رحت لغرفتي شكد مشتاقة الها الله بعدها مرتبة ومعطرة ماما ما تاركتها لبست تراكي ومسحت مكياجي مشطت واسمع محمد يصيح بعصبية ......
- ايلييين وينج انزليي ايلييين
خليت ايدي على كلبي كولت بس لا راح تصير مصيبة .......
نزلت جوا الكا فاتح ايده ويصيح علية تعالي يابعد كلبي .....
- عمري انت ماتصدك شكد مشتاقة الك فدوا حبيبي ...
- كسرتيني من رحتي أنتي روحي من الدنيا كلها ... شلونج ؟
- الحمدلله بخير وعافية
- خما عصبي عليج او يضربج شي!؟
- فهد!! مستحيل يأذيني
-زين ...بس كدام هاي امي لو صيح عليج نزل دمعتج ولو بالشقة تجين تكولين اني موجود اطك ظهرة الج يابعد عيوني أنتي ...
- لا حبيبي ميحتاج ،فهد ما يأذيني
- ارتاحيتي من سويتي هيج
- لعد اخلي بابا يموت!؟ ....
- المشكلة انحلت
- لا أنت متوهم مانحلت بعدها ...وولد عمك العفطية دا يفترون ورا فهد ...وصل الهم ههههه حجي لا يجون يمه ترا يوصلهم جثث الهم ديربالك ....
- كل عقلج تحجين هاي شوكت الحجي
- قبل أسبوع بس ماحجالي سمعته يحجي لعمو بالموضوع ....
- محد يحجي ومعليج محد يوصللة
- محمد لا تضمنهم هذولا مو اوادم
- كولي يالله احنا وياج علي موجود محد يكدر يتنفس واني موجود
- بديت اشك حادث الدراجة مفتعل منهم ...وخلي ببالك حدور وراهم بالموضوع
- خليها علية وماعليج اني ادور ورا الموضوع بس قسم بالله اذا طلع صدك احطهم واذبحهم واحد واحد ومايرفلي جفن
- اذا صار شي على فهد منا ورايح بسببهم والله مااسكت اذا أنتو تسكتون اني مااسكت
- إيلين شبيج ؟ بايعينج احنا؟ كل عقلج تحجييين ....
- محمد شفته شسوة ببابا ؟ اتهمه بالتهريب وبابا وثق بي اني سمعت بابا شلون يبجي بكسرة ويحجي يكول وثقت بيه وخان ثقتي كسر ظهري .... اني وحدي سمعت نحيبة لعد بابا ينهان وينفهم غلط ويتعارك ويا أعز أصدقائه بسببهم وابقى ساكته ...
-تعالي احجيلي أنتي شنو سامعه !؟
- أنت تدري التاجر فلت للخارج؟ وتدري بابا وثق بعمك وسلمه السند مال البيت ؟ ولو ما إني جان هسا احنا طالعين برا البيت أنتو تشتغلون وتسافرون متدرون بالدنيا شدا يصير بيها ..... اني هنا بالبيت يمه
بقينا نحجي ونتعلل شكد مشتاقة لهاي اللمة اجا بابا وكام يبجي قهرني ..... شوية وكمنا كلمن راح لغرفته بقيت الوب أريد انام ماكدر تعبانه بس مدا اكدر انام ...شفت الواتس اب فهد ماكو مو نشط كولت اكيد نايم هو مايسهر ينام بوقت ....
شوية واسمع صوت سيارة عالي بالشارع مدري ليش تذكرته ... طلعت برا كولت اشم هوا ع البلكون اباوع هذا فهد!! ...صاف السيارة مقابيلنا وواكف يباوع على بلكون غرفتي ... شافني اشرتلة نزلت اله ركض ....
- فهدددد شتسوي هناا بهل وقت
- ماكدرت أنام طبي جوة لج طبي لا أحد يشوفج نازلتلي بالبجامه ....
- محد أكو ساعه ٢ منو كاعد كولها نايمه ...تعال جوة
- عيب من اهلج اجيت بس اشوفج
- همممم بس هيج
- اي ...
بقى صافن علية ...
- وبعد
- ايلين ماكدرت أنام
- حتى أني
- عيب اخذج هسه من اهلج وماكدر اكعد ابوج راح انتظرج للصبح
-وليش تنتظرني تعال جوا بغرفتي
- عيب من اهلج شيكولون علية
- ترا أنت زوجي مو عشيقي ...بعدين غرفتي فوك واصلة طلبية من شي أن ملابس امشي اشوفك ياهن ....
صعدنا سوية اني ويا اتذكر بالبداية قبل لا نتزوج طلبتلة ملابس وياي سبورت قمصلة بيسبول بس من عرفته أكثر شي رسمي يلبس خفت لا اتفشل كولت عود انطيهن لاخواني .....
- هذا ذوقج
- اي ذوقي
- حلوات حيل ..... وأنتي وين ملابسج؟
- هاا ملابسي!؟ لا ماجبت قصدي جبت بس شسمه ...
- أريد اشوفهن
- لا ماكدر
- مو زوجتي أنتي ليش تستحين !!
- فهد فاضح كولش ....
- براحتج إيلين
بقى كاعد ع السرير ضميت الملابس بالكنتور
وكعدت يمة .....
- إيلين تعبان حيييل نفسيتي تعبانة
فتحتلة ايدي ونمنا سوا بقيت اطبطب علية والعب بشعرة بسرعة نام ....صفنت شوية بملامحه فكة ححلو رمش عيونه حواجبة ...لحد ما غفيت بس نومتي غلط ....كعدني الفجر حسيت بي يعدل نومتي .... لزمت ايدة
- وين تريد
- لا يكعدون اهلج
- فهد أنت زوجي
- ميخالف دخلت بدون علمه للبيت مايصير
- فهد خليك بلييز هو هسا حيكعد للجامع يروح روح ويا وتعال ....
- أوك
نزل اسمعه يسلم علية ويحجون شوية واختفى صوتهم. عرفتهم راحو للجامع هو وبابا ورجعوا بابا الفجر يبقى كاعد للصبح هو كاعد يمه نزلت بست بابا وحضنته يباوعلي هو بطرف عينه ....
- من رخصتك بابا أريد فهد
- أي بابا اخذوا راحتكم ....
جريته من ايدة وصعدنا فوك ....
- يلا تعال
- شنو إيلين ؟
- أريد انام
- ماتنامين لازمج إني
- فهد ....بقيت اباوع علية استحيت اكولة
زعلت منه ونمت عرفني زعلت ...سد باب الغرفة عبالي طلع .....
- حقييييييررررر يعرفني ماكدر انام اله على عطرة تعودت ...الله ياخذنيي ويخلصني من عجرفته هاي ....
- لا اسم الله
فزيت علية جرني بحضنه ونمت كعدني ب ٩
- كومي كافي نوم
- بس شوية حباب
- كومي سويلي ريوك
- فهد بليييزززززز نص ساعه
- كافي نوم اكلج كومي
غسلت ونزلت هو كاعد جوا يم علي يسولفون يحجيلة ع الحادث واني سويتلة ريوكة ....
- علوشي حبيبي سويتلك مخلمه
- عاشت ايدج عمري
انتبهت علية يباوعلي بنظرات كولت هاهيه حموت ليوم كام علي اتصلوا علية ....
- ايلين شهل كلام هذا؟
-شنو غير اخوية مااتغزل بي!
- اي بس مو كدامي
- تغار ؟
- استغفرالله احجي عدل
- أوك ،نعتذر منك سيد فهد
- يلا صعدي بدلي دا نروح
- إيلين ابوية يكول خلي تبقى .....
- ليش خير شكو
- ما كاللي ليش بس كال خلي تبقى شوية لتروح هسه ...شوفي اذا فهد يوافق
-عادي ماعندي مشكلة بس لازم ابقى وياها ...
- مرحب بيك بأي وكت ابو صگر ....
رحت لملمت كعدت ماما تريكنا سوية وطلعت غير بجامتي كويت شعري وخليت ميك أب شوية صارلي هواية ما مدللة نفسي نزلت جوا يم فهد كعدنا شوية وهو ضايج أدري بي ميحب كعدة البيت يريد يطلع بس باقي علمودي ..... فتح علي الاستقبال كال اجونا عمامي ...باوعت لفهد ...
- شبيج ؟
- مالي واهس ادخل
- ليش قابل شراح يسوون ؟
- خايفة تصير مشكلة كلبي ما مطمن
- لا متصير اني يمج ....
صاحلي بابا افوت جوا اسلم عليهم مادري شنو يردون مني اني مااطيقهم كولهم ولا احبهم أنوب جايين هم وولدهم .....
- يلا كومي
- خايفة أدخل
- من شنو تخافين
" إني بظهرج لتخافين"
لبست شالي وفوكاه عباية بابا
- تعالي لزمي ايدي ..ندخل سوية
طبيت عليهم جوا كلبي يدك سريع خونه خانو بابا خانو ثقته ماريدهم ولا أريد سلامهم .... وكفت يم فهد وبابا ووراية علي ومحمد
- ماريد سلامكم
- لا بوية مايصير أنتي بنتنا
- لا لو نهمكم صدك ما وصلتوا بابا وصديقة لهيج ...ماانسى المشاكل لي صارت وماانسى مرض بابا وعركته ويا أعز أصدقائه ....
- جلال جان عار وطردنا حتى من العشيرة
- مايهم عسى ما يموت
صاح واحد من عمامي وكا لبابا خلي بنتك تلزم لسانها شوية ....تقدم فهد ليكدام وكلة -احجي عدل
- مو أنت رجلها ما تربيها
- مرتي متربية عدل وتعرف تحجي مايحتاج أحد يعلمها ...مبين منو المتربي ..
- هو هذا نسيبك لي خبصتنا بي مع الأسف ردتها ل ولدي وماصارت ....
- نسيبي ابن حسب ونسب ومعروف مايحتاج
صارت عركة وفهد رجع لازم ايدي خلاني جوا ايده خاف علية صارت اصواتهم عالية .... وعمو حسين ما رضى على سوالف عمامي البقية وعاركهم ووكف ويا بابا ....بوقتها اجا عمو ابو فهد هم وصارت مشكلة جبيرة لأن بابا وكف ويا صديقة (ابو فهد) وعاف عمامي .....
- وحق الله لو ما هالوجوة الطيبة مااخليك عايش دقيقة ...
- فهد معليك بيهم لا يسوولك شي
- اني مو طفل إيلين ....
طلعوا ما راضين بالناقص .... علي وصلهم للباب ورجع يضحك ...
- إيلين تخيلي تتزوجين يوسف ههههه
- انجعم لو اموت ماسويها .....
ودعت اهلي وطلعنا فهد ضايج بعدة من الي صار ....رجعنا طبيعي رحت لدوامي عاد جان علينه لود كولش قوي ...
- خير نهى شكو
- ايلين المستشفى مليانه صاير إنفجار والدنيا احتركت كومي خلي فهد يجيبج .....
- يا ستار جايه حبي فد نص ساعه
- شكو ؟
- انفجار صاير يردونه هناك كوم وصلني ...
من كد ما مستعجلة الشال لفيته بالسيارة وصلنا المستشفى اشرت لفهد حصعد بسيارة الإسعاف واروح لموقع الحادث ....يحتاجوننا هناك والبنات محد تقبل تروح رحنا اني وولد وجماعه الاسعاف ويانه ...... فهد اباوعلة يمشي ورانه .....
- إيلين خيتي جوا جوا هناك طالبينا .....
- ركضنا اني ويا الدفاع المدني وشرطة بعدني طلعنا خطية مصابين هواية نقلناهم الوجبة الثانية اباوع فهد من بعيد واكف يباوعلي .....هستوني التفت دا ارجع طكت الثانية بعيدة بس الشضيه صارت ببطني حسيت شي حار وبسرعة غبت عن الوعي .......
- فهد:
اباوعلها دخلت ركض مادري ليش كلبي حسني اكو شي شفتها من انضربت .....بعمري وبحياتي كلها ما حسيت بالضعف مثل هسه ....طبت للمكان وما خلوني احتمال اكو أنوب مااهتميت اخذتها ورحت ركض ماخليت سيارة ماخليت شي ما دعمته في سبيل بس أصل ..... تنزف دم ووجها أصفر كلش دخلتها للطوارىء لكيت صديقتها بقيت يمها كالو ما داخله للعمق يعني اصابتها سهله حيل بس جرح سطحي هي من الخوفة غابت عن الوعي بلغت اهلها مادري أحس صعبة ارفع عيني بعين أبوها ..... وعدت نفسي احافظ عليها وهسه متصوبة .....
- فهودي ولا يهمك قضاء قدر ومابيها شي ....
- علي اني وعدت عمي احافظ عليها
- يخوي مابيها شي هسه تكعد صدك جذب ....
طلعوها من البنج دخلتني نهى عليها تصيح باسمي .... انصدمت من سمعتها شنو تحجي متدري بروحها بس كل لي تحجي حقيقي هي تفكر بي او يكون بداخلها ....
اعترفتلي هي تحبني وماتكدر بعد تعوفني ...الاتفاق جان ٦ أشهر وهاي ال ٦ أشهر قربت تخلص مابقى شي منها أسبوع بس ....
نقلوها يم اهلها ترتاح امها كالت اني اداريها راحو اهلي زيارة الها واني بقيت آخر شي شفتها بالبنج وهاهية .....
بقيت أحس نار بداخلي توقفت عن التفكير بس حاير شنو أسوي ...الملاكمه المهرب الوحيد الي .. أفرغ بيها كل طاقتي بقيت اتمرن وراها دخلت نزال جانو واحد ورا الثاني مستمرين بس مجان أحد يطلع عدل من النزال ..... دز علية المدرب وسئلني اذا صاير او لا ... جاوبته ماكو شي وطلعت احس كتفي يوجعني ....
- إيلين:
فتحت عيني فهد ماكو ....سئلت ماما كالت وصلنا وراح يومين وهو ماكو باليوم الثالث كمت امشي طبيعي بس مو حيل اخاف ع الجرح يحركني ....مرت أسبوع وصلني إشعار تذكير ع الموبايل. ......موعد طلاقي منه ....عرفت سبب غيابة يعني هاهيه بعد ماكو فهد !! ....
الليل كولة ابجي ..شكد صعبة وماتوقعت هيج يعوفني ..... انتهت كل الحلول طلعت برا كعدت بالبلكون ابجي واشكت أريدة يمي وكفت عدل طفيت الضوا حتى محد يشوفني وبقيت اباوع ع الشارع عيوني مليانه دموع ....وصافنه هو مرادني اني هم ماريدة كافي قهرر ... صحيت ثاني يوم للدوام بوجهي كبل غبت هواية اشتغل بدون صوت البنات عبالهم بعدني بسبب المرض باوعت عل حلقتي ....راح انزعها مابقى شي رحت للكافتريا أكلت شوية وكمت ...خابرت ماما بلغتها مارجع راح ابات البنات تعبانات ولود عليهن قوي أريد اعوض أيام غيابي ..... ب ١٢ بليل اتصل علية فهد ...شعندة بقيت مترددة ارد لو لا ....رديت واخيرا لكيته كوة يحجي متعارك ويا عموو ماعرف شنو السبب ماقبل يحجيلي .... جان يكولي سامحيني ابريلي الذمه ...
- فهد لحظة شبيككك يا ذمه فهمنيي
- راح اطلع بالسيارة ويمكن مارجع إني تعبت بعد مااتحمل كلها علية .....
- لا فهد الله يخليك لا تطلع فدوا
- ليش ترجفين ؟
- فهد خايفة عليك لتطلع فدوا كول أنت وين جاييتك ....
- ميحتاج ....
سد الفون وراح وادري بي من يطلع القاعه هسا مامفتوحة وين راح لعد .....
تذكرت هو من يضضوج الاماكن لي يروحلها اعرفها فكرت ماكو غير الشط راح يسبح وهو ضايج والدنيا ليل ثلج .... ركضت على نهى جانت تريد تطلع ....بلغتها اخذوني وياهم كلتلها هاهيه روحي لكيت سيارتة صافها عرفتها ع الرقم نزلت لكيته يسبح بعدة بالبداية وكوة يتحرك بعدها وكف نزلت بالمي جان ثلج واني اخاف من المي بس بعد مااشوف كل همي ... اطلعه جريته وكوة شلته لأن ثكيل بقيت اكعد بي ماكو احسه متجمد .... اخذته بالسيارة لبسته ملابسة وضربته على وجةة كعد هو بس صافن مايحجي شي بقيت ارجف .....نزل من السيارة نزلت ورا ....
- إيلين ليش نزلتي صعدي معليج بيه ....
- فهد الله يخليك لا تسوي بروحككك هيج أنت دا تأذيني
- ليش تهتمين المفروض هسه احنا منفصلين ....
- ماكدر بعددد لتسوي هيج تعال اصعد ولتريدة يصير بس ارججع
جنت احجي وارجف وراها بقيت ابجي مستحيل يعوفني ابجي ...اجا دفعني ع السيارة قربت وجهه من وجهي وصار يحجي ويباوع بعيوني ...
- ابقي يمي لا تروحين
- هياتني يمك فهد ماعوفك ...... دخلته للسيارة وصعدنا اني ويا جنت ارجف ثلجت انتبه علية ...وصلنا لبيت المزرعة لان قريب رحت نزعت ملابسي سبحت بمي حار اريد بس ادفى جابلي ملابسة .....
- إيلين بعدج بردانة!؟
- اي اي كولش أنت شلون متحمل ؟
- متعود اني من زمان هذا ولا شي عندي ....
لبستهن ...وبقيت اكمز أريد ادفى ...
- تعالي بحضني ...
انطفت الكهرباء ورحت ركض يمه اني اخاف أنوب اصوات مدري شنو برا وهو أول مرا يضحك ....
- ههههه جبانة أنتي
- ضحكتك حلوة
-صدك
- اي كولش
- لتتحرشين
- ياااا اتحرش ترا مدحتك
- تعالي بحضني تعالي
نمنا سويه وكعدنا الفجر كوتلة خلي نرجع مامرتاحه بنومتي هنا ...رجعنا سوية لكينا عمو وعمه دا يصلون ...
- ها ماما وين جنتوا
باوعلي فهد وجابوها ببيت المزرعة ....ضحكت هي اني صعدت فوك استحيت منها ...اجا فهد وراية نمت بملابسة ما ذبيتهم وهو هم متعود ينام بالشورت بس حتى لو شتى .... وهالمرة نمت بحضنه من صدك قريبة منه حيل بحيث انفاسة جانت تضرب بوجهي ...عطرة أحبة حيل ريحته تجننن ...جان جسمه حااار غفيت لأن دفيت بقى نايم علمودي لل١٠ جان عندي عطلة لبارحة عوضت ماخليت ......
بقينا سوية طول اليوم ماطلع ابد
- ايلين ترحين وياي ؟
- وين ؟
- للجم
- عزاااا شلون
- وحدنا شبيج
- زين مابيها كاميرات ؟
- لا مطفية بس الخارجية تشتغل ....
رحنا اني ويا جنت لابسة صاية فوك ملابسي ما شافهن هو جانت دافية نزعت الصاية والشال ....باوعلي هو وبقى صافن ....
- احم تعالي على هاي
- مو صعبة
- لا وياي اني ارفعج
اثناء التمرين تقربنا كولش من بعض صرنا كل يوم نروح سوية وعلاقتنا صارت كولش حلوة ....... بس جانت مجهولة يعني لا احنا لي مزوجين صدك ولا لي احنا منفصلين ...رجعت من الدوام لكيته يخابر مادري شنو يحجز اجاني كلي ....
- إيلين شنو رائييج بدهوك
- نروح سفرة
- همممممم اي عندي الج مفاجأة هناك
- شوكت نروح
- باجر
-صدك تحجي ممحضرة شي احتاج ملابس فهددد بلييييييزز
- ههههه هناك اشتري براحتج ،اطلبي واني اجيبلج ....
- أوك أوك
حضرت كم لبسة الية لأن من هناك اشتري .... كملت غراضي يلا نمت لأن ورانا طريق ...
- ليش حجزت تذاكر
- نروح بسيارتي ؟
- اي نروح
- مو تعب عليج
- لا ترا مو بعيد
بلغ صديقة أنو مايحجر طيران حضرت ملابسي نزلهن من الليل حتى نبدل ونطلع الفجر .....
الطريق كولة فهد اباوعلة مرتاح ونفسيته تمام ...خفت لا يصير شي يخرب فرحتي واغاني مشغل اني أغلب الطريق نايمه ....ومن وصلنا دخلنا لشقة صديقة كاملة من كولشي بسرعة سبحت ونمت هلكد ماتعبانه هو بقى يفتر ......
كعدت ب١٠ بليل مابية حيل عزلت ملابسنا وكمت لكيته جايب مسواك ونايم وكاعد واني بعدني ....
- تنامين هواية
- اي احب النوم
- كم ساعة تنامين؟
- حتى لو ماتعبانه انام ١٣ ساعه عادي ...
- الكثرة مو زينه ....
طبخنا سوية وكل حركة اسويها جان يتقرب مني بحجة يأخذ كلاص او سجينه او شي جنت كولش متونسة بس تذكرت اتفاقنا ماكدر احجي .... خلصنا ونمنا سوية ...تمددت واجا فتح ايدي ونام بحضني ...
- إيلين تعباااااان
- فهد
- نعم
- تعال بحضني أضمك وأحتويك الناس الها أوطانها وإني الك وطن
بقى نايم بحضني واني العب بشعرة لحد ماغفينا سوية ....
- عندي الج مفاجأة
- شنو هي
-اريد نحتفل ليوم سوية
- بشنو
- شي بعدين تعرفينه المهم اخذج للصالون واجي عليج بعدين ...
- زين ليش؟
- مفاجأة
- اوك بس تعرف هنا صالونات!؟
- اي حاجزلج
رحت هناك استقبلوني كانوا يعرفوني ....لغته العربية ضعيفة بقن بالبداية مساج وغسل شعر عناية كاملة من كولشي عبالي خلصت طلعت وراها ميك اب وشعر ....كولش توترت شنو المفاجأة ....
خلصت كولشي بس تعبت لأن طولن حيييييل .... آخر خطوة جانت صدمة اليا
اخذتني لمكان كانوا استديو مال تصوير لكيت مليكان ملبسيها فستان أبيض يجننن او بالاحرى بدلة بس جانت بيضة وتلمع مال اميرات وحذاء وطقم كريستالي لبستني ياهن وجنت مستحيه منها قطعه قطعه اجاني فهد شايل مسكة الورد انصدمت!!!!!هذا مو حلم ..
- اميرتي
- فهددد
- عيونه
- مدا اصدك , أريد ابجي
- ليش؟ تستاهلين أنتي
- مو علساس ننفصل
- اشش أنتي مالتي مالت فهد عرفتي .....
صورنا واخذني بالسيارة لقاعه تجنن دخلت لكيت اهلي واهله وصديقاتي نهى وطيبة انصدمت جايين كلهم هاي شوكت باوعتلة وعيوني مدمعه ....
- أحبك
- اميرتي أنتي .... اني هم
همسلي باذني أحبج احس طرت فوك بالغيم بقينا نركص
قطعنا الكيك الحفلة ما طولت لأن مابقى وكت جانت ماما تبجي سلمت ع اهلي واهله نزعت البدلة واخذوها يرجعونها لبست فستان عادي وفوكاه عباية وشال وطلعنا ايد بايد .... للشقة ....
- فهد
- اي أميرتي
- تحبني !
- اي هواية لدرجة ماكدرت اعوفج تعودت على عطرج إيلين أحبج
- لتعوفني
-وعد مايفرقنا بس الموت
- حبك
خلصنا ٥ ايام بدهوك بعد الزواج عشنا احلى أيام جانت مليانه فرح وابتسامتي مافاركت وجهي ....
بآخر يوم جنت تعبانه يمكن اخذت برد وميته متكسرة كوة كمت الصبح
جان طريق الرجعه عبارة عن سم روحي تريد تطلع وكل شوية يكف حتى اتقيا ...تعبته حيل وبقيت ابجي ويسكت بية
وصلنا البيت ونمت بسرعة ثاني يوم رحت للدوام وكل شوية ادوخ واتقيا ومتنرفزة حيييل .......
- ايلين حللي يجوز حامل
- نهى لا تتخبلين
- اي شبيج شنو ماتعرفين
- يمعودة من السفر كولشي مابيه
بقى ببالي ثاني يوم غلست ثالث يوم جبت من الصيدلية من رجعت حللت ماكو شي ذبيته بسرعة لا يشوفة فهد ماحبيت يشوفة ......
مر أسبوع نفسيتي تعدلت شوية بس أكلي هواية صار ....جنت آكل وهو انتبه علية ...
- ايلين هواية تاكلين كل مااطب واطلع مو زين شنو حلويات تاكلين .....
-مادري شهيتي مفتوحة بحيث مشتهيه مندي هسه
- مو زين نامي
- راح اطلب
- إيلين كافي مو زين شبيج
- اكولة شهيتي مفتوحة مدري شبيه ...
- نروح للطبيب ؟
- لا شسوي ترا مبية مو مريضة حنام خلص ماريد
- لا تزعلين
- ما ماريد
- راح اطلبلج
- ماجاوبته غفيت نمت بسرعة نعسانه ....كعدت ثاني يوم لكيت الصينيه بالمطبخ من شفتها لعبت نفسي تقياًت واجا يمي ....
- تاكلين اي شي وهسا طلع عليج
- مابية شي مااشتهي بطلت حتى الاكل
- مو ع الاكل بس اكلي شي بي فايدة .....
رحنا وهم نهى جبرتني اله أخذ تحليل اخذت ورجعت للردهه مالتي خابرني فهد ....
- جاهزة ؟
- اي بس أخذت تحليل روح جيبة وتعال
- جابلي ياه وصعدنا
- ماكالولك شي؟
- لا
- أوك
وصلنا البيت وشمرتة ونمت دا نتعشى وخابرت نهى تباركلي
- على شنو
- مو حامل
- لا منيلي
- دنجبي سارة كالت شفت تحاليلها حامل
- صدك تحجين
- اي والله
خلصنا وصعدت فوك عندي جهاز واحد طلعتت وحللته .... خطين!!!
ههههههههه خليته بالعلبة واجا فهد
- امممم شنو طالعه حلوة ليوم
- اي لأن عندي الك مفاجأة
- شنو هي
انطيته العلبة وفتحهاا
- شبيها حرارتج ؟
- هذا اختبار حمل
- هااا ،يلا عمري ميخالف
- هو شنو الميخالف؟
- بعدنا بالبداية بعدين نسوي طفل
- فهد اني حامل
- إيلين ممكن ما تحجين هيج
- ليش متريد ؟
- لا صدك
- اي والله هاي خطين يعني حامل
اباوعلة بقى صافن وين كانوا استوعب لي دا يصير شالني ويبوس بيه .....
- راح أصير اب يعني
- ايي هههههههه
- صكر حيجي
- حبيبي منو يكول ولد يجوز بنية
- ولد بنية مو مهم اهم شي أنتي
- الحمدلله
-تعالي
- وين
جرني من ايدي ......
جانت فترة الحمل صعبة علية حيل
حارة ودوامي ومرات نتعارك بس مايخليني زعلانه بسرعة يراضيني .....
- كوم مشتهيه كندر
- ها حبيبي ميصير للصبح
- لا اله هسه وجيبلي وياها ليمون
بقيت انتظرة لحد مااجا
خليت ليمون ع الكندر واكلها
- تلعوصين
- لا طيبة
- شو انطيني
اكلها وذبها بسرعة
- أنتي حتموتين الطفل
- طيبة اشتهيتها
ججنت آكل هواية لذالك سمنت بقيت آخر فترة كولش صعبة اخذت اجازة آخر شهر انطوني ياها بس بنص راتب لأن مااداوم
- فهد راح اولد
- كولي يالله صيري قوية
-حموووووووت حتطلع روحي تعال اخذني
طلعنا اني ويا وعمه وخابروت امي تجي متت من الوجع طلعت روحي اريدة وياي ماكو مادخلواا صديقاتي وياي جانن وامي وعمتي توسلت بنهى بس تدخلة حسيت هاهيه راح أموت .....
- ياعمري أنتي كولي يالله صيري سباعية لا تبجين ماكدر اشوفج هيج ماكدر
- فهد أمانه ديربالك ع الولد اذا متت خلي ماما تربي .....
- ولج كافي اسكتي راح تكومين بالسلامه بس كولي يالله اني يمج هنا ماعوفج وياج .....
كعدت لكيته يبجي وماما ترضع بي حليب
- انطيني ياه
-رضعي طبيعي ....
مابقيت بليل طلعوني ،بقى فهد وياي بكل خطوة جنت مرات ابجي وأحمد ربي على هاي النعمه لي الله رزقني بيها طفل وزوج يحبني ويساعدني جان صكر يشبة بشكل مو طبيعي نسخه منه ......
ولهنا وانتهت قصتنا اتمنى تعجبكم
اعذروني على أي تقصير بدر مني
انتظروني بقصة جديدة
الكاتبة : Nola