حتى نلتقي مجدداً .
.
.
.
.
.قاعده جنبه علي طربيزه دائريه وسط الفرح تبع صاحبه ال هي بغبائها صممت تروح معاه وفضلت تأنب نفسها : كان هيجرا ايه لو مكنتش فتحت بؤي ده عشان الزق في ديله واجي معاه وهو طبعا ما صدق وفضل ورا ابويا لحد ما وافق ياخدني معاه.. كان مالي انا ومال ده كله انا مبحبش جو الأفراح ده بجد ومش مرتاحة خالص ... أيه بس ال عملته في نفسي ده.... بس انا كان لازم اجي معاه طبعا امال اسيبه كده للذئاب البشريه كل واحده عايزه تتجوز تروح فرح وتحاول توقع واحد زي ما بشوف ف الأفلام والمسلسلات كده . وناير يا عين امه اهبل وهيتشقط في لمحة بصر... كويس اني معاه اه عشان احافظ عليه وبرضو عشان صحابه يعرفو اني خطيبته..
ناير ملاحظ حركات وشها وهي عماله تبص لكل واحد بقرف وشويه ترفع حاجبها وشويه تعوج بؤقها وشويه تبص لحد من تحت لفوق بسخريه
راح مال عليها وقرب من ودنها وهمس وهو بيتفحصها بعنينه : مالك
اتغضت ولفت رأسها ناحيته وطبعا وشها كان قصاد وشه وقريبين من بعض جدا وهو فضل ثابت واخد فرصته انه يستبيح ويفصل وشها بعنيه عن قرب
*بحريه* مدتوش فرصه يرسم لحظه رومانسيه بينهم
وقامت اتكلمت بطريقه كأنها رايحه تتخانق معاه في وسط حاره شعبيه
:: هو ايه ال مالك دي يا خويا انا كان ايه ال جابني كان ايه ال جابك اصلا هو عشان صاحبك يبقى تحضر فرحه انا اتخنقت من الجو ده وبعدين رايح تصاحب واحد أكبر منك وعنده تلاتين سنه وايه يا خويا الفرح الناشف ده
من ساعه ما قعدنا ولا في بوق مايه شربناه ولا الجتو نزل حتى كان زماني نايمه قي بيتي دلوقتي بخلص على الشيكولاته ال جايبها لي
وقامت مرجعه وشها قدامها بتبص ع الناس
بينما ناير لسه زي ما هو بأختلاف بس نظراته ال اتحولت لغيظ وحس انه ممكن يتجن ويقوم يضربها ويطلع غضبه منها فيها
رد عليا ببرود وهو برضو لسه على نفس وضعيته ساند دراع على الترابيزه قدامهم ولافف بجسمه ناحيتها ودراع ساند بايده على الكرسي بتاعها وقريب منها :* امتى يا حبيبتي تؤيدي جعفر ال جواكي ده للأبد
"بحريه " لفت وشها تاني ليه : جعفر ما بيطلعش غير وقت اللزوم يا عسل وكمان لما الغزاله تبقى متضايقه
"ناير" بابتسامه بارده ورجع بردو يلف بعنيه في تفاصيل وشها : * والغزاله ليه متضايقه مش هي برضو نفس الغزاله ال قالتلي خدني معاك ولا غلطان؟!
* بحريه * من نظراته أتوترت في الاول كانت بتحاول تتكلم وهي باصه في عيونه إنما دلوقتي مبقتش قادره حتى تنطق ولسانها يتحرك ابتدت ك عادتها لما تتوتر اديها ترتعش حاولت تلملم اعصابها ال سابت بسببه
"ناير ": تؤتؤتؤ ده شكل الغزاله متضايقه جامد عشان تفضل ساكته ومتردش عليا كده
"بحريه" : اه متضايقه ولو سمحت يلا نروح انت قعدت شويه حلوين اهو قوم يلا
كانت بتشد دراعه وبتقوم من مكانها فعلا بس هو شد دراعها منعها تقوم واتعدل هو مكانه
ناير :" بصي هنقعد نصايه كمان ونقوم
" بحريه*: اشمعنى
ناير": هتخسري ايه يا ستي احنا لسه جايين ملحقناش نقعد
وافقت وقعدو شويه وجه عليهم تلات شباب وبنتين كانو صحاب ناير سلمو عليه وقعدو معاهم على الترابيزه
وبنت من ال معاهم اسمها 'چمانه' كانت بتبصلها بنظرات تقيميه ولناير بتتفحصه وترجع تبص لبحريه
*بحريه * طبعا عرفت تميز الفرق بين نظراتها ل ناير و نظراتها ليها خصوصاً ان من ساعه ما قربو صاحاب ناير يسلمو
عليه لاحظت انها بتبصلها بقرف وبتسلم عليها بتناكة وعلى ناير بابتسامه جريئه.
بحريه * في نفسها :( ااااه الظاهر ال بنقراه في الروايات هنشوفه على أرض الواقع دلوقتي تطلع ست سحليه دي كانت هي وناير صحاب وبتحبه طبعا بس هو هيكون زهق منها ف خزوقها ولما عرفت اني خطيبته اكيد مولعه دلوقتي من جواها وبتفكر ازاي تبعدني عنه عشان يرجع لها كان مستخبيلك فين ده بس يا بنت سلطان ابن جدو ابو سلطان)
كانت لسه بتفكر تقول لناير يمشو لأنها زهقت وعدى شويه من الوقت مش لازم نص ساعه كامله يعني.. يا دوب هتلفله عشان تقوله
سبقها هو وقرب عليها اوي وشه في وشها وهو بيقول : تعالي نرقص سلو
بحريه* برفعة حاجب : نعم؟
ناير : ايه!! بقولك تعالي نرقص سلو مع بعض
بحريه " فضلت بصاله شويه ومحرجة من حاجتين اولا عشان بتتحرج من الأجواء دي وطبعا اول مره هترقص سلو مع حد وهي بتتكسف منه جدا و الرقصه دي هي بتحسها رومانسيه كده ومحرجة ف نفس الوقت وثانيا عشان اا. ااا..
قاطع تفكيرها ناير وهو بيشد اديها : يلا قومي
مسكت ايه وهي بتقوله : استنى بس اسمعي هو عملياً و علمياً مينفعش
ناير " بتعجب : ده ليه ده!! هو احنا بنفكر نخترع الزره ده احنا هنرقص بس
بحريه" بحرج : اصل يعني اممم بص اصل انت أطول مني بكتير وهيبقى شكلنا اهبل اوي الصراحه يعني
ناير " جاله حالة ذهول مش قادر يستوعب وفجاءه جاتله لحظة ادراك ان فعلا طوله قصاد طولها هيخلي شكلهم اهبل فعلا هو مش طويل اوي ولا حتى هي قصيره بالعكس هي طويله برضو بس برضو طولهم مع بعض مش مناسب لان رأسها واصله لتحت صدره بكذا سم.
.
.
بحريه" صعب عليها ناير هو كان شكله متحمس اوي انه يرقص معاها الرقصه دي بس فعلا طولهم مع بعض. مش مناسب الرقصه اطلاقا شكلهم هيبقى مسخره فعلا مينفعش يرقصو قصاد بعض خالص الا لو شالها مثلا بس هي اكيد مش هتوافق يشيلها وسط الناس كده ممكن لو كانت لابسه كعب كانت طولت شويه وقدرت ترقص معاه بس كانت لابسه كوتشي للاسف
هي اه طويله بس لما بتقف جنبه بتستصغر حجمها وطولها قصاد طوله وعرض اكتافه
.
.
.
شويه و الموسيقى هديت وكان العريس و العروسه بيتعاشو والبوفيه اتفتح وكل واحد قام عمله طبق وبحريه وناير قاعدين
ناير مستني يشوف هي عايزه تعمل ايه بس هي قاعده وباصه قدامها وشكلها مش ناويه على حاجه
ناير " حاطط ايده على خده وساند على الترابيزه بصلها بملل : مش هتكلي
بحريه" : مش عايزه قوم اعملك طبق لو جعان
ناير": مش كنتي من شويه بتقولي مشربناش بوق مياه وفين الجاتوه وبتاع؟
بحريه" باصه قدامها : كنت بهزر
فضل باصصلها شويه وحاسس انها ممكن تتعصب في اي لحظه
ناير" بنفس وضعيته قالها بهدوء:* انا مش هاخدك معايا في حته تاني
بحريه ": لاء هتاخدني
ناير": عافيه يعني اذا كان انتي ال قولتي خدني معاك
بحريه " اتعدلت وبصلتله ب انفعال :* وانت سعادتك بكل سهوله وافقت معترضتش ولا اترددت حتى مدتنيش فرصه ارجع في كلامي
ناير"بدهشه: * يا سلام!!!! معلش بقى وقعتي مع راجل شرير زي
بحريه " ب نظرات منكسره :* يلا عوضي عند ربنا اهو نصيبي كده
ناير : قومي يا ختي اروحك انا مني لله بجد قومي يا ختي قومي يا عسل
وقامو فعلا وكان صحاب ناير جايين عليهم وهو أخدها ومشي خطوتين وبعدها وقف يسلم عليهم
چايدا"؛شافتهم جنب بعض وشكلهم عصبها حست ان راجل وبنته بسبب طولهم جنب بعض وكمان بحريه كانت ماسكه كف ايده باديها زي العيال مش متعلقه في دراعه زي اي واحده وحبيبها
چايدا* حاولت تضايق بحريه راحت قالت قدام الكل بضحك قال يعني بتهزر وكده :* بجد شكلكم جمب بعض مسخرة.. وبصت لبحريه... مش طويل عليكي شويه بتلبسيله كعب مقاس كام ده
وضحكت بطريقه نرفزت بحريه وكلهم ضحكو اعتقاداً انها بتهزر معادا ناير مضحكش
بحريه " مضحكتش وبصتلها من فوق لتحت وقالتلها : قد طول مناخيرك بظبط
ناير بصوت مش مسموع؛ : اووف
احرجتها قدامهم
وناير اخدها وراح للعرسان يبركلهم وبعدين طلعو من القاعه وروحو
يارب يكون الاقتباس عجبكم