الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
__________________
في وسط هدوء أليل ..
هُناك ضجيج أفكارً .. ودقات قلب مرتجفً ..
من بعد صدمة وعدم أستيعاب ! ..
نضر نحوها بضحك .. وقال
- بابي مريضة أنتي عيوني !!
ابيجيل : خلى أيدي على جبيني ودفعتها وكلت ..
- وخررر ايدكك .. بعدد تحلمم هيج تتقرب منيي
نزل رجلة .. وبعدها الثانية .. و كام على حيلة وكف كبالي وهوة يباوع علية بصدمة ..
دامِس : كل هاي الفترة تخليني اتقرب الغايتج !!
ابيجيل : أي .. علمود لا تتعصب ..
انصدم أكثر .. وأني انصدمت من حلكي إلي نطق هالكلمات !!
كال بصدمة أكبر من القبلها ..
دامِس : مو حباً وأشتياقاً إلي !!
ابيجيل : دنكت راسي وابتعدت .. عم الهدوء الغريب !! .. بحركة سريعة قربني ألة وتهجم على رگبتي .. دفعتة بس ما وخر ..
صرخت ودفعتة حيل .. وخر مني وهوة مصدوم ..
ابتعد عني بعد ما كتلة يوخر مني .. ضل يباوع علية وضحك !
ضحك حيلل الدرجة السُعال .. وكال ..
دامِس : شنو هالمقلب ال.....
ابيجيل : مو مقلبب .. أني أحب يامن ما احبك انتة .. أريد ازوجة هوة مو انتة .. انتة ابوية وهوة يصير زوجي ..
كلت هالكلام علمود خاف عبالة اعوفة واروح ..
توقف عن الضحك .. دنك راسة ورا فترة قصيرة باوع علية .. بس هالمرة !!
بنضرات غضب ! نضرات حقد ! .. نضرات توعد !!
بعد ما نضرني بنضرة كزبرت جسدي .. عافني وراح بعد ما أحوالة تخربطت ..
أيدي المقبوضة ضلت ترجف .. جسدة كلة ضل يرجف ..
وأدركت أنو دا يتسعد للهجوم ..
بس عكس ما توقعت .. بكل هدوء لكن داخلة حرب ! عافني وراح فتح الباب وطلع !!
ضليت مصدومة !! ما توقعت راح يعوفني ابد ..
بس زفرت براحة بعد ما حبست نفسي الوقت طويل من خوفي ..
بعد مرور وقت محدود .. احتلتني مشاعر الفرح ! اعتبرت سكوتة علامة القبول ! .. ورحت وأني طايرة من الفرح ..
دكيت الباب وسمحلي بالدخول .. وكفت يم الباب وكلت بفرح ..
ابيجيل : يامن .. قبلل .. قبلل دامِس قبلل
جان يشرب ماي وغص بي .. ضل يكح وأني مستغربة من ردة فعلة !
هدئ وباوع علية بصدمة ..
يامن : كلتيلة !!
ابيجيل : أي !
ضرب راسة بقوة وكام من مكانة .. ضل يروح ويجي بالغرفة وهوة متعصب وقلق ويعاتب بية بعد ما سولفتلة الصار ..
يامن : كل عقلج دامِس يسكت !! عبالج هاذ سكوتة سكوت رضى !! .. ولججج هاذ سكوتتت ما قبل العاصفة ابيجيل ما قبل العاصفةةة .. الله يعلم شنو جاي يخطط .. الله يعلمم
ابيجيل : ما انكر أنو خفت ..
- شبيك يامن ! بدال ما تفرح ؟
يامن : ههههه افرح على شنوو ! على الانتقام الراح يسوييي .. على شنو افرححح
ابيجيل : غوركن عيوني قهر من ردة فعلة .. جنت متخيلة عكس هاي الرد .. تخيلت راح يفرح ويحضني بس صار العكس ..
يامن : على شنو تبجينن !! خزني دموعج حبيبتي خزنيهن للأيام الجاية ..
ابيجيل : بجيت بصوت عالي ..
يامن : كافي ابيجيل .. هسة راح اصيح الحر يحليها ولو راح يروح بيها بس هوة يكدر يحميج منة ..
ابيجيل : فعلاً .. خابر الحر وبس كال ..
يامن : تعال الغرفتي ضروري ..
ابيجيل : دقائق وانفتح الباب .. شافني ابجي وكال
الحر : شسويتلها !!
يامن : اسئلها ! اسئلها شمسوية وشمصخمة ..
الحر : شنو ! .. شمسوية ابيجيل
يامن : كايلة الـ دامِس أحب يامني وأريد ازوجة
ابيجيل : باوع علية الحر ومعاني وجهة صارت ما تتفسر .. أني بنصهم ابجي وما أعرف ليش هيج يسسون وشنو هاي ردة الفعل !!
بعد دقائق من الصدمة كال ..
الحر : وين اضمج ابيجيل ! وينن اضمجج
يامن : ياريتتتتت لو مصيح .. لو متعاركك .. لو هاجم البيت ولا هاذ سكوتةة
الحر : ليش شسوة !!
يامن : عاف البيت وطلع بدون أي ردة فعل
ابيجيل : لزم راسة الحر خايف وقلقان حيل ..
ضل يفتر بالغرفة ويحجي بخوف ..
الحر : وين اضمج ابيجيل وينن .. بيا حفرة وبيا قارة !! وينن اوديجج منةة .. شسويتي بروحجج ياجيلة شسويتي ..
****
بين بكائي وحركت گلبي .. فززني قفل الباب .. حبست انفاسي علمود أسمع زين .. وفعلاً القفل يتحرك ومفاتيح هم ..
وكفت خايفة وحايرة .. نضرت للمكان وأريد شي يحميني .. ما لابسة أي شي غير بس الچرچف الخفيف حيل ! ..
ما لكيت أي وسيلة تحميني .. لفيت الچرچف حيل على جسمي وأخذت زاوية وأني ارجف ..
انفتح الباب وشافني .. وكف بمكانة وضحك ..
- صح النوم عروستي
- حسبي الله ونعم الوكيل عليك
شمر المفاتيح ونزع سترتة وهوة يبتسم ..
الثعلب : حضرت الج الأكل .. وجبتلج ملابس مال صباحية عرس تخبل .. ولو هسة ليل احنا !
سدِم : حسبي الله ونعم الوكيل عليك .. كون كسرتي ما تعدي عليك يا ابراهيم .. حسبي الله ونعم الوكيل عليك..
ضحك وما اهتم .. راد يكعد بس انتبه علية وكال
الثعلب : مستحية مني ! .. دكومي كومي اسبحي ولبسي الجبتة الج
سدِم : وخر من وجهي .. روح اطلعع
الثعلب : الحمام بالصالة حبيبتي
سدِم : دنكت راسي وضلت على وضعي ..
مر وقت وأني هيج .. خابرو وطلع وما قفل الباب .. كمت بعد ما مر قصير وخليتة يطلع كلش .. وطلعت من الغرفة الحقيرة ..
دورت الحمام وطبيت سبحت .. جان مجهز من كلشي .. ملابس .. غسولات .. منشفات ..
وأني اسبح .. سرحت ..
سدِم : أني المن اسبح !! .. جسمي لو شنو اسوي راح تبقى قذارتة ! .. يعني أخذ شرفي !
ما مستوعبة أبد .. عفت السبح وضليت ابجي ..
تمنيت لو امي موجودة علمود أنام بحضنها وتسكتني وتهدئ بية وتلولي ..
وقت طويل وأني ابجي .. ابجي على خيانتة !
ابجي على كسرتي .. ابجي على امي ..
مشاعر خنكة قوية اجتني .. بالكوة يالة سبحت وطلعت .. ردت ابدل وانصدمت من الجايبة !!
سيت مال ملابس نوم وتراكات أربعة ..
الظاهر يريد يسجني هنا ..
لبست أكثر تراك مستور وطلعت وأني ميتة وجع ..
امشي وأني ابجي .. ويا كل خطوة اموت الف موتة
شفت مشط وكعدت امشط شعري وأني ابجي ..
سدِم : اخخخخ ياكسرتيي .. اخخخخ ياكسرتيييييي
عفت المشط وصرت ابجي بصوت عالي وحركة گلب
تمنيت أني هسة بحضن جدة وتمسح على ضهري ..
كمت وأني ميتة وجع .. رحت بأتجاه الباب ولعل ما قافلة واشرد .. بس أعرف ما يخلي مفتوح أبد ..
رجعت وأني مكسورة ومُحبطة ..
ضفرت شعري وانتبهت جايب ادق التفاصيل .. حتى القراصات جايب ! .. عدلت شعري ورشيت عطر ولعل نفسيتي تتغير .. ورحت الغير غرفة وقفلتها علية وانهاريت من البكاء ..
صرت اضرب بروحي واصرخ ..
سدِم : ولججج ما كدرتيي عليي هاذذ الحقيررر .. ما كدرتييي وخليتي يكسرججج .. جان فاشختةةة أموتة .. ما كدرتيي عليي ما كدرتييييي
اضرب بروحي وألومها على الصار .. أتمم زواجة مني أعرف هاذ الشي مو حرام لكن حطمني ! بالكوة أخذ اليريدة مني وأني اكرهة ..
من دون وعي صرت احجي بأسم علي ..
سدِم : علييي .. ولكك عليي كسرنييي كسرنيي الثاني مرة عليييي .. مو كتليي راح اجيجج وينكك وينككك عنيي وينكككك ..
انصدمت من إلي كلتة ! واستغربت .. شنو الجاب اسمة على حلكي .. بس إلي احسة أنو محتاجتة حيل .. أول ما شفتة لحد ما راح جانت اكو ناحية قليلة بالأمان .. كلامة ! حجية ! تشجيعة ! اسئلتة علية ! .. أمان علي أمان ..
طفرت من مكاني من ركع الباب وصاح ..
الثعلب : افتحيي الباببب
سدِم : وكفت خايفة ! شجعت روحي وكلت ..
- امشيي ولييي ..
الثعلب : لججججج افتحييي لا اكسرةة على راسجج والله
سدِم : اكسر ايدكك ومحمدد .. لا عبالك اسكتلكك حقيرررر
الثعلب : لجججج راححح انعللللل والديججج كح**
سدِم : هنا فولت .. حسيت صار ضغط على راسي بشكل مو طبيعي وجعع قوي ..
رحت أخذت فازة .. وفتحت الباب بكل غضب .. وركعت الفازة علي .. ما أعرف وين طاحت إذا براسة أو بأيدي ..
سدِم : ابنللللل كلببب .. سا** .. تروحح فدوة الاهلي كون انتة بدالهم حقيررر كلببببب
لزمني من شعري وجرني على الغرفة .. شمرني بالكاع .. رفعت راسي وعدلت كعدي وهوة نزع حزامة وقبلها سترتة ..
الثعلب : منوو سا** منووو
سدِم : خليت عيني بعية .. وكلت بكل قوة ..
- انتةةة .. ومو بس ساق** .......
نزلت علي أنواع الفشار .. وبكل قوتة ضل يضربني بالحزام .. حاولت اسيطر وما أصرخ بس الألم صار أقوة مني وصرخت ..
بعد ما راحت روحي من الوجع .. جرني من شعري وللمرة الثانية اعتد..ى علية ..
من الوجع والعصبية اغمى علية ..
فزيت بعد وقت طويل .. رفعت راسي وأني دايخة
انتبهت على مغذي بأيدي .. أجت عيوني علي وهستوني انتبهت ..
كاعد ويباوع علية وما لابس فالينتة بس بنطرون ..
منضرة مرعب وعيونة ما ناوية على خير !
الثعلب : ابشرج عيوني .. حامل
سدِم : لا تجذب .. عود تريد تحرك گلبي !
الثعلب : وداعت عيونج .. الى احبلج بتؤام
سدِم : كام من مكانة وأجة ناحيتي .. وخر المغذي مني وكمت ..
ابتعدت عنة وكلت ..
- شوكت ناوي تعوفني !
الثعلب : من ضناي يصير ببطنج
سدِم : ضناك بـ بطن كل بنية !! ما يكفنك هنة !
الثعلب : لاااء .. ما اعترف بيهن كلهن .. بس أنتي
سدِم : ابراهيم ترا كلش تعبانة .. رجعني احسلك
الثعلب : علمود تطلكين !
سدِم : وغصباً عنك
احتدت ملامحة وكال ..
الثعلب : علمود تزوجين علي موو !
سدِم : بكل عصبية عطت .. وشعليككككك .. شعليكككك انتةةةة .. علاقللل راح ازوجة بالحلال مو بالحراممم مثلكككك
تقدم علية بغضب وراد يضربني .. دفعتة وضربة قبل لا يضربني ..
سدِم : هسةةةة ترجعنييييي .. هسةةة
قيدني بعد ما ضربني و وجه خدودي وج بالرجديات وكال ..
الثعلب : ارجعج .. ارجعج لا تخافين .. بس ارجعج وأنتي ببطنج ضناي ..
سدِم : ياخييييي شخبصتنيييي .. عودد عبالكك يبقون ببطنيي ! اذبهم واذبك وياهمممم هممم حقيرر
رجع ضربني راجدي أقوة وكال ..
الثعلب : انهيج أنتي وكوا**دج إذا سويتي هيجج انهيججج وانعللل والديججج حيوانةةة كح**
سدِم : عافني وطلع ..
شمرت روحي بالكاع وابجي بحركة وألم .. حرت شلون اشرد منة ! .. شسوي إذا صدك احمل منة ! شسويي ..
مر الوقت .. ومرت الأيام ..
نفسيتي متحطمةةةة .. متحطمة كلش .. بس ابجي ومن كد البجي يغمى علية .. واعتدائاتة كثرت كلش
صرت حتى ما أحاول ادافع عن روحي .. لأن كل محاولاتي بادت بالفشل ..
وبيوم .. اسويلي أكل وهوة ما موجود .. استوعبت وقت الشهرية ! .. صارلها هواي ما أجت !
وما أعرف شكد بالشهر اليوم علمود احسبلها ..
انتضرت لحد ما يجي واتأكد .. ضليت اراجع كلامة ! وعودة أنو ما يعوفني لحد ما اصير حامل !
الخوف بدة يملئ گلبي .. بالكوة صبرت روحي لحد ما اجة .. بدون لا سلام ولا كلام ..
سدِم : شكد بالشهر !
الثعلب : 29
سدِم : باوعت مصدومة ! ضحك وأني طاحن دموعي رجع ضحك أقوة .. ضل يگح .. وكعت بالكاع من صدمتني ..
40 يوم ما بلغت !! .. يعني تنفذ كلامة !
اجة ناحيتي وهوة يضحك .. خلى أيدة على بطني وكال ..
الثعلب : نورتو الدينا يابعد ابوكم ..
سدِم : دفعتة وصرخت .. وخر مني وهوة يضحك ..
بجيت بخوف وصدمة .. صرخت بكل حركة !
ما عبالي أعراض الحمل ! .. كل عقلي أنو مريضة بسبب إلي دا يصير بية .. ما توقعت ولا 1% ..
****
- غزل ليش ما تجي !
سمراء : تكول تعبانة ..
عافتنا وطلعت .. باوعت علية نور وكالت ..
نور : ترا الشيخ جاي يشك سمراء .. مدري كايلية !
ضحى : احجي ويا صگار ترا الشيخ يكول أني اخذاها بسيارتنا !
سمراء : زفرت نفس بحيرة .. وكلت
- شسوي يعني شسوي ! إذا حتى أني متعصب مني وما يحجي وياي شسوي !
نور : دام هوة فوك اصعدي كليلة الشيخ جاي يشك خليها تروح
سمراء : أمري الـ الله .. صاعدة چا شسوي !
عفت كلشي بيدي وصعدت وأني ارجف .. خايفة منة حيل ..
أيام وهوة ما يحجي وياي أبد .. وغزل ما طلعت من الغرفة ولا حتى بوقت الأكل .. وهاذ الشي أثار شك عمي والشيخ .. والكل مو بس همة ..
وهسة الشيخ يريدها تجي بعد ما صگار كلة ما تجي وهوة يعرف بنات عمها أبو أمير كلش مقربات الها وحتى امهن .. بنات حبابات ولطيفات كلش ..
وهية دائمأ تكول الابوها اخذني يعني متعودة يمهن وهية ما تروح وفوك كل هاذ ما تطلع من غرفتها .. حرفياً ما شايفيها أبد أبد .. بس من يجي يكلي وديلها الأكل اروح الكاها نايمة .. اعوفة يمها بعد ما أحاول وياها علمود تاكل بس أبد قافلة !
وصلت وأني متوترة شنو احجي ! ..
فتحت الباب لكيتة يلبس بالساعة .. بس نضرني وبعدها وخر عيونة ! ما انكر أنو انقهرت .. بس ما بيدي شي ..
ضليت واكفة وهوة يروح ويجي وما يباوع علية .. آخر شي باوع علية وكال ..
صگار : احجي !
سمراء : الشيخ بدة يشك
باوع علية وكال ..
صگار : وليش يشك !
سمراء : لأن غزل ما تنزل يمهم .. اسد كايل النور أنو الشيخ يكول غصباً عنها غزل تروح
دار كل جسمة علية وباوع .. ثواني وكال
صگار : روحي خليها تبدل ..
سمراء : ردت اروح بس لزمني من زندي وقربني علي حيل .. وكال بتهديد
صگار : لو ما الشيخ ما اخليها تطلع الباب .. وما تغيب عن عينج أبد .. إذا أجيت وما شفتها يمج تشوفن مني شي ما يعجبجن أبد ..
سمراء : عافني وأمرني اطلع .. طلعت وأني ارجف من حزني .. طريقت حجية ونضراتة إلي حيل قهرتني .. مسحت دموعي وفتحت الباب عليها .. فزت ومن شافتني رجعت نامت ..
سمراء : صگار يكول خل تبدل
وخرت البطانية من وجها وباوعت علية ما مصدكة
غزل : صدك !
سمراء : والله .. يلة بدلي
حسيتها فرحت بس ضمت فرحها .. عفتها تبدل ونزلت أحضر روحي ..
لبست فستان ناعم وحلو .. خليت بس حمرة لون طبيعي ومسكارة واحمر خدود بسيط وكحل ..
رشيت عطري ولبست شالي ولبست عباتي بعد ما كالو راح نطلع .. أخذت نضرة أخيرة على علي .. ورحت على حيدرة اشوفة إذا مبدلة الة أو لا ..
لكيتة ممدول على القنفات .. بعد بيني وبينة مسافة بسيطة .. وانكلب على بطنة وهوة صاير على الحافة الحمدلله من كدرت الزمة .. حضنتة بخوف وبلأخص القنفات عاليات جان هسة رايح من أيدي ..
أجت ولكتة بحضني .. صاحت ورادت تاخذة بس وخرت منها ..
سمراء : جانن رايحح .. اكوو بشر يخليي الطفل على الحافةة .. جانن واكعع وميت الطفلل ..
بشرى : جيبيييي .. مالججج دخل انيي امةة وأني اهتمم بيي جيبيي ابنييي
سمراء : بهل أثناء نزل صگار وسمع صوتها ..
سولفتلة الصار بعد ما عاط عليها ..
صگار : انطي الها .. وتعاي نروح
سمراء : انطيتة وأني ميتة قهر ..
ما مهتمة بي أبد ! .. لا من تبدلة ولا من توكلة باستمرار ولا حتى تغيرلة .. باليوم مرة .. ومن اكضة تضل تصيح وتسويلها عركة ..
طلعت وأني امشي برسعتي وهوة يحجي بغضب ..
صگار : اوكفيييي .. منااا الوادمم لا تخليني اصيحح عليجج .. لججج سمرةةة .. شلونن را....
سمراء : درت وجهي وكلت .. خيررر !
صگار : احجي عدل لا الدج على حلكج
سمراء : شتريدد !
صگار : نروح بالسيارة وأني اعلمجج
سمراء : اروح ويا البنات ما اروح وياك
صگار : لااا والله .. وبلة شنو هاي الكحلة ! مو مانعج منها !
سمراء : البنات خلن وخليت مثلهن
صگار : احجي عدلل منا شماتج سمرة .. احجيي عدل
سمراء : ضحكت وكلت .. بعد ما تشمتن علية هاي الأيام كلها ! هسة تكلي احجي عدل !
لزمني من أيدي .. وخرتها وكلت ..
سمراء : اروح ويا البناتت
صگار : وداعت حسين ما ترحين .. تجين وياي
سمراء : عفتة ومشيت بشرعة وصعدت وياهن .. طول ما يتوزعون على السيارات هوة كبالي ويخزر بية ..
آخر شي سديت الجامة ودرت وجهي .. لاحضت نور وكال ..
نور : هم متعاركين !
سمراء : شعلية أني .. هوةة مدري شجاا
ضحكت وهية تباوع على الجامة إلي بصفي .. ثواني وشهكت !
نور : ولجججج شوفيييي منو صعددت ويا صگاررر !
سمراء : بكل هدوء وأني ميتة رعب .. درت وجهي بخفة علمود لا ابين صدمتي وخوفي وانصدمتت !
نوارة وامها وشمسس !!! وعمتي وأم شمس ! ..
شو هاي نزلت شمس وصعدت بالسدر وخلت علي بحضنها !! ..
باوعت على صگار وجان يباوع علية ويبتسم .. أشرلي بأيدة بمعنى ( أني اعلمج ) .. باوعتلي شمس وضحكت .. باست علي وحضنتة وباوعت علية ...
هنا ما ضل عقل براسي .. دفعت نور والبنات وهنة مصدومات أكثر مني ونزلت .. رحت بأتجاه سيارتهم وهوة تقدم ..
صگار : تعاي اصعدي يل....
سمراء : عبرتة وردت افتح الباب بس أيدة سدتة !
صگار : علي يمي !
سمراء : باوعت علي وكلت وأني مكسورة من تصرفة
- تخلي بحضن إلي سحرت مرتك وخبلتها !!
صگار : احرك گلبج .. ما تسمعين الكلمة وتعوفيني وترحين يم البنات ! بسيطة ..
سمراء : غوركن عيوني بالدموع .. ردت افتح الباب وما خلاني ..
- صگاررر ابنييييي
صگار : صوتج ..
سمراء : ولحسين انتحرررر .. اذ....
صگار : كتلجج صوتججج .. سمراء
سمراء : وخر أيدة وفتحت الباب وجريت علي من حضنها .. شلتة وردت اروح بس لزم أيدي ..
صگار : انزلها واصعدي سمراء ..
سمراء : وخرت أيدة وأني خازرتة وكلت بحدة ..
- خليها تفيدك .. بس تنسى عندك مرة يصگار ..
عفتة ورحت .. البنات اخذن مكاني وراحت يمهن بنية .. وما ضل غير بس مكان بالنص .. وأكثر كرسي موحلو !
استسلمت وكعدت بي وأني مكسورة ..
ما أعرف شبي ! هاي الأيام كلها متغير 180 درجة ! صاير بس يخزر وبس يتعارك وياي على اتفه الأسباب بس هاي حركتة خلتني اكرهة كره ! ..
خليت علي بحضني وأني ابوس بي ..
سمراء : ماما ليش كعدت بحضنها ! شلون تخليها تبوسك !
علي : أني ما ردت بس بابا خلاني أكعد يمها
سمراء : زين ليش ما وخرتها من باستك !
علي : لزمتني من خدي حيل وما ....
سمراء : تمام يمة تمام .. ختولي مرة ثانية لا تخليها تبوسك أبد مفهوم !
بستة حيل وحضنتة ..
انطقلت السيارة وجانت آخر وحدة من ورا البنات .. طول الطريق وأني اذكر تصرفة وأكثر تصرف قهرني وكسرني من سلم عليها .. ولا فوك كل هاذ أجت باستة بحجة السلام وهوة عادي عندة !!
طول الطريق وگلبي مكسور وكوة كاضة دموعي ..
درت وجهي على اليمين وشفت سيارتة .. عبارة عن ضحك وسوالف وشمس ميتة ضحك !
درت وجهي على اليسرة ..
شوية وهم شفت سيارتة وكأن متقصد يقهر بية ! باوعت علية شمس وهوة هم .. وبهاي الحضة خلت ايدها على زندة وضحكت !
دار وجها عليها وبساع وخرتها .. ورجع باوع ..
من حسيت عيوني بعد ما تتحمل الدموع إلي بيها .. درت وجهي وكعت دمعتي !
مسحتها وانتبهت علية عمتة ..
- يااءء شبيج سمرةة !
سمراء : ابتسمت بحزن ونكرت ..
بعد محاولات علمود تعرف شبية كدرت اقنعها أنو عيني من وحدها وهاي هية ..
وصلنا بعد وقت طويل وأني دنكت وجهي علمود لا اشوف المهزلة ..
نزلت وانتضرت غزل لأن كاعدة بالاخير .. بهل اثناء أجت شمس .. بكل سرعتها تقربت من أذني وكالت
شمس : راح اخذة واحرك گلبج ..
وخرت منها وعافتن وراحت .. اجة وراها صگار .. باوعت علي بكل غضب وبكل حزن ..
ضل يمشي .. وصل يمي كلش وعرفت راح يحجي وياي .. عفتة وأخذت علي وطبيت جوة ..
سلمت على البنات وأني بالكوة ابتسم .. طلعت للكراج علمود غزل .. لزمت ايدها وبهاي الاثناء طلع أمير .. أني ما شايفتة بس من سلمو علي سلام حار عرفت أنو هاذ هوة .. انتبهت على صگار يخزر بينا .. اخذتها وطبينا جوة ..
باوعت عليها وهية مدمعة .. همست
غزل : حليان سمراء ..
سمراء : اسسس لا أحد يسمعج .. يلة تعاي نكعد يم عمة
غزل : لااا نكعد يم البنات
سمراء : تمام ..
رحنا وكعدنا بصف نور والبنات .. طول الجلسة هنة يضحكن ويسولفن آلة أني وغزل .. مطنكرات وبالكوة لازمين الدمعة ..
نرجس : هايي شبيجنن .. وجوهن تتلاطم !
سمراء : ضحكت وكلت .. مابية شي بس تعبانة
نرجس : من شنو !
سمراء : صار موقف قبل لا نطلع وعكر مزاجي ..
نرجس : هم بشرى !
سمراء : اكو غيرها ..
ضليت اسولف وياهن .. وصارت بـ 1 وصبو الأكل ..
ما إلي نفس أكل أبد بس عيب من البنات وبالكوة يالة أكلت شوية وكمت ..
صارت بـ 4 العصر .. والنسوان يسولفن وضحك وأني ميتة .. راسي يوجعني وأريد بس اروح للبيت ..
ستأذنت نرجس من عمتي وأخذت غزل فوك وعرفت قصدهن .. قبل لا تصعد كلت ..
سمراء : ترا صگار هددني وكال ما تروح منج واخاف يجي وما يشوفج !
نرجس : يمعودة والله بس يسلم عليها ما يسوي شي
سمراء : يمعودة أخاف !!
نرجس : والله ثواني .. بس ثواني سمراء
سمراء : تمام بس بساعجن ..
سمراء : رجعت المكاني وهنة صعدن .. كعدت بصف نور وهية هم افتهمت من خوفي ونضراتي ..
شوية واجة أمير .. هنا يبست بمكاني .. سلم سلام سريع وصعد .. لزمت أيد نور ونور مو أقل من حالتي
تقربت من أذني وكالت ..
نور : تخيلي هسة يجي صگار !
سمراء : ضربتها وهية ضحكت .. انجي فال الله ولا فالج .. ولجج نور بطني كامت توجعني .. يمةةة بس لا يجي نوررر ..
نور : أني راح اصعد .. ما راح اروح يمهن بس خاف إذا يجي تكليلة نور وغزل ونرجس صعدن يبدلن الابن نور مفهوم !!
سمراء : ضحكت على خطتها وصعدت .. وفعلاً أول ما صعدت كلش ما أحس غير صگار اقتحم الصالة .. عيونة دورتنا .. لمحني وبعدها ضل يدور .. هنا خوزر عرفت علمود غزل .. صاحني بصوت حاد كدام الكل ..
رحت ورحنا على صفحة ..
لزمني من زندي وكال بعصبية ..
صگار : صعدتت تشوفةةة مووو .. تشوفةةةة
سمراء : لااا لااا .. صعدت ويا نرجس ونور تبدل الابن نور شبيكك .. ايديي
صگار : شنو هالصدفة !! ما لكت غير بس ويا صعدت أمير تصعد !!
سمراء : ترا صعدن قبلةةة شبيكك صگارر .. وخر أيدي ضلت توجعني
وخر مني وكال ..
صگار : نرجع للبيت واعلمجن ..
عافني وراح !
رجعت وأني ميتة رعب .. ما أعرف شلون هيج حجيت ! ومنين اجتني الجرئة ..
كعدت وأني على نار .. اريدهن بس ينزلن ماكو ! ..
مر وقت .. وأجة صگار ضل يسولف ويا عماتة وأعرف مو محبتاً بيهن .. مر الوقت وأخيراً .. نزلن بس نور وغزل ..
شافتة غزل وضلت مصدومة .. خزرها وكال ..
صگار : وين جنتي غزلاي !
نور : جانت يمي .. هاج اخذي وروحي اكعدي وبعد بس ابدل للثاني واجي ..
سمراء : أخذتة وأجت كعدت بصفي .. ونور صاحت ابنها الجبير وأخذت الجنطة ورجعت صعدت ..
صگار : چا وين نرجس !
سمراء : كعدت بصفي وكالت ..
غزل : ما أعرف .. كالت شوية وتجي واحنا نزلنا ..
سمراء : ابتسم بكذب .. أعرف ما عبرت علي كل هذني سوالفنا .. بس شنسوي !
شوية ونزل أمير .. باوع عليها بس انتبه على صگار وخر عيونة .. اخذا صگار وطلعو ..
لزمت أيدي وكالت ..
غزل : خاف شك سمراء !
سمراء : بس لا تبينين خوفج .. اقوي غزل اقوي ..
بقينا كاعدات .. وأجت نور ميتة ضحك .. كعدت بصفي وكالت
نور : ولجج صعدت غصباً عني .. خفت من صگار
سمراء : هههههه .. شنو هالتفكير والخطط إلي عندج ولجج !
نور : عينيي ابوس عقليي ..
نرجس : عقل مجرمين والله ..
سمراء : ضلينا نسولف .. وضحى وهند هم يسولفن بس بغير مجموعة ..
صارت الساعة بـ 7 وكالو نروح .. وفعلاً جهزنا وطلعنا ..
هاي المرة جانت أقوة بهواي .. خالان صگار جانن موجودات واجن ويانا هم .. بحكم أنو يعودن
الـ أم أمير ..
بنص الشارع واحنا واكفات والولد يرتبون الأماكن ..
صاح اسد بعلو صوتة ..
اسد : عليجن الزهرةةةة صعدنن فوك القمريةةة ..
ولجنننن فيلقةة بدرررر .. شنيييي .. شكدد تخلفنن
سمراء : هوة يحجي واحنا ميتين ضحك .. محد أخذ بخاطرة منة لأن يعرفون شكد فكاهي اسد وبس يحشش ..
وأني واكفة بعيد عنهم وبيدي علي نايم .. انجريت من أيدي .. اخذني على جهة سيارتة وكال بعصبية
صگار : اكسر رجليج إذا ما صعدتي هنا ..
سمراء : وخرر ايدكك الطفل بحضنيي
صگار : اصعديييي
سمراء : لووو تموتت .. خلي حبيبة الگلبب تصعد يمك .. هم حضيي هاذذذ .. يمي جنك وحش ويمها تتمضحك وتجي تذب حركتك بسمراء ..
ردت اروح بس لزمني أقوة وكال ..
صگار : والله اندمجج يا سمراء ! اندمجج
سمراء : بشنو تندمني !! شسوي مثلاً تزوج شمس !
صگار : وغصباً عنجج ..
سمراء : خوش .. طلگني وشتريد سوي
ردت اروح بس رجع لزمني أقوة .. وكال بقلة صبر ..
صگار : اندمج سمرة
سمراء : تزوجها !! روح ازوج .. ماراح تندمني ولا أي شيي .. طلگني وروح تزوجها وحتى أني اخطبها الك قبل لا تطلگني ..
صگار : من شوكت الفصلية تطلك !!
سمراء : باوعت مصدومة بعد ما جنت اتغاضة نضراتة .. حسيت برجفة حزن احتلت جسمي .. من صدمتي ما انطيت أي ردة فعل .. ضليت بمكاني استوعب كلمتة !!
ما كلت ولا حرف .. عفتة ورحت .. امشي وأني عقلي فصل عن الكل .. صارن ياخذني هيج ويجيبني هيج
طول الطريق وأني ما ببالي غير بس كلمتة !!
كلهن يحاجني بس ما أسمع أي شي ! عقلي فاصل عن الدنية كلها ! .. وصلنا للبيت وأني بحالة الصدمة صعدت الغرفتي خليت علي بكاروكة .. وكبل نمت ..
فزيت ورا شوية .. أول ما شافني كعدت كال ..
صگار : شنو جانت تسوي غزل فوك !
سمراء : كرر هاي الكلمة أكثر من أربع مرات وأني ما أفكر غير بس بالكلام إلي كالة !
بدون أي ردة فعل نمت ..
فزيت ثاني يوم .. وعيت وعرفت علي كعدني ..
سمراء : شبيك ماما
علي : جوعان كلش
سمراء : اخذتة بحضني وبستة ..
- فرجت سنونك !
علي : أي
- غسلت وجهك ؟
- أي ..
سمراء : تمام لعد .. هسة بس اغسل سنوني وانزل اسويلك أكل .. وكفت على حيلي ورجعتلي ذكريات البارحة كلها .. كلامة ! تصرفاتة !
كمت وغسلت وجهي وسنوني ونزلت .. سويت أكل إلي ولـ علي وكعدنا ناكل وياهم .. خلصت أكل وكمت اخلص الشغل إلي عندي ..
هلكت روحي هلك بالشغل .. بس علمود لا أتذكر كلامة الجارح .. كل شغل البنات أخذتة إلي ..
ما خلصت شغل والساعة بـ 1 بليل .. بقى عندي بس فراش واحد وبعد بس اشرهن ..
وأني نازعة شالي ومتأكدة محد من الولد برا .. وحتى صگار ما متأكدة إذا برا أو بالغرفة .. رشيت زاهي وكعدت اغسل بالفرشة وحتى شعري متبلل ..
انفتح الباب وشفتة صگار .. رحت أخذت شالي ولبستة .. تقرب مني وهوة مستغرب وكال ..
صگار : تبللتي والدنية باردة !
سمراء : ما باوعت بعيونة ورجعت على الفرشة وكلت
- من شوكت الرجال يسأل على فصليتة ! ..
صگار : سمراء شبيج !
سمراء : ضليت ساكتة وهوة ضل يعتذر ..
صگار : حركتي گلبي وكلت هيج سمرة .. حركتي گلبي ما أريد يشمتن بيجج وأنتي تجيبين الشماتة كوة .. اكلج تعاي اصعدي يمي ما تقبلين .. صعدتها يمي غلمود تحسين على دمج هم ماكو !!
سمراء : وشكو أساساً أصعد يمك !! أني غير فصلية وهية راح تصير مرتك !
صگار : شبيجججج .. مو كتلجج بساعا عصبيةةة !
سمراء : وكفت وشمرت الفرجة من أيدي وكلت بعصبية وغصة ..
- لووو مو ساعة عصبيةةة .. لو شيصيررر بيناااا ما تكول هيجج حجيي .. بس حقكك .. حقكك جنت ضام هاذ الحجي من وقت طويل وهسة انفجرت بي
راد يحجي بس كلت ..
- كافييي .. اسكتت اشششش .. لا تحججيي
ردت اروح بس تذكرت الفرشة بالكاع وما اكدر .. رجعت وكلت وأني كوة كاضة دمعتي ..
سمراء : روح .. فدوة روحح عندي شغلل
صگار : سمراء حبيبتي ب....
سمراء : اششششش .. لا حبيبتي ولا صخيمتي .. أني فصليتك ومحدد راح يغير هاذ الشيي رجائاً روح عندي شغلل ..
صگار : تمام رايحح .. بس حجينا ما خلص .. تجين بالغرفة ونتفاهم
سمراء : عافني وراح .. أول ما سد الباب وكعت بالكاع .. حتلتني رجفة قويةة .. حاولت اهدئ روحي وما ابجي .. ضليت اغسل بالفرشة بس ..
گ العادة .. بكل سهولة طاحن دموعي .. استلسمت وبجيت ودموعي صارن ثلاث ثلاث .. خلصت الوقت كلة وأني ابجي ..
خلصت الفرشات ومسحت دموعي ورحت .. قفلت البيبان ورحت صعدت .. لكيتهم ثنينهم نايمين ..
طبيت سبحت لأن الزاهي سوة عندي حساسية .. طلعت وبدلت وتعطرت .. رحت أخذ مخدتي وطلعت بطانية ..
شمرت المخدة وفززني صوتة ..
صگار : آسف سمراء ..
سمراء : عدلت المخدة والبطانية وهوة يحجي ..
صگار : والله ما أعرف شلون طلعت من لساني حبيبتي .. والله مشتاقلج بعد روحي .. تعاي بحضني عوفي الزعل ..
سمراء : مددت روحي وتغطيت .. ضليت اهدئ روحي علمود أنام .. مر وقت بسيط .. وأني نايمة كلش .. وما أعرف شكد نمت .. وحتى ما حاسة بروحي ! .. بس حسيت على ايد حاوطت خصري .. وقبلات بكتفي ورگبتي ..
بس نعاسي وتعبي ما خلاني استوعب إذا حلم أو حقيقة ! .. ورجعت نمت ..
كعدت ثاني يوم .. وفعلاً طلع حقيقة .. نايم وحاضن خصري .. وخرت أيدي وردت اكوم بس جرني علي ..
صگار : عوفي العناد سمراء ..
سمراء : احترمني واحترم رأيي وعوفني
صگار : عوفي العناد
سمراء : من انسة كسرك إلي .. من انسة كل كلمة كلتها وفطرت گلبي .. عود بهذاك الوقت اعوف العناد
عفتة ونمت .. من حزني بساع نمت وأني الشهكة بگلبي ...
*****
ركض مهيب .. وركضت ورا بس لزمني اخوي .. ضليت أصرخ وأريدة يعوفني بس أبد .. الطلق ولا سكت وصياح ويردون الثعلب يطلع !
ضل يصيح اخوي ..
- يابةةةةة نسواننننن .. نسواننننن واطفالل كافيييي نتفاهممممم بس كافيييييي
فوج : فعلاً .. وكفو طلق واحد منهم صاح ..
- اطلعععع ولكككك .. يلةةةةة .. اذاااا انتووو زلمم اطلعوو
فوج : رادو يطلعون بس نسوانهم لزموهم .. حقن لأن ما نعرف جوز فخ ! بس ما اهتمو وطلعو واحنا ميتين ..
عفتهم ورحت ركص على ادريان .. بعدني بالحديقة وانفتح الباب .. بيدة ادريان ومتخربط والدم مغرك مهيب ..
خرمشت خدودي .. ركض مهيب هوة وما أعرف منو حتى ما انتبهت .. ردت اطلع وراهم بس لزموني .. صرخت وصرخت لحد ما اغمى علية ..
فزيت وبدون أي مقدمات ..
فوج : ويننن ابنيييي ..
تخبلت وصرت أصرخ وحتى ما اهتميت الكلامهم .. ردت اشلع الكانونة بس قيدني اخوية ..
- يابةةة كافيييي .. بالبيتت ابنجج بالبيت اسكتييي كلشي مابييي شهرتينااا ..
فوج : جذاببب والله جذابييننن .. كولووو وينن ابنييي وينننن
حاولو بس المنظر إلي شفت ادريان بي .. كلت خلاص فقدت ابني .. ما هدئت الحك ما رجعنا للبيت وشفتة بحضن اسين .. ركضت واخذتة منها وأني ميتة خوف علي ..
مهيب : حبيبتي اهدئي مابي شي .. بس گزازة جرحت كتفة ..
فوج : يابعدد امكك حبيبيي .. ياروحيي انتةةة
اجة مهيب حضني وباسني .. ضل يهدئ بية .. فعلاً هدئت بس ما وخرت ادريان من حضني أبد .. ضلو يسولفون على سواية الثعلب ..
محمد : نوب طلع ابن ابنج خاطف البنية ..
شهكت اسين وكالت ..
اسين : يمااااااا .. يا بنيةةةة !!
محمد : سدِم بت سالم
فوج : كلناااا انصدمنا من إلي سمعنا ! ورجع كمل
محمد : صارلها تقريباً 20 يوم .. أول شي شكو بعمامها بس ثلاثة منهم بالسجن والبقية موجودين ..
مهيب : زين شلون عرفو هوة !
محمد : لااا نوب رايحح مودي زلم ومقتحمين البيت بيت صديقتها لأن عايشة يمهم .. مقتحم البيت وبي نسوان وحتى بدون ستر .. ومفلشين البيت والبنات منوميهن وصاير بيهم طوبةة
مهيب : زين شدخلهم هذول !
محمد : هوة شني شدخلهم ! نسوان ما محجبات وحدهن طبو للبيت وهنة بلا شال ! ونوب هذول شيوخ .. وهسة سالم واهل النسوان يردون الثعلب
- زين ما كلتلنا ! شلون عرفو الثعلب !
محمد : مخابر واحد من زلمهم .. ومهددة وهذاك مسجل المكالمة وعارفين هوة
مهيب : منو !
محمد : واحد .. اسمة علي مسافر يدرس بالخارج عود على الأساس يحب سدِم وهاذ متخبل ومخابرة
اسين : يمةةةةة بس لا مسوي بالبنية شي !
محمد : حسب ما كالو أنو كايلة ارجعها وضناي ببطنها
فوج : شهكت اسين وكل احنا شهكنا ..
محمد : نوب شيوخ .. بالبصرة .. بس لا يقدمون بلاغ وينسجن
مهيب : لا تخاف .. اخابر دامِس ويجي يحلها
اسين : يوووووو .. دامِس ابتلى بمشاكلكممم .. حسبيي الله عليكك يثعلبب ..
فوج : نوب دارت على أبو الثعلب وضلت تحجي على تربيتة الإبنة ..
فعلاً ! شنو من مصيبة جابها .. نوب ما مقهورة غير بس على سدِم .. الله يساعدها هسة شصاير بيها ..
محمد : نوب خالها يهدد .. يكول إذا سوالها شي بيدي اكتلة
اسين : يماااييييييييييي .. راحححح الوليددد راحح
مهيب : حتى لو سوالها شي .. أكبر شي يسوي يتمم زواجة ! وهاذ الشي عادي لأن زوجتة هية !
محمد : فوكك ما خانهاا بكل عين صلفة يخطفها ويتمم زواجة !
فوج : الكل سكت حاير بهاي المصيبة إلي أجت ..
فز ادريان متوجع .. بالكوة يالة هدئتة .. من بعد هدوء كال ..
محمد : والله عيب من سالم .. صديق العمر هاذ ! نوب إذا ما يجي الثعلب ويرجعها تصير عشائرينا !
أبو الثعلب : انةة ما عرفت اربييي .. صار تربية الشوارع ال***
فوج : نزل علي غلط وفشار ..
صار اليل والوضع متكهرب .. حايرين شلون نحلها ..
كلمن راح البيتة وأني أخذت ادريان وصعدت فوك
النهار كلة جان نايم .. نومتة بمكانة ورحت سبحت .. خلصت وطلعت ولكيت مهيب يبدل ..
فوج : وين رايح حبيبي
مهيب : اروح ويا محمد نتفاهم
فوج : خليت المنشفة على الچرباية وكلت بقهر ..
- والله خطية سدِم .. عود ليش هيج سوة
مهيب : مدري شبي هاذ .. متخبلل
فوج : أني عبالي مطلكين .. ما عبالنا هيج !
مهيب : مخبل ..
فوج : ههههه .. يمكن دامِس عدا
ضحك وقبلني .. رش عطر وطلع .. وأني مشطت ورحت نمت بصف ادريان .. من كد تعبي نمت وما حسيت على أي شي ..
*****
- سكوتة يخوف ..
- الله يعلم شنو من مصيبة ضاملنا ..
ابيجيل : يحجون وأني خايفة أكثر منهم ..
اليل كلة جان ما موجود .. وأجة من الصبح كلش .. وحسب ما كالو الولد وضعة كلش موحلو من اجة وجان بس يخزر بـ يامن .. لحد ما راح للغرفة ..
وهسة من الصبح والهسة الهدوء إلي بي .. يرعبب أقل تصرف نخاف نتصرفة .. أني جنت مبتعدة عنة بأكثر قدر ممكن ..
حضرت العشاء .. والحر ضل ينقلة ويامن بغرفتة ..
كعدنا .. وكال ..
دامِس : وين يامن ! شو مختفي اليوم كلة
الحر : لا .. بس عندة شغل هواي
دامِس : هااا .. زين والاكل !
الحر : هسة راح اوديلة ..
ابيجيل : حضر صينية آلة .. وكام الحر وراد ياخذها بس كال ..
دامِس : عوفة .. خلي ابيجيل تاخذ الأكل
ابيجيل : انصدمنا ثنينا .. وراد يحجي بس سكتة وكال بعصبية مكبوتة
دامِس : كلت هية تاخذة .. أكعد انتة أريد احجي وياك
ابيجيل : فعلاً .. أخذت الصينية ودامس يتبعني بنضراتة .. باوعت على الحر إلي نضراتة كلها تعليم .. فهمتة وفهمت نضراتة ..
ورحت صعدت .. رحت الغرفة يامن وأني فرحانة .. طول الطريق جنت احجي ويا روحي ..
- جوز يريد يقربنا البعض ! .. شي أكيد تفهم كلامي وقبل نزوج .. يايييي زوجيي حبيبييي ..
دكيت الباب وسمحلي بالدخول .. ورديت الباب رد
باوعلي وكال بعصبية وخوف ..
يامن : شجابججج
ابيجيل : جبتلك أكل
يامن : ما أريد ابيجيل .. كل عقلجج تجين ودامس هناا .. مو كتلج بعد لا تجين أبد !!
ابيجيل : شبيكك يامن .. أساساً هوة سكت يعني قابل .. وشوف بعد كم يوم راح يقبل وراح نزوج أني وياك والله
زفر نفس وكام من الكرسي .. خليت الأكل ورحت اجيبلة ماي من البطل إلي يم سريرة .. وأني احجي
ابيجيل : شبيك يامن .. ليش هالكد خايف منة ! ترا هوة ما مسؤول عن حياتي ولا حياتك .. ليش ما تكلة أني أحب ابيجيل وأريد ازوجها وهية هم تحبني وأني أكلة أني أحب يام.....
درت وجهي .. وما كملت كلمتي من رعبتي وخوفي ..
وكع الگلاص مني وباوعت على يامن بخوف .. رجعت باوعت النفس المكان وما لكيتة ! خفت أكثر وطاحن دموعي ..
لزمني يامن وراد يصحيني من الصدمة ..
يامن : شبيجججج ! ولج ابيجيل شبيجج
ابيجيل : أشرت على مكان الباب وكلت بصدمة ورجفة ..
- ه... هوةة .. هوة هن.... هنااا هناا
أأشر على مكان الباب إلي شفتة واكف ورا بمسافية شبه بعيدة ويباوع وما مبين غير بس نص وجهة ..
والضوة على جهة وجهة إلي ما مبين وبس لون عيونة الـ رصاصي بارز !
منضر مرعب مرعب حيللل !! .. لون عيونة مرعب وجهة ونضراتة أرعب ..
راح يامن وفتح الباب وباوع ورجع وهوة مستغرب ..
يامن : ماكو شي !
ابيجيل : والله شفتة و....
يامن : جاي تتوهمين لأن ما شبعانة نوم .. يلة روحي لا يشك ويسويلنة مصيبة ..
ابيجيل : رحت وأني مصدومة ومنضرة ما فارق تفكيري أبد ..
صرت اوهم روحي أنو ماكو شي ومن كد ما أفكر بي وبردة فعلة صرت اتخيلة ! وعادي ومن هاذ الكلام ..
نزلت وأول ما لمحتة كاعد وياكل وطبيعي ومعانية طبيعية ! انرعبت ! .. بس بنفس الوقت ارتاحيت لأن ما سمع إلي كلتة ! ابتسمت وهوة ردها بوجهي ..
رحت وكعدت وكلت ..
ابيجيل : جنت فوك صح !
تحولن معاني وجهة للأستغراب وكال ..
دامِس : لاااء ! ليش
ابيجيل : ما أعرف بس شفتك فوك !
باوعت على الحر .. مدنك راسة ومخلي الخاشوكة على جبينة ..
ضحك دامِس وكال ..
دامِس : الظاهر من كد ما مشتاقتلي وتفكرين بية صرتي تتخيلني بكل مكان ..
ابيجيل : ابتسمت مجاملة وأني مصدومة !!
يعني أني شفتة ! مبين مو خيال لأن الخيال يكون خطف بس أني شفتة !! وطول وقت مو مال خيال !!
أكلت والوضع هدوء حيل ! ..
كملت ورحت اغسل مواعين .. خلصت وطول الوقت أفكر بـ لي صار والرعب ! عقلي ما مستوعب أنو خيال أبد !
اجة الحر يشرب ماي ..
ابيجيل : حر دامِس تحرك من مكانة !!
شرك بالماي .. شوية وكال ..
الحر : لااا .. لاا ما تحرك !
ابيجيل : حر لا تجذب ترا معانيك تكول انتة جذاب !
الحر : يعني ليش اجذب ! مجرد خيال لأن ما نمتي اليوم كلة .. جيبي جيبي أني اخلص بمكانج وأنتي روحي
ابيجيل : لاااا .. بقن شوية اخلصهن واروح ..
الحر : خوش لعد رايح أنام .. تصبحين على خير
ابيجيل : راح .. وعافني بحيرتي !! .. عافني وأني ميتة خوف على حيرة على عدم تصديق !
خلصت شغلي .. ورحت الغرفتي .. سبحت وبدلت وتعطرت وهم عطرت چلبوبة ورحت نمت ..
درت وجهي وأني شبه صاحية .. الغرفة ضلمة وبس أضائة بسيطة مشتغلة .. أجت عيون على الباب وطفرت من مكاني ..
حاضن أيدي ومتجي على الباب ويباوعلي بنفس نضراتة !!
دامِس : شبيج طفرتي !
ابيجيل : عدلت كعدتي .. يعني هاذ حقيقي مو خيال
- طفرتني
دامِس : ليش ما اجيتي نمتي يمي !
ابيجيل : ها ! لا بس ر....
دامِس : رايح الغرفتي .. ثواني إذا ما اجيتي تشوفين تصرف مو حلو !
ابيجيل : بعدة ما متحرك وطفرت من مكاني ورحت ويا للغرفة .. كبل نمت وتغطيت .. هوة مثل كل يوم يحوم بالغرفة وبس طگطگة توتر فقط !
اجة .. وذب حيلة كلة علية ..
وخر الغطة من راسي وتقرب مني بكل وحشية ..
حاولت ادفعة بس يقوة على رگبتي ..
آخر شي عطت بوجع ودفعتة ..
ابيجيل : وخرررر .. وخررر منييي وخررر
لزمني من زنودي وضغط علية حيل .. قرب وجهة حيل وصارت انفاسة الحارة الممزوجة بالنعناع تضرب وجهي .. وكال بكل هدوء ونبرة حزن ..
دامِس : ليشش هيج تسويننن بيةة ليشش .. كل أحلامي راح تهدميهن .. كلهنن راح راح ينهدمن من سببج كلهنن .. بس وداعت عيونج .. راح اغير الخطة لكن نفس الهدف .. راح تكسريني .. بس راح اتمسك بيج لو تخلين سچين بگلبي ..
ابيجيل : عافني وطفر مني .. واخذ قميصة وراح طلع ..
ما أعرف شصار وياي ! .. ما اذكر أي شي من بعدها غير بس الخوف احتل گلبي ..
***
- شتريد !
يامن : اليوم بالأكل من جانت يمي ابيجيل دامِس كام من الأكل !
عدل كعدتة وعاف إلي بيدة .. وكال
الحر : أي
يامن : هااا .. أكول ليش خافت البنية
الحر : شنو جنتو تحجون !!
يامن : يعني مثل كل مرة .. لا تخاف ودامس راح يقبل ومن هاذ الحجي .. زين من نزل شنو جانت معامي وجهة !
الحر : جانت شبه طبيعية .. بس اجة كعد و.....
.....
نزل وجانت معاني وجهة طبيعية ! .. كعد بمكانة واكل .. وبعدها ضحك ! .. عرفت جان يسنط عليهم والظاهر ابيجيل مجفصة حيل !
همس بينة وبين روحة بس سمعت ..
دامِس : قبل .. قبلت أني قبلت ! ..
الحر : ورجع ضحك أقوة .. باوع علية وكال بضحكة ..
دامِس : كلة أني احبك !
الحر : شنو !!
كام من مكانة وأجة كعد بصفي وهوة مبتسم ..
ضل يحجي حجي ما مفهوم .. يكول كلمة والثانية ما يكملها وبساع يغير الموضوع !
بعد مرور وقت محدود .. لزم السجينة وضل يباوع عليها ويفرها ! .. ما انكر أنو خفت ! والشياطين ضلت تلعب چوبي براسي ..
خفت على يامن وعلى ابيجيل أكثر ! ..
رجع ضحك أقوة .. وضل يدردم بصوت ناصي ما كدرت الكف غير بس ..
دامِس : كلة هية تح..... .. اطبخم على نار هادئة ..
الحر : رجع ضحك .. وبكل سرعة وبدون انتبها قدم السجين على گلبي وباوعلي بكل غضب وحقد ..
دامِس : إذا كلت الابيجيل جنت فوك .. أو لاا ..
الحر : ضل يحركها على ناحية گلبي .. ويكول بصوت ناصي ..
دامِس : تشوفون مني وجه ثاني إذا تجرأت وسويت شي .. انهيكم انتو الـ ثلاث انهيكممم .. احترم روحك ولا تدخل بيني وبين زوجتييييي .. وألا تشوفون مني تصرف يندمكم على الساعة إلي تدخلت بينا !
الحر : عافني وكام وراح المكانة .. ورجع معانية طبيعية ولا كأن صار شي !!
عندة مهارة يتحكم بمعاني وجهة بشكل .. يخلي الأنسان ينصدم !! ..
....
يامن : هاذ شبي !!
الحر : وفوك كل هاذ رجعن معانية طبيعية !! ولا كأن هستوة جان لازم روحة .. بساع حولهن وبلأخص من أجت ابيجيل !! ولكك من أجت ما أعرف شلون كض روحة !! ما أعرف .. أني ردت بس اخفي توتري ماكو
يامن : أحسن حل ارجع البلدي !
الحر : ينهينا .. أكعد يامن بس هاي الأيام بس نفهم ابيجيل ..
يامن : يمعود بقائي مو بصالحنا
الحر : چا تعوفها وتكسر گلبها يامن ! واساساً خلاكم بعقلة ماراح يخليج تروح أبد
يامن : رحت كعدت ولزمت راسي بحيرة !
- شنو هالبلوة !!
الحر : على منو قصدك !
يامن : دامِس
الحر : عبالي
يامن : شعبالك !
الحر : على جيلتي
يامن : دحجي عدل لا يشدها وياك ..
الحر : رحت تمدتت وأفكر شلون اخلصها منة ! لأن أكيد مو محبتاً هاذ هدوئة وسكوتة ! ..
ثواني بس .. وما نسمع غير صياح وتكسير جوة !!
كمت مهدود حيلي ! ..
الحر : ابيجيل !! .. ابيجيل وحدهاا يامنن وحدهاا !!
****
فِي إِحْدى لَيالِي شَهْر دِيسمْبر ..
بِالتَّحْديد ! ..
أحد بُيُوت العرَاق الفخْمة ..
سَوْف نَترُك جميع اَلغُرف الفخْمة .. ونذْهب إِلى أحد قَبْو القصْر ! ..
سَنرَى فِيه الخرَاب .. إِثْر مُشْكِلة كَبِيرَة تَسببَت على كَسْر قَلْب فَتَاة
كَانَت مُلْقِية على الأرْض .. عَا.ريّه الجسد ! ..
كُلُّ مَكَان فِي جسدهَا .. أثر وَحْش بَشرِي ! ؟ ..
كَانَت ذاتَ عَينانّ جَميلاتانَ ..
كانَ لونَ تلكَ العُيون أشبهُ بالون البحرَ مَع تِلْك الملامح الرَّائعة ..
عَندما تنظرُ فِي عَيناهَا ستأْخذ اَلكثِير وَالكثير من ألوقتِ حتّى تفهّمُ تلكَ النَّظرات ...
تَنَاثرَت دُموعَهَا على خدهاَ تسقّطُ دمعة وتارة اُخرة وَكَأنهَا فِي سِبَاق
هَتفَت دُموعَهَا قَائِلة .. لَيتِي مُتُ مَعكُم .. لَيْتكم اِنْتظرْتموني أَمُوت قِبلكم ونعْش سويًّا ! .. عِشْتُ مِن بُعْدِكم ب الوحْدة والْعذاب وأصْبح بَينِي وبيْن الأفْراح حِاجزَ من الحديدَ! .. إِلى مَتَّى !؟
إِلى متى ستؤْلمني الأيَّام إِلى متى سأكْتمُ حُزنيّ ؟؟
أَنطَرق اَلْباب بِقوَّة وكانتَ تلكَ الطرقات أشبهُ بزلزلاً
وَقَال الذيِ كان خلفَ البابَ بِغَضب ..
- يلة لج .. كافي عيارة وكومي اشتغلي الوصخة .. كافي عيارة وكومي نضفي البيت صار وصخ من وراج همست بِضب ..
- ومنو الوصخ البيت غيركم .. لو نضيقين جان ما وصختو .. بس ويِن ما تكعدون وصاختكم تملي المكان ..
أثَار كَلَامهَا غضب الطَّارق ..
وكانتْ مُحتميَة فِي اَلْباب وَلكِن حصَل اَلذِي لَم يَكُن فِي الحسْبان !!
أَنكَسر اَلْباب ! ..
وأخذتْ نصيبَهَا مِن اَلعُنف والاعدتْ * اء تَركهَا وَهِي تَتَألَّم بِشدَّة ..
رَغْم أَلمِها وَلكِن كَانُوا شديدَيْنِ القسْوة عليْهَا
لَمُّ يرْحمو بِحالِهَا .. ووقفتْ وسندتْ جسدهَا على الحائط
وذهبتْ تُزيل الدِّمَاء مِن جسدهَا وبعدَ انتهائهاَ ذهبتٍ
فوْرًا لِتصْبح عِنْدهم خدَّامه بعْدمَا كَانَت بِالنِّسْبة لِكبيرهم ( زَا * نِيَّة )
أشتغلتَ على الرَّغْم مِن أَنهَا بِالْكَادِ تَوقُّف على قَدَميهَا .. أَخذَت تَبكِي وتنضف قذارتهم وهيّ تردّد ليتَنيّ متَُ معّكمَ ..
قالت بحُزن شديد ..
- ليش عفتوني .. همة هذول إلي أمنتوني عدهم يابابا ! همة هذول إلي كتلهم بأمانتكم طفلتي !! همة هذول ! .. شصار هسة لو رحنا سوة ! شصار يعني .. لا من بقيتو ولا من خذتوني وياكم .. عفتوني يم ناس ما ترحم ..
وللأسف .. احقر شخص تحت سقف البيت سمع عُتابها !
- فوك ما كعدناج ونوكلج من خيرنا ه....
ردت قائلة بتعجب ..
- ياخيررركمم !! ياا خيرررر .. مو جنتو ببيت مكسرر وحالتكم حالة !! لوما ورث أبوي انتو بعدكم بالضيم ! كلةة حصتيي أني وابوييي انيييي خيررر ابويةة هاذذ ..
وهيَ تُردد ..
- خير ابوي هاذ خيرة .. تعبة مو تعبكم ..
كان ألضرب من كُل مُكان على جسدها .. لم يتركها آلة أن اغمى عليها !! ...
يتبع ....
للحكاية بقيه ...
___________________
وهسة .. رأيكم بالبارت والنص !؟ ..
وتوقعاتكم للجاي ؟؟!
وبالنسبة للنشر .. فا كلكم عدكم امتحانات ..
فا أول ما تخلصون انشر البارت الحاي
وهاذ راح يكون آخر بارت الهاذ الشهر الحد
ما تخلصون كلش ..
يعني تقريباً 2/1 يكون البارت ..
وبهاي المُدة راح اضل أكتب الحد ما يصيرن هواي
علمود لا يصير تأخير واي ضرف يصير
انشرة واروح لأن يكون جاهز 🔥✨
فا لا تنسون تتابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
قنواتي جداً ضروري تشتركون ..
ودمتم سالمين 🤍
استودعتكم الله ✨