✳ الجزء 71 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
حسان بضغضغة عندها في شعرها و شي واحد معنقها بدون ما تفرز الريحة ناضت طاجة حتى طجات شرف معاها بقا كي قلب فيها مخلوع
شرف:مالك ا بنتي باسم الله عليك اش بيك
شمس كانت مطجوجة كتقلب على شي واحد في البيت معاها حلاها تبغي تنوض ريحة مزالة في نيفها من غير ريحت باها كتشوف يفي شرف و تولي تشوف في جنابها و طل تحت السرير و هو واحل معاها باغي يرجع ليها عقلها لي شافها يقول هذه صافي حماقت ولكن راه ميمكنش تكون كانت تحلم هو كان معاها في البيت و متاگدة من هذه الشي حسات باها ضرب ليها ضربات خفاف في وجها و هي تگض معاه دارت عندو عاد تواعات بشنو دارت لبارح خلاها تركع بلوم من الخوف منو
شرف:تهدني ا بنتي مكاين والو باسم الله عليك
شمس:مشي بالعاني ا بابا والله ما بلعاني هربت من الدار
شرف(عنقها عندو):صافي دازت ا بنتي دازت متبقاش تعاود
شمس(مزيرة عليه مخبعة)
شرف:علاش هربتي واش واقعة شي حاجة انا معارفهاش جيت الطبيب عرفتك خرجتي خليتيني بلا عقل ا بنتي ماما حتى هي طاحت لينا في الدار لولا لطف الله خالك خرج كي قلب في الزناقي البنت لي محجبة و شفناها نقولو هي
شمس:مشي بالعاني ا بابا انا هربت من الناس و حومة كاملة
شرف:علاش ا بنتي علاش
شمس:هما عرفوني انني مشي بنتك حتى انت هما ولاو يقولوها فيا خايبة داكشي باش هربت من تما
شرف:حتى واحد ابنتي ما عرف ولا عيعرف
شمس:اسلام قالها ليهم كاملين
شرف(شد وجها كي شوف في عينيها):هو براسو ميقدرش ا بنتي
شمس:يديرها
شرف:كون غراضو يديرها معيتسناش شهرين
شمس:بصح ا بابا
شرف:اه ا حبيبة باباها اه خرجتيها منا خليتي الجيران كاملين يخرجو قلبو معانا للهلال يطريه ليهم
شمس(خرجات ليها ضحيكة)
شرف:ايييه ابنت شرف انت ضحكي و باك يتفقص عرفتي ركابية فاشلين عليا و مك خلاص راه خليتها صخفانة في الدار تحلف و تعاود ما ندير ليك شي حاجة
شمس (بحزن):سمح ليا ا بابا
شرف:غير متعاودش
حركات راسها بلا و ناضت معاه بوشية عليها غسلات وجها و حتى هو يالله يفيقو و نزلو التحت شرف مزال رعشة الخلعة راكباه على الفعلة لي دارت نزلات سلمات على مرات خالها و طلات في الصالة كان ادم مرحب ليهم اخر ترحاب اش منك يا اتاي و قهوة اش منك يا بغرير و مسمن و الحرشة و كرواصة الباگيط الكوفيتير الزبدة العسل الفرماج الشكلاط لي حليتي عليه فمك تلقايه صامد كان غادي بالملوية لفمو غير شافها حطها من يديه و خنزر
صامد:فقتي ا كحلة العفطة اش ندير معاك دابا نعاود لمك الترابي على هذه الخلعة لي درتي لينا
شمس(تخبات من مور شرف خايفة من صامد): م م مشي بلعاني ا خالو
ادم:علاش مالها حتى طجات درتو ليها شي حاجة
صامد:دار ليها مخليا مها طايحة صخفانة و انا و باها و خوتها عنحماقو بالتقلاب قنت بقنت في مراكش مخلينا سبيطارات ما مخلينا كوميساريات بلاصة الموتا مشينا ليها
شرف(حس بشمس مزيرة عليه في ضهرو): صافي ا صامد دويت معاها
صامد(حط كاس القهوة):لا سمح ليا ا شرف هذه خاص تجبدها معاها بالصمطة
شرف:صاااامد بعد ليا من بنتي
حمزة(كي طل عليها):ياك الفأرة ياك هذه الشي لي خاصك دابا
شمس(مهبطة راسها):مشي بالعاني والله
ادم:فيها خير جيتو عندي ما تمشيو حتى تغداو عندي
حمزة:قلت ليكم السيد كبر
شرف(شاد بنتو جلسها حداه كي مد ليها ترد روح):اوااا بعد من النسيب
ادم:انا جاي
مشا الكوزينة عند مراتو و صامد مخنزر فيها: قال ليك شي حاجة دابا منين لقيناك عاد عنتوالاه
شرف:مقال والو البنت تضغطات الخدمة و المشاكل و صداع الراس هربات لهنا غير مرة أخرى متعاودش بغات تجي تعلم
حمزة:عندو الحق حمد الله لقيتي باك كان مخلوع عليك كون كنت في بلاصتو و ابتسام دارت نفس شي والله يا بوها حتى نجفف بيها الارض
شمس(عنقات باها):منعاودش والله ما نعاود
صامد(جرها عنقها):انت لي عندي ا شمس كنشم فيك ريحة المرحومة ديال جداتك الله يرحمهم بجوج
شرف(جرها عندو):جداتك كان فيها غير ريحة الخرى و البهايم اشمن ريحة كانت فيها دخل تحطها و تخرج مكتسمح حتى كيف الناس و تقول على بنتي كتشم فيها رحة جداتها
صامد: مال دلمك تعلق على اي حاجة قلتها
شرف:و عطي البنت التيساع و زيدون رحت بنتي غير رحت مها
حمزة:انا وحدة فيهم لي ولدات و لا لي ربات
شرف: سكت
شمس:لا جاوب
شرف:سكتي انت بقا خاصك غير تهضري على فعلتك الزينة
صامد:و جاوب ولا سكتي
شرف:اكرام اكرام
ادم(جا جلس و كي ضحك):خايف من المدام ولا
ضحكو عليه كاملين و هو دور راسو مخنزر كي فطر حتى قلبها عليهم هاد تهناو✳ الجزء 72 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كيف قال ليهم ادم ما خرجو حتى تغداو عندو و حيت مولف في دار عمو دار الكبيرة دار ليهم عراضة تحمر الوجه خرجو بحالهم و شمس ركبات مع باها خايفة من خالها لا يعگدها ويصيفطها ليها الفم بقات ساكتة كتشوف في الطريق شرف دار شاف فيها و تكلم
شرف:منبغيش هذه الشي يتعاود ا شمس
شمس(حنات راسها):حس بيا باش كنحس ا بابا
شرف:عارف ا شمس ولكن راك جهلتي مي ما حيلتي ليك ما حيلتي المك لي طايحة في الدار ولا لجداتك لي كبيرة و انت عارفة شحال عزيزة عليها
(بجدية): هذه التصرف لي درتي ما هو غير تبرهيش ا شمس مشي تصرف وحدة عندها 25 عام ديري في بالك انني مسامحتكش عليه حيت ربي لي كان عالم بيا في هذه اللحظة
شمس:سمح ليا
شرف:طلبي السماحة من ماماك
شمس:واخا
شرف:ها سطاسيون خاصك شي حاجة
شمس:لا
سكتات كتشوفو وقف يدير المازوط و دخل الداخل حتى الرجال تبعوه ياخدو قهوة و هي كتشوف قدامها شوية كتشوفو جايب ميكا فيها السقاطة مدها ليها و ديمارا شاد الطريق و ريحة القهوة عاطية في الوطو
في مراكش كانت اكرام ولات شوية منين هضر معاها شرف و طمنها عليها عاد رجع فيها روح راها بنتها واخا مشي هي لي والداها رجعات جلست معاهم و عاد رجعات ليها الضحكة الوجه
راضية:ناااري ا ماما كان وجهك مخطوف صباح
اكرام(عنقاتها):راكم ولادي ا بنتي
راضية:معرفتش علاش دارت هكدا
اكرام(تنهدات):صداع الخدمة و لا تكون تضغطات داكشي لي خلاها تمشي عند خالك غير كون علمات
مينا:اوا الحمد لله اختي الحمد لله على سلامتها ايناس نوضي أجي نديرو ماماك شوية الروز تاكلو و نوجدو العشاء راه ما بقا والو و يدخلو
اكرام:غير خليك ا ختي انا نوض نصايبو
ايناس:سكتي شحال كتوقفي معانا حنا
اكرام:لهلا يخطيكم
مدات يديها الراضية عنقاتها و لمياء شادة تيلي هي و ابتسام كي تفرجو داز الوقت شحال و العيالات كي دويو و يتحتو حتى سمعو صوت لوطو وقفات قدام باب دار كانت 10 ليل ديك الساعة ناضت راضية كتطل
راضية:ماما ها هما جاو ها هما جاو
اكرام ناضت نزلات التحت بدون عقل كان شرف فتح الباب و دخلات شمس شافها جاية هكداك بالبيجمة حصر الرجال في الزنفة
اكرام:بنتي بنتي حبيبتي
شمس طارت عليها بتعنيقة كتبكي و تطلب السماحة و اكرام معنقاها العيالات كي شوفو فيها حتى شوية كتغوت شمس من حر القرصة لي عطاتها اكرام
اكرام(كتجبد اللحم بجوج يدين):هاااااا لي باااقي يهرب من الداااار هاااا لي باقيييي يطج من الدار هااااا لي باقي تخلينا محرووقين عليها
شمس(كتبكي و هما كي ضحكو عليها): القريص لا اماما القريص لا
مشات هاربة تبعاتها اكرام بصندالة دخلات عليها البيت غير الفخاض كتعطي اودي هذه راه هي الام المغربية مكاينش التخرشيش