اختلاس الكلف

اختِلاس ثالث عشر ⚜️

- اختِلاس الكَلف -
- سجى حسين -

- ثالث عشر ⚜️ -

﷽ .

البارت كُلش طويل فـ علقو .

-

- فتحت عيوني ولكيته مغمض عيونه ويجر
بشفتي ولازمني حيل من خصرني واستوعبت
اني شكاعد اسوي وراسًا دفعته حيل

- فتح عيونه مستغرب ما جان متوقع حدفعه باوعت
عليَّ وصارت عيني بعينه واجه لزمتي من زندي

دسيم:- كافي تأذيني وتأذين نفسج ادري بيج رايدتني مثل
ما اني رايدج لتعبيني وتعبين روحج اعترفي وريحي كلبي

- دفعته حيل وركضت فتحت باب السطح ونزلت
جوا فتحت باب الغرفه ؏ كيفي وطبيت كعدت ورا
الباب ولزمت شفتي ما اعرف شلون سويت هيج
احس بنار الدنيا كلها ؏ شفتي وجسمي صار نار !

- كمت غسلت وجهي ومسحت حلكي ورحت تمددت
يم تينا وباقي بس ساعتين ونروح واترك كلشي وراي
كل خوفي ومشاعري وكلشي

- مرّ الوقت وماعرف شلون غفيت من تفكير وفزيت
؏ صوت المنبه، طفيته وشفت ساعه بـ ٢ كعدت تينا
حته نحضر روحنه

ديرين:- تينا كعدي يله بـ2 حته نلحك

- گامت هيَّ ومغمضه عينها وتفرك بوجها
تينا:- كايمه هسه

- كمت اني غسلت وبدلت ملابسي وحضرت جنطتي
وجنطة تينا وهيَّ ليهسه بعدها تغسل وجها وبلكوة تمشي

تينا:- ديرين خل نكعد ملاك حته
نودعها عيب نروح هيج بالختله

ديرين:- ماشي كملت جنطتج بس بدلي حروح اكعدها

- رحت دكيت الباب عليها وطبيت لكيتها
نايمه، كعادتها ؏ كيفي

ديرين:- ملاك راح نروح تعاي خل نودعج وقفلي الباب ورانه

- گوه تفتح عيونها وبصوت ناصي
ملاك:- ها اي كايمه حبي

- عفتها وطلعت وطلعت الجنط برا، باوعت لسطح
باب مفتوح يعني بعده فوك غلست عليَّ وما صعدت
واجتي تينا وملاك

ملاك:- يعني صدك حترحن شنو
هاي ليش ما تبقن هنا احسن

ديرين:- لا حبي هناك محافظتنه واهلنه
نرجع الها واكيد نجي كل فتره لتخافين

تينا:- اي صحيح
- ابتسمت، ملاك:- تعالن احضنجن تعودت عليجن والله

- ضحكت
ديرين:- تعاي شيطانه الله يرحم اول ايام جنني تردين تكتليني

ملاك:- غير انتِ سميني الشيطان تعيبين ؏ اسمي

- حضناها وهيَّ بجيت وظلت تلح علينه ما نروح ما قبلنه
ملاك:- دسيم ما ودعكم؟

- باوعت لـ تينا وردفت بتوتر
ديرين:- لا ودعنه وصعد فوك

ملاك:- ها خوش خل اخلي هوَّ يوصلجن
؏ اقل ليش تأخذون تكسي ودوخه

- عطت بصوت خافت
ديرين:- لا حبي احنه متعودين ما نريد نتعبه يله تينا

ملاك:- ماشي بس اول ما توصلن دزلي مسج
وتينا عدها رقمي وانتِ هم اشتري تليفون وخابري

- ابتسمت، ديرين:- ماشي انتبهي لنفسچ وسلمي ؏ ولد حبي

ملاك:- الله يسلمج انتبهن من الطريق توصلن بسلامه

- حضناها ومشينه طلعنه من البيت وصلت للباب
باوعت ؏ سطح شفته واكف يم الحايط يباوع علينه ويدخن
وصارت عيني بعينه وبسرعه نزلتها وطلعت مشيت

- التفت شفت تينا انتبهت علية وعليَّ
تينا:- لتباوعين عليَّ اعتبري الماضي انمحى

ديرين:- اتمنى اكون ما كسرت كلبة من الرغم هوَّ آذاني هواي وكسر بخاطري وكسر كلبي بس ما اكدر اكسر گلب احد

- اخذت نفس ومشينه وگوه لكينه تكسي وركبنه
ويا و ولد والسايق وانطلقنه من بعد انتظار
نص ساعه يجي شخص ويانه

- تحرك السايق وكلما ابتعد كلبي يأذيني واسئل
نفسي ليش هالشعور ليش ما اريد ابتعد ليش كلبي
جاي يكلي ارجعي هوَّ محتاجج كلماته بعدها بأذني

- احس شفته طعمها بعدها ؏ شفتي والنار يلي صارت
بجسمي من يلزمني وبعدها ما طفة ليش كل هالشي وهوَّ
راح يخطب ليش يوهمني بحب ويوهمني يريدني ويخليني
احبه وهوَّ يخطب وحده غيري

- كطعت افكاري وغفيت وتينا هم، صارت
بـ٧ نزلنه ناكل نتريك ورجعنه صعدنه بسياره
وانطلقنه باقي ساعتين ونوصل بعد

- وصلنه بـ ٩ ؏ كركوك ونزلنه ميتين تعب ورحنه
للفندق وتينا تندل أكثر مني ورحنه أجرنه غرفه بين
ما ندور ؏ شقه

تينا:- يمه بطني احس راح أولد من التعب

- ضحكت بصوت
ديرين:- اني احس صار بيه طفل من التعب

تينا:- لا ميصير إذا ما تجربين

- ضربتها وهيَّ راسًا غمزتلي
ديرين:- طالعه عينج شكلها هاي ورده الصغيرة طلعت عينج

تينا:- ورده الصغيره طلعتلي كرون من التعب
يوميه مستشفى من وراها تدرين جنت حامل بتوام
بس مات واحد بسبب عُدي الله لا يوفقه

- شهكت وخليت ايدي ؏ حلكي
ديرين:- شلون من الضرب يعني سقطتي

تينا:- اي ونقلوني للمستشفى

- عطت بقهر
ديرين:- كسر بايده كون هالمجرم هذا ما توقعت
واحد خسيس لهدرجه وشلون ما كدرنه نعرفه طول
هالسنين والعجيب من الناس يلي جابهم من خطبج من
اهلي شلون كالو احنه أهله

تينا:- شبيج يعني هوَّ اكيد مشتريهم بفلوسه الله لا يوفقه
باع المعرض وضحك علينه وفلس واحد ما شفت منه

ديرين:- كلهم راح ياخذون جزاتهم
حته خوالي بس اصبري علية

- حضنتها وظلت تمسح ؏ راسي ورتبنه الغراض
واني رحت سبحت ونزلت تعب الطريق كله وتينا
هم سبحت ونمنه ساعتين ما حسينه ؏ وقت

- فزيت ولكيت تينا نايمه، كمت ؏ كيفي غسلت
وجهي واخذت تليفونها ولكيت ملاك دازه وفتحت المسج

ملاك:- وصلتن لو لا
ديرين:- اي وصلنه وهسه تينا نايمه

- دزيت الرساله وماكو جاوب منها واني كمت
كتبت رسالة لتينا ماريد اكعدها من النوم خطيه !

ديرين:- حطلع اني بشغله اخذت فلوس من الجنطة

- كمت بدلت ولميت شعري وطلعت نزلت
فتريت بالفندق شويه وطلعت اشم هوى وقررت
اروح ادور شغل حته لا ابقه بالبيت

- مشيت مسافه وسألت كذا محل وأكثرهم يكولون
بالمول اكو شغل، رحت لكذا مول ما لكيت بقه واحد
واني تعبت وصارت الدنيا ضهر وهسه اكيد تينا قلقت عليه

- اخذت نفس واخذت تكسي ورجعت للفندق صعدت
للغرفه لكيتها متمدده وتباوع ؏ تلفزيون وتضحكت

ديرين:- اني اتاخر بطلعه اجيت عبالي بالج
باقي يمي اثاري ورده الصغيره مريحتج

تينا:- شفت الورقه مالتج كلت يجوز
طلعت تتمشى لو شي فـ ماظل بالي

- ضحكت، ديرين:- يروحي يله تعاي ننزل نتغدى ماجعتي ؟

تينا:- يله خل ننزل حته العصر نروح ندرو شقه حلوه

- هزيت راسي
ديرين:- اني ادور انتِ ابقي هنا وارتاحي انتِ وهاي بطنج

تينا:- لا يقشمرون عليج انتِ اني اجي وياج

- گلبت عيني !
ديرين: شنو شايفتني زعطوطه ولج

- ضحكت واجتي لزمت ايدي
تينا:- لا حبيبتي كبرتي وصرتي
احلى مرة بس هم الاحتياط واجب

ديرين:- ميخالف عود بس تعاي ننزل جعت كلش

- نزلته ثنينه تغدينه وشربنه عصير وافترينه بشارع
وتينا كل شويه ودايخ وتصيح راح اجيب واني اضحك
عليها، شويه ورجعتها للفندق وگعدت اقنعها اروح اني
ادور شقه وحدي وبلاخير استسلمت وقبلت وطلعت ادور

- طلعت من فندق ومشيت وأخذت تكسي نزلت
يم دلالين مال بيوت وشقق اشوف بلكت الكه ولگيت
وكلهن بعيدات عن الشارع وعن سوگ وغاليات

- عفتهم وتمشيت بشارع حتى اروح اشوف غير
منطقه ودرت وجهي شفت شخص واگف واول ما
شافني ختل واني بقيت واگفه واركزت بس ما انتبهت
عليَّ لانُ بعيد بس يجوز اتخيل لانُ دسيم سوا بيه حاله نفسيه

- مشيت خطوات ودخلت بدربونه والدنيا مغرب صايره
وحسيت خطوات وراي واحد يمشي التفت ماكو احد
ورجعت تمشيت شويه سريع وفجاة انجريت من ايدي !

- انحطت ايد ؏ حلگي وصرت ارجف بخوف
وباوعت عليَّ ملثم نفسه وبس عيونه طالعه !

- ركزت ؏ عيونه عرفته دسيم من جرت اعيونه
حاولت اوخر أيده بس هوَّ ظل يأشر بـأيده ويباوع
من ورا الحايط

- شويه وخر أيده عني وخر لثام وعطت بي !
ديرين:- دسيم انتَ شجابك هناا

دسيم:- اش لازم ترجعن وياي هسه وبعدين افهمج

- عقجت حواجبي بغرابة ؟
ديرين:- شنو نرجع وياك انتَ مخبل ما ارجع اني
ماريد ابقه يمك لو هم حترجع تخطفني ترا ما حجيت
لشرطه عليك لانُ ساعدتني فهمت

دسيم:- اني مو مخبل اعوفچ وما اثق بيج بس
عرفت بيج مراح تحجين لشرطه شي فـ عتفج
ترحين وتسرحين وحدج وثاني شي شنو هاللبس
والبنطرون ضيك مطلعه طيـ* ؏ عالم ما تستحين
انتِ وهذا البدي بعد ماكو اكبر من دلعته

- فتحت عيوني ؏ كبرهن من كلامه ودفعته بايدي
بس سرعان ما حاضن خصري حيل وماكدرت أفلت

ديرين:- انتَ شعليك بابا شعليك بيه هنا ناس
متهتم لمظاهر مو مثلك عينك بس ؏ اماكن تعجبك

- بهدوء وخر شعري من وجهي خلا ورا آذاني
وتلمس وجهي بأصابعه وردف بحنيه فضيعه

دسيم:- اي والله صحيح اني عيني عليج
من اول شعرايه بيج لحد اخر اظفر منج

- نسيت وين احنا واندمجت بكلامه
ولمساته وضحك بتك خذ

دسيم:- شبيج من لمسه صغيره تخدرين بايدي

- فزيت راسًا وفتحت عيوني ودفعته
حيل ورجعت انرگعت بالحايط

ديربن:- شكد ما تستحي روح
ارجع لبغداد ما اريد اشوف خلقتك

- مسح ؏ وجها
دسيم:- مو وكت عناد ديرين خناس جاي يدور
عليجن وبس يلكاجن يمحيجن وكلفني اني الكاجن
ودز ولد عليجن لانُ عُدي كايله يعرف بيجن بكركوك
لانُ اختج جايه قبل

- فتحت عيوني بصدمه ما اعرف شحجي نربط
لساني من كلامه واجه يمي ولزم وجهي بثنين أيده

دسيم:- لتخافين مدام اني يمج ما اخلي بشر
يطخ شعرايه منج بس سمعي كلامي ولازم نرجع

- ماعرف شلون دموعي نزلن وهزيت راسي وهوَّ باوع
منا ومنا ما لكه احد رجع لثام ؏ وجها ولزم ايدي وركضنه

- وصلنه لشارع العام وشال الثام وأخذنه تكسي
:- وين كاعدين

- راسًا انطيته عنوان الفندق وصلنه للفندق وبسرعه
نزلت ركضت اريد اصعد بالي يم تينا بس لا لاكيها

- صعدت بسرعه وهوَّ يركض وراي مثل المخبل
وصلنه لغرفه دكيت الباب لانُ ناسيه مفاتيح وبسرعه
انفتح الباب وبس شفتها حضنتها بكل قوتي وهيَّ انصدمت
من شافتني هيج ومن شافت دسيم صاحت بصوت !

تينا:- هاي شمسوي بيها ولك
شبيج حبيبتي ديرين باعيلي شبيج

دسيم:- واني شعليه فوك ما احميجن
تذبن قهرجن بيه هيَّ اختج حساسه

ديرين:- تينا بسرعه بدون حجي لازم نروح منا

- بلعت ريكها
تينا:- شكو فهمني ولج ليش

- صحت بيها
ديرين:- تينا خناس هنا ويدور علينه لازم نرجع يله

- عاطت بصوت وضربت خدها
ديرين:- عزه بعيني شلون لكانه
شلون يعني مراح نخلص منهم

- عفتها تحجي وبسرعه رحت طلعت الجنط واخذت
النحتاجهن وهيَّ اجتي ساعدتني ودسيم واكف مجتف
ويباوع علينه، خلصنه كلشي وسدينه الباب ونزلنه دفعنه
الحساب ونطينه المفاتيح وطلعنه

دسيم:- ابقو هنا اجيب سيارتي ونروح

- هزينه راسنه بـ " اي " وراح وحنى انتظرته
ربع ساعه تقريبا واجه وصعدنه ومشه بسرعه
واني طول الطريق عين ؏ تينا وعين ؏ دسيم
خليت راسي ؏ جام ونزلت دموعي وظليت افكر

- يعني مراح نكدر نرتاح بحياتنه بعد طول عمرنه
راح نظل مشلوع كلبنه هيج احنه تعبت ياربي شوكت
تخلص هالدنيا ونرتاح

- غمضت عيوني وما حسيت بنفسي غير غفيت وحسيت احد خليه شي ؏ جسمي وفزيت لكيته شامر عليه شال ومغطيني

- بهدوء، ديرين:- شنو هذا

- رفع حاجبه
دسيم:- شال شنو يعني تغطي تضاريسج حنوصل
سيطرة مكافئ هناك تتمشين بالـ**سچ هذا الخزي

- وخرت الشال من جسمي وصحت
ديرين:- يا انتَ مريض شعليك بيه لتدخل والله
حلوه هاي عندك خطيبه وتحكم بيها بكيفك شعليك
بيه ومنين جبته هذا الشال

دسيم:- معليج انتِ غطيت روحج
ومن نوصل مطلعين بعد هيج فهمتي

- ضحكت باستهزاء
ديرين:- لا صدك انتِ مريض نفسي

- فتحت الجامه وشمرت الشال وهوَّ راسًا خزرني وصاح
دسيم:- ايا ادبسزز هاي شسويتي
تعاركت ويه المره علمود الشال

- فتحت عيوني وانصدمت
ديرين:- يا مرة ولك

دسيم:- خرب يومج مو أخذته من أيدها
وهيَّ ظلت تركض وراي وتالي شمرتي

- فتحت عيوني وخليت ايدي ؏ حلكي
ديرين:- يعني سرقته

دسيم:- دنجبي الكرديه سرقته شنو احجي عدلي
لا حلكج اعدله الج، شمرت الها فلوس وركضت

- عطت، ديرين:- لا صدك انت مخبل رسمياً

دسيم:- مخبل بيج اني

- باوعت لتينا هيَّ ونايمه ورايحه لسابع نومه ضحكت عليها
ديرين:- حبيبتي هيج الحمل يتعب

- سمعت دسيم يردف بهمس
دسيم:- جربي وشوفي

- باوعتله وخزرنه وعكدت حواجبي
وفريت بايدي وصلنه لسيطرة وظل يدردم

دسيم:- هسه بلي شلون اغطيج ميكول هذا شاد كرون
مطلع ثنين نسوان ويا عبالك ملابسهن مكطمات

ديرين:- معليك انتِ بينه واني اكول اله مانعرفه

دسيم:- يمعوده عبالهم خاطفج هسه
يوصولنه للقسم بدفره اسكتي

ديرين:- صدك خاطفنه انتَ قابل جذب

دسيم:- منو ركضت تحضر ملابسها حته تروح

- خزرته وباوعتله صفح! رجعت وجهي ؏
جامع وهوَّ يستغفر عفته وغمضت عيني ونمت

- فزيت من صوت الهورن باوعت
شفت روحنه يم بيت ملاك وصاح هوَّ

دسيم:- بعد اخذيلج غفوة لصبح ساعه بـ٩
شوكت تكعدين شهل نوم هاي انتِ الحامل مو اختج

- عفته وباوعت ليورا ملكيت تينا وصحت
ديرين:- وينن تينا

دسيم:- اختج طبت جوا تلحك ؏ روحها
راح تتقيئ من الطريق يعني وين

- نزلت من سيارة وسديت الباب حيل وسمعته يصيح
دسيم:- مو مشتريها بفلوس الخلفوج وتكسرين بيها

- ضحكت وعفته ورحت دكيت الباب
وطلعت ملاك شمرت روحها بحضني

ملاك:- يمه ممصدكه رجعتن عبالك سنه ما شايفتجن

- حضنتها وطبينه واجه دسيم صاح
دسيم:- ملاك انطيها من ملابسج وخل تغير
هذني باجر اني اجيبلها ملابس بيها خير

- باوعتله ورفعت حواجبي وهوَّ هم باوعلي
دسيم:- شنو معاجبج الحجي

- عفته وظليت اهز بايدي ورحت دخلت
للغرفه وشفت تينا متمدده وضحكت عليها

ديرين:- باع الحمل شمسوي بيها يالله

- عفتها وطلعت للمطبخ اخذت كلاص مي وسويتلي
لفه ورحت للغرفه بطريقي شفت ملاك تحجي ويه
دسيم وسمعتهم

ملاك:- دسيم صار كم شغله تجذب بيها عليها
خطيه ترا إذا تعرف مراح اسامحك اكيد

- اخذت نفس بقهر
دسيم:- مو بيدي ملاك والله بعدها عني خلاني اصير
مخبل يعني حته الشرب جنت ما تدني نفسي عليَّ وشربت
عبالج ارتاحيت بهلليله يلي خلصتها وهيَّ مو يمي

- تقدمت حضنته
ملاك:- ادري بيك تحبها بس اني فاهمه حيرتها هيَّ خايفه

دسيم:- حاس بيها والله حاس وكلبي متلوع عليها
ولج اني شلون راح اسامح نفسي اذا حبتني واعرف
بنفسي باي لحظه تخسرني بس ما جاي اكدر ملاك
اريدها كلش من جها اريدها تحبني ومن جها اريدها
تبقه تكرهني اني ما استاهلها

ملاك:- لتحجي هيج انتَ تستاهلها وهيَّ هم متلكه
مثلك شخص يحبها بس دسيم انتَ شغلك لازم تعوفن
إذا تريدها تحبك وما تخسرها

- فرك وجها بنتر
دسيم:- شلون اعوفه ولج واني ما ماخذ ثار
اهلها واني ما ماخذ حق اختي من هالحقير

ملاك:- دسيم باع اكيد خناس وخوالها راح يتعاقبون
مراح ينفذون من عقاب الله صحيح خوالها باعو امها لخناس وخناس قتل ابوها بس مراح ينفذون من عقاب ربك

- هنا حسيت كُلشي بجسمي انهدم اريد اخذ نفس
ما اكدر وگعت الكلاص من ايدي وفتحت عيني
اباوعلهم وثنين شافوني وصاروا واحد يباوع لثاني

- رجعت ليورا وافر براسي بـ " لا لا "
ولزمت راسي بـ ثنين ايدي وصحت

ديرين:- لاا لا ميسون هيج لا مستحيل

- ما حسيت غير أيدي انضربت بالمرايه وكلها
تكسرت وتخبلت كمت اشمر بالغراض واصيح

ديرين:- لاا ياربي لاا شِلون هيج لكم
يا عالم لا شلونن بتهم هيَّ بتهم

- اجه دسيم بسرعه هوَّ وملاك وتينا يهدون بيه
واني ادفع بيهم واضرب بالغراض وكسر بيهم
تقدم دسيم بهدوء حضني وگعت بالكاع اني وأصيح
والنفس بلكونه يطلع مني

ديرين:- شلون هيج دسيم شلون غدرو بـ امي دسيم
راح راح اموت اختنكت مجاي اكدر اتنفس امي امي
انتحرت دسيم امي من وراهم دسيم ابويه انقتل كدام
عيني شلون گدرو يسون هيج الله يخليكم احجو شي
كولو خوالي ما باعو امي كول اهلي ما ماتو بسببهمم

- ظل ساكت ودفعته ولزمت منه
ياخته وهوَّ صار يهدي بيه وصحت

ديرين:- ولك احچي لتسكت احجي دسيم جرحي
بعده جديد دسيم شلون راح انتقم من خوالي شلون
حنتقم لامي شكول الها ماما اخوج چتالچ

- سكتوا كلهم وصرت املخ بنفسي !
ديرين:- ولك احجي لتسكت شسوي ولكم يا عالم
شسوي بروحي يارب اخذها يارب اخذ أمانتك يارب
لا تخليني اشم الهوى يارب

- حضني لصدره وصرت ابجي وتينا واكف
يم الميز ومصدومه وملاك لازمتها تهدي بيه

تينا:- شنو تحجين انتِ شصاير خوالي
شعليهم بامي شنو باعوها واحد يفهمنيي

- باوعت الها واني ابجي وكوه اتنفس وملاك
تهدي بيها وهيَّ لازمه بطنها وتردف بصياح

ملاك:- اهدي تينا مو زين ؏ طفل
اهدي هسه نكعد ونفهمج كلشي

- وخرت من دسيم وايدي تنزف وكلهم
انتبهوا ؏ ايدي وبسرعة اجه دسيم يمي

دسيم:- تعاي ايدج مجروحه خل اعقمها الج

- نترتت ايدي منه حيل
ديرين:- جنت تعرف مو جنت تعرف وما كتلي
لك شلون ضم عليه هيج شي دسيم روحي روحي
والله روحي راحت دسيم كلبي ديوجعني ليش هيج
سوو ليش ولك شلون غدرو بتهم فهمني الله يخليك فهمني

دسيم:- والله ما ردت تعرفين بهالطريقه بس
اهدي يا روحي انتِ اهدي وداعتج راح الوع
روحهم مثل ما لوعو كلبج

ديرين:- ولك شلون ولك شلون انتقم منهم شلون
واني روحي مات كلبي راح يوكف من الوجع دسيم

- حضني وگام يمسح ؏ راسي
واجتي تينا وخرتني من حضنه

تينا:- احجي خوالي شنو سوو لامي ديرين احجي

- باوعت عليها وحضنتها حيل
وبجيت وهيَّ هم حضنتني وبجت

ديرين:- تينا تعبت والله ما اتحمل اكثر اريد اموت ماريد
هلامانه اريد ربي ياخذ أمانته مني ما اتحمل بعد أكثر

تينا:- اش اش لتحجين هيج اش انتِ القوية انتِ
فراشه بابا لا تنكسرين لخاطرهم ديرين انتِ اقوى
من انو ضعفين اني اخذ قوتي منج

- باوعت عليها وردفت برجفه
ديرين:- تينا اني مو قوية اني مكسورة ، اني نكسرت
بموت ابوي كدام عيني وبانتحار امي تينا اني ما اكدر
انطي قوة لشخص لانُ اني محتاجة أحد يقويني

- صاحت تينا ؏ دسيم وملاك بصوت عالي
تينا:- احد يفهمني خوالي شمسوين بامي احجو

- باوعت عليها وردفت بصوت هادئ
ديرين:- خوالي همه باعو امي لخناس
واخذها وبسببهم اهلنه ماتو

- فتحت عيونها بصدمه وشهكت وخليت أيدها
؏ بطنها ورجعت ليورا تهز براسها بـ " لا " و
ملاك لزمتها لانُ داخت وكعدتها ؏ تخم

تينا:- شنو انتِ شدتحجين ديرين امي هاي أمنه
اني وياج وهذول تحجين عنهم أهلها كولي ميحبونه
لانُ بنات محمود مستحيل يغدرون بتهم مستحيل

- رحت كعدت ؏ ركبي ولزمت رجلها
ديرين:- غدرو بيها يا تينا غدرو امي ماتت
بسبب عمايلهم وابوية انقتل بسببهم ولج بسببهم

تينا:- ديرين يعني امنه اهلها غدرو بيها ديرين
حرمون من امنه نفسهم يلي جنه نام وناكل بيتهم

- خليت راسي ؏ رجلها وبجيت ودسيم وملاك واكفين
ميكدرون يسون شي وبلاخير اجه دسيم يمي نزل ؏
ركبه ولزم جتفي يريد يوكفني رفعت راسي وباوعت عليَّ

- عطت بي بقهر، ديرين:- بعد شنو ضامه عليه كلي
ريح كلبي احجي بعد شنو كول انتَ هم مشارك وياهم
الله ياخذك الله ينتقم منكم ومن هالعيشه بلد شكبره ما كدرو
عليكم يا مجرمين

- جرني من ايدي وكفني ونتر ايدي وصاح بصوت عالي
دسيم:- لج انتِ شوكت تفهمين اني ما قتلت اهلج
اني اريد اساعدج تنتقمين من يلي قتلوهم افتهمي

- بقيت اباوع بعينه ما اكدر اثق بي بعد ولا حته
اكدر اثق بروحي اقرب الناس الي غدروني شلون
حثق بشخص غريب مثله

- صرت اضرب بصدره واصيح وابجي واشهك
ديرين:- اكرهك اكرهك من اول يوم شفتك بي
كلشي بحياتك صار فوك حياتي خربت حياتي من
شفتك كلشي راح جان عندي أهل وجان عندي بيت
وجنت بخير بحضنهم بس شفتك كلشي خرب كوابيس
صارت بحياتي اطلع من حياتي اطلع ماريد اشوفك ماريدك

- سكت وحضني ويمسح بشعري
دسيم:- طلعي كل البكلبج ادري بيج
ماكو مكان الي بكلبج بس وعد مني

- اخذ نفس بقهر وردف بصوت هادئ
دسيم:- كلبج المات راح اخلي يرجع يعيش
جناحج الكسرو راح اداوي

- ردفت بصوت يرجف وهوَّ مخليني ؏ صدرة
ديرين:- دسيم اني روحي ماتت اني جثه بس تتحرك
اني روحي ندفنت ويه اهلي اني جوا التراب صرت
اقتلني خليني اروح يمهم اقتلني الله يخليك دسيم خليني
اموت واروحلهم

دسيم:- اش لتحجين هيج مراح تموتين حتاخذين
حقهم وحتعيشين وطيبين جرحج حيصيرين قويه
وترجعين فراشة ابوها

- وخرت راسي من حضنه وباوعت عليَّ بكرها
وعفته ورحت لـ تينا ولزمت أيدها ومشينه وسمعت
صوت دسيم من بعيد !

دسيم:- وين

ملاك:- عوفهن دسيم خل يرتاحن الي عرفنه مو سهل

- سكت واني اخذت تينا ورحنه لغرفه وتينا انتهت
من البجي وبطنها صارت توجعها وتمددت ؏ جرباية
واني تمددت يمها ولزمت أيدها وبقيت اباوع ؏ سكف
وأتذكر كلامه

- شلون كدرون ينطون امي ويعرفون بي راح
يأذيها شِلون ياربي شِلون كدرو يباوعون بعيونه
وهمه سبب قتل اهلي

- صرت ابجي واشهك وتينا تبجي وحضنتني
ومرّ الوقت وحسيت بيها نامت واني هم نمت
من التعب والبجي حته ايدي ما لفيتها

- ورا فتره حسيت احد يمي لازم ايدي ويخلي
شي عليها، وصرت اتاذة وصارت تحركني
فزيت وفتحت عيوني وشفت دسيم كدامي
ديعقم ايدي ويريد يشدها

- بهدوء، دسيم:- اهدي هاي اني بس ايدج
لا تلتهب مو زين عليج تبقه هيج

- بخفة، ديرين:- ساعه بيش

دسيم:- بـ٤ خل اعقم ايدج ونامي حته ترتاحين

- جرت ايدي، ديرين:- ماريد لا عوفها

دسيم:- جيبي مو بكيفج

- رجع جر ايدي بقوة وظل يمسح بدم ولف شاش
؏ ايدي ولزم راسي بأيده وصار يمسح ؏ شعري

دسيم:- نامي اميرتي ارتاحي وحقج راح
يجي وكل دمعه منج راح اعوضج عنها

- باوعت عليَّ عيونه تلمع وريحته طيبه ما كدرت
اقاومه حسيت اريد احضنه بس تراجعت وفزيت من
افكاري وعاف ايدي وهوَّ مشه خطوات وصحت عليَّ

ديرين:- دسيم

- ندار علية بسرعه وفز
دسيم:- ها يبعد أهل دسيم

- بدون وعي كمت بسرعه من الجرباية وحضنته
حيل وما بادلني الحضن عبالك مصدوم بفعلتي واني
هم مصدومه مثله بس حسيت محتاجه حضنه

- شويه وحسيت ب أيده تمشي ؏ ضهري
وايده الثانيه ؏ شعري وياخذ نفس من شعري

- بهدوء، ديرين:- دسيم لا تخذلني مثلهم وتطلع هم مأذيني

- اخذ نفس وشم ريحة شعري
دسيم:- أذي روحي وما أذيج وحته مو روحي لأنُ انتِ
روحي ما اكدر أذيج وداعت عيونج الاعشكهن اميرتي

- وخرت من حضنه وتذكرت كلامه ويه ملاك
شلون ملاك تحاجي هيج وهيَّ حتصير خطيبتة
وتعرف بي يحبني حجيت بهدوء ويا

ديرين:- دسيم انتَ وملاك راح تخطبون ؟

دسيم:- بعدين افهمج ادري بيج سمعتي كلشي

ديرين:- تمام تصبح ع خير

دسيم:- أصبح عليج يكون الخير بحد ذاته يمي

- غمزلي وطلع سد الباب واني رجعت للجرباية
شفت تينا نايمه ورايحه لسابع نومه نزلت راسي
بست بطنها وبست خدودها ونمت يمها ..

- كعدت ثاني يوم ؏ صوت تينا تكعد بيه
تينا:- كومي يله حبيبتي لازم نتريك ونروح

- فزيت من نومي فتحت عيوني
؏ كيفي وردفت بصوت ناصي

ديرين:- وين نروح

تينا:- ما ادري دسيم كال كعديها لازم نغير المكان

- باوعت عليها وهزيت راسي وكعدت بقيت افرك
بوجهي وكمت طلعت من الغرفه ورحت للحمام غسلت
وبدلت ملابس من ملاك ورحت للمطبخ شافتني ملاك
واجتي يمي

ملاك:- شلون صرتي يروحي
- ابتسمت، ديرين:- بخير

ملاك:- يله تعاي ناكل حته نروح لبيتنه الجديد اكيد حيعجبج

- هزيت راسي وباوعت ملكيت دسيم سكتت وما سئلت
عليَّ وكعدت اكل اني وتينا وتينا عينها مورمه من البجي
واني هم ايدي توجعني كلش وبلاعيمي مشخطه من الصياح،
ورفعت راسي باوعت لملاك

ديرين:- ملاك اسفه بارحه كسرت الغراض بس جنت

- بعدني ما مكمله وضربتني ؏ ايدي
ملاك:- فداج البيت والغراض تردين كسري
كله اهمشي دموع عينج لا تنزل

- ابتسمتلي وباوعت لتينا مجاي تاكل
ديرين:- تينا ليش متاكلين

- فزت وباوعتلي ؟
تينا:- ما مشتهيه

ديرين:- موزين ؏ طفل ؏ اقل
اكلي شويه انتِ مو وحدج هسه

- هزت راسها وملاك قربت يمها الاكل وتسويلها
لفات وتخلي بايديها وتلزم بطنها وتحجي ويه طفل
باوعت وابتسمت تينا بشهر ٦ بعد كم يوم وتدخل بـ ٧
وبطنها بيها حركه مرات تصير وكلنه نضحك ونكعد
نلعب بطنها

- خلصت اكل وشلنه صينيه وغسلت المواعين
ورتبنه البيت ورحت اخذت ملابس وسبحت

- خلصت سبح وفتحت الباب شفت دسيم ؏
درج كاعد يدخن وبس شفته فزيت ولزمت
صدري وهوَّ ردف بدون ميباوعلي

دسيم:- غيري ملابسج حنطلع
ديرين:- مابيها شي ملابسي احنه بسياره

- باوعلي صفح من فوك ليجوا ورجع واخذ
جكارة بشفته وسحب نفس وزفره

دسيم:- الماروني مبين غيري ملابسج

- لزمت صدري وشهكت
ديرين:- ليش جذب ما مبين شلون عرفت

- صاك ؏ سنونه وعاط
دسيم:- غيري ديرين ترا تعبان
وطالع من ٥ الفجر وروحي صايره بخشمي

- نزلت الخاولي من شعري وخليته ؏ جتفي
وتغطيت بي وفتت من يمه وفجاة حسيت لزم ايدي
وباوعت عليَّ لازم ايدي وبعده گاعد بلحظة جرني
عليَّ وصرت يمه وهوَّ لزم شعري من أطرافه وشمه

دسيم:- أقتربي أكثر و أجتاحي كياني
فرائحة شعركِ أجتاح أعماقَ أعماقي

- تجمدت بمكاني وما اكدرت اتحرك وباوعت عليَّ
يشم بشعري ومغمض عيونه وبسرعه وخرت ايده من
شعري ورجعته ليورا وهوَّ فتح عيونه وابتسم تك خد وجر
نفس من الجكارة

دسيم:- روحي يله بدلي حته نطلع وكولي لـ تينا هم

- عفته ورحت فتحت الباب ولكيت تينا تلم بالغراض
ورحت ساعدتها ومشطت شعري وبدلت وطلعت

- لكيت ملاك هم مبدله ومحضرة جنطه الها
صغيره واكفه يم دسيم يحجون بصوت ناصي
بَس شافونه ودارو ضهرهم

دسيم:- كملتن بنات

- هزينه راسنه وطلعنه وهوَّ سد الباب وصعدنه
بسيارة ليوره وملاك صعدت بصدر

- مشينه مسافه طويله كلش يمكن بـ ساعتين يله
وصلنه للبيت وشفته كلش حلو من برا وبي كراج

- دخلنه الكراج شفت الحديقه كلها ورد
وتذكرت حديقة بيتنه ودمعت عيني ودخلنه
داخل البيت وهم كلش حلو ومأثث جديد

دسيم:- كل وحده اله غرفه حته لا تتقيدون
ديرين:- لا ماكو داعي اني وتينا بغرفه عادي

دسيم:- لا بي غرف هواي اخذو راحتكم بي

- اخذت نفس
ديرين:- لشوكت حنبقه هنا
دسيم:- لما الله يفرجها

- عاطت تينا بتعب
تينا:- ديرين ساعديني اريد ارتاح بطني
مووتني ولعبان نفسي اليوم قوي عندي

ديرين:- تعاي خل نصعد وين غرفتها دسيم

دسيم:- جوا غرفتها لان ما بيها حيل تصعد وتنزل بقيها جوا

- هزيت راسي ورحنه لغرفه وخليتها ترتاح ورتبت
ملابسها وهيَّ نامت، صايره عباره عن اكل ونوم
ولعبان نفس وكُلش انقهرت عليها صايره صفره
كلش وتعبانه

- طلعت وطفيت الضوء، شفتهم كاعدين اخذت جنطتي
دسيم:- قبل ما سئلين غرفتج فوك يطابق
ثاني ؏ ايدج اليمنى باب الغرفه بيجي

- باوعت عليَّ بتك عين وانتبهت ملاك حابسه ضحكتها
باوعت عليها ورفعت حاجبي واخذت جنطتي وهزيت
ايدي وصعدت الدرج كوه لانُ عالي كلش

- وصلت للغرفة فتحتها وشفتها كلش حلوه وغرفه
كامله وبالحايط فراشات لونهم ازرك مطبوعات وبيها
نشرات نازله من السكف ؏ شكل فراشات كلش انبهرت
بيها وعيوني دمعت ذكرت كلام بابا من يگولي
" انتِ فراشتي "

- دخلت وسديت الباب وظليت اباوع ؏ غرفه ورا
شويه حسيت الباب انفتح ودخل دسيم هوَّ ويبتسم

دسيم:- عجبنج جبت اشباهج الاربعين يمج
لانُ انتِ بس الفراشات اشباهج مو البشر

- ابتسمت ؏ كلامه وردفت بحنيه
ديرين:- شكرا دسيم فرحت كلش من شفتها

دسيم:- بعد راح تفرحين أكثر بس انتظري وعد اخلي كلبج وروحج تحسين بيهن كلهن فراشات والون حياتج من جديد

- بعدني محاجية ودك تلفونه وطلعه من الغرفه
وصار يحجي ! واني رحت تسمعت علية

دسيم:- الو ها نسرين

- ما عرفت شصار بس بسرعه طلع
من الغرفه يركض وصحت عليَّ مجاوبني
نزلت لملاك اني ومستغربة

ديرين:- شصاير ليش طلع مستعجل

- بخوف، ملاك:- ولج اخته عرفت عُدي بسجن وتخبلت

ديرين:- ليش تخبلت هوَّ غير حاجيلها

ملاك:- ولج لا ما تعرف بي بسجن ومزوج اختج

- سمعت صوت شهگه اندارينه لكينه تينا مخليه
أيدها ؏ حلكها ودموعها تصب ولازمه بطنها بايدها
ثانيه، صارت ترجف وتشهگ!

تينا:- عُدي مزوج قبلي

- باوعت ؏ ملاك الي تباوعلي ومتعرف
شتحجي رحت تقربت من تينا ولزمت أيدها

ديرين:- لا حبيبتي فاهمه غلط تعاي اشرحلج الموضوع

- عاطت بصوت
تينا:- شتشرحين ترا سمعت كلشي اني واني جنت
اشك بي من قبل بس ما توقعت يطلع احساسي صحيح

- خفت عليها كُلش شفتها منهاره!
ديرين:- حبيبتي لتعبين نفسج لتنسين الي سوا ميستاهل
دموعج ليش تبجين وتقهرين نفسج فكري بطفله الي بطنج

- باوعتلي وباوعت لبطنها جرت أيدها مني
وضربت بطنها حيل وضلت تضرب بيها وتصيح

تينا:- ماريدها ديرين ماريدها خل تموت
ماريد شي يجمعني بعُدي ماريد موتي موتي

- انصدمت وصرت ارجف ولزمت ايدها حتى
لا تضرب بطنها وملاك هم اجتي ساعدتني وهيَّ
ظليت أصيح واني عطت بيها

ديرين:- لج ادبسزز شلون هيج شلون لج هاي
روح هاي طفله شعليها بسوالف ابوها لج انتِ
امها ليش هيج تحجين وهيَّ بعدها مجايه ؏ دنياا
لازم تكونين الها الام والاب تينا اصحييي

- صارت تبجي بصوت
تينا:- ماريدها ديرين ماريدها نزلوها من بطني ماريدها
تره خليكم كرهتها والله كرهتها آذاني هواي ديرين آذاني
ماريد شي من عنده ماريد هاي غلطه عمري انو حبلت
لازم تموتتت طفله ماريدها عوفيني

- ظلت تدفع بيه تريد تضرب بطنها واني فقدت اعصابي
ونترت أيدها مني وضربتها راشدي بدون ما احس

- لزمت خدها وباوعتلي وصحت بيها
ديرين:- هاي مو غلطه فهمتي هاي بنتج الي حتعوضج
عن كلشي هاي املج الوحيد بدنيا هاي الي حتصير جنه
تحت اقدامج بسببها فهمتييي شلون تحجين هيججج

- ملاك ظلت مصدومه لانُ اول مرا اضرب اختي
الچبيره وتينا هم انصدمت وظلت تباوعلي وتبجي
وكعت بالكاع تبجي ودك ؏ صدرها وتعيط

تينا:- لج بصدري بركان مشتعل لج بركان ما جاي
يطفه ديرين لج اني روحي راحت لج اني زوجت ابن
قاتل اهلي وراح يصير عندي طفل منه لج شِلون أوجها
اهلي فهميني

- كعدت حضنتها اني وملاك وظلينه نبجي
واحجي وياها واشهـگ

ديرين:- ياروحي انتِ طفله مالها ذنب هاي ثمرة
حبج هاي ثمرة برائتج ما جنتي تعرفين انتِ اكيد
لو تعرفين مجان سويتي هالشي بس طفله مالها ذنب
واكيد لو ماما وبابا عايشين مجان حجو هيج وجان
ضربوج ؏ هذا كلامج هاي اول حفيده الهم اكيد هسه
همه فرحانين بيج

- شهگت وحسيت بيها شهكت من كل كلبها
تينا:- اول حفيده من ابن قاتلهم مو لج شيفرحون
لج جدّ هالطفله قتلهم بدم بارد لج ديرين شسوي شسوي

ملاك:- لج تينا هاي انتِ جبيره وهيج تحجين لج
لازم انتِ فاهمه واعيه شلون تحجين هيج ؏ روح
الله انطاها الج ميصير يا حبيبتي الطفله ما الها ذنب
ترا هيَّ صحيح بطنج بس تحس بيج انو ما رايدتها
لتخليها هيج تحس

- وخرت من حضني ولزمت بطنها وردفت هيَّ تبجي
تينا:- اسفه ماما انتِ بس والله صعبه علية كلشي
سوا ابوج بيه ماما انتِ تستاهلين ام احسن مني اني
مو خوش ام ياروح امج ليش ما رحتي ويه اختج
ليش بقيتي بطني وتريدين تجين عدنيه

- ظليت ابجي وخليت ايدي ؏ حلكي اكتم شهكتي
وكامت تينا من الكاع وراحت لغرفه بدون متحجي
واني وملاك رحنه وراها

- فتحت الباب ولكيتها متمددت ومخليه أيدها ؏
بطنها وتبجي عفتها وحدها وسديت الباب حَته
ترتاح لانُ يلي صار بيها مو سهل

- ورجعت للاستقبال وكعدت ابجي وملاك تواسي بيه
ملاك:- اهدي انتِ الثانيه ترا هاي
هرمونات الحمل ماكو ام تكرها بتها

- باوعت لها وتذكرت امي
برجفة، ديرين:- اكو ملاك اكو بيبتي هيَّ الي كرهت
امي هيَّ الي باعت بنتها لانُ كسرت كلمتها و زوجت
شخص تحبه وماتت بسببهم الله لا يوفقهم لا بدنيا ولا باخرة الله يحرك كلبهم ويشتتهم مثل ما شتتونه وحركو كلبنه

- مسحت ع ايدي
ملاك:- ياعمري انتِ اني اسفه
والله ما جنت اقصد اذكرج بهالموقف

ديرين:- ما ناسيته علمود اذكره عبالج اني عايشه
طبيعي اضحك واكل واتنفس وناسيه موتت اهلي كلهم
بشهر نفسة لج اني كلبي رماد صاير رماد من النار
ملاك اني دفنت اخوي بيدي وجنت احجي ويا واگلة!

:- محد يزفك غيري ويختارلك بدلة عرسك

- نزلت دموعي واخذت نفس
ديرين:- شفت ابوي يموت كدام عيني واني جنت اكله
بويه اني اريد اموت قبلك وتدفني، امي انتحرت
واني ما ادري بيها !، كل هذني واني لحد هسه
كادره اجر نفس بس ولله كلبي رماد صاير رماد

- حضنتني وحضنتها وظليت ابجي هواي وحسيت
روحي اريد اغفة وانفاسي صارت ثكيله وهيَّ حست
علية وخرتني من حضنها

ملاك:- تمددتي ؏ تخم ارتاحي شويه

- هزت راسي ونمت ؏ تخم وجابت غطى
وغطتني وهيَّ طفت الضوء وراحت

- فزيت ؏ احد يغطيني، فتحت عيوني شويه شفت
دسيم وبسرعه رجعت غمضتهن وهوَّ يعدل الغطة
وكعد يمي وعطرة صار قريب مني

- ردف بصوت ناصي
دسيم:- اميرتي نائمة اميرتي الي سلبو منها حياتها
وضحكتها نحرمت من شوفت غمازاتج وضحكتج
لو بيدي اخذ تعبج كله لو بيدي احميج من هالعالم
ارجعلج ضحكتج

- مسح ؏ راسي ولعب بشعري وفجاة حسيته
طبع شفته ؏ كصتي حيل ويشم بشعري وحسيت
بي يريد يروح وما اعرف شلون لزمت أيده وبقيت
مغمضه وردفت بصوت كانو اني نايمه وكاعد احلم !

ديرين:- لتروح وتعوفني بابا

- ماعرف ليـشہ هيج سويت واني اعرف بي هذا
دسيم مو ابوية بس اريده يبقه يمي وابقه لازمه بايده
احس يمه بحنان ابويه قبل رجع كعد وحسيت بدفو
شفته ؏ كصتي وذكرت بابا من جان يبوسني

دسيم:- ياروح روحي أنتِ ما عايفج يمج أني

- ظل يمسح ؏ شعري ويتلمس وجهي بايده
ظل لازم وجهي وردف بصوت حنين

دسيم:- يا وجهك الراضي المُرضي بكل الظروف
لو تعرفين شكد حابج أنا لو تعرفين شلون جنت بكل
لحظة اشوفج اتمناج بحضني وبين ايدي اصعب شي
اني حاب وحده تشوفني بعيونها سبب دمارها لج كلماتج
بعدها بأذني

- عصرني كَلبي ؏ كَلامه وحسيت بي قرب
وجها عليَّ وصارت شفته ؏ شفتي وحسيت بنار
بكل جسمي وصار كلبي يدك بسرعه ماعرف ليش
ما كعدت ومنعته

- شويه وخر وجها مني وباس راسي وكام ؏
واني راسًا فتحت عيوني وشفته يبتعد وصحت عليَّ

ديرين:- دسيم

- واكف بمكانه شويه واندار عليه مصدوم مجان
متوقع انو راح اكعد واني أصلا جنت كاعده

- بحنيه، دسيم:- ها يعيوني

- كمت من الفراش ورحت يمه ومشاعري مخربطه
ديرين:- ليش بستني اني ونايمه

- صار يفرك بالحيته ويباوعلي ميعرف شيرد
برجفه، دسيم:- اسفه اني بس ما كدرت مشتاقلج جنت

- باوعت عليَّ
ديرين:- بس تعرف اني اكرهك ليش هيج تتقرب مني

- باوع عليَّ وحسيت هالكلمه أذته
دسيم:- ما تنعاد وشاربي مو عليه إذا اتقربلج بعد

- عافني وطلع فتح الباب وسدها حيل واني ظليت
واگفه بمكاني ولزمت شفتي ما انكر انو اني فرحانه
واول مرا احس هيج شعور حلو من يبوسني ويتقرب عليَّ!

- شهگت وضربت خدي وعطت بصوت خافت
ديرين:- اصحي هي اصحي شدسوين هلافكار شيليها
من عقلج ميصير تحبي هذا مجرم ميصير ديرين اصحي

- اخذت نفس ورحت رجعت يم تخم تمددت
وحاولت انام وما كدرت كمت طلعت من الاستقبال
ورحت لـ تينا شفتها نايمه وصعدت لغرفتي رتبت ملابس
الباقيه وسبحت وبدلت ونزلت لكيت ملاك كاعده بالمطبخ

ديرين:- ملاك شدسوين
ملاك:- باجر عندي دوام ف داحضر اكل لباجر
اخاف مابيج حيل طبخين طلعت بالنت وكمت اطبخ اتعلم

- ضحكت ورحت شفتها مسويه مركه
بانيا وتمن ومهوسه المطبخ كله

ديرين:- صدك جذب جان گلتيلي
اني اسوي عليمن اتعب شمسويه قابل

ملاك:- محبيت اكعدج شفتج نايمه

- ابتسمت، ديرين:- لا اصلا ابو شوارب المنتفه كعدني

- خليت ايدي ؏ حلكي وفتحت عيوني
بصدمه واستوعبت الموضوع اني شحجيت

ملاك:- منو هذا عزه بس لا دسيم تقصدين

- ضحكت، ديرين:- ها لا شبيج مو هوَّ

ملاك:- لعد منو ليش جذبين محد عنده شوارب مثل دسيم

- عطت بدلع
ديرين:- اوي شبيج هوَّ صحيح شوارب منتفه قابل جذبت

ملاك:- لو يسمعج يسويج وصلتين

- كلبت عيوني، ديرين:- عادي سامعني وكايلتها كدامه

- عاطت بصوت، ملاك:- عزه بعينج معجزه بعدج عايشه

- كرصتها وتذكرت جذبتهم وفكرت ليش جذبوا
ديرين:- تعاي صدك ليش كلتو خنخطب وجذبتو
واني سمعت كلشي من حجيتو بارحه

ملاك:- ايي شبيج وجعتيني
ديرين:- احجي لج ليش

ملاك:- راح احجيلج بس لتكولين لدسيم حجيتلج يموتني والله

- هزيت راسي وهيَّ نصت الجدر وكعدنه ؏ ميز
ملاك:- دسيم من قبل جان يحبج كلش من جنتي ترحين
للمدرسه يراقبج ويجي يحجيلي عليج لما صار عندي
فضول اعرفج منو فـ بيوم الخطفج وانتِ صوبتي هوَّ
اتصل علية وحجالي كلشي انو انتِ يمه وهيج واني من
رحت يمه شفتج تباوعين من باب فنجربت اسوي خطه
اني ودسيم واتقرب لدسيم علمود اخليج تغارين بس
مجنت اعرف بيج حجاره متغارين وهيج ظليت اغثج
عود اني ودسيم نحب بعض

- بقيت مصدومه بمكاني ما اعرف شحجي شنو
يعرفني من قبل ومراقبني وفوكاها مجذب عليَّ

ديرين:- بس ملاك امي ما احب دسيم وبعمري
مراح اكدر احبه ماكو داعي هالسوالف

ملاك:- مو بكيفج الكلب يختار شخص الي يحبه
مو للإنسان الحب شي منكدر نتحكم بي ك مثال اني
وآمين صحيح نحب بعض بس محد معترف لثاني

- فتحت عيوني وخليت ايدي ؏ حلكي مصدومه وعطت
ديرين:- انتِ وامين

- خلت أيدها ؏ حلكي تسكتني وفتحت عينها
ملاك:- اشش فضحتينه يمعوده اسكتي

- وخرت أيدها من حلكي
ديرين:- لا لا شلون عزه وشوكت

ملاك:- من زمان احبه بس منتظرته يحجي لانُ هوَّ
عباله لان اني ممرضة وهوَّ يشتغل ويه دسيم مراح اقبل بي

ديرين:- زين انتِ وين اهلج ليش جنت عايشه وحدج

- نزلت عيونها وحسيت دمعت باوعت عليها
ديرين:- اسفه اني سئلتج هيج سوال
بس فضول والله لا أكثر اقل

- بغصه، ملاك:- عادي لا ماما متزوج وبابا مسافر
انفصلو من قبل ٣ سنوات ودسيم ساعدني اكون نفسي
وأكمل دراستي واعتمد ؏ روحي واني هنا كدامج هسه
ممرضة واكدر اداويج

- دفعتني بجتفها وغمزتلي
ديرين:- لجمت كلبي ما تتعافى بشي

- حضنتني وظلت تمسح ع شعري
ملاك:- انطي فرصه لدسيم يحبج وهوَّ
رايدج لا تصيرين هيج انانيه ديرين

- اخذت نفس
ديرين:- ما اكدر صدكيني ما اكدر احبه اشوف
اهلي موت اهلي بعيونه ما راح ارتاح إذا ما اخذ
حقي من كل واحد تسبب بموتهم

ملاك:- اكيد تأخذين حقج منهم لا تخافين

ديرين:- بعد شهر ذكرى سنويه مالتهم تدرين مرة سنه وكانو
بارحة اهلي ماتو حته قبرهم ما أعرفه وين بس اخوي جود

ملاك:- الله يرحمهم انشاء الله ذكريني
بيومها نسوي ثواب ونوزع الهم

- هزت راسي ورحنه كملنه الطبخ، وانتظرنه دسيم
يجي بس ما اجه وحنى اكلنه وكملنه شلنه سفره وكعدنه
نسولف وتينا نايمه مرّ الوقت وصارت بـ ٧ بليل ودسيم
ما اجه ولا اتصل وملاك اتصلت ؏ آمين

امين:- ها ملاك صاير شي
ملاك:- آمين دسيم يمك ؟

أمين:- لا مو يمي ليش شصاير

- باوعت علية وهزت راسها
ملاك:- آمين فدوه مشوفه وين اشو
من الصبح طلع ما رجع بعد

آمين:- ماشي اني جاي الكم هسه

- سدت التلفون وباوعت لملاك وظليت اكل
باضافري گد ما اتوتر ومرت ساعتين وندك
الباب وراحت ملاك فتحت وطلع امين اجه

آمين:- ما اجه
ملاك:- لا وتلفونه مغلق

ديرين:- اخاف صارله شي والله
كلبي ما مرتاح آمين فدوه خبر شرطه

آمين:- شنخبر يمعوده متكعدين انتِ
ملاك:- شنسوي لعد فهمني

آمين:- مو طفل هوَّ يرجع وين يروح قابل

- ظليت افتر بالبيت وبقينه ننتظر
وصارت ساعه بس ١٢ وماكو

- اتصل آمين ؏ كرار وهم ميجاوب هذاك الثاني بقينه
سهرانين وتينا هم كعدت ويانه رايحه روحها المسكينه

- صارت بـ ٣ والباب انفتح وركضنه ؏ باب
لكينا كرار حاضن دسيم وفايتين وراح آمين
يساعده لانُ مخلي أيده ؏ جتفه ويجر بي

آمين:- هاي وين جنتو صدك تحجون انتو

كرار:- اني شعلي إذا هذا الثور اله يشرب وزاع الاول
وتالي انوب آذاني صاكرني يمه مخلي مسدس براسي بس
اكوم لو احرك ايدي يضربني وشمر التلفونات بالمي انوب

- فتحت عيوني مصدومه وملاك حاصره
ضحكتها وتباوعلي، فاتو يجرون بي ودسيم
يحجي وما حاس ؏ روحه

دسيم:- وين جبتوني سرسرية اليوم
أفرع مسدس برأسك كرار لا تتحرك

- عاط بضجر، كرار:- يمعود ما متحرك بس امشي
آمين:- هاي شكد شارب

كرار:- خلص الابطاله ؏ أيده

- فتح عيونه دسيم وباوع لملاك ويباوعلي ويضحك
دسيم:- شفت مو أكلك كمت اشوف البنات كلهن نفس
وجها حته من اشرب ماتروح من وجهي تلحكني مثل
الجني امشي اطلعي من بالي ديرين

- فتحت عيوني بصدمه وخليت ايدي ؏ حلكي
وتينا وملاك صافنات يردن يضحكن واني تعصبت
ورحت تقربت عليَّ

ديرين:- دسيم انتَ بالبيت اني ديرين ترا شبيك اصحى

- باوعلي ودفع كرار وأمين طيرهم وكل واحد صار بوجها
دسيم:- دعوفوني انتو خنشوف هاي منو كبالي لج انتِ منو

ديرين:- ولك اني ديرين شبيك دسيم اصحى

- صار يروح منا ومنا لزمته من خصره
وراد يوكع وظل يباوعلي

دسيم:- الله عيونج تشبها عيون ديرين بس هيَّ احلى

- عطت بانزعاج
ديرين:- صبرك يا الله امشي امشي يا ولد ساعدوني امشي

آمين:- لو يجي ** ما ساعده بعد كسر ضهري

كرار:- واني هم مرتي طلكني من الصبح
دك عليه عيالها داخونها اني حروح انتو ابتلو بي

- فزيت ؏ صياح دسيم
دسيم:- إذا تتحرك أفرغه براسك اشرب وياي ولك

- باوعت عليَّ عرفته يهلوس أخذنا اني وملاك
الغرفه وامين وكرار طفرو وملاك ميته ضحك
عليَّ واني اجر بي وهيَّ تضحك

- شمرنا ؏ جرباية
ملاك:- انتِ ابتلي بي اني رايحه عندي دوام باجر باي

- طفرت من الغرفه وسدتها اخذت نفس بضجر
ونزعت الحذاء ورفعت رجله ؏ جرباية ونزعته
القمصله بلكوه انوب هوَّ ثكيل عبالك ثور

ديرين:- يمه شثكلك عبالك ثور انزع ولك

دسيم:- لا تتقربين علية ولج اني محد يطخني بس ديريني

- باوعت عليَّ وغميت كصتي
ديرين:- دنزع خرب يومك لعد اني منو

دسيم:- انتِ منو ماعرفج خليني اريد انام

- نزعته وغطيته وطلعت تلفون من جيبه
واشتغل تلفون بالغلط شفته مخلي صورتي اني
ونايمه شهگت وفتحت عيني مصدومه باوعت ؏
صوره من جنه بهذاك البيت تذكرت هذاك يوم جان مخدرني عفت التلفون يم رأسه وكعدت يمه ؏ اطرف جرباية

ديرين:- أوف يا دسيم ليش هيج
تسوي بروحك وتأذي روحك

- بهلوسه، دسيم:- احبها مو بيدي اني عاشك عيونها

- غمضت عيني ونزلت دموعي وخليت ايدي
؏ لحيته وظلت امشيها واتحسس وجها كانو طفل
ونايم غطيته زين وعفته

- سمعت يحجي بس ما فهمت منه قربت راسي يم وجها
دسيم:- ديرين لا تعوفيني مثل ما عافتني

- ما اعرف منو يقصد كعدت بالكاع ولزمت
أيده وظليت يمه واباوع عليَّ وافكر وما حسيت
؏ روحي خليت راسي ؏ جرباية يم أيده غمضت
عيوني وظليت ابجي تعبت من البجي وغفيت ..

- كعدت لكيت روحي ؏ جرباية مالته ومتغطاية
حاولت اذكر شصار بارحه اخر شي ذكرته نمت
بالكاع فزيت بسرعه وخرت الغطى وكمت وشفته
هوَّ طلع من الحمام مالته وينشف بشعره وشافني
واكفه وشمر الخاولي ؏ كرسي وردف بصوت حاد

دسيم:- طلعي برا خل أبدل

- باوعت استغرب ليش هيج يحجي وصوته حاد
وگوه يحاجيني، هزيت راسي وداطلع و وگفني صوته

دسيم:- بعد لدخلين لغرفتي بدون أذني فهمتي

- بعدني ما حاجيه اجه يمي دفعني وسد الباب حيل
بقيت واكفه مصدومه شبي هذا يمكن الشرب مأثر
عليَّ ما اهتميت ورحت اشوف ملاك وتينا باوعت
؏ ساعه بـ١١ وملاك رايحه لدوام وتينا لكيتها تتريك

تينا:- صباح الخير تعاي تريكي حبي

- ابتسمت
ديرين:- صباح النور لا ما مشتهيه اكلي انتِ حته نروح
لدكتوره بعدلج شهرين وتولدين خل نشوف شكو ماكو

- باوعتلي وابتسمت
تينا:- لا ما اريد نروح ولتنسين
خناس يدور علينه ما نكدر نطلع حاليا

- گلبت عيوني بملل
ديرين:- شنو حنضل هيج نتختل من ورا

تينا:- ميصير حبيبتي لازم ناخذ احتياطنه لما شرطه تلزمة

- هزت راسي وعفتها تاكل ورحت لغرفتي طلعت
ملابس وبدلت ومشطت شعري وطلعت شفت دسيم
يسوي بساعه مالته ولابس قميص اسود وبنطرون اسود
وساعة ذهبية طالعه حلوو ؏ أيده وتقدمت رحت يمه

ديرين:- تذكر بارحه شصار

- باوعلي بتك عين وردف بصوت حاد
دسيم:- مو مهم البارحه راح ويه البارحة
واني طالعه لتوصلين للباب فهمتي

- ضجت من اسلوب وهزيت براسي ومارديت
عليَّ وهوَّ طلع بدون ميحجي شي وظليت صافنه
ليش تغير تعامله وياي هيج

- رحت يم تينا وظلت تاكل لما خلصت وغسلت الماعين
ورتبت ونظفت البيت وسبحت وطلعت اكعد يمها

ديرين:- تينا اني حروح اشتري تلفون لان اريد تلفون

- بخوف، تينا:- هسه يجي دسيم ياخذج

ديرين:- لا ماريد هوَّ خيولي اني اروح

- خزرتني، تينا:- بس ديرين ميقبل نطلع مو حذرج

ديرين:- اني مو طفله واكدر انتبهت لنفسي

- عفتها ورحت بدلت وأخذت فلوس وطلعت رحت يمها
ديرين:- انتبهي لروحج ما اتاخر شغله ساعه واني يمج

- هزت راسها واني طلعت وهيَّ قفلت الباب وراي
وطلعت لشارع مشيت نص ساعه وصلت لطريق العام
واخذت تكسي

- وصلت وطبيت لكذا محل واخذت تلفون زين
وشريحة وطلعت ركبت شريحة بتلفون وفتحته
خليته بجيبي ومشيت شفت محل مال اطفال دخلت بي

- ظليت اباوع واخذت كم شغله لتينا وطلعت امشي
واشتريت كم شغله الي هم من السوك محتاجيهن وشفت
محل دخلت بي عنده كلايد حلوه رجاليه ماعرف حسيت
اريد اشتري وحده لدسيم باوعت وعجبتني وحده اخذتها
وطلعت فرحانه

- دامشي بطريق وحسيت شخص وراي التفت ما لكيت أحد
زادت دكات كلبي وجسمي رجف وباوعت منا ومنا ماكو احد !

- مشيت بسرعه ما حسيت بس واحد جرني من ايدي
حيل وايدي متوتتني وجع وخله ايده ؏ حلگي وطببني
لمكان وبس شفت شكله شهگت بخوف وجسمي رجف !

يـتـيــع ⚜️
6500 كَلمة .

- شتتوقعون منو خطفها ؟

علقو وانشرو القصة يمكم
اذا تكدرون انشرو القصة يمكم

- قـنـاة الَـ تـلـيـگـرام :
https://t.me/saja_husseiin
👇🏻.

- يوزر انـستـا : saja_husseiin

﴿ وَاذْكُر ربك إِذَا نَسِيتَ﴾
- سُبحان الله
- الحمدلله
- الله أكبّر
- أستغفر الله
- لا اله الا الله