اختلاس الكلف

اختِلاس الثالث ⚜️

- اختِلاس الكَلف -
- سجى حسين -

- الثالث ⚜️ -

﷽ .

بنات جد ماكو تعليقات وماكو نشر للقصة ليـشہ هيج ؟ اذا هيج يظل مراح اكمل البارتات الباقية والاحداث الجاية كُلش قوية وكُلش حلوه انتو راح تخسرون صدكوني .

-

- هوَّ نزل من الدرج بسرعه وعيون حُمر وتطلع منها
شرارة وتخلي الشخص يعرف من بعيد هوَّ شنو ناوي
يسوي وكف كبالنه وعاطت تينا بصوت خافت

تينا:- ها جود شبيك ليش صيح

- صك ؏ جفوف أيده وكز ؏ سنونه
جود : شنو ضامه ؏ امي وجذبين عليها
وتخلين ديرين اجذب همين احجي

- كامت تينا تفكر بايدها وعرفتها راح تفضح روحها
فـ حاولت افكر بشي بس كلشي طار من عقلي لحظات
واجتي هالفكرة على بالي

ديرين:- جود مو باع صديقتنه يلي يوم رحنه وياها
مو كنالك راح نروح ويَ صديقاتي مسويات حفله براس
سنه بالبيت وتينا كالت نروح بس منكول لماما نخلي جود
يوصلنه واني عصبت عليها وكتلها لا تجذبين ؏ ماما
وتردين ضمين عليها

- بخوف، تينا:- اي اي لانُ ادري بما ما ثق بصديقاتي
بس اني كلت لـ ديو حته نحجي وياك ومنكول لماما

جود:- بعد راس سنه ما جاي وانتن جاي درسنا
شنو هالسوالف مال حفلات واصلا احنه براس السنه
نطلع بعد شنو حفله ويه صديقاتي وهالخرابيط

- وجها احمر ويخوزر بينه ويبين ما مصدگنه
وثنينه بلعنه العافية بجذب واني اصفط وهيَّ ترتب
الجذبات مسيلمة الكذاب ما لحكنه بجذب هالمره

ديرين:- شبيك حبيبي حفله بس بنات واية هم
حتجي يعني بالمطعم نسوي لانُ وحده منهن عيد
ميلادها براس سنه حبت تسوي احتفال بس بنات

- رفع حاجبه! جود:- ديرين مجاي جذبن
عليه متأكدات حفله مجنت تحجن بغير شي

- رجفت وظليت افكر بس لا سمع من بداية كلامنه ! داطفي
النار ذبيت زيت عليها شراح يخلصني الله يكهربج يا تينا

جود:- وين صفنتي صايرة هواي صفنين

تينا:- ها ديرين جاوبي شبيج صفنتي مو
بس بنات اكيد قابل منين يجون الولد؟

- ابتسمت بخفه، ديرين:- اي اي حبيبي بس بنات قابل
انتَما ثق بيه وكتلك اية ويانه ومخلد هم راح يوصلها

جود:- وليش متردون امي تعرف

تينا:- ماما راح تلح علينه وتكول مترحن لانُ تعرفها
اذا مو رجلها ويه رجلنه منروح وهيَّ حفله مال بنات
ومراح تفرح إذا اخذها

جود:- اني اوصلجن وارجعجن بيوم الاحتفال
واني اقنع امي وخليها تقبل ماكو جذب فهمتن

ديرين:- حبيبي انتَ احنه قابل فرحانين
لان دنجذب بس شويه نريد نغير جو

تينا: اي اي صح نريد نغير جو
- هز براسه، جود:- ماشي اني احاجيها هسه روحن
ارتاحن العصر نروح لبيت جدي بيبي تعبانه

ديرين:- ماشي حبيبي حنصعد يله تينا

- جريتها من أيدها وصعدنه نركض
تينا:- هاي شنو صايره محد يلحكج بجذب

- خزرتها، ديرين:- مو والحسين هسه انزل اكله
لا تختبرين صبري كله بسببج جان وكعنه بمصيبة

تينا:- حبيبتي الاخوات مثل الخزنه وصاحبها لا تكبرين سالفه

- عفتها تحجي وطبيت اسبح فتحت الدوش ودخلت
جوة الماي الحار والأفكار تاخذني وجيبني شلون جذبت
؏ جود وبابا وبعد شنو يلي حسوي علمود تينا بالايام
الجاية الله يعلم

- غسلت شعري وكملت ولبست البرنص وطلعت
أبدل وبدلت ونشفت شعري ونزلت جوا يم ماما
ولكيت تينا نازله قبلي

ديرين:- امي يا حلوة لبن اها اها امي يا حلوة البنات اها اها
ام ديرين:- اعرف هاللواكه شتردين كولي

- ظلت تباوع تينا وتخزر بيه وتفر براسها بمعنى لا تحجين
ديرين:- لا ماما مو لواكه بس اني احبج
وداغنيلج شبيج هسه اركصلج هم إذا تردين

ام ديرين:- مو بعيده الكاج شادة شال وتهزين

- صفنت شويه وضحكت صدك اني ليش
ما اركص وشويه اخلي جو البيت يتغير

- عطت بحماس، ديرين:- دقايق ماما
تينا:- يا ماما هاي حتسويها صدك

ام ديرين:- شبيج اختج من جبتها يمكن العقل
مالتها نص بقه بطني ونص براسها

- ظلن يضحكن ويصنفن واني رحت لغرفة ماما
جبت شال ورحت لغرفتي جبت تليفوني من غرفتي
ونزلت طلعت اغنيه " ام شامه " ونزلت لمطبخ وشديت
الشال وفتحت شعري وطلعت المقطع يلي امي تحبة

- خليها تغرك السفن
والليله نكضيها حضن
أنا وياج يا ام شامه

- امنيتي أصب نار العشك
وشفافج احركهن حرك
أنا وياج يم شامه

- وكمت اهز بجتفي واتقرب عليها واغني
ديرين:- صدميني اذوب اذوب
لمن تلزميني اذوب
لمن تحاجيني اذوب
أنا وياج يم شامه

- ماما صافنه علية و؏ حركاتي وارفع شعري
بأيدي واميل بخصري وانزل واصعده وتينا تدك
؏ ميز الطعام وتصيح:- عاشو عاشو يله يله

- اني مندمجة وانتبهت ؏ امي وتينا صافنات
ديرين:- ها صفنتجن مو اكول الجن اني فيفي عبدو

- درت وجهي ؏ باب شفت بابا واكف متخصر
ويباوع عليه، راسًا جفلت من مكاني بقيت واكفه
بمكاني فشلانه من الموقف واباوع عليَّ وهوَّ يباوع
عليه اريد اتحرك ماكدر

- بَس صدمني تصرف ابوية ما توقعت حيسوي
هيج مر من يمي وگام يهز بجتف ويغني وياي
وعينه ؏ ماما ويأشر عليها

ابو ديرين:- امنيتي أصب نار العشك
وشفافج احركهن حرك، يا ام شامه

- يركص ويتقرب ؏ ماما ويهز جتف وفاتح أيده
وماما وجها صار احمر من الخجل واحنه ضحكنه
ونصيحة:- عاشو هي هي

- وصل يم ماما ولزم ماما ويركص
ويهز بأيدها وهيَّ ميتة خجل

ام ديرين:- منا بنات عيب وخر

ديرين:- اوي ماما شبيج مو مال رومنسيات
انتِ، بابا حدورلك مره تتغنج وياها

- باوعت عليه ماما وتأشر بأيدها بسيطه
واني وتينا ميتين ضحك ؏ غيرتها

ابو ديرين:- عندي هالمرة تسوه النسوان كلها بعيني

- ابتسمت ؏ حب ماما وبابا كلش جبير دائمًا يسولفون
النه شلون أهل ماما مجانو يردون بابا لانُ سني وهيَّ
شيعيه وشلون ازوجها، احسهم كلما يكبرون يكبر حبهم
بقيت واكفه اباوع عليهم

ام ديرين:- كافي خل نسوي اكل جعنه وروح
ارتاح حضرتلك الحمام وملابسك بس تسبح أصب

ابو ديرين:- ويكولون ليش تحبها دشوفو
الندارة شوفو وين الكه ام بيت مثلها

- عيوني دمعت من جمالهم
ديرين:- اوي بابا اريد ازوج واحد مثلك حنين وحلو مثلك

ابو ديرين:- ما انطيج انتِ بنيتي شلون
انطيج لواحد غريب وياخذج مني

تينا:- بابا واني تنطيني عادي مو

ابو ديرين:- ولا انتِ انطيج ثنينجن
بناتي وثمرة حبنه اني وامج

- ظلت صافنه وتينا عرفتها بشنو تفكر وشلون
بابا راح ينطيها لعُدي والحيرة مبينه بعيونها

ديرين:- بابا اريد اسألك سوال بس لتفهمني غلط
ابو ديرين:- اسئلي بنتي

ديرين:- إذا وحده بينه حبت شخص ورادت يكون من
نصيبها واجه طلبها منك راح توافق وما تكسر بخاطرنه

- ظل صافن يباوع ؏ ماما وتينا تكرص بيه
حته اسكت وباوعت ؏ بابا شفت الحيرة بعيونه

ابو ديرين:- بنتي اكيد كلنه نحب ويدك كلبنه لشخص
واكيد ما اكسر بخاطرجن بس بشرطين يكون ابن اودام
ويخاف الله بيجن مثلي ويعيشجن العيشة يلي اني معيشها
الجن ويكون ما مستغلجن يعني اول ما يحبج يجي يتقدم
الج بالحلال ميسوي شي بالحرام

- كلش تأثرت بكلام بابا شلون شخص متفهم الحب
ويخاف ؏ گلب بناته ويخاف علينه وباوعت لـ تينا
يلي عيونها دمعت وادري بيها ندمانه لانُ تشوف عُدي
من وره بابا بعد ما رفضه وكاله من تتمكن تجي تخطبها مني

- سكتت و رحت حضنته
ديرين:- بابا احنه مراح ننزل راسك
ابد وراح نكون صاينين ثقتك بينه

- مسح ؏ شعري وردف بحنان عارم
ابو ديرين:- عفيه عليج بنتي تعاي تينا حبيبتي

- حضنه ثنينه وباس راسنه وماما تباوع علينه لانُ
تعرف تينا تحب عُدي بس ما بايدها شي تسوي لانُ
من اول مرا بابا رفضه لانُ ما عنده وضيفه ولا بيت

- راح بابا يسبح واني حضرت الغده ويه ماما
وكملنه واجه جود صعد لغرفته وسبح واجة نزل
وكعدنه كلنه ؏ اكل

ابو ديرين:- ابو مخلد يكول رحت لشرطه بس ما فاد
شي يكولون احنه ما بيدنه شي لازم كاميرات مراقبه
ودليل شي قوي حته نعرف منو ورا الحادث

- التفتت ؏ جود يلي ارتبك ويباوع ؏ بابا برتباك انوب
باوعلي وغمض عيونه وفتحن باعتبار اهدي لا تتوترين

جود:- يأبه كتلك عوفهم متستفاد شي شفت
هسه صار اسبوع ؏ حادث ماكو شي لعب جهال

- سكت بابا وكملنه اكل وشلنه المواعين
ديرين:- ماما روحي ارتاحي اني ارتبهن

- هزت براسها وراحت واني غسلتهن وفتحت
الغساله ورتبت البيت وصعدت أقره لانُ العصر
نروح لبيت جدو أهل امي صح همه جانو كاطعين
ويه امي لانُ زوجت ابويه بس باخر كم سنه تصالحوا
واحنه كل كم شهر نروحلهم مره

- قريته وكملت وحضرت الجنطه ورحت يم الشباك
وفتحته اشم هوى وظليت اباوع ؏ شارع والدنيا مغيمه
وبيها قطرات مطر خفيف باوعت لنهاية الشارع لكيت
شخص منتجي ؏ حايط ولابس اسود وشفقه سودة ويباوع
لشباك غرفتي !

- ردت اشوف وجها مكدرت لانُ بعيد وظلمه
حاولت المح ملامحه ما اكدرت، رحت أصيح لتينا
علمود اشوفه وياي بس رجعت لگينا ماكو

ديرين:- لج والله جان هنا واكف والحسين
تينا: اي يجوز راح وشمدريج يباوع
؏ بيتنه يمعوده بطلي خرافاتج

- عرفتها ما مصدكتني وضربتني بجتفي وراحت
تهز بايدها واني انقهرت وسديت الشباك والبردة
ورحت تمددتت حته انام فد ساعتين لان تعبانه
وتينا يم راسي ظلت تحجي ويه عُدي رسايل

- دك المنبهه ساعه بـ4 العصر
وكعدت لكيت تينا دور بالهدوم

ديرين:- تينا لبسي شي طويل حته لا يضلون يحجون ؏ بابا

- گلبت عيونها !
تينا:- اوي طبهم مرض مو زين راح
نروح لهم يرحون فدوه لبابا والبناته

ديرين:- اسكتي لتسمعج ماما تضوج ترا يبقون أهلها بنهاية

- ظلت تاكلني بعيونها وتهز بايديها معاجبها كلامي
واني كمت طلعت قميص اسود وابيض ولبست ويا
بنطرون اسود وهاينك ماروني

- نزلنه اني وتينا بعد ما جهزنه نفسنه ولكيت ماما
تحضر بروحها وبابا لابس دشداشة وكاعد بصاله وجود يمه

ام ديرين:- بنات كملتن بعد ما عدجن شي
ديرين:- كملنه ماما

تينا:- خلصنه وهسه يلي يكول رايحين
سفره هوَّ رايحن لبيت ما مرحب بينه

- ماما باوعت عليها ونقهرت واني
كرصتها حته تسكت وردف بابا بهدوء

ابو ديرين:- لتحجين هيج بابا اجدادج
يحبوج حالج من حال اية ومخلد

تينا:- يله اني شحجيت قابل بابا

- سكتوا كلهم وباوعنه لماما تحاول تضم دموعها يلي
غورگو عيونها بس مو بايدها شي اهلها ما يحبونه
واني كمت تقربت عليها وحضنتها

ديرين:- لتزعلين من تينا كلنه نعرف بيبي وجدو
يحبونه ما يفرقون وهالكراهيه انتهت بيوم يلي
صالحتوا ورجعتي الهم

- محجت شي وعافتني وراحت تعدل روحها وطلعنه
صعدنه بسيارة وجود اجه بسيارتة لانُ نضوج نصعد
٣ ليورا وبقينه اني وتينا وماما ويا بابا

- وره طريق ساعه وصلنه لبيت جدو اتلكتنه مرة
خالو سهام كلش تحب امي عبالك اختها رحبت بينه
وحضنتنه وبوستنه حيل بحيث شويه وخدي ينشلع من وجهي

سهام: فوتوا حبايب بيت بيتكم

- بهمس، تينا:- خاله اسكتي لا يسمعون ويطردوج ويانه

- راسًا كرصتها
ديرين:- صمي حلكج

- فتنه كلنه وبيبي وجدو بالاستقبال كاعدين ورحنه
سلمنه عليهم وردوا علينة من ورا خشمهم

:- تفضلي عيني كعدن ليش واكفات

- كعدنه وطب ابوي وجود بعد ما صفوا السياره برا
وسلموا وردوا بيبي وجدو من وره خشمهم، ظلينه
كاعدين نسولف وماما يم بيبي، شويه ودخل خالي امير

امير: سلام عليكم

- كام بابا وجود سلموا واحنه البنات وامي سملنه
وكعدنه واجة كعدد يمنه وخالو امير عندة ولد
اسمه يوسف ويدرس بالخارج ومو دائما يجي
للعراق انتبهت ؏ خالو وخالة يبسبسون بيناتهم

امير:- الله بالخير ابو جود
ابو ديرين:- الله بالخيرات بيك يالغالي

امير:- خوية عندي موضوع وياك احنه حجينه
بي بين الأهل وكلنه ناخذ رأيك لانُ انتَ أولة

- ظلينه نباوع وحده بوجها الثانيه
ابو ديرين:- كول خوية إذا الموضوع
يخصني ما اريدك ان شاء الله

- باوع خالو لخاله سهام وبيبي وجدو
يخزرون بي بس ماعرف ليش وشنو السبب

امير:- والله احنه ناسبناكم صحيح بالبداية
مشاكل ويه الاهل بس نبقه أهل وحبايب

ابو ديرين:- اكيد اهلي انتو و؏ راسي
والماضي راح ومات هسه علينه بالحاضر

- ابتسم خالي برياحه
امير:- عاش لسان ياخوية فـ اني حاب اطلب منك طلب
ابو ديرين:- اطلب ياخوية اكيد ما أردك خايب

امير:- اني اريد اطلب ايد بنتك تينا لابني يوسف

- صرنه أصنام بمكانه وتوتر ؏ خوف ؏ ارتباك
باوعت لتبنا يلي فاتحه عينها ؏ كبرهن ودموع بعينها

- رجفت بخوف هايهيه راح تفضحنه وابويه
يباوع علينه وامي تباوع ؏ تينا يلي بقت فاتحه
عينها وما حجت ولا حرف حته نفس كطعته

ابو ديرين:- والله يا خوية يشرفني اكيد اناسبك
وما الكه مثل ابنك يوسف ولد يصون بنتي بس
هالشي يبقه بيد البنيه وموافقتها اهم لان تعرف
اني ما أجبر بناتي ؏ شي

- احس الفخر يطلع من راسي من وره كلام بابا
وشلون يحجي بينه واني اعرف بابا مراح يقبل
إذا تينا رفضت وارتاحيت لما شفت تينا كامت
بسرعه وراحت للمطبخ، كلهم باوعوا عليها عبالهم
خجلانه بس اني وامي نعرف سبب، گمت رحت وراها

- لكيتها مخليه أيدها ؏ حلكها وتبجي واول ما شافتني حضنتني
تينا:- ديرين اني اموت والله اموت ماكدر ديرين ازوجة والله

- مسحت راسها
ديرين: اهدي يروحي مسمعتي بابا يكول اخذ موافقتها اول شي

تينا:- ديرين اني ماكدر ارفض طلب
لبابا واذا اكله بكيفك راح يوافق ساعديني ديرين

ديرين:- لا هذا مو طلب هاي حياتج تينا
ولازم تساعدين نفسج وتكوليله بابا اني ما اريد

تينا:- هسه يسألني ليش واكيد راح يحقق وياي يريد
يعرف سبب رفضي شگلة ديرين اكله اني كلبي وروحي
يم عُدي يلي انتَ رفضته وما اكدر احب وازوج غيره

- فزينه ؏ صوت الباب! شفت بابا كدامي والغضب
بوجها ونار تطلع من عيونه وهوَّ واكف يباوع علينه

- اجة تقدم علينه وصاك ؏ جف ايدة حيل وفاتح
عيونه ؏ اوسعهن واني عفت تينا وهوَّ تقدمت علينه

تينا:- بابا اسمعن

- بعدها ما مكمله كلامها وحسيت زلازل صار
وطبه قوية صارت بالگاع بالحظة بابا ضرب
تينا بكل قوته ومن قوة الراشدي وكعدت بالگاع!

- دكات كلبي سريعه ودمعتي تنزل بهدوء ؏ خدي
واني الاول مره اشوف بابا بهالغضب واول مرا يرفع ايدة

ديرين:- لالا بابا لا

- ركضت نزلت ؏ رجله اتوسل بي وأبجي
واشهك وتينا بقت بالكاع ولازمه خدها وكاعده

- عافني وراح يمها شالها من معصم أيدها ولزم جتفها
بثنين ايدي وظل يهز بيها ويصيح بحركه وبعصبيه

ابو ديرين:- لج اني هيج ربيتجن لج ذاك يوم اختج
كلتلي بابا إذا حبينه راح تقبل وكتلها ايي وكلتلي ما
راح ننزل راسك بالكاع تالي انتِ واختج تسودن وجهي
من ورا ضهري اني بشنو قصرت وياجن لجن بشنو
قصرت احجيييي مو صرتلجن الصديق قبل الاب
وكلشي تردنه حاضر وما يغلى شي عليجن

- تينا تبجي واني ابجي واشهك واجتي ماما وخالو
وجود وخاله سهام ؏ صوت بابا وخالو وخر بابا
من تينا وماما راحت لتينا وجود شالني من الگاع

ام ديرين:- شبيج تبجين ولج احجي
ليش حلكج بي دم احجي ديرين شبيها اختج

- عاط بابا بصوت عالي:- لك خلصت عمري اربي بيجن
لجن انطيتجن كلشي تحلم بي البنات وهيج تسوين بيه

- ماما انصدمت من كلام بابا
ام ديرين:- شكو شبيها شمسويه احجي واحد يفهمنه

امير:- أهدئ ابو جود أهدئ شكو فهمنه
شمسويه البنيه كلشي ينحل يتفاهم

جود: ديرين حاجيني شبيها تينا احجيي

- ماكدر انطق بشي من جها بابا ومن جها
اختي يلي انضربت كدام عيني

ابو ديرين:- ما عرفت اربيجن اني اني صوجي
ما عرفت اني طلعت عينجن لو حارمجن من كلشي
لو حابسجن مثل باقي الابهات جان ما تماديتن

- خرت من يم جود ورحت يم بابا
ديرين:- بابا بداعتي بابا اهدئ ليصير عليك شي كلبك بابا
والله فاهم الموضوع غلط بابا والله ماسوينه شي والله العظيم

- خزرني ودفع ايدي
ابو ديرين:- لج انتِ انتِ يلي جنتي افضلج
؏ خوانج هيج عينج بعيني جذبين عليه

- بدموع، ديرين:- والله ما مجذبه وغلاتك عندي بس خل افهمك

- دفعني حيل وجود لزمني واني ابجي واشهك
سهام:- ام جود أخذي البنات بغرفتي
وامير وجود اخذو ابو جود

- ردنا نتحرك عاط بابا
ابو ديرين:- لالا لترحن امشن كدامي
بدلنه نرجع للبيت حسابجن بالبيت

امير:- يأبه اهدئ وخل نفتهم شكو وشصاير

ابو ديرين:- خويه موضوع بيني وبين بناتي اني احله
اعذرني ؏ يلي صار احنه نترخص ونجي بغير وقت

- محد حجه شي وحته خالي ما لح عليَّ ورحنه بدلنه
وطلعنه وطول الطريقه بس نبجي وبابا ساكته بس
وجها احمر وماما ما حجت اي شي وصلنه للبيت وطبينه

ابو ديرين:- ديرين تعاي لغرفتي
وتينا هم ماريد احد يجي وراجن فهمتو

- هزينه براسنه ورحنه ورا للغرفة
وطبينه وسدينه الباب وبابا فات قبلنه

ديرين:- بابا بس اخذ دوة اني اشرحلك كلشي جيب
القران احلف عليَّ وع اي شي تريد احجي بس اخذ الدوه

- ظليت الح عليَّ وگوه قنعته ياخذ الدوه مالته
وكعد ؏ جرباية واحنه ظلينه واگفين كباله
وشويه ونزلت يم رجله ولزمتها

ديرين:- بابا احنه بناتك احنه بنات محمود
تربايتك شلون تتخيل ننزل راسك وانتَ واثق بيه

- باوعت لـ تينا وخزرتها حته تنزل مثلي
وتحجي وهيَّ بس تبجي وتشهك

تينا:- بابا والله ما نزلت راسك يا بابا وما سويت
شي انتَ جنت تحجيلنه ؏ حبك الماما وتكول ابني
الحب مو عيب ولا خطيئه بس يكون بالحلال احسن
بابا والله العظيم مو بيدي يا بابا كلبي يلي اختارة كلبي
يلي نبض اله مو بيدي هاي مشاعر

- باوعت ؏ بابا شفت ايد بابا ترجف ومركز
بكلام تينا كُلش زين انتبهت عليَّ الدمعه بعينه

ديرين:- بابا عُدي اجه وتقدم ألها وانتَ رفضته
مسألت تينا شنو رأيها بس هيَّ جانت تحبه ومرادت
تكسر كلمتك وسكتت

ابو ديرين:- مسألتني ليش رفضته لج بابا شغل مثل
الاوادم ما عنده بيت ما عنده وين يكعدها شلون يوكلها
شلون يدبر عيشتهم لج اختج بنت ناس وعايشه بخير
ليش انطيها لواحد بالكوه مدبر عيشته

تينا:- بابا اني قابله والله العظيم
يا بابا الحب يتغلب ؏ كل هالأمور

ابو ديرين:- الحجي سهل بس الفعل صعب حجربين
العيشه وتكولين لو سامعه كلام ابويه وما ماخذته وباقيه

ديرين:- بابا احنه نريدك بس اثق بينه نكدر نحل
السالفه اذا ؏ شغل الولد يكدر يشتغل ويه جود
بالمعرض لو يستلم محل من محلاتك واذا ؏ بيت
ماكو احد عنده بيت ملك يكدر يكعدون ايجار

- طول كلامي وتينا تباوع علية وتبجي واني مو من
السهل اكدر اقنعه بهالشي بس ؏ اقل حاولت وهوَّ ظل
ساكت وكام راح جاب القران واجة

ابو ديرين:- اريدج تحلفين ؏ مصحف انو حرف واحد
بعد ما تحجين ويه الولد لما اني اخذ قراري وراح تقبلين بي

- لتفتت لتينا شفتها تبجي وتباوعلي متعرف شسوي
مجبوره تسوي هيج وتحلف، تقدمت وخلت أيدها ؏ مصحف

تينا:- وحق كلام الله المكتوب ما راح
أحاجي بعد وراح انتظر قرارك انتَ تأخذه

- باوعلي
ابو ديرين:- انتِ هم حلفي ما جذبين عليه
بشي وما ضمين عليه شي بعد

- باوعت لتينا وحلفت
ديرين:- وحق كل حرف بالقران ما اجذب عليك ولا اضم عليك

- هز راسه وباس القران وراح رجعة وثنينه
واكفات وهوَّ اجة بتجاهنه وفتح أيده وحضنا وبجينه

ابو ديرين:- انتن جناحاتي واني مثل الطير إذا جنح
واحد منه انكسر ما يكدر يطير بعد لا تحاولن تخلن
احد يكسرجن واني يلي انكسر وياجن

- هزينه راسنه وبسنه رأسه وهوَّ لزم خد تينا
ابو ديرين:- بعده يوجعج تعاي اخليلج
ثلج هسه يروح الحمار مالته بنتي

- ابتسمت تينا بوجها:- بابا احضنك وتفهمك جان
أبرد شي ينزل ؏ كلبي مو بس ؏ خدي لا تخاف ميوجعني

- حضن تينا وباس راسها وفتحنه الباب
وطلعنه يم امي وجود وشافونه

آم ديرين:- شكو احجي شصاير ليش هيج ابوج ضارب اختج
جود:- تينا شمسويه هالمرة

- ظلينه ساكتين و وحده تباوع ؏ ثانيه
منعرف شنكول، فجاة سمعنه صوت بابا

ابو ديرين:- ماكو شي ويلي اسمعه حاجي
بهالموضوع ميلوم اله نفسه

جود:- بس بوية غير نفتهم شكو
ابو ديرين:- اني كلت محد يفتح الموضوع
سدو السالفه وكل واحد ؏ غرفته

- لزمت تينا وصعدنه للغرفه بسرعه
وصوت جود وأبوي يتعالى ونسمع عياطهم!

جود:- يأبه مثل ما هنه بناتك هنه خواتي

- عاط بابًا بعصبية !
ابو ديرين:- كتلك لتفتح الموضوع شنو تكسر كلمتي

جود:- حش يلي يكسر كلمتك
هايهيه بويه ؏ راحتك اني اترخص

- مجاوبه بابا وماما حاولت تحاجي جود ما قبل
وعافها وصعد واني وتينا بالغرفة نرجف وما منعرف
شراح يصير بعد من مصايب باوعت عليها

ديرين:- ارتاحيتي هسه شفتي شصار بسبب استاذ عُدي

- خزرتني وصكت ؏ سنونها
تينا:- اسكتي ترا اني يلي انضربت
واني يلي انفضحت انتِ ليـشہ خايفه

ديرين:- بابا انتِ اختي شلون ما اخاف
عليج لشوكت ظلين هيج انتِ

- گلبت عيونها وعافتني وطبت للحمام وسدت
الباب حيل واني اسمع صوت بجيها وشهكتها
بالحمام غلست عليها وگمت بدلت وكعدت افكر ماعرف
بشنو افكر بجود لو تينا لو بـ أبويه لو بهذا يلي يهددني

- فركت وجهي بتعب! ياربي تعبت اني تعبت
والله كافي تخبرني ياربي ارحم حالتي وضعفي

- تمددتت ؏ جرباية واني التفكير ياكل راسي
وماعرف شلون راح احل الوضع ظليت صافنه
لما فزيت بسبب صوت مسج وصل لتليفون اخذت
ولكيته من نفس الشخص

:- بعد ٦ ايام لعيد ميلادج بدال السنة
سعيدة حتكون سنة سواد وعذاب الج

- گوه يسيطرت ؏ رجفه ايدي ودزيتله رساله
ديرين:- انتَ منو

- شافها وراسًا رد
:- اني الشيطان يلي حيحرگم مثل ما
دخلت لحياتة انسانة وتردون تحركوها

- بسرعه رديت علية ودموعي تنزل بخوف
ديرين:- والله ما اعرف شتقصد واحنه ما مأذين
احد انتَ شتريد مني ومن اهلي ومنو تقصد بكلامك

- شافتها وحظرني حسيت شالني وركعني بالكاع
وظليت أكل باظافري واني ميته خوف وقلق افكر
بكلامه شنو يقصد ومنو البنيه يلي يحجي عليها ذبيت
التليفون وطلعت داروح لجود وسمعته يحجي بتلفون

جود:- المعرض ابويه ما يقبل ابيعة اني شسوي
اني ومن البداية ما ردنه نشتري والخسارات بشغل
وانتَ ليش عبالك اني وأبويه متفقين عليك

- ظل ساكته شويه وعاط
جود:- اين الساقـ* ابن الكحـ* والله إذا توصل يم
اهلي احسب الله ما خلقك فهمت والله اخسرك الاول وتالي

- لزمت حلكي بايدي واني مصدومه من عصبيته
والكلام رغم ما فهمت شي بس من سمعت كلمه اهلي
عرفت هذا نفسه يلي يهدد، تسلسلت ورجعت لغرفتي واني
ابجي حيل واشهك واحس روحي طلعت والنفس بلكوه اجره

- صرت مثل المخبله اهدري ويا نفسي !
ياربي كلشي ولا اهلي لا تختبرني بيهم يارب اخذ روحي
قبل روحهم يارب ما اكدر بدونهم والله يارب ساعدني دخيلك

- مرّ يومين والوضع هادى وكلشي طبيعي وعطلنه
علمود الامتحانات نص سنه والوضع هادئ وماكو اي
تهديدات ولا اي رسائل توصلي

- لحد ما اجه عيد ميلادي 12/11
وكُلشي انگلب وتحول لجحيم !

- كعدت ؏ صوت المنبه وتينا تكعد بيه وجر بيه ونزلتني
وكلهم واكفين بنهاية درج جايبيلي كيكه ويغنون ويصفكون

ابو ديرين:- كل عام واميرتي بخير يارب
عسى ايامك كلها حلوه مثل وجهج

- ابتسمت بفرح وعيوني دمعت من الفرحه !
ديرين:- بابا حبيبي وانتَ بالف خير
ياربي يدومك الي وما انحرم منك

جود:- بنيتي كل عام وانتِ بخير
ديرين:- وانتَ بالف خير يا روحي انتَ

- كلهم عايدوني وحضنتهم كلهم وقطعنه
الكيكه وكل واحد اكل شويه منها واني فرحت
كلش بهاليوم رغم ذكرت تهديد الولد وشراح
يصير اليوم وكلبي ناغزني رغم فرحتي .

- كملنه الاحتفال وحضرته الاكل ريوك
وتريكنه وخلصنه وبابا وجود راحوا لشغلهم
وماما راحت يم ام حمد صديقتها

- كاعد اصعد ؏ درج واجتني رساله ! خلت كَلبي يحترگ
:- إذا تردين شوفين هديتي راح تجين بهذا
العنوان بدون اي احد واذا حاولتي تلعبين بذيلج
اخوج حيكون بعداد الموت

- وكع التليفون مني واهتز جسمي كله وردت اگع
بَس سرعان ما لزمت المحجر وكعدت ؏ درج ارجف
ورجعت قريت المسج ورجع حظرني قبل ما اجاوب

- اظلمت الدنيا بعيني ماكو اي صوت بأذاني
احس وگف العالم وحسيته اسود وحسيت احد يهز
بيه ويصيح باسمي:- ديرين ولج شبيج حاجيني ولج دشوفيني

- باوعت لتينا وشفت تليفوني ضميته
بسرعه ولزمت أيدها برعبة

ديرين:- تينا كوميني للغرفه
تينا:- سندي عليه جسمج وحاولي تمشين
انطيني ايدج الثانيه خليها ؏ جتفي

- لزمتني وصعدتني لغرفتي تمددت وبقيت افكر
بالمسج منو وشنو راح اشوف من اروح ظليت
ارجف وحسيت الدنيه حار رغم برودة الجو

- بعدها ما حسيت بنفسي غير نمت ! ونمت خمس
ساعات بدون ما احس ؏ اي صوت وكعدت بـ2

- باوعت داير مدايري لكيت تينا ماكو والغرفه
ظلمه ودافيه كمت مشيت فتحت الباب وحاولت
امشي ؏ كيفي لانُ جسمي تعبان وعليه الشهرية
صارلها ٤ ايام ونهايتها تأذيني

- نزلت من الدرج لكيت ماما كاعده ؏ تلفزيون وريحة
الدولمة تضرب براس رحت ؏ كيفي كعدت يم ماما وتينا

ام ديرين:- ها امي بعدج متوجعه
ديرين:- لا ما بيه شي ماما

تينا:- لجذبين يوم دختي وشويه وتوكعين من درج

- خزرتها
ديرين:- اسكتي ترا بسبب الشهرية
مابيه شي والله لتخافين ماما

- باوعتلي بقلق
ام ديرين:- ماما اسويلج شي حار شربي شوربه علمود بطنج
ديرين:- ماريد يروحي والله

- باوعت ؏ بيت ما لكيت بابا و جود
ديرين:- ماما وين بابا وجود مرجعوا؟

ام ديرين:- لا بعدهم خابرت ابوج كال
جود طلع بشغله خابرو وهوَّ ساعه ويجي

- ذكرت الرساله ورجعت بيه ذكريات للتهديد
يلي بالباب واليوم الي حدد بي عيد ميلادي حسيت
شي حار نزل ؏ خدودي بدون ما احس بشي بجيت
وكلبي كام يوجعني حسيت حيصير شي وكمت بسرعه
اخذت التليفوني واتصلت ؏ جود ويرن بس محد يجاوب

- اتصلت عليَّ مره ثانيه هم ماكو ظليت
الوب، مرت ساعات مرة وجود وبابا ثنيهم ماكو،
صارت بـ٦ بقه ساعه ؏ موعد مادري اروح لو لا !

- ظليت افكر وخايفه وافتر بالبيت وامي هم
تتصل ؏ ابوين مغلق تليفونه وجود ما يجاوب
تخبلننه وكلنه خفنه! صارت بـ ٧ وما طلعت من
البيت ولا هوَّ دز مسج واني بهالحظه ارتاحيت وعفته
وظليت احاول ادك ؏ جود وبابا وثنينهن ماكو !

ديرين:- يمة خل نروح لشرطه كلبي ما مرتاح يوم دخيلج

- بعدني داحجي وفات بابا ركضت
اله عبالي جود ويا وطلع بس هوَّ وجود ماكو !

ديرين:- بابا وين جود وليش تليفونك مغلق

- حسيت وجها تغير لونه من كلامي !
ابو ديرين:- بنتي تليفوني مابي شحن
وشنو اخوج ما رجع لحد هسه

- باوعت ؏ امي صافنه علية و؏ بابا
ابو ديرين:- يجوز عنده شغل هسه شويه ويجي خابرتو انتو

ام ديرين:- يمه ابني وين خابرنا مغلق
ابو ديرين:- لتخافين هسه يجي هوَّ جان بالمعرض

- مرّ الوقت واحنه ننتظر صارت ساعه بـ ١٠
وهوَّ ماكو ظلينه نتصل مغلق خابرنا خوالي اخاف
رايح يمهم بس مع اسف ما رايح يمهم، ظلينه نتصل
؏ اصدقائه محد شايفه مرّ الوقت وصارت بـ١٢ بالليل
ودكت ساعه وعبرت الـ١٢ وصار 12/12 وخلص عيد
ميلادي بعد ما تحول لكابوس

- سمعت صوت التليفوني يدك رحت ركضت
لكيته هوَّ جود وكفت بالمطبخ واهلي بالاستقبال
وبابا طلع يسأل جوارين، رديت ؏ اتصال

ديرين:- جود وين انتَ جود تعال للبيت بسرعه

- اجاني صوت غريب يضحك
:- شلون صوت حلو مثل صوت اخوها بس يا ترى
هالشجاعه مثل اخوها حته تنطي روحها بمكان اخوها

- بالعت ريگي وجسمي رجف! وعطت بصوت
ديرين:- منو انتَ منو وين اخوي جود
وين شسويت اله جاوبني وينه

- اجتي امي وتينا ؏ صوتي بالمطبخ واني ابجي
وكعت بالكاع واصيح وهمه ميعرفن شصاير

ام ديرين:- شكو ديرين جود شبي ليش تصيحين
تينا:- شكو شصاير ماما

ديرين:- الوو وينك وينك وين اخوي فدوه لاتسويله
شي شتريد كلي شتريد اني مستعده اسوي كلشي تريده

- اجاني صوت جود يصيح
جود:- ديرين دسدي الخط لتسوين هيج
لتحجين ويااا ولججج سديي

:- لا اصبر يجوز اختك تنقذك اني كتلك ياما المعرض
يا اما اختك فـ انت ما اختاريت ولا واحد يجوز اختك تختار

- اجتي امي تريد تفهم شصاير وتينا هم و
اكفات يمي ويهزن بيه واني ادفع بيهم واحجي

ديرين: باع باع شتريد انطيك والله فلوس كلشي
تريده انطيك المعرض اخذه اخذه منريده بس عوف
اخوي الله يخليك هذا روحي لا تاذي انتَ انسان اكيد
عند ضمير فدوه لا تكسرني بي

ضحك بصوت:- يلي أريده تنفذي لو مثل اخوج العار

ديرين:- انفذه بس اطلب شتريد فلوس
تريد معرض كلشي ننطيك والله بس عوفه

ردف بصوت مقزز:- اريدج يحلوه اريد ليله وحده وياج اشبع بيج براحتي واسوي يلي أريده وياج اريدج تريحيني

- جسمي رجف من كل كلمه يكولها واحس نار
بصدري صار والدنيا تفتر بيه واجاني صوت امي

ام ديرين:- انطيني تليفون ولج
اخوج شبي ياربي راح يروح ابني

- تينا تهدي بماما وكعت بالگاع امي تصرخ
ودك ؏ صدرها واني جمدت بمكاني ماعرف
شسوي روحي بمكان روح اخويه

:- الو ما عندج وقت يله جاوبي اخوج
لو جسمج الحلو وليله وحده وياي

- فزيت من صوت بابا يصيح
ابو ديرين:- شكو احجي ولج شكو

- اجه يمي يهز بجسمي ويصيح اريد
احجي بس ماكدر جمد لساني وانربط

- اجه صوت الولد من التليفون
:- ابو جود الحباب ابنك يمي واذا تريده
سالم خلي بنتك تنفذ يلي طلبته منها

- بابا اخذ التليفون مني واني وكعت بالكاع ما كمت احس
بشي بس فاتحه عيني وحجي الولد يرن باذاني وصوت اخوي

ابو ديرين : لك العا* السكط ابن المن* إذا
الزمك اله انحرك نحر عوف ابني وحسابك وياي

:- يله عزيزي عندك ساعه تقنع
بنتك بالي طلبته وابنك يوصلك

- بعده محاجي بابا وسد الاتصال
وشمر التليفون وكام يصيح

ابو ديرين:- ياربي ليش يارب جهالي
شلون يا الله ساعدني شسوي كَلبي يا الله

- ظل يروح ويجي واجه يمي ونزل
ابو ديرين:- بنتي كوليلي شطلب منج شيريد حته
يعوف اخوج احجي بنتي ماكو وكت هذا ميخاف
ربه يسوي كلشي بدون ما يرفله جفن

- باوعت عليَّ واني ارجف وشفايفي ترجف
ديرين:- بابا يريدن يريدنيي ينام وياي ليله وحده

- امي وتينا صرخوا وأبوين فاتح عينه من الصدمه
ولزم كلبه وگوه يتنفس، وراسًا ماما ركضت له هيَّ
وتينا تهدي بي واني كاعده مصدومه

ام ديرين:- اهدئ فدوه اروحلك اهدئ هسه نخبر الشرطه

- بس سمعت كلمه شرطه وعطت
ديرين: لالا ماما لالا فدوه لا حيكتله إذا خبرتوهم لا

- اجتي تينا حضنتني وتبجي واني اصرخ
وبلاعيمي تشخطت وأبوي كاعد بالگاع وگوه
يتنفس وامي دك ؏ صدرها وتصيح

ام ديرين:- راح ابني راح ضناي
يمه يالله شمسوي ليش تعاقبني

- اني اسمعها واصيح
ديرين:- لا ما يموت لا اخوي ميعوفني
هوَّ وعدني هوَّ كلي ما اعوفج

- امي تصيح واني منهارة بالبجي
وأبوي مختنك وتينا حاضنتني وتبجي

- فزيت ؏ صوت التليفون وركضت اخذته من الكاع
والشاشه مكسوره بس يشتغل بلكوه فتحت الخط عليَّ

ديرين:- الووو جاوب اخوي زين حباب اروحلك
فدوه ابوس ايدك لا تسوي شي اله لا فدوه اكتلني
يلي وعوف اخوي حباب دخيلك

- ضحك بصوت عالي زرف طبلة اذني!
:- اريدج هيج تتوسلين بيه من راح تجين لغرفتي
انـ* وتكولين لا ارحمني هيج اريدج تبجين وتصيحين

- بس گال كلامه وكعت بالكاع من الصدمه شلون
بدم بارد يحجي واني كلبي احس نزل تيزاب عليَّ
ويه كل كلمه يحجيها، فزيت ؏ صوت جود يصيح

جود:- ابن ساقـ* ابن الكحـ* ولك لا تحجي وياها
ولك تحلم تلزم شعرايه من شعرها ولك اولله اندمك
خناس الكلـ* عوفوني اخخخخ

خناس:- ويه كل دقيقه تتاخرين بيها راح اخذ اصبع من أصابع اخوج الج منا لعشر دقايق تفكرين وحسبي كم اصبع راح يروحله

- عطت بصوت رايح وخوف ودموع
ديرين:- لالا يا حيوان لا عوفه لتسوي شي اله
ولك لا ابن الكلـ* لا عوفه الله يخليك عوفه لا تاذي
قابله قابله والله بس عوفه راح اجيك اخذ يلي تريده
مني والله والله بس عوفه

- امي باوعتلي وفتحت عينها وبابا باوعلي وكام
بسرعه اجه بتجاهي ما احس بس جر التليفون وشي
حار صار ؏ خدي وكعني بالكاع

ابو ديرين:- بنت الكلـ* تردين تبيعين شرفج
لهذا ساقـ* لج اموتج هنا وما تسوي هالشي

خناس:- يعني هسه وصلني جواب حبيبي
جود سمعهم الشهاده مالتك قبل ما تروح لجهنم

- احس كلشي وكف والوقت والساعه
بعد هالضربه بس من سمعت كلامه فز كلبي
وروحي وجسمي كله كمت بسرعه وصيحت

ديرين:- لا لتسوي هيج لالا الله يخليك بداعت اعزاز
كلبك لا تحرك روحي عليَّ ولك بابا حاجي بابا اخوي
حيروح باباا جود حيكتلووو احجي ابوس ايدك حاجي
كله قابل انطيك بنتي عوف ابني بابه الله يخليك

- بابا وگع بالكاع وامي تصيح وتينا تبجي
وتصيح ركضت اخذت التليفون من بابا واسمع
صوت جود يشاهد!

جود:- اشهد ان لا اله الى لله
واشهد انه محمد عبد ورسوله
حبيبتي ديو كل عام وانتِ احلى اخت بدنيا اني
صحيح ما وفيت بوعدي الج بس راح اشوفج
بجنه اكيد ماريدج تبجين وراي اريدج صيرين
قويه وتسندين ابوي وامي كلهم بامانتج

- اسمع و ويه كل كلمه توكع دمعه مني
واحس شي من جسمي ديتكطع بسجاجين

ديرين:- لالا جود اسكت جود لتحجي هيج والله
راح ترجعلي وانتَ تسندنه اش اش راح اجي
حبيبي والله راح انقذك بس اصبرلي وين يا ابن حرام

- سمعت صوت خناس المقزز هوَ ويضحك !
خناس:- للأسف غيرت رأي ماريدج لعبت روحي منج اريد اشوف ابوج يلي يسب ويفشر شلون راح يتلكه ابنه الشهيد

- لطمت ؏ وجهي وعطت بصوت هز البيت
ديرين:- لالا انتَ تريدني مو كلت اريدج والله اجي بس عوف

- بعدني ما مكمله كلامي سمعت
صوت طلقه وصرخت بكل صوتي
ديرين:- جوددد لااالاا لاا ولك لااا اخوييي جودد

يـتـبـع ⚜️.
4903 كَلمة

- شتكولون هذا منو قابل البطل وشنو يريد منهم ؟

- راح يموت جود او لا ؟

- قـنـاة الَـ تـلـيـگـرام :
https://t.me/saja_husseiin
👇🏻.

- يوزر انـستـا : saja_husseiin

﴿ وَاذْكُر ربك إِذَا نَسِيتَ﴾
- سُبحان الله
- الحمدلله
- الله أكبّر
- أستغفر الله
- لا اله الا الله