قيود_ " خلف القضبان "✨
الكاتـَبة:- ايـَات رسـُول ♥️
تصويت وتعليق بين الفقرات + قراءة ممتعة!
يكول :- موش بـ سّواد العيَن بـ صبيها اضمَچ
«ــــــــــــــــــ«•»ـــــــــــــــــ»
~ روُز ~
ليس هنالك من جحيمٍ مشابهٍ لجحيمي الخاص، لا يمكن أن يُقارن به شيء، مُتقلّباً في الفراش مساءً،
رأسُي يشتعل، كلّ شيءٍ غبيّ، غبيّ وأنتَ حبيس جسدي الضعيف وحياتي الفقيرة، وكلّ ذلك ببطئٍ يتلاشى، يتلاشى نحو العدم، مثل بقيّة الأجساد، مثل
كلّ الحيوات، يتمّ إقصاؤنا جميعاً، يُقضى علينا، بالمرض، بالاحتكاك بالأيّام السّيّئة، والأيّام الأشدّ سوءاً، ليس هناك من مهربٍ من هذا، يجلب علينا أن
نتلقّاه، أن نتقبّله، أو مثل الكثير، أن لا نفكّر فيه مطلقاً، حذاؤك ترتديه وتخلعه، الإجازات تجيء وتمضي، مرحباً وداعاً، ارتدِ إخلع، كُل نَم، قُد سيّارة
إدفع ضرائبك، أغسل إبطيك وخلف عنقك وقُم بدعْك ما تبقّى، بالتّأكيد إختر كفنك مبكّراً، تحسّس الخشب النّاعم، إختَر البطانة النّاعمة الوثيرة، سيمتدحُك البائع
على ذوقك الرّفيع ومن ثمّ أرهِبه، قُل له بأنّك تودّ تجربته للتّأكد من كونه على مقاسك، ليس هنالك من جحيمٍ مشابهٍ لجحيمك الخاص، وليس هناك من أحد
إطلاقاً ليتشاركه معك، الأمر سيّآن ما إن كنت آخر شخصٍ متبقٍّ على هذه الأرض، أحياناً تشعرُ بأنّك كذلك، ولعلّك كذلك حقيقةً، في هذه الأثناء،
قُم بقطف النّسيل من سُرّتك، اقبَل ما هو كائن،صافح لا شيء على الإطلاق، لطالما كان الحال كهذا، لطالما كان الحال كهذا، لا تصرخ!
لم يتبقّ أحدٌ ليسمعك، أشياءٌ غريبة، أشياءٌ غريبة، هذه المُدن، الأشجار، أقدامنا تمشي على الأرصفة، الدّماء بداخلنا تُشحِّم قلوبنا، العصور وأخيراً تفرّقت،
ريثما ترتدي جوربيك وترفعهما فوق كاحليك.ما كدرت اتحمل المنضر ما كدرت نفسه انعاد كدامي قبل سنوات نفسه المشهد بس محد سوه شي بس ما
راح اسكت هل مره لأن اذا سكتت راح اخسر اخوي بسببه رفعت راسي وما هتميت الگل رگض على وليم
يشيلون بي حتى يودونه للمستشفى لگن اني لزمت المسدس الي لازمه ابوي وعطيته من أيده باوع عليه بنظرات غضب واردف :-
- روز هدي المسدس من ايدج
- حتى تگتل ياهو الي يطلع كدامك موو؟؟
- روز بلا كلام زايد جيبي المسدس
- لمره وحده بس مره وحده صير اب وحافظ على ولدگ بس لااا انت ما تحافض عليهم انت تخسرهم
اخواني ما يستاهلون هاي المعامله .
يستاهلون الافضل خليها ابالك اذا صار شي على وليم احسب الله ما خلقگ وانت كلشي
زين تعرف شنو معنى كلامي
شمرت المسدس بالحديقة وصعدت سيارتي ولحگتهم للمستشفى وادعي يارب ما يصير شي على وليم اتصلت على ماهان حتى يگلي على اسم المستشفى
بسرعه انطاني الاسم وسده وصلت للمستشفى ونزلت ركض مادري بروحي وين المهم اوصل لـ وليم
سئلت السگرتيره گالتلي بالطابق الرابع تلگينهم رگضت بسرعه وصعدت المصعد وصلت الطابق.
الرابع ولمحت ماهان ويامان واگفين من بعيد رگضت عليهم واردفت :-
- شصاررر وليييم بي شيي؟؟؟
ماهان - اهدئي ما صار شي دخلو للغرفه وبعد ما ندري
روز - زين هوه متصاوب لو لااا ؟؟
يامان - الطلقه چايه برچله
روز - الله ينتقم منه شنو من اب ياربي
ماهان - ماكو داعي تحجين خلي نشوف وليم وعود هذاك الوقت يصير الحجي
متعب - وحگ راس امي الي ما عندي اغله منها اذا ما خليته يتندم على گلشي سواه ويانه ما يطلع اسمي متعب
ماهان - ماكو شي ينحل بالعصبية اهدء وبعدين اتصرف
متعب - اگثر من مره حذرته ما يتقرب من وليم بس هوه لااا حاط دوبه ودوب وليم يا طلابه الي ما راح تخلص هوه غايته جانت معروفه من اجه للعراق ولحد هذه يومنه
يامان - احنا گلنا راح نكون وياكم وما راح نعوفگم الزعيم مو بس اذه وليم اذانه گلنه وگسر گلوبنه بس وغلات الي موجوده بگلبي اذا ما حرگته بناري ما يطلع اسمي يامان
خيبر - كافي شبيكم گلگم متحلفين بي خطيه هسه لو يسمع تهديداتگم ينطيگم زيچ رباعي الابعاد وگون من هذه الاصلي
متعب - اسگت خيبر گل خير ما بيك وچهگ يطرد النعمه
سگتو الولد بعد ما طلع الدگتور ركض معتب على الدكتور. اردف :-
- طمنه دگتور اخوي بي شي؟؟
- الطلقه داخله برچله بس الحمدلله ما مأثره عليه سوينه الازم حتى نگدر انساعده الحمدالله على سلامته
- يعني اخوي عايش ؟؟
- الحمدالله اخوچ قوي مثل الذيب ما يموت بسهوله
ضحگت من گل کلبي وتشگرت الدگتور سلم علينه وراح رگضت على متعب وحضنته من الفرحه :-
- آخخ منچ يا فصعونه
- اخوي راح يرچع
- ليش تحسسيني اخوچ جان يحرر الموصل وهسه يله رچع
- فرحانه والله
- إنشاءالله دومچ فرحانه حبيبتي
باوعت على خيبر واردفت :-
- كبر طمك بلچذب ابتسم شويه
- ماكو داعي احجي الگل يعرف وليم ما يموت بسهوله
- كبر حتى كبر بس تحطم الآمال
- هسه اني شگلت بنت الفکر
- اسگت خيبر والايرحم والديگ
سگت خيبر يأشر بأيده انتضرنه شويه حتى يسمحولنه ندخل نشوفه طلعت السگرتيره ودخلنه
وراها أما نسور وصگر ما دخلو راحو يدفعون الفلوس للمستشفى ويكشفون على حالة وليم بس
شفت وليم ضحگت هوه ابتسم ابتسامة خفيفه رغم هوه تعبان واردف :-
- الي يشوف وچهچ شيريد من الله بعد
- يعمري انت فدوه اروحلگ
متعب - شلونگ ابو الهود الوضع يمك تمام
وليم - تخسه يول اني اموت على ايد وحده عار وسفه
متعب - افااا عليك احنا موجودين ولا يهمك
وليم - انتو ما ينشد بيكم الظهر ينشد بيكم الخصر
ماهان - افااا عليك ما مرچيه منك هاي احنا اخوتك
وليم - عاد شلون اخوت عارات ما بيكم خير
خيبر - دسگت يمعود اني من سمعت صوت الطلقه نصي صار جوه الگاع
وليم - چا وين كلامك قبل سنوات والله اذا ما اچيب الطلقه واحطها بنص راسك ما اكعد بين الزلم
خيبر - وبالفعل ما گعدت بين الزلم
وليم - وضعي ما يسمحلي اگوم اگطع النعال على راسك بس يسمحلي اتفل بوچهك
- ما تگدر تلوحني
اشر للولد يلزمونه واردف - قربو عليه خلي اتفل بوچهه لهل سافل
لزمو الولد وجتفو أيده لي وره حتى لاا يتحرك قربو على وليم وجان يتفل بنص گصته حرفيا متت من
الضحك هوه مستمر يتفل ويحجي وخيبر ساکت عاط بيهم ورگض هدو :-
ماهان - شلون تندسون الحمار شلون
متعب - ليش تچون وتبعصون البعير هوه بعير شلون تبعصونه
خيبر - وحگ العباس اگاومگم
ماهان - دمشي لگ ما تهز شعره من ايدي
يامان - ما تخوف نعالي
خيبر - اندمگم واحد واحد بس اصبرولي
وليم - هاي الگلمه سمعتها هواي بس ما شفت فعل الها
- گلشي بوقته مناسب
گمز يامان على خيبر وضربه على رأسه وصارت امالخ من الروس عفتهم يتعارگون وطلعت اشو وين نسور
وصگر لگن ويه طلعتي انظربت براس واحد لزمت رأسه واردفق بعصبيه :-
- ناس عميه ما تشوف شنو هاي
- Sorry I didn't notice
رفعت راسي وباوعت عليه بنظرات صدمه واو وفوگاها يحجي انگليزي عباله ما اعرف جان لابس
الستره مال دكاتره انتبهت عليها مگتوب اسمه بالانگليزي *عزام * ضحگت بهدوء واردفت:-
- Dr. Azzam, you need eyes to see people clearly
- Repeat what you said ?
ضحگت بقوه على كلامه واردفت :-
- You also need a headset to hear what people say
ضحگ بهدوء واردف :-
- I don't talk to people who don't respect my words and my presence
رفع أيده وعبرني بگل هدوء شكد مستفز لا والمشگله دخل الغرفه الي بيها وليم هذه شنو يريد يسوي بسرعه دخلت وراه باوع عليه وضحك اتقرب من
وليم يفحص بي لگن اني عيوني ما سگتت تراقب بي ما انتبهت على نفسي لحد ما ضرب الميز وليم
بقوه انتبهت على وليم بخوف نظراته تخوف بس يباوع عليه خلص الدكتور واردف :-
- ماكو داعي للخوف تگدورن تطلعون المريض بس لازم تخلصون المستلزمات الطبية
هز برأسه وليم وتشگر منه هز برأسه وعافهم وطلع دخلو صگر ونسور للغرفه واردف نسور :-
نسور - شبيگم وچهگم مگلوب ؟؟
متعب - ماكو شي راح نگعد نص رگبه ونرگص تچي ويانه
ماهان - حتى تعرس على امهاتگم كوارث
صگر - عمي تچينه بالتفگ اگعد راحه
يامان - الله يعينگ نسور اني سمعت بالحب بس مثل حبيگم ابد ما شفت
نسور - متمسگين رغم الظروف
متعب - هوه هذه المهم لحد الان متزوجين بعد کل هاي المصايب
نسور - عينگم لااا افگسها
ماهان - خرب عينگ احسن
نسور - دمشي لگ مسربت ابو البنات
ماهان - علساس انت صايم مصلي
نسور - اني مسلم
ماهان - الصبح مسلم وبليل گوا**
- خرب عرضگ اسگت فضحتنه
تفل عليه وليم وسكت رچعو الولد يحجون لگن اني فايره بالنار بسبب تصرف هذه الدكتور الحقير اتقربت من وليم واردفت:-
- شنو سبب وجودگ هنا إذا أنت بخير
- اذا طلعت اقضي على حياته وحگ راس امي
- الي تريده يصير بس گافي ماكو داعي لوجودگ بالمستشفى
- مع العلم ما احب ريحتهه بس شسوي الحياة چبرتني ادخل عليها
- الحياة هواي تچبرنه نسوي اشياء احنا ما نريدها
ضحگ وليم وباسني من راسي بقوه ابتعدت من راد وليم يگومونه الولد راحو عليه
يرفعون بي حتى يگدر يمشي لزمه متعب من أيده وخلاها وره رأسه
وخيبر گذالگ سوه نفس متعب طلعنه من الغرفه متوچهين لباب الخروچ لگن قبل.
لا نطلع شفته جان واكف بصف بنيه سمره حيل
بس حلو سمارها ويحجي مندمچ
من رفع رأسه انتبه عليه
ضحگت عليه انطيته اخر نظره
قبل لاا نطلع وهوه هم کذالگ طلعنه من المستشفى وگلمن صعد بسيارته الولد صعدو
وليم بسيارة متعب ونصهم راحو بسيارة خيبر واني رحت وحيدي اخذنه وليم لبيته
لأن مقبل نروح لبيت خوالي نزلنه وياه ونزلت اني ركض فتح الباب ودخلت المطبخ حظرت
الاکل حتى اسويله شوربه لأن هوه ما اکل شي سويتها وخليتها على النار طلعت من
المطبخ ورحت گعدت يمهم :-
ماهان - طاح بيها الزعيم
وليم- ياخي خطتگم حتى الشيطان ما مفكر بيها
ماهان - اغاتي احنا ضربنه الشيطان بعرض الحايط
صکر - اگول هذيچ المره شفته ملزوگ بالحايط اثاري انت الي ضاربه بعرض الحايط
ماهان - ايي اغاتي اني ضربته عندك اعتراض
صگر - لاا للاسف ما راح يكون عندي اعتراض على اي شي تسوي لأن راح اكون واكف وياك
ماهان - والله وگفووو منك
خيبر - حيوو الناس النشامه
وليم - دسگت لاا يگوم يفگس عينگ
يامان - عليش يفكس عينه خوب يتفل بوچهه احسن لان يتعب اذا يفگس عينه
وليم - هم صح تفگيرگ عچبني
يامان - اعچبک اني
وليم - اسگت ولگ انت قبل ساعتين اخوك فضحگ كدامنه
يامان - تعلموني بـ ماهان اني اعرفه اگبر فضيحه شرقيه نيوز ما تلحگه
نسور - اخوگ فضيحه ما ينسگت عنها
يامان - والله لو يخلوني ابلغ عنه جان بلغت بس ماكو هيج قانون
متعب - يمعود سلمه بأيد وليم يسويلگ ماهان زلمه معدل
خيبر - اني خوفي لو عده وليم وصار مثله لااا هنا يطشر العرض
ماهان - العراق يروح ومحمد
متعب - لااا هاي هيه ربحنا اذا وليم صار مثل ماهان
ضحگت عليهم شكد حلوه لمتهم بس استغربت عبد المعز وين ما شفته اليوم معقوله ما يدري شنو صار
وكفت على حيلي ودخلت المطبخ حطيت الشوربه بالصينيه وطلعت خليته گدام وليم واردفت:-
- تريد اوگلگ لو انت تاگل
- حتى اصير فرچه الامه العربيه
- براحتك حبيبي
عفته براحته هوه ياگل ضلو الولد گاعدين يسولفون وهوه ياگل ساعه يضحگون ساعه يتناگرون لحد ما نسور صاح بيهم :-
نسور - يله شباب اودعناگ
ماهان - انت في امان الله
متعب - يحفضگ الله نسور اليوم انت في عداد الموت
نسور - الله اليستر بس
ودعهم وراح هوه وصگر أما الباقين بقو يم وليم اني حيل نعست بالگوه فاتحه عيوني الولد راحو ينامون
بالغرفه لأن وليم نام من زمان شلت تلفوني واتصلت على روهانا اريد اطمن على بيان
ويزيد بسرعه جاوبتني :-
- هلاو ريره
- هلا حبيبتي شنو الاخبار بشري
- الحمدالله گلشي ما بيه قبل شويه طلعنا من المستشفى وهسه نايم
- الف الحمدلله والشگر
- يزيد وبيان وين ؟؟
- يزيد شبع بچي عليچ ما قبل يسگت اله أخذته بيان وسگتته
- يعمري وينه هوه هسه نايم
- ايي نام هوه وبيان يم بيبتي
- حبابه ريره روحي شوفيهم اخاف ما نايمين
- انتضري هسه اشوفج
تفتحت گامره ودخلت على الغرفه وشوفتني شلون نايمه باوعت على بيان شلون حاضنه يزيد ونايمه
يروح امج انتِ فديت الي تخاف على اخوها ضحگت روهانا واردفت :-
- بيان حيل خافت على اخوها
- يعمري ديري بالج عليهم ريره بس گم يوم واچي
- لا تخافين يمي
- بيان ما تگول شي بس يزيد صعب اذا راد شي اتصلي عليه
- تمام هاهيه
- شلون الوضع يمگم ؟؟
- تحت الزفت
- الزعيم وين راح
- مادري بس اجتي سيارات هواي اخذته وراحت محد عرف وين خوالي يتصلون بي بس هوه ما يرد عليهم
- خلي بعد احسن لان بس يطلع وليم ويشوف وچهه ينعدم
- تحجين صدك ؟؟
- وحگ ربچ
- هذه وليم طلع اخطر من الزعيم
- لاا حبيبتي واحد اخطر من الثاني
- زين احنا شنو ذنبنا ترا نريد نعيش
- هوه هذه قدرنه يجوز بالمستقبل مگتوب غير شي محد يعرف بس رب العالمين
- الله كريم
- تمام كلبي اني رايحه انام لأن تعبانه ديري بالج على يزيد وبيان عفيه
- من عيوني تدللين
- تسلم عيونج حبيبتي
سديت التلفون من روهانا وخليته على الشحن لگيت الحاف ومخده محطوطات گدامي اخذتهن وخليتهن
على الگرويته لأن جانت حيل جبيره وتگفيني عدلت المخده وحطيت راسي غطيت نفسي زين ونمت
كعدت الصبح على صوت وليم وهوه يحجي بالتلفون :-
- لاا مو هسه من يچي الوقت المناسب
- شوكت يجي الوقت المناسب؟؟
- من اعرف مكان الزعيم
- ليش هوه وين ؟؟
- شمعرفني اني من اعرف اگلگ
- تمام جا أخذ راحتك
- هلا بيك
سد التلفون وباوع عليه :-
- صباح الخير
- صباح النور شو اليوم من الصبح خيرك
- ماكو شي حبيبتي لا تخافين خليها عليه وامشي
- وين امشي لخاطر الله شنو غايتك هل مره وليم
- غايتي اطيح ابوچ
- اكيد هسه رچع لأن ما اعتقد يضل هنا
- طبعا يرجع راح يگلگ منو الي هنا وليم هواي عنده أشخاص هنا يوگفون وياه بس اني منو يوگف وياي حتى الچلب ما يوگف وياه
- اتفق وياك
- ليش ما نمتي بالغرفه الي فوك
- ما اريد عچبني أنام هنا
- هسه ظهرچ يگوم يوچعچ
- لاا عادي متعوده اني
وگفت على حيلي ورحت للمطبخ غسلت ايدي وجهي وحظرت ريوگ كعد وليم يگلب بالتلفون واني رحت
اگعد الولد گلهم گعدو يم وليم واني رحت اكمل ريوگ خلصت بسرعه وحطيتلهم.
اگلو سويه وضلو يضحكون ويحجون وهوه ملتهي بالتلفون ياگل لگمه وحده ويباوع بالتلفون ساعه كامل اخر شي سحبته وخليته.
يمي ضحگ ورجع ياگل خلصو اگل وگلهم گامو شمرت التلفون على القنفه.
ورحت للمطبخ غسلت المواعين وطلعت گعدت يمهم ننتظر بخالتي تچي لأن اتصلت عليه من جنت اسوي ريوگ الهم .
وگالت راح اجي اني وروهانا سويه عليكم حتى نشوف وليم شلون صار وصلت،
عمتي لگن استغربت من شفت عمتي زينب هم جايه وياها بس البنات ماكو شنو السالفة .
دخلت عمتي ام روهانا تبچي على وليم هوه من شافها خرب من الضحك :-
وليم - هسه غير اعرف هذه البچي عليمن
وسن - حقير وگعت گلبنه عليك
وليم - ما هياني واگف كدامج
وسن - وينك واگف
ماهان - للتعديل گاعد كدامج
وسن - اسكت انت الثاني خلي احجي
وليم - خلي يمعوده خلي يعدل بگلامتي
غمز وليم لـ ماهان واردفت عمتي زينب :-
زينب - يمه الحمدالله على سلامتك بس مو هيج يا بعد عمتك مو باتمان وهيج تحجي ويه ابوك وما تخاف منه
وليم - بهذه الوقت ضل واحد يخاف من واحد مع احتراماتي الچ بس ما ضلت لاا احترامات للچبير ولا للصغير
زينب - يمه بس مو هيج ما يصير مهما سو بيگ يضل هوه ابوك
وليم - عچيبه امرچ عمه خسرتي ابنچ بسببه ولي هساتچ تحنين عليه
- من گال هذه كلام يا يمه اني ما احن عليه واضل گارهته اليوم الدين بس انت لا هيج تسوي عوفه بيد الله هوه الي راح يعاقبه
- ما ارتاح اذا ما اخلي يندم كدامي وأشوف الندم بعيونه
- بس هذه الشي راح يأذيگ وشوف هاي من اولها هيچ جا نهايتها شنو
- يمي عمه گلشي بأيدي اني لو ما البارحه تعبان جان ما صار هذه الشي
- يمه احنا خايفين عليك ما نريد نخسر أحد بعد هواي خسرنه أشخاص عزيزين بسببه
- وما راح تخسرون أحد لاا تخافين ما دام اني موجود ما راح تخسرون أحد
- يمه هوه انت شكم يوم وراح ترجع تروح هناك وتشوفه احنا شمعرفنه شراح يصير
- بعد الي صار البارحه تريدينه يطلع كدامي غير اعدمه
ماهان - على شرط تلگونه مذبوح على جهته الگفار
يامان - اصلا حرام نذبحه على جهة المسلمين
متعب - حتى قتله حلال
وليم - اتمنى يصير بأيدي
خيبر - حتى تمرعده وتشگ ابو أبوه
وليم - لااا قليله هاي كدام الشي الي راح اسوي
ماهان - لااا هاي قويه عچبتني
روز - عمه لا تخافين ما دام عدنه وليم ما راح يلوحنه الخوف
زينب - يمه أنتِ انوب عندچ چهال تدمر نفسيتهم اذا شافوا هيج شي
روز - اعرف ياعمه والله اعرف وما راح يشوف هذه الشي كدامهم ولا راح يشوفون الزعيم بعد طول حياتهم
ماهان - اصلا بدون ما تحجين هوه يزيد هل گدوته يگره الزعيم شتترچين من الچبير بقت على بيان خلي تگرهه وتفض السالفه
متعب - ايي والله بعد احسن يعني اذا الجهال هيج جا الاگبار شلون
وليم - الزين يبين من وجهه بس المو زين مبين هذاگ وينه لو تحطينه بين مليون زلمه اعرفه من شکله
ماهان - لدينا گاشف للاشگال الشريره والخيره
وليم - الله يطيح صماخگ ابو صماخ
ماهان - اسگت بعد اخوك
ضحگو الولد وضلينه كاعدين نسولف ونضحك شويه ومشن عمتي للبيت الولد ضلو كاعدين.
يم وليم واني رحت أسبح لأن عمتي جايبها وياها ملابس الي هم زين ربي طلعت من الحمام وبسرعه نشفت شعري .
مرن ثلاث ايام كلش حلوه الولد رچعو للبيت واني هم بس بقى وليم هناك طبعا،
بالکوه قنعنه وليم نروح بالدفرات جنت خايفه منه لا تلتهب رجله أو يصير بيها شي .
بس هوه معاند ما يقبل عفته براحته لأن يگول ما توجعني ضليت بعد أربعة أيام يم.
عمامي وراها حظرت جنط السفر حتى اسافر اني وليم ونرجع لـ أمريگا ونشوف هل مره شنو ناوي الزعيم من اگشن جديد .
«ــــــــــــــــــ«•»ـــــــــــــــــ»
~ هاَزال ~
اخترِع نفسك، ومن ثمّ أعِد اختراعها، لا تسبح في ذات المستنقع مراراً، اخترِع نفسك، ومن ثمّ أعِد
اختراعها، وابقَ في منأىً عن قبضة الإعتدال، اخترِع نفسك، ومن ثمّ أعِد اختراعها،
غيِّر من نبرتك ومظهرك بشكلٍ مستمرٍ حدّ أن تُعجزهم عن تصنيفك، أعِد تنشيط نفسك
وأقبَل ما هو كائن شريطة أن يكون موافقاً لما أخترعته وأعدت إختراعه، كُن عصاميّاً،
وأعِد اختراع نفسك، لأنّه يجب عليك ذلك، إنّها حياتُك، وماضيها والحاضر منتميان فقط إليك.
"كلامي عاصفه وهدوئي مشكله محد يعرفني شنو ولا راح يعرفني غامضه بتصرفاتي وغريبه بگلامي"
استغربت من سمعت الزعيم ضارب وليم برچله طلقه هذه من صدك يحجي شنو هاي. وين صايره اب يضرب ابنه طلقه الگل راح شافه اله
اني حتى سيلين راحت شافته.
لگن اني ما احب اسوي هذه الشي هوه
ما راح يموت بسهوله مثل ما يگولون بس گب.
واحد ويومه طلعت من البيت متوچهه لبيت خوالي لگن صادفني بالباب يامان.:-
- ياا هلا بالشگره
- هلا بيك
- شنو هاي وين جنتي خاتله شو ماكو
- تريد الصراحه احسن الي والگم
- الزعيم چان موجود خصوصي حتى يشوفچ بس للاسف ما صحتله الفرصه
عقد حاچبي واردفت :-
- عفوااً جاي علمودي اني ليش شكو يمه ؟؟
- الچواب مو يمي
- لاا عده الشقه منو گالگ هذه الحجي؟
- روز كالت
- زين اوگي جاي يشوفني شريد مني بالضبط ماكو شي يصير بدون سبب
- الله اعلم شنو نواياه بس أنتِ لا تخافين احنا موجودين
- شكراً لگ بس اني معتمده على نفسي ماكو داعي أحد يوگف وياي
ضحگ بغرابه واردف - تريدين توگفين كدام الزعيم وحدچ
- اني من انخلقت انخلقت اخاف بس من الله وأبوي وامي ما انخلقت حتى اخاف من شخص ثاني غيرهم
- والله والنعم من كلامج
- لاا تستهزئ بكلامي لانه كول وفعل
- لااا منو گال مستهزئ بالعگس اني راح اكون وياج بهذه الكلام لأن أنتِ كلامج شي وافعالچ شي ثاني
- بالضبط
- تفصلي عليش واگفه بليل
- جاي وحدگ لو روهانا وياك
- لاا اجيت وحدي
- تمام أخذ راحتك
هز برأسه وطلع من البيت دخلت اني ولگيت تسنيم كاعده بالمطبخ وتحجي بالتلفون مادري وين منو :-
- يول يمعثوره لاا تخليني اجي اطبر راسچ شنو هذه الكلام
- هيه گوه اني ما اريد
- لاا تريدين وغصباً ما عليچ سلام وين عنچ
- بالشغله سلام واصلا هوه ما يدخل بقرارتي
- عجل شكو بعد الي تريدينه سويه اني علمودج احجي انتِ مو تريدين هذه الشي
- بس ما يصير تسنيم افهمي
- لاا يصير ماكو شي مستحيل بهاي الحياة روحي شوفي الدگتوره ومنا لهذاگ الوقت الله كريم
- وإذا گالت عمليه
- اني يمچ وما راح اعوفچ شبيچ خايفه سويها وسلام راح يكون وياج
- خايفه والله
- افااا اني اختچ ويمسچ الخوف وفسه
- هاي شبيج تسنيم
- اكول انچعمي بمگانچ يول
- مو صوچچ صوچ اني احجي وياج
- غير علمودج احجي هسه طلعت مو زينه
- تأبريني يا احلى اخت بالدنيا
- راح اجي اشگ حلگچ جم مره گتلچ لا تحجين سوري
- علساس هسه أنتِ ما تحجين لهچة زوچچ عفتي لهچة الانبار ورحتي على لهچة البصره
- يمه وشبيها لهچة البصره تجنن
- من گون الله يچننچ
- كبر طمچ كون امشي عوبه
- رايحه عيني رايحه
سدت التلفون تسنيم وتضحگ فرحانه انتبهت على وجودي وسگتت :-
- عليش خفيتي ابتسامتچ عادي يول ابتسمي
- لااا مو شي مهم بس جنت احجي ويه اختي وتحمست
- ما بيها شي خيه خلي اختچ تضحگج ولا احنا لأن نطلعها من عيونچ
- سگتي ولج للا أحد يسمع
- يعموده ما يخوفوني
ضربتني على جتفي وتسگت بيه عفتها وكعدت على الميز لمحت من بعيد روز تطلع من باب الصاله وهيه
لازمه بنتها ارتابني الفضول اعرف شچاي تسوي لگن قبل لاا اگوم اردفت تسنيم :-
- وين رايحه يول عوفيها براحتها بعد شويه راح يرچعون لـ امريگا
- يااا ليش يرچعون ؟؟
- ترا کتلچ من زمان الريس وروز من يچون أكثر شي عدهم يبقون يمنه شهر
- ليش يمه تگرصون ما يضلون يمگم ؟؟
- شغلهم گله بـ امريگا ما يگدرون يضلون أكثر من هيج
- اوي شلي دخل خليهم يروحون
ضحگت تسنيم تغمزلي :-
- لاا خاف حبيب القلب راح يروح
- والله لو بس هوه يبقى ما أحبه عشتوو
- اممم ءيي صدك صدگتچ صحيح نعم
- ما مجبوره تصدگيني
- اشاقه وياج
- زين وليم عرفنه يروح علمود الشغل روز شكو تروح ليش ما تبقه هنا يمنه
- لأن هذه هوه الحل الاحسن الي والگم
درت وجهي على مصدر الصوت وتفاچئت من شفت روز ورايه:-
- بالعگس وجودچ هنا افضل
- لاا غلطانه وجودي هنا خطر چبير على الريس هناك
- وليم يگدر يتصرف مو انتو تگولون هوه ما يهاب شي
- صح بالفعل گلامچ بس اذا اجتمع هوه ابوي اگدر انطيچ مثل شلون النار من ترشين عليها المي هيچ ابوي والريس
- الله اعلم انتِ أكثر وحده تعرفينه
- ايي طبعا
- وين بيان ويزيد
- يزيد گاعد على التلفون وبيان برا يم الريس
- صخام الصخمچ روز الريس هنا وما گلتي
- لاا ولج قبل شويه اچه
- وهسه شبيج أنتِ وإذا چيه انگلبت الدنيا
- دسگتي يمعوده يضل يحچي بس يشوفني
- شحده يحجي واني موجوده
- سالمين على گيفچن على اخوي
- يله يمعوده گلنا العراق
- کلنه شعب واحد
- بالضبط
گعدت روز على الميز تحجي ويه تسنيم فگرت وگلت ليش ما اروح اسلم عليه واتحمدله بالسلامه
لأن بقيت بس اني ما شفته يله هيه
خربانه خربانه شيريد يصير خلي يصير وگفت
على حيلي وطلعت من المطبخ دخلت الحديقه ولمحته هوه وبيان واگفين بصف
القفص مالت الصقر ويلعبون وياه اتقربت
منهم واردفت :-
- سلام ...
دار وجهه عليه متعچب ضحگ بهدوء واردف:-
- يا هلا بيچ ...
- الحمدالله على سلامتك طبعا اعذرني سمعت وما گدرت اچي
- الله يسلمچ واصلا ماكو داعي تچين شغله عاديه
- خالو ريس عمه عدها شعر حلو اريد مثله
ضحگ وليم بخفه واردف :-
- حبيبتي ما يصير شلون تنطيچ شعرها گل واحد وشعره
- هيه عدها شعر حلو
- وأنتِ هم عندچ شعر حلو
- لاا هيه احلى مني
- لااا أنتِ احلى منها
ضحگت عليها واردفت:-
- حبيبتي بيان من تگبرين راح يصير شعرج يچنن واحلى مني بهواي
- ما اريد من اگبر اريد هسه يصير حلو
- لاا تتعيقلين ولج من تگبرين يصير شعرج مثلها
- خالو ترا والله ازعل
- گلشي ولا تزعلين أنتِ
- عاينيلي بيونه حبيبتي ماكو احد احلى من غيره گل واحد وانخلق يختلف عن غير شخص بالمضهر والشگل والتصرفات مثل هسه انتِ شعرچ وشگلچ يختلفون عني اني طالعه على عمامي وانتِ هم طالعه على عمامچ كلشي يختلف بيها الحياة
- ليش أنتِ منو عمامچ؟؟
- ما تعرفينهم حبيبتي من تگبرين تشوفينهم
- يعني همه موجودين هنا
- لااا حبيبتي ما موجودين هنا بعيدين
سگتت بيان تحجي ويه وليم وهوه بس يضحگ وياها استأذن مني وراح دخل جوه يودي بيان آلامها شويه وحسيت بي ورايه :-
- خوفتچ ؟؟
- لاا بس حسيت بيك ورايه
- اممم ...
هز رأسه واتقرب من القفص يلعب ويه الصقر گلش حلو لونه وقفصه جبير وبس يتحرگ بي
لبس وليم وصله بأيده وطلع الصقر
من القفص خلاه على
الوصله والصقر ما سگت بس يتحرک :-
- ما تخاف يطير
- لاا ما يطير متعود عليه صارله سنين
- مادري هاي الحيوانات شلون تفتهم
- مو بس الصقر حتى الکلب يكون وفي ويه صاحبه أكثر من الناس
- اتفق وياك
- تحبين تچربين اخلي على ايدچ
- لاا يمه ما اريد اني ما احب الحيوانات
- براحتج
ابتعد وليم يفر بالصقر ويرجع يجي برزت ابتسامته والأول مره شفته يباوع على الصقر ويضحگ شويه ودگ تلفونه بسرعه اجه.
خله الصقر بالقفص نزع الوصله من أيده وطلع من الحديقه اكيد راح يمشي بقيت شويه بلحديقه وراها طلعت ردت اروح للبيت لگن.
وکفت من شفت شخص واکف بالباب ولابس کله اسود وشگله مبين چبير ضحگ بصوت مخيف واقترب مني يلعب بأيده وصل يمي واردف :-
- شهل صدفه الحلوه وأخيراً شفت بنت اختي الغاليه
ضحگت بهدوء من عرفته هذه الزعيم بس همه گالو عنه مشه شوگت رچع :-
- شتحب اگولگ خالي لو الزعيم
- بلي يعچبچ
- اكيد الزعيم لأن هذه الاسم يليق بحظرتگ
- شكراً الچ ما توقعت تعرفيني بهل سرعه
- اني اعرف الشخص من نظرة عيونه
- ما چذبو من کالو عنچ قويه
ضحگت بقوه واردفت :- اذا يعچبک تشوف قوتي جرب تتحداني بالاول
- اتعلمي شلون تحجين ويه اسيادچ عدل صح ما شفت قوتچ وتصرفاتچ بس راقبت هذه الشي
- عچبني غرورک الي منعگ تحجي وياي بس چبرگ تراقبني
توه يريد يحجي وقاطعه دخول وليم وهوه يحجي :-
- هازال دخلي جوه
- لا ماكو داعي افوت جوه اني رايحه للبيت ماما تنتضرني
ودعته وطلعت من البيت نظراته تراقبني شلون راح اوصل للبيت بسرعه فتت من الباب وسديته عطت بحماس :-
- يس وأخيراً گدرت اشوفه واحجي وياها فيس تو فيس
- عن منو تقصدين ؟؟
كمزت بخوف من سمعت صوت سيلين كدامي ما انتبهت عليها يمكن توها جايه من الگليه :-
- اقصد الزعيم
- ما فهمت ؟؟
- قبل شويه شفته وصار حديث بيناتنا
- سوالچ شي
- شحده يسوي حتى اگسر أيده
- الريس ما شافه
- قبل لاا اچي هوه وليم جان واگفه يريد يحجي بس اني عفتهم واجيت
- آخخ منچ تدخلين نفسج بمشاکل اگبر من راسچ
- يعچبني هيچ احداث خلينه شويه نعيش اگشن
- وهذه الاگشن راح يچي اخرتنه
- بالضبط يأما الفوز أو الخساره بس بالحالتين اني ربحانا لأن اذا فزت راح تنتهي العبه وإذا خسرت راح اتعلم من الخسره وافوز مره ثاني
- لكن هذه الشي ما راح يعچبچ ابدا
- اني الشي الما يعچبني اذا طاقته وتأثيره الوحيد عليه وخلصت السالفه
عفتها تضرب صفنات يم الباب ودخلت البيت لاکتني امي من باب المطبخ ؛-
- ها يمه شو اچيتي ؟؟
- ايي يمه اجيتي ماكو ترحيب الي
- انجعمي بمگانچ يمه ودخلي جوه
- صدگ يمه اخوچ اچه وولد اخوچ راح يمشون
- احجي عدل يول جم دوب اضل اعلم بيچ ما يصير هيج تحجين هذه خالچ
- يبووو من گون تخلخلت اعظامه شلون خال عاد
- يول يمهتوگه احچي عدل على خالچ
- يمه اني الي يحجي عليه بالزين احطه على رأسه بس الي اصلا ما يحترمني لاا هنا الشغله تختلف
- سگتي يمه ودخلي جوه
عفت امي تحجي بالمطبخ هيه وسيلين
وصعدت فوك لغرفتي دخلت وسديت الباب
ورايه توني اريد اخلي تلفوني على الشحن لگن وصلتني رساله من شخص غريب
وگانت من الواتساب استغربت منو هذه فتحت تلفوني ودخلت على الرساله :-
* راح اندمچ على گلامچ الي هذه وذگري زين اني مو شي هين *
ضحگت بصوت عالي ورديت :-
* ولاا اني شي هين وسهل التلاعب بي *
دخلت على الاعدادات وحظرته واحد حقير شلون چاب رقمي ومنو انطاه اصلا
شمرت تلفوني على الشحن ودخلت الحمام سبحت وطلعت انشف بشعري استغربت
من شفت سيلين بغرفتي :-
- خيرچ يا طيرچ شکو ؟؟
- خوالي راح يروحون للبستان تروحين لو لاا
- يا بستان هذه ؟؟
- الي وره بيتنا
- شيوديني بعيد
- اطلعي تونسي لأن بعد گم يوم راح تنحصرين بالبيت بسبب الجامعه
- منو راح يروح؟
- بابا ما يكدر يروح لأن عنده شغل بالمرکز وماما ما تگدر تروح لأن تريد تروح للسوک وخوالي گلهم راح يروحون وبس اني وياج راح نروح .
- الله الي يستر من هل روحه
- لا تخافين الزعيم راح وحتى الريس راح هوه وروز قبل شويه
- تمام امري الله اروح
- تمام جا اروح احظري نفسي شويه ويروحون ترا
- تمام بس اشسور شعري وانزل
- تمام منتضرتچ
طلعت وسدت الباب وراها گعدت اشسور بشعري وادندن بيني وبين نفسي :-
- جحاره حجاره لميتگ لحد ما چبل سويتگ
ورغم ما بيك شي ينحب اني هواي حبيتك
توني اريد اگمل ودگ تلفوني شلته ولکيت روهانا تتصل رديت عليها وخليته على الميز :-
- هلا گلبي
- هلا بيج عمري شنو الاخبار يمج تروحين لو لا
- ايي جاي احظري روحي حتى اكمل
- اني هم بس بعدلي البس ملابس
- اني راح البس گوت لأن الدنيا بارده
- تمام گلبي اني هم راح البس شي ثغين لأن بارده هناك بالبستان
- اكلج هوه البستان مال منو ؟؟
- مال الريس
- واوو شو محد گال
- أنتِ ما سئلتي حتى اکلچ
- شنو موجود بي
- اشكال والوان شنو يحبه گلبچ هناگ
- يعني بي فواگه وخضروات
- طبعا بي ولچ هواي اشياء هناك راح تشوفين
- زين شنو سبب الروحه
- مادري خالي محمد اقترح هاي الفگره
- الله الي يستر بس
- اني هم گلت هسه يصير شي بس يارب خير
- اگلچ شنو تحبين من اغاني ؟؟
- بگيفچ حبيبتي اني راح اخلي الخط مفتوح واروح البس ملابسي
- تمام کلبي براحتج
طلعت من المگالمه ورحت على اليوتيوب بحثت عن اغاني وطلعتلي اغنيه اشگر جمالگ .
كلش حلوه لأن الاغاني السعوديه حلوه شغلتها وانتضرت يطلع مقطعي المفضل يله غنيت :-
- درب الهوى ما فيه گاسب وخسران
دام الحبايب بين بايع وشاري
يجلط خفوقي گل حاسد وخوان
اللي يحاول يبعدگ عن مساري
يا ناس العينين
يا زهر الاوجان
اشگر جمالك وبجمالك اماري
عاطت روهانا بحماس واردفت :-
- صوتچ يجننن والله
- يعمري انتِ مو لهل درجه ترا
- بس تصير مسابقة اصوات أنتِ لازم اول وحده تنظمين الهم
- ههههه يول مو لهل درجه كافي
- سگتب خيتي هاي وين جنتي ضامه مواهبچ
- بعدج ما شفتي شي من مواهبي
- مواهبچ بالعرگات ما أريدهن
- كبر طمچ يول
- المهم يول اروح ابدل راح نتأخر
- تمام حبي روحي بدلي واني هم
سديت التلفون منها وفردت شعري عدلته زين وگمت طلعت ملابس قميص وبنطرون عرض وگوت طويل القميص لونه جوزي وبنطرون.
لون اسود وگوت لوه اسود ويه البنطرون دخلت الحمام لبست ملابسي وطلعت اخذت جنطه وياي وخليت بيها تراك واحد لون .
اسود لان راح نبقى هناك يوم واحد باوعت على نفسي بالمرايه ومن شفت القميص لونه جوزي تذگرت الصقر مالت وليم لونه مثل هذه ألون.
ضحگت وشلت قلم الحمره حددت شفتي شويه وخليت حمره خفيفه خليت مسگاره وتنت
وطلعت صوفر ابوي من جوه من شافني هيچ لابسه لزم ايدي وفرني واردف :-
- اميرتي الشگره
- أبويه حبيبي
- شهل جمال يروح ابوج
- جمال عيونك عيني
- شهل شعر الحلو مثل وجهچ شنو هاي ملاك طالعه اليوم
- واني بابا
دار وجهه بابا يباوع على سيلين الي واگفه يم الدرج ومبوزه شفتها وتريد بس تبچي راحلها بابا باسها من راسها واردف :-
- اميراتي الحلوات انتن
- ايي صدك صارلگ ساعه تتغزل بـ هازال
- بنيتي انتِ جبيره بس اختج صغيره
-بابا شنو هاي ترا بعد شكم يوم ادخل گليه
- بس نظري تبقين صغيره
- اوففف بابا شنو هاي
- حبيبتي لا تزعلين احبچن ثنينچن
- واحنا هم نحبك
رگضت سيلين تحضن بأبوي واني هم حضنته أكثر
شخص احبه هوه بابا اكثر واحد حنونه علينه انطه فلوس لـ سيلين لأن راح نضل .
هناك ما راح نرجع لثاني يوم يله طلعنه اني وسيلين من البيت ولگيناهم واگفين وينتضرون بينه راحت سيلين على يامان واردفت:-
- اني و هازال راح نروح بـ سيارتي
- براحتگم بس ضلو ورايه خاف اتيهون
- تمام لا تخاف احنا وراك
صعد يامان وشغل السياره واحنا هم صعدنه وشغلنه السياره انطلقة سيلين من حرك السياره يامان ضلينه وراهم لحد ما وصلنا للمزرعه.
حرفياً تجنن بيها بيت جبيره بوسطه المزرعه گلش جبير يمكن ثلاث طوابق مادري أكثر حرفياً عبالك مسوينه من گزاز والمنطقة فارغه ما بيها.
أحد بيها بيوت ما مگمله بس فارغه وهدوء تام نزلنه من السيارات گلنا لمحت روهانا من بعد چايه بأتجاهي رگضت عليها .
وحضنتها هم زين اجتي روهانا ويانه نزلو الغراض ودخلوهن جوه طلعو الولد يحضرون .
بالشوايه حتى يشوون الگباب لأن جايبين شوايت كباب أما احنا البنات گعدنه يمهم برا هم زين لبست كوت طويل لأن الدنيا بارده ضحگت روهانا واردفت:-
- والله مال هسه اگوم العب ختيلان
- ويامن تلعبين بس اني وياج
- اني العب وياكم
- واني هم والله
- ياه ياه شوف شلون ولچ شگبرچن بعد تصيرن وتريدن تلعبن ختيلان
- يمه شبيها اذا الواحد حب يلعب شويه ويحرک نفسه
- اسگت ولگ تريد تخزينه
- خاله ولو قاطعتچ بس اعتقد ماكو احد هنا غيرنه لو تحبين اشوفج منو هنا
- انچعمي ولج عيب منا خوالج
- خاله هسه شبيچ وإذا
- مالگم دخل اني راح احسب وانتو روحو ختلو
- تمام يله بنات
طفرت اني وروهانا سويه حتى نختل
لگن هيه راحت لغير مكان وسيلين هم مادري.
وين ختلت اکو مكان وره البيت مال مزرعه رحت ختلت بي لگن تعچبت من شفت.
شي ابيض موجود على الکاع ما اعرف يجوز هذه طحين وگابينه توني اريد الزمه لگن تلفوني دگ طلعته من چيبه وتفاچئت من شفت رقم غريب منو هذه عقدت حاچبي ورديت :-
- بلش العد التنازلي والفوز راح يگون لواحد بيناتنا
ومن هنا تبدأ رحلتنا في قصه قيود خلف القضبان هنا سوف تبدأ الحرب بين الأعداء والأبطال هنا سوف نعرف من الذي سوف يقاوم ويصمد للحظة الاخير
ومن سوف يتعب من سوف يفوز ومن سوف يخسر
قوانين الحياة صعب جداً وما راح تكدر تنسه أحد
كما تدين تُدان..ليس فقط في
الظلم بل ستُدان حين تجبر خاطراً، تُزيل همّاً، تسعد نفساً سيأتي اليوم الذي يُدان لك جميلك.في هذا العالم الصغيّر، سبعون مليار نسمة
و مايزيدّ بأضعافٍ مُضاعفة. لا تُصدق! العالمُ كلّه أنت و ثُلّة أصدقاء! البقيّة مجردُ وجوهٍ مُتكررة.
لگن لكي تعيش، يجب أن تكون قويًا والقوة هنا ليست قوة الجسد، بل قوة التحمل لكُل أمرٍ سيء وقوة التخلّي عمّن لا يستحق،
وقوة الإكتفاء بالذات، وقوة الصبر عن المصائب، وقوة الإيمان بالله فهي أعظم قوة يمتلكها الشخص، فكلما كان إيمانك بالله قويًا،
كلما كانت حياتك سعيدة.لكن مع مرور الأيام سندرك أنّنا لسنا بحاجة إلى حرب ودمار كي نشفى من عقلنا ونصاب بالجنون...
فالمصابون بداء العقل وحدهم الّذين يقتنّعون بزيف العقل والجبن واللّامبالاة، وحدهم الّذين يرضخون للقوانين المفروضة،
ويضحكون ويبكون وفق القوانين المفروضة، وينتصرون وينهزمون حسب الظّروف المفروضة. المحرومون من الجنون هم دلالة على الخضوع إلى المذلّة والإهانة،
هم مهزومون بكلّ المقاييس. إحساسهم متبلّد لحدّ تعجز كلّ فجائعهم أن تفضح هذا العالم الّذي نصارع فيه لأجل البقاء كم هو مقيت وخانق ومرفوض.
ذو العقل وحده الّذي يخشى قول الصّدق، أو الصّراخ في وجه مَن ظلمه، ذو العقل وحده الّذي يتملّق وينافق ويأكل لحم أخيه لكي يصل إلى ما يصبو إليه.
ذو العقل محروم من لذّة الصّراخ في وجه النّاس وتعريتهم بالقول الفصل.أمّا المجانين هم الأنقياء الصّادقون في كلّ المواقف،
هم الّذين رُفع عنهم القلم وحدّ السّيف، هم عند الله وعند عباده غير ملومين، لكنّهم في هذا الزّمن هم وحدهم الحقيقيّون في عالم الزّيف.طوبى للمجانين فهم وحدهم العقلاء في زمن الجنون.
يتبع!!🐺
«ــــــــــــــــــ«•»ـــــــــــــــــ»
-الحمدلله.
-سُبحان الله.
-لا إله الا الله.
-الله أكّبر.
-لا حول ولا قوة الا بالله.
-سُبحان الله وبحمده سُبحان الله العظيم.
-ربي اغفر ليّ ولوالدي.
-حسبِي الله لا إله الا هو عليه توكلت وهو ربّ العرش العظيم.
-سبحان الله وبحّمده عدد خلقهِ ورضا نفسه وزنة عرشه ومداد كلماتهِ.
-لا إله الا الله وحده لا شَريك له،له الملك وله الحمدّ وهو على كل شيء قدير.
«ــــــــــــــــــ«•»ـــــــــــــــــ»