- لا استبيح القراءة دون لايك وكومنت !
-
« تابع لـ احداث بارت السابق»
توردت ملامح ميلان بخجل وهي تتجرأ بخطواتها رفعت رجولها وهي تطبع قبلة على شفايفه ابتسم غيث وهو يناظرها بصدمه وهي تناظره : احبك تحبني
شد على خصرها وهو يقرب من شفايفها وقبلها من كل قلبه بادلته القبل ب استسلام وفرحه وهي تحاوط عنقه كل قبله تعبر عن شوقهم وحبهم لبعضهم رفعها وهو ياخذها على السرير ونزلها ناظر لها بهيمان وناظرت له ميلان بحب سحبتها لها وهي تهمس له : احبك وابيك
< شيلو عيونكم عاد نتركهم ونروح مكان ثاني🏃🏻♀️ >
-
« عـند بـيت الجـد جـهار »
جالسه جود حول جدها وجدتها وعمتها ترف بين نقاش عن تخصصها الجامعي الي بتدخله الجـد جـهار التفـت لها : وش تـبـين تـخصص تدرسينه ياجود ؟
جود فركت يدينها بتوتر وبتردد : ابي اكون محامية باذن الله
ابتسم الجـد جهـار بـ فخر من اختيار جـود لتخصصها : مشاء الله عليتس حلو تخصصتس
جود بفرحه تنهدت براحه : ايوا يا جدي ميلان برضو بتدرس محاميه معي
الجـده شـمه : مشاء الله على حفيداتنا جعلنا نشوفكم باعلى المناصب
ترف وهي جالسه على لابتوب تشتغل على اخر وثيقة لتخرجها من كلية الطب ناظرت لها جود وضحكت : يوه ياعمه للحينك ماخلصتي ؟
ترف بتعب : باقي بس شوي وبخلصه
الجـده شـمه : عساك على القوة ياحلوتنا ودلوعتنا
جود صفرت : واوووو سامعه يا عمه سامعه ؟
ضحكت ترف وهي ترجع تكمل شغلها تكلم الجـد جهـار وهو يلف على الجـده شـمه : الا وشصار على تحاليل زواج فارس و نور ؟
الجـده شـمه : بكره الصباح تطلع وان طلعت ايجابية بنعقد قرانهم باذن الله حنا مجهزين كلشي بس منتظرين التحاليل
جود ابتسمت وهي تشرب الشاهي : عسى الله يتمم لهم يارب
الجد جهار : امين الي جود يابنتي ميلان وشلونها عساها مرتاحه
جود عقدت حاجبينها ب استغراب : اي الحمدالله مرتاحه معنا ومره تغيرت صرت تضحك كثير وتنبسط كثير بس يا جدي انا سمعت شي ومتردده اقولك
الجد جهار باستغراب رفع حاجبه واعتدل بجلسته : وش يرددك قولي ؟ ناقصك شي
جود بخوف اقتربت لـ جدها وجدتها وتكلمت : جدي انا سمعت شي قبل شهور صار
الجده شمه بخوف : يابنت تكلمي لا تروعينا كذا !
جود : ياجدي بفتره اختبارات الاخيره لترم ذا ميلان تعب بالمدرسه مره واخذناها لمستشفى صحت علينا وهي تصرخ وتقول كلام مب مفهوم بابا سالها وشفيك ياميلان قالت انها بالحلم شافت امها وشهد وما شافت عمي طلال وتقول لما سالتهم وين بابا تقول حولكم ويحميكم بابا ولما رجعنا البيت سمعت بابا وماما يتكلمون ان عن احلام ميلان المتكرره وكلها نفس الكلام
الجـد جهار انصفق وجهه بخوف وعدم فهم تكلم : عادي كلها احلام لا اكثر
الجـده شمه حست بشعور غريب من الكلام الي سمعته : ربي اخذ ولدي وحرمته وبنته بنفس اللحظه يابنتي وميلان تعبت نفسياً وبسبب هالشي تحلم هذي الاحلام
ترف قفلت اللابتوب : منجد ذي احلام لا اكثر
-
« مـكان مجهول لأول مره نجيه »
بـمكان جديد مكان مجهول جالـس بين النار وحوله رجاله ناظر النار وهو يتهدد ويتوعد : لا ادمركم واحد ورا واحد يا عيال جهار
شخص مجهول 1 : عامر متى ناوي نبدا الخطة نبي نفترس الفريسه
ضحك عامر بضحكة خبث : بعد يومين لا تستعجلون
شخص مجهول 2 ضحك بسخرية : نشوف
عامر بتنهيد وهمس مسموع : باخذ حقي منكم وحق ابوي منكم وبشرب من دمكم
شخص مجهول 1 / صديق عامر : ناوي تخطف اي بنت منهم ؟
ضحك عامر بصوت عالي ب فرحه وخبث : غيث ابي احرق قلب غيث على اخته الصغيره
شخص مجهول 1 / صديق عامر : عندك معلومات عنها ؟
ناظر له عامر ورفع حاجبه وابتسم : طالبه بـ اخر سنه ثانوي ! عرفت وين مدرستها البنت صغيره وبنتسلى فيها
شخص مجهول 1 / صديق عامر بنظرات وتفكير مقرف : حلوه؟
ضحك عامر وهو يهبده : ومن نوع فاخر بعد !
شخص مجهول 1 / صديق عامر : يالبيه تكفى خلنا ننبسط
عامر : ابشر بعزك
-
« عـند بـيت الـجده ليلى » !
اريج و غزل وديم جالسين في صالة ومشغلين المسلسل ويتابعون بـ اندماج قطع اندماجهم غزل من تكلمت : بنات
لفو عليها اريج وديم ب استغراب : شفيك
غزل : بالله يعني انتم ذالحين مستوعبين ان عمي فارس بيتزوج نور ؟ ونور بتجي عندنا ؟
اريج : صدمه صح !
ديم : مدري احس الوضع مابيتغير بس والله ماتوقعت عمي يعلنها
اريج بهمس : اقولكم على شي ؟
غزل : قولي
اريج : شفتو وقت جده قالت بنزوج فارس نور كانت شاده على يدها وفيها البكيه !
غزل : صح صح بعدها قامت من عندنا
اريج : اي خلوني اكمل المهم انا جيت بروح اواسيها وشفتها طلعت برا الحديقة !
ديم شهقت : ايه كملي بعد وشصار
اريج ضربت صدرها بخفه : ياحبيبتي انصدمت من الي سمعته وشفته تخيلي عمي فارس شاف نور تبكي وضمها وهو يمسح دمعتها
شهقت غزل بصدمه وسعت عيونها بذهول : احلفييييييييي
ديم ضحكت : تتكلمين من جدك انتي
اريج كشرت : خير بكذب عليكم يعني المهم وقالها تجهزي لاجل يشوفون حرم فارس ذبت يا بنات ذبت
غزل وديم ضمو بعض : يويلي يويلي فارسوه يطلع منه كل ذا الناشف والله ماعرفته
اريج وهي تضم المخده : يبنات اقررت احب صدق !
ضحكت غزل وهي تناظر اريج بغمزه وخبث : وليه انتي مب حابه ذالحين يعني !
ناظرت لها اريج بعدم فهم : وش تقصدين ؟
ديم ضحكت من فهمت قصد غزل وتكلمت : ياحبيبتي تقصد المقلب الي سوينها للعيال وانتي رحتي عشان حطوك بالخطه بتخوفينهم طلع هزاع بوجهك وهو تنح فيك ومسكك من خصرك كنتي بتطحين بس انتي هربتي
اريج ابتسمت وفجاة ضحكت : هههههههههههههه يا غبيات وش تفكرون فيه بالله مالقيتو غير الشايب ذا احبه
غزل : احلفي انه مو عاجبك
سندت ظهرها وميلت شفايفها بضحكه : شوفو اعترف الرجال مزيون اهخ عيونه حلوه مشاءالله وطويل وله غمازه حلوه ورموشه كثيف
ضحكت ديم : ياااااااغبيه اجل عاجبك ههههههههههههههههههههه
غزل بنفس ضحكة ديم : معتوها قال ايش مو منعجبه فيه وكل ذا المدح
اريج : وجع عادي اقول الصراحه انا بس حب مستحيل احس مدري ماابي احبه !
غزل بتردد : بنات شوفو مشاءالله حتى اخو ميلان ونور عساف جميل شفته قبل كم يوم كنت جايه من الجامعة وطلع بوجهي صدق حلو !
ديم ضحكت : خيررررر كلكم تحبون
غزل و اريج وديم كملو السوالف بضحك واعترافات جديده
-
« يوم جـديد الصباح بشقة ميلان وغيث »
صحت ميلان بـ انزعاج من اشعة الشمس الي داهمت عيونها فتحت عيونها بصعوبه ودوخه ناظرت نفسها ولفت نظرها لـ غيث الي نايم وجسده العاري الي طالع ابتسمت بخجل وتوردت ملامحها وهي تتذكر ليلة امس ابتسمت بخجل وهي ترفع جوالها وتشوف رسالة من اختها نور وكان محتوى الرسالة : " ميلان طلعت تحاليلنا انا و فارس متطابقه واليوم عقد القران قومي " فزت بفرحه لاختها وهي تردف غيث بخجل لاجل تصحيه : غيث قوم غيث
صحى غيث من صوت ميلان وهو يناظرها وابتسم وهو يتذكر ليلة امس واعتراف ميلان له ابتسم وهو يناظرها كيف منزله راسها بخجل سحبها لصدره : صباح الخير ياعيوني
ميلان بـ حُب : صباح النور يلا قوم لاجل نفطر تحت
غيث ضحك على خجلها الواضح له مسك ارنبة خشمها : ليه خجلانه
ميلان وهي تتدلع: اكيد بخجل
غيث تنهد براحه : مااصدق اخيراً صرتي زوجتي مو على ورق !
ابتسمت ميلان وهي ترفع نفسها وقبلت خد غيث بهدوء ونعومه فهى غيث وهو متخدر تماماً من قبلتها ضحكت ميلان بخجل
ناظرت له بفرحه : طلعت تحاليل فارس ونور واليوم عقد القران ناظرلها غيث بفرحه : بالله مشاء الله ا الله يتمم لهم على خير
ابتسمت ميلان وهي قامت دخل دورة المياه لاجل تاخذ لها شور سريع
~ بعد مرور 10 دقايق خرجت ميلان وهي لافه الروب حول جسمها وتاركه شعرها المبلل قام غيث وهو لاف المنشفه حول بطنه وقف وهو يناظر ميلان بالروب اقترب منها وهو يحاوطها ابتسمت وهي ترفع يدها على صدره ويد تحاوط رقبته ابتسمت بحُب وهيمان بانت غمازاتها لـ غيث : وشفيك تناظرني كذا
غيث اخذ يطبع قبلاته على رقبتها وخذها ضحكت بخجل وتوتر وهي تسمع يهمس باذنها : كم تعذبت وانا اشوفك بذا المنظر وماسك نفسي بس الحمدالله ان الحين مستحيل امسك نفسي عنك
ضحكت ميلان بخجل وبهمس : وجع اسكت
ضحك غيث وهو يبتعد عنها ويدخل دورة المياه جلست على طرف الكرسي قدام المنظره وهي تفكر باللي صار معها مع غيث وان ابتدء حياتهم الزوجية رسمياً تنهدت بـ حُب شهقت من تذكرت ان ماعندها فستان تلبسه لملكة اختها اخذت تستشور شعرها وتلبس ترينق اسود وتيشيرت ابيض لنص البطن طلعت عبايتها وشنطتها ونقابها وهي تجهزهم على السريع ~ طلع غيث من دورة المياه وهو مستغرب من لبسها وشبه حده : بتنزلين لاهلي كذا؟
ميلان بوزت شفايفها : لا بس توني اتذكر ان ماعندي فستان للملكه وشوف لبست ذا وبلبس عبايتي ونقابي لاجل يا زوجي العزيز الكفو توديني المول اشتري فستان
ضحك غيث وهى يقترب لها ويحاوطها من خصرها ومسك بطنها وهو يتحسسها ومركز عيونه بعيونها تسلسلت نظرات لشفايفها الي ماقدر يقاومهم قبلها بقوه بادلته القبلات وهي تحاوط رقبته ابتعد عنه وهو يمسك ارنبة خشمها : تم بوديك بس البس واخلص نفطر تحت ونطلع تمام
ابتسمت وهي تقبله وتبعد عنه مسك راسه غيث بذوبان : اهخ الله يعيني بس
اخذت اغراضها وهي تطلع برا الغرفة لاجل تلبس ماخذت دقيقتين وهي لابسه وجاهزه طلع غيث وهو يناظرلها ضحك على سرعتها : مشاء الله عليك جاهزه
ميلان بحماس : ايوه يلا مشينا
اقترب غيث وهو يشبك يدينه بيدينها بادلته الابتسامة وهم ينزلون تحت
• تحت كلهم جالسين يفطرون تحت نزلو ميلان و غيث وهم شابكين يدينهم بعضهم فزت ام غيث بفرحه وهي تناظر يدينهم وابتسامات غيث لميلان تنهدت براحه وفرحه وبنفسها : الحمدلله الي شفتهم كذا الحمدالله
صفرت جود ولينا وهم يناظرون لهم تكلمت جود : جونا الحبايب جونا
ضحك ابو غيث وهو يناظر غيث الي لاول مره يبتسم من تزوج ميلان التفت لـ جود : وجع عيب عليتس
ضحك غيث وهو يجلس وجنبه ميلان : صباح الخير للجميع
الكل بصوت واحد : صباح النور
تكلمت ميلان بهدرء : عمي وعمتي والبنات طلعت تحاليل زواج فارس ونور واليوم عقد القران
اعتلت الاصوات بين : ( مبروك اخيراً وناسه مبروك عسى الله يتمم لهم )
ناظرت جود وهي تشهق : يويلي ماعندي شي البسه !
لينا تاففت : اف حتى انا ماعندي فستان !
ام غيث لفت عليهم : يوه منكن البسن الي عندكن وشوله الخساير
شهقت جود : يماما لا لا لا مستحيل ماعندنا شي مناسب لعقد قران ويعدين اكيد بيجون اهل اصحاب جدي فشله
لينا بموافقة لكلام جود : منجد
غيث ناظر لميلان ورجع ناظر لخواته وتكلم : انا بودي ميلان تتسوق بتجون معنا!
البنات بصوت واحد : اييييي
ضحكت ميلان : وناسه تم تم امشو معنا
ابو غيث ابتسم وهو يمد بطاقته لـ جود ولينا : خذو ذي ورحو اشترو الي تبونه وميلان معكم
ابتسم غيث وهو يمسك يد ميلان : يالغالي انت ولي امر بناتك اصرف عليهم لكن زوجتي انا ولي امرها مالي داعي تعطيها فلوس
ابتسمت ام غيث بحنية لهم : عسى الله يحفظكم ويخليكم لبعضكم
غيث وميلان الي تقطعت من الخجل : امين
~ انتهى غيث من الاكل وقام وقامت معه ميلان بعد مانزلو لينا وجود وهم متجهزات ركضت جود وهي تسحب ميلان من غيث وناظرت له : وخر بمسكها
غيث ناظرلها بحده وبضحك سحب ميلان : وخري زوجتي
ميلان ضحكت وهي تناظر لهم تخصرت جود لغيث وناظرت لميلان : بسرعه صديقة الطفوله ودربك ولا زوجك
ابتسمت ميلان وهي تبتسم مسكت يد غيث : اكيد زوجي
ابتسم غيث بالانتصار وهو يشد على يد ميلان : شفتيي زوجتي ماتترك زوجها
ضحكوا مع بعض وركبوا كلهم السياره متجهين للمول
-
« بالمول ترف و نور يجهزون مع بعض »
تاففت نور بانزعاج : مب عاجبني شي !
ترف مسكت راسها بتعب : يابنتي ساعتين وحنا نفرفر عشان فستان
نور لمحت محل كان ملفت منظره : امشي امشي ندخل ذا
دخلوا المحل وانبهرو من تصاميم الفساتين شهقت ترف بـ انبهار وذهول : واوووووو وشششش ذااااا
نور ابتسمت وهي تلمح فستان عودي وعلي الالماس مرصع من فتحت الصدر للخصر عاري الاكتاف ماسك من الخصر وسيع من تحت
ترف : من نصيبك ياعروس
ابتسمت نور وهي تاشر على الموظفة جت لها الموظفه : كيف اقدر اساعدك
نور : ابي ذا
ابتسمت الموظفة : مشاءالله عليك انتي اخترتي الفستان الجديد اليوم طلعناها وعرضنها وانتي اول وحده تاخذه اختيارك ذوق جداً بحاسب لك عليه وتقدرين تاخذينه
نور ابتسمت : تمام
ترف لفت وجذبها فستان سكري لود ماسك من الصدر ونزل طايح من تحت عاري الاكتاب وقطع الالماس من الصدراخذته بـ ابتسامه
~ اخذو الفساتين وطلعو يجلسون بقهوه
-
« بالمول الجهة الثانية مع ميلان وغيث وجود ولينا باحدى المحلات»
ابتسمت ميلان وهي تناظر الفستان الوردي البارد ماسك من الخصر عاري الاكتاف مفتوح من الفخد وعليها سلاسل من الالماس اقترب غيث من وراها وبهمس : عجبك؟
ناظرت له ميلان : ايوه اخذه ؟
غيث : خذيه الله يعيني هالليله مايبقى عندي عقل الظاهر بنجيب تميم قريب
شهقت ميلان من فهمت كلام غيث شهقت بخفه وهي تقبصه من كتفه وبهمس : خير يا قليل الادب
وسع عيونه بذهول : وانا صادق وعند كلامي ابي تميم متى يشرفنا
ميلان كشرت : اقول وخر بس غيث والله بعصب
ضحك غيث من استفزازه لها وابتسم : ابشري كم ميلان عندي
ضحكت ميلان : وحده
انتهت ميلان وجود ولينا من اختيار الفساتين وتجهوا لمحل عقود الالماس دخلت ميلان وهي تناظر الاطقم بذهول : واوووو
مسك غيث يدها وشبكها بيده ودخلوا انجذبت ميلان لعقد رائع عليه فراشه صغيره جده مرصع بالالماس ابتسمت وهي تناظر السعر شهقت بصدمه من قيمة العقد رقم نعومته وبساطته حس غيث بشهقتها ورفع وهو يشوف قيمة العقد ابتسم وهو يهمس : اعجبك
ميلان بكذب : لا ماعجبني شي خلاص ماابغى شي انا عندي عقد كثير بالبيت مايحتاج
غيث تنهد وهو يبتسم وفي باله خطه : براحتك
ميلان ناظرت للعقد للمره الاخيرة بضيق وهي تقترب من غيث : امش نجلس بالقهوه ذيك ابغى قهوه
غيث بتصريف وهو يمد له الاغراض : طيب روحي له وبجيك بس يخلصون جود ولينا
هزت راسها ميلان بمعنى " طيب " وطلعت ناظرلها غيث وهي تطلع التفت للموظف وهو ياشر له : لو سمحت ابي العقل ذا
ابتسم الموظف وهو يمد له العقد : تفضل
ابتسم غيث وهو يناظر له بتمتع طلع بطاقته وهو يدفع اخذ العقد وطلع مع لينا وجود الي انتهو من التسوق وراحو لـ ميلان ناظرت لهم ميلان وابتسمت لـ غيث : خلصتو
غيث : ايوا وشتبين قهوه
ميلان عطته قهوتها وجود ولينا قالو لها القهوه الي يبغونها وجلسو ينتظرونها تخلص