختيارهن للمفردات
اسلوبهن بالحوار وانتقالهن من موضوع
الموضوع بسرعه وبدون تركيز
أصفن على لبسهن...
احس لبسهن مختلف عني...بكل تفصيله
وبنفس الوقت انتقادهم الي
- مهتمه بنفسج هواي
-شكد بطرانه من الصبح هيج مسويه
- انت المن دا تتكشخين هيج ؟؟؟
هواي مداخلات و استفسارات كأنه دا اسوي شي عيب مثلآ!!!!!
ألي مصبرني على هل وضع صديقتي تيسير بظحكها وسوالفها
أني ألچ یاتیسیر صدك هيج تخليني وحدي امشي
جنطتي على كتفي
وکفت آنتظر السيارات دا أعبر الشارع
والهورن المزعج الي يزرف أذني
عيوني تتفحص الشارع
لحتى أتهياء للعبور
وشفته وغمضت عيوني وفتحتهن
اخ ياربي شنو هل ملل
هسه هذا هم حظي
لشوكت يظل لازكلي
وين ماأروح أشوفه كدامي
لازم اتعدى من يمه وبثقه واظل أغلس عنه
لحد ميمل
البارحه فشلته
والقبلها رزلته
هسه لو حلو شو أسود أملح
استغفرك ربي منين ماألتفت عليه
محلو محلووو كلش
وفوكاها ميمل
خطوات رجلي تتقدم وشوي خايفه
نضراته اليوم مو مريحه
وصلت للشارع مال مدرسه
سيارته البيضه واكفه
مشغل أغنية كاظم
صوتها يصدح باركان الشارع
ياربي هذا شبي
هالسوالف ما انقرضت
لسا هيج يسوي من يا زمن هذا
أحبك جدا واعرف ان الطريق الى المستحيل طويل
بداخلي وي نفسي
لك المستحيل أني جمانه
افكر بواحد مثلك
لو ادوس على كلبي
ما اباوع لهيج شكولات
يابه من كد مااسمع هلاغنيه بسيارته
كرهت كاظم الساهر
وكرهت حتى ألاغاني
عيوني للشارع من كدما فكرت وسرحت تباطئت خطواتي
واني اصفن بالتبليط وافكر واختلق محادثات بيني وبين نفسي
توه چان ملیان طالبات
خرب هل حظ الشارع سنطه و هدوء
عيوني للساعه مالتي رفعت ايدي...
يبوو بثمانه الا خمسه....
اليوم الرزاله من ست أمل واجبة مو مستحبه
وهسه تحط حركت العالمين بيه
هو اني تعلمت من أصبح بوجه الاملح
شكو شي سخيف يصير بيه
