عند ضاري طلع على غرفة نمر ومحمد
فتح الباب يناظر لهم كانو يلعبون
ضاري : وش تسوين
نمر : بابا ركض عليه ضاري شاله حبه ونزله
محمد كان يناظر
ضاري : ليه ما تسلم يا محمد
محمد قام له بفرحه حضنه يقلد نمر بابا
ضاري حضنه و ضحك :
دخلت ابحار : هذا انت هنا عاد استلم خلهم ينامون لي ساعة احاول فيهم ينومون صارت الساعة 11:00 م للحين ما نامو
ضاري : ليه ما تسمعون كلام أمكم قالت لكم نامو.
نمر: قالت بس من نقول لها تكفين خلينا خلتنا يعني حنا مالنا شغل صح محمد
محمد هز راسه : اي صح
ضاري ضحك : خلاص يا ابحار لعد تخلينهم يسهرون
ابحار: خلاص من هنا ورايح حتى إذا قلتو لي شوي مارح اخليكم بتنامون من الساعة 8:00
نمر : لا نمزح معك
ابحار مثلت الزعل :
نمر : حبها نمزح معك
ابحار : طيب روحو على النوم يالله
نمر: طيب
ابحار : ولدك نصاب
ضاري وقف على رجوله لأنه كان جالس بحضنه محمد : لا تقولين ولدي وقولي ولدنا يالله تصبحون على خير
محمد: نام معنا
ضاري : عندي شغل
نمر: بابا نام معنا
ضاري : عندي شغل بكره انام معكم زين
نمر: طيب
محمد: تكفه نام معنا هالمره
ضاري تنهد بقلت حيله : طيب وين انام أنا
نمر: بينا
ضاري : طيب سوي لي مكان
صار بينهم كان السرير عريض قصير حق اطفال صغار رجول ضاري تطلع منه
ابحار ضحكت على شكله
ضاري : تضحكين
ابحار : شكلك يضحك ما شاء الله رجولك طوال شوي تصل طرف ثاني من الجدار
ضاري : ابتسم : يالله على نوم حضنه نمر ومحمد كل واحد من طرف طلعت ابحار خلتهم
عند ضيدان كان حايص يبي يروح لترف
ابو ضيدان : يالله تاخر الوقت انا بنام تصبحون على خير
ضيدان : انت من اهله
شوي كل الشياب راحو نامو
ضيدان : يالله أنا بروح اشوف ملاك
عقاب : ملاك
ضيدان : خير وش تقصد
عقاب : ولا شيء سلامتك روح بس ترجع طمني عنها
ضيدان : ان شاءالله
طلع ضيدان
ضيدان : ضي
ضي : هلا
ضيدان : خذي لي طريق ابي أشوف ملاك
ضي : طيب روح مافي احد
ضيدان :طيب راح شاف
ملاك كان بطلع لكن تراجع راح لغرفت ترف قريبة من الغرفه الي فيه ملاك دخل غرفته ما كانت ترف موجوده
تنهد انها موموجوده
كانت بيطلع سمع صوت امه رجع لغرفة ترف
ام ضيدان : وينه ضيدان يا ضي
ضي : مدري قال انه بيشوف ملاك شكله رجع
ام ضيدان دقت عليه قفل بوجهها عشان لا تسمع صوت
دقت على عقاب
ام ضيدان : ضيدان عندك
عقاب ابتسم بخبث : ايي عندي
ام ضيدان : ليه ما يرد
عقاب : دخل الحمام
ام ضيدان : طيب يقول عنده
ضي : زين
عقاب رسل ضحكات لضيدان رايح تشوف ملاك قلت لي
ضيدان : الحين وش يفكني من لسانه هذا
رجع جلس لأن بنات عمه كلهم جالسين بالصاله ما قدر يطلع
جلس يناظر غرفت ترف بهدوء يناظر صورها هي وابوها صورها وهي صغيره كان في لها صوره جديده كانت صغيره سحبها اخذها حطه بالبوك حقه
جلس على الكنب بتعب شوي ونام
عند ترف كانت بتطلع هي ابحار فوق لكن شافت جوالها ضيدان كان راسل لها
جيت أشوفك بسبتك نحبست بغرفتك
ترف ابتسمت :
ابحار: يالله امشي
ترف : ها
ابحار : وش الي ها يالله امشي
ترف : غرفتي ضوه خرب نسيت اقولك ضلمه
ابحار شكت بأمرها : طيب تدرين خلنا ننام الصبح اشوفك
ترف : طيب
ابحار بخبث : وش رايك تنامين عند نجد دام ضوء حق غرفتك خربان
ترف : لا عادي على ضو الجوال
ابحار : طيب يالله تصبحين على خير
ترف : انتي من اهله
طلعت ترف لغرفتها لقت ضيدان نايم
ابتسمت فتحت الدرج طلعت غطا له
غطته دخلت غيرت ملابسها لبست بجامه حرير حمره
جلست على ارض قربت منه تلعب بشعره
ترف : الحمدلله يا ضيدان انك رديت لي يمكن لو صابك شيء مارح اسامح نفسي طول عمري
وقفت كانت بتروح تنام على سرير
مسكه ضيدان من يدها سحبها عليه بهدوء سحبه بحضنه غطه معه
ترف : ضيدان
ضيدان حضنها : اش خلني اكمل نومي
ترف بارتباك : خنقتني
ضيدان ضمها اكثر : اش ياترف خلني انام تعبان
ترف ماكانت مخنوقه بس كانت مرتبك منكان تسمع دقات قلبه
ابتسمت حضنته ترف حطت يدها على قلبه الي يدق بسرعة
غمضت عيونها دفنت وجهها بصدره
شوي راحم ثنيهم بالنوم
عند غزلان الي كانت تناظر من دريشة غرفتها السماء عيونها فيهن دموع غزلان : ليه كل هذا صار ليه كل ما قلت زانت لي رجع خرب كل شيء ليتك حمدان عايش انا بحاجتك ابيك تساندني تساعدني على هالايام تعبت تبعت ياحمدان ماحد معي كلهم تركوني وحيده تعالي خذني لعندك تعبت ما لقيت من يساندني من بعدك تعال حبيب اختك وخذني بعيد
حمدان توأمها الي مات
نايف ما درا لين كل شيء انكشف عرف ان اخوه هو الي عايل ما رجع كان مستحي يقابل عيال عمه
لميس : من درت هي ساكنه غرفتها
نوف : مثل بعد من درت هي مسكره على نفسها
عند عقاب بعد ما الكل نام
طلع للحديقه حقت القصر
رمه نفسه على عشب جلس يناظر السماء
يتذكر موقفه مع غزلان
ابتسم جته وهواجيس لين نام على عشب
عند ضي دخلت على مساعد
كان نايم غطته نامت جنبه
هي نتاظره بهدوء لين نامت
على صلاة الفجر الكل صح
ابو ضيدان : وينه ضيدان وعقاب
ضاري : مدري
ابو ضيدان : شف وينهم هالاثنين لا تخلونهم لحالهم
ضاري : دق على ضيدان
عند ضيدان كان نايم عند ترف وناسي الدنيا بعصرها
لين دق الجوال
ترف صحت : ضيدان
ضيدان : ها
ترف : يالله قوم الجوال يدق
ضيدان : ابي انام خله
ترف : قام صلة بعدها رجع نام
ضيدان فز برعب : وش
ترف بخوف: وش فيك
ضيدان : ابوي كيف بنزل الحين
ترف ضحكت بصوت على شكله :ههههههههههه
ضيدان ناظرها : وش الي يضحك يا انسة ترف ابوي الحين يذبحني انتي تضحكين
ترف :شكلك يموت ضحك
ضيدان : بعدين حسابنا الحين خذي لي طريق ابي انزل
راحت ترف
ترف : الكل بالصاله
ضيدان : مين الكل
ترف: خالاتي والبنات
ضيدان : طيب روحي خذي لي طرق
ترف : لا والله ما تنزل انتظر لين يروحن
ضيدان : ليه وش فيه
ترف : مابي
ضيدان : طيب عادي أنا زوجك وش فيه
ترف : لا تكفه خلك هنا و أنا بشوف لك حل تطلع
ضيدان : يا بنت الحلال أنا زوجك وش فيك عادي
ترف : لا مابي الحين البنات يخذوني طقطقه لاني امس قلت ان ضو غرفتي خربان تكفه
ضيدان : ههههههههه طيب بسرعة
ترف: طيب
نزلت ترف وهي تفكر كيف بتخليهم يطلعون
ترف : وش رايكم نطلع للحديقه الجو حلو
ام مساعد: لا خلنا هنا بعد نفطر هنا
ترف : لا... يعني اقصد ليه ما تفطرون على الطاوله
ام مساعد: لا على الارض احسن
رجعت ترف لضيدان
ضيدان : ها وش صار معك
ترف : ما رضو بس بنطلع من جناح بيت عمي ابو نايف
ضيدان كان بيمشي : لا خلني انزل من هنا خلاص
ترف وقفت قدامه على الباب : لا الله يوفقك صدقني محد راح يشوفنا بسرعة ننزل
ضيدان : ترف
ترف : تكفه يرضاك يخذون زوجتك طقطقه
ضيدان حط يدينه على الباب وهو يناظره : لا ما يرضالي
ترف طلعت من تحت يدينه : خلنا نمشي يالله
ضيدان تنهد : طيب
طلع ضيدان و ترف مثل الحراميه متوجهين لجناح ابو نايف
طلعت بوجههم العمه حصة
ترف شافته ما كان حولها غير غرفة الغسيل دفت ضيدان فيه
العمه حصة : ترف
ترف : هلا عميمه
حصة : شعندك
ترف : جيت اناديك
حصة : هذا جيت يالله امشي
ترف : بس عندي كم شغله اخلصهم واجي
حصة : طيب
ترف : ضيدان طلع
ضيدان بغضب : لو نزلت من غرفتك مو احسن
ترف : اسف والله ما عرفت وش اسوي خفت تشوفك
ضيدان : إذا شافتني زوجك
ترف : قلتلك ان البنت يخذوني طقطقه
ضيدان : اخلصي يالله وين الباب
ترف : من هنا تعال
شوي وصل
ترف : تنزل من هنا
ضيدان نزل وهو معصب منه لأن دفته بقوه
تلقاه ضاري
ضاري : خير وش فيك
ضيدان : ولا شيء
ضاري : وين عقاب
ضيدان : عقاب مو عندكم
ضاري : لا
ضيدان : مادري
العامل : يا استاذ ضيدان
ضيدان : هلا
العامل : في رجال نايم بالحديقه لي ساعة احاول صحيه مو راضي يصحى معي
ضيدان : اكيد الخبل عقاب
توجه ضيدان و ضاري لعقاب
الي كان نايم بنص العشب
ضاري شكل ثوبه :تسابق من يصل قبل
ضيدان شكله ثوبه : ايي
ركضو لعقاب
وصل اول ضيدان رمه نفسه فوق عقاب
عقاب : اخ ذبحتني
ضيدان بتعب : خلك عشان تنام هنا ثاني مره
عقاب : بعد عني
ضاري : والله سبقتني
عقاب تعدل بتعب : ورعان الحق مو عليكم الحق على الي معطيكم بناته
ضيدان تعدل بعد عنه : هههههه
ضاري : تعبت
ضيدان : شايب
عقاب شاف مساعد : ضيدان نادي مساعد تكفه
ضيدان : مساعد تعال
مساعد جاهم : هلا وش عندك
عقاب : أنا قلت له يناديك
مساعد : ما رد له
عقاب وقف : مين الي مزعل شريك الفقر
مساعد مارد يمثل الزعل
عقاب : ياخي اسف خلاص فضها عاد اعتذر عن الكلام الي طلع مني
مساعد: مدري وش رأيكم أسامحه
ضيدان : أنا اقول لا خله عشان يتأدب
عقاب : يا خاين يصير خير المره الجايه إذا أمي. دقت بقولها ضيدان عند.........
ضيدان سكر فمه :. أنا اقول رضيه عقاب رجال غلط أعتذر
مساعد: ذا قالي السالفه كاملة راح اسامحه
عقاب اشر لضاري يمسكه مسكه ضاري
عقاب قال لهم على ضيدان البارح انها على اساس رايح يشوف اخته
مساعد : هههههههه طيب ليه ما قلت عادي بروح لزوجتي وش فيها
ضيدان : مالكم شغل
مساعد: وش فيها ترا حتى أنا امس كنت عند اختكم نايم وش فيه زوجتي يعني تخيل اترك ضي وانام عندكم تخسون
عقاب كان وده يذبحه : مساعد سد حلقك
مساعد: وش فيه ترا زوجتي عادي امس بعد سوت لي اطلق مساج
عقاب رفع ثوبه صار يركض وراه
مساعد يركض عقاب وراه : عقاب ترا للحين زعلان خلنا نجلس نتفاهم
عقاب : علوه عمرك لا رضيت
فلاح : يا عيال ابوي يناديكم
ضيدان : طيب جاين
توجهم كلهم لمجلس رجال
عند بيت ابو نايف
نوف : اصوات ضحكهم معبي القصر ولا كن صار شيء
غزلان : وش تبينهم يسوين يبكون احمدي ربك ان للحين مخلينا بالقصر
نوف : والله القصر لنا هم يحمدون ربهم ان للحين مخلينهم
غزلان : حنا مالنا شيء ما لومهم اذا تبرؤ منا بعد الي سووه اهلك
نوف : والله اهلك ما سوو شيء غلط
غزلان :ماسوو شيء كل الي سووه ما سوو شيء ليت ماني بنتكم
ابو نايف : غزلان
غزلان وقفت وهي تناظر عيون ابوها اول مره تناظره كذا رغم كل الي سواه ما عمرها واجهته
ابو نايف تقلط عليها عطاها كف بكل حيله
غزلان تعدلت وهي دموع بعيونها : اضرب اضرب لين تذبحني ماعاد اخاف منك كنت اخاف قبل لاني اشوفك اب صادق بس الحين مااشوفك إلا واحد ظالم الحمدلله حمدان مات ما ضل عايش معك ما طلع مثلك انت وولدك فيصل
ابو نايف مسكها من شعرها دخلها غرفه
لميس كانت تحاول تمنعه
لميس : يبه الله يوفقك وقف تكفه يبه يبه دفها قفل الغرفه على حاله
لميس : يمه سوي شيء
ام نايف : خلها عشان تعرف تطاول لسانها
لميس : يمه
ام نايف : ما ردت سحبت نفسها دخلت داخل و نوف
كان بس صوت ضرب غزلان
لميس نزلت تركض تحت وهي تبكي
نزلت لميس تركض لقسم الرجال تفزع احد يساعد غزلان
بقسم رجال
عقاب : نسيت اغراضي بالعشب كله من شريك الفقر صدق انك شريك فقر
مساعد: اقول رح جيبهم بجهز لكم اطلق فطور
ضيدان: لا تكفه فكنا آخر مره سويت البيض للحين ما تخطيته أنا بسوي الفطور
مساعد: كيفكم
ضاري : نبي سلامتنه
طلع عقاب
تلقته لميس
لميس : عقاب
عقاب بستغراب : هلا
لميس كانت تبكي :
عقاب : يا بنت حلال وش فيك
لميس : تكفه الحق ابوي ذبح غزلان تكفه ساعدها يا عقاب
عقاب بغضب : وينه
لميس : بالجناح حقنا بسرعة تكفه
طلع عقاب يركض
فلاح شافهم : وش فيه عقاب يركض
لميس : ابوي جالس يضرب غزلان اختي تكفه الحقه
فلاح بغضب : ما لقيتي احد غير عقاب تقولين له ركض وراه
لحقته لميس
عند عقاب وصل الجناح صاح انه راح يدخل
دخل اول ما دخل الجناح سمع صوت ضرب
توجه للغرفه عيونه حمر بكل ما عطاه ربي قوه دف الباب
دخل كانت غزلان حالتها تقطع القلب
عقاب بغضب سحب عمه طلعه برا الغرفه
خذاه لغرفه لحالهم
فلاح : عقاب انتظر عقاب لا تقفل عقاب يا تبن ابوي مو ناقصه عقاب ياحمار افتح
عقاب قفل الباب عليه هو وعمه
فلاح : عقاب يا حمار افتح راح انزل اقول لابوي عقاب تكفه افتح مو ناقصنا
فلاح نزل يركض على ضيدان
عند عقاب
عقاب : انت وش طينتك بين البشر كيف قلبك يطاوعك تضرب بنتك كذا ها
ابو نايف : كيف تدخل على بناتي كذا يا قليل الادب
عقاب : لو يهمك كان ما سويت ببنتك كذا ما عاش من يضرب بنات ال حمدان احمد ربك انك اخو زاهد وله كان شفت شيء ما يعجبك دامك تضرب كذا خلهم لنا حنا نبيهم إذا انت ما تبيهم البنت الحين اخذها معي بس تصير اب مثل الناس بعدين تعال خذها مني
ابو نايف : تخسي تاخذها
عقاب : والله ما هو بكيفك إلا غصب
ابو نايف : تخسي
عقاب : عندي لك كلمتين يا تجي البنت معي يا السجن ينتظرك لا تحلم اخليها عندك من بعد اليوم
ابو نايف : تهددني يا ولد زاهد
عقاب : أنا ما اهدد يا فلاح أنا انفذ
ابو نايف : بنتي ما تطلع من بيتي إلا لبيت زوجها فاهم يالله انقلع برا بيتي صدق مارح اعديها لك
عقاب : دامه كذا خلاص تطلع زوجه لي ما اخليها عندك
عند ضيدان و مساعد و ضاري درو طلعو يتراكضون
شافهم ابو ضيدان لحقهم
ضيدان دخل يركض الجناح
ضيدان بغضب : عقاب عقاب افتح بسرعة يالله عقاب افتح
عقاب : عندي كلام مع عمك اخلصه اطلع لا تخافون
ضيدان : يا مجنون اطلع مالك شغل جدي يحل الموضوع يا عقاب طلع لا تجنني يالله
عقاب ما رد
مساعد: يا تيس اطلع
دخل ابو ضيدان : وش فيكم
فلاح : ها
ابو ضيدان : وش فيكم
ضيدان قال لابوه
ابو ضيدان : عقاب افتح الباب بسرعة
مساعد بعث على جده لان عرف الموضوع بيكبر
طلع ابو نايف : والله إلا ردها لكم ولدك يدخل على بناتي
ابو حمدان : فلاح
ابو نايف : تعال شف حفيدك يدخل على بنات عمه وهن مكشفات الي ما يستحي.
عقاب : لو ما دخلت كان ذبحت بنتك لونك رجال كفو يهمنك بناتك ما سويت كذا
ابو ضيدان : عقاب طلع برا
عقاب : اول شيء اخوك عنده كلام لكم
ابو نايف عرف ان عقاب مجنون يسويها يسجنه : نادي غزلان
عند غزلان كانت جالسه ما تكلمت ولا كلمه بس دموعها ينزلن
لميس : ابوي يبيك امشي
توجهت غزلان لهم برا كان بس جسد يمشي
وصلت غزلان تناظر الارض دموعها على خدها
عيال عمها كلهم صدو إلا عقاب الي ناظرها وقلبه يتقطع عليها كان وده يكسر عمه
ابو نايف : هذا قدام ابوي من اليوم هذا يا غزلان أنا متبري منك ليوم الدين لنا ابوك ولا اعرفك انسي ان عندك عيله اخذ البنت واطلع انت وعيالك من بيتي يالله
عقاب ناظره بصدمه مو هذا الي اتفقو عليه
لميس : من ورا الباب : يبه لا لا تكفه يبه تكفه
غزلان ما تكلمت بس دموع من عيونها ينزلن
عقاب يناظر دموعها قلبه يتقطع عليها
ضيدان :يا فلاح لانت رجال ولا تنعد من بين رجال ما تستاهل نخلي بناتنا عندك البنت بنحطها بعيونه لا تخافين ولا تشيلين هم عقاب زوجك حنا الخمسة اخوانك إذا ربي حياني ما تنظلمين وانا اخوك
ابو نايف : مربي عيالك على قلت الادب ما بقى إلا يضربوني
ابو ضيدان : سحب غزلان :امشي وانا ابوك
ابو حمدان : مارح اعديها لك يافلاح
انزلو الكل
عند ابو ضيدان غزلان
ابو ضيدان : معليه يا بنتي يومين ويندم ويرجعك بس لا تزعلين نفسك ادخلي على بنات يالله
غزلان كان قلبها يتقطع صدق قالت ليت بس كان مجرد كلام ما توقعت انه بصير حقيقه ان خلاص ماعد تقدر تشوفهم
طلع ابو ضيدان لمجلس الرجال
ابو ضيدان : نادي لي عقاب
عقاب : هلا
ابو ضيدان ضربه كف : مين مفكر نفسك تروح تهدد عمك
عقاب : يبه شف وش مسوي بالبنت
ابو ضيدان : بنته مالك شغل فاهم
عقاب : يبه وش بنته شفت البنت كيف وجهها متشوه
ابو ضيدان : مالك شغل فاهم الحين اليوم بينعقد قرانها على فلاح اخوك
عقاب تجمد بمكانه ناظر ابوه
ابو ضيدان : الحين تطلع تجيب شيخ يالله
عقاب : طيب
طلع عقاب هو يحاول يستوعب الي صار
غمض عيونه يحاول يتنفس لأن ماعد يقدر يتنفس كان يحس الدنيا كلها فوق صدره مو قادر يستوعب شيء ما قدر يقول شيء حتى بينه وبين نفسه ماقدر يفكر بغزلان كل افكاره راحت كل كلام راح ماعد فيه كلام يواسي فيه نفسه
مساعد : عقاب
عقاب وقفه بيده ان بيروح لحاله
طلع عقاب من القصر
عند غزلان وترف
غزلان حضنت ترف وانهارت : ابوي تبرئة مني ترف
ترف : خلاص يا حبيبتي انتي هدي
دخلت ابحار :غزلان حبيبتي انتي اجلسي خلني اداوي لك الجروح
غزلان جلست
عند ام عقاب و ملاك
ملاك : الله ياخذه من بين الرجال حرمه ماهو رجال كيف يمد يده جعله الكسر يارب
ام عقاب : ضبي لسانك عيب
ملاك: يمه شوفي البنت يا حرام
ام عقاب : مالك شغل يالله انقلعي برا
طلعت ملاك كان فاير دمها
ام عقاب : مااعرف وش اسوي فيه هي عقاب شيب قلبي
ام ضيدان : الله يهديهم
بقسم الرجال
بقسم الرجال كان الكل ينتظر عقاب
شوي وصل عقاب معه الشيخ
عقاب : تفظل
الكل قام سلم
بعد ما خلصو عقاب كان بيطلع
ابو ضيدان : اجلس
عقاب تنهد جلس هو يناظر الارض
ابو ضيدان تقلط على ابوه قاله : يبه بطلب يد غزلان ولدي اليوم
ابو حمدان : زين تسوي
الشيخ : يالله نبدا
ابو حمدان : ايي
الشيخ : وينه المعرس
ابو ضيدان : عقاب
عقاب : هلا
ابو ضيدان اشر له يجلس جنب الشيخ
عقاب ناظرابوه
ابو ضيدان : قم
عقاب قام وهو مصدوم
الشيخ : نبدا
......................................
بعد قعد قران
عقاب يوصل الشيخ
لحقه ضيدان : اخاف ان أنا الي حرجتك وافقت
عقاب رسمت ضحكه على وجه : لا
ضيدان : جد
عقاب : والله
ضيدان : وش افهم
ضيدان : عقاب اكيد
عقاب : اكيد تدري ودي اروح اقوله عقاب بن زاهد تزوج غزلان غصب عنك
ضيدان: ماشاءالله يعني اخذتها عناد بابوها بس
عقاب : لا اخذتها عشان أنا ابيها بعد
ضيدان رفع حواجبه 🤨
عقاب : لا تناظرني كذا عادي بنت عمي ابيها وش فيه تدري امس كنت افكر كيف بتصير لي اليوم صارت لي
ضيدان : ماشاءالله متى كل هذا صاير
عقاب : مادري الشيء الوحيد الي ما تعرف متى يدخل هو الحب دخل مااعرف متى
ضيدان : بعدين نتكلم رح وصل الشيخ
عقاب : طيب
طلع عقاب
ضيدان : الله يهديك يا عقاب
كان بيدخل بس سمع صوت حرمه تكلم الأمن الي رافض يدخلها
ضيدان : وش فيه
الأمن : تبي تدخل
ضيدان : خلها تدخل
الأمن : مانع دخولها ابو حمدان
....: تكفه يا ولدي بس اشوف ترف دقيقتين مارح اطول
ضيدان : وش لك فيه أنا زوجها قولي لي أنا اقلها
...: أنا امها
ضيدان : امها
الأمن : ايي بس ممنوع ادخل
ضيدان : دخلها
الأمن : بس
ضيدان : دخلها تفضلي يا خاله
ام ترف : الله يسلمك ويسعدك يا ولدي
ضيدان : ادخلي
ام ترف : ابي أشوفها اشتقت لها
ضيدان : الحين اناديها لك ادخلي
تم ترف : متى تزوجتم
ضيدان بستغراب : ما تعرفين ان بنتك تزوجت
ام ترف تنهد: لا
ضيدان : راح يصير لنه شهرين
ام ترف : الله يسعدكم
ضيدان دق على ترف انها تنزل
نزلت ترف كانت مرسوما ضحكه على وجهها انها بتشوف ضيدان
لكن لمن شافت امها الي بجنبه انصدمت
ترف بغضب : انتي وش جابك هنا ها وش تبين بعد كل هالسنين
ضيدان : ترف وش هالكلام
ترف: ضيدان خلها تطلع قبل لا أنادي الأمن يطلعونها
ضيدان : ترف هدي ما يصير هالكلام هي امك
ترف : لا ماهي امي امي ماتت من زمان
ضيدان : ترف ما يصير هالكلام
ترف : روحي ليه توك راجعة ليه بعد كل هالسنين ليه يا امن طلعوها
ضيدان : ترف خلاص هدي
ترف صارت تبكي : ضيدان ما تعرف وش سوت فيني تركتني لحالي راحت تزوجت خلت وراها طفله ضليت سنين ادق عليها بس عشان اشوفها مرا وحدة عيت خلتني لحالي راحت أنا مو ترف الصغيره ذيك يا منيره أنا كبرت كبر معي كرهك اكرهك ليه رجعتي ارجعي لعيالك و لزوجك الي تركتيني عشانه
ضيدان حضنها يهديها : ترف خلاص هدي الحين تروح بس هدي
ترف بترجع وهي ترجف : خلها تروح تكفه يا ضيدان تكفه بسرعة مابي أشوفه وجهها
ضيدان : طيب بس ادخلي انتي
ترف : مابي
ضيدان :ترف ادخلي
ترف :طيب بس لا تضل
ضيدان :زين
راحت ترف وهي تبكي
ضيدان : مادري وش الي بينكم لكن مااقدر اجبرها على شيء اعذريني
ام ترف : طيب مشكور بس عادي اطلب منك خدمه
ضيدان: إذا غير ترف ابشري
ام ترف: ابي رقمك
ضيدان بستغرب بس قال : ابشري خذي هذا رقمي
ام ترف : هذا رقمي صار عندك إذا ترف غيرت رأيها دق علي إذا تقدر حاول فيها وقل لها أن أنا ندمانة لا تصير زيي ابي أشوفها لو مرا
ضيدان : ان شاءالله هذا الأمن معك وين ما تبين يوصلك
ام ترف : الله يوفقك يولدي
طلعت ام ترف
دخل ضيدان تنهد دخل
ضيدان : فاتن
فاتن: هلا
ضيدان : ترف وينها نادي لها
فاتن: طلعت لغرفتها تبكي وشفيها
ضيدان : امها جت خذي لي طريق ابي اطلع لها
فاتن : ادخل
طلع ضيدان لغرفت ترف
دخل على ترف كانت رامية نفسها على السرير تبكي
ضيدان قرب منها بحنية: ترف
ترف تعدلت : ليه ضيدان توها تجي ليه لمن كنت بحاجتها تركتني ليه رجعت
ضيدان حضنها : تبقى امك يا ترف ما يصير
ترف سحبت نفسه من حضنه : ضيدان تركتني وانا صغيره ترجيتها كثير انها تبقى معي حتى مسكتها من رجولها ترجيتها تضل عندي ما تتركني مثل ابوي ما رضت راحت خلتني كنت كل يوم ادق عليهاعشان ترجع حتى غيرت رقمها عشان لا ادق عليه لمن ابوي كان عايش ما خلتنا نعيش يوم متهنين دايم تضربني رغم كذا ضليت احبها
ضيدان :ما كنت ادري
ترف : تكفه لا توقف معها ضدي مالي غيرك انت
ضيدان حضنها : وانا معك لا تخافين والله ما اوقف ضدك
ترف حضنته ما يسمع غير صوت شهقاتها
ضيدان : خلاص يا ترف
ترف : ليه رجعت فتحت جروح لي سنين احاول اداويهن قبل وفات ابوي الله يرحمه كانت دايم تعاملني بقساوه حتى فيه بعض الاحيان تضربني تقول ليتك ما صرتي بعد وفات ابوي تركتني عشت بذي الغرفه لحالي كنت اخاف انام لحالي كنت كل يوم ادق عليها بنص الليل اقول يمه تكفين خايفة لحالي تعالي عيت تجي مااقدر اسامحه يا ضيدان مابي اشوفها مابي كنت كل ليله انام وانا ابكي
ضيدان كان قلبه يعوره من كلمه ان عاشت كل هذا لحالها : طيب ياروح ضيدان الي تبينه يصير بس لا تزعلين نفسك مسح لها دموعها أنا معك ماعادك وحيده
ترف : اخاف انك تتركني مثل امي
ضيدان : لا تخافين ولا تفكرين بيوم اني بتركك أنا معك لين آخر يوم بعمري ببقى معك كل الليالي كل الايام ابقى معك كل السنين الجايه ان شاءالله أبقى معك ابي اشوف منك عيال ابي اشوف نفسي أنا مشيب معك وانا باخر لحظات عمري ابي اكون معك لا تخافين ولا تشكين بيوم اني بتركك يا ترف
ابتسمت ترف حضنته : وانا ابي ابقى معك طول العمر ان شاءالله
ضيدان حضنها بقوه وهو يحب راسها بقلبه : بعوضك كل لليالي الي عشتي فيه يتيمه بعوضك عن كل دمعة نزلت من عيونك بصير لك اب وبصير لك اخ وام و زوجي وحبيب وسند ربي احياني ما تنظلمين وانا حي ما تنزل دمعة من عيونك إلا دموع الفرح ان شاءالله
ب