اختلاس الكلف

اختِلاس الثامن ⚜️

- اختِلاس الكَلف -
- سجى حسين -

- الثامن ⚜️ -

﷽ .

ليـشہ مكاعد تنشرون القصة ؏ حساباتكم ؟

-

ديرين:- لا عليك الله لتموت والله جنت اشاقه وياك
والله حباب لا تموت اكعد ولك انتَ جنك بغل شلون
تموت بطلقه وحده حباب اكعد والله ما اسوي شي بعد
بس اكعد لا تموت عزه بعيني راح الولد ولكم مات
الحكوني ماكو احد هنا ولك اكعد ابو شوارب حباب
ولله شواربك حلوات بس اكعد لتعوفني اخاف وحدي

- ظليت اهز بي وشكيت البدي مالته اشوف وين
مكان الطلقه باوعت شفت ماكو طلقه لا بطنه
ولا بصدره ماعرف دم منين يطلع شويه وانتبهت
؏ أيده وشفت بيها دم دينزل وصحت

ديرين:- يا يعني الطلقه ما اجتي بيك اله بايدك متموت
لعد الحمدلله عبالي بكلبك بس انتِ عار ميصير بيك شي

- ردت اگوم حتى اجيب وصله اوكف النزيف
وهوَّ لزم ايدي واني فزيت باوعتله

:- ليش شكيتي القميص تردين
تغتصبيني واني مغمي عليه

- باوعت عليَّ ولزمت أيده
ديرين:- لو تبقه اخر واحد ما تدني نفسي عليك
يا ابو ريحه وشگيته اشوف مكان الطلقه وين
وعوفني خل اجيبلك وصله نوكف النزيف واحاول
أطلع الطلقه واعقم الجرح

:- خليني اموت مو تردين اموت حته تنهزمين

- گلبت عيوني !
ديرين:- هيَّ بايدك شتموت لو ثور ينطحك هم جان
ممتت بس للاسف ماكو ثور ينطح وثور مثلك وهسه
عوف ايدي شبيك مضروب طلقه وبيك كل هل حيل

- جريت ايدي بنتر منه وهوَّ يباوع عليه
ويبتسم، واني مشيت وسمعت يحجي بصوت هادئ

:- اذا اموت على ايدج احمد ربي
متت بيدج وبين ايديج وبحضنج

- وكفت متصنمه ما اكدر اندار ولا اكدر احجي
احس روحي نربطت وكلبي يريد يطلع من مكانه
دكاته تنسمع هزيت راسي ومشيت وتجاهلت كلامه

- اخذت مي ومعقم و وصله وركضت اله
شفته كاعد ؏ حيلة ويباوع ؏ جرحه وباوعلي
:- بس شخط مو جرح بَس ينراد خياطه
لا تخافين ماكو بي طلقه بيدي

ديرين:- منو كلك خايفه عليك موت اليكرفك
وخر ايدك خل اعقم الجرح واشده وروح للمستشفى
خل يخيطوا الك وبلكت ينطون دوه بالغلط وتمووت

:- افا هيج تتمنين موتي

ديرين:- يوم عرس عندي إذا تموت
حندخل سنه جديده واني مكابله خلقته

- ظل يضحك وعقمت الجرح بس النزيف مجاي
يوكف وشديت ايدة حيل وشفته كام اخذ التليفون وخابر

:- الو ها اكلج حدزلج عنوان بـ رساله تجين عليَّ
متخلين طير يلي يمشي بالسمة يجي وراج فهمتي
- لالا لتخافين ماكو شي اتصاوبت وجرح سطحي
تعاي خيطي الي - ماشي حدزلج ومثل ما كتلج ماريد
احد يعرف لا ؏ جيتج ولا ؏ يلي راح تشوفي فهمتي

- سد الاتصال وندار عليه
:- فوتي لغرفة ولطلعين منها راح يجي شخص

- عقجت حواجبي
ديرين:- قصدك حبيبتك راح تجي
اداويك عساك بالموت انتِ وياها

:- السانج ضبي لا وحك الله هالمرت
انفذ تهدي واكصه واشمره

- عطت بدون وعي
ديرين: حته اكص

- استوعبت اني شردت احجي راسًا لزمت
حلكي وفتحت عيوني وباوعتله وهوَّ رافع تك
حاجب ومصغر عيونه

:- شتكصين كملي بلي

- عفته وركضت للمطبخ خليت الوصله وألمي ورجعت
لغرفه اركض ولكيته بوجهي رجعت ليورا وفزيت

:- كملي كلامج ليش تحجين كلمتين وطفرين

- بقيت صافنه عليَّ ولساني نربط اني شلون هيج
حجيت عزه بعينج ديرين صخام بعينج طلعت عينج
هسه الولد عباله منحرفه

- بهمس، ديرين:- قصدي اكص راسك
راسك اي راسك اكصه ترا

- باوعلي بشك:- ها راسي يعني مو غير شي متأكده

- بتوتر، ديرين: شنو شنو تقصد وخر عني
ماعرف شنو تقصد اني جنت اقصد راسك

- هز راسه:- ماشي تقصدين
راسي الحلو يله فوتي وسدي الباب

- وخر من يم الغرفه وطبيت وسديت الباب
وكعدت ورا الباب مصدومه استوعب اني شحجيت
عزه بعيني يربي عزه صخام بوجهج بت محمود
ولله لو بابا عايش ويعرف صايره سوالفي هيج اله يموتني

- اخذت نفس ورحت ؏ جرباية كعدت واهز برجلي
صار عندي فضول اعرف منيه يلي راح تجي معقوله
دكتوره يعرفها لو حبيبته لو اخته يلي حجه عنها

- بقيت نص ساعه افتر بالغرفه وكلساع اروح
للباب اتأكد إذا اجتي لو لا ورا دقايق حسيت صوت
شخص ثاني بالبيت رحت يم الباب وسمعتها تنعوص

ملاك:- منو مسوي هيج بيك عزه بعيني
تعال فوت حبيبي خل اشوف الجرح

:- صوتج اسمي لا تذكري هنا
ابد فهمتي اكو شخص بالغرفه

ملاك:- منو بنيه لو ولد وليش هنا
جايبها هذا مو بيت الكرار القديم

:- اسكتي بعدين افهمج تعاي شوفي شغلج

- سمعت صوتها تحجي بمايع وتتنعوص واني
ما تحملت فتحت الباب ؏ كيفي اشوفها منيه

- شفت البنيه طويلة وجسمها عبالك مليكانة ورافعه
شعرها ذيل حصان وشعر اسود فحمي وهيَّ بيضة
معانيها حاده كلش ركزت عليها خلت أيدها ؏ خصره
وهوَّ حضنها من ركبتها ويمشي ايده

ملاك:- تعال اكعد هنا هواي رايح
منك دم خل احاول اخيط الجرح

:- ملاك بسرعه ماعندي وكت
باجر لازم اطلع بـ٥ ويه الولد

ملاك:- حبيبي لشوكت حتضل هيج تخاطر بحياتك
كافي عاد عوف هالشغل وانتبه لروحك وانتبه علينه
لشوكت حتضل هيج مبتعد عني

:- ملاك مو وكتج خيطي انتِ وساكته

- سمعت كلامها ومادري حسيت بشي بصدري
معقوله هاي حبيبته ومادري ليش انقهرت قطعت
افكاري اصحي انتِ شعليج بيهم طبهم طوب هوَّ وحبيبته
الشيطانه ولا انوب اسمها ملاك وجها جنه مال شياطين

- سديت الباب ورحت افتر بالغرفه واسمع صوتهم
:- ؏ كيفج خيطي يوجع

- ظليت الوم نفسي ومن جها اكول يستاهل
ملاك:- حبيبي خلصت الخياط بس لازم
تجيبلك مسكن للألم من صيدلية واني ما لكيت
أحد مفتح فـ ما جبت وياي لانُ حتبقه توجعك

:- اني احلها انتِ كفيتي وفيتي

- رحت يم الباب وفتحته شويه وشفتها مخليه أيدها
؏ صدره وتنزل بيها وتصعدها ورجلها مخليتها ؏
رجله بس شفتهم فتحت عيوني بصدمه

- سمعتها تحجي بصوت ناصي حته لا
اسمع متدري اني عندي اذان فاره

ملاك:- بس تطيب تعال يمي تلكه علاجك
لو نسيتك شلون جنت اعالجك

- باوعلها بعيونه و وخر كذلتها من وجها
:- ما نسيت بس مشغول هسه ومو وكته هالحجي

- مادري ليش هيج حسيت لازم اطلع
الزمها من شعرها وانظف بيها البيت

- فتحت الباب وطلعت رحت يمهم وباوعو عليه
ثنينهم وهيَّ عدلت كعدتها وهوَّ وخر أيده من عليها
وانصدموا لانُ ما توقعت يشوفوني

- تخوصرت، ديرين:- استاذ ما عرفته منو
هالحلوه عيب عليك يجينه ضيوف وما تعرفنه

- ظل يباوع ؏ ملاك يلي تخزر بيه وكصتني من فوك ليجوا:- اني مو كتلج لطلعين من الغرفه ليش تعاندين

ديرين:- والله حبيت اتعرف ؏ صديقتنه
الجديده يجوز شاركني بسكن وتونسني

ملاك:- منين هالحلوة جايبها شكلها مو راحة

- خزرتها
ديرين:- إذا اني شكلي مو راحة فـ انتِ كلج ؏
بعضج مو راحه وجهچ عبالك شيطان وانوب
فوكاها مسميج ملاك اين الملاك بالموضوع يلي
اعرفه الي اسمها ملاك تصير بريئه

- صفنوا عليه ثنينهم ويبلعون ريكهم وكام
هوَّ وكف كبالي ولزم ايدي بتك أيده وصاح

:- امشي للغرفه ديرين لا تخليني ادفنج هنا

- وخرت أيده حيل وصحت
ديرين:- عيع لتلزمني بايدك النكسه هم مجرم
وقاتل وهم صارلك ساعه تتلمس بوحده من أبناء
الشياطين ولو هيَّ طيور ؏ اشكالها تقع وانتِ ابليس
وهيَّ شيطان متراهمين

- حسيت بس بشي حار صار ؏ وجهي ومن قوته
حسيت وجهي انشك نصين، عرفته ضربني ولزمت
خدي اني ودموعي تنزل وخرت شعري وباوعتله
بحقد وهوَّ صاك ؏ جف أيده وعيونه حمُر

- باوعت ؏ ملاك تضحك وتباوع
بشماته واني عطت من بين دموعي
ديرين:- صدكني راح تدفع ثمن كلشي سويته
وثمن هذا راشدي علمود هاي الشيطانة

- رحت للغرفه وسديت الباب وكعدت ورا الباب
وضميت رجلي لصدري وبجيت وسمعت صوت الباب
البره انطبك وخطواته جاية لغرفتي واندك الباب

:- افتحي الباب خل نحجي

- ابجي بحرگه واشهك ولازمه
خدي وبس صوت شهكاتي تطلع

:- كافي تبجين وفتحي الباب خل احجي وياج

- غمضت عيوني وكمت شكو شي
كدامي اشمرة وأصيح بصوت عالي

ديرين:- الله ياخذك ولك اكرهك الله ينتقم منك الله
يعذبك مثل ما جاي تعذبني ولك عوفني ماريد ابقه
يمك عوفني تحملت كلشي منك انوب تضربني علمود
وحده من ساقطـ**ت يا حقيرر يا كوا*

- انهاريت وكعت بالگاع واني أصيح وابجي
ديرين:- عوفني ماريد ابقه يمك ماريد اشوف وجهك روح

- سمعته يحجي بصوت هادئ
:- لو اكدر اعوفج جان عفتج بس
شخص روحة عزيزه ما يكدر يخليها تروح

- سمعت كلامة وانصدمت شنو يقصد قبل شويه
ضربني علمود حبيبته وهسة يحجي هيج شلون ويا
هالمريض يلي الله بلاني بي، بقيت مصدومه بكلامه
ما اعرف شسوي وبلاخير صحت بصوت

ديرين:- عوفني من راحت روحك انشاء الله
واخلص منك يا مجرم روح من خلقتي روح

- سمعت خطواته تبتعد عن الباب وكمت رحت
لجرباية وغطيت روحي و وجهي وبجيت بحركه
وظليت اشهك لما تعبت من البجي ونمت

- فزيت ؏ صوت الباب يندك وصوته اجاني
:- كعدي اكلي يله حتبقين بدون اكل

- فركت عيوني وباوعت ؏ ساعه شفتها بـ١٠
واحس بطني موتتني من الجوع والعطش كمت رفعت
شعري وعدلت ملابسي وفتحت الباب لكيته كدامي

:- كل هالبجي لان ضربتج وعيونج مورمه

- باوعتله بطرف عيني ودفعته بجتفي ورحت للمطبخ
وطلعت اكل شويه وأخذت مي وخليتهن بماعين ودرت
وجهي لكيته واكف بباب المطبخ مهتميت اله اخذت الاكل

:- تعاي اكلي هنا وين رايحه
ديرين:- وخر من خلقتي

- خزرني:- داكلج هنا اكلي لتعاندين

- غمضت عيوني وزفرت نفس
ديرين:- كتلك وخر من خلقتي

- بهدوء:- خلينه نحجي وتعاي هنا
اكعدي ترا اني الخاطفج مو انتِ

- باوعت عليَّ وشمرت الماعين من ايدي
وكلاص المي كلهن تكسرن وعطت بصوت عالي

ديرين:- انتَ مريض بيك انفصام بشخصيه فهمني
شنو سبب خطفك الي وحابسني هنا مثل جلبه وتضرب
بيه وتهيني شتريد مني؟ عوفني اروح بابا ما اريد ابقه
يمك اكرهك تعرف شنو اكرهك كافي الحياة الي جنت
عايشتها وانتَ تريد دمرني أكثر بعد شتريد مني ما اذيتك
بشي ليش تاذيني

- صك ؏ سنونه وعافني بدون ما يحجي اي شي راح
يلم الكزاز من الگاع وهوَّ وجها احمر ما يكصه السيف

ديرين:- اني مداحجي ويه الحايط فهمت داحجي
وياك داكلك عوفني اروح اذا انتَ مو قاتل اهلي
خليني ادور ؏ يلي قتلهم واخذ ثارهم عوفني

- فجاة كام وذب كزاز وباوعلي بعصبيه وبقله صبر
:- انتِ وحدج مراح تكدريلهم انطيني صبر
وكلهم راح يدفعون ثمن غالي حته اختج

- شهگت بَس سمعت اسم اختي
ديرين:- انتَ شدتحجي اختي شعليها
بابا انتَ مريض مو صاحي اكيد

:- كلشي بوقته حلو مو بس انتِ تردين تنتقمين حته اني لانُ اختج إذت اعز الناس عليه وكلشي ولا احد يوصل الها

ديرين:- اختي ما تاذي بشر فهمت واكيد دتححي
عن وحده ساقـ* من ساقـ*ـات وبنات ليل يلي تروحلهم

- راسًا ضربني و وگعت وايدي راحت ؏
كزاز من قوة الضربه وصاح بصوت عالي !

:- إذا تجيبين طاريها ؏ لسانج ادفنج هنا بمكانج
لا تشوفيني اتعامل وياج مثل بشر ترا اراويچ تعامل
غير هذا فهمتي

- عيوني ينزل منها الدموع عشره عشره وأيدي
تحركني بسبب الكزاز يلي دخل بيها وشويه شويه
خرت ايدي من الكزاز وشفت الدم ينزل منها وطلعت
الكزاز من ايدي وكفت ؏ رجلي كدامه وهوَّ ظل يمسح
بوجها ويستغفر ويصيح

:- الف مرا اكلج لا تختبرني صبري شي متعرفي
لا تحجين بي ولا تجيبين طاري احد يخصني بشي عاطل

- اخذ ايدي وكعد يطلع الكزاز الباقي منها
وهوَّ يعيط بعصبيه واني جريت ايدي منه
وباوعلي هوَّ واني راسًا تفلت بوجها

ديرين:- لانك شخص عار تتمادة ؏ بنيه
رهينه عندك بضرب وبأسلوب مال حثاله مثلك

- مسح وجها وحسيت عيونه راح تطلع من وجها ولزمني من شعري حيل وجرني لغرفه وشمرني ؏ جرباية

:- هالمرا راح تشوفين دسيم غير يلي تعرفي
وداعت امي راح اخليج تتمنين الموت وما تلكي
ابقي هنا بدون اكل وشرب مثل الحيوان

- باوعت عليَّ أول مرا يكول اسمه وهوَّ ما منتبها ؏ روحه واني فَرحت لانُ ما جنت اعرف اسمه من قبل وهوَّ ظل يعيط بعصبيه ويهدد ورافع إصبعه عليه ودار ضهرة ومشه

- وصل للباب وصحت عليَّ
ديرين:- دسيم

- وكف بمكانه واندار علية وفاتح عيونه بصدمه !
واني راسًا طفرت وگفت كبالة وعطت

ديرين: دسيم اكرهك

- بعدني من طريقه واني سديت الباب بوجها وقفلته
وكعدت ورا باب لميت رجلي لصدري وكمت ابجي ..

- بقيت بالغرفه ابجي وشديت ايدي بوصله وهوَّ موجود
بالبيت ما طلع وشويه سمعت صوت الباب انفتح ورا شويه
رجع وسمعت صوت باب الغرفه يندك اجاني صوته

دسيم:- افتحي الباب وطلعي زقنبي اريد اطلع

- عصرت ايدي شلون يحجي ونبرته
مال واحد عصبي صحت بصوت

ديرين:- زقنبوت بطنك روح ماريد شي منك المجرم الكافر

- ضرب الباب بقوة
دسيم:- لا تكفريني اطلعي لا اكسر الباب عليج

- ما جاوبته وفجاة اندفر الباب مره ثانيه
ونفتح وفزيت من الجرباية وهوَّ اجه عليَّ

ديرين:- إذا تتقرب اموتك فهمت لا تجي يمي

- وصل يمي وجر ايدي المشدوده واني صحت
ديرين:- عوف ايدي يا مجرم ايدي توجعني عوفهااا

- گام يضمد ايدي وخلص ومشاني للمطبخ وعافني
دسيم:- تزقنبين ماريدج تموتين يمي فهمتي

ديرين:- زقنبوت بطنك كون يشلك بمكانك ما يخليك تتحرك

- اجه يمي رفع أيده واني غطيت وجهي عبالي
حيضربني و وگفت ثواني شفته ما ضربني فتحت عيني
شويه لكيته رافع أيده وسادها حيل ويباوعلي ويخزوني

دسيم:- اكلي لا اسممج بايدي

- درت وجهي وظليت ابجي شفت ايدي كلها دم
وخرت الوصله منها ورحت جبت معقم وكعدت
اعقمها ولفيتها بشاش ورجعت للمطبخ لكيته واكف
لازم تليفونه ويحجي

دسيم:- هسه جايج مسافة الطريق لا تلحين عليَّ جايج داكول

- سد الاتصال واندار عليه وشافني واكفه وباوعلي
ديرين:- روح انشاء الله روحه بلا رده وسيارة
بدون رقم تدعمك الك وألها وتموتون يا كفار

- وگف يباوعلي ورفع حاجبه واجه تقدم علية
وقرب وجها يم آذاني واني الرجفه امتلكتني
وكلبي دكاتة توصل لسابع بيت

- بهدوء، ديسم: شنو تغارين عليَّ
وهيج انقهرتي لانُ حروحلها

- فتحت عيوني بصدمه وطكيتها ضحكة
وهوَّ ظل يباوعلي باستغراب

ديرين:- اني ديرين اغار من هاي وجها شيطان
ولا وعليك ابو شوارب المنتفه يمه انهاريت هاي
من علامات الساعة يمكن ههههههه احلامك واسعه
حته بخيالك لا تفكر اغار ؏ واحد مثلك ابو ريحة

- دفعته بايدي ورحت اخذت الاكل وطلعت
للاستقبال وكعدت اكل وهوَّ اجه فات من يمي

دسيم:- حطلع اني ساعه زمان
وارجع فهمتي لا تلعبين بذيلج

ديرين:- مو ؏ أساس انتَ فاتحلي الباب والعب بذيلي
غير حابسني مثل الحيوان هنا عبالك اني مثلك حيوانه

- مسح وجها وصك ؏ سنونه واستغفر
دسيم:- من ارجع حسابج مو هسه لانُ هسه مستعجل

- عافني وراح وصحت ورا
ديرين:- روح روحه بلا رده

- سمعت الباب انسد حيل وانقفل ورفعت ايدي غميته
ورجعت اكل لانُ ميته جوع واحس روحي مشبعانه

- كملت وكمت غسلت المواعين ورحت للحمام
سبحت وكملت وطلعت رحت للغرفه تمدت وما
قفلتها بس طبكت الباب ونمت

- فزيت ؏ ريحه عطر تارسه المكان ترس !
حسيت اجه يمي ؏ جرباية ماعرف ليش ما
تحركت وبقيت مغمضه ونزل جسمه وصار
يشم بشعري ويلعب بي وسمعت صوت اغنيه هوَّ
مطلعها ماعرف المن هاي الاغنيه اول مرا اسمعها

- ليه بنادي الناس بأسمك
ليه وابقه خايفه اني اخصامك
حاسه اني بقيت باقاسمك
بالهوى الي تعيش علي

- ليه بشوف الكل شكلك
ليه بعيش دائمة مشاكلك
حاسة اني نص شكلي
ونص ثاني شكلك

- حسيت بي يريد يوصلي رساله ؏ يلي صار
بَس غلست وظليت مغمضه وما فتحت عيني
بس كلبي ظل يدك واحسه حيطلع من صدري

- شويه وطفه الاغنيه وباس راسي وكام طلع
وسمعت خطواته تبتعد من غرفتي وكمت مشيت
؏ أطراف اصابيعي وسمعت الاغنية نفسها مشغلها

- باوعت عليَّ من بوگه شفته يدخن ومغمض
عينه حسيت اريد اطلع بس رجلي مانعتني ورجعت
ليورا ورجعت للجرباية غطيت وجهي ونمت ..

- كعدت الصبح ؏ صوت غريب صوت كلب
صغير بالبيت وقريب علية راسًا استجمعت قوتي
وطفرت وفتحت عيوني اباوع بالغرفه وما لكيت شي
نزلت من الجرباية ورحت فتحت الباب لكيت كلب صغير
كدامي واني بس شفته بلعت العافيه

ديرين:- يمه شجابك هنا مكافي عندي كلب واحد
خاطفني انوب انتَ امشي هش هش روح منا

- بس شافني تقدم عليه واني فتحت عيوني
ديرين:- لالا حباب لا تجي يمي وخر ولك وينك
يالمجرم وينك تعالي الحكني دسيم حباب الحكني

- ضليت افتر بالغرفه وهذا يركض وراي
عباله امه يمكن، صعدت ؏ جرباية وشمرت
المخاد عليَّ واصيح

ديرين:- ولك وخر عني اني مو امك هذاك ابوك روحله
هذاك دادي مالتك روحله حبيبي يله شطور روح لدادي

- صعدت راسي باوعت ؏ الباب شفته منتجي
؏ باب ومجتف أيده ويضحك وبس شفته صحت

ديرين:- يا مجرم هذا شجابة هنا طلعه حباب اكره الحيوانات طلعه مكافي عليه حيوان واحد انوب صارو ثنين

- نزل وكعد ؏ نص رجلة وظل يصيح للكلب والجلب
راح ركض اله وظل يلعب برأسه والكلب مندمج ويا
وتمدد بالگاع، واني انعقج وجهي

ديرين:- ايعع يربي وخر ايدك يجوز مريض

- باوع علية وابتسم تك خدت وضحكت
ديرين:- نسيت نسيت انتَ الدادي مالته لانُ ثنينكم من
نفس الصنف اخذ ابنك وطلع من بيت لتلعبون نفسي

دسيم:- خل آخذة وارجعه لامه واجيج أعلمج منو دادي مالته

- مشة وطبكت ايدي وغميته وهوٍّ كف وندار
دسيم:- تغميني مو بسيطة

ديرين:- هم حيوان وهم عندك اربع عيون
يربي من شكولاتك بالاخير تطلع طنطل مو بشر

- دار وجهز وظل يلعب براس الجلب وفتح الباب
وطلع وقفله نزلت من جرباية ورجعت المخاديد
ورتبت الغرفه وبدلت ملابسي وأخذت ملابسي
الغاسلتهن ورجعتهن لكنتور

- لميت شعري وباوعت لوجهي
صايرة صفرة عبالك مومياء

ديرين:- الله ياخذك جنت جني بقلاوة
بس دخلت بحياتي خربت حته وجهي

- درت وجهي وطلعت للمطبخ لكيته جايب اكل
وحلويات وعصاير واكلت وتريكت ورحت كعدت
بالاستقبال انتظرة يرجع

- مرت فتره سمعت الباب نفتحت وعدلت كعدتي وفات هوَّ
دسيم:- هالتردين المقسوم مالتج

- خزرته، ديرين:- انتَ لشوكت حتبقيني يمك بابا
انتَ ما عندك احساس مفيش احساس بدون احساس
اكرهك افهم اكرهك انتَ نفر لزكه ومكروها عوفني
بحالي خلي ارجع لبيت خالي

دسيم:- بيت خالج أصلاً مسائلين عليج مكملين
حياتهم واختج حامل ؏ خير حتصيرين خاله

- كمت من مكاني من الصدمه ورحت
يمه وردفت من بين دموعي عيني

ديرين:- صدك تينا حامل الله يخليك أخذني اشوفها والله
ما احجي شي وارجع وياك بس خل اشوفها واصلا اني
ما عندي مكان اروحله وانتِ كلت بيت خالي مجاي يدورون عليه واختي ما اكعد يمها بس أخذني اشوفها وارجع وياك والله

دسيم:- ترا اني خاطفج مو مكعدج بفندق خمس نجوم تتأمرين عليه ومكافي جاي اعلف عليج واصرف عليج بدون مقابل ؟

- خزرته، ديرين:- محد كلك اخطفني فهمتت طبك
طوب وغصبا عليك تصرف علية مدام اني يمك وانتَ
خاطفني تصرف عليَّ وحلكك ما تفتحه

دسيم:- ها حلو هيج الحجي صار هيج إذا
تردين اسد حلكي ليش مسدي الي بطريقتج

- ابتسمت بخباثة، ديرين:- تريد جرب طريقتي

- نزل جتفه وقرب رأسه علية
دسيم:- اي خل نجرب

- لزمت من جتفه وضربته بركبي بنص رجله
ودفعته وطفرت وهوٍّ كام يصيح بصمت واني رحت
للغرفه سديت الباب وبقيت مخليه راسي ؏ باب اريد
اسمع صوته ماكو بالاخير صاح بصوت يخوف

دسيم:- ولج اليوم انـ* خالتج يا بت الساقـ*

- حطيت ايدي ؏ حلگي وشهگ
ديرين:- ادبسز ارعن امداك وامده الفاظك السوقيه
يا مجرم مو ردت اسد حلكك هاك سديتلك حلكك وبعد
لا تجرب تتقرب علية يا خايس
‏
- سمعت صوته يفشر واحس بي يكمز واني اضحك واصيح ديرين:- شبيك تكمز مثل طير المذبوح

- سمعت صوت خطواته اجت يم الباب وظل يضرب بالباب
دسيم:- افتحي الباب لا افلشه عليج

ديرين:- اوي خوفتني دروح بابا هوَّ انتَ فارغ
بضربة خليتك تصير مثل الطير يلي ينذبح

- سمعت صوت خطواته تبعدت عرفت بي راح
وحسيت انقهرت عليَّ لانُ هالمرا ضربته اقوة من قبل

- ظليت كاعده وهوَّ صوته اختفه وشويه ورحت
يم الباب البيت هادئ ؟ معقول طلع فتحت الباب ؏
كيفي ورحت لكيته نايم ؏ تخم ومخلي أيده ؏ عيونه

- رحت يمه بهدوء
ديرين:- دسيم نايم

دسيم:- شلون عرفتي اسمي

- فزيت من مكاني
ديرين:- يمه الزهرة شبيك مسوي روحك نايم وانتَ كاعد

- مهتم لكلامي ورجع عاد سؤاله
دسيم:- منين عرفتي اسمي

ديرين:- انتَ كلتة ذاك اليوم بالغرفه بدون ما تنتبها
- هز راسه، دسيم:- ماشي

- فركت اصابيع ايدي بقهر
ديرين:- اذيتك اني اسفه

دسيم:- لو كل العالم مثل اذيتج جان كلبي مرتاح

ديرين:- دسيم عادي اكعد احجي وياك

دسيم:- اكعدي ماعندج غيري تحاجي

- كعدت يمه وهوَّ ظل مخلي أيده ؏ عينه
ونايم واني تربعت كدامه وهوَّ نايم ؏ تخم

ديرين:- ديسم انتَ ليش مجرم مو كتلي عندك
اخت شلون تقبل تشتغل وتقتل الناس

- بملل، دسيم:- اني مو مجرم واختي
تعرف بشغلي لانُ مو اجرام

ديرين:- زين إذا انتَ مو مجرم كولي منو يلي
قتل اهلي ببرود وخليني انتقم منهم واخلي اهلي
يرتاحون بكبرهم وتطفى نار كَلبي

دسيم:- متكدرين الهم وحدج ناس خطرين مثل ما قتلو
اهلج يمحوج واني ما راح اسمح لهالشي يصير

- انصدمت من كلامه وخوفه عليه
ديرين:- ليش تريد تحميني وتخاف عليه

دسبم:- لان كل انسان يحمي روحة

ديرين:- يعني اني روحك

- وخر ايده من عيونه وخزرني
دسيم:- مكافي اسئلة

ديرين:- دسيم انتَ تحبني

دسيم:- مو نوعي انتِ لتخافين ما احبج جنج جبار مو بنيه

ديرين:- مداشاقه ماكو واحد يحمي
شخص هيج بدون سبب ليش تريد تحميني

دسيم:- خسرت هواي ناس بحياتي
واخاف من فكرة انو اخسرج

ديرين:- منو خسرت احجيلي عن حياتك
اهلك وين وين عايش انتَ اختك منيه

دسيم:- خسرت اعز ناسي ولكيت روحهم
بيج ومراح ارجع آخسرج مثل ما خسرتهم

- ضغطت ؏ كلامي بتوتر
ديرين:- بس ديسم اني ما احبك وبس
الكه طريقه منا راح انهزم وما اشوفك بعد

دسيم:- متعرفين القدر شكاتب النه ولتخافين اني هم ما احبج

- بدون وعي، ديرين:- تحب ملاك انتَ

- رجع وخر أيده من عيونه وباوعلي وكام
كعد ؏ حيلة وظل يباوعلي وردف بصوت هادئ

دسيم:- إذا اكلج اي مراح ضوجين

- حسيت كلامه مثل الصاقعه يلي دخلت بكلبي اول مرا احس هالشعور باوعت عليَّ وابتسمت وردفت بصوت هادئ

ديرين:- لا ما اضوج لانُ بس الي يحب يغار ؏ شخص
يحب واني ما احبك لانُ كلبي ما اختارك ولا نبض الك

- صغر عيونه؟ دسيم:- متأكده كلبج ما نبض الي

ديرين:- اي متأكده

- بالحظة وحده خلة أيده ورا ركبتي وجرني الة
وصارت شفتي ؏ شفايفه وظل يبوس بيهن مثل
شخص العصبيه يلي يفرغ غضبه بشي !

- نار صارت ؏ شفايفي اول مرا اجرب هالشعور بقيت
مصدومه ما انطين ردت فعل و ما اكدر اتحرك احس
كلبي دكاته توصل لاذني اريد ارفع ايدي ادفعه ما كدرت

- شويه وحسيت ؏ روحي ورفعت ايدي ودفعته
ومسحت حلكي وضربته حيل بكل قوتي وكمت
وكفت وابعدت عنه

- خزرني وعيونه انگلبت حمُر دم وكَلبي
رجف من منظره وتقدم علية واني عطت

ديرين:- الله ياخذك يا حيوان ليش هيج سويت ليش

- ظل مصدوم من رد فعلي واني هم انصدمت لانُ
ضربته وما اعرف شلون ضربته ما حسيت ؏ روحي

- ظل يتقدم علية واني ابتعدت عنه وهوَّ يتقرب لحد
ما انضربت بالحايط وهوَّ تقرب وهمس بآذاني بحده!

دسيم:- هاي ايدج يلي مديتيها علية هسه راح
اكسرها الج كدام عينچ واخليج تلوبين من الوجع
وتصيحين بس حتى اعوفج

- ظليت واكفه وبس ابجي وكل كلمه تطلع منه
بنبره صوت حاده وتدخل سجين بكلبي وجهي
صار اصفر ورجفه بايدي، دفعته حيل وعطت

ديرين:- انتَ ليش تستغل تعاطفي وياك كلمرا اكول
انتَ بشر واحاول اتأقلم ويه وضعك تخليني اتندم منو
كلك تبوسني تعرفني اقرف منك وكايتلك لو تبقه اخر
شخص ما اتقرب عليك ليش تتقرب علية غصب عني

- باوعلي بعدم الاهميه ؟
دسيم:- راح اخليج تتمنين الموت صدكيني ؏ السويتي
وع كل كلمه طلعت منج من اليوم يلي جبتج بي لحد هسه

- عطت بي
ديرين:- موتني اقتلي وخلصني الموت اهون من
انو اعيش ويه واحد مقرف مثلك اني دتشوف الموت
يوميه يمك وما الكا موتني واخلص وخلصني شتريد
مني عذاب وعذبتني شتريد بعد

- صك ؏ سنونه وظل يباوعلي بعيونه الحمُر
ودار ضهره وطلع سمعت قفل الباب

- كعدت بالگاع ولميت رجلي لصدري وظليت
ابجي هواي وبحركه واحس روحي تنشاغ من
التعب والبجي مسحت دموعي وكمت اباوع بالبيت
لعلى الكه شي يكدر يخليني اطلع

- ما لكيت شي رحت لغرفه وخرت البرده ولكيت
شباك صغير فوك مسدود وجريت الميز الخشب الي
بالغرفه وصعدت حاولت افتحه ما نفتح جان كله كزاز
ومشبج نزلت من الميز رحت ادور شي اكسر بي جام
لكيت شي مثل البوري يم المغسله مال حمام أخذته ورحت

- صعدت ؏ ميز كسرت الجام وكله تكسر وكع
عليه وبالكاع ودنكت راسي حته لا اتاذه وگمت
نكتت روحي منه وبقه الشبج مال حديد لازم اجيب
سجينه اقطعهن لان خفيفات هنه مثل السيم مال ماعين الخفيف

- رحت للمطبخ دورت ما لكيت رجعت للغرفه
وظلت افكر لما شفت الكزاز اخذت اكبر كزازه
ولفيت ايدي بوصله حته لا انجرح وظليت امشي
بيها ؏ سيم اخذ مني وقت تقريبا نص ساعه واني
كلساع اخاف يجي بلاخير نزلت قفلت باب غرفتي
ورجعت اسوي بسيم وأخيراً نشلع وخليت وصله ؏
ايدي وجريته حيل وشمرته برا ونشلع كله

- لزمت أطراف الشباك بي حديد وصعدت رجلي اول
شي وطلعت نص من رجلي وانوب طلعت جسمي وظليت
كاعده ؏ حايط وباوعت المسافه جبيره بين الشباك والگاع
بس ما عندي غير حل كلت بسم لله وطفرت .

- وكعت واحس جسمي تكسر ورجلي نلوت وأيدي
نجرحت من كزاز وشديت ايدي بالوصله يلي جانت
بايدي وحاولت امشي ؏ كيفي لانُ رجلي انلوت

- باوعت المكان فارغ حته الشارع العام ماكو ظليت
امشي بنص ساعه وكلساع اباوع اخاف يجي احد

- شويه وكعدت بمكان واخذ نفس وصلت لشارع
بي بيوت بيها عالم ورحت دگيت كم بيت محد فتحلي
بلاخير شفت بيت ودكيت الباب حيل واجاني صوت
خلاني ادمع واخذ نفس بقهر وخوف ...

-
تينا

:- اختج هسه بين أيدي ومن وراج انتَ ورجلج
واختج راح تدفع ثمن عمايلكم انتظروني

- فتحت عيوني بصدمه وجسمي صار يرجف
وبطني صارت تاجعني ؟ شنو يعني ديرين
يمة شنو عمايلي اني وزوجي شيقصد ..

- ذبيت التلفون وكمت اتمشى حته بلكت الالم
بطني يروح، ظليت امشي وشويه وخف الالم
وشربت مي وغسلت وجهي وظليت افكر برساله

- جبت التليفون واتصلت ؏ عُدي ما يجاوب
وظليت افتر بالبيت ولازمه التليفون وأقره برساله

- ماعرف شسوي ما فهمت كلشي منتظرة
عُدي يرجع من الشغل واراوي المحادثه

- بقيت افتر بالبيت ومرَ فتره وسمعت صوت
الباب انفتح رحت شفته عُدي وحضنته وحضني

عُدي:- شكو حبيبتي بدت هرمونات الحمل
تينا:- عُدي تعال اكعد اريد اراويك شي ضروري

- قج حواجبه، عُدي:- شكو حبيبتي شصاير
تينا:- تعال هسه افهمك

- كعد ورحت للغرفه جبت تليفوني واجيت كعدت يمه
فتحت التليفون وراويته المسج وقرأ وباوع عليه وتوتر
وظل يمسح بوجها

عُدي:- شوكت دزولج هذا مسج
تينا:- اليوم الصبح ورا ما طلعت بساعه

عُدي:- سيمكرتج تغيري وهذا تكسري
فهمتي والبيت مطلعين منه اله اني وياج

- فتحت عيني مصدومه
تينا:- ليش عُدي شكو صاير وذول
منو يعني وشيردون منك ومني

- خزرني وضغط ؏ ايده
عُدي:- لا تلحين وكتلج لا طلعين من البيت
فهمتي وتغيرين السيمكرت اني حجيبلج واحد

تينا:- من حقي اعرف شنو اظل عايشه برعب
وهيج اتهرب من الناس ماعرف شيردون من عدنه

- عاط بصوت
عُدي:- لا تلحين كتلج بعدين افهمج
وكلشي كلته تسوي بالحرف الواحد

- عافني وراح لغرفه واخذ ملابس وطب للحمام
وبقه التليفونه ؏ ميز وباوعت عليَّ وترددت اخذه
بَس بسرعه مديت ايدي وفتحته ودخلت ؏ مكالمات
و٣ مكالمات صادرة من وحده اسمها " نسرين "

- فتت ؏ رقمها سجلته بتليفوني وفجاة حسيت
شخص واكف وراي درت وجهي شفته هوَّ راسًا
شمرت التليفون من ايدي وكفت وهوَّ الغضب طالعه
من عينه وجها نار اجه تقدم عليَّ وعاط بكلمتين

تينا:- عُدي بس خل افهمك

- ماحسيت غير ضربني وكعت ؏ تخم واحس
وجهي صار بي نار من الضربة وانصدمت اول
مرا عُدي يضربني باوعتله اني ودموعي تنزل
وجرني من شعري

عُدي:- انتِ ما توبين تردين يعني اموتج
بايدي حته توبين من هاي سوالفج ؟

- بوجع، تينا:- عُدي شعري وخر ايدك عُدي شبيك اني تينا

- هز بيه وعاط، عُدي:- والله انعل ابوج لابو

- شمرني ؏ تخم وگام يضرب بيه ضرب مو طبيعي
بطريقه وحشيه يضربني وتذكرت ضرب خالي الي
وتذكرت كلام ديرين معقوله هذا عُدي يلي اعرفه

- عافني وگام يكسر بالغراض ويفشر
ويغلط واني بالگاع متمددت من الالم

- ورا شوي اخذ التليفونه وطلع واني بقيت بالبيت
ومتمدده بالگاع وحسيت شي دينزل بين رجلية! كمت
ونزلت راسي شفت دم وبطني صارت توجعني ..

- صحت بصوت عالي
تينا:- لا ابني لا ياربي

- كمت ؏ حيلي اني ولازمه بطني ودورت ؏
تليفوني ما لگيته عرفت ماخذه عُدي ويا ما اكدر
اتصل عليَّ

- تمشيت گوه وفتحت باب الشقه وطلعت دكيت
؏ باب الجوارين واني احس مصارين بطني تتكطع

- شويه وفتحت الباب وشافتني كوة واكفه
تينا:- الله يخليج أخذيني للمستشفى ابني راح يروح الله يخليج

:- يا يمه شبيج خيه اصبري خل اجيب السويج واجيج

- بدموع وجع، تينا:- بسرعه الله يخليج

- راحت بسرعه جابت السويج واني سندت عليها
ونزلنه من المصعد وصعدتني بسيارتها وراحت
لاقرب مستشفى

- اول ما دخلنا لاگوني الممرضين وخلوني ؏
كرسي واخذوني ويمشون والمرة وياي تمشي

:- اهدي لا تخافين ماكو شي انشاء الله
اني هم جانت تصير وياي هالشغلات

تينا:- الله يخليكم ابني ماريد اخسره الله يخليكم

- بقيت احجي وما اكدر افتح عيوني حسيتهن
ثكيلات شويه وحسيت نشلت من الكرسي وحطوني
؏ جرباية وصار ضوء ابيض وبعدها ما حسيت ؏ شي

- فزيت واحاولت افتح عيني ما اكدر احسهن
ثكال واحس جسمي كله خدران ما اكدر اتحرك وبلكوه
فتحت عيوني شويه شويه ولكيت عُدي فوك راسي كاعد

- بس شافني فتحت عيني كام وكف وصاح الدكتور
واجه عُدي يمي والدكاتره طبو ثنينهم والدكتور ظل
يفحص بيه ويلزم بطني ويباوع ؏ نبض

:- لا تخافون الام و الطفل بخير لحكتو عليها بالوقت
المناسب لانُ صار عدها نزيف وانطيناها مثبتتات
وحاولنه نوكفه قبل ما يصير عدها اجهاض بس لازم
تبتعد عن كل توتر والقلق ولازم تاخذ فيتأمينات خاصه
يلي مثل وضعها لانُ أقل شي لا سامح الله يمكن يصير
عدها مثل هالحاله مرا ثانيه حكتبلكم كم علاج تجيبو
وتستمر عليَّ ولازم تستمر ؏ مثبتات لما يثبت حلمها
وبعدها باول شهرين هيَّ

- هز رأسه عُدي وبدون ميحجي شي واخذ راجيته
من الدكتور واجه كعد يمي ويباوع عليَّ ما حجه
شي بَس لزم ايدي واني راسًا وخرت ايدي منه

تينا:- امشي اطلع منا ماريد اشوفك
عُدي:- تينا لتسوين هيج والله العظيم مو قصدي أذيج

- عطت بصوت، تينا:- روح منا داكلك لتخليني أصيح

عُدي:- ماشي حطلع اروح اجيب الادويه
واجي تردين اجيبلج شي وياي

- خزرته، تينا:- بس روح ماريد شي منك بعد

- نزل رأسه بندم وطلع واني بقيت بالغرفه ابجي
اتذكر ضرباته الي واتذكر كلامه قبل زواج شلون جان بس يتمنى نزوج ومن زوجته مجان اكو فرق بينه وبين خوالي

- لزمت بطني وظليت احچي ويا نفسي
تينا:- ماما حبيبي لتعوفني انتِ ابقه قوي اريدك
تجي وتصير الي سند وتحميني اريدك تكبر وتجي
؏ هالدنيا وتفرحني بيك

- غمضت عيوني وحاولت انام وفزيت ؏
صوت الباب انفتح وباوعت لكينها جوارينه اجتي تبتسم

:- حبيبتي الحمدلله ؏ سلامتج يارب مابيج غير عافيه

- ابتسمت بوجها
تينا:- الله يعافيج لو ما انتِ ما اعرف شسوي جان ابني
هسة رايح كلش اشكرج ماعرف شلون اردلج جميلج

:- لتحجين هيج خية حق جار ؏ جارة اكيد لو اني
بمكانج هم جان سويتي هيج واني حرجع للبيت لانُ
زوجج هنا وزوجي خابره واجه إذا تحتاجين اي شي
رقم زوجي يم زوجج بس يتصل عليَّ

- هزيت براسي
تينا:- تعبتج وياي وكلش اشكرج مرت ثانيه ؏ وكفتج وياي

- ابتسمتلي ولزمت ايدي وراحت وغمضت عيني
ولزمت بطني ونمت ورا فتره فزيت ؏ صوت الباب
انفتح شفته عُدي جايب اكل ويا وادويه

عُدي:- يله اكلي حته تأخذين دوه
تينا:- ماريد مجوعانه

عُدي:- انتِ هسه بروح لازم تأكلين مو بس
علمودج علمود الطفل هم لبطنج يريد يتغذة

تينا:- لو خايف ؏ طفل مجان سويت سوايتك وجان
هسه اني خاسرة طفلي بسببك لو ما المرة وكفت وياي

عُدي:- لتحسسني اني المذنب الوحيد انتِ هم
جفصين بطني محذرج الف مرا ما سوين شي يضوجني

تينا:- اطلع برا عُدي وصيح الممرضه تساعدني ماريد اشوفك

- فرك وجها
عُدي:- حطلع بس اهمشي تأكلين حصيلج الممرضة تساعدج

- طلع برا واجتي الممرضه ساعدتني بالاكل
وأخذت الادوية وشافت الوضع
:- تكدرين تخرجين اليوم بس ينرادلج
راحة لانُ بعده خطر ؏ طفل

- هزيت راسي وهيَّ شالت الاكل واني نمت
شويه وحسيت الباب انفتح واجه عُدي صار
يحجي ويا الممرضه وفحصتني اخر مرا وشالت
المغذي وساعدتني انزل من جرباية

عُدي:- خل اساعدج تمشين
تينا:- مابيه شي عوفني اكدر امشي وحدي

- باوعتلي الممرضه وحسيت نظراتها غريبه
تينا:- لا تعب روحك حبيبي يوم تعبت انتَ اني اكدر امشي

- باوعلي عُدي وباوع للمرضه واجه لزمني من ايدي ومشينه
تينا:- لا عبالك حنسى السويته

عُدي:- اني اخليج تنسين وعد ما أعيدها بعد
بس لا تخليني افقد اعصابي وتشكين بيه ودورين وراي

- سكتت وهوَّ ظل لازمني لما وصلنا لسيارة
وصعدنه بسياره ورحنه للبيت ..

- مرت الايام اني وعُدي ما نحجي ويجي
يطمان عليه لو يطلع لو ينام وبين يوم ويوم يجي
واني زادت شكوكي وميقبل اخذ التليفون ولا يخليني
اطلع برا وحدي ومحبوسه بالبيت بين أربع حياطين

- وضعي استقر الحمدلله وصحتي تمام وجاي
اخذ العلاج ؏ وقته ودائما جوارينه تجي يمي
وساعدني وتشوف وضعي

- مرّ شهرين ؏ اختفاء ديرين ولا خوالي كدروا
يوصلون الها ولا عُدي كدر يعرف خبر عليها واني
بالي يمها شلون عايشه وين وضعها زين وبقيت افكر
بيها طول الوقت

- كاعده ؏ تلفزيون وفزيت ؏ صوت
الباب وفات عُدي وصاح

عُدي:- تينا تعاي ساعديني

- رحت تقربت عليَّ وبي ريحة غريبة اول مرا اشمها وما يمشي عدل وعيونه كوه فاتحهن بهالحظه عرفت بي شارب

- شهگت بخوف، تينا:- عُدي انتَ تشرب
- بثگل، عُدي:- انتِ منو وين نسر

- ديحجي وسكت باوعلي وضحك
عُدي:- ها انتَ بنت محمود تينا اي اي عرفتج

تينا:- عُدي روح اسبح ريحتك واصله لآخر
الشارع روح اسبح وصحصح بين ما اسويلك كهوه

عُدي:- لا ما اسبح انتِ سبحيني يحلوة

تينا:- عُدي شبيكك اصحى شنو هالحجي مالتك

- ضحك، عُدي:- اي سبحيني شبيج انتِ مو حبيبتي

تينا:- عُدي اني مرتك ترا شبيك اصحى

- أخذته من أيده ومشيت بي وبالگوه اخذته
للحمام ورشيت عليَّ مي بارد وهوَّ مديصحى ابد

- طلعته ونشفته وغيرتله ملابسه ومشيته خليته ينتجي عليه ومشيته للجرباية اول ما وصلنه وكع ؏ جرباية ونام

تينا:- الله ياخذني شمسوي بروحك
متكلي اول وتالي انتَ تشرب شبيك متكلي

- ظل يحجي كلامه ممفهوم وقربت آذاني يمه
عُدي:- نسرين الجهال لا يجون

- فتحت عيني بصدمه ذكرت اسم نسرين نفسه يلي
جان بالرقم بس منيه هيَّ وشنو جهال لا يجون ؟

- عفته وطلعت احس مغص صار بطني يروح
ويجي ورحت اخذت ادويتي وظليت افتر بالبيت
وافكر منو نسرين وشنو يقصد جهال

- بدون ما احس ؏ نفسي كمت ارجف وكلبي كام يوجعني
احس اكو شي احس ضام عليه بَس شنو مداعرف شنو هوَّ

- رحت لكيته نايم ورحت اخذت التليفون بدون ميحس
حاولت افتحه لكيته مغير الرمز عصرت التليفون بيدي
وذبيته ؏ جرباية ورحت اخذت غطى ومخده وطلعت
نمت بالغرفه الثانيه يلي جانت ديرين تنام بيها

- نمت وما حسيت ؏ شي لانُ ما ردت اقلق علمود صحت الطفل وصحتي كلت باجر يكعد واخلي يفهمني كلشي ..

- صار الصبح وفزيت ؏ فتحه الباب وفات
شافني نايمه واني فزيت من دخل ورفعت راسي

عُدي:- شعندج نايمه هنا منمتي يمي
والبارحه شلون وصلت للبيت اني ماذكره كلشي

- كمت من الفراش رحت وكفت يمه
تينا:- حقك متذكر إذا انتَ جاي سكران
تالي ليل وانتَ من شوكت تشرب

عُدي:- ما شارب قبل بس الولد اصرو عليه
نسهر وخلوني اشرب ويمكن كثرت بالشرب

- عافني وراح واني رحت ورا للمطبخ
شفته يسوي كهوه واجيت وگفت ورا

تينا:- عُدي
عُدي:- ها عيوني

تينا:- منيه نسرين

- ودگع الكلاص من أيده وفز وباوعلي
وهوَّ راسًا عرك وتوتر وظل يفرك بايده
واني واكفه كبالة واباوع عليَّ منتظرة منه جواب

تينا:- سمعتني منيه نسرين؟

- گام يفرك بايده وعينه تجي بعيني ويوخرها
ويباوع منا ومنا ودار ضهره وعاط بصوت

عُدي:- ليش سألين هواي انتِ

تينا:- ترا الف مرا شفتها تتصل عليك واسمها
بتليفونك وتصيح باسمها وتحجي بيها انتَ وسكران

- دار وجها وباوع علية وفاتح عينه بصدمه
وصك ؏ جف أيده وسد سنونه وگز ؏ سنونه !

عُدي:- الف مرا كتلج لا تشكين بيه
فهمتي اني مو طفل توكفيلي ؏ غلطه

- عطت بقهر، تينا:- واني مو حيوانه هنا عايفني
وانتَ الله يعلم شدسوي من وراي وشتريت بيت وما
اخذتني نعيش بي ومن اليوم الراحت ديرين والمحلات
اجارهن مديجيني وتكلي جاي اصرفه ؏ البيت لانُ
شغلك ميكفي بس اني مداشوف اي تصرف وهاي
الشقه اجارها قليل وتجار المحلات هواي وانتَ مبقينه
هنا واحنه عدنه بيت مشتري ليش يعني عُدي أنتَ
شدسوي من وراي احجي

- ظل يباوعلي باستغراب وتقدم عليَّ وما حسيت
بسب شي صار حار ؏ وجهي وضربني بكل قوتة

عُدي:- باعي اتحملت شكوكج كلها بس لهنا وكافي
ابوج ذلني من اجيت اخطبج واختج هم ذبت عليه تهايم وانتِ شكين بيه كلما اكول ما امد ايدي عليها تجبريني أسويها

- رفعت وجهي وباوعتله واني دموعي تنزل
برجفه، تينا:- ما توقعت تطلع هيج توقعت راح
تصوني وتحميني بس حالك من حال خوالي انتَ
شنو الفرق بينك وبينهم ثنينكم عيشوتوني بذل

- گام يكسر ويفشر ويغلط
عُدي:- لج شسويلج كلشي تريدي داجيبه الج
شسويلج بعد ما منقصج شي وانتِ ليش دوسين
بطني انتِ ليش تجبريني أذيج

- سكتت ما اعرف شحجي ويا اول مرا اشوفه
هيج منهار وعصبي ردفت بكلمه وكفت كل
عصبيته وظل يباوعلي

تينا:- عُدي طلكني

- صافن عليَّ ويضحك باستهزاء وتقدم عليه
وخله إصبعه ؏ راسي ويدك بي ويعيط

عُدي:- شكله الحمل اخذ عقلج
لو يطلع نخله براسج ما اطلكج فهمتي

- صحت بوجها
تينا:- عُدي اكرهك فهمت كرهتك بكد ما حبيتك
عُدي انتَ مو نفسك الي عرفته انتَ تغيرتت

- لزمت بطني وحسيت بيها مغص قوي
واني دخلت بشهر ثالث وبعده الجنين مثابت
وهوَّ راسًا ركض واجاني لزمني

عُدي:- اهدي مو زين ؏ طفل اهدي
هسه نكعد ونحجي بكلشي

- عطت بوجها بصوت عالي
تينا:- عوفني شنو منتظر اشوفك تخوني كدام
عيني واسكت لك بارحه انتَ وسكران عبالك
اني نسرين وانييي مرتك ما عرفتني

عُدي:- أنتِ كلتي سكران يعني شمعرفني شحجي افتهمي

- باوعتله بقهر !
تينا:- عُدي أطلعه ماريد اشوفك الله يخليك
روح ماريد اشوفك هسه روح

- عافني وراح واخذ سويج والتليفون وطلع
وسد الباب حيل واني كعدت بالمطبخ بالكاع
وابجي ولازمه بطني وتذكرت كلام بابا

تبنا:- اوف يا بابا لو سامعه كلامك وين وصلت
حالتي لو جنت اعرف شعورك جان هوَّ صحيح
مجان سويت هالشي سامحني بابا ذبيت روحي
بتهلكه بأيدي عبالي الحب يتغلب ؏ المشاكل

- ظليت ابجي واشهك اهل ولازمه بطني وشويه وكمت غسلت واكلت وأخذت دوه ورحت للغرفه طفيت الضوء ونمت

- فزيت ؏ صوته فتح الباب وذبة الملابس وحسيت
بي اخذ ملابس وراح يسبح وعاف التليفونه بالغرفه واني
ما اهتمت ورجعت نمت ورا شويه سمعت التليفونه يدك
وهوَّ مخلي سايلنت، ضغطت ؏ نفسي وكمت اشوف منو

- لكيت المتصل نسرين و٤ مكالمات فائته
فتحت الخط واجاني صوتها

نسرين:- الوو وينك انتَ مو صارلي
ساعه اتصل عليك شوكت راح تجي

- انصدمت وكع التليفون من ايدي !
شنو شوكت تجي شنو وينك

- اخذت نفس ونزلت جبت التليفون اني وايدي
ترجف وأخذته بسرعه واجاني صوتها مره ثانيه

نسرين:- الو عُدي وينك تسمعني

- بصوت يرجف، تينا:- الو منو

- فجاة انجر التليفون من ايدي وانسد الاتصال
درت وجهي لكيت عُدي بوجهي وعيونه حمُر
وضاب ع أيده وتقدم علية و...

يـتـبـع ⚜️.
5760 كلمة

- ماكو تفاعل جدددد ليـشہ هيج هاي اخير
اسبوع انزل بين يوم ويوم او يوميه

- شتتوقعون ديرين شيصير بيها

- نهاية تينا و عُدي شنو ومصير اطفالهم شنو

- قـنـاة الَـ تـلـيـگـرام :
https://t.me/saja_husseiin
👇🏻.

- يوزر انـستـا : saja_husseiin

﴿ وَاذْكُر ربك إِذَا نَسِيتَ﴾
- سُبحان الله
- الحمدلله
- الله أكبّر
- أستغفر الله
- لا اله الا الله