الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
______________________
بقيٰ لغياب الشمس لحظات ..
لحظات فاصلة بيني وبين عذابي ، لحظات ويأتي المساءِ ..
وفي المساءِ يأتي العذاب .. وفي العذاب تبكي العيونِ .. حزناً و ألماً
ومن تلكَ العيونَ تسقط دمعاتِ .. ومن الدمعاتُ تنطفىُ كُل الشموعَ ..
ألا شمعة أرقدها دمعي گِ يُخفف ألميِ عني ..
كُل ما بداخليِ تبعثرُ .. أصبحت أشلاء تتناثرَ فوقَ صفحات البحرِ ..
وأصبح الخوفَ من المستقبلِ المجهول يُسكنني ! ..
وتلكَ الدمعات تأسُرني ..
فَقدت إحساس الأمان وثقتيِ بالأزمانَ مُنذ رحيلهم ..
تركوني بمفرديِ وأخذو روحي معهمَ ..
أصبحت تائهة في حاضري الأليمُ مُنذ رحيلكم ..
خُسرت أبسط الأشياء وأهمها وهوَ ' الشرفَ ' .. أصبحتُ مثلَهم بألغصب عني ..
أصبحتُ أتمنى أن أسكنُ عالماً بعيداً ..
بعيداً گ ( غابة الامازون ) عن العالم ..
أتمنى عالماً أشعرُ بهُ بنسمات الصباح واليل وأحاديثُ الشجرَ ومداعبة قطراتَ الندىَ لأوراق الأزهارَ ..
لكن ؟؟ ..
أتمنى ! ولا زُلت أتمنى ..
أقطع تفكيري طرقات الباب المُزعج ..
- فتحي الباب
نهضت خائفة .. تبعثرت أحوالها ! ..
- ياربي وين اضم روحي ياربيي
زادد دگات الباب .. وزاد خوفها ..
- وكفت وهدئت روحي .. حضرت كم كلمة ولعل يلين گلبة وما يغت**صبني
رحت فتحت الباب .. ورجعت لورة كلش .. وهوة ضل يضحك ..
ريناد : شتريد
- اريدج
ريناد : كافي .. كسرتني وأخذت شرفي وعذبتني وهاذ جانت نيتك وهاي هية !! بعد شتريد
- بدال ما اروح للكح** بالملا*هي .. أوفر فلوس سفري واجي يمج
ريناد : كسرت گلبي .. كسرتة كسر هذا الكلمات .. انصدمت من كلامة وأني النفس إلي أجرة يوجع گلبي ..
بعد ما جنت بنص الدلال والأحترام ! هيج يصير بية ؟ ..
قفل الباب ..
حاولت أقاومة لكن فشلت ..
أخر شي استسلمت واخذ إلي يريدة مني ..
عافني وأني خلصانة روحي من وجع وأهانة وأحساس بالقذ*ارة ..
ضليت على كعدتي مثل كل يوم ..
ما اكدر حتى استر روحي .. ضحكت على تفكيري وكلت ..
- ياستر .. صرتي كح** .. شوكت ما يريد يجي ينا*م وياج
طاحت دمعتي ..
ردت انهار بس اندك الباب .. حتى انهيار ما يخلوني براحتي ..
- كومييي .. عدنا عزيمة كومي نضفيي البيت خايس من وراج
ريناد : تعبانة .. ابنج ضربني واغت*صبني ..
- چا احنا المن جايبيج ! بس تاكلين وتشربين
ريناد : ضحكت ضحكة من أعماق گلبي ..
- يا أكل !! بس أكل ؟ صارلي يومين ما ماكلة غير بس أشرب مي !
حسيت عليها تعصبت وضلت تركع الباب ركع ..
كمت لفيت روحي وأنتبهت ! ..
أني لا كايمة ولا حتى قافلة الباب ! شلون مقفول
ريناد : ما قافلة الباب أني .. ابنج قفلة
اختفة صوتها وعرفت راحت تصيحة ..
رحت لبست ملابسي بساع .. سمعت صوتة بس بعيد يحجي على امة .. لزمت گلبي بخوف ..
سمعت طكات القفل .. ويا كل طكة أنهبط ..
فتح الباب وباوع علية وكال ..
- يلة هاي ..
ريناد : أجت لزمتني من زندي وجرتني الجوة ..
شمرتني بالمطبخ وأمرتني اشتغل .. عافتني وراحت وباوعت للساعة وطلعت بـ 6 ..
بـ 6 وأني ما غفالي جفن أبد ..
التهيت من الـ 6 لحد الساعة بـ 12 .. على البيت كلة
ما خليت شي ما سويتة ..
كو متحملة روحي .. حتى ما سبحت ولا كدرت اوخر قذارتة مني ...
*****
- أنتي زوجتي .. حبيبتي أني .. حبيني أني حب.....
- ما أعرف شنو صار بية ! لكن عصبني كلامة .. دفعتة وبكل قوتي ضربتة وصرخت ..
- تريدددد ابقى يمكككك .. تريدددد ازوجككك علمود تحبسنييي هناا طوللل عمرييييي .. تريددد ازوجكك بعدد ما عشيتنييي انتة اببوييييي تريددد اعتبركك زوجج .. اييي .. ايييي تزوجنييي علمود تضل حابسني مووو .. تريدد تضل حابسنيي هنااا .. لووو تموتتت ما ابقى يمككك لو تموتتت .. لو شيصيرر يا دامِس ازوج يامن ونروح واعوفككك اخلصص من هاذ السجنن وعذابكك النفسيييي ..
عفتة ورحت الغرفتي ..
رجعت نفس الانهيار بس اهدئ بشوية ..
إحساس الخنكة ووالتقيُد كتلني .. كتلنيي حيلل .. مهما كان العالم الخارجي .. بس أريد اشوفة .. أريد بنفسي اشوفة أني بنفسيي حتى لو جان مُرعب عادي !!
من بعد بُكاء وتعب .. نمت بمكاني ..
فزيت وأني مرعوبة .. ما أعرف من شنو لكن حسيت بشعور الخوف وكعدت من سببة ..
انتبهت أني بمكاني نايمة بس يمي لحاف وانتبهت على الحر كدامي نايم ..
حركني عيوني وكمت اغسلهن .. غسلت وجهي وسنوني وطلعت .. لكيت الحر كاعد .. أول ما شافني اجة ناحيتي وحضني
الحر : خوفتيني عليج ياروحي أنتي
ابيجيل : بجيت وكلت .. وينن جنتت .. البارحة احتاجيتك بس ما لكيتك حر .. حتاجيتك حيلل وحتاجيت يامن بس ماكو انتو !
الحر : يابعدد عيوني أنتي .. اعذريني حبيبتي بس والله لو مدخل بينكم جان المشكلة جانت أكبر بهواي تعرفين وكدامج مهددني أنو ما ادخل بينكم .. ألف مرة صرت بينكم ومحد طاح بشر عصبيتة غيرج
ابيجيل : بس من احتاجك اريدك يمي ! ليش ما جنت موجود
باسني وحضني حيل وكال ..
الحر : اسف .. آسف حبيبتي
ابيجيل : ضلينا على هل حال الحد ما انفتح الباب .. دفعني وكأنة خايف ! ..
زفر بخوف وكال
الحر : عبالي دامِس
يامن : مو هنا
ابيجيل : باوعت علي ورحت ركضت بحضنة وبجيت
وضليت اعاتبة ..
- ليشش عفتنييي البارحة .. دكيت الباب عليك وأعرف انتة موجود بس ما فتحت الباب .. خليتني ابجي وانقهر وانتة ما جنت يمي ولا حتى أجيت
يامن : مو بيدييي .. تعرفين دامِس بكلشي يشك .. وبلأخص من كلتيلة هاي المصيبة ..
ابيجيل : باوعت علي ولزمت أيدة وحجيت مترجية
- حباببب اخذنييي .. خل نشرد أني وياكك حباب .. يريد يزوجني غصباً عني وأني أحبك يامن .. لا تكسر گلبي والله لا تكسرة .. خل نشرد ونروح برا حتى لو كلهم وحوش .. اكص شعري واصبغ اسود واصبغ جسمي هم علمود لا يشوفون شعري وياكلوني ..
يباوعون علية ومعاني وجهم كلها صدمة .. عاف أيدي وأني رجعت لزمت أيدة وأني ابجي
ابيجيل : شبيكككك شبيكككك .. حبابببب خلي نشرد اريدد اطلعع اريدد اطلععع راح يزوجني غصباً والله إذا زوجني بعد راح يحبسني هناا وبس يضربني ويصيح عليةةة حبابببب
تخبلت بكل معنى الكلمة .. صرت أضرب بروحي واصرخ وعلى لساني ' خلي نشرد ونزوج ' ..
حسيت يامن الوحيد إلي راح ينقذني من دامِس ..
سبق ونيروز وفهمتني أو وصلت إلي فكرة الزواج شنو .. ما اتخيل أنو اولادي يصير ابوهم دامِس ..
جنت اتخيل .. يعيشون مثلي وبس يضربهم ويتعارك وياهم وهم يزوج بنتة .. لأن أني هسة بنتة بس يريد يزوجني ..
جنت اتعوذ الشيطان وابني أحلام كلش جبيرة وحلوة أني ويامن ..
الأب المثالي الاطفالي يامن .. هيج أني معتبرتة ..
أريد مهرب .. مهرب من إلي راح يصير .. طكت روحي .. فضولي يقوة ناحية العالم الخارجي .. جنت اتخيل كلشي يصير من اطلع .. وشنو إلي دا يصير وأني بمكاني ..
الفراغ أو الضلام .. عدوي
لأن بهيج أوقات يكون عقلي فارغ وما ملتهي بشي وأفكر تفكيل غريبب .. جنت اتخيل كلشي يصير بالكتُب إلي اقراهن بالعالم الخارجي ..
حضني الحر .. وهدأني بكم كلمة .. وهدأت وطلعنا علمود نتريك ..
كعدت وكعد بصفي الحر .. ويامن راح يحضر الريوك
شوية واجة بيدة صينية .. باوعت على الأكل وأني مسدودة نفسي كلش ..
الحر : عمي والله لو أني كايم طابخ أحسن
يامن : هاذ إلي كدرت علي
الحر : جا من جنت وحدك شلون مگضيها
يامن : مطاعم .. وطبخات فاشلة
الحر : فاشلة مثلك
يامن : عندي محل عطور وراح يكمل الجيم الخاص بية !!
الحر : أي بهاذ كفو .. بس انتة فاشل
يامن : اعتبرة غزل ؟!
الحر : چا هوة صدك غزل ! مو تعتبرة غزل
يامن : ها .. غزل من نوع آخر
الحر : راح اغركك غزل من كل الأنواع .. يلة أنتي الفاهية أكلي
يامن : عود شلون تكدر تاكل هاي الگمة الصغيرة !
الحر : هية حلكها صغير
ابيجيل : أكلت لگمة وأني مسدودة نفسي الدرجة .. ما كدرت أكل إلي بحلكي ..
عفتهم ورحت الغرفتي .. ظلمتها ورحت تغطيت ..
ضليت أفكر بكلشي .. بالماضي والحاضر ..
تصرفاتة ! كلامة ! حركاتة ! عصبيتة ! ضربة وعُنفة إلي ! .. خالتي إلي جانت أملي الوحيد .. بس تحطم الأمل من كلي ماتت ..
تفكير سوداوي ! صرت أفكر شلون انهي حياتي .. ما أعرف أي طريقة ..
صار مهربي من دامِس هوة يامن .. منطيتة وقت لليل
وإذا ما انطاني الجواب اسوي شي من بالي أني ..
مر الوقت .. وحسيتة صار بطيء بشكل مو طبيعي .. حسيت على جيت دامِس بغرفتة .. لزمت گلبي وضليت خايفة خاف يجي يمي ويحاجيني .. أو يسوي شي ..
مر وقت لا بأس به .. أطمنت نوعاً ما أنو ماراح يجي يمي ..
بس ثواني وما أحس غير على دفر الباب ...
*****
في وسط هدوء منزل بسيط ..
هُناك من يُرتل سورة ' النور ' بـ نية الهدوء والسلام في أفراد الأسرة ..
تصدق القارء ..
وضعت يدها على رأس النائمة وقالت ..
- اللهم ازح الهم والغم عن گلبها .. يارب انطيها القوة والصبر بأختبارك يارب .. يا أم الحسنين .. اسنديها وكوني بعونها مولاتي كوني بعونها .. يا ابا صالح .. بنتك تعبانة مولاي .. اختبار الله يرادلة صبر وقوة .. قويها مولاي قويها
سدِم : ارتاحيت من سمعت كلامها .. وكأن الأمام سمع دُعائها ! .. دمعت عيوني من حسيت أبو صالح يمسمعني .. صرت ادعي واترجا يكون وياي وما يتركني ..
مر اليوم عادي .. البيت وضعة كلش مو حلو ..
صار اليل .. طلعت يم مرت خالي علمود أكل ..
- يلة تعاي يمة .. حضرتلج أكل
سدِم : استحيت اردها وهية تعبانة الأجلي ..
رحت أكلت غصباً عني .. ما كدرت أجبر روحي أكثر على الأكل .. وردت أكوم بس لزمتني ..
- اكعدي .. شوو كعديي .. صارلج يومين ما ماكلة موزين على البطنج حرام عليج هيج تسوين بي
سدِم : ما أريد .. لعبانة روحي .. تعبانة أريد أنام
اسيل : تمام .. تعاي تمددي على رجلية وأني اوكلج بس لا تبقين هيج والله حرام عليج
سدِم : بعدني ما حاجية وأجة خالي ..
- صيح ببنتك خلي تاكل .. يومين ما ماكلة حتى حرام عليها
سدِم : اجة كعد يمي وهوة يكول ..
سالم : وخرو منها يلة .. أني هسة اوكلها بأيدي .. تعاي هنا بحضني سديم بحضني ..
سدِم : رحت حضنتة .. وفعلاً ضل يوكلني ويسولف وياي وأني بالي بعيد كلش ..
باوعت علي وهوة يوكلني .. ضل يباوع بعيوني وأني هم .. تذكرت شلون جنت أكول ..
جنت أحس ثعلب أحن من خالي ماعدا الفرق مبين .. ما انكر ما جان حنون .. بالعكس .. لٰكن جنت متوقعة خالي يأذيني بيوم والثعلب يوكف بصفي وما يعوفني ..
حضنت خالي وبجيت بقهر وخنكة ..
حسيت على نبرة صوتة تغيرت وعرفت دا يبجي وياي .. حضنتة وهوة يهدئ بية وأني ابجي أكثر ..
حنانة وخوفة قهرنيي حيلل .. على بنتة إلي من لحمة ودمة ما خاف هالشكل عليها .. وأني احسة ميت علية ..
هدئني .. شوية وكال ..
سالم : شبيج تبجين بعد روحي .. إذا على البطنج بكيفج .. إذا تخلي أو تذبي بالتالي حلال .. مهما يكون وحتى لو بالغصب عنج عاقدين محكمة وشيخ
وإذا ما تردي ذبي .. لا تبلين روحج وتخلي رابطة بينج وبينة ..
سدِم : تذكرت تهديد الثعلب وبجيت أكثر ..
- ما اكدر .. ما اكدر والله .. هددني .. هددني كلي إذا تذبي راح تشوفين شي أقوة من هاذ إلي عيشني بي
سالم : افااا .. بين احضاني وتخافين من تهديدة !!
بس على موتي لازم تخافين سديمة .. بس من يجيبون تابوتي ببطن هاذ البيت خافن من البشر ..
سدِم : حضنتة أكثر ومسحت دموعي ..
سالم : هسة شنو قرارج حبيبتي .. قبل لا يكبر ببطنج
سدِم : ما أعرف .. حرام اكتل روح .. ومستحيل يبقى بينا .. راح غصباً عني نلتقي واشوفة ..
سالم : أي هوة هيج حاولت افهمج .. والاحسن تتخلصين منة .. هم ترتاحين وهم البطنج يرتاح من الدنية والوضع إلي راح يجي بي
سدِم : ما أعرف .. ما أعرف خالو
سالم : اخذي وقتج حبيبتي .. فكري زين .. الج مُهلة شهر إذا أكثر بعد حرام عليج تطرحين لأن احتمال يكتمل ويصير نبض
سدِم : مسحت دمعتي وهزيت راسي ..
دك تليفون اسيل .. باوعت وحسيتها توترت أو خافت عافتنا وصعدت فوك .. شوية وأجت وكال وهية بالدرج ..
اسيل : تريدج صديقتج سدِم
سدِم : ياهية
اسيل : صديقتج .. خب هاي شسمها .. ذكرينيي نسيتها .. إلي وياج بالمدرسة
سدِم : عرفت شي خاص من ملامحها .. كمت ورحت وياها ..
- منو
اسيل : احجي وشوفي
سدِم : خليت التليفون على أذني ..
حسيت بأنهيار .. ورجفة .. حسيت بطني وگلبي أذني حيللل .. حرارة صارت بجسمي قوية .. كل هاذ بمجرد كلمة وحدة ضهرت منة .. وحدةة وأحرفها قليلة ..
- هلو
سدِم : رجع كررها وأني مصدومة وما احجي شي
تنفس وكال ..
- شبسرعة خلفتي الوعد !
سدِم : صاح من ما سمع صوتي .. فززني صوت صيحتة وكلت بخوف
- هاا .. شتريدد
الثعلب : وحق الله .. وداعت كل غالي عندي .. وحق الزهرة يا سدِم .. لو مو خالج يصير كدامي وتحتمين بي .. لو أكبر واحد بعشيرتج ما تخلصين مني إذا سويتي شي الهم .. وحق الحسيننن .. اندمج يا سدِم إذا سويتي شي .. اندمجج يا سدِم ومحمد
سدِم : ما أريد شي منك .. حتى اطفالك ما اريدهم
الثعلب : مو بكيفجج .. حتى لو طرحتي هسة .. ارجع اخطفج لو أمنوج بـ 100 حرس .. شايفة إلي عشتي .. اعيشج إلي انگس منةة وكوليي ثعلب ما كال
سدِم : ما أعرف ليش ساكتة على كل هاذ كلامة .. لكن فعلاً خايفة .. عيشني اسوء أيام حياتي .. من عذاب نفسي وجسدي ..
رجع يهدد ويهدد وأني خايفة من تهديدة .. لأن سوة إلي سوا .. ويكدر يسوي الاقوة منة ..
سديت الخط بوجهة بعد ما كلت ..
- غصباً عنك اطرحهم واخلص منك ومنهم
لزمت گلبي وكعت بالكاع مهبوطة ..
سدِم : حضري اسيل .. حضري خيولي حضري
اسيل : تمام .. حتى راح اكسر الخط
سدِم : راحت لزمت التليفون وطلعت الخط وكسرتة
أجت حضنتني تهدئ بية ..
اسيل : خيولي سدِم .. حسين وسيف وبابا موجودين لاتخافين منة .. مجرد تهديد ما يسوي شي .. لا تخلينة ببطنج سدِم لا تخلي .. لا تبلين روحج بي
سدِم : ولج ما شفتي شيحجي !
اسيل : خيولي .. يهددج بهاذ الكلام علمود لا تسوين شي .. بس والله مجرد حجي عيوني
سدِم : حضنتها وكلت ..
- خايفة اسيل .. خايفة
اسيل : اششش .. خيولي سدِم .. خيولي
سدِم : مر الوقت ..
ومرن الأيام ..
طلعو جدتي وضمينا هاذ الشي عنها لأن شي أكيد راح تنهار ويصير بيها شي ..
الوضع متأزم كلش ..
تهديدات الثعلب .. خالي واهلة يومية جايين ويومية الولد رايحين يهددوهم ..
وللأسف .. قررت .. من بعد أستخارة وقت طويل تعذبت بتفكيري
وبيوم خابرتني ليندا من رقم مرت خالي ..
ليندا : ياعيوني أنتي .. اعتذر سدِم والله اسفة
سدِم : مو ذنبج ليندا .. بالمناسبة .. ألف مبروك على زواجج حبيبتي .. اعذريني ما أجيت
ليندا : والله لو ما الاوضاع جان اجيتج بس عيب كلش مستحية منكم
سدِم : لا عيوني .. إذا تكدرين تعاي لأن مشتاقتلج
ليندا : أن شاء الله .. اسوي جية عليج .. بس سدِم
سدِم : ها
- صدك حامل !
- أي .. وراح اطرح باجر اروح للدكتورة
- بس حرام !
- زين ليندا تردين ابقي !! تردين انفضح ! ابقي علمود يطلع حجة ويومية جاي يشوفة لو يكسرني وياخذة مني !
ليندا : حقج عيوني .. حقج .. على كُل حال .. أني رايحة لأن عمتي صاحتني
سدِم : زينة وياج عمتج
ليندا : أهاا .. يعني .. شغل وتعب
سدِم : الله يساعدج ..
تقصدت اكللها .. لأن حسيت على صوت الثعلب يمها ..
ما انكر أنو خفت .. بس أحتميت بخوالي ..
ضليت برعب وقلق طول الوقت ..
حسيت أنو راح يصير شي .. حسيت راح يسوي شي
وفعلاً !!
بين ما جنت كاعدة وحدي .. سمعت صوتة !
طفرت ولزمت گلبي بخوف .. حبست أنفاسي علمود اتأكد إذا صح إلي سمعتة أو لا !
رجع تكرر صوتة وهوة يصيح بأسمي ..
صرخت ووكفت مرعوبة ..
محد موجود غير بس خالي .. وبغرفتة نايم !
يعني محد راح ينقذني منة !! محد يوكف بوجهة وهم يخطفني !
طلعت اسيل من غرفة جدتي وهية تباوع علية ..
اسيل : اهدئي سدِم .. هسة راح ينزل بابا ..
سدِم : صاحت علي .. انفتح الباب البرا .. واخخ يارعبتي من اقتحم الصالة ووضعة يرعببببب ..
شافني وكال بغضب ..
الثعلب : ترديننننننن تذبييي ولجججج .. ترديننن تذبين ابنيييييي .. انييي اعلمججج بسيطةةةة
سدِم : اجة ناحيتي وهوة يحجي ويتوعد .. لزمني من أيدي بقوة وجرني وأني أصرخ ..
بهاي الحضة نزل خالي ..
بدون مقدمات ضربة بوكس وبعدني عنة .. جدتي تصيح وتحجي على الثعلب ..
ركضت ضميت روحي وراها وأني ميتة خوف .. صوت الثعلب وصياح خالي والصوات إلي صار والتكسير .. رعبن گلبي ..
الجدة : خابببب شصايرر سديمةة
اسيل : ماكوو شي جدة .. ماكو شي
الجدة : لاا تجذبنن .. شبي هرجناا
سدِم : حاولنا ما نكللها الحقيقة لكن تعاي يا رقية وكولي كلشييي ..
انصدمت جدتني صدمة قوية .. بعد ما خلصت صدمتها .. لزمت عكازتها وطلعت وأني بالغرفة ..
الثعلب : اذاااا ما انطيتنيياهااا انهيكككممم ومحمدد
سالم : ايييي .. شتسوي بلة ! شتسوييي
سدِم : طلعت علي وضلت تغلط على الثعلب ..
صارت مشدات مرعبةةة بين الثعلب وخالي ..
ما أعرف شلون .. بس ما نحس غير دم ملى المكان !
صرخن واحنا مصدومين .. واكفة كبالهم ومصدومة منتضرة خالي يتحرك علمود اتأكد مو منة الدم ..
بس وخر الثعلب وما نشوف غير خالي بالكاع ..
باوع علية .. صاح على الثعلب من شافة اجة ناحيتي
لزم أيدي وجرني ..
الثعلب : انعللل والديجججج .. تردينن تذبينةةة كح*** ترديننن تطرحينننن
سدِم : وخررررر منييييي .. خالووووو .. راح ياخذنييي
تخبلت بكل معنى الكلمة .. اسيل لازمتني ومرت خالي هم .. وهذن كلهن مو بعينة ..
درت وجهي ولكيت جدتي واكعة .. تخبلت أكثر ..
طلعني للكراج وأني اغلط وأسب علي ..
الحمدلله من اجو الولد يركضون .. أول ما شافو صارت مشكلة بينهم .. كدرت احرر روحي منة ..
ركضت الجدتي إلي راح اتخبل عليهاا .. حاولت اكعدها بس ما تكعد ..
تدخلو أصدقاء الولد .. واخذو جدتي وأخذو خالي ..
وأني رحت ردت اصعد بسيارة سيف .. بس لزم أيدي ما خلاني اروح .. بس بكل قهر وغضب الدنية كلة بية .. ركعتة راجدي وصرخت بوجهة
سدِم : أحرك الخلفككككك يااا ثعلببب اذااا صار عليهممم شيي .. ادفنك وانتة عايشششش والله ..
عفتة ورحت وأني ميتة ..
بطلاع الروح يالة وصلنا .. أخذو جدتي للطوارئ وخالي بس يخيطون جرحة ويعقمو .. وضلنا على نار واحنا ننتضر جدتي ...
*****
- إسم الله على گلبج .. شبيج
سمراء : سولفت كل إلي بگلبي وكلشي حارك گلبي وأني دمعتي ما نشفت ..
نور : زين .. أنتي شنو تكولين !
سمراء : ما أعرف والله .. بس أخاف صدك حجيها
نور : يعني شاكة بصگار
سمراء : هوة خلاني أشك بي
نور : زين .. تمام .. معقول تثقين بكلام واحد مثل حسام !
سمراء : لااا .. بس ربطت كلشي ببعض وظهر إلي كلتلج علي
نور : بس ما تكدرين بمجرد ما تربطين وتتوقعين .. لازم تشوفين بعينج علمود يكون الحق وياج .. أو عندج دليل
سمراء : يعني شسوي هسة
نور : كلشي لا تسوين .. اكعدي أنتي ويا وخلي يوضحلج تصرفاتة وتفاهمو
سمراء : أكعد ويا وهوة يكلي فصلية ! ضل يحرك بگلبي بتقربة من إلي أذتني وسحرتني وعيشتني أيام سود !!
نور : حقج .. بس شسوين يعني ! تطلكين
سمراء : علواااا
نور : جذابة والله .. أكبر جذابة .. تحبينة وتموتين علي وما تكدرين بدونة
سمراء : أحسن من ما أعيش ويا وهوة يفشل بية ويتشمتن بية
نور : لا تستعجلين .. جوز فهمتي غلط .. يمكن شافت وضعكم واخذتها حجة .. ترا أنتي دا تنطيهن مجال علمود يتشمتن وياخذنة منج
سمراء : بس أني ما أريد احارب على گلبة .. اريدة وحدة يحبني بدون حرب أو خوف وحدة تاخذة مني
نور : ما أعرف شنو احجي وشنو انصحج وأنتي ما متأكدة من صگار ..
سمراء : تمام .. رايحة أني
نور : تمام .. بس باعي .. لا تنطيهن مجال يشمتن بيج سمراء صدكيني صگار يحبج بس شوفي شصاير ويا وهيج يسوي
سمراء : تمام .. وشكراً لأن انطيتيني من وقتج ..
ودعتها ورحت الغرفتي .. اعتزلت عن العالم ..
للـ 11 يالة وعيت على روحي ..
جنت بعوامة تفكير .. أخذت قراري بعد تفكير دام الساعات عديدة ..
كمت .. شغلت الگلوبات .. حضرت ملابس علي .. وحضرت ملابس إلي .. ونزلت ..
سمراء : علييي .. حبيبي وينكك
نزلت أخر باية ورحت ادورة .. لكيتة بالكراج هوة وصگار والجهال ..
باوع علية وما نزل عيونة .. توترت بس سويت نفسي ما مهتمة .. رحت أخذت علي وأني ويا نضحك ونسولف .. قبل لا افتح باب الصالة كال صگار بصوت عالي ..
صگار : أبن البطة السودةةة انييي
سمراء : باوعت علي وبالكوة لزمت ضحكتي .. فتحت الباب وسويت روحي اضحك ويا علي بس أني فاطسة ضحك على غيرتة ..
أخذت علي فوك .. سبحتة وبدلت آلة .. ورحت انومة
خلصت ونام .. وتفرغت الروحي ..
سبحت .. طلعت وبدلت وتعطرت .. مشطت شعري وخليت مسك كلش حلو الشعري لأن أكثر شي يحبة هوة عطر شعري ..
طول ما أني اشتغل .. أفكر .. شوية اكول ..
تصرفي صح .. وشوية اكول هوة ما اهتم إلي .. وشوية أخاف يفشلني .. وشوية اكول ما اخلي الهن لأن هاذ حبيبي وأبو اطفالي ..
طول هالوقت أني هيج ..
بعدني ما مخلصة .. لبست الروب لأن حسيت راح اتندم .. فكرت أكثر وحسيت بفشلة ..
أول خطوة خطيتها علمود اروح ابدل والبس شي عادي .. ما أحس غير الباب انفتح !
سد الباب وباوع علية وانتبه .. ضل مصدوم وأني مصدومة أكثر منة ..
ابتسم وحك أرنبة خشمة وتقدم ناحيتي ..
تصندمت بمكاني .. اجة لف أيدي على خصري وكال
صگار : راحت الطنكورة بعد روحي
سمراء : مو أني .. انتة .. مدري شبيك وياي
صگار : ااااا .. ما جنت منتبه والله عبالي أنتي
سمراء : ايي حقكك .. حقك جنت ملتهي ويا هذيج البربوكك .. حقكك
ضحك وكال
صگار : ما عندي بربوك بس أنتي !
سمراء : وخرر مني زعلتت .. يلة وخررر
قبلني برگبتي وكال ..
صگار : تخسى إلي تفكر مجرد تفكير تاخذ مكانج
سمراء : حتى لو بنتنا !
صگار : لااا هنا عذريني .. هنا راح يصير طرف ثالث بينا
سمراء : اعتذرلي يلة .. بجيتني وحركت گلبي
صگار : اعتذر منج مرتي حبيبتي أم ولدي .. اسف أني يا أم احلى عيون بهاي الدنية .. اعتذر منج كلش هواي على كل كلمة طلعت من حلكي وبجت هاي العيون الحلوة .. اعتذر مرتي الحلوة ..
سمراء : خليت أيدي على صدرة وكلت بدلع ..
- انطيني مجال أفكر .. جوز بلة ماراح اتقبل اعتذارك ؟
ضحك وكال ..
صگار : لااا .. ماكو تفكير بينا
سمراء : ضحكت وحضنتة بأشتياق ..
بدت ليلتنا من بعد أيام وأشهر مليئة بالمشاكل والمشاحنات ...
أيدي على گلبة وراسي بنص صدرة ..
صگار : ما أعرف شصار بية هاي الأيام كلها .. بس والله يا سمراء تصرفاتي جانت مُندفعة ما كدرت اسيطر على كل كلمة .. جان بس نيتي احرك گلبج وتحبيني أكثر .. أدري غلط تصرفي بس ما أعرف شجاني !
سمراء : لفيت ايدي على رگبتة .. حضرت كم كلمة علمود اهدء الوضع بينا لأن إذا كلبتها أعتاب راح تنتهي بزعلي ..
بعدني ما ناطقة ! وما أحس غير صريخخ رج البيت رجج ..
كمت مصدومة .. سكتنا شوية علمود نتأكد ! ورجع تكرر هاذ الصريخ مع تمييز الصوت ..
وأتضح أنو صوت غزل ! ..
ركضت بدلت ولفيت شالي والصريخ مستمر .. طلع صگار وركضت ورا ..
شفت اسد موجود بالباب ..
اسد : مسدود الباب مقفول !
سمراء : بعدة صگار وتقرب وكال ..
- غزلل .. افتحي الباببب حاوليي .. شبيججج غزلل
سمراء : تصرخ وصوتها ما مسموع كلش وكأن شي يريد يخفض صوتها أو يكتمة .. رأستاً اجة ببالي حسام !
- حسامم .. بس لا حسامم يمهااا
تخبل صگار وضل يركع بالباب ويصيح .. الكل التم وتعاونو صگار واصهب واسد .. حاولو يكسرون الباب
آخر شي صرخت بأسم صگار وبساع اختفة صوتها
هنا تخبللل صگار وبعدهم وبركعة وحدة كسر الباب ..
وفعلاً .. ما خاب ظني !! حسام يمها وياريت لو بس يمها .. صاير فوكاها ودشداشتها متشككة ..
تخبللللل صگاررر .. تخبللللل .. راح علي ولزمة وصار فوكا وضل يضربة ضرببب قوي بشكل مو طبيعي ..
وأني ركضت على غزل إلي متخبلة وتدك على وجها
أول ما وصلت يمها ولزمتها .. وكعت بين أيدي .. راحت روحهاا .. وراحت روحي وياها ..
حاولت اكعدها لكن ما فاد .. وخرني أسد وشمر عليها گلاص كامل على وجها بس ما فاد ولا حتى تحركت بس اهتز جسمها من قساوة برودة الماي ..
كلولي بدليلها لأن وضعها خوفنا .. فعلاً بدلت الها وصگار بالكوة عاف حسام وركض ويا أسد .. واحنا استلمنا حسام ..
كضينااااا .. الشيخة بعصاتها .. أني أجيب مزعريات واشرهن علي .. والبنات وحدة بنعالها وشكو شي نشوفة كدامة نضربة بي ..
ما غفنا الحد ما اجو الولد وسحلو بأمر من الشيخ ..
الشيخة : كويويددد .. يمن كون فلك طركك على سوايتك للبنيةة .. يمكن كونن فلك طركك يكويويد
أم نوارة : شمدريجن هوة .. جوز هية صاحتةةة وس....
سمراء : بعدها ما مكلمة كلمتها الأخيرة وما نحس غير عوجية الشيخة طارت عليها .. وطاحت بنص جبهتها ..
لا أرادياً كلت ..
- حللل
أني كلت هيج لو تخبلتتت .. عفتها وركضت الابني إلي مات من البجي .. أخذت علي ونزلت جوة والوضع متكهرب كلششش ..
بعد ما صار صياح زلم وكلشي ما افتهمت .. أخذت علي لأن خاف .. وصعدت .. نومتة بالكوة من كد ما خايف ويبجي ..
ضليت أني كاعدة خايفة على غزل ..
بديت اغفى غصباً عني لأن كلش نعسانة .. فزيت الصبح على صوت الباب ..
سمراء : شصار .. زينة غزل !
صگار : زينة .. زينةة
سمراء : حسيت علي متعصب .. وبلأخص تصرفاتة
كمت ورحت علمود افتهم ..
- الشيخ شكال !
صگار : بـ 2 الكعدة
سمراء : خير أن شاء الله
صگار : نوب هاذ الكو** يكول هية صاحتني
سمراء : خليت أيدي على حلكي وشهكت بصدمة !
- هاذ شيحجي !!
صگار : اخخخخ لو بس يصير بأيدييي .. الةة اكفررر ****
سمراء : يبوييي .. لا تكفرر حرامم
صگار : بسسس أريد اكضةةة الكوا**
سمراء : غزل هسة شلونها !
صگار : ما أعرف .. ما تحجي شي .. الدكتور يكول صدمة
- زين والشيخ صدك ؟
- الشيخ التهى بسالفتها ويا أمير .. هاذ كايلة كلشي
سمراء : الصدمة إلي اجتنيي .. اخخخخ
ما أعرف شحجي .. أحس لساني انربط .. ما اكدر احجي ولا أعرف أساساً شنو إلي لازم احجي !!
عافني وراح سبح .. طلع وبدل .. أول ما خلص كال ..
صگار : جوعان حبيبتي
سمراء : تمام عيوني .. هسة شوية وانزل ..
أخذت دوش سريع .. وطلعت .. عفت علي نايم وبدلت ونزلت ..
الوضع كرهني روحي حرفياً ..
سويت ريوك الصگار .. وصادف ريوكة ويا الكل ..
كعدنا ناكل وبهاي الاثناء نزل علي .. اجة ناحية صگار وتلكا صگار وعمتي والشيخة ..
صگار : هلااا هلاااا .. اخخخ ياحبيب روحي .. يابعد ابوك وگلبة ..
سمراء : ابتسمت وكلت .. جوعان يمة
علي : أي .. أريد أكل ويا بابا
سمراء : وية أكل بابا لو اسويلك بيضة
صگار : لاا تعال وياي أكل ..
سمراء : كعدنا ناكل وعلي يباوع علية .. كال ..
علي : تصالحتو أنتي وبابا
سمراء : باوعت علي بصدمة .. ما عدا كلشي ما كايلتلة ولا أساساً اخلي يلاحض لكن لاحض !!
صگار : ليش احنا متزاعلين علمود نتصالح .. هاي الروح والرية شلون ازعلها
سمراء : ضحكت وضليت اسوي لفات الـ علي ..
خلص صگار أكل قبلنا .. وراحو هوة واصهب وذياب والولد .. واحنا بقينا نكمل أكل ..
خلصت وشلت بعض المواعين والبقية البنات جابنهن
وأني اعدل المواعين .. انكرصت ..
نور : ها ولجج .. حامل موو حامللل صرتي
سمراء : ضحكت بخجل وكلت ..
- انجبييي .. عيب عليج
نور : تفاهمتو ؟
سمراء : أي الحمدلله .. من نفرغ اسولفلج .. ولج نوب صگار يكول حسام كال كلشي للشيخ وكايلة هم هية صاحتني ..
نور : كلي ذياب كليي .. نوب غزل مدري شبيها
سمراء : هية وين هسة
نور : بغرفة عمتي .. عمتي تكول العصر من تكعد أنتي تحجين وياها لأن تسمعلج
سمراء : ما أعرف شلون راح احجي وياها .. ما اكدر أحس .. ما اكدر اشوفها بحالتها إلي كالي عليها صگار
نور : شنو من مصيبة اجتناا .. خربب انةةةة ...
*****
وكفت مرعوبة من الباب .. أني اباوع علي وهوة يباوع علية بمعاني غضب وحدة ..
بعد ما طول نضراتة ألي .. بدت معاني وجهة تهدئ شوية شوية .. بدت تنرسم الابتسامة على شفتة ..
فز وكأنو كان فاصل عن العالم .. وكال بكل هدوء ..
دامِس : أوبسس .. تحمست ودفرت الباب
ابيجيل : تقدم ناحية السرير .. تمدد وكال ..
دامِس : أي .. بلة شنو تسوين
ابيجيل : بقيت مصدومة وخايفة .. ما مستوعبة إلي يسوي أبد ! من غضب الة هدوء مُرعب !!
دامِس : شبيج كأن شفتي جني ؟
ابيجيل : فزيت من كلمتة وكلت بخوف ..
- اشششش .. لا تكول هيجج
دامِس : يااا تخافينن .. بعد گلبي نسيتت
ابيجيل : شسوي هنا
دامِس : شسوي يعني ؟ أريد أنام يم بنتي
ابيجيل : انصدمت وكلت بيني وبين نفسي ..
- هسة شلون ! أني كلت الـ يامن بليل ينطيني خبر ! بس لا يجي ويشوفة هنا .. زين شلون اطلعع خربب هسةة شلونن ..
فززني صوتة وهوة يكول ..
دامِس : شبيج ارجوان
ابيجيل : مابية شي .. تنام هنا
دامِس : أي .. ليش عندج مانع
ابيجيل : لا لااا .. بس اسأل
دامِس : هااا .. أي شنو راح تسوين هسة
ابيجيل : اسبح وابدل وأنام
دامِس : تمام عزيزتي .. يلة سبحي بساعج وعوفي شعرج محلول ..
ابيجيل : بأستغراب .. تمام
رحت سبحت ولفيت الخالولي على جسمي وطلعت
انصدمت بدامس من شفتة فاتح كنتوري ويدور .. وبيدة ثنين لبسات ..
شافني ابتسم وكال ..
دامِس : بلة تعاي .. اشوف منو احلى عليج
ابيجيل : اجة ناحيتي وهوة فرحان .. خلاهن على جسمي ثنينهن ..
دامِس : لاا لاا .. مو هذن
ابيجيل : راح وضل يختار وهوة محتار .. وأني مصدومة !
دامِس : لككككك ايييي
ابيجيل : فزيت من صيحتة .. وطلع فستان أبيض قصير وصلوخ ودلع كلش .. بالعادة ما البسة غير بس من أريد أنام ودامِس طالع ..
دامِس : ايييي .. هوة هاذذ .. بلةة تعاي حبيبتي
ابيجيل : راد يسحب الخاولي بس وخرت منة بصدمة ..
بأستغراب ..
دامِس : شبيج ! أول وتالي ر.....
ابيجيل : سكتت وكأن راد يجفص .. غير الموضوع بساع وكال
دامِس : حبيت اختارلج لبسة أني .. هاذ احلى شي عندج ارجوانتي
ابيجيل : تمام .. بس البسة بالحمام مو هنا
دامِس : تمام .. راح اختارلج ملابس ثانية هم
ابيجيل : من صدمتي وخجلي ما حجيت شي ..
جنت مسطرتهن تنسيقات كاملة .. اختار هم لون أبيض ! .. ضحك وكال
دامِس : لا تستحين .. عادي عادي .. هاج هاذ عجبني الون
ابيجيل : أخذتة وأني ميتة ..
رحت بدلت .. ضليت اباوع على روحي بخجل ..
هسة أي البسة ! لكن من أكون وحدي وهوة ماكو هسة صلوخ أي .. بس مو دلع والضهر طالع وللفخذ !
استسلمت بعد ما كال ..
دامِس : ديلة طلعي .. شكيتي گلبي شكك .. شيبتيي گلبي
ابيجيل : طلعت وأني أحاول ولو شوية اغطي افخاذي ..
نضرني من راسي الرجيلة .. وقت طويل وهوة يباوع علية بفرح مع لمعة بالعين مع لهفة بنضراتة ..
همس .. بس كدرت أسمع ..
دامِس : عروستي ..
ابيجيل : طنشت كلمتة وما انطيت أهتمام ..
مشيت خطوة .. تقرب بسرعة ولف أيدي على خصري وقبلني برگبتي ..
شهكت من حركتة ولا شعورياً دفعتة مني ..
ابتسم ..
رحت للمراية .. اجة وضل يشتم بالعطور ..
آخر شي ثبت على عطر يحبة كلش وكال ..
دامِس : اخخخخ .. هاذ ريحتج تحلي مو هوة يحليها
ابيجيل : رشلي ثلاث رشات ..
بعدها لزم المشط ومشط شعري .. ما تأخرت لأن سرح وجان ممشط ..
ابيجيل : أريد اسوي ضفيرة
دامِس : لاا .. عوفي هيج احلى حبيبتي
ابيجيل : تمام ..
ضل يباوع بالجرار .. ما اهتميت وضليت كاعدة .. اختار گلادة .. وأختار گلادة ثانية أكبر .. وأختار خلخال ..
لبسني الگلادة .. ولبسني الخلخال .. وكال
دامِس : ارجوانتي .. هاي خليها على خصرج
ابيجيل : استغربت من طلبة وكلت ..
- ليش !!
دامِس : حبيتها .. خليها على خصرج تصير حلوة
ابيجيل : شلون يعني ..
فهمني شلون اخليها من فوك ملابسي ..
رحت وأني مصدومة ومستغربة وما مستوعبة !
شنو هذن الطلبات !!
سويت إلي يريدة .. ورجعت لبست وطلعت ..
ابيجيل : هيج ماراح اكدر أنام .. خاف تطك
دامِس : ما ضبيتيها كلش !
ابيجيل : أي ..
دامِس : تمام .. يلة تعاي صار وقت النوم
ابيجيل : چلبوبتي وين
دامِس : حولت فراشها يم الحر
ابيجيل : انتة !!!!
دامِس : أي أني
ابيجيل : صدككك انتة لزمتة
دامِس : برجلي
ابيجيل : هاا .. عبالي ..
راح ونام بالسرير .. تغطة وفتحلي أيدة وكال ..
دامِس : يلة يلةة تعاي بحضنيي .. يمن اروحلج فدوة بعد روحي
ابيجيل : رحت .. تغطيت وطفيت المبات .. جرني من زندي الحضنة وقبلني ..
مر الوقت بدون أي صوت غير بس صوت انفاسنا ..
خلى أيدي على خصري ..
ضل يتمادى بلمساتة الخصري .. تضايقت حيل وردت اوخرة.. كال بكل هدوء ..
دامِس : تردين تزوجين يامن وأني اوافق ؟
ابيجيل : حبست انفاسي بخوف ..
دامِس : كولي
ابيجيل : صرت خرسة وما كدرت انطق ولا حرف .. خفت أكول أي ! وينفجر .. خاف أكول شي وهم راح ينفجر .. الأنفجار ماكو غيرة !
دامِس : كولي حبيبتي .. أريد افرحلج
ابيجيل : أي !
عدل روحة وصار فوكاي كلش .. رفع أيدي وكال
دامِس : تمام .. أني موافق بس بشرط !
ابيجيل : ضحكت بفرح وكلت ..
- وهوة
دامِس : تصيرين زوجتي بس اليوم .. ولو شنو اسوي ما تصارعيني
ابيجيل : اختفت ابتسامتي من طلبة .. وكلت
- يامن يزعل !
دامِس : ليش يزعل .. ما يزعل لأن هاذ الشي طبيعي
ابيجيل : بس أريد هوة زوجي مو انتة
دامِس : اخخخخ .. شبية أني .. تمام .. بس اليوم تصيرين زوجتي وبعدها تزوجين أنتي ويامن فقط
ابيجيل : والله ازوجة ؟
دامِس : نعم !
ابيجيل : سكتت لحظات ..
دامِس : تصيرين مُلكي بس اليوم
ابيجيل : گلبي يكلي أي .. وعقلي يكلي لا !!
لكن للأسف .. تغلب علية گلبي وكلت ..
ابيجيل : تمام .. بس اليوم
خلى خشمة على رگبتي وكال وهوة يضحك ..
دامِس : اجة اليوم المُنتضر .. اتجازيت على صبري
ابيجيل : تمادة بس وخرتة مني .. لزم أيدي قيدها وكال ..
دامِس : لا تصارعين ..
ابيجيل : ضل يتمادى أكثر وأكثر ..
كل ما أريد ادفعة عني يلزم أيدي وما اكدر اسوي شي ..
تمادى بطريقة مُرعبةةة .. ما بقى على جسمي شي ..
فزيت من عضتة برگبتي .. وكأن صحتني قبل لا اروح بيها ! ..
ضليت ادفعة بس يقيدني أكثر .. ما أعرف شلون بس اجاني شعور أنو هاذ غلط !! وبعد راح اصير زوجتة بس هوة !
حاولت اوخرة لكن فشلت .. جبل حرفياً جبل ..
صرخت بخوف .. قيدني أكثر واحتل الرعُب گلبي ..
صرت ابجي وادفع بي وهوة ولا كأنة ..
بجيت وصرت أصرخ ولعل أحد يجي ينقذني ..
بكل هدوء كال كلمات بأذني .. خلن جسمي يكزبر ..
دامِس : تصيرين حامل بأطفالي .. هههههه وبعد ما تفكرين ولو تفكير أنو تشردين مني ! ...
يتبع ...
للحكاية بقية ..
________________
أدري بارت مو من مستواكم 😔 ..
لكن راح أعوضكم بالبارت الجاي .. راح يكون مليئ بالأحداث القوية .. وأني هاي الأيام ماراح اكدر انشر .. لأن زيارة وعدنا موكب ..
بس ورا الزيارة راح اعوضكم ببارت يخبل 😉 ..
يكون 10000 كلمة ..
ولا تنسون تتابعوني على قنواتي
تلكرام :
JamaraAli
انستكرام :
jamar_aali
وتكدرون تتواصلون وياي واتباد هم 🤍
جداً مهم تتابعوني ..
دمتم سالمين 🤍
استودعتكم الله ✨