مساء الحُب 🫰🏻♥️
#فينثيدلين
#سما_العبيدي
#البارت_الرابع_والثلاثون
لا تنسون التصويت حبايبي والتعليققق على كُل فقرة وانطوني رأيكم وتوقعاتكم احبكم 🫰🏻💋💋💋
..........................................................
رحيق
لا بيه اگُلك لا تجَي
ولا بيه أگول أرجعلي
دوامه وتودي لحربّ
مابين گلبي وَ عقليّ
خايف أجَيك بلا وعيّ
وما بيك تستقبلني
أنا أعرف تحَب تبتعُد
بس ما عرفت تحَبنيّ .
روان
ماذا لو عاد ؟
ينتهّي جميع هذا الحزن ويتصلح جميّع هذا الخراب وتصمُت كل هذه الضجه تتحول الدنيا من الاسود الى الابيض وينجبّر أنكسار قلبي لأول مره ويستقيم ظهري بعدما أنكسر وينتهي جميع سرحّاني وأعود كما كُنت بوجوده .ِ
رحيق
رهبة وخوف جامحة ودموع غزيرة تنبع من گلبي وصولاً لـعيني لـتنهمر وتبلل خدي شهكات متواصلة ورجفه بـكُل انحاء جسمي يمي عمتي لازمة ايدي تطمني ووائل يسوق السيارة وياسين يتصل بـسطام وما يجاوبه حقه ما يجاوب هو شوكت جاوبنا اصلاً
الالم يروح ويجي ومن حجيت لـعمه تكلي هذا طلق متتتت خوف والنزف زاد ما قل وصلنا للـمستشفى بـطلاع الروح من الخوف والالم والقهر
دخلنا راساً عناية لـبين ما وصلت دكتورتي بعد الفحص والسونار اتضح عندها الطفل ميت
متتت بجي متتت قهر ماعندي غيره ليش يعوفني ليش بـعُمري كُله ما اسامح سطام على فعلته هذه اني خسرت ابني بـسببه هسه صرنا متعادلين هو خسر ابنه ومحملني الذنب واني خسرت ابني بسببه
لحظات فقدت ورجعت كعدت وتمنيت الي سمعته حلم رفعت ايدي مشكليلي مغذي حجيت بـصوت مبحوح
_صدك ابني ميت
حجت عمه وهي دموعها على خدها اول مرة اشوفها متأثرة
_الله يعوضج يمة
رجعت ابجي دخلت الدكتورة وكالت
_بما انهُ صحيتي راح انطيج ابرة تسهل الطلق عندج حتى تتخلصين منه
_دكتورة فدوة تأكدي البارحة جنت احس بـحركته شنو اليوم يموت
_الله يعوضكم حبيبتي
ضربت ابرة بالـمغذي شوية بدأت عندي الاوجاع تزيد صرت اشيل روحي واركعها اريد ارتاح اريد اخلص من الالم طلعت روحي صرخت بأعلى صوتي ولاول مرة بـحياتي اناجي امي مو ابوية
_للجججججججج يمةةةةةةةة لحكيلي يمةةةةةةةة بنتجججج تكطعععععتتتتت يمةةةةة دخيلج تعاليلي
لزمت عمتي ايدي وهونت عليه التعب بـكلمات حنونه اول مرة اسمعها واول مرة اشوف دموعها لـبين ما نزل الطفل انا روحي رايحة المفروض اسمع صوته يبجي بس هو ميت مابي روح
فقدت بعد ما حسيت بـشيء من التعب والالم والصراع الي بين عقلي وگلبي فتحت عيوني ما اعرف شكد مر وقت سطام بـصفي وقريب مني لـدرجة نتنفس انفاس بعض
YOU ARE READING
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
