✳ الجزء 59 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
خرجات من الحمام و هي دايرة شال على راسها و راجعة كتلعب في الطريق بسطولة باقة صغيرة و مزال العقل هارب 15 العام مشي شي عمر لي نقولو فيه البنت كبرات بان ليها رضى خارج من الدار قلبها بدا كي ضرب قادات راسها و زادت بتقالة و هي عاضة على شفايفها حتى وصلات عندو هو دور راسو منين حس بشي حد وقف عليه
ريهام:سلام خويا
رضى:سلام
ريهام:مكتابش ليا نقول ليك شكرا على داك النهار و سمح ليا على لي دار خويا
رضى؛هذه الشي داز عليه شهر و زيادة اختي
ريهام(هزات براسها):عارفة ولكن احم المهم طلب السماحة معندها علاقة بالوقت
رضى:اعتذارك مقبول
ريهام(فرحات):شكرا بزااف والله احم
(مدات يديها):انا ريهام
رضى(مد يديه سلم عليها):انا محمد رضى
ريهام:متشرفين و شكرا مرة أخرى
رضى:مرحبا
زادت حتى وصلات الدار دقدقات و كتطل هو مشا الدارهم فتح بالساروت منين فتحات ليها مها الباب دخلات نيشان كتجري طلعات الفوقخلات غيثة كتشوف من موراها
غيثة:و أجي نشوف غير واش غسلتي مزيانة
ريهام:مزيان مزيان ا مي
دخلات البيت و مشات هزات تيلي ديالها و دخلات الانستا كتقلب عليه باسم رضى و كنية ديال شمس حتى طاحت على الكونط ديالو كتطلع في التصاور ديالو مرة مع خوه مرة مع راضية مرة مع صحابو ضحكات دارت كونط اخر و دخلات دارت ليه متابعة و هي كتفرنس و تشوف تصوراتو
ريهام: ناااري هذه عمي شرف والد غير الزين على خوه حتى من نادر عاطي العين و كي بان كبر من عمرو سعدات لي عتديك ا رضى
ضحكات و تجبدات كتدوز في التصاور في هذه الوقت كان رضى طلع الفوق لقا باه كي شرب قهوة في الكوزينة و القطة حداه كتلعب ليه برجليه شافت رضى مشات عندو كتهز زعمة و تخلعو و هي تهرب من حداه و ترجع ليه وحنا هزها بين يديه كي لعب معاها
شرف(غمزو):معجبين كثار عندك اولد شرف
رضى(حك شعرو):براهش الوليد الله يهديك
شرف:هذوك هما لي يتخاف منهم
رضى(سد باب الكوزينة و جلس على كرسي و القطة في يديه):دويتي مع الوليدة هذه صباح
شرف:توووء قهوة معايا
رضى؛مكهرتش دارتها خالتي مينا غير ماء و زغاريد
شرف(سمعها و هو يطلقها بضحكة و شاف في ولدو مادد ليه القهوة):سكت دابا يسمع شي حد
رضى(تبسم دوز الخط لاكرام و خلاه مطلقوه باغي يصفي الخواطر بين باه و مو ميبقاش داك الغيار):نااري الوليد انت و ياها غير القط و الفار قالو ليا شي ناس كنتي طيار في شبابك
شرف(شد كرسي و جلس عليه حاطط الكاس فوق الطبلة):شباب ما بحالو حد ا ولدي ما انت كبير ما انت صغير شارب عقلك عارف شنو كدير واخا بعد المرات الحياة كتعطيك ضربة لي تهرسك ولكن من بعد كتلقا ديك الضربة غير ختيار من عند الله و كي جازيك يطيب خلق في الدنيا
رضى(رشف من القهوة):الوليدة
شرف (هز براسو):قد ما وفيت في حقها ما كي وفاش اولدي اغلى حاجة عندي في الدنيا منقدرش نستغنى عليها دقيقة وحدة
(شاف في ولدو):شفتي هذه الشي كامل لي انا فيه اليوم بفضل الله لي حطها ليا في طريقة نعمة زوجة و نعمة الام شفتي المرة لي متحطكش في مقام باها غير رجعها لدارهم
رضى:شنو الفرق هكدا عمدا كتبغيك
شرف:مشي بحال بحال سمع اولدي المرة اول راجل في حياتها هو باها نهار لي كي حيد متروم لمن
رضى:الخوها
شرف:و الا مكانتش خوها
رضى؛رجلها
شرف؛و هذه الشي لي واقع دابا بيني و بين ماماك
رضى؛مفهمتش
شرف:و معمرك عتفهم علاقتي بيها لقيت فيها لي يتمناه اي راجل في دنيا
رضى:الله يطول محبتكم و تكونو ازواج في الجنة
شرف:اميييين اولدي امييين يالله نوض سير جيب لفطور لهذه رباعت البگر عندي نوض
رضى ضحك و ناض شرب القهوة و خرج قطع على ماماه و نزل مشا نيشان دار جدو لقاها نيت منين سمعاتو يجيب الفطور ناضت تقادو ليه بيديها✳ الجزء 60 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
نهار داز غير من هذه الهذه العيالات كي وجدو الغدا تغداو مجموعين عاد كلها مشا الدارو من غير الرجال لي خرجو البرا مجموعين في قهوة ديال شرف مرة مرة غني كي مشي يسربيهم و صامد مخنزر معجبوش الحال انه يخدمو ولكن كيف قال شرف مفيها باس الواحد لي كي طلب طرف الخبز نسدو ليه الباب في وجهو مجاتش
شرف(شاف في غني):اش داك صداع كان عندكم البارح في الدار
غني(حك قرفادتو):سمحو لينا على صداع ولكن اسلام هكداك داير مع العائلة
شرف:شي حاجة كبيرة
غني:تقدر تقول
شرف:علاش
غني:منين كان صغير عمامو كانو كي تكرفصو عليه و جراو عليهم هو وختو مزالة تريبية المهم الهضرة كثيييرة المعلم
صامد(كي حك لحيتو):اممم
شرف:مشي مشكل
غني:خاصكم شي حاجة
شرف:لا صافي
هز ليه براسو و مشا فؤاد كي شوف في غني و يتبسم و دار كي شوف قدامو حتى شوية واحد من الرجال داخل و هاز في يديه دري صغير تبسم و شاف في الدراري
فؤاد:داك الراجل لي هاز دري في يديه
صامد:مالو
فؤاد:عندو 60 عام دابا
شرف:فين كاين المشكل
فؤاد:مراتو يالله ولدات ليه وليد ه لي هازو
شرف:وراه كي جيبو معاه دائما فرحان بيه
فؤاد:اه الكبير في ولادو عندو 32 عام دابا
صامد:و عاد ولد
فؤاد؛و مالها اش فيها حتى انتوما هضرو مع عيالاتكم خصوصا انت ا صامد باغي نشوف شي جوج حفاد اخرين ان شاء الله
شرف(تكا):انا اكرام متبغيش ليا واخا باغي نزيد
فؤاد:علاش
شرف:حيت كتقول الصغير في ولادي عندو 17 طالع في 18
فؤاد:علاش اكرام شحال عندها 43 عام
شرف:اه
فؤاد:اكرام و انت مزالين صغار 50 عاد و هي 43 علاش كتشرفو راسكم بلا وقت
صامد:وقيلة عندك الحق و زيدون الولاد كي سخنو الكتاف انا كنشوفها غير من مصعب 11 العام طالع في 12 تبارك الله حتى هو كي جي و يتخشا حدايا و كي دوي معايا و نذاكرو
شرف:مخليتي ليا انا ما نقول على ولادي بجوج و خصوصا رضى
فؤاد(رتب ليهم على رجلهم):ديرو الولاد حتى الا مشاو هذو لي كبار كي عمرو عليهم الدار صغار سولمي انا لي كنت متبع المرة في هبالها حتى ولينا غير بجوج راس في الراس مكاين لي يمد لينا حتى كاس الماء كون ما ربي جاب تيسير و سكنات حدايا بنتي و ولادها معمرين عليا الدار لا هي لا ولاد اكرام و مينا
شرف:انا عندي 4 في عينين شيطان
فؤاد:ن؛نوض زيد معرفتي هذه المرة يعطيك الله تويميين منين كرش اكرام جابت توام في اول ولادتها
شرف سكت كي حك لحيتو هو مكرهش اكرام تزيد تولد ليه وليدات من صلبو منها هي و تعمر عليها الدار ولكن واش هي عتقبل مجاتش يضرب عليها الطم حتى تلقاه في كرهشها و تقلق منو خاصو يدوي معاها و يفاتحها في الموضوع و يشوف رأيها هي واخا عارف راه معتقبلش
صامد:انا عنسكت حتى ندير شرع يدي حيت بنتك ما باغيا ا سي فؤاد تزيد
فؤاد:هذه مزيانة عديرها حيت هديك كتمشي غير بسياسة
(شاف في شرف):متفكرش ا ولدي ا شرف حتى من حمزة عندوي مع يوسف باه يدوي معاه و تزيد مينا على داك جوج وليدات
صامد:فؤاد عندو الحق ا شرف ها شمس كبرات و عتزوج ان شاء الله راضية حتى هي الا جا زهرها في مدينة أخرى رضى قلتي باغي يخدم في المطار ان شاء الله نلقاو ليه بلاصة و الا جاتو الخدمة في كازا ولا طنجة اشنو دير عتمنعو مستقبالو هذاك و الصغير خلاص هذاك حامق ليك على الكورة غادا ولا بعدو يلتاحق بشي نادي ها انت بقيتي مع مراتك ديوها في الحيوط
هضرة من لهنا و هضرة من لهنا و انتوما عافين الا تجمع عليك البشار مصيبة ولكن هذه مزيانة هما مزالين صغر علاش لا لي ميولدوش