- لا استبيح القراءة دون لايك وكومنت !
-
« نـور و فـارس فـي سيارة »
طول الطريق كانت تناظر فارس التعبان والمرهق تنهدت بضيق وهي تلف تناظر غزل الي على جواله مسكت يد فارس بعفوية وناظرت له ابتسم فارس وهو يشد على يدها حست بحراره جسمه من لمست يده
وصل فارس قدام بيتهم ولف على غزل : انزلي
غزل هزت راسها بمعنى تمام رفعت حاجبها ب استغراب : نور بتنزلين عندي ؟
نور هزت راسها بتردد : ايه
فارس ناظرلها ب استغراب : ليه تنزلين
نور : امش ورني شقتنا وبنتفاهم بنزل عند غزل بس
ابتسم فارس لا شعوريا : طيب
نزلت غزل ونزل فارس ونور واتجهى فارس وهو ماسك نور لشقتهم
وقفو عند الباب بلعت ريقها بتوتر من فتح باب الشقة ابتسم وهو يناظر لها : حياك
ابتسمت نور بتردد دخلت دخل وراها فارس وسحبته من يده واخذته على الكنب سدحته بالقوة عقد حاجبينه ب استغراب : وشفيك ؟
نور ماردت عليه وراحت للمطبخ تاخذ منشفه ومويه بارده اخذتها وهي تجلس على طرف الكنب ابتسم فارس لحنيتها ومسك يدها قبلها بهدوء بادلته الابتسامة اخذت المنشفه المبلله وحطتها على راسه غمض فارس عيونه وهو فعلا ماهو قادر يتحمل الحرارة وتعب ونام لا شعورياً حست نور انه نام راحت الغرفة بتوتر فتحتها ارتجفت يدها وهي تناظر الغرفة والسرير لا شعوريا بهمس : يعني ذي الغرفة بعد شهرين بنكون فيه انا وفارس تنهدت وهي تاخذ اللحاف ومخده وطلعت من الغرفة اخذت اللحاف ولحفت فارس فيه رفعت راسه وهي تحط المخده تحت راسه تنهدت وهي تتأمل شكل فارس النايم وملامحه لا شعورياً قبلت خده ثم خشمه ثم عيونه قامت من عنده وهي تتتجه للمطبخ فتحت الدولاب مالقت شي اخذت جوالها وهي تتصل على غزل ردت عليها غزل : هلا نور وينك بسمالله ؟
نور بتردد : انا فوق بشقة عمك فارس حرارته مرتفعه ويقاوم وحطيت له كمادات بارده ولحفته بس ابغى شوربه عندكم ؟
ابتسمت غزل براحه وحب لحنية نور على عمها : ياحظ عمي فيك الله يخليكم لبعضكم ابشري بجيب لك ذالحين
ابتسمت وهي تقفل من غزل وجلست تغلي المويه وتناظر فارس الي نايم بتعب وبهمس : عنيد رغم انك تعبان الا انك تكابر التعب !
فزت على طرق الباب ركضت بسرعه لا يصحى فارس فتحت لغزل ابتسمت غزل لها : يعطيك العافيه
نور ضحكت : وش سويت
غزل : ابد جالسه تهتمين بعمي وعرفتي انه تعبان
نور ابتسمت : يلا انا بسوي الشوربه واطفي عليها وانزل لك تحت تمام
هزت راسها غزل بمعنى ( تمـام ) وطلعت وقفلت الباب
اخذت الشوربه وهي تطبخ له ~ بعد خمس دقايق قفلت على الشوربه " وهي تغرف لـ فارس بصحن واخذت مويه دافيه و مسكن الالم وراحت لـ فارس نزلته على طاوله قومته بهمس : فارس قوم اشرب قوم
فتح عيونه بصعوبه وتعب وحراره تسري في جسمه : هلا
نور سندته على الكنب واخذت الصينيه وتحطها في حضنها وتجلس قدامه ابتسمت وهي تمده له ملعقة الشوربه : اشرب لاجل تاخذ مسكن الالم
ابتسم فارس بين الالم : ياعيوني ماله داعي مابي اتعبك
نور ابتسمت : ماعليه المهم خلصها وانا بنزل تحت عند غزل وبروح بيت جدي
فارس نزل الصحن : خلصت
نور ناظرت له بصدمه : خير وش خلصت مااكلت منها شي
فارس ابتسم وهو يسحبها لحضنه وهو يضمه لها ويداخلها بين ضلوعها ابتسمت وهي تشد عليه : شفيك
فارس تنهد : خليك بس كذا خمس دقايق كافيه والله
ابتسمت نور : طيب تمام ارتاح
-
« عـنـد مـيـلان و غـيث بالشقة »
دخلت ميلان ودخل وراها راحت الغرفة بتعب وهي تدخل الغرفة وتحس بـ ارهاق وغثيان بالغصب اخذت بجامتها ودخلت دورة المياه
سمع غيث صوت ميلان بالدورة مياه عقد حاجبينه ب استغراب : وش جاها ؟
طلعت ميلان وهي ترمي مريول المدرسة وتتمدد على السرير وماسكه بطنها دخل غيث وهو يشوفها نامت تكلم وهو مستغرب حالة ميلان : ميلان ماتبين تتغدين ؟
ميلان بهمس : مابي اتغدى تعبانه ولا لي نفس اكل
غيث ماحب يضغط عليها دخل اخذ شور سريع ~ بعد دقيقتين ~ طلع وهو يتمدد جنب ميلان اقترب لها وهو يسحبها بحضنه ضمته ميلان وهو ضمها وغطو بالنوم
-
« تـحـت عند ام غيث وابو غيث »
جالسين كلهم يتغدون ب استثناء غيث وميلان ناظر ابو غيث ب استغراب : وين غيث وميلان
جود ردت بتسرع : بابا ميلان تعبت علينا الصباح من اليوم تحس بالغثيان الظاهر حرارتها مرتفعه!
ناظرت لها ام غيث بشبه فرحه : وشنهو تعبانه ولا قلتو لي بصعد لها!
جود : لا يماما غيث ارسلي ان مابينزلون يتغدون اجلسي وميلان رفضت تروح المستشفى
ام غيث تدعي من كل قلبها ان الي في احساسها حقيقي ناظرت لها لينا وابتسمت من عرفت امها وش فكرت فيه !
عبدالعزيز لف على ابوه : يالغالي زي ماتعرف مابقى شي واتخرج وانا تخصصي ادارة اعمال مثل ماانت عارف ابي افتح شركة لي !
ابو غيث ب ابتسامه : ليه تفتح شركة وشركات ابوك موجوده !
عبدالعزيز ابتسم : ياعسى ربي يحفظك ويمدك بالصحه والعافيه لكن تعرف انا ابي اكون شركتي الخاصة وهي شركة الاستثمارات العالمية!
ابتسم هتان وهو يربت على ظهر عبدالعزيز: مشاءالله عليك عسى الله يوفقك
ابو غيث : الي يريحك وشركتك انا بتكفل في فتح مبنها وتاثيثها
ابتسم عبدالعزيز بفرحه وهو خلاص ب ارتياح من اقتراب تحقيق حلمه
لينا ناظرت جود وهي بالها عند ميلان همست لها : جود ميلان الظاهر انها حامل
جود : صح تحسين ياختي قلن لها اليوم انها حامل بس هي صامله انها مب حامل
لينا : عنيده !
جود : اف شايله همها اذا طلعت حامل اليوم وجهها يروع من التعب !
لينا تنهدت : الله يعين بس
-
« بعد مرور ساعات المغرب »
صحت ميلان بتعب وخمول لفت وهي تناظر غيث الي نايم تنهدت وهي تقومه : غيث قوم اذن المغرب قوم
تافف غيث وقام : شفيك!
ميلان قامت وهي تركض لدورة المياه من حست بغثيان رجع لها فز غيث وراها بحده وعصبية انتظرها عند الباب لاجل تطلع طلعت ميلان وهي تمسح وجهها بتعب مسكها غيث وبحده : امشي قدامي البسي عبايتك ونقابك بوديك المستشفى ولا تعانديني فاهمه
ميلان ماحبت تعانده وتتكلم كثير تنهدت وهي تتكلم بصوت تعبان : طيب
غيث دخل سريع يغسل وجهه ولبس ثوبه وتجهزت ميلان ونزل تحت ومعه ميلان
فزت ام غيث وجود هم يناظرون ميلان و غيث ام غيث اقتربت لـ ميلان بخوف عليها : يابنتي علمتني جود شفيك عسى ماشر
ميلان بتعب : والله مااعرف ياعمه غثيان ومغص بطن ودوخه
غيث ناظرلهم ب استعجال : عن اذنك يمه باخذها للمستشفى
هزت راسها : استودعتكم الله علموني وش يصير
طلعو غيث و ميلان وجلست ام غيث وهي تدعي : يارب انك تفرحني بحمل ميلان يارب !
~ركبوا السيارة وتسارع نبضات ميلان الي بدت تشك انها حامل وزاد خوفها غيث الي زاد توتر وخوف على ميلان ~ عشر دقايق وصلو فعلا المستشفى مسك يدها غيث وناظرلها وهي ترتجف بتوتر مسكت يد غيث وشدتها : ماابي ادخل خلنا نرجع صرت كويسه
ناظرلها غيث باستغراب : وشفيك خايفه
ميلان حست انها بتنفجر غورقت دموعها : خايييفههههه اكوووووونننننن حامممملللللل ماااااانيييييييي مستعددده
وسع غيث عيونه بذهول وصدمه ماحسب حساب انها ممكن تكون حامل : هاه حامل!!!
ميلان : ايواااا البنات يقولون يمكن تكونين حامل
غيث بفرحه : امشي امشي يارب انك حامل يارب
ميلان : ماابي توني صغيره ماني مستعده ياخي
غيث بحده : اقول امشي معي بس ان كانك حامل ربيي يتمم لك وان ماكنتي حامل وش نسوي عاد
تاففت ميلان بخوف وتردد وراحت ميلان اخذو رقم ودخلو على الدكتور
الدكتور : تفضل؟
غيث مد له الورقه : دكتور هذي الورقه
الدكتور بدء يسال ميلان : وشفيك وش الي حاصل معك؟
ميلان وهي ترتجف : احس بغثيان ودوخه ومغص بالبطن !
الدكتور بشك : انتي متزوجه ؟
هزت ميلان راسها بمعنى ( اي ) : دكتور متزوجه وهذا زوجي !
دكتور ابتسم : تقدرين تروحين قسم النساء والولادة بتعرفين وشفيك هناك
زاد توتر ميلان وطلعو برا واتجهو لقسم النساء والولادة دخلت ميلان بتوتر وهي تناظر غيث : خلك هنا لا تدخل ممنوع
ضحك غيث على توترها وخوفها : ماهو ممنوع انا زوجك لكن بنتظرك هنا !
دخلت ميلان وهي تناظر غرفة الفحص والدكتوره الي استقبلتها ب ابتسامه : السلام عليكم
الدكتوره : وعليكم السلام
ميلان بتوتر: دكتوره احس بغثيان و مغص في بطني ودوخه !
ابتسمت الدكتوره : متزوجه
هزت راسها ميلان بمعنى " ايوه " : ايه
دكتوره ابتسمت : اجلسي على السرير
~ بعد ثلاث دقايق انتهت ميلان من الدكتوره والفحص طلعت لغيث الي واقف ومتوتر فز لها من انفتح الباب وراح لها مسكها : وش قالت لك ؟ حامل !!!!!
ميلان باقي مصدومه وبلعت ريقها بخوف بتوتر نزلت دمعتها لا شعوريا : غيث خايفه انا بصير ام بعد 9 شهور !!!!!!!!!!!!
صرخ غيث بفرحه مسك راسه : قولي والله قولييي انك حامل صادقه ميلان
ميلان بكت لا شعوريا من الخوف : حامل
ضمها غيث بفرحه : يالله يالله الحمدالله يارب الحمدالله يارب !!!!!
ميلان بكت بحضن غيث : غيث خايفه والله خايفه ماابي
غيث مسكها وهو يهديها : يابنت هذي نعمه من ربي العالمي امشي امشي نفرح امي
طلعو ميلان وغيث من المستشفى ~ ووصلو البيت ~
نزل غيث بفرحه وبسرعه مسك يد ميلان دخل وفزو كلهم من فرحة غيث وهو ينادي امه : يمه يمه يمه
هتان و عبدالعزيز و جود و لينا وابو غيث وام غيث كلهم في الصاله جالسين
ام غيث : وشفيك يا امك تصرخ وشفيك ؟!!!!!!
غيث : البشاره تميم بيجي بعد تسع شهور
ام غيث صرخت بفرحه : وشششششش تقولللللل ميلان حامل
صرخو جود ولينا بفرحه وهم يركضون يضمون ميلان وام غيث ضمت غيث بفرحه : مبروك مبروك عسى ربي يتمم لها على خير
ابو غيث بفرحه : عسى ربي يتمم لها على خير مبروك وانا ابوك مبروك يا بنيتي
هتان و عبدالعزيز باركوا لـ غيث ركض عبدالعزيز بيضم ميلان بفرحه ووقف لثانيه وادرك انه جايب العيد مسكه غيث من طرف ثوبه وهو يناظرله بصدمه وضحك : ويين يااخوي وين ؟؟؟؟؟؟
عبدالعزيز ضحك ب احراج : معليش اسف والله مادريت
ميلان ضحكت بٌ احراج : معليه عادي
ام غيث بفرحه تنهدت بارتياح : الحمدالله يارب عساني اشوف عيال عيالكم
تنحنح هتان وهو يناظر امه : وانا يالغاليه؟ ماتبين تشوفين عيالي !
ابتسم غيث وهو يربت على ظهر هتان : والله يايمه دام هالشيخ توظف رسمي انا اقولك زوجيه وخليه يعقل
هتان ضحك ب صدمه : افا يعقل ليه مطله شيبك انا؟
ضحك غيث : لا والله بس امزح اشهد انك رجال
عبدالعزيز شمقهم : اقول اذا كذا حتى انا بعرس
ابو غيث : انت اسكت خلص دراستك وافتح شركتك واسسها صح بعدها قول بعرس
ميلان أبتسمت بتوتر وهي تناظرلهم
ام غيث بحنية ناظرت لميلان لفت على غيث : خذها ياغيث ترتاح خذها فوق
ميلان برفض : عمه بجلس هنا شوي
غيث ناظرلها ورجع ناظر اخوانه الي فهمو هتان سحب نفسه : يلا انا ماشي عند العيال
عبدالعزيز تنحنح : ايه وانا بعد يبه بتجي معي؟
ابو غيث : اي بجي ابي ابو نيار بسالفه
طلعوا العيال وابتسمت براحه وهي ترفع النقب والطرحه ميلتها على كتفها ابتسم غيث وهو يناظرلها اقترب قدامها وهو يتأمل شكلها بحب وفرحه ويده الثانية على بطنها وبهمس وهو يتأمل عيونها : ياام تميم لازم ننتبه لك ذالحين ارجوك لا تعبين نفسك والي تبينه ابشري وتم ولبيه وحاضر
ابتسمت ميلان وهي ترفع بسرعه وتطبع قبله خفيفه على خده عض شفته السفليه : يويلي يابنت تكفين ماسك نفسي ترا والله
ميلان بخبث وضحك : ايوه عاد لازم تصبر 9 شهور من غير شهر النفاس 40 يوم !
وسع عيونه ذهول مسك راسه : صادقه انت ياويلي ويلاه عزالله بيطير عقلي اي بالله
لينا و جود متخصرين وهم يناظرون بعض جود تكلمت : وجع طيور الحب
ميلان ناظرت لهم بطرف عين : ياليل شفيكم ؟
غيث ناظرلهم بتهديد : يا هادمات اللحظات الحلوه
لف على ميلان وهو يمسك يدها : انا بروح لـ فارس عندنا كم شغله وبرجع لك ماني مطول عليك
أبتسمت ميلان وهي تضمه شد عليها بخفها وابتعد عنها ركضو لها لينا وجود بفرحه وهم يسحبونها بشويش : تعالي يا ام تميم تعالي
جود تاففت : ياليل مين قايل نبي ولد اف
ميلان بوزت شفايفها : ابي بنوته عشان اسميها نجد
ابتسمت ام غيث وهي تحط صحن الفواكه قدام ميلان وجلست جنبها : ذوق الاسم يجننن
جود بتفكير سندت ظهرها : يالبيه نجد بنت غيث بن حازم بن جهار ال فهد وه وه بس
لينا : لا لا ابي ولد
جود تاففت : يوه منك انتي وش تبين بالعيال عندنا ثلاث نشبات
ميلان ضحكت عليهم وهي تاخذ من الفواكه وتاكل ومناقرات جود ولينا على اسماء طفل ميلان وغيث
-
« في بـيـت الـجد جهار »
جالس مع زوجته الـجده شـمه لفت عليها بـ فرح : الحمدالله يارب
ناظر لها معقد حاجبينه : وشفيتس!
الـجـده شـمه بفرحه : ميلان حامل يا ابو حازم
الـجـد جـهـار ابتسم بفرحه : مشاء الله جعل ربي يتمم لها على خير وتقوم بالسلامه
الـجـده شـمه : كنت شايله همهم والله
الـجـد جـهـار تنهد براحه : الحمدالله
الـجـده شـمه نزلت راسها بضيق من تذكرت ولدها نزلت دمعتها لا شعوريا : الله يرحمك يا وليدي رحتو ولا شفتو احفادكم
تنهد الـجـد جـهـار بضيق وهو يعتدل بوقفته وقام لفت عليه
الـجـده شـمه ب استغراب : وين رايح
الـجـد جـهـار : بطلع للمجلس الي برا بجلس فيه شوي
الـجـده شـمه تنهدت بضيق من عرفت سبب قومة جـهار : على خير
~ راح الـجـد جـهـار للمجلس وهو يجلس فيه بروحه نزلت دمعته واخذ طرف شماغه وهو يمسح بدمعته بضيق : الله يرحمك ياوليدي الله يرحمك هذا الي اقوله والله انك كسرت ظهري
تنهد من سمع رنة جواله رفعه وهو يشوف المتصل ولده ابو غيث رد عليه : الو
ابو غيث استغرب من صوت ابوه : مرحبا يالغالي شلونك علومك
الـجـد جـهـار : بخير وانتم علومكم وايه صحيح الف مبروك وجعل ربي يتمم لها وتفرح بشوفت حفيدك
ابو غيث : اللهم امين يالغالي بهالمناسبه حاب نطلع المخيم بما ان الجو بده يبرد ويزين وشرايك نروح لمخيمنا ثلاث ايام وبنرجع
ابتسم الـجـد جـهـار : تم ان كان انكم تبون تم
ابو غيث : عساك عالقوة وباذن الله اني بكلم فارس ذالحين
الـجـد جـهـار : على خير يلا سلام
ابو غيث : وعليكم السلام !