Make-up
Suot ang akong knitted black top ug color white nga short, ninaog ko ug naabtan si Janvier sa sala nga naglingkod samtang nag cellphone. Mitindog siya pagkita sa akoa human gibutang sa iyahang bulsa ang cellphone.
"Rhean, iapil nalang pud sa inyong grocery ang ubang kinahanglan nato diri sa balay," sulti ni Tita Rose nga naa sa kusina.
"Okay, Tita."
"Pag amping mo."
"Diri sa mi, Ma." Niuna na'g baklay si Janvier pagawas og nisunod ko.
Kay sabado man, gi expect na jud nako ang traffic sa dalan bisan alas nuebe pa lang sa buntag. Actually, bisan gani'g weekdays naa gihapo'y traffic maong kinahanglan namo magsayo og gikan para dili ma late sa school.
Gilingi nako si Janvier ug nakita nga bored kaayo siyang gahulat sa coutdown samtang gatapiktapik niya iyang mga tudlo sa manobela.
"Unsa'y mga kinahanglanon ninyo unya? Ato daang ilista aron dire-diretso na ta," sulti nako human giopen ang notes app sa akong cellphone ug niatubang niya.
"Foods. Drinks. I'm not sure. Depende kung unsa akong makita unya." Lingi niya sa akoa.
"Okay." Tarong nako'g lingkod.
Wala ko naanad nga mag grocery nga wala'y dalang listahan kay naay tendency nga naa ko'y makalimtan. Maong as much as possible kung ingnan ko ni Tita mag grocery, naga lista jud daan ko ana. Expect karon nga nikalit ra siya'g ingon nga apilon among ubang mga kinahanglan sa balay. Well, dili ra man pud lisod kay kabalo naman kos ubang stocks nga nangahurot.
Nidiretso mi'g supermarket pagsulod namo sa mall. Gipasagdahan nako siya nga manguha'g push cart ug nidiretso ko sa mga laundry station kay sabon ang una nakong nahunahunaon nga gamay nalang tong naa sa balay.
Nagkuha ko'g isa ka dako nga powder sa Ariel ug gipaapilan sad nako'g downy. Nilingi ko sa akong palibot para tan-awon kung nisunod ba si Janvier pero wala siya. Ambot og asa ra kaha to niadto. Basin og gipangita sab niya ilang mga kinahanglanon kauban iyang mg barkada.
"Uy, Rhean!"
Mingisi ko pagkita nako kay Alfred. Nitan-aw siya sa akong gibitbit nga mga sabon usa siya miduol.
"Diri sa na ibutang imong gibitbit," sulti niya human gitunol sa akoa iyahang grocery basket.
"Ay, hala. Okay ra Alfred." Paglingo-lingo nako.
Okay ra man gud ko magbitbit kay gamay ra mani. Isa pa, ibutang man pud nako ni unya sa among push cart once makit-an nako si Janvier.
"Okay lang, Rhean. Wala pa man sad ko'y gipalit. Besides, naa pa man sa'y isa ka basket." Tudlo niya sa unahan namo nga naa'y basket sa ubos ng wa'y sulod.
Gi-insist jud niya nga ibutang didto akong mga gibitbit. So, wala nalang ko'y nahimo kundi ibutang didto. Maayo hinoon pud kay basin naa pako'y maagian nga mga kinahanglanon pa namo sa balay, pwede ra nako mapuno diri.
"Thank you, Alfred." Ngisi nako.
"Niks! Ganina rako sige'g pangita nimo." Nitan-aw ko sa likod ni Alfred pagdungog sa tingog ni Janvier.
Mikun-ot iyang agtang pagtan-aw sa lalaki nga akong kaatbang. Nitan-aw pud si Alfred pagtapad ni Janvier sa akoa.
"Nanguha rako'g sabon," sulti nako human gipakita ang sulod sa gigunitan nako nga basket.
Gitan-aw rako kadali ni Janvier ug gibalik iyang panan-aw kay Alfred nga blangko ang reaksyon nga nagtan-aw sa amoang duha.
"Tara na, Niks. Daghan pata'g kinahanglan paliton para sa balay." Lingi kadali ni Janvier sa akoa.
"Kadali lang."
Gibalhin nako ang ang mga sabon sa push cart ni Janvier human giuli kay Alfred ang basket.
"Salamat, Alfred. Diri sa mi kay naa pami daghan paliton," sulti nako og mingisi sa iyaha. Igo rako niya gitandoan usa namo siya gitalikdan.
"Familiar tong tawhana," sulti ni Janvier paglayo na namo.
"Yeah. Taga VVU man to. Student's assistant sa library."
"Mao diay. Close mo?" Lingi niya sa akoa.
Nagkibit balikat rako. I'm not even sure kung close mi. Sa tinuod lang, weirdohan ko sa iyaha. Katulo pa lang mi nag interact pero sukad ato, wala pa jud ko kakita niya nga mingisi o mipahiyom man lang. Kung unsa ka blangko iyang reaksyon karon, mao rasad na nga reaksyon akong permi makita sa iyaha sa library.
I don't know what's with him. Usaha'y gani mahunahunaan nako nga basin ing ato siya tungod sa iyahang mga ginapangbasa. I'm nobody to judge pero di lang nako maiwasan mag conclude. Or maybe ing ato lang jud iyang personality.
"Okay nana," sulti ni Janvier pagbutang niya'g mga junkfoods sa cart.
Gitan-aw nako among push cart og nidako akong mata pagkakita nga halos junkfoods og mga ilimnon ang sulod. Actually, mura'g mao ra jud ang gipangbutang niya nga mga kinahanglanon daw nila para unya, the rest kay mga stocks na sa balay. Wala nalang ko'y nahimo kundi mosunod sa iyaha padulong sa counter.
"Maniudto daan ta after ani?" pangutana ni Janvier sa akong kilid.
"I don't know. Unsa diayng orasa moabot imong mga barkada?" sulti nako samtaang ga tan-aw ko sa partial amount sa screen.
"Maghulat ra sila sa akong chat nga paadtuon na. So, maniudto daan ta."
Mitando ko usa gibayaran ang total amount samtang nananghid si Janvier nga magkuha'g push cart para ibutang ang cartoon nga gisudlan sa among mga gipamalit.
"Imoha tong bana, Miss?"
Midako akong mata pagkadungog sa pangutana ni Ateng cashier sa akoa.
"Ay dili, Ate. Nineteen pa lang mi." Lingo-lingo nako ug igo ra mingisi si Ateng cashier.
Nahibulong ko ngano nakaingon siya'g bana ba nako si Janvier. Dili ba halata sa amoa nga mga bata pa kaayo mi para ana iyahang gihunahuna nga minyo naming duha?
Larry:
Niks, ayaw kalimot unya mga 1pm ha.
Ako:
Yes, sure!
"Naa'y dala pizza akong barkada basin gusto ka," sulti ni Janvier pagduol niya sa kusina.
Mitando ko human niatubang sa iyaha. "By the way, molakaw ko."
"Asa man?"
"Balay sa akong friend. Duol ra man, silingan ra nato'g street."
Mikun-ot iyang agtang. "Mag unsa man ka didto?"
"Naa lang siya'y ipatabang."
"Siya man kaha'y nangayo og tabang. Siya nala'y paanhia."
"Dili pwede kay naa didto sa ilaha ang mga gamit na kinahanglan namo."
"Dili ka pwede molakaw."
Nidako akong mata pagkadungog ato sa iyaha. Nabantayan nako ang pagbaiwas niya sa iyang tan-aw sa akoa. Ngano gud nga dili ko pwede molakaw?
"Wala'y mag asikaso diri sa amoa," sulti niya human gitalikdan ko niya para abrihan ang ref.
"Ikaw diay? Imoha manang barkada."
"Magdula mi'g xbox ug naa pa sad mi gusto ipaluto. Wala'y makaluto kung molakaw ka."
Mura'g naay nigawas invisible aso sa akong ilong pagkadungog sa iyahang mga rason. Gusto ko magyawyaw pero wala ko'y laing mahimo kay amo nako siya, kung sugoon ko niya nga magluto, kinahanglan jud nako magluto kay mao man akong trabaho diri sa ilaha.
Makalagot lang kay wala siya'y konsiderasyon. Gusto niya matuman tanang pagbuot niya.
"Ipanglista nalang tanang gusto ninyo ipaluto kay aron lutuon nako daan usa ko molakaw," sulti nako ug nisaka usa ko sa taas para kuhaon akong cellphone.
To: Larry
Larry
Larry:
Yes. Nag ready nako sa atong kinahanglanon.
Ako:
Naa ang barkada ni Janvier. Daghan kaayo siya'g demand nga ipaluto.
Basin unya pako makaanha diha or worst dili ko madayun. Sorry kaayo, Larry.
Larry:
Sayang, Niks. Excited unta ko :<
Pero okay lang, Niks. Next time nalang.
Ako:
Pero pwede man ikaw nalang moanhi diri if need jud kaayo. Sayang pud baya.
Larry:
Tinuod?
Ako:
Yes. Siya ang nag ingon nga imbis muadto ko diha, ikaw na lang ari diri.
Larry:
Hala, basin busy pud ka diha ba.
Ako:
Dili man kaayo. Okay ra.
Larry:
Sigesige, Niks. Muanha ko.
Ninaog ko pagkahuman og gitawag si Janvier sa sala nga gadula kauban iyang mga barkada. Niduol siya sa akoa samtang gipataas niya iyang kilay.
"Dili nako molakaw, muanhi na lang akong friend. Payts?" pangutana nako ug kapila siya mitando.
"Naa'y mga pagkaon sa sala. Ingna lang ko kung gusto ninyo," sulti niya. Igo rako mitando. "By the way, asa naman inyong gipaluto?"
Miaksyo'g dako iyang mata nga mura'g wala nagdahom sa akong pangutana. "Unya pa. Busog pa daw sila."
Nitalikod nako dayun sa iyaha.
Larry:
Niks, naa nako sa gawas.
Nibaklay ko tungod sa sala para sugaton si Larry sa gawas. Saba kaayo sila Janvier kauban iyang barkada nga naay gipangdulaan sa TV. Nabantayan nako nga gilingi ko niya usa ko nakagawas.
"Hala, kadaghan man diay nimo'g dala," sulti nako pagkita sa daghan nga bags ni Larry.
"Yes. Ing ani jud to everytime naa'y raket, Niks."
"Ali, sulod." Gikuha nako ang uban niyang bag para tabangan siya'g dala pasulod.
"Ikaw una, Niks. Daghan lagi'g tao. Maulaw ko," sulti ni Larry samtang naa na siya duol sa pultahan.
Mingisi ko sa iyaha ug nag una'g sulod.
Tungod sa mga bags nga among gipangdala, agaw pansin kaayo mi nila Janvier samtang gabaklay mi agi sa sala. Naa pato'y isa nangutana kung unsa daw ang mga sulod ato pero wala'y isa nga nitubag sa amoa.
"Gusto ka'g juice?" Pangutana nako kay Larry pagsulod namo sa akong kwarto.
"Yes, please. Kay ako sa pud ning iset up diri."
Mitando ko human nananghid nga mogawas.
"Niks,"
Gitan-aw nako si Janvier sa akong kilid samtang ga timpla ko'g juice ni Larry sa kusina.
"Wala ka nag ingon nga lalaki diay imong friend," seryosong sulti niya.
"Wala man ka nangutana."
"Dapat giingon nimo sa akoa."
Nihunong ko sa akong gibuhat ug giatubang siya. "Kung giingon nako nga si Larry, dili nimo siya paanhion?"
Nabantayan nako ang paglihok sa iyahang adam's apple. "Yes, Niks. I don't know unsa inyong buhaton o kung unsa iyang ipatabang sa imoha. Nganong kinahanglan man nga paadtuon ka niya sa ilaha? Ug karon, gidala nimo siya sa imohang kwarto? Mag unsa mo didto? Mag balay balay?"
Nikun-ot akong agtang.
Nabuang na jud ni si Janvier. Asa diay niya gusto mi magtrabaho ni Larry? Sa sala? Kung asa tua didto iyang mga barkada? Alangan naman po'g diri mi sa kusina.
"Janvier, make up artist si Larry. She needs me to be his model. Unsa diay?" Pasabot nako sa iyaha.
"I don't care, Niks. Basta gusto lang nako ipahibalo sa imoha nga dili ni lodge among balay para magdala ka sa imohang laki diri." Gibinlan ko niya'g disappoint nga tan-aw usa ko niya gitalikdan.
Gidikit nako akong ngipon sa kalagot ug kagustohon na pud kaayo sa akong palad nga mulupad padulong sa iyahang aping. How dare him thinking about that shit!
Siya ang nag offer nga paanhion unya karon masuko siya kay lalaki akong gidala? Sala jud ba nako nga wala nako siya sultihi daan? Pero unsa ma'y mali kung lalaki si Larry? Giingnan na nako siya nga make-up artist si Larry ug naa siya diri para make-up-an ko. Nganong dili siya mutuo? Gihunahuna jud niya nga nagdala kog laki para nag fvck mi diri sa ilaha? Peste man diay siya kung mao!
"Lingkod na diri kung ready naka," sulti ni Larry human gitudlo ang iyahang set up sa akong lamesa.
Mao diay'ng daghan kaayo siyang dala nga bag kay dili lang mga make-ups iyang dala. Pati ring light ug foldable make-up chair iyang gipanala.
Niplasta nako sa lingkuranan pero usa mi nakasugod, nadungog namo ang tuktok sa pultahan sa akong kwarto. Gipatuyok nako akong mata sa pag anticipate kung unsa napud kaha'y isugo ni Janvier sa akoa.
"Naa kay wipes?" pangutana ni Janvier pag abri nako sa pultahan.
"Wala."
"Okay," sulti niya nitalikod ug nibaklay palayo.
"Unsa daw to?" pangutana ni Larry pagbalik nako'g lingkod.
"Nangutana'g naa ba daw ko'y wipes," sulti nako usa gisugdan ni Larry og marinate akong nawung.
Bag-o pa gani nahuma'g butang si Larry og foundation sa akong nawung, naa nasad nituktok.
"Dira lang ka, Niks. Ako la'y abri," sulti ni Larry ug gitan-aw nako siya nga gabaklay padulong sa pultahan. "Niks, naa ba daw kay charger." Lingi ni Larry sa akoa samtang naa siya sa pultahan.
"Gigamit nako."
Nahibulong ko ngano pati wipes ug charger sa akoa man niya pangitaon. Wala ba diay siya'y charger nganong akoa man iyahang gamiton.
Nituktok og ikatulo ug si Larry nasad ang niabri sa iyaha. This time, nail cutter nasad ang gipangita kay manghiram daw iyahang barkada. Seryoso? Muanhi rana sila diri para mang nail-cutter? Gosh.
"Wala," sulti nako usa gisirad-an ni Larry ang pultahan.
Mikatawa si Larry. "Karon kasabot nako nga maabtan tika nga gamug-ot inig abot sa school."
"Hay, ambot ana niya samok jud kaayo."
"Ay, teh! Kung ing ana ka gwapo ang mosamok sa akoa, dili jud ko maproblema. Ako pa'y mohangyo nga kada oras ko niya samok-samokan." Katawa niya.
Nikatawa nalang ko ug nahimuot sa nahunahunaan ni Larry.
Pabutangay na unta'g lipstick si Larry para sa final set sa dihang naa nasa'y nanuktok. Wala nako kapugong ug ako na jud ang migawas para makig istorya kay Janvier.
"Unsa napo'y kinahanglan nimo? Hakota nalang ni tanang gamit nako diri," sulti nako pag abri sa pultahan.
Nahunong siya ug nagtutok sa akoa samtang naka kang-a iyang ngabil. Ikapila siya namilok usa narealize iyang reaksyon pagkita sa akoa.
"N-nanguli na sila."
Mitando ko. "Maayo."
Mikun-ot akong agtang sa dihang ga tindog gihapon siya sa akoang atubangan.
"Hiposa unya to didto sa sala." Usa pa siya milakaw padulong sa iyahang kwarto.