✳ الجزء 53 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
طنجية واجدة و لي عتاكلها كتلبس نقابها باش تمشي لدار مها منين كلشي مجموع تما جالس جامع يديه عندو تصرفاتو باقين هما هما تعفار ولكن حيت السيد طاحو ليه زنافرو مع اكرام ولا غير تابعها و حال فمو تسامح ليه عارف دار غلاط و حتى اكرام منها لافوت انها مكتدويش ديما قامها بكلمة بيني و بين ولادي حتى كي كسرها من الداخل بدون ما يحس و هذه الغوتة ديال شمس عرفتو بغلاطو و لي دار من اكرام
بقا كي شوف فيها حتى في الاخير نطق: اكرام الله يرحم الوليدين مكنتش عارف انك كضري والله القسم نيتي كانت غير نخليك ترتاحي من مشاكل صداع الدراري باغيك تكوني ناشطة و فرحانة فقط
اكرام(صمت كتدير بيجامتها في صاك)
شرف(ناض عندها و شدها من يديها جاره ليه):اكرام ا عمارة داري ا فقيهتي واش انا عارفاني نقدر نأديك
اكرام:كتاديني بدون ما تحس اشرف كتضرني في خاطري بدون ما نحس
شرف:باش عنعرف انا و زيدون مكنكونش قاصد
اكرام:لا خاصك تعرف صباح قلت الله ينعل الشيطان منين كنطلع و انا سمعاكم كتدويو على الخدمة في الاخير رضى قلب الموضوع بحال الا انا عدوتو مشي مو لي صارحني و يعاود ليا على مشاكلو و اشنو باغي يدير في مستقبالو
(تنهدات كتمسح عينيها):شمس هي الأخيرة نهار بغات تخدم في التعليم كنشوفك كتجري من قنت القنت و كنسولك مالك في الاخير منين وحلتي معاها عاد جاي عندي تقول ليا البنت اشنو بغا خاطرها زميتها و سكت واخا مشي مشكل باها عارف مصلاحتها نادر باغي يدخل لاصال الحديد و انت عارف اشنو دوز عليك نهار طاحت عليك الحديدة و تهرستي من يديك و كتقول لولد متقولهاش لماماك حتى كنشوفو خارج من لاصال واخا ا اكرام باه و عارف مصلاحتو تغوت عليا قدام الدراري منين نكون كندوي ولا كندخل و تقول ليا ولادي ها انا خليتهم ليك دير لي بغيتي دور ديالي نطيب نشقى حيت اكرام غير مرة ناقصة عقل
خلاتو و خرجات كتلبس صباطها هو تبعها شدها عندو معنقها كي طيب خاطرها حيت عرف دايرها قد راسو
شرف:سمحي ليا ا مالكة قلبي سمحي ليا ا عمارت داري نيتي مكانتش هكدا نيتي مزيانة و معمري فكرت نضرك بحال هكذا ولا تبعدك من ولادك
اكرام(بعدات راسها عليه):ولادك والو تابعين كلامك انا ممعتابرينيش حتى شمس لي كنقول هي مولات العقل و كتعاود ليا كلشي صدقات تابعة باها الحد الان مزال ما عارفة البنت مالها و كيفاش عرفات
شرف:راك كتشوفيهم كيفاش باغيين يتصالحو معاك
اكرام:خليك انت و ياهم منين تعرفو قيمتي في هذه الدار ديك الساعة نشوف محد ولادك مدايرين ليا عتبار في هذه الدار راه منرجعش كيف كنت لا معاك لا معاهم
دارت تخرج و هي دور عندو مخنزرة مشات حتات على الطنجية :بركة عليك كم ليدومات راك عتغلاااظ و يلصق فيك شي مرض
جابت ليه الضحكة خرجات من الدار و هو تجبد فوق سداري كي شوف في السقف و كي فرنس
شرف:يخ منو و عيني فيه ااااااخ ت فقيهتي 22 عام ديال الزواج مكنتخاصموش نهار لي نتخاصمو تخليني تابعك بلا هوايا
جبد تيلي و دوز الخط لصامد و حمزة في نفس الوقت:فينكم
صامد:في الدار بوحدي كلشي مشا عند فؤاد
حمزة:وااييه حتى الوليدة
شرف:حمزة عيط لمحمد راجل ختك و انا عنعيط لعمر راجل ختي و اجيو عندي عنمشي نيجيبوشي تقيوتات نسهرو هذه ليلة
صامد:بيرات لا
شرف؛موناضة قضية الغراض باركة غير لي فيا جي جي
حمزة:و وجد لينا بلاي ديال ولدك
شرف:موجود غير اجي
قطع عليهم و صيفط ميساج لاكرام؛فقيهتي راجل العائلة عيجيو يسهرو معايا
اكرام(قراتو و صيفطات ليه اوديو):جمع الدنيااااااا من مورااااكم
حطات تيلي و خلاتو غير كي ضحك تبسم و ناض خرج المحال جاب العشاء عاد داز خدا الفاكية و المناضة و رجع الدار لقا صامد كي تستاهل فتح و خلاها محلولة و طلع عاد منين جاو الدراري طلعو و سدو معاهم الباب✳ الجزء 54 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
دخلات عندهم و حطات الطنجية فوق الطبلة خلات الدراري غير كي شوفو حيدات نقابها و دخلات البست بدلات عليها بجامة و جلسات مع العائلة كتستارح شوية عينيها كتقلب و لكن ملقاتهاش تنهدات و بقات تحك تحك في الاخير ناضت جمعات الوقفة دخلات الكوزينة عند مها كتقاد ديك الطنجية
عيشة:مالك مع الدراري
اكرام:كنربي ولادي يحتارموني
عيشة؛ولادك كي موتو عليك
اكرام:انا مقلتش هذه الشي
عيشة:شمس منين جات و هي في سطح جالسة غير بوحدها طلعات مينا طلعت انا طلعات ايناس ولا بغات تنزل
اكرام:الله ياااربيييي ها علاش غضبانة ها علاش ا مي البنت معارفة مالها و تقولي ليا مالكي مع ولادك راه حر الكبدة لي مخلياني شاعلة من جهتهم حتى واحد ما كي عاود ليا انا على اساس انني ناقصة عقل ياك شرف انا لي كنت نعاونو و نحل معاه مشاكلو منين كبرو ولادو ولاو رايمين عليه صباح رضى كي دوي معاه منين شافني قلب الهضرة واش انا عدوتو ا مي غير قولي ليا
عيشة(دايرة يد على يد و كتسمع ليها حتى كملات):دويتي مع نمس ديال راجلك
اكرام:دويت معاه قال ليك لا حقا ما حقا انا كنبغي نهز عليك صداع و المشاكل هو كلمة جوج بيني و بين ولادي ها ولادو خليتهم ليه
عيشة:مديريش في بالك ا بنتي و طلعي دوي مع البنت راها جالسة غير بوحدها في السطح الله يرضي عليك راه الحم الا خناز كي هزوه ماليه و انت ولادك كي شبهو الباهم في كلشي هو نمس و والد نموسة طلعي الله يرضي عليك طيبي خاطر البنت و شوفي مالها كوني انت مولات العقل راهم مزالين صغار
اكرام(تنهدات):واخا ا مي واخا
حطات من يديها داكشي و طلعات السطح لقاتها مفرشة حسيرة مع المخدة متكية عليها و كتشوف في سماء تنهدات على حالها و مشات جلسات حداها منين شافتها شمس تجمعات في الجلسة و تقادات
اكرام(هازة خنافرها):قالت ليا جداتك ما بغيتي تنزلي مع حتى واحد
شمس(حطات راسها على حجرها):ماما اشنو درت في حياتي حتى كي جازيني الله بهذه العيشة
اكرام:استغفر الله شمس اش هذه الهضرة
شمس(عيونها دمعو):معرفتش ا ماما فين ما نقادها من جيه كتعواج ليا من جيه
اكرام(خاطر الام ما هناها دوزات على شعرها و نطقات):مالك ا بنتي اشنو ضارك في خاطرك اشنو عندك عاودي ليا الله يرضي عليك متخليش قلبي محروق عليك
شمس:كنتي عارفة بلي خالي جاب ليا ورث بابا
اكرام(تنهدات):عارفة
شمس:فوقاش
اكرام؛منين كان في عمرك 5 سنين ا بنتي
شمس:20 عام دابا
اكرام(تنهدات):اه
شمس:عارفة ان الورث لي حال خالي تابعو غير النحس و المشاكل
اكرام:قولي الحمد لله ا شمس على هذه الشي لي انت
شمس:عارفة و كنحمد الله دائما في الاوقات غير كنشوف بنادم تابعك في كلشي ا ماما انا ديك الفلوس مبغيتهاش معندي ما ندير ليها الحجة الوحيدة لي باغيا غير راحت البال
اكرام:واش قرب ليك شي واحد ا شمس
شمس:غير قرب ليا و سكتي ا ماما داير كي شيطان في صفة انسان جاي من اخر الدنيا معرفتش باش طمعوه لي عارفة انه ناوي ليا على خزيت
(زيرات ليها على حوايجها):ماما انا خايفة بزاف من لي حتي خايفة الناس يعرفوني انني مشي بنت شرف خايفة الناس ينعت عليا بالخايب خافية الناس يقولو بنت شرف مشي باها و مها كانت خارجة الطريق خايفة بزاف ا ماما ياكلوني لحم و يرميوني عظم
اكرام:مكاينش ا بنتي لي يقرب ليك و انا مزالة عايشة بصح انا مشي لي حملت بيك 9 شهور و رضعتك ولكن ا بنتي لي ربى كثر من لي ولد انت عندي اعز حاجة في الدنيا منبغيش ليك المضرة
شمس(هزات راسها ليها):شنو ندير ا ماما غير قولي ليا اشنو ندير ملي عليا رأيك
اكرام(دوزات على شعرها):قوي راسك و خلي ايمانك قوي بالله متخنيش الراس خليه دائما مرفوع وياك يطيح ليك شي واحد و تسكتي ليه واجهي المشاكل مشي تخباي منهم هذا لي جاي باغي ياخد الورث ديالك عطيه ضربة لي ميگعدش منها الرأس و هذه خوك لي حامق على هذه الورث شوفي شي حاجة لي تخليه يتلهى معاها و يعطيك التساع
شمس:كيفاش
اكرام؛عاد عنقول ليك ا بنتي راك فهمتي اشنو قصدت
راضية(كطل عليهم):ماما خالتو مينا كتنگر هبكي نتعشاو
اكرام:انا جاية
(دارت عند شمس):نوضي و دير لي قلت ليك واخا
راضية:واخا ا ماما ان شاء الله
ناضت وقفات و نزلات معاها كتدوي و توجهها حتى وصلات عندهم و سكتات جلسات حداها كتضحك و تلعب مع خوتها و ضو طافي حتى شوية كي سمعو غوتة من دار جرام الجداد خلاتهم نوضو قافزين من بلاصيهم كلها كي تجارا الضرحم يعرف اش واقع