ចែខេតឈ្នះទៀត💃🤣
ម្ចាស់គ្រងបេះដូងភ្លើង
ភាគទី៥:ឱកាស
គ្រាំង!!> បន្ទាប់ពីក្រុមរបស់លោកឃូមីយ៉ូ ចាកចេញទៅ និងបិទទ្វាខ្លាំងៗនោះ អ្នកប្រុសអេឌែន បានដកដៃចេញពីខេតធី និងដើរទៅរកប្រអប់ថ្នាំ មកចាត់ការរបួសដោយខ្លួនឯង និងមិនមាត់.កអ្វីទាំងអស់ ។
“ខ្ញុំដឹងអាថ៌កំបាំងរបស់លោកអស់ហើយ…អេឌែន!” អ្នកនាងខេតធី ទោះមាត់និយាយកំបុតៗ តែភ្នែកវិញតាមសម្លឹងមើលគ្រប់ជំហានរបស់អេឌែនទាំងអស់ ។
“ចុះបើដឹងវាយ៉ាងមិច?” អេឌែន តបទាំងបើកប្រអប់ថ្នាំ យកទឹកអាល់កុលចាក់លាងរបួស លើប្រអប់ដៃមាំដោយឫកពារធម្មតា ។
“ស្បែកក្រាស់ដូចឆ្កែ!” ខេតធី អើត.ក លួចមើលពីក្រោយដោយទឹកមុខរអើម និងពោលតិចៗតាមបំពង់.ក ។
“ខ្ញុំដឹងអាថ៌កំបាំងលោកហើយ! លោកមិនភ័យអីខ្លះទេហ្ហេស៎?” អ្នកនាង បានដើរមកក្បែរគេ ជ្រាត់ចង្កេះបែបមិនពេញចិត្ត
“អ្ហេ៎! របួសធំយ៉ាងនេះត្រូវទៅពេទ្យដេរសិនទើបបាន” នាងនៅមិនស្ងៀមឡើយ ប្រឆាំងគ្រប់ទង្វើរបស់គេ ។
“ខេតធី!! នាងចេះដឹងស្អីនេះជារឿងរបស់ខ្ញុំ…ខ្ញុំពិតជាធុញនឹងនាងពេញទំហឹងហើយ…ខ្ញុំឲ្យឱកាសនាងម្ដងទៀត ឆាប់ចេញទៅ!!” អេឌែន បែរមុខមកសម្លក់អ្នកនាង ផ្ទៃមុខមាំបង្ហាញយ៉ាងច្បាស់ថាគេជិតអស់ភាពអត់ធ្មត់ចំពោះស្រីតូចម្នាក់នេះហើយ ។
“ហ៊ឹម…..” ខេតធី ដកដង្ហើមធំ
“រុំរបួសសិនទៅ ចាំប្រកែកគ្នាបន្តទៀត ខ្ញុំមិនចង់ឃើញលោកហូរឈាមស្លាប់ទេ….ព្រោះខ្ញុំមានរឿងច្រើនចង់តវ៉ាជាមួយមនុស្សគម្រក់ឯង!” នាងឈរឱបដៃ មើលគេ ហើយក៏គ្មានបំណងចង់ជួយគេទេ ។
អេឌែន មិនបានតប បានន័យថាគេយល់ព្រម គេក៏ចង់ដោះស្រាយរឿងជាមួយនាងដែរ បើមិនអ៊ីចឹងស្រីម្នាក់នេះនឹងមកបំផ្លាញគេជាក់ជាមិនខាន ។
ខេតធី កាន់តែឈរមើល កាន់តែទើសភ្នែក អេឌែនដៃតែម្ខាង ពិតជាពិបាកក្នុងការរុំរបួសឲ្យខ្លួនឯងណាស់ ។
“ខ្ញុំជួយ!” នាងជ្រួញចិញ្ចើម និងចូលទៅជួយ យកបង់ពណ៌ស មករុំរបួសឲ្យគេ ដោយតាមកាយវិការនាងមិនពេញចិត្តឡើយ ។
“ខ្ញុំមិនបានឲ្យនាងជួយទេ” អេឌែន ដកដៃចេញពីនាង ឱនមុខយកធ្មេញខាំក្រណាត់រុំ ជាជំនួយជំនួសដៃ ហើយខេត ក៏បណ្ដោយមនុស្សរឹងក្បាលនេះទៅ ដោយខ្ចិលតវ៉ាច្រើន ។
“មិចក៏លោកធ្វើការងារអាក្រក់ទាំងនេះ? លោកឯងចំជាមនុស្សបំពុលសង្គម” ខេត នៅតែនិយាយ មិនឲ្យស្ងាត់ទាល់តែសោះ
“បើមិនដឹងច្បាស់កុំនិយាយច្រើន”
“ខ្ញុំស្អប់មែនទែន អ្នកដែលធ្វើការងារខ្មៅងងឹតដូចជាលោក!”
តុកៗ> ទ្វារបន្ទប់ ក៏ត្រូវបាននរណាម្នាក់គោះ មុននឹងរនាំងទ្វារនោះត្រូវបានបើក កាត់ផ្ដាច់មិនឲ្យអ្នកនាងនិយាយអ្វីបានទៀត
“លោកអេឌែន…” ហ្សូរិច រៀបនឹងនិយាយអ្វីមួយ តែវត្តមានរបស់ខេតធី ធ្វើឲ្យគេត្រូវគាំងអណ្ដាត ។
“មិនអីទេ ហ្សូរិច! ខ្ញុំចាត់ការស្រីម្នាក់នេះបាន…ឯងទៅប្រាប់លោកពូអេនឌី រឿងរបស់ រ៉ូហ្វី.ជី ដែលយើងបានធ្វើការភ្លាត់” ទឹកមុខ អេឌែន ឡើងមាំចំហាយនៃការខឹងក៏ភាយមកតិចៗ តែខេតធី មិនសូវស្គាល់អ្នកកម្លោះនាងមិនដឹងពីអារម្មណ៍គេច្រើនប៉ុន្មានឡើយ ។
“បាទ! សុំទោសលោកអេឌែន ដែលបណ្ដាយឲ្យនាងចូលមក” ហ្សូរិច ឱនមុខសុំទោស មុននឹងបែរខ្លួនទៅវិញ គ្រាន់តែស្ដាប់ការនិយាយរបស់អេឌែន ក៏ដឹងថាភ្នំភ្លើង កំពុងតែជិតផ្ទុះ ។
“នាង!” អេឌែន បន្ទាប់ពីរុំរបួសហើយ គេក៏ហៅនាងដោយការសង្កត់សម្លេងយ៉ាងធ្ងន់ និងដើរទៅរកនាងម្ដងបន្តិចៗ
“យើងជួបគ្នាជាលើកទី២ហើយ ខ្ញុំក៏បានប្រាប់នាងដែរបើជួបនាង ខ្ញុំនឹងបង្រៀននាងឲ្យស្គាល់អ្វីដែលហៅថាឋានសួគ៌” គេបានលើកដៃ គ្មានរបួសមក ច្របាច់ក និងរុញនាងឲ្យអង្គុយលើសាឡុង មុននេះដៃគេឈឺ ទើបទុកឱកាសឲ្យនាង តែពេលនេះលែងមានឱកាសអីទៀតហើយ
“អាឆ្កួត! លែងខ្ញុំ!!” ខេតធី មិនចាញ់ងាយៗ នាងបានច្រានគេចេញ ស្ទុះទៅឆក់យកកាំភ្លើងខ្លីមួយដើម នៅលើតុទៅភ្ជង់គេ
គ្រឹក!> នាងពិតជាអរគុណដែលលោកពូឡេម័ររបស់នាងបានបង្រៀនឲ្យចេះបាញ់កាំភ្លើងការពារខ្លួន
“បើខ្ញុំគ្រាន់តែបាញ់លោក បែបគ្មានបញ្ហាអ្វីឡើយ ព្រោះប៉ាខ្ញុំនឹងដោះស្រាយឲ្យបាន”
អេឌែន ឮបែបនេះយកអណ្ដាតទល់នឹងថ្ពាល់បែបហួសចិត្ត ស្រីម្នាក់នេះបែបធម្មតាឡើយ ។
“នាងចង់យ៉ាងមិចជាមួយខ្ញុំ ក្មេងស្រីទើបនឹងធំដូចជានាង មានសមត្ថភាពយ៉ាងណាទៅ?” អេឌែន គ្រាន់តែឃើញដៃនាងញ័រ គេដឹងបាត់ទៅហើយ ថានាងមិនអាចបាញ់គេបានឡើយ ។
“ធ្វើជាមិត្តប្រុសរបស់ខ្ញុំ ខ្ញុំនឹងទុកជីវីតឲ្យលោក!”
សម្ដីរបស់នាង ធ្វើឲ្យអ្នកកម្លោះសើច នាងមិនត្រឹមតែប្លែកទេ តែនាងរោគចិត្តតែម្ដង
“ចុះបើខ្ញុំមិនព្រម!”
“ខ្ញុំនឹងប្រាប់ប៉ាខ្ញុំ ប្រាប់សាច់ញាតិរបស់ប៉ា ថាឯងរំលោភខ្ញុំ…នោះអាចង្រៃឯងនឹងចូលគុក!!” នាងស្រែកឲ្យគេខ្លាំងៗ និងបោះកាំភ្លើងចោល ទោះយ៉ាងណានាងមិនមែនទមិឡ ចេះតែបាញ់មនុស្សងាយៗទេ ។
“ប៉ារបស់នាងជានរណា? ហេតុអីនាងទុកចិត្តម្លេះថាគាត់អាចជួយនាងបាន? បើខ្ញុំប្រាប់ពីសវតាពិតទៅនាង នាងអាចចំហរមាត់ សុំអង្វរឲ្យខ្ញុំទុកជីវីតក៏ថាបាន”
“លោកឯងអីក៏សម្បើមម្លេះ?...បើខ្ញុំប្រាប់ថា ប៉ាខ្ញុំជា ‘យ៉ុងហ្គី អូសាកៈ’ ហើយក៏ជាគ្រួសារដែលជិតស្និតជាមួយនឹង គ្រួសារ ‘យ៉ាម៉ាហ្សាគិៈ’ ដែរនោះយ៉ាងមិចដែរ?”
សម្ដីនាងគ្រាប់ម៉ាត់ បានលាន់រំពងពេញខួរក្បាលអ្នកប្រុស ។ តាមពិតទៅនាងជាកូនស្រីរបស់លោកម្ចាស់អូសាកៈសោះ ចំជាស៊យមែន គ្រួសារនោះប្រៀបដូចជាសាច់ញាតិរបស់អ្នកប្រុសអ៊ីចឹង បើនាងយករឿងរបស់គេទៅប្រាប់ប៉ារបស់នាង គេនឹងយ៉ាប់ហើយ ព្រោះថាគ្រប់យ៉ាង រឿងជួញដូរអាវុធ អីហ្នឹងឪពុកគេមិនដឹងឡើយ បើរឿងនេះបែកធ្លាយម្ដាយរបស់គេក៏ស៊យដែរ ។
“យ៉ាងមិចទៅហើយលោក អេឌែន វ៉ាយ.ខេ…ខ្លាចហើយមែនទេ?” ខេតធី ដូចមានអំណួតលើខ្លួនឯងណាស់ សំអាងថាគ្រួសារនាងធំ មានខ្នងបង្អែកច្រើន អ្នកណាឮដឹងតែចំហមាត់ដូច អេឌែនចឹង ។
“ស្រីបិសាច! នាងពិតជាឃោឃៅណាស់ បើខ្ញុំសម្លាប់បំបិតនាង តើនរណាដឹង?” អេឌែន ចុងក្រោយដើរដល់ផ្លូវទាល់ រើខ្លួនចេញពីក្រញ៉ាំបិសាចលែងរួច ។
“លោកសម្លាប់ខ្ញុំ ដែលជាគ្រាប់ពេជ្រ របស់អូសាកៈ គិតឬថាលោករួចខ្លួន?….អូហ៍!មែនហើយលោកពូរបស់ខ្ញុំជាប៉ូលីសអន្តរជាតិទៀតផងណា៎ មុននឹងសម្លាប់ខ្ញុំ ត្រូវពិចារណាឲ្យមែនទែន” ខេតធី ស្រីស្រស់ញញឹមក្របួចមាត់ក្នុងនាមនាងមានប្រៀបជាងគេ ។
“ស្រីឆ្កួត! ខ្ញុំមិនដែលឃើញអ្នកណាបង្ខំមនុស្សប្រុស ឲ្យព្រមធ្វើសង្សារ ដូចជានាងឡើយ!” អេឌែន គ្រវីក្បាល បើគេមិនព្រម ច្បាស់ជានារីម្នាក់នេះ ទៅប្រាប់ឪពុកនាងជាមិនខាន គេជឿលើកែវភ្នែកឆ្នាស់ឆ្នើមមួយគូនេះថាហ៊ានថា ហ៊ានធ្វើ ។
“ពេលនេះលោកគ្មានជម្រើសទេ! ត្រូវតែព្រមធ្វើសង្សារ ទី៩៩ របស់ខ្ញុំ!!”
“ព្រះ!!” អេឌែន យកដៃទប់ក្បាល បើគេស្ដាប់មិនច្រឡំនាងមានសង្សារដល់ទៅ ៩៨នាក់ រួចទៅហើយ ។
“តែពួកយើងទាំងពីរ មិនដែលស្រលាញ់គ្នាទេ ពួកយើងទើបតែជួបគ្នាពីរដងតែប៉ុណ្ណោះ….ហើយខ្ញុំក៏មិនមានគម្រោងចង់មានសង្សារដែរ”
“មិនមែនជាបញ្ហារបស់ខ្ញុំទេ!....ព្រោះខ្ញុំជាប្រភេទមនុស្ស អាចស្រលាញ់តាមក្រោយបាន-”
“សម្រេចថាលោកព្រមជាមួយខ្ញុំហើយ!” ថាចប់ នាងក៏គ្រវីសក់ យកកាបូប និងដើរទៅរកទ្វារកញ្ចក់ដែលនាងចូលមកមុននេះ រៀបចំខ្លួនផ្លោះបង្កាន់ដៃចុះទៅក្រោមវិញ នេះបានដូចពាក្យគេនិយាយមែន ‘មកតាមណា ទៅវិញតាមនោះ’ ។
......
ចា៎! សូមអរគុណ សុំជំរាបលា 🤣