Niharika aur Adhij realise nahi karte hain ki Maan un dono ki baat sun rahi thi. Jab Maan ko lagta hai ki Adhij kamre se bahar aa raha hai to wo bhaag ke apne kamre mein chali jaati hai.
Niharika Didi Kunal se shaadi karna chahti hai? Wo Kunal se pyaar karti hai? Yeh kya pagalpanti hai? Kal Adhij aur Aarohi ki shaadi nahi hogi. Adhij ke jagah Anshuman baithega aur Aarohi ke jagah Radhika, unhe to uska naam bhi nahi pata. Isse bada dhokha nahi ho sakta tha mere saath, meri apni sagi behen mere hone wale pyaar se shaadi karna chahti hai.
Nope, not happening. Main Kunal se pyaar karti hoon, maine sapna dekha hai Kunal ki biwi banne ka. Bohot mehnat kiya hai maine yahan tak pahunchne ke liye jahan main aaj hoon. College mein sabse bacha ke rakhna, kisi ko Kunal ke ird- gird na mandrane dena. Maine Bela ko bhi raaste se hatane ka plan bana liya tha, wo baat alag hai ki Adhij ne pehle hi use ghar se nikalwa diya. Zindagi bhar main kisi ke pichhe nahi bhaagi, lekin Kunal ne mujhe apne pichhe bhagaya, he made me chase him. Aise use haath se nikalne nahi dungi.
Adhij Aarohi se pyaar nahi karta hai, to Aarohi ke liya achha hai agar wo is shaadi se bach jaye. Anshuman aur Radhika se mujhe lena dena nahi hai. Waise bhi dono date kar rahe hain. Kal, Niharika Didi ke jagah, nahi apne hi jagah par main khud baithungi. Aur yeh kaam mujhe akele karna hoga.
---☆---
Kunal, aapki wajah se hamare Papa ka yeh haal hua. Unhe aspataal le jaya gaya. Ham aapko iske liye maaf nahi karenge. Lekin kal ham ek aakhri koshish zaroor karenge Aarohi ko bachane ki, kyunki bhai ki galti ki saza ham behen ko nahi de sakte.
---☆---
Dono bhai ke jaane ke baad Kunal sone chala jaata hai lekin use guilt sone nahi deti hai. Ansh aur Veer sahi keh rahe the. Aaj meri ego ki wajah se maine itna bura kiya Bela ke saath. I insulted her too much. I can't even sleep. Kaise so sakta hoon, jaise aankh band karta hoon, Bela ka rote hua chehra, Uncle ji jab almost behosh hone wale the mere aankh ke saamne aata hai. Sabka Bela ke baare mein bura kehna mere kaano mein gunjta hai. Yeh sab meri wajah se hua.
Kunal, you need to apologize, right now. Par kaise? Uska phone to tune tod diya.
Kuanl jhat se uthta hai aur Aalok ko call lagata hai. "Aalok, get me the latest phone, aadhe ghante mein."
"Sir, abhi? It's 11:30. Koi shop open nahi hoga."
"Aalok, right now!"
Kunal bistar se uthkar kapde badal leta hai.
Aadhe ghante baad Aalok Kunal ko uske car ke paas milta hai aur use phone de deta hai. "Sir, aap kahin ja rahe hain?"
"None of your business, Aalok. Kisi ko batana mat, Mom ko to bilkul nahi."
"Yes, sir."
Kunal Bela ke ek manzile ghar ke darwaaze par khatkhatata hai.
Andar se chalne ki aawaz aati hai. Bela soyi nahi? "Kaun hai- Aap? Aap yahan kyun aaye hain? Kya kasar baaki reh gayi thi jo aap itni raat ko chale aaye? Kya kehna baaki reh gaya jo subah chhut gaya tha? Kal subah aaiyega, abhi sab apne apne ghar mein so gaye honge. Tamasha dekhne wala koi nahi hai."
"Kitna bolti ho tum?"
"Dopahar ko aapne itna kuchh bola, maine kuchh kaha? Nahi. Kya hi keh leti main? Aapko koi chup nahi kara sakta. Bhagwaan jaane aapke ghar wale kaise sambhaalte honge? Aapke saath reh kar kisi ne khud- kushi kaise nahi kiya abhi tak? Sab aapke ghar pe aise hi hain? Mujhe to koi waisa nahi laga-"
Kunal Bela ke baanh pakadkar use diwaar aur apne beech phasa leta hai aur neeche jhukta hai taaki uske chehre ke theek saamne ho. "Shut up, will you?" Kunal dheemi aawaz mein bolta hai. "Don't cross your limit. Meri family ko beech mein mat lao. I know dopahar mein jo maine kiya-"
"Limit ham cross kar rahe hain? Aapne jo kiya wo kya tha phir? Aapne to apni seema ka dhyaan nahi rakha jab aap hamari charitr ke baare mein utna kuchh keh rahe the? Badi aasani se aap hamare baare mein wo sab bol gaye. Ek baar nahi soche ki uska hampar kya asar padega, hamare Papa ko kaisa lagega."
"I know I was at fault. Mujhe laga-"
"Laga? Aap kehna chhah rahe hain ki aapne itna bada bakhera khada kiya kyunki aapko 'laga'? Ek galat 'laga' ki wajah se aapne hamara itna bada tamasha bana diya? KYUN? Aapne ek baar dekha kyun nahi ki aap kya kar rahe hai? Jis wajah se kar rahe hain wo sahi hai bhi ya nahi. Bas 'laga' aur kar diya. Aapko pata hai aapki wajah se hamein kya kuchh sehna pada? Aap jaante hain Papa ka kya haal ho gaya tha? Nahi. Aur agar ham bata bhi dein to aap samjhenge nahi. Kyunki aapko kisi aur se farak nahi padta hai. Aapki pariwaar theek hai to baaki sab bhaad mein jayein. Aapke ghar ki beti khush hai to baaki ki betiyaan chahe zaleel ho jaye ya mar jaye, aapko lena dena nahi hai. Aap kyun aaye hain, Kunal?"
"Tum batane dogi to main bataunga-" Dono achanak ruk jaate hain jab camera ka flash unke chehre par padta hai. Bela apne ghar ke aage ka light jaldi se band kar deti hai.
"Light band karne se kya hoga? Raat ko aise kaale kaand karte hue pakdi gayi. Ab yeh sab chhupaye nahi chhupega," Bela ke ghar ke saamne khadi ek aunty kehti hai.
"Maine tumhari kartooton ka saboot le liya hai. Sab ko bataungi is baare mein. Mangetar ke hote hue tu aise paraye mard ke saath, apne ghar ke saamne rangraliyan mana rahi hai. Thodi to sharam rakhti. Aaj hi tumhari pol khuli hai aur abhi yeh sab. Aisi besharam ladki ko ham yahan nahi rehne denge. Ruko tum."
"Kamla aunty, please, aisa mat kariyega. Papa-"
"Karne se pehle sochti ki tumhare bimaar baap ka kya hoga. Aisi batchalan ladki ko yahan rakh ke ham apne bacchon par bura asar nahi padne denge."
"Aunty," Kamla aunty wahan se chali jati hai. Bela dar aur sharam ke maare rone lagti hai. Kunal Bela ke kandhe pe haath rakhta hai lekin Bela uska haath hata deti hai. Wo Kunal ko gusse se dekhti hai. "Aapke kaleje ko thand mil gaya? Aapne jo kaha wo aapne kiya. Aapne kaha aap mujhe barbaad karke chhodenge aur aapne wahi kiya. Aapne hamein kahin ka nahi chhoda. Hamari naukri, hamari izzat aur ab hamara ghar, sab chheen liya. Ab to hamari shaadi bhi toot jayegi. Kya karenge ham? Isi liye aaye the na aap? Yahi chaahte the aap. Yeh sab soch ke aaye the na?"
"Aisa kuchh nahi hai-"
"Baniye mat aur hamein banaiye mat. Ham jaante hain aap kaise hain, phir aapka aisa natak karne ka koi matlab nahi hain. Hamse kya chhupana, Kunal?"
"Bela! Main tumse aaj dopahar ke liye maafi maangne aaya tha. Ansh aur Veer ne mujhe bataya ki wo sab tumhari galti nahi thi. Mujhe jaise sach pata chala main yahan aa gaya. Mera aur problems khadi karne ka koi intention nahi tha."
"Kya ho gaya aapko? Aap kisi se maafi nahi maangte, phir aisi dil ki tabdili kyun?" Bela shak ki nazar se Kunal ko dekhti hai. "Aap itne mahan kaise ban gaye ki jhat hamse maafi maange aa gaye? Jahan tak ham jaante hain, ham aapke liye sirf ek wedding planner hain. Aapko lagta hai aapka hak hai apne liye kaam karne walon par dhos jamana, unhe daatna aur unki bezzati karna. Aap apne liye kaam karne wale se kabhi maafi nahi maangenge. Aapka ego aapko aisa karne nahi dega-"
"Main maafi maang sakta hoon, agar main galat hoon to. Aaj tak maine maafi nahi maangi, kyunki main aaj tak kabhi galat nahi tah. Maine is baat ka hamesha dhyaan rakha ki mujhe kabhi shariminda hone ka mauka nahi mile. Aaj jo hua, main galat tha, lekin galti tumhari bhi thi. Tumhari harkaton ke wajah se yeh sab hua. Tumne to mujhe sorry nahi bola, main kyun bolun?"
"Aapke liye maafi maangna sharmindagi ki baat hai? Mat maangiye maafi, ham aapko sharminda nahi karna chaahte hain, kyunki saaf pata chal raha hai ki aap maafi maangna nahi chaahte hain. Waise bhi, hamne nahi kaha aapko maafi maangne. Aur jab maafi nahi maangna hai to aap yahan kya kar rahe hain? Kyun aaye hain yahan?"
"Kyunki Aarohi chahti hai tum kal shaadi mein maujood raho. Aur wo tab hi hoga jab main tumhe sorry bolunga. Main apni behen ke liye kuchh bhi kar sakta hoon."
"Jab aapko ahsaas hi nahi hai ki aap galat hain, aap maante hi nahi, to kya fayda aisi maafi ka? Mat boliye sorry, uska koi matlab nahi hoga."
"To tum kal aaogi?"
"Nahi, ham nahi aayenge. Ek to galti karte hain, sorry bolna to chhodiye, aapko apni galti hi nahi dikh rahi hai."
"Abhi to tumne bola sorry bolne ki zaroorat nahi hai."
"Ham to bohot kuchh kehte hain, aaj tak ek baat nahi sune, lekin yeh baat ek baar mein sun liye. Aur, aapko bhi to pata chale ki doosron ko dukh dekar aap kabhi khush nahi reh sakte, aapko to pachhtava bhi nahi hai. Kal jab aapki wajah se aapki behen aapse naraz hogi tab aapko pata chalega." Ham thoda kadwa bol gaye, lekin ham wahan nahi ja sakte hain. Koi aur paristhiti hoti to ham wahan kabhi nahi jaate jahan hamari bezzati hui hai, lekin Aarohi ke jeevan ka sawal hai yahan.
"What do you want, woman? Pehle kehti ho sorry mat bolo, aur ab keh rahi ho ki maine sorry nahi bola to tum shaadi mein nahi aaogi."
"Aapko jab galti ka ahsaas hi nahi hai to sorry ka ham kya karenge? Ahsaan kar rahe hain aap hampar hamein sorry bolkar? Achhi baat hai ki aap apni behen ko itna maante hain, usse pyaar karte hain, lekin jab aapko lagta hi nahi hai aapne kuchh galat kiya ha to aap sorry bol bhi denge to ham nahi aayenge."
"Aur sab kehte hain mujhmein ego hai."
"Ise ego nahi, self respect kehte hain."
"Ise zid kehte hain. Tumne apna man bana liya hai to main kuchh bhi karunga, phir bhi tumhari zid ke wajah se tum nahi maanogi. I'm leaving. Yeh lo." Kunal Bela ke haath mein ek chhota sa bag rakh deta hai aur wahan se chala jaata hai.
"Sorry bolne aaye the lekin sorry bole bina chale gaye. Inke bas ki baat hi nahi hai maafi maangna." Bela phone lekar andar jaati hai. Bag kholti hai aur andar ek phone ka dabba dekhti hai. Uspar ek note bhi hota hai.
'Maine tumhara phone tod diya tha, to tumhare liye naya phone laya hoon. Is phone mein tumhara sim daala hua hai. Maine ise set bhi kar diya hai. It'll work fine. Apne hisaab se setting change kar lena.'
Agle aath janmon mein ham aapka diya phone ya aur koi taufa nahi lenge. Kal jab ham Aarohi ki shaadi todne jayenge to ham wapas kar denge.
---☆---
"Radhika aaj aa rahi hai na?" Kunal puchhta hai. "Usne saare functions miss kar diya, shaadi mein to aana hi hoga. Chhoti Maa milna chahti hai usse. Dadi bhi excited hai."
"Please, Kunal. Mera shaadi karne ka koi iraada nahi hai."
"Sab sirf milna chahte hain. Koi Radhika ke aate hi usse tumhari shaadi nahi karwa dega."
"Maine Aalok ko bheja hai use pick karne ke liye."
"How unromantic, Ansh," Veer kehta hai. "Aapko khud jaana chahiye tha. Mujhse kuchh to seekho ladkiyon ko khush kaise rakhte hain."
"Tera tareeka mujhe nahi aazmana hai, Veer. Radhika meri girlfriend hai, meri fuck buddy nahi. Wo sab tu hi kar."
"Ansh, yeh to aap mat bolo. Jabse Bhaiya ki shaadi ki baat chhidi hai, main ghar ke bahar nahi gaya hoon."
"But log ghar ke andar aaye hain," Kunal kehta hai. "Roka ke din hi I caught one of your 'frineds' sneaking out."
"That was my last. Uske baad main kisi se mila nahi hoon."
"Veer ko chhod, tu yeh bata Bela ke ghar kab ja raha hai?"
"Koi fayda nahi hai jaane ka. Cheezein bigad gayi hain."
"Par Bhaiya, aapne promise kiya tha aap jaoge."
"Main gaya tha."
"Kab, kal raat ko? Jhooth mat bolo," Veer kehta hai.
"Haan, kal raat ko."
"What? Are you serious? Tu sach mein gaya tha?"
"Haan. I was feeling guilty. Main so nahi pa raha tha. Lekin baat bigad gayi. I'm sorry Ruhi, but looks like she's very angry."
"Aaia kya kar diya aapne?" Veer puchhta hai.
"Koi baat nahi, Bhaiya. Aapne mere liye try kiya, aapko khud guilty feel hua, mere liye wahi kaafi hai." Aarohi ki baat sunke Kunal ko roka wala din yaad aa jata hai.
"Thank you, hamari help karne ke liye."
"Maine yeh tumhare liye nahi kiya. Main nahi chahta aaj ke din koi tamasha ho."
"Hamare liye wo bhi kafi hai."
"Don't worry, ek aur tareeka hai mere paas. Let's see Bela kaise wapas nahi aati hai."
---☆---
"Plan kya hai?" Adhij Niharika se puchhta hai.
"Plan yeh hai ki Aarohi ko shaadi ke do ghante pehle utha lenge, kisi ko shak bhi nahi hoga. Uske tayyar hone wale kamre mein Anshuman ki girlfriend hogi, nashe ki halat mein taki use baad mein kuchh yaad nahi rahega. Maan bhi wahin tayyar hogi, to use main dekh lungi. Lekin hamesha tayyar rehna. Hamein kabhi bhi improvise karna pad sakta hai."
"Don't worry, Didi."