✳ الجزء 67 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
ما فك اسلام من يدين شرف غير دراري الحومة خصوصا لي قد ولدو معمرهم شافوه في هذه الحالة دائما داك السيد الرزين المعدن متسمع منو غير كلام الخير اما رجالها لي قدو راهم عارفين شرف اشنو كي سوى كلشي الا عائلتو مكفاهش هذه الشي شدو من كول و جرو معاه الدار ديالو و سد عليهم الباب في الزنقة و دخل فيه براس حتى زاد رعفو على لي قبل
اسلام(شاد نيفو)
شرف:من نهار جيتي خليتك على هواك عارفك معتقدرش تقرب لبنتي ولكن اليوم اليوم قربتي ليها و ضريتيني في كبدتي لي خلاوه دوك القح... في مها جيتي انت و كملتيه عليها
اسلام(كي حك نيفو):صمت مهبط راسو التحت
شرف:شنو باغي من بنتي اااه الفلوس على قبل دوك الشمايت انا نقول ليها تعطيهم ليك غير عطيها التيساع 25 عام 25 عام و انا هاز حمل شمس فوق كتافي باش حد ما قرب ليها ولا يضرها بكلمة ولادي جيتي انت في شهراين درتي ليا الروينة في داري رونتي ليا حياة بنتي شنو باغي باش مطمعينك دوي باش بايع راسك ليهم ا طماااااع
اسلام(ناض مخنزر و غوت):مطاااااامعععع فيييييي حددد جاتني خدمة كيف اي واحد فرصة ليا نستغلها نبدل حياتي منين جيت لهنا على انني ندوز سيمانة صدقت في شهرين حاولت مع بنتك ما مرة ما جوج حيت الا مقدرتش ليها هكدا مغديش تهنى منهم نهار لي عرفتها اشنو كتسوى خاطرت براااااسيييي و مزال مخاطر كنلعب مع ناس كبار مني و منك و من بزناز ديال صاحبك رامي راسي دابا العافية و رادها عليها حيت فين ما مشيتي عتلقاهم قدامها
شرف(كي دفعو):شكون انت شكون تكون في ملك الله حتى تجي من اخر الدنيا و تقول ليا هذه الهضرة اااه بنتي ممحتاجة لا ليك لا الغيرك بنتي قادر نحميها منكم كاملين
اسلام(شد ليه يديه و نطق مزير عليها مخنزر):لا انت لا غيرك قادر ولا عيقدر يبعني من شمس حطيتها هنااا
(شار لعقلو):هنا فين حطيتها ها انا كنت كندور بجنابها حتى وصلتها السبيطار فينك انت لي كتقول قادر تحميها
شرف ستفزاتو هضرتو هز يديه بغا يعطيها ليه شدها ليه اسلام و زير عليها و نطق
اسلام:كاملين كنعرفو نمدو يدينا مشي غير انت و منين محطيتهاش عليك عرف راه الحد الان محتارمك حيت في مقام با انا واحد مقطع الوراق الحبس عندي كندخل نسلم على عشراني و نخرج منو ناس الكبار و محتارمتهمش ولكن انت حالة خاصة حيت باين شمس
(باستفزاز كبير و نطق بصوت مبحوح و هو مخنزر):و جد ولادي مستقبلا داكشي علاش خليك طرونكيل معايا و خليني نخرج نقلب على مراتي المستقبلية ااا عمي شرف الدين السملالي
الزمان دوار و الا كنتي نمس كي جيب ليك الله نمس ما كثر منك و الا كنتي حنش كي عطيك الله حنش ما طوال منك شرف ضن حتى عيا وكان كي بان ليه اسلام حيط قصير ضغيا يدوز عليه ولكن من كلامو معاه اليوم باين عليه واحد شارب عقلو مشي برهوش واحد عارف اشنو كي دير و لاين باغي يوصل و هذه المرة قالها ليه اسلام نيشان باغي بنتك باغيها دور راسو و مسح وجهو مفقوص و عاد خرج من الدار كلشي كان كي تفرج اكرام كانت كتدوي مع ايناس و صامد نيت لي دوى من صحابو شمشامة عليها يلقاوها ولكن والو مشي غير هوا حتى اسلام كان كي قلب عليها قنت قنت في مراكش باغي يلقاها فين مشات هذه البنت و لاين مشات معرفش نهائيا✳ الجزء 68 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
العشية كاملة و هما يقلبو عليها العشا ودن ولا عليها شي خبار خوتها كاملين و حتى من جيران لي عزيزة عليهم خرجو يقلبو فين مشات هذه البنت ولا لقاوها تقول تشقات الارض و بلعاتها
اكرام في الدار سخفانة مسكينة و غير تهترف باسم شمس بغيت بنتي و عيشة شادة ليها يديها لا هي لا مينا عقلهم خارج عليها مينا راها بنتها الكبيرة حتى هي من وهي صغيرة كتحماق عليها بكلشي ليها قيمتها عند العائلة هنا بانت راها وحدة منهم مشي ساهل عليها
اما رحال خلاص خصوصا شرف و رضى و نادر الخلعة عليها شاداهم غير كي دورو و يقلبو و يسولو فين مشات تيلي فاش يصونيو في الدار ولكن ميكونوش قد اسلام لي منين خرج من عندها مشا عند المحامي تساوم معاه يبعدو عليها رجع الكلينيك عندها لقاها مكايناش و قالو ليه باها نوض الحيحة هنا اذن البنت فين مشات معرفش كي دور و يقلب ولكن والو واش بانت لدرجة صيفط مو عندهم الدار غير باش يعرف الخبار الا كانت هي الأولى توصل ليه
عيشة:صافي ا اكرام صافي الله يرضى عليك
اكرام:بغيت بنتي امي بغيت بنتي
مينا(عينيها كي بكيو معاها):راه عيلقاوها ا اكرام
اكرام:علاش خرجات اشنو بيها بنتي متقدرش تمشي حتى الحانوت الا مقالتش ليا قلبي كي ضرني على بنتي امي بغيت شمس
نزهة:ستهدي بالله ا بنتي راكي مرة موننة عيلقاوها
مينا:بغيت غير نعرف اشنو ليها حتى طجات من الدار ياك كلشي هازها على كفوف الراحة
غيثة:اختي مينا الضغط الخدمة و الدراري و شوف اشنو شاغل بالها دابا راه هو لي خلاها طج
عيشة(كتبوس راس بنتها):ان شاء الله يلقاوها ان شاء الله
سمعو الدقان في الباب ناضت مفزوعة نزلات كتجري مع راضية حتى كتشوف نادر داخل و كي حك عينيه بالدموع طاح ليها الماء في الركابي حتى طاحت ليهم في الباب راضية غوتات ربي لي خلقها هي منين شافت ولدها كي بكي قالت صافي بنتي وقعات ليها شي حاجة اما هو راه شرف لي قال ليه سير الدار منين تعاكس معاه عطاه جوج مترميقات حارين
نزلو العيالات دخلوها الداخل و راضية كتصوني الباها لي ما حيلتو يلقى بنتو ما حيلتو المراتو دابا لي جمعات ليه كلشي رجع الدار كي جري دخل عندها لقاها غير كتنين و مغيبة و عيالات كي شمو ليها البصلة مسح على وجهو يالله جا يخرج يشوف ليها الطبيب هو يسمع تيلي كي صوني جاوب
شرف:الو
ادم(خو اكرام الا كنتو عاقلين عليه): شرف خويا لباس عليك بيخير
شرف؛الحمد لله غير سمع ليا مبرزط دابا من بعد و نصوني ليك
ادم:لا بلاتي راه بغيت نقول ليك شمس راها عندي في الدار في فاس
شرف(بصدمة):كيفاش اشنو مشات دير عندك
ادم:معرفتش ا خويا انا علمتك باش متخلعوش عليها منين جات و هي ناعسة قلت نعلمك و صافي
شرف(رجليه فشلو عليه جلس في العتبة): لهلا يخطيك ا خويا رد ليها البال انا نشد طريق عندك دابا
ادم:واخا بسلامة
قطع معاه و بقا كي ماصي صدرو لي تزير عليه عاد حس بروح رجعات ليه تفكر اكرام ناض نيشان الطبيب يجيبو معاه