صباح الورد ♥️♥️
جمعة مـُباركة عليكم يارب 🫶🏻🫶🏻
#البارت_الخامس_والخمسون
#سما_العبيدي
#فينثيدلين
اتمنالكم قرأة ممتعة احبتي لا تنسون التصويت والتعليق بين الفقرات ولطفاً يعني لطفاً بدون تعليقات جارحة بـخصوص ام دكتورنا لانهُ فشلة من عنده وهو يقرى التعليقات ☹️💙
احبكم كُلش هوووواي وعذرووووني على القفلة الي مليانة دمووووع 😭😭💔💔💔💔💔
................................................................
مـوج
اني الـچنت الم اهلي واضحكهم
واني الـمنعزل هسه
وأكثر جمله چاي أسمعها هـل أيام
تحمل تكبر وتنسى ... بس شـنسى ؟
صفيت مبهذل وتعبان ... بس بالي ولا يصفه
بـالسبعة الا خمسه من اطلع من البيت
وارد بـسبعة للـغرفه
ومرات أصفن بـروحي وأركز زين
وأقارن وجهي ويـ وجهي قبل سنتين
بس أنصدم من وجهي ولا أعرفه
ذاك الچان من التسعه شابع نوم
يسهر وي مواويلك
و بـالتسعه الصبح يغفى
لـزيد الماجد .
روان
صاح سطام وكام لـحيلة
_شنوووووووو شجااااي تحجين رحيق ومنين عرففففتي
التفتت علينا رمشت بـعيونها وكعدت مقابيلنا
_من يوم الي كلتلي بـخصوص رسالة آوج اني ما كعدت ولا تركت الموضوع لان جنت متأكدة هو اكبر من هيج ومو بـهل سهولة آوج تطلع من البيت
_اي ؟ اختصري
_ضليت ادور وراها والتقيت باكثر من مرة باخوها جنت انطي فلوس في سبيل يحجيلي وياه الاشخاص الي يعرفهم فارس ويطقسلي عنه
_كملللللي
_ كدرت اوصله وعرفت آوج وياه وبارادتها بس لانها مدمنة من جديد يعني فارس استدرج آوج بـالادمان وفهمك كفاية
ضرب الميز مقابيله وكام لـحيلة وكال
_تعرفين مكانهم بيروت وين احجي تعرفين لو لا رحيقققق
_ما اعرف
_كذاااابة سهل عليج كُل هذا ما يصعب عليج هيج شيء
_وليشششش اكذب اني سويت كـُل هذا بس حتى اطلع من خطيتها ومـوج اذا رجع وعاتبني احجيله الحقيقه بعد شيء واحد بقى مجهول وما جاي اكدر اوصله
حجيت انا
_شنوو هو
_شلون رجعت ادمنت من جديد ؟ هو الموضوع واضح ام مصطفى هي الواسطة بينها وبين الادمان بس شلون ما اعرف
_والحل هسه عوفكم من كُل هذا شنوو يعني آوج راح تبقى عند فارس ومـوج اذا عرف شلون لو ناوين ما تكلوله
باوعت على سطام ورجعت سئلته
_ناوي تضم عليه ؟
_مااعرف روان مااا اعرف تخيلي موووقفة شنو لو يدري بيها هي عند فارس تخيلي موقفة شنو لو يعرف بيها رجعت تدمنننن
سكت وراح للـشباك سند رأسه على الجامة ومرت دقائق وضرب ايدة بالـحايط وكال
_مـوج اذا يعرف بـهذا الشيء ما راح يخلي لا آوج ولا فارس عايشين
_لا تتخبل سطام شنو هذا الحجي مـوج راح يتفهم الوضع وراح يسامحها مرة ثانية
_مُستحيل مُستحيل مـوج راح يتخبل احنا ما لازم نكله عرفنا مكانها وين ما لازم يحس علينا نعرف وينها ولا نجيب سيرتها ابد
محمد : واذا عرف بينا احنا نعرف وين هي راح يزيد كرهه النا ومُمكن يتخبل علينا احنا هم
سطام : ولاااا يعرف بيها هي عند فارس ومدمنة ويرجعععع يتذكررر الي جانت تكوله اله ولا يرجع يتخيل الي يصير وياها لكككك يمووووت يمووووت
روان : ليش شنوو صاير غير الي نعرفه احنا ؟ احجي موج شنو يعرف اكثر
سطام : اسكتتتي روان هذا الكلام لا تحجين بي بينج وبين نفسج زين لو لا هذا الموضوع ما تذكروا لـنفسكم مو كدام احد
رحيق : ام مصطفى بعدها تشتغل عندكم ؟
سطام : بعدها
رحيق : حلو يعني نكدر نلزمها بـسهولة اسمعني سطام اليوم بـليل تبقى بالـبيت وتطلب من امك تبقيها بالـبيت كول اريد اعزل غرفتي او اي شيء المهم تبقى بااـبيت
سطام : شنو ناوية تسوين ؟
رحيق : اكشف حقيقتها
روان : رحيق اتركيها ماحس اكو فائدة لو عرفنا هي الها دخل بـفارس او لا
رحيق : مُمكن توصلنا الهم بـسهولة عسى ولعل نلكه مكانهم ونروح نجيب آوج وننهي كُل هالـمهزلة
محمد : روان وانتي بعد روحي لـبيت اهلج حتى تبقيها اخاف امج تشك بـشيء وتعاند ويانا
باوعله سطام حجت رحيق
_ليش تباااوع اي امك الها دخل بـكُل هذا الي جاي يصير ويجي يوم واكشفلك الحقيقه واذا مو اني فـ مـوج من يرجع راح يكشف كُل شيء
_شنوووو هالام هذه الي ناوية على خراب حياة اولادها شنووو هالام الي تكرهم وما تريد راحتهم انتي مستوعبة شنووو جاي تحجين
ضحكت باستهزاء وحجت
_ليش موو امك الي جانت تخلق مشاكل بيني وبينك بـذكر لندا مو امك الي جانت تعايرني انه ما يصير عندي اطفال موو امك الي طردت آوج اكثر من مرة وعنفتها موو امك الي حاربت روان وزياد
راساً رفعت رأسي اجت عيني بـعيون محمد نزلت رأسي وبلعت ريقي بـغصة كملت كلامها رحيق
_وامك أصلاً تكره آوج وتتمناها تموووت مو بس تهرب زين فـ لا تغشم نفسك سطام
ما جاوبها شيء وماكو كلام يعبر عن كسرتنا لان كلامها فعلاً صحيح امنا هي الي دمرت حياتنا بيدها وضيعت مستقبلنا وضيعتنا امنا بدل ما تدعيلنا بالـخير صارت تصنع الشر بـحياتنا
انتهى نقاشنا على اتفاقنا والي. راح نسوي اليوم طلعنا من البوتيك سهرتنا انتزعت وكُل حياتنا خربت وصلني محمد بيت اهلي وضلينا طول الطريق ساكتين بدون لا نحجي حرف واحد
قبل لا انزل لزم ايدي وكال
_ لا تظنين الكلام الي ذكرتة رحيق اثر بيه لان هو ماضي مو مهم عندي
هزيت رأسي بدون لا احجي شيء فتحت الباب دخلت بيتنا وسمعت صوت السيارة معناها راح سحبت نفس بـعمق وكلام رحيق يتردد بالي وما جاي أنسى ولا جاي اتقبل فكرة امي متورطة بـسالفه آوج اتمنى من كُل گلبي هذا الشيء ما صاير
سلمت على امي وكعدت شفت ام مصطفى بالـمطبخ اجت قدمتلي ضيافة ورجعت سئلت ماما
_ماما ام مصطفى شلونها وياج ؟
_شبيها يعتي
_يعني مرتاحة بـوجودها ما مضايقتج
_لا بالـعكس لعد منو جاي يقوم بـواجبي وواجب اخوج سطام غيرها المرآة بنت اوادم وناس وماليه عليه الوقت
رفعت راسها من ادوات الحياكة الي تشتغل بيها وكملت كلامها
_لو لان حضرة جناب آوج ماكو معناها نطردها مالها لازمة بعد منو انا وتحطولي مساعدة بالـبيت
_ مو هيج اقصد ماما ليش تحورين كلامي على هواج انا بس جنت اسئلج عنها اذا زاعجتج او مأذيتج
_لا تخافين ما بيها شيء المرآة انا مرتاحة بـوجودها ولا تدخلون بأمور بيتي
تنرفزت من اسلوبها وردت احجي واتعارك وهدأت نفسي ولزمت روحي عنها وكتلها
_ليش لا يمة تدللين الله يهدي بالج ويريحج انا ما جاي اتدخل بامورج ولا جاي افرض رأي عليج بس حبيت اتطمن انتي بخير
_قمة الخير لا تخافين عليه رأسي بارد ومرتاح بدون هم وغم والحمد لله
_بالـعافيه عليج
كمت من يمها ما تحملت اكعد اكثر وكُل كلامها يوحي انها شكد فرحانه وسعيدة بـالي صار وياه آوج ما اعرف اذا هي عندها علم انها عند فارس او لا بس امي طايرة من الفرح لان آوج طلعت من حياتنا
رحت المطبخ اشرب ماي لكيت ام مصطفى تحظر اكل سئلتها شنو تسوي كالت تحظر للـعشاء سمعت صوت امي تحجي بالـموبايل طلعت لكيتها تسولف وياه شاهندا رفعت حاجبي متفاجئة من الوضع يحجن كأنهن صديقات وضحك بينهم وتطمنها على حالة مـوج ووضعه شلون متحسن وايدة رجعن ثنينهن يتحركن
وامي تعلم بيها تكلها ما دام انتوا بينكم عقد اتقربي منه اتركي الحاجز الي بينكم على جنب وذيج فرحانه بـكلام امي وتشجيعها لعبت نفسي من المكر والحقارة الي موجودة بالـبشر وما تحملت كمت من مكاني ودخلت غرفتي
نزلت دموعي ما اعرف ليش بس حسيت شكد احنا مظلومين من اقرب الناس النا امي تعرف كُلش زين مـوج روحة من الدنيا آوج ولا يوم حاولت تنصحها او تشجعها انها تتقرب منه او تسمعلهم اخبار حلوة بالـعكس امي جانت تدعي تصير بينهم مشاكل وتخلقها
وهسه جايه بـكُل سهولة تشجع وحدة ما نعرفها الا من يومين على أنها تأخذ مكان آوج بـحياة مـوج بس مُستحيل انا اعرف باخوي وبـگلبه ومشاعرة هو عاشق تراب الي تمشي عليهن آوج وحتى وان صار وكرهه او راد ينتقم منها بعد ما يعرف بـحقيقه الامر فـ هو شيء وقتي وبس
مـر النهار انا بـغرفتي حسبة تجيبني حسبة توديني لحد ما سمعت صوت الباب تنفتح كمت طلعت لكيتة سطام راجع من دوامة ووياه رحيق امي تفاجئت وجودها وما عجبها سلمت عليها كأنهُ اول نرة اشوفها من فترة طويله حتى لا يصير شك اتجاههنا وكعدنا سوا نسئل عن احوال بعض وسطام ويانا
ام مصطفى حسيتها بدت تتغير تصرفاتها بارتباك وحيرة يمكن خافت من وجود رحيق لانها تعرف بيها داهية وما تجي لبيتنا الا اذا اكو مصيبة رتبنا الطاولة وبدينا ننقل الاكل وكعدنا نتعشى بدون نفس
امي سئلتني ليش محمد ما اجه ويانا كتلها عندة طلعة وياه اصظقائة جان تجاوبني خاف مل منج ولكاله غير طريق جاوبت بـعصبية
_ماما شبيج ناوية نتعارك انا وانتي وبعد ما ادخللكم لو شنووو ؟
_شبيججج شصار عليج هي كلمة وكلناها لو نغزتج لانها حقيقيه
_ماا خصج بـهذا الموضوع انتي وحياتي خط احمررر ممنوع تدخلين بيها حتى لو مزززح
رفعت حاجبها وكالت
_اي يصير خير ليش لا وانا امج الي ربتج وكبرتج وتعبت عليج
صاح سطام
_اهووووو شلون يعني ماااا نعرف نامللنا لكمة مثل الاوادم هااااي اليوم مجتمعين حـطلعون الاكل سم
ضربت الطاولة اني وكالت
_كُل واحدددد بـهذا البيت يحتررررم نفسه ويعرف حدووودة لا تضنووون ابوكم مات معناها تاخذووووني بالـعين الصغيرةةة افركم فر باصبع ايدي ااصغير فهمتواااا لو لا
جاوبها سطام باستهزاء
_ما عندنا شك بيج وبـقدراتج امنا الحنوووونة ما عندنا شك
عافت الاكل وكامت وضربت. الكرسي بـقوة ودخلت غرفتها سكتنا ثلاثتنا وامتنعنا عن الاكل انسدت نفسنا اجت ام مصطفى وكالت
_من رخصتكم اذا ما عندكم طلبات انا ناوية ارجع للـبيت تأخر الوقت
باوعلها سطام بـنظرات تخرععع وكال
_ابقي اليوم هنا ناوي اعزل غرفتي واحول الاغراض منها لـغرفة روان فـ راح نحتاجج
_بس استاذ عائلتي وابني اروح اليوم وباجر من الصبح تلكاني عندك واشتغل كُل شيء
_كلت اليوم وابنج لا تخافين عليه ابو عندة وانا هسه اتصل واخذ الاذن منه
ماكدرت تحجي شيء دارت وجهه ورجعت للـمطبخ ردت احجي اشرلي بـعيونة سكتي سكتت وضلينا نسولف باشياء عادية نشتت فكرها كام سطام من مكانه واخذ اكل لامي وراح لـغرفتها
لزمت ايدي رحيق وكالت
_اني اسفة روان يمكن اليوم خليتج بـموقف تافهه وياه محمد بـسبب طول لساني بس والله سطام نرفزني ومانتبهت على روحي
مسحت على ايدها الي فوك ايدي وكتلها
_لا تهتمين أصلاً محمد متفهم وواعي ما راح يأثر بي كلام عابر يخص ماضي
_وانتي ؟
_انا شنو ؟
_الكلام اثر بيج .... لا تفهميني خطأ اقصد انجرحتي مو
_تصدكين ما اعرف بس اكو حزن بـداخلي اتجاه كُل شيء جاي نعيشه ليش احنا من دون الناس امنا ما تطمح تشوفنا بخير. ليش جان الها ايد بـخراب حياتنا انا اخذت نصيبي من الحياة الحمد لله ورب العالمين عوضني بس والباقيين مـوج وانتي وسطام
_انا وسطام انتهينا موضوعنا خلاص صفحة وانطوت صعب نرجع من جديد
_بس ليش لحد الان سطام يريدج رحيق ويتمناج
سحبت أيدها مني وابتسمت باستهزاء وكالت
_وياه نسوانة لو وياه سهراتة
_اي سهرات سطام صارله فترة طويله ترك هذا الدرب من وفاة بابا الله يرحمه
_روووان لا تفتحين هذا الموضوع وياي من جديد ابد لا تحاووولين
عافتني وكامت طلعت برة اجه سطام كال
_وين رحيق
_طلعت برة.
_شبيها اجاها شيء
_لا ماكو شيء بس انا ضوجتها بـموضوعكم
مسح على شاربة وكال
_هههههه معليج بيها انا بس انتظر تفك هذه المشاكل واشتغلها زين
ابتسمت. وسئلته
_يعني بعدك تحبها وتريدها
_ليش انا حبيت غيرها ؟
_و لندا
كال بـعصبية
_ياااا نعاااال شوفف هاييي انا بس شغلة تاكل بـروحي اكل احسها عذاب من ربي الليل ما جاي انامه
_شنوو هو ؟
استغفر وكال
_هي والمرحوم صار يعني
سكت مسح وجهه وكال
_يعني صاروا زوجيين افهميهاااا
ضحكت من كُل گلبي وجهه انطعن من الغضب واجه عليه رفعني من هدومي وكال
_شبيججج ولج
_هههههههههههههه ما بيه والله بس اوووكف خل اجاوبك وخررر
ابتعد عني وكال يلا جاوبي سحبت نفس وكتله
_انت الشخص الوحيد الي صار زوج رحيق واصلاً هي مستحيل حبت شخص غيرك
ابتسم بـفرح ووجهه انفتح لونة رجعت اضحك عافني وطلع برة كمت من الشباك اباوع رحيق كاعدة على الطاولة الي بالـطرمة وصل يمها سطام وكعد ماكدرت اسمع شيء تمشيت بـهدوء وبدون صوت ولزكت روحي قريب الباب سمعته يكول
_صحيح انا اتحارش بيج وازعجج مني بس مو بـقصد كره او خباثة
جاوبته
_بـقصد حُب و عشق موو ؟
_هههههه لا اكيد هذن الافعال ما تعبر عن الحُب
قاطعته وكالت
_تعبر عن جحاشتك وشكد انت انسان عديم احساس وما تشوف تعب المقابل اهم شيء عندك تستنزف طاقتي فوك تعبي
حسيتة انصدم من. طريقة كلامها وهجومها سكت دقيقة وسئلها
_ليش تكرهيني رحيق ليش حاقدة عليه ؟ بـشنوو اذيتججج ؟ اوك بغض النظر عن سوالفي المكسرة بس وغيرهااا بـشنو قصرت وياج وحاقدة عليه
_ههههههه قصرتت ؟ انت ما قصرت صحيح بس اخذت من عُمري سبع سنين سطام سبع سنين اني عايشه وياك بـمتاهه لا الها اول ولا الها اخر سبع سنين خليتني ادور حول نفسي بدون لا اقدملها شيء
انت حتى طفلي الي جاهدت حتى يصير وحاولت احافظ عليه بـدم عُمري اخذته مني بـسبب طيشك واستهتارك كُل هذا وتكول ليش حاقدة
_وشلون تسامحيني ؟شلون ترجعيلي ؟
_ههههههههه سامع اغنية حسام الرسام شنو تكول ؟
_لا
صار سكوت وفجأة اشتغلت اغنية
_اذا عديت نجم الليل و
قطرات المطر كُلها
واذا تحسب ورق الاشجار ولا اي ورقة تهملها
واذا تجيب الشمس بيديك على ايدي تنزلها
واذا من السمى خطت غيوم اليه ثوب تغزلها
ماصدك تحبني موت ولا هـالسالفة اعقلها
كامت تطك اصبع رحيق وياه الاغنية وكالتله
_اتوقع هذا جواب كافي وضيف وياهن لووووو تجمعلي لؤلؤ البحر وتلبسهم على رقبتي عقد هم مارجعلك
عافته وفاتت انصدمت بيه ودموهها بـعينها سحبتها لـغرفتي حظنتها وضلت تبجي نيمتها على رجلي وضليت امسح على رأسها لين هدأت ونامت وخرت رجلي وخليت مخدة جوة رأسها غطيتها وطلعت
دك موبايلي بيدي محمد طلعت كعدت برة وجاوبته
_الوو
_يا عُمري اشتاقيتلج حبيبتي
_بهل سرعة
_شنو بيدي مو متعود البيت بدونج
_ههههههههههه ولا يهمك بس تكمل شغلتنا هنا ارجع وما اعوفك
_واليوم شلون انام واحظاني فارغة منج
_لا تصعبها محمد اول تالي انا الك
_لجج تذكرت
_خير انشالله شكوو ؟
_ما صليت الشكر يلا حبيبتي اروح اصلي
_تمام تقبل الله ادعيلنا وياك
_ولو يا روحي بدون لا تطلبين
ابتسمت سدييت الاتصال منه كعدت يم ماما تباوع مسلسل تركي حجيت
_ماما شنو رأيج نجيب مساعدة فلبينية ؟
_ليش ام مصطفى موجودة ومكفيتنا انا واخوج
_اقصد بدل عنها
_ليش تريد تبطل هي ؟
_لا بس انا اكول احسن الج وهي تشوف رزقها عند غيرنا
_لا عيني ماريد انا تعودت عليها بعدين تجيني وحدة فلبينية مافهم عليها ولا تفهم عليه وحتى مو نظيفات
_ليش مو مساعدتي نظيفة ومطيعة تركض ركض ما تخليني الزم شيء
_اكلج انتي شنو تردين انا مرتاحه بـوجودها خلاص لا تناقشيني
_اي على راحتج انا اكوم اشرب ماي
عفتها وكمت دخلت المطبخ شربت ماي وفتحت الدولاب الي بي اشياء نشربها من شاي وقهوة وغيرها دورت على المتة مالكيتها جانت ام مصطفى كاعدة بالـطرمة طلعت عليها وسئلتها
_ام مصطفى وين المتة الي جانت بالـدولاب
_خلصت من زمان وبعد ما ست آوج طلعت من البيت ما جبنا من جديد
رفعت حاجبي ودخلت انا متأكدة هي ما خلصت لان جانت كمية كبيرة ومتأكدة هي الي تخلصت منها اذا ما تكون هي وامي هم مشاركه بـجرائمها
دخلت للـمطبخ شافتني وضلت تتوتر وما تعرف تشتغل عدل جنت انتبه على ادق حركاتها بس اريد المح شيء عنها بدت تحظر العشاء مرت تقريباً نصف ساعة وجنت انا اساعدها وهي كُل شوية تكلي روحي ستنا ما محتاجه مساعدة وانا اكلها حتى لو مليت من الكعدة
كملت واخذت موبايلها من جيبها وراسلت بي جنت احاول اقرى ملامحها عسى ولعل اعرف ويامن تحجي رن موبايلي وطلعت من المطبخ اشوفة منو فتحت الخط رقم غريب كلت الوو الووو ماكو اجابة سديته رجع اتصل اجاني صوت واحد يسئل ويستفسر عن المعهد واسئلة مالها معنى ربع ساعة هو يماطل ويعيد ويسقل بالـكلام
سديتة بـوجهه وانطيته بلوك رحت على رحيق لكيتها كاعدة ابتسمت وكالت
_ها سحارة شلون خليتيني اغفى
_هههههه انتي جنتي نعسانة انا شنو خصني
_والله من صارت شغلة آوج لحد الان اني النوم مجافيني
_اتوقع العشاء خلص يلا كومي
_ماريد اشوف سطام
_بلا ملاقة رحيق كومي ومعليج بي
تأفأفت وكامت طلعنا سوا جان توة راجع بعد مدة تعشينا ورحت اسوي شاي بس ماعرف حسيت روحي تعبانة وجسمي كأنه داعمتني تريلة يادوب اخذت الشاي وكتلهم اريد امدد شوية
مددت على القنفة وغفيت بدون لا احس على شيء ثاني بعد
رحيق
ما اعرف شنو الي صار بالـضبط ولا حسيت على شيء فتحت عيوني رأسي مسطور سطر احس عبالك ماكله ضربة عليه باوعت حولي اني نايمة بالـصالة ليش وشلون ما اعرف طلعت لكيت روان مثل حالتي نايمة على القنفة بالـهول فتحت الباب على عمتي نايمة بالارض هي وتصلي صحت
_سطااااااام سطااااااام وينككككك
صعدت فوك لكيتة بـغرفة ندستة بـكتفة وصحت
_سطااااام سطااااام اكعدددد سطاااااام
ما حس عليه باوعت على الميز اكو بطل ماي فتحته وذبيتة بـوجهه فز مخترع باوعلي وكال
_شبيججج
_لككك اكعد صخااام الـصخمنااااا كوووووم
باوع حول نفسه وركض على الكنتور من شافه مفتوح فتح الخزنة ماكو اي شيء بيها صاح
_بنتتتتتت الحرااااام وينهااااا
_لكككك ماااعرف حالي من حاللللك كعدت لكيت روحي نايمة على القنفة بالـصالة وعمتي وروان نفس الحالة امشيييي بسرعة
اخذ سلاحه من جوة رأسه ونزلنا نركض راح على امه واني ضليت اصحي بـروان باوعت على ايدي لا سوارتي موجودة ولا محبسي مديت ايدي حول رقبتي نفس الشيء سلسالي ماكووو فتحت جنطتي ماكو اي فلوس بيها بنت الكلب مكشولة كُل شيء وطالعة
كعدت روان وعمتي ونفس الحالة ماكو شيء باقي عندهن لا فلوس لا ذهب لا شيء كُل شيء ماخذة ربع دينار ما تاركة راح سطام على الكاميرات معطلات ضل يضرب بالاغراض ويصيح ويحجي وياه امه كُله بسبببج كُله منججج كم مرة كتلج هذه ما مرتاح الهااااا كم مرة كتلج ماااريدها بالـبيت وجنتي تعاااااندييين اعترفي يمة بما انهُ خسرناااا كُل شيء اعتررررفي جنتي تعرفين بيها تنطي مخدرات لآوج لـهذا ساكتة عليها ومبقيتها موووو
ما جاوبته شيء ضلت ساكتة ضرب التلفزيون بـرجلة وصاح
_احجييييييي جنتيييييي تعرفيييييين
جاوبته
_بس ما توقعت منها تسووووي هيج مااا جنت اعرف بيها هلكد بنت حراااام امنتها وكلتلها شكد ما تردين راتب ازيدج بـشرط ...
قطعت كلامها وما كملت راح عليها سطام وكاللها
_ بـشرط شنوووو يمةةة احجي بـشرررررط شنووووووو
بلعت ريكها وصاحت
_كااااافي عاد تصيح نسيت انا امكككك
_والله الي تسووووي سوالفج موووو ام وحراااام عليج الجنة تحت اقدامج الي تخرررب بيت ابنها مووو ام يمةةةةةة الي تسوي كُل هذا الاجرام ما تتتسمى امممم
ضربتة راشدي لزم ضربتها ووجهه احتقن دم من الاعصاب ضل يشيل ويركع بالاغراض تخبل فد مرة صاح
_احجيييييي يمةةةةة شرططططج شنوووو
اخذ السلاح وخلاه بـراسه وكال
_وروح ابوية والله يشهد على كلامي اذا ما حجيتي بـكُل شيء سويتي انتي وهذه البنت الكلب احجييييييي
راحت روان عليه تترجاه يهدأ دفعه وصاح
_وخرررري عنيييي روان لا هسه طلقة بـراسي واخلص منكممممم ومن هذا الهممم والحمل الي ورثه ابوكم الييييي وخرررري
سحب اقسام ورجع السلاح حجيت وياه والخوف متملكني سطام مخبل كُل شيء يسوي
_سطام الامور ما تنحل بـهذه الطريقة لازم نهدأ حتى نعرف شلون نتصرف لا تتخبل وتخلي امك تحجي اشياء ما راح توصلنا للـحقيقه
_شلووووون ما توصلنا الحقيقه وهي كُل شيء بيدهاااااا شلوووون
رفع السلاح ضرب بالـسقف صرخنا ثلاثتنا ورجع وجهه بـراسة بلعت ريقها وحجت
_من فترة مو كُلش طويلة من بعد ما مـوج سافر شفت ام مصطفى تخلي لآوج اشياء بـقهوتها من شافتني هي ضلت تكذب وتحاول تبعد عني الشك بس انا انطيتها الامان وسئلتها منين هي وشنو هذا
_ايييي كملي
كعدت على الكرسي وكملت كلام
_هي من الاشخاص الي يعرفهم فارس وهو الي دازها لآوج
ومن اول ما اجت واستقرت عندهم بدت تنطيها حبوب هلوسة خفيفه ما تأثر بـصورة قوية عليها وما تبين لحد ما سافر مـوج بدت تزيد الجرعة وكامت تنطيها نفس الحبوب الي جانت تأخذها ما اعرف اسمهاا بالـضبط
حجه سطام
_فينثيدلين
_اي هن
_ليشششششش يمةةةةةةةة ليشششششششش لجججج يمةةةةة شسوووويت انتتتتتي شسووووويييييتييييي دمررررررتي بنتتتت بريئةةةة دمررررتي انسااااتة قتلتيهااااا قتلتي مستقبللللها ودمررررتي ابنج ليششش فهمييييني ليشششس
تهستر سطام ضل يضرب على رأسه من الاعصاب ورجع صاح بأمه
_شلون وصلت لـفاررررس شلووووون راحت لـفارس
وكفت بـشموخ وكالت
_ما احجيلللك وتستاهل كُل شيء يصير بيها واصلاً هذا المكان الي تستحقه باسفل السافلين ولو موو تحط السلاح بـراسك لو تحطه بـراسي همين ماااا راح احجيلك اي شيء وما نادمة على اي شيء
عافتنا ودخلت غرفتها ضلينا مذهولين من الي سمعناه وشيء ما يستوعبة العقل اجه محمد بعد ما عرف بالي صار وسولفناله الي كالته عمتي تخبل ضل مذهول ما يعرف شنو يحجي بـهذه اللحظات دك موبايل روان رفعته مـوج كالت
_هذا الناقص يعني بـهذا الوقت
مسحت وجهه اطرافها ترجف لزم ايدها محمد وكاللها جاوبي حبيبتي فتحت خط وخلته على سبيكر وجاوبته
_الوو مـوج حبيبي شلونك شلون صحتك
_ هههههههههههه شلون صحتي موووو تسئلون عني وخايفين عليه مووووو هههههههههه واووو ابهرتوووني الصراحة يعني كلفتوا نفسكم والله عاشت ايدكم انا اشكركم على هذه المحبة
صاح سطام
_شبييييك انتتتت شبيكككك نزلت علينا دوووسة ونص شكووووو
_انت بالـذااااات تسكتتتت يا عاااار الزللللللم انت بالـذااااات تصم حلكك وما تسمعنييييي صوتكككك لكككك انا زمالللل جحش حمااااار وجبت ك.... بيتي وحليتها انتتت مو محقق وبالك عنا وكُله شغلك تحقيق واجرام مااااعرفت الي عندك بالـبيت. شنوووو ما نتبهت على تصرفاتها ماااا شفت شيء
جاوبه سطام باستهزاء
_والله يا حبيبي لمن تكون امك هي الي تطبللها وهي الي تضم وراها طبعاً ما راح اكتشف شيء او اشك. بـشيء
سكت مـوج وكال
_شنو قصدك
صحت
_سطااام لا تتخبل
صاح مـوج
_رحيقققق اسكتتتتي وخل يحجي شنووو قصدك
_والله يا حبيبي امك تعرف بـكُل شيء وساكتة ليش حتى تتخلص من آوج امك تعرف بـال.... ام مصطفى من جماعة فارس وتعرف جانت تنطي لآوج مخدرات وسااااكتة فـ شلون تريدني اعرف واكتشف هاااا شلوووووون
شال كرسي وضربه بالـحايط مـوج اختفى صوته تماماً ما حجه شيء بعد اجانا صوت ياسين
_شجااااي تحجوووون انتوا تخبلتوووا لو شنوووو هذا هم شقى مخااابيل انتوا مـوج وضعه حرج وجاي تحجون هيج وياه
حجت روان. والدموع تنزل عشرة عشرة
_مو شقى اليوم كعدنا الصبح لكينا روحنا مبيوكين مكشولة كُل شيء ما خالتلنا شيء ماخذة فلوس وذهب وكُل شيء وشاردة وامك اعترفت بـعظمة لسانها
ضحك مـوج بـهستيرية لحد ما تحول الضحك الى بجي انمردنا مرد عليه ما بيدنا شيء نسوي غير نعتذر منه على كُل تقصير صار بعد دقائق حجه وياه سطام
_تعرفون وينها هسه ؟ احجي تعرررفوها وين لوووو لا ؟
اشرت لـسطام لا اسكتتت لا تحجي ضل يخزر بيه صاح مـوج مااااا تاكلوووون ... انخرستوووا
ركضت على سطام سديت حلكه بايدي وهمست
_يموووت والقران يمووووت
حجت روان بدل عنه
_وياه فارس
عم السكوت من الجهتين وانقطع الاتصال صحت
_لججججج شلووووون تحجيييييين وانتتتت الثاني ليشششش تكوله عن امكككك تخبلتووووا تردون يمووووت لكممم شبيكم انتوااااا
حجه محمد
_لازم يعرف رحيق حتى يقوى صدكيني الكلام الي سمعه راح يصيرله حافز يقوى ويكوم لـحيلة ويجي ينتقم
_اي ينتقم لا تباوعون هيج الـموج ما راح يبقى هادىء مثل ما تعودنا عليه وراح يتحول لـتوسونامي يأكل الاخضر واليابس
طلع سطام يدور على ام مصطفى الملعونة وانا وروان بدينا نرتب بالـبيت والهوسة الي سواها سطام كملنا وروان كالت راح اروح للـبيت ما متحملة وجودي هنا
وانا كلتلها همين راح ارجع لـبيتي
طلعنا ثنينا بدون لا نحجي كلمة وياه امها وصلت للـبيت تعبانة نفسياً وجسدياً خابرت ياسين سئلته عن مـوج كال وضعه حرج صعد ضغطة وايدة تراجع عملها استغفرت ربي وضليت ادعي ربنا يهدي باله ويتعالج باسرع وقت دخلت الحمام اخذت شاور وطلعت على صوت موبايلي رحت عليه رقم غريب
فتحته الو سلام وما اعرف ايش عرفت عن نفسه محامي موكله هَذال الله يرحمه سئلته بـخصوص شنو جاوبني
_استاذ هَذال تاركلج حصة من ورثة ولازم تجين توقعين على الاوراق وتستلميها
_نعمممم حصة شنووو وليش واهله عندهم علم او لا
_نعم عندهم علم وكُل واحد بيهم اخذ حصته
_بس اني مو محتاجه اتنازل عنها لاهله
_ما يصير استاذة هذا الشيء اني مُجبر على تنفيذة والا يبقى بـركبتي لـيوم الدين
_شكد المبلغ ؟
_٢٥٠ مليون
_شنووووووو شجاي تحجي انت اكيد تتشاقى مُستحيل اقبل هيج مبلغ لا تحاول والذنب اني اتحمله اخذ المبلغ انطي لاهله وهُم حُرين بي
نهيت المكالمة وياه وضليت مذهولة اني وين وهذه السالفه وين طلعتلي ضلت حسبة تجيبيني حسبة توديني مبلغ كبير حتى لو هَذال حبني مو معقولة يتبرعلي بـهيج مبلغ
كملت عنايتي وغيرت ملابسي طلعت من الغرفة سويت چاي وكعدت اشرب الله ياخذج يام مصطفى يا بنت الكلب منين جبتيلنا هذا القهر منين اجيتي على گلبنا
دك موبايلي رقم غريب فتحته وكلت
_يا اخي اعفيني من هذه السالفه الله يخليك الهم الي على گلبي كافي
اجاني صوت مرآة سامعته قبل ركزت بي ام هَذال اعتذرت منها وسلمت عليها وبعد السلام وغيره رجعت فتحت الموضوع وياي وكالت هذه وصيه هَذال كال رحيق الها حصه من ورثتي وكُل شيء املكه وذممني اذا ما نطيتها الج ووصلتها لايدج ما راح يسامحني تقبليها ابني يموت وهو ما مسامحني
_يا مدام يا عزيزتي صدكيني انتوا اولى بالفلوس هو ابنكم اني ما عرفته الا كم شهر بأي حق اورثة واني الحمد لله مو بغازة شيء يمكن واحد من اولادج او بناتج يكون بـعازة اكثر مني
_صدكيني كُل واحد بيهم اخذ حصته وكفاية منه وهذا حقج الشرعي مو تزوجتوا مو عشتي وياه مو اهتميتي بي باخر ايامه شلون تردينا ناكل حقج
ردت اكلها اني وياه ما صار بينا شيء بس سكتت واستسلمت بعد كم من الملحة ورضيت باجر اروح واوقع على الاوراق واستلم المبلغ سديتها منها واتصلت بـروان جاوبني محمد كال تعبانة حيل والي صار اذاها وما تكدر تحجي ولا ترضى تاكل او تشرب شيء بس تبجي
كتله انطيها وقت الي صار صعب علينا كُلنا حجينا شويه وسديته منه وضل بالي وحرت ما بين اتصل بـسطام او اعوفه بس ماكدرت اسكت واغلس عنه طلع من البيت اعصابه فايرة وما استبعد كتل فد واحد بالشارع او دعم احد
اتصلت بي وانتظرت يجاوب ماكو عفت الموبايل شربت الشاي وكمت دخلت الغرفة نمت على السرير ما اعرف شنو اسوي بـالي جاي يصير بـحياتنا احداث غريبة ما تخطر على البال ولا على الخاطر اشياء ما نتمناها لـعدونا بس ليش احنا جاي نعيشها شنو السبب شنوو الخطأ الي ارتكبناه وجاي نتعاقب عليه
نمت بدون لا احس على نفسي وحسيت على صوت الباب يندك كمت صحت منو اجاني صوت سطام فتحته وكتله
_وين جنت دكيت عليك هواي بالي ضل وياك بيك شيء
_مابيه رحيق بس اسمعييييني محتاجج ضروري
_احجي شكووو
_ما نفووت ؟
باوعتله بـحيرة وبعد لحظات كتله
_تفضل
دخلنا وسديت الباب كعدت بالـهول وكتله
_شنو صاير
_لكيت موقع بنت الكلب ام مصطفى ودزيت جماعة تسئل ما موجودة بيتها بس ابنها وزوجها باجر الصبح من يطلع زوجها للـشغل راح ناخذ الطفل
_وين تاخذة وليش هو راح يبقى وحدة بالـبيت
_جلاب هذول اكثر من مرة راقبتهم يخلوا وحدة
_شيء ما يتصدك شلون طفل صغير ينعاف وحدة عندهم
_مااااعرف انا عقلي راح ينفجر احسه مو أبنهم حتى
_احس راح نتورط اكثر سطام عندي خطة ثانية
_شنو هي
_اول تالي راح ترجع للـبيت واكيد عندها بعد فلوس واشياء سارقتهن منا ومو حاسيين فـ نراقبها ومن تدخل للـبيت نلكفها
_هم خوش خطة بس منو يكول ما ضامتهم بـغير مكان
_لابد ما ترجع لـبيتها صدكني
_راح امشي ورة خطتج واذا ما صارت ناخذ الولد
_اوك زين وبعد
_ماكووو شيء اتصلت بـياسين ما يجاوب ومـوج نطاني بلوك
ابتسمت رغم الوضع الي احنا بي كال
_وجع لهل خلقة شكو
_والله مقهورة وكلبي يوجعني من الي صار بس شنو بيدنا نسوي
_هسه بعد ضاع الكلام منا ومو وقته ابد علينا بالـتنفيذ
_شوكت
_اليوم بـليل ساعة ١١ انا عندج
_تمام اكلك
_كولي اريد اروح
_اكلت شيء ارتاحيت
ابتسم وكال
_لا
_زين لعد أبقى راح اسوي اكل ونأكل سوا
_تمام ابقى ليش لا
تركته ودخلت المطبخ طلعت اكل مفرزن من المجمدة وبديت اسوي مو وقت مشاكل هسه وهوسات احس بـهذه الاحداث محتاجين نوكف مع بعض ونشد عزم بعض
كملت اكل وصحت عليه اجه كعدنا نأكل بهدوء كمل وكال عاشت ايدج كام للـطباخ شغله وبدأ يحضر شاي بدون لا اطلب منه ابتسمت ونظفت الصحون ما اعرف ليش قبلت استقبله بالـبيت. الي طلع منه هو واهله غصب عني ولا عرفت ليش عظمته على اكل واني ما اطيق اشوفه ولا احجي وياه
كملنا شرب الشاي واتصل بي جماعته الي حاطهم مراقببين انهُ ام مصطفى اجت لـبيتها صاح
_بسرعة رحيق ما عندنا وقتتت
كمت ركضت لبست تراك رياضي واخذت سلاحي وطلعت وياه بسيارتة وصلنا للـمكان الي بي بيتها واتصل بالي مراقبين البيت كالوله ماكو ماطلعت باوعت عليه وكتله
_ليش ما نهجم عليها ونسحلها من شعرها
_لا خليها تفرح شويه بالـي اخذتهم منا
_ما اعرف كيفك بعد انت ادرى
هز رأسه وما حجه شيء ضلينا وقت طويل احنا ننتظر شيء او نلمح شيء ماكو طير طاير ما مر من سطح بيتهم مليت واني كاعدة وضجت سطام كُل شويه الا مدخن وخانكني بالـجكارة شغل فتح موبايلة وكال
_هاج شوفي فيلم او مسلسل عندي اشتركت نت
_هههههههههه ما حب اشوف شيء مو تعرف بيه لو نسيت
باوعلي بـتمعن وكال
_كلت يمكن تغيرت
_ما تغييرت نفسي اني رحيق الي من اول مرة شفتها بيها كرهتها
_بدينا تمضرط يعني شبييييج انتي شبيييج تخلقييين مشكلة من جوا الكاع ويايييي
_حتى اتوبك مني
_ولا تستقر الي يسمع يكول انا مكابل بابج وكاعد
_حلوووو كلام قوي من حضرتك استاذ سطام
ما حجه شيء واني هم سكتت مـر وقت ودك موبايله فتح الخط وكال عُلم باوعت عليه وكتله
_هاا
_طلعت العصفورة من عشها
فركت ايدي وكتله
_يلاااا
_مو هسه هي مو غبيه لـهذه الدرجة حتى تروح لـمكانها وتدلينا عليه
_لعد شنووو
_طلعتها هذه بس حتى تتطمن اذا اكو احد وراها او لا
_يعني ما راح نسوي شيء
_لا
_اذن ليششش كاعدين صارلنا من العصر هنا
_حلوة الكعدة وياج شنوو اسوي
_شكددد تافهه ومليق ياربي
ضحك ورجع اتصل وكال
_عينكم عشرة عشرة بدون لا تنتبهه واحد يلحكها وواحد يبقى يم البيت
سد الاتصال كتله
_وهسه
_عازمج على عشاء وراها ارجعج للـبيت
_عشاء ساعة ١٢ منوو مفتح هسه
_شعليج يمي
_لا تكون تاخذني على مطعم سكارى
_اكلج انتي عاجبج تتركعين كم راشدي شويه موو ؟ جلدج يحكج ؟
_ما عاش ولا صار الي يمد ايدة عليه فهمتتت
صفر بـقوة وحرك السيارة وصلنا على مطعم ونزلنا مارتاحيت للـوضع وكتله
_اذا تسممت اكاومك
كال كلمة ادبسز وكال
_بعد ما ارجع فلوسي من الـ.... ام مصطفى لو قبلها
ضحكت دخلنا ونزللنا اكل بديت اكل بالاول حنت مو متطمنه بس جان الاكل طيب ونظيف كُل ما احط لكمة بـحلكييرفع حاجبه ويضحك اخر شيء كتله
_انت اليوم مو عندك خفارة
_لا خليت جماعة بـمكاني بس راح اروح بعد ما اوصلج حتى باجر ينطوني مجال
_ها اوك
كملنا اكل ووصلني على البيت نبهني اقفل الباب زين وما افتحها لاي احد اخذت بـكلامه وقفلت الباب ودخلت للـبيت قفلت الباب الداخليه هم ما جان عندي شيء اسوي راسلت ياسين كلت عسى ولعل يجاوب جاوبني وطمني على مـوج كدرت ارتاح شويه ودخلت نمت لان باجر عندي موعد
مـوج
ضايع ووحيد ومجروح وعاجز عن كُل شيء حتى الدموع عاجز عن هدرها المسرحي الي احنا بيها بائت بالـفشل وانقلبت الادوار وعشت دور ما احبه ولا اطيقه الضحية الي تنتظر العطف والحنان من الكُل حتى الاغرباء الي يدور حولها الكلام ياا خطيه مسكين انا اكرهه هذا الشيء واكثر شيء جاي يعصبني ويستنزف طاقتي
٩ شهور من ايامي وليالي مرت وانا نايم ماا احس ولا اعرف شنو يدور حولي ولا اريد اعرف شنوو صار وياي ووين وصلت حالتي وعلى شنو استقرت كُل الي اريد اعرفه هووو آوج شلونها بدوني ووين وصلت وشنو الي انجزت حققت حلمنا ونجحت وجابت معدل لو لا تعبي وياها حصل على نتيجة لو بائت بالـفشل
هي نجحت ووصلت بس انا الفشلت حُبي الي فشل عُمري الي خسرتة بدون اي تقدم هو الي فشل اول ما فتح عيوني استقبل خبر صادم يكلولي بي آوج ماكو شيء يضحك موووو ؟ شيء كووووميدي اكثر من ما هووو حزين ومؤثر
٩ شهور ٢٧٠ يوم ينطح يوم ما اختفت بي ولا طلعت من البيت او هربت مثل ما جاي يكولون الا بالـيوم الي انا صحيت بي ليش وشلون محد يعرف ولا احد عندة علم والكاميرات ما تدل على شيء غريب او مقلق لا بالـعكس طلعت من البيت كأنها رايحة لـسوبر ماركت او شيء مكان عادي وراجعة
انجنيييت انهد حيلي الي ما باقي بي حيل اتهسترت ما جان عندي شيء غير انهت ارفع صوتي على ياسين واتعارك وياه واغلط واسب والعن بيهم واحد واحد ليش ما حافظوا عليها ليش مااا انتبهوالها ليش خلوها تضيع من ايدي وانا لكيتها بـدم عُمري وسهر ليلي ليش لهذه الدرجة انا ومحبوبتي هينين عليهم
بـيوم من ايامي الصعبة الي كارهه بيها حياتي وما حابب احجي ولا اشوف اي مخلوق دخل عليه الدكتور وكال كافي كسل واترك كُل شيء على جنب وابدي من جديد لازم تبدأ علاج طبيعي لازم تسترجع عافيتك وصحتك ما جنت اريد شيء ويأست من الحياة لحد الموت ولو بيدي انتحر واخلص بس مو قبل ما اعرف آوج وين
ماهتميت لـكلامة ورفضته بس الي صدمني هو كلام شاهندا وياي وشكد هي تعذبت وانا جنت طريح الفراش وشكد متمنية تشوفني اوكف على رجلي جنت مستنكر كلامها ورديت عليها بـقسوة منووو انتي وتشخصين الامور على كيفج شنووو خصجج انتي مني اموت اعيش امشي ابقى مشلول شنووو خصج
جان جوابها ما تريد ترجع زوجتك ماا تريد تنتقم من الي طلعوها من البيت ما فهمت قصدها شنو وطلبت الموبايل واتصلت بـياسين واجه وحجالي انهُ آوج ما طلعت بدون سبب اكو اسباب هواي لـطلعتها وحجالي وضعها شلون انصابت بـكورونا وانهُ بالـتحاليل طلعت هي مدمنة من جديد
صرت انا والارض سوا السماء انطبكت على ظهري والحمل صار ثكيل حيل ثكيل معناها راح ترجع تهلوس راح ترجع تدور على مخدرات راح ترجع تقدم نفسها على طبق من ذهب بس حتى تأخذ جرعة يمكن لـفارس او يمكن لـغيرة
الدموع صارت حجار بـعيني واحسه تريد تنقلع من مكانها گلبي حسيتة يريد يشك صدري وينفجر حيل تعبت حيل والوضع الي عشته يومين ما اعرف ٣ ايام انا موو واعي على شيء غير مشهد واحد بس يعيد ويسقل بـراسي الكلام الي سمعته. منها بـيوم اعترافها الي
قررت من هذا اليوم اكوم لـحيلي وابطل كسل وضعف انا راح ارجع قوي وراح اكوم لـحيلي وارجع لبغداد واندم كُل واحد استغلني وداس على گلبي وضربني بـعرض الحائط كُل واحد سبب بـدمعتي راح يدفع الثمن وحتى آوج لانها ضعيفه حيللللل ضعيفه وتافههه وانسانة تفكر بـنفسها انانية وحقيرة
الحقد الي سلته بـگلبي على الكُل مُمكن لو جنت امشي احرك الاخضر واليابس بس الفضل لـحالتي بـهده الفترة شاهندا ما تركتني لحظة جانت وياي مثل ظلي ارزل اصرخ اغلط ما تهتم باقيه وياي ومساندتني لحد ما صرت احرك ايدي ثنينهن وجنت اصدها بـقوة وشراسة بس تتقرب مني حتى وصلت بيه ادفعها وابعدها عني
بس ما تركتني ابد ولا ملت مني او انزعجت من تصرفاتي حسيتها جانت تعرف انا شكد متعذب وبـكُل لحظة اصير عصبي بيها تتعمد تجي يمي اطلع عصبيتي بيها بـصياح او غلط بس ختى لا يبقى بـداخلي شيء
تغيرت حيل وهذا التغيير جان دافع حتى اقوى واكوم لـحيلي واتشافى باسرع وقت جنت حاط هدف بـراسي بس ارجع راح انتقم لـگلبي منهم راح اشوفهم مـوج الحقيقي مـوج الي هُم خلقوا وكونوا مـوج الي حولوا لـوحش بعد ما جان ما يأذي اضعف حشرة بالـكون
الصبح كاعد ووجهي على الشباك حسيت الباب انفتحت دخلت شاهندا بـطلتها الي تعودت عليها الضحكه مرسومة على الوجهه وملامحها تبعث الراحة والسرور للـمقابل الا انا ما احس بـشيء من اشوفها واحسها تستهزء بـحالتي والي جاي اعيشه تستفزني لمن الاقي الضحكه على وجهه او بـصوتها
_صباح الخير يا احلى دكتور بالـعالم
ما جاوبت تقربت عليه وكالت
_شوكت كعدت من زمان
_وين باكيت الجكاير
_اوووه كاعد متلهف عليهن حضرتك شنو اتفقنا
_شااااهندا لا الي مزززاجج ولا خلكج كتلج انطيني البااااكيت كم مرةةة كلت وحجيت ممنوع تاخذي من يم رأسي بـليللل
رجعت للـخلف لان تعرف راح امد ايدي عليها واخذه بالـقوة باوعتلي بـثبات وكالت
_ماكو تدخين يعجبك تدخن افطر بالاول واخذ علاجك ما يعجبك بـراحتك اذا انت متهاون بـصحتك أنا مو متهاونة بـوظيفتي ودرجاتي ما ميتعدة اخسرها بـسبب طييشك
_حتى انتتتتتتي تردين منيييي حتى انتييييي مصلحتتتتج وياي وباقيه علمووووودها
_مووو مصلحة بس مثل ما انتتتت اهم شيء عندك صحتك وتكوم لـحيلك انا اهم شيء عندي وظيفتي سمعت ذاك اليوم الدكتور شنووو كال كال انقصج درجة وانزلج لـغير قسم اذا لكيت مـوج يدخن ليش تريد اذيتيييي
_لا رايد اديتج ولا غيررررها انطيني ااباكيت والدكتور انا احجي وياه معليج منه
باوعتلي بـعدم رضا وتقربت بـخطوات بطيئة وكعدت يمي لزمت ايدي وكالت
_ليش هيج تسوي فهمني ليش مُصر على تخريب كُل شيء بنيناه من الصفر
_عن شنو تحجين
_وضعك انت ليش مُصر تبقى بـهذا الشكل مـوج صدكني انت ما باقيلك الا ايام وتبدي بالـعلاج الطبيعي ليش تريد ترجعنا للـخلف منو يستاااهل منووو يسوى
ما جاوبت لان ما جان عندي جواب شدت أيدها على ايدي وكالت
_خلي ايدك بـيدي وانا وياك سوا راح نجتاز هذا الامتحان ونوصل لـهدفنا ونكمل الطريق بـخير وسلامة ونطلع منتصرين
_ما يهمني شيء سواء كمت مشيت او لا ما يهمني
_بسسسس انا يهمنيييي اشوفك تمشي يهمني افرح بـطولك وهيبتك وانت واكف على رجليك
_لا تنسيييين نفسج شاهندا انتي مجرد ممرضتي
_خطأن انا اكثر من ممرضتك اناااا صرت مرايتك صرت ظلك اناااا دخلت وياااك عمليه انااااا اهتميت بيك وانت غايب اناااا سهرت عليك وانت نايم لا تكول بس ممرضتك مـوج لا تكول هيج
_هيج ونص ولا تتوقعين شيء اكثر من هذا وهسه عن اذنج لا اريد جكاير ولا فطور اطلعي برة
كامت من يمي بـعصبية وكالت
_على فكرةةةةة الي جاي تسوي يخلي الناس تشفق عليك زين آوج الي هربت منك هسه عايشه حياتها طول بـعرض وانت ابقى ابجي ونوح على فركااها
_لااااا تجيبيييين طاريها على لسانج
جاوبتني باستهزاء
_ليش لانها طااااهرة وعفيفه على فكرة اعرف كُل شيء عنها واعرف شنوووعانيت وياها واعرف هي هسه عند فارس
اخذت البطل مال ماي جان يم رأسي على ااميز يصير من زجاج وشمرتة ناحيتها بـعصبية وصحت
_طلللللللللعيييييييييي برةةةةةةةة
انهارت اعصابي ضليت ارجف اريد اهدأ ماكدر صرت اضرب جفوف ايدي بـيعض اريد رجفتهن تروح بـهذا الوقع ياسين جان بعدة ما جاي انفتحت الباب ودخل يمي شافني هيج وكال
_شكووو شنو صاير شاهندا تبجي برة وانت وجهك مطعون اشوووف شبيها ايدك مـوج ليش ترجفففف شكوووو
جريتة عليه من خوانيكه وصحت بي
_تكووووووول لـسطاااااام يكسرررر جهاااااز امك زيييين ويمنع عنها الموبايل تتتتتماااااادت هووووواي هوووووووواي وحساببببها كُبر عندييييييي كُبررررر هووووواي
_زين اهداء انت هسه بس اهداء اسحب نفس واشرب ماي هاك
اخذت الماي منه شربت شويه سحبت. نفس حاولت شكد ما اكدر أهداء ماريد شيء يخرب عليه الشغل الي استغلنا ماريد شيء يرجع حالتي للخلف بسببه مهما جان كبير جاي احاول ما اهتم واكتم بـداخلي وبس اكوم لـحيلي ويحين الوقت انفجر وساعتها مارحم احد
مر وقت هدأت انفتحت الباب دخلت شاهنداما تباوع بـوجهي عرفت من ياسين انهُ اكلت شيء بسيط فـ اجت تنطيني علاج وكفت يمي ركبتلي السيروم وانطتني الحبوب والماي اخذتهن رادت تروح لزمت ايدها بـسرعة وكلتلها
_انا اعتذر تطاولت عليج وجانت ردة فعلي قاسية اسف
ما جاوبتني شيء وطلعت كدر ياسين يرجعني على المخدة وغمضت عيوني غفيت نصف ساعة او يمكن اقل وحسيت على صوت الموبايل طلعته من جوة المخدة رسالة على الواتساب رقم غريب فتحتها صورة فركت عيوني لـبين ما تحمل حجه ياسين
_ها كعدت
_على صوت الموبايل
رجعت باوعت عليه وكُل الدنيا اسودت بـعيني تمنيت عيوني تنعمي ولا اشوف الي شفته تمنيت الله مأخذ روحي وميت ولا عشت الاحساس البشع والحقير الي عشته
بـهذه الدقيقة ردت اي شيء مُمكن يخلي روحي تغادر جسدي باقرب وقت وارتاح ولا اعيش هذه اللحظة
التخيلات الي جانت تراودني بـصفنتي ونومتي وشرودي لا شيء مقابيل الحقيقيه عشت ايام وليالي انا مو انا بـسبب سماعي. اله عاد هسه وانا جاي اشوفه
آوج بـحظن فارس بـوضع يشهد عليه ربي من كُثر حُبي الها وخوفي عليها ما تمنيته وياها ولا حاولت اذكره بـيوم من الايام بـوجودها او عدمه ولا حسستها انا عندي ذرة رغبة بـهذا الشيء او طمع وجودها يمي جان كافيني شوفتها كدام عيوني جانت كُل امنياتي وأحلامي وبس
يتبع
💔💔.....................................
ما اكول غير ربي يصبرك دكتورنا العزيز ويقويك