مـساء الخيـر ♡
.....................
ألـ غضب 🦅
.....................
البـارت الخامس عشر
.....................
بـقـلـمي انا كــوثــر الـ جـاســم
.....................
لتنسـون الايـك
متـابعـه الحسـاب
التعليـق بيـن الفقـرات
.....................
( كسر )
رنا : يله اميرررر شنو السالفه
امير : رنا من حبلتي تخبلتي تدرين ؟
رنا : اميرررررر طلع النتائج بدون كلام لا والله اطلع سواديني عليك
امير : هيا شسم مدرستجن ؟
رنا : عفيه امير عفيه نسيت اسم مدرستي
ميرا : يمعود اسمها ( الاسم )
امير : هاي لكيتها ءءءء ميار امداج " 91 "
ميار : هوووووووووو لك شنو امداني عزه اريد اركصصصص
ميرا : مبروك
رنا : يله اميرررر
امير : يمه هاي من حبلت تخبلت تدرين ؟
ام امير : اميرررر عوف رنا لتضوجها ويله شوف الدرجات
امير : ابنج اني ابنج يا ضالمه الك الله يا امير
ميرا : يله اموري حباب
امير : ميرا معدلج " 97 " كفوووو منج
ميرا : ياااااااي اميرررر صدك ؟؟؟؟
امير : والله يله وخري خلي اشوف رنا
... رناااا لج شنو هاي شمصخمه غووويث يطيح حظج
رنا : اهووووو امير احجي راح اجيب
امير : دهر دهرجن مو بنات ضيم معدلج " 93 " اني طلعت 90 اجيت اذبح غويث لوجه الله ههههه
رنا : يايييييي خابر غيث خلي اكُله شوف شطلعت
( خابرنا غيث اول مفتح خط صاح )
غيث : الله يطيح حظج رنا شنو هاي درجتج بالرياضيات هااا فضحتيني
رنا : المهم معدلي يخبل
غيث : ايييي يخبل عشق مأخذه بالرياضيات ميييه
رنا : عزااااا العزاهااا هاي حتى الترك مجاوبته ههههه
امير : شكد معدلها ؟
غيث : " 85 : 99 "
رنا : واووووو معدلها فدشي
ميار : والبنات ؟
غيث : ملاك هم 80 : 99
رنا : شنو سالفتهن يتسابقن هههههه
غيث : غير معدلاتهم تخبل خلي امير يطلعهن يله اروح انام ولوو
امير : ولى تولك الخايس شكد خايس أخوج
رنا : اميررررررر
امير : سكتتتتتت
رنا : احسن
.....................
عشق :( صار وجها اصفر والموبايل وكع من أيده وكع على ركبه وشفته ترجف شلون واحد حيله باد فهد بصفه ويا وكعته دنك عليه وكله )
فهد : شبيك زيون منو اتصل عليك ؟
( سحبت الموبايل منه وكل جسمه يرجف )
... الو
... هلا اخوي
فهد :( باوعت على الرقم رقم صكر جا هذا منو كتله )
... منو حضرتك ؟
... صاحب الجهاز سوه حادث على طريق ( الاسم ) وتوفه
فهد : شنييييي شلوووون وهوااا وين هسه أنتَ وين احجيييي خويه الخاطر مُحمد احجي
... والله يا خويه ما ادري اجت الإسعاف اخذته المستشفى ( الاسم ) وجهازه واكع بعيد من السياره وكلت أخبركم
فهد :( اعضائي كلها وكفت اباوع بالوجوه كلها صافنه تريدني احجي بس ما اكدر الساني انعكد مديت الموبايل العلي )
علي :( اخذته من ايده شفته رقم صكر جا شبيهم ذول )
... ها صكيرر شكو ؟
... اخي شني الموضوع
علي : هلا خويه والله ما ادري بس هذا مو رقم صكر ؟
... اي خويه الولد سوه حادث على طريق ( الاسم ) وأخذو المستشفى ( الاسم )
علي : شلوووون شوكت ؟ زين ابقه بمكانك راح اجيك
... اتمنى تستعجلون لأن عدي شغل
علي : إن شاء الله مسافه الطريق
عباس : شكو !!
فضل :( بقيت افرك بيد زين الصارن ثلج ودموعه تنزل كال بحس رايح )
زين : جذب ما راح
فضل : احجي شبيهم علي شو صوفرتو ؟
الشيخ : هسه غير واحد يفهمنه يا بويه
علي : صكر مسوي حادث وناقلينه للمستشفي
عشق :( كلها انتفضت بالصريخ ساره تخربطت لأن حالتها الصحيه تعبانه علي صاح )
علي : مابيييي شي لا تفاؤلون عليه فضل روح الشارع ( الاسم ) أنتَ وحسن جيبو موبايله ومستمسكاته من الرجال
زين : بس كلي ماتتت تعرف شنيييي يعني كلمه ماتتتت يعني بعد ما اشوفه تتخيل يمر يوم وانااااا ما شايفه هااااا شلون اعيش ؟ ما فكر بيه ؟؟؟؟
علي : لا اله الا الله امشو نروح للمستشفى إن شاء الله زين ادعوله
ام فهد : أخذني وياك عمه علي لا تعوفني اموت والله
علي :( حضنتها وكتلها )
... مابي شي واحنا رايحين شيصير انا اخبرج ارتاحي
ام فهد : شلون ارتاح ووليدي راح يروح منييي ليش هيج يممممه صكررررر
ريتاج : اروح وياك فهددد حباب
فضل :( لازمه فهد تتوسل بي وهوا كاعد بالكاع روحه رايحه سحبتها وكتلها )
... لبسي انا اخذج وياي
علي : فضل وين ماخذها والمستشفى راح تنترس زلم
فضل :( عضيتله شفتي وكتله )
... انا احلها ابو الأكبر
علي : لا اله الا الله يله محمد وايليا كوموهم هم يله نطلع
ريتاج :( ركضت فوك وانا أبجي لبست من فاطمه وطلعت بسياره فضل وحسن بسيارته )
عشق :( لحضات حسيتها سنين كل الصار وانا واكفه ما ادري شلون بس دموعي تنزل وكلمه مات ترن باذني )
ام عشق : امي عشق ماما حبيبتي
عشق : ماما صكر مات يعني ما نشوفه بعد ؟
ام عشق :( حضنتها وكتلها )
... لا يمه اسم الله مابي شي
عشق : ليش ما اخذوني ارد اروح
ام عشق : تعاي ماما هسه يجون
عشق :( ساره نايمه على القنفه منتهيه وكل واحد بجها يصرخ والكل لازم موبايله نريد خبر يبرد گلوبنه المشتعله نار )
.....................
فضل :( شهكاتها شكن صدري شك كتلها )
... كافي بجي جماره گلبي كافي مو مردتي الگلبي وحك علي
ريتاج : صكر راح لا والله اموت وراه لحد يكول هاي الكلمه فضل
فضل : لا اله الا الله مابي شي يا عيني ريتي هاج مسحي دموعج
ريتاج : والله اموت وراه والله هذا صكر ابو گلب الحنين هذااا صديقي ما اتحمل بدونه فضل سمعت زين شكال ؟؟؟
فضل : اسم الله عليج بويه اسم الله لا تحجين هيج
( وصلت المكان الحادث اتصلت بموبايل صكر رد الرجال اخذته منه وتشكرته اباوع على سيارته سياره سباق كلش حلوه ما صار شهر من اشتراها صايره قوطيه ببسي إذا يشوفها يتسودن كله ولا سيارته هوا شكد عاند وشتراها )
صكر : فهدددددد حباااااب
فهد : صكر ماكووووو ما صار شهر من غيرت سيارتك ادري كاعد على بنك أناااا
صكر : فهوووود شبيك هسه اليشوفك ما يكول المعارض مالتك
فهد : صكر إذا تبقه كلساع تغير سياره بحجه احنا اهل المعارض نخسر وليدي
صكر : بس هاي المره اخر مره
فهد : ماكو صكر
علي : خيركم ؟
صكر : علي حاجي اكُله اريد سياره ما يقبل
علي :( عقدت حواجبي مستغرب اول مره يرفض طلب الصكر كتله )
... ليش ؟؟
فهد : علي يريد ( سياره ) وتدري سرعتها شني وهوا سياقته شني ف ماكو ما مستعد اخسره
صكر : والله اسوق سواقه مال اوادم
علي : هههههه تدري بروحك سياقتك مو مال اوادم ههههه روح انا احاجي
صكر :( كمت وكتله )
... اقنعه ابو الأكبر اقنعه فدوه رحتلك
علي : إن شاء الله
( دزلي بوسه وراح كتله )
... من شوكت ترفضله طلب ؟
فهد : علي غلط غلط جبير كبر صار بكد الثور وبعده معتمد عليه ما يحس بالمسؤليه ابد واليريده لازم يصير واليطلبه لازم يتنفذ ما يصير بأجر عكبه يتزوج هم انا اصرف عليه أنا ما عدي مشكله بس انا ما دايمله وسيارته كل شهر يغيرها ما يصير هيج انطيته عين هواي وهوا تماده
علي : أنتَ علمته
فهد : هوا انا مطلع عينه انوب يريد يجيب ( سياره ) مخبل اجيبها اله غير ثاني يوم يموت
علي : من صغير شيريد يلكا ف مو هسه جاي بسرعه ترفض طلباته لا كله اجيبها بس ما تسوق سريع شويه شويه الحد ما يعتمد على نفسه
فهد : الله كريم
علي : بعد المدلل لا تضوجه
فهد : أن شاء الله ابو الأكبر
صكر : يممممممه يماااااي يووووم حجييييه اميمتي
ام فهد : خير يمه شصاير ؟
صكر : ابنج شكني يمه
ام فهد : يا فهد شبي ؟؟
صكر : ما يقبل ينطيني سياره
ريتاج : مو صار شهر من اخذت سيارتك ؟
صكر : انجبي لا اركعج
ريتاج : دروح
صكر : خاااااب والعباس اكوم اكسرج بس مابيه حيل
ريتاج : اوووووي خفت
صكر : الله يساعد الياخذج نتمنى يسامحنه
ريتاج : خيروح وين يلكه مثلي
صكر : اي مو انجلينا جولي
ريتاج : ومنو هاي اصلا بس المهم انا اخت فهد وحفيده غضب يكفييي
صكر : ادري فهد الأمير وليم وغضب صاحب القصر الملكي ما تنجبين
ريتاج : فهددددد صكرررر يحجييييي عليك
صكر : فهددد صكررر يحجييييي عليك تسوي روحها بنيه كوه امداج اكوم أسبح وهذااا ابنج إذا ما جابلي سياره بالعباس انتحر
فهد : صكرررررر
صكر : ها
فهد : شني هل كلام !!!!!
صكر : شني !
فهد : اكعد
صكر : اي
فهد : راح انطيك السياره بس والله يا صكر إذا تسوق سريع تنسحب منك وبعد ماكو سياره طول عمرك خوششش ؟؟؟؟
صكر :( حضنته وكتله )
... خرررررب شكد احبك
ريتاج : والأمير وليم مو احسن منه
صكر : ياهو هذا ؟
ريتاج : هههههه واحد ما تعرفه فهددد وانا شوكت تعلمني سياقه
فهد : كملي امتحانات وخل تطلع معدلاتجن وبعيوني اعلمج بس كون معدل عالي
ريتاج :( حضنته وكتله )
... يمااااااي شكد احبك
فهد : يله كومو ريتاج صبي الغده وانتَ روح أسبح
صكر : ونجيب السياره ؟
فهد : اي
صكر : هلااا لك اعشك ربك
فهد : هههههه
ريتاج : فضل أخذني الصكر
فضل : يا عيني المستشفى مليانه زلم شلون ترحين ؟
ريتاج : حبااااب اريد اخوووي
فضل : والله اخذج بس خل يكعد هسه ترحين شتستفادين ؟
ريتاج : بله صار بي شي
فضل : لا عيوني مابي شي لا تفاؤلين عليه
ريتاج :( رجعني للبيت دخلت الغرفه صكر ابجي بحرگه وانا اشوف صوره ماليه الغرفه شكد يحب نفسه يا الله )
.....................
علي :( وصلنا للمستشفى سألنه عليه كالو بالعمليات وكفنا بباب العمليات ما قبلو طلعتلهم الباج سكتو اباوع عليهم كل واحد شايل هم أكبر منا وزين كل جسمه يرجف وفهد مدنك ما رفع رأسه ابد أقل الساعه وانترست المستشفى جماعته وكرايب وصكر بالعمليات ومحد ينطينه خبر عليه اجه فضل كعد بصف زين وحضنه )
فضل : زين
زين : جبت موبايله ؟
فضل : أي
زين : جيبه
فضل : هاك
زين :( فتحته مخلي صورتنه انا خانكه واضحك وهوا مطلع السانه وحاول عيونه بجيت وكتله )
... كوووم الخاطر ضحكاتنه صكير لا تكسرني عرسي بعد كم يوم لا تكسرني صكير احجييييي ويايييي مو احجي وياك انا
فضل :( حضنته وكتله )
... هسه يطلع كلشي مابي زين هذا صكر ما يعوفك لا تخاف مو كلك للموت وياك ها ؟
زين : اي اي هوا وعدني , اذا يصير بي شي اموت والله
علي : فهد اشرب ماي
فهد : علي كلشي ما اريد اريد اخوي يطلع بخير خل الله كلشي ياخذ مني بس صكر لا صكر وليدي الله ياخذني انا انا بسببي انا انطيته السياره الله ياخذني
فضل :( كل واحد بصفحه ايليا ومحمد كاعدين على جهه ومدنكين يبجون حسن مخلي رأسه على الحايط وعلي يفرك براسه وكلساع يدير وجها وعيونه حمر جدي مخلي رأسه على العوجيه عمامي كلهم مكسورين منتضرين خبر على صكر والخوف مبين علينه الفقدان صعب حيل ومجرد كلمه مات تفتح الف جرح بينه )
.....................
عشق :( مرت ساعه وساعتين وثلاثه واحنا على فرد بجيه امي صاحت )
ام عشق : كافييي بجي كومن صلن وادعلى يله امي كومن حبيباتي
عشق : يله سوسو حبيبتي كومي
ساره : ما اكدر ما اكدر
عشق :( عفتها وصعدت توضيت وفرشت السجاده اول مره افرش سجادتي واشكي الربي بدون فرض صلاه ارد احجي ويا ربي اريد اشكيله من الجاي يصير ويانه ليش هيج جاي يصير ختمت دعائي )
... يااااا رب اهلي امانه عدك
.....................
مرتضى : كرااااااار لك كراااار
كرار : ها
مرتضى : صكر مسوي حادث وبالمستشفى
كرار : شووووكت ؟؟؟
مرتضى : هسه صاحبي خابرني راح هناك يكول الولد بالضيم وصكر واصل للموت
كرار : لا حول الله البس خل نروح
مرتضى : اي استعجل منتضرررر أنتَ هم
منتضر : ايييي
.....................
فضل :( خمس ساعات يله طلعو مو صكر النعرفه ريتني ميت ولا شايفه وجها رايح كله اديه مجبرينها صدره لافينه ما مبين شي منا ولا عبالك هذا صكر ابو ضحكه زين شافه وصاح )
زين : لك صكر شني هاااي لكم شوفو ولكم وجها لا لا هوا يحب وجها ليش هيج مسوين بي صكررر حبيبي اكعد مابيك شي مو حاجينيييي حاجيني صكر
فضل :( الدكتور صاح " ابتعدو " ابتعدنه ودخلو للعنايه باوعت الفهد ابد ما كام بس يباوع )
فهد : علي عيني خل أشوفه
زين : فهد وجها وجها خربان لك يتسودن كلشي ولا وجهااااا يتخبل صكر
( كعدت بالكاع ودموعي تحركني حرك وانا اتذكر )
صكر : خرررررب زييييين وخرررر لا تخرمششش خربتتتت وجهييييي الخايسسسس
زين : هههههههه اعرف نقطه ضعفك
صكر : دولي وليييي
محمد : ثول جنك مره تخاف على وجهك
صكر : اي احسن ما اخاف من التراب ههههه
محمد : انجب ما اخاف بس جسمي يكزبر
صكر : اي اي وانتَ وخر خربت وجهي ابن القندره
زين : لك فضل اموت انا وعلي من ينجرح ويصيح ااخ گلبي يوجعني وينعصر لك يصيح اااخ انااااا اتاذه مو هوا وهسه وجها شصاير بي شلووون شلون يشوف وجها هااا فضل شلون شنكله شلون نواجهااا
فضل :( حضنته وكتله )
... فتره ويطيب اهم شي طلع سالم
زين : ما يتحمل صكير ترف ما يتحمل
.....................
علي : ممكن اعرف حالته ؟
... ابد ما تبشر بخير
علي : ليش ؟؟؟
... ما اكدر احجي عن حالته الحد ما يصحى
علي : وشوكت يصحى ؟
... الله كريم احتمال يدخل غيبوبه
زين : شتحجيييي انتَ شنيييي غيبوبه واناااا ابقه وحدييييي شتكول أنتَ هوووووا ما يعوفنييي ما يكدررررر صكررررر كوووم
فضل : اكعدددد زيييييين شكراً دكتور
.....................
ملاك : ريتا انتِ هنا
ريتاج : اااااخ ملاك اخووووي راح صكررررر راااااح
ملاك :( لازمه تشيرته تشم بي وتصرخ كعدت يمها وكتلها )
... خابرو وكالو طلع من العمليه
ريتاج : كوووولي والله عليج الله صدك
ملاك : والله
( حضنتني وهيا تشهك وتبجي وتحمد الله )
.....................
فاطمه : طلع من العمليه
عشق :( سحبت نفس وسجدت اتشكر من رب العالمين رفعت راسي وكتلها )
... الحمدلله
فاطمه : خفت حيل وخايفه على زين تعرفينه شكد متعلق بصكر يتخبل عليه
عشق : إن شاء الله ماكو شي حبيبتي
فاطمه : أن شاء الله
عشق :( خابرو كالو داخل " غيبوبه " رجع عزه للبيت مر يوم ويومين وماكو والولد ما نشوفهم ابد اجو غيث وامير وليث بس ليث عده شغل رجع وبقو الولد هم بالمستشفى محد راحت للمستشفى لأن جماعته وشيوخ وضباط علي يكول " ما تفرغ " وعمه ام فهد بالضيم والبنات نفس الحاله حتى الاكل كطعنا ضلينه شهر وايام على هاي الحاله تعبنا حيل وصلنا للموت وفضل يكول زين وفهد حالتهم اسوء من صكر )
.....................
فضل :( كاعدين بالممر هاي كعدتنه صار شهر ومدري كم يوم نوصل المرحله نفقد الأمل بس يرجع بكلام سيد احمد فزينه من اجو الدكاتره يركضون كمز زين وصاح )
زين : شكوووو شبيهم ؟؟؟؟؟
فضل : ما ادري هسه نشوف
فهد : لك علي شكوووو ؟؟؟؟
غيث :( دخلت للغرفه وكل جسمي يرجف صحت )
... شكوووووو ؟؟؟؟
... ممكن تطلع
غيث : شبي بدأعه عزاز گلبك كُلي شبي سوي اي شي لا تفجعنه بييييييي
... اطلع بابااااا
احمد :( سحبته وكتله )
... تعال
غيث : راح يمووووت صكرررر رااااح يمووووت صكيرررررر يموت والله اموت وراه
زين : انجب غييييث شتحجييي انتَ ما يموت ماااااا يعوفني ما يموت ماااا يموت
كرار :( كعدو بالكاع مهدود حيلهم وغيث يحوس ويعض بشفته تقربت من احمد وكتله )
... لا تخاف مابي شي
احمد : إن شاء الله
( نص ساعه مرت مثل السم علينه اطول نص ساعه بحياتي مثل الواحد روحه تطلع بالهداوه طلع الدكتور فزينه نفس الفزه من شاف شكولنه ابتسم مريحنه وكال )
... الحمدلله صحى
زين : صدك اكدررر أشوفه ؟
... بس يرتاح شويه
علي :( فرحتنه هزت المستشفى هز باوعت على زين وكتله )
... ها زوين شفنا سنونك
زين : هههه علي اريد أشوفه
علي : هسه احاجي الدكتور
.....................
عشق :( كاعدات بالمطبخ نسوي غده ما ادري المن نسوي ومحد ياكل رقيه مخلصتها صلاه وتبجي وريتاج ساكنه غرفه صكر بالكوه جبناها يمنه دك الموبايل يمي وانا صافنه فاطمه صاحت )
فاطمه : عشق ردي
عشق :( شلت الموبايل كتلها )
... هذا فضل
ريتاج : فتحيي عشق فتحيي
عشق : هلا فضل
فضل : لج عشق كعد كعد صكر والله كعد ههههه
عشق : صدك ؟؟ الحمدلله على سلامته وشلون حالته
فضل : بعدنا مااا ندري بس كلت ابشرجن يله اروح
ريتاج : كعد مو كعد ههههه مامااااا صكر كعد
عشق :( من الفرحه ما نعرف شنسوي صلينه صلاه شكر وبدينه انضف بنين كالت )
بنين : عشق طلعي جيبي الجدر الجبير من بره
عشق : واجيبه وحدييي ؟؟
بنين : طلعي شوفي منو هنا من الولد
عشق : شني تغشمين نفسج كلهم بالمستشفى
بنين : عوفي الجدر عزلي الحديقه وهسه اجي اغسلها وياج
عشق : خووش
( طلعت اعزل بالحديقة وانسحبت من ايدي )
... ااااخ
حسين : وسم
عشق : لا هلا شررررايد
حسين : رايد اكُلج ما ناسي سالفتج
عشق : وهسه تذكرت والله قديم هههه
حسين : لا ما تذكرت بس ما عدي وكت
عشق : وهسه عدك وكت وابن عمك بالمستشفى
حسين : خررر* بي شعليه بي هوا مكطع نفسه علمود مره
عشق : ديرررررربالك تغلط عليه افتهمتتت وانتَ لو زلمه جا وكفت ويااا يا حريمه
حسين : لاااا تتجاوزين لج وتدرين انااا منو ابن عمج يعني ب اي لحضه انهي عليج وغصبا عليج اخذج
عشق :( يحجي ويفر بشعري على إصبعه نترت أيده ورفعت اصبعي بتهديد صحت )
... ديربالك تلزمني وإذا تريد تنهييي انهيييي خاف ذيج المره شردت الخوالي هاي المره اشرد ومحد يعرف مكاني
( عفته يغلط ويسب ودخلت صارت ايلين بوجهي كالت )
ايلين : شكو ؟
عشق : ديربالج على رجلج وخل يبتعد منيييي مليتتت
بنين : شبيج ؟
عشق : مابيه شييييي
.....................
رقيه :( ااااخ من جابو خبر صكر مسوي حادث احس انا المسويته مو هوا فرفحت متت صح بجيت بس ارد اروحله من يجون الولد ويطمنونه ادري بيهم يجذبون وگلبي يكلي مو زين إله أشوفه بعيوني بس ما اكدر احجي ب اي حق احجي إذا هيا أمه ما يقبلون ياخذونها اله ومن عرفت بي كعد من الغيبوبه الفرحه ما شالتني بس گلبي ناغزني يكولون اليحب من صدك يحس وانا صكر من يكول ااخ احس بي اخ يا صكر اخ گلبي وعقلي وجسدي كله يمه اريد أشوفه اتمنى عدي جرى عشق واحضنه صح علاقتي ويا الولد حلوه بس مو مثل عشق هيا عدها عادي تحضنهم وتبوسهم مرات احسدها على هذا الشي )
.....................
علي : خير دكتور
... احتمال كلش جبير المريض مصاب بشلل
احمد : يعني ؟؟؟
... جنت منتضره يصحى وسويتله بعض الفحوصات وتبين انو هوا أصاب بشلل ما راح يكدر يمشي واحتمال يبقى طول العمر انتو هم عرضو على دكتور مختص
زين :( اعضائي كلها وكفت سحبته من ياخته وصحت )
... شتكوووووول
فضل : زين
زين : وخررررررر شتحجيييي انتَ هاااااا تعررررررف شجاي تحجييييي تعررررف عليمن تحجييييي هذاااا عضيديييي شلون وياااامن اطلع شنييي ما يمشيييي أنتَ مخبل شلون صرت دكتوررررررر احجيييييييي احجيييييييي ماااا تعررررف تحجييي خبل انتَ منو سواك دكتور
فضل : زين حبيبي
زين : يكووول صكر ما يمشييييي شلون ما يمشيييي جا ياهووو يطلع ويايييي شلون راح اتخبل شيكول هذا ؟؟؟؟
فهد :( كعدت بالكاع ادك على راسي على مصيبه اخوي )
... لااااا يا علييييي لا يابووووو الحسنين لا مو بصكر لا تكسرنييييي اخذ حاااااالي ومالييييي وعافيتيييي ولا تخلي صكر يصيبه شييييييي يابووووو الحسنين لك علييي شلوووون اكُله شكله اكُله بعد ما تمشيييي يتسودن وعلي يتسودن كل شهر يغير سيارته من كثر ما يحب السياقه اجييي بكل بساطه اكُله بعد ما تمشيييي وما تسووووق وعلي يتسودن شكُل الامي من ارجع للبيت اكلها صكير ما يتحرك بعددددد ؟؟؟؟؟
غيث : لا معليكم هذا الدكتور ما يعرف انييي انييي اشوفله دكتور لااا فهد والله يرجع يمشي هذا صكر مستحيل ينكسر اي اي جذاب الدكتور
علي :( كل واحد يصيح ويبجي بصفحه باوعت للدكتور وكتله )
... نكدر نشوفه ؟
... بس لا تاذونه وهوا راد اخو كال اسمه فهد وزين
زين : لا علي ما ما ما اريد اشوفه
علي : ليش ؟
زين : ما اريد اشوفه شلون أشوفه مكسور شلون من يدري بعد ما يمشي
علي : لا حول ولا قوه الا بالله العلي العظيم
فضل : مو هوا رادك
( اقنع بي مثل الطفل وهوا يهز براسه لا ويبجي حضنته وكتله )
... تره يزعل
زين : واناااااا ما فكر بيه ما فكر شيصير بيه من سوه بروحه هييييج
.....................
صكر :( وكفت كبال بيتها شويه وكفت سياره ونزلت هيا بقيت اشوف الناس تجي وصوت الاغاني وانا مرجع راسي على الكشن واشرب جكاير للعصر زفوها ااااااااخ يا لجمتي اااااخ يا اذيتي اااااخ يا گلبي اليحبج امدا طلعت أيدها بيده رفعت راسها وشفت ضحكتها نزلت دموعي وهيا فرحانه لزمت الموبايل وما همني اي شي هيا مو خربت حياتي انااا هم اريد اخرب حياتها كتبت )
... تضحكيييين ليش تضحكين واناااا دموعي تنزل هيج نسيتي حبي تنامين بحضنه شلون تكدرين تنسيني أناااا صكر تذكرين من اكلج يجي يوم تنامين على هذااااا الصدر واليوم راح تنامين على صدره بس مأ اكول بس الله لا يوفقج مثل ما تاذيت أنا تتاذين مثل ما گلبي يحترك گلبج يحترك أكثر مثل ما دموعي نزلت وانتِ تضحكين تنزل دموعج وأنا الاضحك لا تتهنين لا انتِ ولا اليتسمه رجلج لأن نفسي بيج شايفه جويت گلبي كون ما تطلع بيج تطلع بعزيز گلبج وما تطفى
( دزيتها وطلعت الزفه طلعت وراهم نص الطريق وحولت على السريع كلت اروح للنجف اشكي العلي محد غيره يفهمني اسوق باسرع ما عدي وما مهتم الكلشي عيوني غوشت من الدموع وما حسيت بنفسي شفت نفسي بمكااان فارغ شويه وانترس المكان زرع زين واكف بعيد زعلان صحته دار وجها وراح وانا واكف بمكاني ما اكدر امشي ما ادري ليش اجتني ضربه قويه فززتني سمعت صوت بنيه )
... دكتووور رجع النبض
... الحمدلله
صكر :( بديت افتح عيوني بتعب النضر مغوش ما اشوف شي بقيت افتح واسد الحد ما كمت اشوف عدل شفت نفسي بغرفه بيضه ودايرة ما دايري اجهزه وثلاث دكاتره ودكتوره )
... أهلاً وسهلاً بالشيخ صكر
... الحمدلله على سلامتك
... تكدر تحجي ؟
صكر :( الساني ثكيل ما اكدر احجي ارد اهز راسي ما اكدر بالكوه طلعت مني )
... يي
... الحمدلله
... زين جاي تشوفنه بوضوح ؟؟
صكر :( اخذت نفس حسيته انجر من نص صدري كتله )
... شويه مغوش
... الحمدلله شويه ترتاح وتوضح اهم شي هسه تشوف
صكر :( لزمني من ايدي صحت )
... ااخ
... تكدر تحرك راسك ؟؟
صكر : لا
الدكتور :( ضربته برجله بخفه ما سوه رده فعل رجعت هم ماكو كتله )
... جاي تحس ؟
صكر : لا بس رجليه ماكو شني كطعتوهن شصار ؟
... ( تاففت جنت حاس لأن الضربه بعموده الفقري وراسه وكلت ما يطلع منها سلامات )
... زين تذكر اهلك ؟
صكر : اي واريد اشوف اخوي فهد وزين هم وينهم ؟
( هز رأسه وراح شويه وسمعت صياح زين بس ما افتهم شيكول صوته بعيد وانا تعبان شويه ودخلو الولد ابتسمت بس وجوهم صفر تقرب علي مني وكال )
علي : الحمدلله على سلامتك
صكر :( ابتسمت وتحمدولي بالسلامه تقرب فهد وجها اصفر ومبين التعب بي اااخ كله بسببي بلعمت وكتله )
... ليش مسوي بنفسك هيج ؟
فهد : كسرتنييي صكير والحسين كسرتني
علي : فهدددد
صكر : شكو هاي كلشي مابيه هوا العار ما يصير بي شي مو حميد
محمد : ههههه اسم الله عليك
صكر : غويث وامير هم جاين شعدكم ؟؟
غيث : طيب واني أعلمك
صكر :( ابتسمت وكتلهم )
... زين وين ؟
( واحد يباوع بوجه الخ كتلهم )
... بي شييي احجو ؟؟؟؟؟
زين : انا هنا
صكر :( صوته بي غصه الكل توجهت أنضاره للباب بس انا ما اكدر ادير وجهي كتله )
... تقرب مني خل اشوفك مشتاقلك
زين :( نزلت دموعي اااخ صكير هيج حالك درت وجهي وفركته )
فضل : زين تعال لا تخلي يحس الخاطره
زين : فضل والعباس ما اكدر شلون أشوفه هيج
فضل : ادخل لا تاذي
زين :( تقربت منه وكفت يم رأسه ضحك وكال )
صكر : زين لك شصاير بيك ؟
زين : اذيتني هواي
صكر : شبيك كلشي مابيه وشنييي خايفين عليه ها طلعتو تحبوني هاااا
زين : يا احبك صكير گلبي باليوم يتكطع الف مره اذيتني انا البيت ما شايفه ما اروح لأن أنتَ مابييي يخنكني روحي معلكه بيك تدري صارلك شكد هنا لا ما تدري ليش هيج سويت صكر ليشش ووولك يخابروني يكلولي متتتت روحي راحت وعلي وهسه من صحيتتت اااااخ يا ضيم البگلبي لك ليش اذيتني يا روحي ها أنتَ روحي هذااااا النفس الاجره انااا مشاركك بي لو ميت انااا هم اموت وين بالك جان من اندعمت ها ؟؟؟؟ ما فكرت بيه تريدني اموت استاهل هيج تسوي بيه
صكر :( بجيت على حركه گلبه ودموعه ااخ شكد ماذيكم الولد كلهم بجو كتله )
... شفت زفتها شفتها تضحك زين هيا فرحانه وانا گلبي محترك
زين :( قربت وجهي منا ودموعي يوكعن على وجهه كتله )
... وانااا اناااا شني اجيتتت تموت بسببها ما فكرت بيه ؟ لا تفكر بيه فهد امك ابوك اخواتك ما فكرررت لك وحده جلبه الله خلصك منها ليش اذيت نفسك هيا راحت بالنعيم وانتَ اااخ يا أنتَ ولك مرمرتني ولك كسرت ضهري صكر
( ما كدرت اوكف على رجليه أكثر كعدت بالكاع وانفجرت بالبجي شلون من يعرف ؟ شيصير بي ؟ )
صكر : شكو زين مو هاي كعدت مابيه شي
فضل :( لزمت رجله بقوه ما سوه رده فعل حسيت رجله ماتت بقه يسأل بينه محد رد عليه صاح )
صكر : اااااخ بويييييه
زين :( طفرنا انا وفهد نفس الطفره مسحت دموعي وكتله )
... شبيك شتحس
صكر : اديييييه اااخ اديييه موتني
احمد : ايليا صيح الدكتور
صكر : فهد
فهد : نضر عيني
صكر : رجليه ماكو شني كطعوهن ما احس بيهن شو اضربني
زين :( بهت وجهي باوعت الفهد وهزيتله براسي لا وكتلهم )
... ا انا طالع
صكر : وين ؟؟
زين :( ركضت بره نزلت للحديقه وصحت )
... ليش يا ربييييي ليشششش كسرتنيييي باخوي ربي انااااا ولا هوا شلون نكله شلون يتحمل دخيلك يااا الله
ايليا : زين
زين : سواها بضحك يكول كطعو رجليه ما يدري بعد ما يمشي عليهن امدانييي كله صوجي ليش ما منعته يطلع اناااا ما استاهل اصير اخو
ايليا : اششش كافي إذا كلكم تنكسرون شلون هوا ؟ كول يا الله
.....................
صكر : شبيكممم ما تحجووون اااخ
علي : شبيك ؟
صكر : ركبتيي اااخ
علي : هاي لأن حجيت هواي وصحت اسكت
صكر : احجو شبيه
... السلام عليكم
الشباب : وعليكم السلام
... شلونك شيخ
صكر : ههه لا مو انا الشيخ علي الشيخ
( أشرت بعيوني على علي الواكف يم راسي )
... علي شيخ عشيرتكم أنتَ شيخ المستشفى مالتنا الممرضين والعالم كلها يسمونها غرفه الشيخ من كثر الناس اليم غرفتك
صكر : هههه اخوتي
... اي دزيتو عليه شصار تعبوك ؟
صكر : لا بس ايدي وهسه ركبتي يوجعني
... عادي وجع طبيعي جانت المهدات مهدئتك
فهد : وشلون دكتور يبقه يتوجع ؟
... لا راح نبقه نضربه مهدئات
صكر : دكتور شوكت اطلع ؟
... ليش ضجت من عدنا ؟
صكر : لا لا بس ما احب المستشفيات واشتاقيت الامي
... ان شاء الله نجيك حالتك ونطلعك محتاج شي بعد بابا
صكر : اي دكتور رجليه ما احس بيهن عبالك مكطعينهن شلون امشي احس ما عدي رجلين خفيف شلون اوصفلك ما ادري احس الجها الجوه كلها ماكو
علي :( باوع علينه واحد واحد وكال " ما كتوله " هزيتله راسي ب لا كال )
... اعوفكم تخبرونه
صكر : شني شكووو احجووو شبيكم جنكم خرسان
فهد : صكور حبيبي
صكر : ا ا احجي ف ف فهد
فهد : شوف هيا سالفه مؤقته مو هواي والله اخذك الاحسن الأطباء واعالجك خوش لا تضوج بعد بيتي ابيع حالي ومالي وارجعك صكر القديم خوش بابا
احمد :( يقنع بي مثل الطفل وكل جسمه يرجف ولازم وجها ودمعته على خده هنا صدك كلنا نكسرنه وبجينا فهد ابو دمعه العزيزه دموعه صايره شلال والله وكت صاح صكر )
صكر : شنيييي يعني احجييي لااا تخبلونيييي
امير : صكر حبيبي اني اعرف دكتور اخذك إله ونرجعك احسن من قبل تمام حبيبي
صكر :( صكيت على سنوني وصحت )
... راح اكوم أفلش المستشفى عليكم احجو شكو ؟؟ كصو رجليه هاا وخرر الغطه علييي غيثث وخر الغطه
علي : صكر ما كصو رجليك
صكر : جا شني ؟؟؟؟
علي :( جريت حسره وكتله )
... فتره والله ونعالجك
صكر : احجي علي حفضت هاي السالفه شبيه انااا
علي : صكر ما راح تكدر تمشي على رجليك بس هاي الفتره حبيبي راح نعالجك
صكر : شنييي ما امشيييي يعني يعنيييي نشليتتتت مووووو ؟!!!!
فهد : لا لا لا تكول هيج اعالج أنا اعالجك
علي : نبيع كلشي عدنا ورواحنا ونعالجك خوش ؟
صكر : لا لا لاااا ماكوووو علاج تكرررمت مووووو زييييين وينه ليش ما يواجهنييي ها جيبوووو بعد ويامن يطلع ا ا أنا ما امشي لااااا
زين :( دخلني ايليا بعدني بالممر وسمعت صياحه كعدت بالكاع وصحت )
.... ااخ يصكيرررر كسرتني ااخ يا نار البگلبييي عليك
ايليا : كوم يمه ما تسمعه يصيح باسمك
زين : شلون اكابله حاجيني شلون
( اسمع بي واضرب براسي بالحايط )
... اااااخ يا كسرتيييي عليك يا حبيبي
صكر : يعني بعد ما امشيييي ليشششش زين شلون بعد اطلع ويا ها بعد شلون اروح للجامعه شلون اسوق هااا فهمونييي احجووو ربيي لو ماخذ روحي ومخلصني زوييين شلون اركص بعرسك وانا مواعدك اركص هااا تعال لك زييييين
( اخذت نفس وحجيت بصوت خافت )
... شني الغلط السويته شني الذنب الارتكبته لأن جنت احجي ويا بنات لا لأن كلهن يعرفن علاقتي ونسه ويكولن عادي اصدقاء لو لأن حبيت من صدك يمكن لأن حبيت من صدك زين هيا ليش خانتني ها شو جمال انا احلى منها فلوس العب لعب بالفلوس نسب الناس كلها تتمنى تناسبنه اخلاق كلها تحلف بينه زين انا الغبي ليش حبيتها وذن كلهن بيه وهيا مابيها ولا شي هااا لو ذنبي لأن اخذ من فلوس فهد وانطيها لأن انقهر عليها شور بيه يمكن لو لأن اهون بصلاتي بس صدك انا اهون بصلاتي بس ما مسوي غلط شو شو اليغلط عليه اضحك بوجهه اساعد المحتاج ما عدي ذنب ها ليش ربيي ليشش أخذ روحي بس لا تعيشني هذا العذاب ابسط شي الحمام ما اكدر اروحله وحدي هاا سياقه ما اسوق صرت عاجز شني فايدتي ها شلون ما اسوق بعد فهد انا روحي بالسيارات شلون ادخل سباقات بعد ها ؟ شلون حلمي هذا
علي :( يحجي بصوت خافت وتعبان ويبجي دنكت عليه حضنت رأسه باديه وكتله )
... اولا لا تبجي مو حفيد الشيخ غضب يبجي خوش وثانيا شايف العراق من الجنوب للشمال إذا مابي علاجك افرك العالم واعالجك وحك علي ابو الحسنين وما احلف بي جذب
صكر : راح اصير عاله الله لو ماخذ روحي ولا كل هذا الصار والراح يصير
محمد : اششش يأخذ روحك واحنا ما فكرت بينه ها تروح بعد ياهو يعيب ويتنمر عليه ياهو يكلي جاهل تخاف من التراب ونتعارك لو ياهو يكلي أنا احلى منك هاا
صكر : هسه صدك صرت احلى مني هه أنا خربت
غيث :( حبيت الطف جو كتلهم )
... هههههه صكير ذنبك جنت تتنمر على حميد سويتلنه محاضره شطولها وهذولي سولنا فاتحه هم لو نسوان ميبجن هيج وجبتو الله والائمه كلها وزين جنه مطلقه واكف بالباب يصرخ عليمن هوا أنتَ عار كلشي ميصير بيك يومين واطيب وكولو غيث مكال
امير : متصيرلك جاره
غيث : عود من تصيرلك جاره تصيرلي
صكر : ههههه والله ضحكتني
غيث : اي هيج ضحكو خلي نشوف سنونكم المسويلهن تبيض
الولد : هههههه
غيث : ايليا ممكن ادخل زوجه الشهيد البطل
( دخل ايليا يسحب بزين كوه عيونه حمر من البجي حتى صوته ماكو صكر صاح )
صكر : زين تعال يمي لا تشلع گلبي
زين :( كنبصت يمه وكتله )
... هذا ايليا يعرف دكتور بتركيا ها ومجربينه نروحله خوشش بس تطلع منا نمشي بإجراءات السفر يعني راح اطيب لا تضوج
صكر : لا ما اريد
زين :( فتحت عيوني بصدمه وكتله )
... ليشششش ؟؟؟
صكر : اتعبكم واتعب نفسي ماكو فايده فتره والله ياخذ روحي لا لا تعبون أرواحكم
زين : انجب صكر لا لا تحجي هيج اطيب والله اطيب لا تحجي هيج اناااا ما اعيش هسه اطيب وتزوج وتركص بعرسي مو أنتَ وعدتني من جنه صغار بعرسي ما تكعد لحضه ها ها تريد تخلف وعدك
صكر : زين زين
زين : بس إلزلمه ما يخلف وعده مو صح ؟ شلون تخلف بالوعد
صكر : زين اسمعني كافي جاي أتعبني ااااخ
زين : شبيك اذيتك موو اناا اذيتك
صكر : زين مابيه شي وجع عادي بس ارتاح
زين : ما ارتاح وانتَ متاذي شلون ارتاح وانتَ متوجع ها شلون
غيث : كافييي كافيييي فاتحه خوما مو فاتحه كعدو استجن زوين منو جوعان ؟
فضل :( غيث يضحك بينه حتى صكر يضحك بس زين صافن بصكر تحسهم روح بروح ذول الاثنين من صكر يصيح ااخ زين يصيح قبله تحسهم تؤم احمد ومحمد مو مثلهم تحسهم من بطن وحده مو ولد عم علاقتهم تعبر الاخوه )
.....................
عشق :( صارت بالعشره بالليل وهما ماكو ومحد يرد على موبايله كل واحد راح البيته بقيت افتر احس اكو شي صاير صارت بالوحده ونص وانا كاعده بالمطبخ سمعت احد دخل شغل الكلوب )
علي : ليش كاعده ؟
عشق : بالي يم صكر ليش ما تردون على الموبايلات
علي : ما ادري
عشق : شلون صار ؟
( تقرب مني ما بيناتنه بس شبر كال بصوت تعبان )
علي : عشق تعبان
( بلعمت متوتره جريت حسره وكتلها )
... ما كافي زعل راح اموت والحسين
عشق : اروح انام
علي : عشق تعباااان حيل بس حضنيني وخري التعب
( هزت راسها ب لا وبجت تنهدت وكتلها )
... حتى ما تحضنيني ؟ هيج كارهتني روحي نامي عشق روحي اااااخ لا تبجين شكيتي الگلبي شك لا تبجين وتزيدين ضيمي
عشق :( دار وجها يريد يطلع ركضت حضنته من وره صاح )
علي : اااااخ يلوجع البيه اااخ
عشق : علي شصاير
( دار وجها بادلني الحضن بلهفه وتعب دخلني بضلوعه وكال بحسره )
علي : عشششق صكر كسرني تعبني حييييل
عشق : ليش شصار ؟
علي : كسرتج وخسرتج وهسه كسرت صكر خسرته حياته تعرفين شني يعني راح شبابه واحتمال كلش جبير ما يطيب
عشق :( ردت ارفع راسي أشوفه من حسيت بدموعه بللت جتفي بس حاضني حيل كتله )
... علووش شصاير
علي :( حضنتها وبدلي ادخلها بضلوعي وما اطلعها استنشق عطرها واتمنى يبقه بريتي وما يطلع اشم بشعرها وادري حرام بس الحرام البي عشق رايده كتلها )
... ااااخ اااخ عشق احبببج لا تعوفينيي اتنفسج شكد ما اذيج بس لا تعوفيني رمش عيني ونضرها دائماً كولي علوش احسج هيج صدك تحبيني من تكليلي هل لقب
عشق : علي شبيك
علي : اسف عشق اسف
عشق :( دفعته حيل لأن حاضني حيل حسيت نفسي تكسرت كتله )
... لا تكول ااااسف علي السويته ما ينغفر مستحيل اسامحك
علي : حقج حقج بس اناا تعبان
عشق : وانااااا هم تعبااانه كلنا تعبانين مو بس أنتَ علييي كلنااااا
علي : تصبحين على خير عشق
عشق : صكر شلونه ؟
علي : كلش مو زيبين كلش
عشق : ليش ؟
علي :( اخذت نفس وكتلها )
... انشل
عشق : هااااا
علي : اششش يمعوده ما اريد أحد يعرف لأن تعبان روحي نامي
عشق : علي شني تنام شنييي صكررر انشل شتحجي أنتَ تخبلت
علي : كافي عشق
عشق :( بجيت وكتله )
... مستحيل لا شجاي تحجي أنتَ جاي تشااااقه مو علي
( بجه وسحبني الحضنه صحت )
... لا جذب علي لا لا تجذذب أنتَ من شوكت تجذذب علييييي
علي : رايح الزفتها
عشق : زين شلون ؟
علي : اعالجه اعالجه ما اخلي هيج وراه زواج وشغل وتخرج مو مال بعد ما يمشي
عشق :( انهاريت بالبجي وعلي حاضني انتبهت النفسي وخرت منا وكتله )
... اسفه وبعد لاااا تحضني رجاءا
علي : ليش ؟
عشق : علي انااا وياك انتهينه علاقتنه من البدايه غلط بسببك لا ضلت اخوه ولا صداقه ولا
( بلعت ريكي وكتله بغصه )
... ولا حب
( بلع ريكه وبلل شفايفه بلسانه سحب كرسي وكعد عليه طلع جكاره يدخن ويباوعلي عيونه مليانات كلام يمكن ما يحجي لأن اذا حجه كلمه وحده يجرحني بيها لو نتعارك درت وجهي أطلع وستوقفني صوته )
علي : روحي بيج وانتِ بيه من احضنج وادفعيني كلبي ينشك شششك خرب عمج
عشق :( صعدت افكر بكلامه لو بصكر لو بمنو بقيت ابجي اختنكت الدنيا ما بيها نفس العالم كله خانكني غرفتي كلها ما حاملتني طلعت من غرفتي لكيته كاعد بالصاله ومستمر يدخن تنهدت وهوا يذب حسرات نزلت الغرفه بنين دحست نفسي بحضنها وانا ابجي )
بنين : عمار شبيك
... عشق هاي أنتِ شبيج حبيبتي
عشق : بنين صكر
بنين :( كمزت وكتلها )
... شبيييي ؟؟؟
عشق : انشل
بنين : انجبييي عشق شني هل كلام شني متحلمه بي
عشق : والله
بنين : صخام الصخمني تعزينه وتصخمنه منو كلج ولج
عشق : علي
بنين : وينه ؟؟؟
عشق : فوك
( كامت تركض تلبس بالبشت كتلها )
... رايح الزفه فاتن
بنين : دهر دهرها خبلت الولد الله لا يوفقها
عشق : بنييين لااا تدعين نص الدعوه على الداعي
بنين : وولج حركت گلبي
( صعدت العلي وانا ادعي عليها لازم الابتوب ويدخن الصاله مليانه دخان كعدت يمه مختنكه من الدخان وهوا مدنك كتله )
... شجاي تسوووي ؟؟؟
علي : شكعدج
بنين : صحيح السمعته
علي : شني ؟
بنين : صكر انشل
علي : مع الاسف صحيح
بنين :( لطمت على رجلي وصحت )
... الله لا يوفقها
علي : بنين حرام تدعين ختولي الله ياخذ حوبت صكر منها
بنين : وشلون بعد ما يمشي شلون علي بعده صغيررر
علي : ما ادري بنين ماااا ادري انتِ ما شفتي حاله شنيييي انوووب ما يمشي وفوك الضيم من عرف تخبل علينه
بنين : اااااخ سوده عليه يا عمه أنتَ شجاي تسوي
علي : اشوف دكاتره مضبوطين بالدول علمود نسفره
بنين : يعني يرجع يمشي ؟
علي : ما ادري نكول إن شاء الله
بنين : ااااخ ااااخ وشحاله ؟
علي : بالضيم روحي نامي ولا تحجن انا اكلهم
بنين : منين يجي النوم بعد
علي :( نزلت بنين بقيت كاعد للفجر اشوف دكاتره وتراسلت ويا أكثر من دكتور رادو فحوصات وتقارير كلت بس يطلع ادخله دكتور مختص واسويله الفحوصات وآرسلهن الهم قفلت الحاسبه وكمت سبحت ونمت كانت اسوء ليله تمر بحياتي كعدت بالتسعه رجعت سبحت بماي بارد جسمي نار كملت ونزلت جوه الكل كاعد وعشق عيونها داخلات بنكره شكلها ما نايمه مخلصتها بجي كتلهم )
... صباح الخير
الكل : صباح النور
ام علي : ها يمه علي شلونك
علي : على الله
الشيخ : شلونه ابن عمك شوكت اطلعو من المستشفى
علي : احم صكر حيل تعبان وما ادري شوكت يطلع
الشيخه : هوا مو كعد
علي : اي كعد
( ما ردت احجي واكلهم أنشل كلت قبل لا يطلع بيومين نكلهم افضل لأن اذا يعرفون هسه كلها تروحله وياذونه )
.....................
فضل :( مرت الايام صكر تغير حيل بس يتصفن اليوم فتحو أيده والثانيه بعدها وزين ويا ما يعوفه ابد حتى من ينام ينبه موبايله كل خمس دقايق يكعد يشوفه ويعدل نومته ويصفن عليه يأخذ حسره ويرجع ينام وللحمام ما يخلي احد يأخذه بس هوا اليوم نطلعه من المستشفى وجدي سوه عزيمه بمناسبه سلامته بس هوا ما راضي يصيح " شني العالم تشوفني على الكرسي مكرم وعاجز " وفهد يقنع بي مثل الطفل صار تعاملنا ويا كلنا هيج لأن ما يقتنع ويضوج بسرعه ويتحسس من اقل كلمه هوا صكر من زمان نسمي المدلل انوب هيج حاله )
فهد : حبيبي يعني وإذا شافوك غير مريض أنتَ
صكر : ماااا ارررريد واحد يشوفنييييي هييييج انااا عاجزززز عاجزززز
زين : انجب صكر مابيك شي فتره وترجع تمشي
صكر : هاي بحلامكم الراسمينهن انا عاجز افتهموووو لاااا تبقون تتاملون وبعدين تتحطم امالكم
زين : خوش انجب يله ارفع ايدك شويه
( رفعت أيده لبسته التشيرت )
صكر : انطيني مرايه اشوف نفسي
زين : ها منين اجيبلك ؟
صكر : مال موبايل شبيك
زين : ها
محمد : يله طلعووو تأخرنه
زين :( وجها خربان كلش إذا يشوفه يتخبل علينه وهوا منا متخبل اليوم نطلعه علي كال " من بأجر نأخذه للدكتور علمود نسفره باسرع وكت ويرجع يمشي " كلنا عدنا امل يطيب إله هوا يصيح " ما اتعالج بس تذبون فلوس وتعبون انا ما اتعالج " )
.....................
ريتاج :( اليوم يطلع صكر ما ادري شلون الزم دموعي من اشوفه عاجز ما جاي استوعب اشوف صكر ما يمشي ويركض قبل يومين اجه فهد وعلي وسولفو حالته وكالو " أنشل " الخبر صاعقه بالنسبه النا كلنا البارحه فهد فرغ الغرفه مال كعده واشتراله غرفه كلش حلوه بس ما بيها مرايات ابد بس مال مرايه وحيل عاليه كال " ما أريده يشوف وجها " ومرايه الحمام شالها ما نزل شي من غراضه كلشي جديد وغرفته الفوك قفلها كال " من يطيب يرجعلها " ونبه الكل " محد يبجي لو يحجي شي كدامه " فهد متخبل عليه يجيب ويحط جدي كال " نسوي عزيمه " كاعدات بالمطبخ نحضر وعشق كاعده تغسل بالمواعين وما تحجي كلنا جنا هادئين عكس قبل وبالعين غصتنا لأن كالو " التبجي نطيح حظها " سمعنا نشقت عشق تقربت بنين منها وكلتلها )
بنين : عشق شبيج ؟
( انفجرت بالبجي عبالك منتضره أحد يسألها )
عشق : شلووووون نشوووفه ما يمشي هاااا شلووون تخيلي صكر عاجز ها كل عزيمه يخبصنا ويوكف يمنه يصيح ويضحك علينه واليوم هوا ماكو بنين اله وحشه والله ما اكدر أشوفه على الكرسي مكسور واسكت والولد ما يقبلون نبجي شلوووون ها فهمينييي انا ما شايفته وما اكدر اسكت مو انوب اشوووفه مكسوووور
بنين :( حضنتها وبجيت والبنات بجن دخل احمد وصاح )
احمد : شكوووو احنااااا شكلنااااا مو ما نررريد بجي يأبه انتن ما تفهمن الولد تعبان من يشوفجن تصارخن يتعب بالزايد يله مسحن دموعجن وكملن شغل يله يا عيني نفسيته تعبانه لا تزيدنها عليه يله حبيباتي
بنين : يله كومن غسلن هاي الرزاله من أحمد المره الجايه من علي ما يرزلجن يكتلجن يله كومن
.....................
صكر :( صعدوني بالسياره وصعدو عربانتي ااااخ كل الوجع البجسمي ورجليه الما احس بيهن ما يجن بكثر وجع گلبي فزيت على صوت غيث يصيح )
غيث : صكيررر اشغلك اغاااني
صكر : جؤ
غيث : ليش
صكر :( درت وجهي منهم الحد ما وصلنا نزلوني بالكرسي اصعب شي من أنتَ عاجز وناس تساعدك صح الولد يسون كلشي بضحكه ومن كل گلبهم وما محسسيني بنقص بس تبقه صعبه احس روحي عاله عليهم ونكول يتحملوني يوم يومين يجي يوم ويملون نزلت بالعربانه وانا مدنك راسي وزين يدفع بيه ويحجي وياي مثل العاده بكل عزيمه نكعد انا ويا نحجي على هذا وذاك بس انا ما مركز ويا صافن على رجليه بس شكل ما اكدر حتى اوكف عليهن ولا حتى احرك اصبعي الصغير زين يدفعني لأن ايدي اليمنى مجبرينها دخلت للديوان والكل يتحمدلي بالسلامه بس ما اكدر ارد ولا اباوع على أحد مركز برجليه واحاول احرك ولو اصبع بس ما اكدر حسيت شخص يهمسلي )
فهد : صكر الناس تتحمدلك بالسلامه رد عليهم
صكر : فهد تعبان ارد انام
فهد : بس شويه واخذك
صكر : كتلك تعبااان
فهد :( باوعت الزين وكتله " أخذه " وصحت )
... مره خصتكم صكر تعبان ويرادله راحه وهاي الكعده اتعبه لازم انومه
( كلهم صاحو " اخذو راحتكم " طلعت وراهم وسمعته يحجي ويا زين ويبجي )
صكر : شفتهمممم شفتتتهم كلهم يباعون عليه كلهم يكولون بييييي نقص ما يمشييييي يحجووون عليه بگلبهم اناااا عاله عليكم مررريض ما مني فايييده
زين : انجب صكر شني عاله ومنو الحجه ؟ كلهم يتمنونك اطيب
صكر : ااااي لأن انااااا مرررريض عااااجز
فهد :( هذا مو صكر ما يحجي بس يصيح واي كلمه نحجيها تجرحه كمنا قبل لا نحجي الكلمه نفكر الف مره تقربت منهم وكتله )
... يله ناخذك الامي مشتاقتلك
صكر : كتلك ارد انااام ما تفهم
فهد : يعني ما تشوف امي ؟
صكر : ما ارد اشوف احد
فهد : ليش ؟
صكر : كلهم بعيونهم شفقه ماااا اريد احد يضوج عليه ماااا اريد وااااحد يشفق عليه ويكول خطييييه
فهد : بس هما يحبوك وما يشفقون عليك يتمنونك اطيب
صكر : اناااا هم احبهم بس اذيتهم تعرف شنييي اذيتهم علمود وحده استغفر الله اااااااخ
زين : شبيك ؟
صكر : ركبتي اااخ ركبتي زين
زين : من الصياح مو كلك الدكتور لا تنجلب وتصيح
صكر : اااااخ
فهد : امشي للبيت خل انومه صارله هواي كاعد مو زين
( اخذنا للبيت محد موجود والبيت فارغ دخلته للغرفه أنصدم وكال مستغرب )
صكر : فهد شني شو الغرفه مابيها مرايات هههه شلون اشوف نفسي
فهد : فتره واطيب وتصعد الغرفتك وتشوف نفسك
صكر : خاب ما اتحمل أنتَ شايف غرفتي وين ادير وجهي مرايه شني هاي الغرفه احسها تخنك احب المرايات انا
فهد : هسه ما عجبتك ؟
صكر : اي
فهد : ميخالف انا اغيرها
صكر : احم زين
زين : اخذك للحمام ؟
( نزل عيونه وكال بغصه )
صكر : اي
فهد : جيبه انا أخذه
صكر : لا لا خل زين
فهد : ليش ؟
صكر : زين
زين :( أشرت الفهد طلع دخلته للحمام باوع وكال )
صكر : هذا شبي حتى هنا ماكو مرايه استغفر الله طلعني خل انام اشرفلي ضهري موتني ااااخ
زين : جا ما تدخل
صكر : جؤ
زين :( طلعته نومته على الجريايه وعدلت المخاد خليت وحده جوه أيده وانفتح الباب دخلت ريتاج وصاحت )
ريتاج : صكررررر حبيبي
( حضنته حيل صاح )
صكر : اااااخ
ريتاج : شبيك
صكر : مابيه شي بس ركبتي اذتني
ريتاج : الحمدلله على سلامتك
صكر : الله يسلمج
ريتاج : شبيك ليش ضايج
صكر :( باوعت عليها وكتلها )
... ترديني أشد وصله واركص لأن تكرمت
ريتاج : بس فهد كال راح اطيب
صكر : يمسلت
زين : صكرررر
صكر : والله يعني شلوووون اطيب هااا شلون انااااا تكرمت مااا اطيب لكم حتى اصبع من رجلي ما اكدر احرك انتم تتحلمون وما اروح لا الدكتور ولا صخام ما تردوني شمروني بدار العجزه وفكوووو منييييي
زين : خوش الله كريم تعاي نطلع ريتاج
ريتاج :( بجيت وكتله )
... صكر تاكل ؟
صكر : جؤ ارد انام
ريتاج :( طفه زين الاضويه وطلعني كتله )
... زين وجها خربان ومتغير حيل حتى كلامه شفته ؟
زين : تعبان وما يدري شيحجي حتى احنا سكمنا سكم بس يصيح حتى لو نشاقيه يصيح
ريتاج :( بجيت وكتله )
... صدك بعد ما يطيب ؟
زين : أن شاء الله يطيب ادعيله هوا وحده يحجي لأن تعبان
ريتاج :( تمدد بالصاله طلعت من البيت صارت كبالي رقيه كالت بلهفه )
رقيه : شفتي شلونه ها زين لو تعبان حجيتي ويا يحجي ؟
ريتاج : شبيج وحده وحده
رقيه : ريتاااا حبابه گلبي يوجعني احجي
ريتاج : تعبان وبس يصيح مو صكر النعرفه
رقيه : اوووف سوده عليه
ريتاج : ليش ما دخلتي
رقيه : ما اكدر أشوفه ما اتحمل
ريتاج : شعجب البنات ما اجن !
رقيه : من رحتي اجه فهد وكال لحد تروح
ريتاج : ها
.....................
اديان :( ادري بكرار هنا لأن ريام اجت كمت اروح واجي بالمطبخ وديان تقربت مني وكالت )
وديان : شبيج ؟
اديان : ها ماكو شي
وديان : عليه ؟؟
اديان : تكولين كرار جاي
وديان : خاب انتِ اله تنكتلين من عباس يله تكعدين
اديان : اهوووو شبيج والله گلبي يكول جاي
وديان : وإذا جاي يعني شراح يصير ؟؟؟
اديان : مشتاقتله
وديان : يشتاقلج عباس ويكتلج وين الله
اديان : اهوووو ولي
.....................
عشق :( اجه صكر بس ما رحت فهد اجه وكال
" التروح وتشوف صكر وتبجي حظها اطيحه " انجبيت وكعدت دخل علي صاح )
علي : سولي طريق ارد ادخل
زينب : اي حبيبي
عشق :( دخل وزينب تركض وراه فرت ااااخ يا علي اااخ لا أنتَ الي ولا انا الك بس جيب اليقنع گلبي الجلب رحت وراهم سويت نفسي رايحه الغرفتي لكيتها مجلبه بركبته ايع قرف وهوا عاقد حواجبه ويكلها " ارد ارتاح " عابتلها شكد لزكه )
... احم
زينب : اهووووو شهل غيره يعني شفتينه صعدنا وصعدتييي شتردين ؟؟؟؟
عشق :( جتفت اديه ورفعت حاجبي وكتلها باستفزاز )
... اتوقع غرفتي هنا وإذا تردون تسون اشياء خاصه عدكم غرفه مو صح لو انا غلطانه شييخ علي التعبان ها صدك مو تعبان اكيد عدك شخص تسمي راحتي بس ضيعته من ايدك للاسف حاول تخلي مرتك راااحتك ولا تفتر وره راحتك القديمه وتحضن ياااا شيخ
( حجيت اخر كلامي بابتسامه مستفزه ودخلت الغرفتي وبيه ناااار تفور فور )
.....................
ليان : بنين عمار خابر يكول ترحين ؟
بنين : ها ارد ابقه بعدني ما شايفه صكر
ليان : جا انتِ خابري هاج
بنين :( اتصلت بي كتله )
... الو عمار انا بنين
عمار : هلا بنيني
بنين : عمار ارد ابقه
عمار : اي حبيبي ابقي بس ديري بالج على نفسج مو تنسين انتِ حامل وبطنج واصله الخشمج
بنين : ههههه لا ما انسى يله حبيبي
عمار : اخذي راحتج
ريام :( بنين تغسل بالمواعين كتلها )
... بنونه حبيبي روحي كعدي أنا اكملهن
بنين : لا حبيبتي ما عدي شي خلصت
ريام : دكعدي يمعوده مو زين عليج من الصبح واكفه
بنين :( كعدت وكتلها )
... اي والله احس ضهري انكسر
ريام : الله يساعدج انتبهي النفسج حبيبتي
بنين : أن شاء الله ريام
ريام : ها حبيبتي
بنين : ما صار شي جديد
ريام :( ضحكت وكتلها )
... توني أجيت اكلج
بنين : إن شاء الله خير احجي
ريام : صديق كرار اسمه فرات خطبني بس رفضت وكرار كال فكري ما ادري شي يكلي وافقي يمكن يكون سند الي وشي يكلي لا توافقين لا يطلع مثل ذاك
بنين : اعرفه فرات خوش ولد والله الولد يمدحون بي هوا صديقهم الروح بالروح وانتِ بعد بكيفج بس كرار ما دايملج فكري زين ولا تضيعينه من ايدج والله علي دائماً يمدح بي
ريام : ما ادري بعد كرار ما فتح الموضوع
بنين : إن شاء الله خير
ريام : أن شاء الله ادعيلي بنونه
بنين : من عيوني
.....................
عشق :( لليل راحت العالم ونضفنا البيت ورحنا البيت عمي ابو فهد نشوف صكر قبل لا ندخله علي كال
" بجي ما اريد هوا نفسيته تعبانه انوب يشوفجن تبجن " كناله " اي " ودخلنا لكينا كاعد على الكرسي أمه حضنته تبجي ضم رأسه بحضنها وجسمه يهتز وصوت نشقاته عالي كلنا بجينه وياهم وخرت مسحت دموعها ودموعه وكلتله )
ام فهد : لا تبجي يا نضر عيني لا تبجي اخوك كال يسفرك واطيب وترجع احسن من قبل
صكر : يمه ما ما اطيب ما اطيب بعد صرت عاجز حتى لو طبت يمكن يمنعوني من احلى شي بحياتي وهيا السياقه يحرموني من حلمي يمه
ام فهد : لا يمه أن شاء الله اطيب أنتَ وليدي السبع
صكر : اسف يمه اذيتج
ام فهد : لا يمه ما اذيتني لا تحجي هيج يابعد امك
عشق :( وخرت عمتي وسلمنا عليه وهوا مدنك رأسه حضنته وكتله )
... صكير شو ساكت واحنا جاينك وهاي حتى سلامك من وره خشمك جنك ما رايدنه
صكر : تعبان واذيتكم مالي عين اباوع عليكم
فاطمه : جا شني هاي لعيون البوجهك
صكر : ههههه هاي سوالفي لج
فاطمه : اي هيج اضحك خل نشوف سنونك المسويهن تبيض بفلوس فهد
صكر : هههههههه
عشق :( ضحكنه ويا ضحكته وزينب لازم تذب سمها )
زينب : صدك صكير ما عدك صوره هاي التكرمت وخبصتنه علمودها
علي : زييييينب
زين : هااااي شجابهاااا هااااا ؟؟؟؟؟؟
( سحلتها من ملابسها وصحت )
... طلعييييي بره ديرباااالج تجين هنا بعددددد خوووووش
زينب : ديله هوا مكرم وخبصتونه واحد عاله يووومين وتملون منا
ساره :( نزل عيونه ونزلت دموعه حضنته وكتله )
... صكري حبيبي لا تضوج أنتَ ما تعرفها هيا هاي زنيبه تنكط سم من يوم يومها وما تحبنا
صكر : بس كلامها صحيح
ريتاج : لاااا مو صحيح أنتَ مو عاله صكر احنا نحبك ديربالك تعتبر نفسك عاله والله لو اخدمك عمري كله ما أمل اخدمك وانا ممنونه والله
محمد :( دنكت عليه وكتله )
... لا تهتم الكلامها ترجع صكر وتفكس عيونها
رقيه :( واكفه بالباب ما اتجره ادخل بس دموعي تنزل صارت عينه عليه ابتسم بتعب وكال )
صكر : رقيه شوكت اجيتي ؟
رقيه :( مسحت دموعي وكتله )
... الحمدلله على سلامتك
صكر : الله يسلمج عيني
( ردت اغير جو ما متعود على الكائبه )
... شو صايرات حلوات انتن لأن تبجن ههههه
الكل : هههههه
غيث : هوا راح نخليهم يبجن اربعه وعشرين ساعه هههههه
عشق :( كعدنا نسولف بس صكر ما يحجي انتبهت عليه باوع على زين وزين هزله رأسه وكام غيث صاح )
غيث : وين ؟
زين : أخذه للحمام
عشق :( أخذه زين مسح عيونه يمكن بجه )
زين :( دخلته للحمام انفجر بالبجي كتله )
... شبيك ؟
صكر : ززززين تعبت هذا اول يوم وتعبت ما اتحمل انا هوسه ما اكدر اكعد ما اكدر اشوف بعيونكم الشفقه والحزن
زين : دنجب انجب شفقه ابو الوصخ عود يعرف يحجي
صكر : زين تعبتك حتى استحي اطلب منك تاخذني للحمام انا عاجز ما اتحمل اخلص عمري هيج زين اتخبل والله
زين : باجر نبلش بجراءات السفر بس اتحمل كم شهر واطيب والله
صكر : ما اتوقع امشي بعد يمكن يبقه حلم عدي امشي
زين : اااانجب لا تحجي هيج خل عدك امل
صكر : ااااخ
.....................
فضل :( دخلت البيت عمي ابو فهد شفتها بالمطبخ تبجي تقربت منها وكتلها )
... ريتا عليج الله كافي بجي تعبتيني والله ما تدرين من تبجين شيصير بحالي
ريتاج :( رفعت راسي وكتله بغصه )
... صكر تغير مو صكر اخوي مهموم وتعبان كل هذا وبعده ما شايف وجها كلها بكوم أو وجها الخربان بكوم وتوه ابتسم واجت زينب تكله صرت عاله محد يريدك
فضل : اكلج شي بس ما تحجين لحد ؟
ريتاج : شني ؟
فضل : ايليا صديقه بتركيا نفس حاله صكر تواصلنا ويا وأخذنا رقم الدكتور التعالج يمه وتواصلنا ويا وكال بس دزولي الفحوصات وباجر نأخذه نسويله بس علي كال لا تحجون لحد حتى صكر ف سر خوش
ريتاج :( ضحكت وكتله )
... يعني يطيب ؟؟؟
فضل : إن شاء الله يطيب
ريتاج :( حضنته وكتله )
... شكراً شكراً فضل
فضل :( حمحمت ابتعدت كتلها بصوت ناصي )
... لو ما سالفه صكر جا انتِ باسمي هسه جنت منتضر نتيجتج واسوي الفرحه فرحتين بس صكر خربها الحمدلله
ريتاج :( احس نفسي صخنت كتله )
... تريد جاي ؟
فضل : ههههه كلشي من ايدج اريد حتى لو سم
ريتاج :( كمت اسوي جاي وهوا طلع غميت نفسي على هاي الفشله خر* بروحج ريتاج ما تحلى فشلاتج اله ويا فضل )
.....................
( بعد مرور أيام )
فرات : كرار عدي موضوع وياك
كرار : تفضل
فرات : شسمه صارت سالفه صكر وانتَ سفرك قريب وما رديتلي خبر يعني اذا موافقين نسويها قبل سفرك احسن يعني أنتَ رايح بشغله صعبه لو ترجع لو لا وتدري انا واخوك علي ما نتواجه إذا تشاوفنا نتعارك
كرار : والله ما ادري شكلك بس اختي شافت ضيم وانتَ شاهد وفتحت الموضوع وياها بس ما ردت جواب وما اريد اضغط عليها
فرات : كرار أنا أحبك ومن معزتك حبيت اناسبك واكيد براحتها خليها
كرار : إن شاء الله اليوم ارجع افتح الموضوع
فرات : وإذا توافق يعني هليومين العقد لأن أنتَ سفرك قريب
كرار : أنتَ شبيك مستخف زايد ها ؟
فرات : لا والله بس غير أنتَ راح تسافر
كرار : شعليك بيه
فرات : خاب شني وعلي شيبت ارد اتزوج
كرار : اي كول هيج ادري بيك ما ميت عليه
فرات : جا غير اخو المره أنتَ
كرار :( شلت النفاذه وهوا ركض شمرتها عليه وصحت )
... لو تموت ما اوافق
فرات : ههههههههه احبك وعلي
كرار : هاي لواكه بطلها ما تلوكلك
فرات : هوا بس نصير نسابه ادكك بالنعال
كرار : شوف ياهو يطيك مره
فرات : انتَ ههههههه
كرار : استغفر الله
( خلصت شغل ورجعت للبيت سلمت على امي وريام وكعدت شويه وبدت الشكاوي على ريام هاي السالفه كليوميه هزيت راسي وكمت صحت )
... رياااام وراي
ريام : شني تريد تحاسبني ؟
كرار :( باوعت عليها وضحكت كتلها )
... شبيج تعاي وراي ارد احاجيج
بسمه : كراااار شتحاجيهااااا مو كتلك حركت قميصي
كرار : مره ثانيه ضمي منها امشي ريام
ريام :( راح كرار ضحكت باستفزاز ومشيت وهيا تسب على كيف لكيته كاعد بغرفته على الجربايه كعدت يمه وكتله )
... ها
كرار : اليوم فرات رجع حاجاني ويريد جواب كلت ارجع اسألج خاف نسيتي
ريام : ها
كرار : إذا توافقين هليومين العقد لأن ارد اسافر
ريام : كرار اخاف
كرار : لو ادري بفرات واحد مو خوش ما انطيج ولا افتح الموضوع وياج بسرعه ارفضه بس فرات خوش وحيد رجال ابن رجال
ريام : ما ادري
كرار : روحي الغرفتج وفكري وباجر رديلي جواب
ريام : تصبح على خير
ريام :( رحت الغرفتي افكر مليت كمت صليت صلاه استخاره وقريت قران سمعت اذان الصبح صليت واحس شي على گلبي متردده وخايفه لا ينعاد الماضي وياي جاي انام فتحت الموبايل شفت كرار فاتح دزيتله رساله )
... كرار كاعد ؟
كرار :( فزيت الفجر صليت ولزمت الموبايل ارد احجي وياها مشتاق لسوالفها بس حالف ما احجي وياها خاف اسافر واموت وانا ما حاجي وياها وتضل بنفسي اجتني رساله بنص صفنتي من ريام خفت لا بيها شي كتبتلها )
... اي كاعد صاير شي
ريام : لا ارد احجي وياك
كرار : شعجب كاعده
ريام : اصلا ما نمت
كرار : ليش تعاي الغرفتي
ريام : لا بالموبايل احسن
كرار : شكو خوفتيني
ريام : كرار أنتَ موافق ؟
كرار : ههه اي موافق
ريام : انا فكرت أو وافقت بس متردده
كرار : رفضي
ريام : لاااا
... قصدي يعني أنتَ مو كلت زين
كرار : هههههههه ميخالف بأجر أردله خبر وبفتره الخطبه تعرفينه وإذا ما عجبج اركعه ميه نعال
ريام : هههههههه تصبح على خير
كرار : نامي لا تفكرين مو زين عليج هههه
ريام :( قفلت الموبايل وغطيت راسي ما استحي من كرار ابد استحي من امي وهوا ما استحي منا بس استحيت احجيله وجها لوجه ففضلت اراسله )
.....................
كرار :( كعدت ثاني يوم رحت للمركز ما شفت ريام اليوم مسويتلي ريوك وشارده اول ما دخلت فرات استقبلني وهوا يصيح )
فرات : هلا والله هلا وميه هلا هلا بابو احمد العلم
كرار :( دفعته وصحت )
... بلاااا لواكه
( دخلت للمكتب وهوا وراي يصيح )
فرات : بشر ؟
كرار : مبروك ولد
احمد : شكو خير ؟
كرار : هلا بابو كرار شلونك
احمد : الحمدلله شكو شيريد صارله فتره لازك بيك
كرار : لوكي ولا عبالك محقق
فرات : استغفر الله ادري محقق ما يتزوج شبيك تره ذليتني ذل ما اريد اختك حميد اريد اختك أنتَ
احمد : انجب لا تفكر
فرات : جا شبيه هوا صوج علي صاحبي زوج اخواته
كرار : حيوان مو طلبت اختي
فرات : اتشاقه يمعود بس كلي قمحه شعيره
كرار : قبلت بس انا ما انطيك شتكول احمد
احمد : انصحك لوجه الله لا تنطي
فرات : جا شبيه وتنصحه
كرار : هههههههه لا تبجي يمعود
احمد : بجه بجه
فرات : وسم شبيكمممم
كرار : هههههههه يمعود موافقين بس ما انطيها إله تترسلي الشارع زلم
فرات : هاي سهله اجيبلك بيت غضب كلهم
احمد : شعلينه
فرات : غصباً عليكم غير اخوكم
احمد : بابا عرفه ولفه لا نجي ولا شي
فرات : أنتَ لا تجي ابو الاكبر يجي
احمد : شوف الحيوان
فرات : حرامات صكير مريض هوا يسوي جو
احمد : إن شاء الله بعرسك يطيب
الولد : إن شاء الله
.....................
( بعد مرور ايام )
صكر : مااااا اسوي لا تلحون
علي : صكر لازم تسوي علمود ندزهن للدكتور يا عيني
صكر : ماااااا اروح ماااا اروح ليش اتعبون ارواحتكم وانا ما اطيب هاااا
ايليا :( كعدت يم رجله وكتله )
... والله الدكتور كال تشافى بس خلي عندك إصرار تتعالج وسوي الفحوصات وصاحبي جان اسوء من حالتك وطاب لتسويها كلش
صكر : اناااااا تعبااان انتم ما تفهمون محد يفهمني اكووو وجع بداخلي محد يحس بييي
ايليا : انسى كلشي خلي هدفك اطيب وبس اطيب علمود نرجع الطلعاتنه ونستنه ونسافر ها شتكول
امير : ااااي تجون يمي نروح لدهوك
صكر : ما اروح
فهد : لا اله الا الله بويه حبيبي ليش تشلع گلبي ليش تاذيني أنتَ جبير صكر افتهم
صكر : اناااااا ماذيك ماذيك ذبني عوفنييييي
فهد : شووووف شوووف شلون افتهم كلامي
حسن : طلعو احنا نحاجي
صكر : لحد يحاجيني ارد انام
زين :( كل هذا وانا ساكت ارد أشوفه وين يوصل كعدت بالكاع وكتله )
... تغيرت حيل
صكر : ما متغير انتم تغيرتو
زين : انطيني شي واحد احنا متغيرين بي عليك
صكر : تعطفون وتشفقون عليه وانا اكره هذا الشي
زين : شوكت عاطفين عليك ها شو انتَ وحدك تفسر كلامنه وفهد وانا من يوم يومنا تعاملنه هيج وياك بعد بشني عاطفين هااا ابقه لا تتعالج ابقه لا تمشييي وانتَ بعدك شاب خليك صكر خليك بس تذكر مثل ما أنتَ ما تمشي وراح شبابك انا هم راح شبابي لأن أنا وياك واحد ها ومنا وهيج معليه بيك مو انا اعطف عليك هاهيا بعد ما ادخل بيك
صكر : زين
زين : طالع بره فكر تروح للدكتور ونرجع انا وياك لو تبقه هنا وكلشيييي ينتهييي
صكر :( طلع وركع الباب صحت )
... انا تعبان ليش هيج يسوي وياي ليش ما يفهمني
غيث :( كعدت يمه وكتله )
... أنتَ ليش عنودي تره خطيه ضوجته
صكر : ادري بنفسي غلطان بس مو بيدي ما ادري مختنك
غيث : دمشي نروح نفتح ايدك ونسوي الفحوصات ونرجع
صكر : ما احب الدكاتره
محمد : ادري راح تسوي علاقه ويا ؟ يفتح ايدك ونرجع
صكر : بس ايدي ما اسوي فحوصات
فضل : لا اله الا الله شلون وياك صكر أنتَ ليش تعاند ما تريد اطيب ؟؟؟
صكر : يعنييييي بس نسوي ونصرف عليمن على ابوك
فهد : بابا هسه أنتَ شعليك صارف من عدك انا الادفع انااااا الاتحمل كلشييي
ايليا : أنتَ شبيك مئيس كلش أكلك صاحبيييي حتى اديه ميحركهن وطاب أنتَ ما اطيب تره شغلتك جداً سهله
فضل :( رفع ايده عضها أحس اكو شي بداخله وما يكدر يحجي اكو شي مغيره غير الحادث دفعه محمد وطلعنا لكينا زين بره تقرب منا وكله )
زين : اقتنعت ؟
صكر : جؤ
زين : استغفر الله تعال اصعدك
( اخذنا للدكتور فتح أيده وكال " زينه وركبته مو هسه بعد " وهيا دائما تاذي بالليل من الوجع يصيح كطعوها انطا علاج ومهدئات رحنا نسوي الفحوصات خبصنا بس ما اهتميناله كملنا ورجعنا للبيت علي كال
" من يطلعن اخذهن " هوا تكفل يلكاله دكتور شاطر والتحاليل ما يدزهن الدكتور واحد اكثر من دكتور ويطابق كلامهم يله وصكر معاند ما يسافر يكول
" بس تاخذوني اكلهم انا مخطوف " الولد يضحكون عليه ويرحون رجعنا للبيت والولد راحو الخطبه فرات انا ما رحت بقيت ويا صكير كتله " بمناسبه الفحوصات نباوع فلم " وهوا مغندب كوه عليه ريتاج ورقيه كاعدات كتلهن يسون شاميه وحلويات واشتريت فلم نشوفه لأن بس احنا ما رحنا رحت للغرفه باوعت الصكر المغندب وكتله )
... صقر راح أسبح ومن اطلع نباوع على الفلم لا تتحرك
صكر : اسمي صكر مو صقر
زين : هههههه هسه شبيك مو زين ادلعك أكلك لا تتحرك خوش لا توكع
( من فتح أيده كام يحرك العربانه بديه وخفت عليه يحركها ويوكع فهد كال " راح اجيبله الكترونيه احسن علمود ما يحس بنقص " دخلت للحمام ونسيت اوصي البنات عليه )
ريتاج :( نحضر للفلم سمعنه صوت قوي وتكسير وصياح صكر الرج البيت رج ... )
.....................
يتبــع ... 🦅
للتـواصل انستا
كــوثـر الـ جـاســم 🖋🖤