ميلان _العقارب

الــحلــقه_التـاســعه

بسم الله الرحمن الرحيم

بقلمي اسرار

روية: ميلان العقارب

ولو انك مو دمع ماضمتك
عيني ولو انك كحل
ماشالتك عيني يلوموني
واحسك تكبر بروحي
ويلوموني وانا بلا
شوفتك شينفعن
اعيوني يشوفي ورجوتي ودنياي
دنياتي ولوني وعذابي
وبسمتي وشكواي وضنوني
يخيعونك عليي وبيك خيعوني

«عقارب»
وتر: من بعد كلام طويل عن حالتي يم أمي وكلام مصطفى ألي يدك براسي وما مبينو انو الموضوع خطير بس من جابو طاري شيخ طفرت بذيج الحظه حسيتهم يكرهوني وصحت

: لاء كله جذب ذولي سحره دجالين

: انتي بس روحي

: كتلكم لاء مستحيل

: ظلو للصبح يقنعون بيه لحد ما كلت اجرب ما أخسر شيء اني ما اريد شيء غير اتخلص من الكوابيس رحت ثاني يوم بدلت ومن صعدت السياره شغلو قرأن لعبت روحي ما اعرف بذيج الحظه هاذا ألي حسيتة قربنه نوصل وكام راسي يوجعني وحسيت شيء بداخلي يگلي فتحي باب السياره وشمري روحج ولا تروحين للشيخ وصلنا ألبيت بابه مزنجر والبيت ناصي عبالك حفره دكو ألباب اكثر من مره وطلع رجال وجه بشوش

ومريح بس بذيج الحظه حسيته شخص مكروها واشوفه ابليس اتراجعت ليوره رجليه انشلن ما أكدر اطب للبيت واديه ترجف سحبني مصطفى من ايدي واني ارجع ليوره رجليه ما أحس بحركتهن كأنو شخص يحركهن مو أني ابد كمت اصرخ واصيح

..((عن حالة وتر-عقارب))

. تصرخ واتصيح

: عوفوني كتلكم ماريد رجليه ما أحس بيها

: نطقت هاذي الكلامات وستسلمت للضلام دخلولها للبيت كعدوها على كرسي وبده مصطفى يتكلم عن حالتها كام الشيخ حط ايده على رأسها انفتحن اعيون وتر ولونهن ألأبيض وجه الشاحب وجسمها اليرجف كامت من الكرسي وشالت مزهريه وذبتها على الشيخ كضها مصطفى وخلها على الكرسي وقيدها وما أسمع غير صوت الصرخات بصوت خشن والطلاسم عافها الشيخ وهيه غايبه عن الوعي

وتر: ما احس غير أني وكعت من مكان عالي كلش بغابه كمت اتلفت وباوع يمنه ويسره وعيني بيها لمضه باوعت ليجوه واشوف بزازين بلون اسود داير مادايري كمت اصرخ واصيح طحت بلكاع والبزازين كلها صارت عليه وأخر شي صارت بوجهي ابنبه شكلهااا ايخوف صرخت ما ماوزنه حركتي اتغطت اعيوني بلضلام فزيت واني كاعده على كرسي

. عاف وتر وصاح علينا كعدنا يمه وبده يتكلم لازم تصلي وتتقرب لرب العالمين اهواي أمور ما اذكرها بتفاصيله استمرينه بلرقيه على وتر يم الشيخ بدت حالته تتحسن للئفضل بس الحلام المزعجه متخلص

**

وتر: اطفر علي بيوت ما اعرفها مادري اذا طلع واحد وشافني

تصير عشاير احنى فصلنا مليارين...

طفرت على أخر بيت وباوعت لهدير واشوف هدير صافنه وراي باعوت ليوره وانصدمت صدمه لم ينصدمها العلاماء من قبل واني اشوف قطب وراي يباوعلي ويخزر سمعت همسه

: هيه هاي العايزه اطفرين على بيوت

: بس شفته حرك رجله طفرت ركض على البيت الكدامهم ضليت واكف على البيت تقرب وانتجه على الستاره مال البيت وگال

: حسابج بعد اشوي اصبري منا اختج

: هوه اني سمعت كلماته واني فزيت على عيطت هديى وهيه تگول

:ولجج اجه مممصطفى

: درت وجهي بسرعه واشوف سيارة مصطفى ستوها نزاله للفرع وكدامي خمس ابيوت الحك اطفرهن قبل لايشوفني سويتهن شبختين وما اسمع أله ضحكة قطب شعلوها. واني على أخر بيت زلكت وعطت بصوت. اخخخ ما اشزف أله هدير سحبتني من رجلي وطفرنه على بيتنا ونزلنه على أخر بيه وانشوف مصطفى گاض احزامه ويباوعلي طفرت هدير من يمي واني وراه طبينه للفرفه وقفلنا ألباب وأسمع صوت صياح مصطفى واصل لسباع جار كمت أكل بضافري شكله حيل متعصب اندكت الباب بقوه وصاح

: وحق علي اذا ما تفتنحها اجنزجن

: طفرت على الباب وصحت وزدت الطين بله

: شسوي سوي ما افتحها. ما احس أله الباب اندفرت وانكسرت رحنه على الجرباية هدير طبت بحضني اعيونه اشوفها دم حمر طفرت من هدير وصحت

: الدخول في حالة الأفتار. ما أحس غير الحزام طبع على ايدي

: انعل ابوج لبو الأفتار

: تصخير الأرض. ما اشوف غير طفر عليه وعتني من شعري وگال

: تعيديه

: أي

: اندفعت واجه حزام هم علي ايدي ورجع جرني من شعري وصاح

: تعيديه

:no

: من شفته اجه على هدير دفعته وصحت لهدير

: طفري بريشاتج

: طفرت هدير وطلعت من الغرفه شمر الحزام عليه اجه بضهرها صاحت كمت اباوع بعيونه وهوه خازرني ردفت

: راح اقدم بلاغ عنف أسري. كلت هيج وطفرت للشارع طلع يركض وراي لفيت وجهي وصحت

: أرويك نجوم الضهر مال تلطعش سنه اعلمك

ما أحس أله انصدم بشخص صحت بدون ما ابواع. ثول حتى ثول. باوعت منو وانصدمت منزل راسه وخازرني گرصني بزندي   وصل مصطفى يمي كضني من زندي بقوه وصل يم قطب وگال

: هلا شلونك قطب

: هلا عزيز

: باعوت بوجه قطب ألي خازرني حسيت مصطفى حس أنو هوه خازرني ايد مصطفى انطبعت بزندي صحت

: هدنيي ما اشرد والحمزه. حسيت ايده رخت واندارو خازريني اثنينهن كلت بصوت هادء وعيون بريئه

: ههلو. عفتهم اثنينهم وطفر للبيت وسديت الباب صارت إمي بوجهي لازم الشحاطه رجعت ركض فتحت ألباب وطلعت اگباله اجت الشحاطه بضهري صحت

: عنف أسري اقدم بيك بلاغ باوعت لسيتره مصطفى بيها السويج خوش مال تفحيط صعدته وطلعت صوت بيها من سمع صوته مصطفى عاف قطب واجه عليه قفلت الباب باوعليمن الجامه خازر عيبت علي وسقت السياره هوه زلك لان جان منتجي فتحت باب السياره نزلت ورفعت ايدي وكلت

: الخروج من حالة الأفتار . اجه مصطفى عليه سحبني وطببني للبيت وما حاجني أبدد كعدت بلبيت صبته أمي أكل أكل رفع راسه وگال

: هاي الدولمه من يا مطعم

: باوعتله أمي وكالت من مطعم وتر . من سمع أسمي نزل رسه وكمل أكل طب يايسن يصيح

: جوعان ما عدكم أكل يهل الخلگ رحموني

: هم صبتله أني ضاكهه وگال

: من يا مطعم

: من يا مطعم

: وتر سوتها

صوفر وصاح

: خرب بخوج تخبل

: كفخه مصطفى على ركبته غص بلكمه وشرب ماي

: هاي انت اهنا

: لا طالع

: جا كمل طلعتك

. گال هيج وسحب جدر الدولمه وداس بي كمل ودفعه وصاح

: احنه جاين علمودكم مو علمود الأكل

: چا هاذا ياهو أكله

: مو اني مو اني خاف غيري

: اي صدك مو انته. گام مصطفى لغرفته كمت اني ادور على هدير شفتها نايمه جوه الدرج غافيه سحلته منشعرها فزت گبل كلت

: اطيح الكتله بي وانتي ناميه اشوخرين

: غير انتي گلتي اشردي برياشتج كلت أنام شويه

: واني اشبع حزامات

: عود ألمره الجايه أمي احميج

: روحي اطي أكل للحصنه

: مابيه حيل

: يبوووووو

: يايايا شبيج

: مو ألله سبحانه وتعالى يگول ارحمو من في الأرض يرحمكم من فلسماء

: شمسويه أني كاتلته

: روحي اطي أكل

: راحت تنطيهم أكل واني كعدت بلصاله جني طنطل كمت لغرفه أمي لكيتها نايمه دحست روحي بحضنها فزت وباوعتلي وابتسمت ردفت

: شحاطتج ظلت بشارع

: گومي جيبيها

: ختولي أني اشتريلج غيرها

: منيلج فلوس؟

: من حيول أمي

:كفختني على راسي وگالت

: شلون اطفرين فوك البيوت

: غيرت جو

: جا تغيرين جو اطفرين على السطوح

: عادي

: لج ماما عيب ميصير

: العيب بلجيب

: ضحكت بصوت عالي وگالت

: تدرين بروحج اجفصتي بلبنج

: أيي الله عليج گولي

: اول ما صحتي على مصطفى

: أي

: بعدين گمتي اتغنين حياتي روح ياحبي

: معشوقتي ساريه السوس

: ليش اتحبيها

: اغانيها حلو

: ليش ما اصلين

: مادري

: لازم اصلين.

: ما أكدر اكو شيء يمنعني

: الشيطان شاطر

: ادري

: ادك الفجر ادكومين اصلين منا واجاي

: تمام. اجة هدير دحست روحها بينه غفيت على كباوس مزعج كلش نفس البنيه الأحلم بيها دوم كمت الفجر بصراحه خفت أصلي فكمت طالعه للحمام وصل يم باب الحمام وفجأئه انسحبت من ايدي وأنحطت ايد حل حلڪلي فحت اعيوني وباوعت بوجها

: أمم مطور الوضع صايره اطفرين على البيوت

: دفعت ايده وردفت.. انتَ اشطببك اهناا

: ألباب

: روحح ليطلع احدد روح

: التفتت على صوت وأشوف مصطفى طلع للحمام......

رتديت ليوره من سمعت صوت فتح الباب الزكت بلحايط بلركن طب عمي بيده حزام گلت بصوت مشحرج

: عمو والقرأن هوه ألما. ي طاح عليها

. ما احس غير انشاليت من شعري كمت اصرخ طبت مرت عمي بيدها احزام كضني من اديه ضربتي على بطني بلحزام شاغت روحي وصرخت من كل كلبي وحسيت النفس انگطع بيه وكمت أحوال اسحب النفس أجت الضربه الثانيه شهكت وصرخت كوه انضربت بوجهي وطحت بلكاع دفرني عمي كمت أبجي بدون صوت ما أگدر لا أحجي ويلا اسحب نفس حسيت مصارين بطني تگطعت رجع دفرني شهكت بنفس گوه وحلگي نفط دم وخشمي هم گضني من شعري ولزك راسي بلحايط غوشن اعيوني وكمت اشوف الواحد اثنين طحت واني اشوف مرت عمي تباوعلي بشماته واخر كلمات سمعتها من عمتي هيه

: لو ذاك اخوك مخلينا نبيعها ويه ذيج السا*قطه

: ماحسيت بشي بعد غير ان صيطر على اعيوني الضلام وجفني بدون ما احركه نزل وحده ما صحيت اله على شيء طفرني ونسيت الألم كله بت عمي وكافه وكاضه سطل الماي وتحرك بيدها وتأمر

: كومي لج صار ساعتين نايمه ما ألج وجبه غده وريوك وعشه ربع خبزه مفهوم

: سكتت حيلي رايح رجعت عاطت

: مفهومم

: أي اي أمري. عوجت حلكها وگالت تباوع بشمأزاز

: نضفي غرفتي قبل لا اجيسين شي بدلي هل خرك العليج وغسلي اديج بمعقم

: سكتت وطلعت بدلت وغسلت اديه ورحت لغرفته كوه أمشي اروح مناك وأجي مناك وغرفتها قبل لا يضربني عمي نضفتها ومسحتها صايره عباره عن كومه زباله ملابسه مشمره حتى بسطل الزباله والكاع عليها مرك وجياسه حلويات والمريه مرسوم عليها بلحمره والبرده شاكتها بلمگص من الطول للطول والكنتور بيابنه مشرعه وطايحه منها ملابس ولناي والصواني والمواعين كتلكم عباره عن كومه زباله بدست انضف وعرج وراسي يوطعي وكل شويه اطيح والزمشي استند علي كملت جبت سطل ألماي وكمت امسح دخت وكعت على الكاع وخليت ايدي مسند على الكاع حسيت شي تحرك يمي رفعت وجهي وطاح عليه ماي الوصاخه الأمسح بي عصرت الوصله البيدي ورفعت وجهي اشوف عمتي وكافه فوك راسي رجعت گالت

: الحديقه ولطارمه تنغسل وغرفتي أني انضفها ما أهلي هيج قذاره تلمسها

. تحجي وتأشر عليه

: والصاله من الطول للطول تنغسل والقنفات تشيليها وتغسلين جواه

: تمام

: عبالي عدج حجي يله ولي لج ضاله على گلبي

: غفتها وكمت جبت وصله ثانيه ونشفت الكاع ومسحتها طلعت الصاله ادرفع بلقنافت واني ادفعهن رعفت ايدي وباوعلها كلها كدمات وأضافري ألي مشخطه من يم الجلد وصايره كلها تجاعيد من ألماي عفتهن وكملت تنضيف كملت رجعت سبحت وبدلت ورحت لعمتي كتلها كملت بوعتلي وعاوجه حلكها وبتها بحضنها.

: امبارك فالحه بيج بس بهاي

: ما اهتمبت ستحي طبت للصاله راحت للميظ جابت كلنس ابيض وخلت ومسحه وباوعت للكنس هزت راسه بأعجبا ما اشوفها أله نزلت للكاعت وخلت الكليسن على الكاع ومسحته ورجعت رفعته ذبت الكلنس عليه وگالت

: ذبي بلزبل

: ذبيته ورجعت فتحت المحزن وكعدت بي وبنطي موتتني جوعانه كمت وگلت بگلبي هيه خربانه خربانه لو بلهدف لو بلنجف. طلعت كم المخزن اسحب طبين للمطبخ فحت الثلاجه اخذت منها برتقاله وحده هاي عمتي النحيسه تحسبهن وحده وحده هيه وبتها اهءت كرصت خبز وطبيت للمخزن اتنفست براحه وكعدت الف خبز وبرتقال خلصت حتة الكشور اكلتها صفنت على دنيتي وين ودتني من طلعت ويه عمي وابوي وبت عمي وسلمونا لاناس منعرفهن ورجع ابوي اخذني ومات هوه وعمي وهسه ابيت عمي انفتح الباب طبت مرت عني شمرت علي نص خبزه وطلعت باعوت للخبزه وكلت اضمها لان بليل يكتلني الجوع ضميتها بمكان شويه بارد ولو هوه المخزن كله بارد كعدت بفراشي وتغطيت وغفيت بسابع نومه كعدت الصبح طلعت من المخزن ورحت للمطبخ

لگيته مگلوب گلاب اماعين حتى انعول بي تكرمون

عموم بديت انضف. شلت ألماعين كلها كومتها على السنك باعوتلهن وانهد حيلي كمت أجلف ورجع ليوره بقن خمس أماعين خليت ايدي على ضهري تلمست ضهري بي اعضام العمود الفقري من الضعف ابتسمت نص خد وشلت ألمواعين اسطر بيهن شلت تلث أماعين وبدون ما انتبه عثرت صرخت وطاحن من أيدي طاحت ايدي على الكزاز طبت بيها الكزازه نصها
ما أحس غير عيطه عليه

: بت القندره أنتي تكسرين أماعيني الفاهيه الساقطه

: شلت ايدي ابجي كضت ايدي ورصت الكزازه بيها صرخت وكمت اطفر من ألألم رجعت سحبت أيدي وشلعت الكزازه صرخت وكعت بلكاع أبجي واصرخ ضربتني براسي وصاحت

: صوتج لج جنج ****

: شلت ايدي المجروحه وخليتها على وجهي انجتفت من وراه باوعت هاي تغريد ادموعي عفى خدي والدم مالي وجهي من دم أيدي راحت عمتي على المجر طلعت شوكه وشغلت النار ابواع لبنلر وهي تلهب والشوكه صار لونها جمر حمرهه تقربت عليه وسحبت رجلي رصت الشوكه بيها صرخت صرخه طلعت من گلبي كمت اصرخ وتغريد تسد بحڪلي وامه تشفر عليه لان اصرخ عافني مطروحا على الكاع ومشت الألم ياكر برجلي وايدي روغم ماعون هوع شنو قيمته ظليت بلكاع وغط على اعيوني السواد لحد ما كعدت وجهي عركان وكمادات فوك راسي وسها يمي ورجلي ملفوفه وايدي نفس الشي باوعتلي بتعب اكثر من حالي هيه وجها مشكوك من الطلول للطول وايدها محتركه كلها رفعت اعيونها عليه وگالت

: ستوها طلعتني والله مجنت ادري هيج مسويه بيج

: صوتي ميطلع حوالت أحجي ماكو سها طول عمرها ادافعلي وحرك ايدها بسببي جانت بلترك محبوسه باستني براسي وگالت

: لو تمشين وراي ميصير كل هاذا

: هزيت راسي نافيه الموضوع كخيت حيل ربتت على ضهري گلت.احجيلي عن عمامي

: منين أبدي احجيلج عدنا اربع عمام الأبهر وفرقد و وفاروق. وهاذا عمي رافد. كلهم عارات جانو يشتغلون بتجارة****** ويشتغلون تجارة السلحه ويبيعون بنات وصلت بيهم يبعوعن بناتهم ألي انباعن وتر بت عمي أبهر ورهف بت عمي فاروق وأني هم بت فاروق واتي بت فرقد اني هم انبعت بس بوكتها رجعت وراه سنه عمي ابهر رجعني خلال هاي السنه

جانو يعذوبني اني وتر بس اني جنت حيل أتذه وتر متحس من يجون دكوم تفر بيهم السجن فر يكضوها تلاثه يالله يكدرون جانو يجيبون سجينه صغيره ويخلونا ابطن وتر تصرخ صرخه بصت ناصي بس اتعصب واتبقه تصيح عليهم وتفشر جانت صغيره كل عمرها 13سنه وجانت رعد عليهم يطيون اربعه بش علمود يطلعوها من السجن تدرب بده رجال يمكن اذكر اسمه اهاا اسمه قطب يلقبو ريس.....

يتبع...... ✍🏻

بارت خفيف لطيف +بدون تعديل

شتگولون انزللكم شبيه قطب؟

(احبكم گليباتي)

تابعني اهنا انشر گلشي گليباتي