« ឈប់សិន! » Taehyung ក៏បញ្ឈប់រាល់សកម្មភាពទាំងអស់លែងកម្រើកទៅណាបន្តទៀត។
« ហេតុអី? អូនឈប់ធ្វើអី? »
« ទ្រូងខាងឆ្វេងរបស់បង? តើវាកើតអីហេតុអីអូនមិនចាប់អារម្មណ៍? បងកើតអី Jung? » Taehyung សួរទាំងជ្រួញចិញ្ចើមចូលគ្នាព្រមទាំងបញ្ចេញទឹកមុខនិងអាការៈបារម្ភឡើងមកភ្លាមៗ។
« របួសបន្តិចបន្តួចប៉ុណ្ណោះ » ថាបានលាក់ជិតទៅហើយចុងក្រោយភ្លេចខ្លួនតែបន្តិចសោះ រាងតូចក៏ចាប់អារម្មណ៍ដឹងដដែលទើបនាយក៏ប្រាប់គេតាមការពិតតែម្ដងទៅ បើសម្លៀកបំពាក់អស់ពីខ្លួនទៅហើយហេតុអ្វីមិនចាប់អារម្មណ៍នោះ បើបង់រុំរបួសឃើញយ៉ាងច្បាស់ៗបែបនេះអញ្ចឹង!
« បងមានរឿងជាមួយនរណារហូតមានរបួសបែបនេះហេតុអីបងលាក់បាំងនឹងអូន? ក្រែងធ្លាប់និយាយគ្នាហើយថាទោះមានរឿងអ្វីក៏មិនកុហកគ្នាដែរ » Taehyung លើកដៃម្ខាងក្រសោបមុខរបស់នាយនិងវែកសក់របស់នាយចេញពីមុខព្រមទាំងសម្លឹងកែវភ្នែកមួយគូនោះដោយទឹកមុខបារម្ភមិនរលុប។
« បងមិនចង់ឃើញអូនយំនិងបារម្ភពីបងទេ »
« ប៉ុន្តែបងមិនគួរលាក់បាំងនឹងអូនទេមានរឿងអីបងត្រូវតែប្រាប់អូនឈប់ធ្វើបែបនេះទៀតណា! អូនស្រលាញ់បងអូនត្រូវតែបារម្ភពីបង » Taehyung លើកដៃទាំងសងខាងទៅក្រសោបមុខរបស់រាងក្រាសនិងឱនទៅថើបបបូរមាត់របស់នាយមួយខ្សឺតផងដែរ។
« បងស្រលាញ់អូនជាង! ដូច្នេះបន្តបានហើយមែនទេប្រពន្ធសម្លាញ់? » Jungkook ញញឹមចុងបបូរមាត់មុននឹងចាប់ត្រគាករាងតូចលើកដាក់ពីលើភាពរឹងមាំរបស់នាយធ្វើឲ្យ Tae ភ្លាត់សម្លេងស្រែកលឺៗតែជាសំណាងដែលបន្ទប់របស់ Jungkook ធ្វើមកពីជញ្ជាំងក្រាសមិនលេចលឺទៅដល់អ្នកខាងក្រៅ។
****
ឈានចូលដល់ព្រឹកនៃថ្ងៃថ្មី ព្រឹកនេះមេឃរៀងស្រទុំនិងមានធ្លាក់ទឹកសន្សើមផងដែរ។ កាយទទេស្អាតមួយគូកំពុងគេងឱបគ្នាយ៉ាងស្អិតរមួតនៅក្នុងភួយតែមួយដើម្បីផ្ដល់ភាពកក់ក្ដៅឲ្យគ្នា ឯទឹកសន្សើមនៅតែបន្តធ្លាក់ធ្វើឲ្យអាកាសធាតុកាន់តែត្រជាក់ឡើងៗ។
Taehyung គេងកើយទ្រូងហាប់ណែនរបស់រាងក្រាសឈ្មុសឈ្មុលចូលទៅរកប្រអប់ទ្រូងរបស់នាយដូចជាកូនឆ្មាមិនខុសឯ Jungkook ក៏ឱបក្រសោបគេជាប់ខ្លួនមិនឲ្យនរណាមកបេះចេញបានឡើយ។
« ហឹមមម » Jungkook ក្រហឹមក្នុងបំពង់.កបន្តិចពេលភ្ញាក់ពីគេងមុននឹងបើកភ្នែកឡើងក៏បានឃើញមុខប៉ោងៗឃ្យូតៗរបស់ Taehyung មុនគេ។ នាយគេងសម្លឹងមុខតូចច្រមិចមួយនោះទាំងញញឹមរួចក៏បន្តឹងកម្លាំងឱបគេបន្ថែមទៀតធ្វើឲ្យរាងតូចប្រាស់ខ្លួនភ្ញាក់ពីការគេងដ៏ស្កប់ស្កល់របស់គេ។
« លោកប្ដី! » Taehyung ពត់ខ្លួនរួចក៏ឈ្មុលចូលទៅរកប្រអប់ទ្រូងរបស់រាងក្រាសដើម្បីគេងបន្តធ្វើឲ្យ Jungkook បានឃើញហើយមិនអស់សំណើចមិនបានចំពោះការគេងដ៏ឃ្យីឃ្យូតរបស់គេនេះឯង។
« គេងបានណាស់ kitten » Jungkook ញញឹមមិនឈប់ឲ្យតែបាននៅក្បែរ Taehyung ម្ដងៗ។ នាយលើកដៃទៅចូកសក់ក្បាលរបស់គេទៅក្រោយរួចក៏ឱនទៅថើបថ្ងាស់របស់គេមួយខ្សឺត។
« អូនរងារចង់គេងឱបបង » Taehyung បើកភ្នែកឡើងងើយសម្លឹងមុខរាងក្រាសមុននឹងវារឡើងទៅគេងពីលើខ្លួនរបស់ Jungkook តែម្ដងឯអ្នកខាងក្រោមក៏ស៊កដៃឱបចង្កេះរបស់គេ។
« អឹម...គេងទៅចាំបងឱបអូនឲ្យបាត់រងារ » Jungkook ឱបរាងតូចណែនៗដៃនិងលោមុខថើបសក់ក្បាលក្រអូបប្រហើរទន់រលោងរបស់គេខ្សឺតៗ។
« Jung! អូន...អូនចង់ក្អួត អ៊ួក » Taehyung ងើបមុខពីទ្រូងរាងក្រាសទៅសម្លឹងមុខនាយទាំងធ្វើទឹកមុខស្មូញៗមុននឹងរហ័សក្រោកចេញពីនាយរត់ទៅរកបន្ទប់ទឹកទាំងគ្មានសម្លៀកបំពាក់បិទបាំង។ ឯ Jungkook ឃើញបែបនេះក៏ប្រញាប់ទាញកន្សែងដែលនៅក្បែរដៃយកមករុំមួយកំណាត់ខាងក្រោមទើបដើរទៅមើលនាយល្អិតនៅឯបន្ទប់ទឹក។
« អូនយ៉ាងម៉េចហើយមិនអីទេមែនទេ? » Jungkook បន្ទន់ជង្គង់ចុះអង្គុយក្បែររាងតូចលើកដៃទៅរឹតខ្នងរបស់គេដែលកំពុងក្អួតដាក់ចានបង្គន់។
« អ៊ួក...អឹម » Jungkook នៅតែបន្តរឹតខ្នងរបស់គេរហូតទាល់តែគេរាងអន់ក្អួតនាយក៏យកអាវឃ្លុំមកពាក់ឲ្យគេសិនទើបនាំគេទៅលុបលាងមុខមាត់ចេញ។
« ទៅពេទ្យទេបងនាំអូនទៅ » Jungkook នាំរាងតូចមកអង្គុយចុងគ្រែឯនាយក៏ឈរសម្លឹងមុខរបស់គេ។
« អូនឈឺក្បាលចង់ក្អួតតែអូនអត់ចង់ទៅពេទ្យទេ » Taehyung ងើយមុខសម្លឹងមុខរាងក្រាសទាំងពេបមាត់ចង់យំព្រោះគេឈឺក្បាលហើយកល់ចង់ចេញតែក្អួតប៉ុន្តែគេមិនចង់ទៅមន្ទីពេទ្យនោះទេ កូនដំបូងរបស់គេមួយនេះពិតជាធ្វើទុក្ខគេខ្លាំងណាស់។
« បើអាចបងចង់ចាញ់កូនជំនួសអូន បងមិនចង់ឲ្យអូនហត់នឿយទេ! » Jungkook ចូលទៅអង្អែលក្បាលរាងតូចដាក់ក្បាលរបស់គេពីលើពោះរបស់នាយដើម្បីអង្អែលឯរាងតូចក៏ស៊កដៃឱបចង្កេះរបស់រាងក្រាស។
« អូនចង់ញ៊ាំស្រ្តបឺរីជូរៗ បងទៅយកឲ្យអូនមកណាអូនចង់ញ៊ាំវា » Taehyung ងើយសម្លឹងមុខរាងក្រាសនិងអង្រួនដៃរបស់នាយទៅមកព្រមទាំងពេបមាត់និងធ្វើទឹកមុខបែបកូនឆ្កែដែល Jungkook តែងតែក្នាញ់នឹងទឹកមុខរបស់គេមួយនោះជាទីបំផុត។
« បានៗអូនចាំសិនណាចាំបងឲ្យគេទៅទិញមកទុកឲ្យច្រើនៗសម្រាប់ទុកឲ្យ baby របស់បងញ៊ាំ » Jungkook ឱនទៅថើបមាត់រាងតូចមួយខ្សឺតរួចក៏ដើរទៅយកទូរស័ព្ទដៃដើម្បីខលទៅអ្នកខាងក្រោមឲ្យចេញទៅម៉ាតទិញស្រ្តបឺរីទុកឲ្យ Taehyung ញ៊ាំ។
« មួយសន្ទុះទៀតពួកគេនឹងត្រឡប់មកវិញជាមួយស្រ្តបឺរីជាច្រើនរបស់អូន អញ្ចឹងអូនទៅងូតទឹកសិនបានទេ? » ពេលនិយាយទូរស័ព្ទចប់ Jungkook ក៏ដើរចូលមករករាងតូចវិញដើម្បីនាំគេទៅងូតទឹក។
« okayyyy » Taehyung សើចស្ញេញដាក់រាងក្រាសមុននឹងក្រោកឈរឡើងដើរទៅបន្ទប់ទឹក។
« មួយៗប្រយ័ត្នដួល » Jungkook ដើរតាមពីក្រោយរាងល្អិតទាំងក្រវីក្បាលហួសចិត្តតែក៏លួចញញឹមដែលឃើញ Taehyung សប្បាយចិត្ត។
***
បន្ទាប់ពីចំណាយពេលងូតទឹកជាមួយគ្នាអស់មួយសន្ទុះធំអ្នកទាំងពីរក៏ចេញមកវិញជាមួយគ្នារួចដើរទៅរកកន្លែងភ្ជួរសម្លៀកបំពាក់ដើម្បីយកឈុតថ្មីមកពាក់។
« សម្លៀកបំពាក់របស់អូនចាំបងឲ្យគេប្រមូលយកមកទុកជាមួយបងឲ្យអស់ព្រោះបន្ទប់នេះក៏ជារបស់អូនដូចគ្នា » Jungkook ស្លៀកពាក់បណ្ដើរនិយាយប្រាប់រាងតូចដែលកំពុងរើសឈុតរបស់គេបណ្ដើរ។
« មិនអីទេព្រោះទូរខោអាវរបស់បងធ្លាប់តែមានតែសម្លៀកបំពាក់របស់បងដូច្នេះសម្លៀកបំពាក់របស់អូនមាននៅទីនេះតែពីរបីឈុតក៏មិនអីដែរមិនបាច់យកមកដាក់ទីនេះទាំងអស់ទេណា »
« អូនកុំប្រកែកបានទេ? អ្វីៗគ្រប់យ៉ាងដែលនៅទីនេះជារបស់បងក៏ដូចជារបស់អូនដូចគ្នាអញ្ចឹងអូនមិនបាច់ខ្លាចមិនបាច់បារម្ភថាមិនមែនជារបស់អូនទើបអូនមិនហ៊ានប៉ះពាល់ បងមិនចង់បានបែបហ្នឹងទេ! » Jungkook កឹបឡេវអាវមួយគ្រាប់ចុងក្រោយរួចក៏បោះជំហានចូលទៅរករាងតូចដែលកំពុងឈរកាន់ឈុតរបស់គេទាំងនៅស្ងៀមមួយកន្លែង។
« ធ្វើជាមនុស្សរបស់បងហើយអូនមិនបាច់ភ័យខ្លាចនឹងអ្វីទាំងអស់! » Jungkook ឱនទៅនិយាយខ្សឹបៗក្បែរត្រចៀករបស់ Taehyung ធ្វើឲ្យគេភ័យក៏បិទភ្នែកពេលដែលនាយឱនមុខចុះមកគៀកៗនឹងគេ។
« បង...បងមិនលាងមុខរបួសសិនទេហេស៎? »
« មិនអីទេចាំបងឲ្យមីង Yun លាងឲ្យក៏បាន! សុំ kiss មួយមក baby » Jungkook ញញឹមនិងបញ្ចេញទឹកមុខច្រលើសបើសដាក់រាងតូចមុននឹងលោមុខទៅជិតគេម្ដងដើម្បីសុំគេថើប។
« អត់ទេចេញទៅប្រុសព្រាន » Taehyung រុញនាយចេញរួចក៏រត់គេចចូលទៅកាន់បន្ទប់ទឹកបាត់។
« កុំឲ្យប្រុសព្រាននេះចាប់បានឲ្យសោះណា មិនអញ្ចឹងទេកុំសង្ឃឹមថាអូននឹងបានគេងស្កប់ស្កល់ » Jungkook ឈរច្រត់ចង្កេះស្រែកប្រាប់អ្នកខាងក្នុងគំរាមបែបលេងសើចព្រមទាំងញញឹមមិនឈប់ទៀតផង។ ដឹងទេថាពេលដែលមាន Taehyung នៅក្បែរជីវិតដែលអាប់អួររបស់នាយវាស្រស់បំព្រងកម្រិតណា? គ្មាននរណាធ្វើឲ្យនាយសប្បាយចិត្តដូចអ្វីដែល Taehyung បានធ្វើនោះទេ។
តុក~តុក
« លោកម្ចាស់! ផ្លែស្រ្តបឺរីរបស់អ្នកប្រុសតូចមកដល់ហើយចា៎! » អ្នកបម្រើគោះទ្វារជាមុន មុននឹងផ្ដល់ដំណឹងប្រាប់នាយថាផ្លែស្រ្តបឺរីដែលរាងតូចរបស់នាយទារចង់ញ៊ាំគឺបានមកដល់ហើយ។
« យកចូលមក » បន្ទាប់ពីអនុញ្ញាតរួចអ្នកបម្រើក៏បើកទ្វារចូលមកដោយមានម្នាក់ទៀតជាអ្នកលើកថាសអាហារមកជាមួយ។
« អាហារពេលព្រឹករបស់អ្នកប្រុសតូចនិងថ្នាំរបស់គាត់ហើយនេះជាស្រ្តបឺរី » អ្នកបម្រើក៏លើកវាដាក់លើតុក្នុងបន្ទប់និងបានរៀបរាប់ប្រាប់នាយ។
« ទៅវិញចុះ »
« ចាស៎ » ពួកនាងក៏នាំគ្នាចេញទៅវិញនិងបានទាញទ្វារបិទយ៉ាងត្រឹមត្រូវផងដែរ។
« រួចរាល់ហើយ » Taehyung អើតក្បាលចេញតាមមាត់ទ្វារបន្ទប់ទឹកព្រោះខ្លាច Jungkook ចាប់គេធ្វើបាបដូចអ្វីដែលនាយបាននិយាយគំរាមមុននេះ។
« ហេតុអីមិនចេញមក? អាហារពេលព្រឹកនិងថ្នាំរបស់អូនគេរៀបចំរួចរាល់អស់ហើយនៅមានស្ត្របឺរីថែមទៀត! » គ្រាន់តែលឺស្ត្របឺរីភ្លាម Taehyung ក៏រហ័សទាញទ្វារបន្ទប់ទឹកបើកយ៉ាងធំនិងរត់មករកផ្លែស្រ្តបឺរីដោយបាត់អស់នូវភាពភ័យខ្លាចរបស់គេ។
« Yahh ចាប់បានហើយអាក្បាលខូច » Jungkook ឱបចង្កេះរាងតូចពីក្រោយនិងបានផ្ដួលគេទៅលើគ្រែដោយមាននាយជាអ្នកគ្រប់គ្រងគេពីខាងលើ។
« លែងអូនទៅអូនចង់ញ៊ាំស្រ្តបឺរី » Taehyung លើកដៃតូចៗរបស់គេទៅរុញរាងក្រាសដែលមានមាឌនិងកម្លាំងដូចជាក្របីមិនខុស ខ្លួនមានដៃជើងតូចៗទេប៉ុន្តែរុញគេចេញធ្វើមើលតែគេរង្គើអញ្ចឹង។
« ថើបបងមួយសិនចាំបងឲ្យញ៊ាំ »
« អត់! »
« អញ្ចឹងមិនបាច់ញ៊ាំទេ »
« Jungkookie អូនចង់ញ៊ាំ » Taehyung ស្រាប់តែហៅឈ្មោះរាងក្រាសយ៉ាងឃ្យីឃ្យូតព្រមទាំងពេបមាត់ស្រួចៗនិងធ្វើភ្នែកកូនឆ្កែរបស់គេដាក់រាងក្រាសទៀតផងនរណាទៅដាច់ចិត្តធ្វើបាបបានទៅ?
« Jungkookie? ហៅម្ដងទៀតទៅមើល! »
« Jung....Jungkookie » Taehyung ស្ទាក់ស្ទើររួចក៏បិទភ្នែកបន្ទាប់ពីហៅឈ្មោះរបស់រាងក្រាសយ៉ាងគួរឲ្យស្រលាញ់រួច គេខ្លាចថានាយនឹងមិនចូលចិត្តហើយអាចនឹងស្ដីបន្ទោសឲ្យគេក៏ថាបានដែរ។
« អូនសម្លាញ់នរណាបង្រៀនឲ្យអូនកើតមកគួរឲ្យស្រលាញ់បែបនេះ ហ្អាស៎? » Jungkook ក៏ឱនទៅថើបថ្ពាល់រាងតូចខ្សឺតៗទាំងក្នក់ក្នាញ់ជាខ្លាំងព្រមទាំងខាំសាច់ថ្ពាល់ប៉ោងៗរបស់គេតិចៗទៀតផង មនុស្សឃ្យូតៗយ៉ាងនេះនរណាមិនក្នាញ់ទៅលោកអើយ។
« បានហើយៗរសើបណាស់ » Taehyung រមិចរមួលនៅមិនស្ងៀមព្រោះតែរសើប។ គេសើចកាច់.កលឺៗរើខ្លួនគេចចុះឡើងពេលដែល Jungkook ចាប់គេថើបខ្លាំងៗស្ទើរតែលេបគេចូលទៅក្នុងពោះទាំងមូលទៅហើយ។
To be continued........
****
Today មានតែប៉ុណ្ណឹងទេ night night<3