✳ الجزء 51 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كملات الحصص لي عليها و خرجات من المدرسة كتلفت من وراها ولكن ملقات حد شدات طاكسي الدار نيشان وصلات دخلات كتلاقا مع باها طالع الفوق عقدات غوباشتها
شمس:مالك
شرف:والو مك مغيرة
شمس:واه حتى انا طلبت منها سماحة و والو
شرف:ياااربيييي اشنو عنديرو في هذه الحريرة
شمس:معرفتش أجي نقول ليك
شرف:شنو
شمس:عيد زواجكم اليوم او انا كدبت
شرف:عارفة مك معندهاش مع هذه التخربيق كتقول ليك حرام
شمس:حرام اه مقلناش لا ولكن مفيها باس تفرح بمراتك شوية
شرف(دورها في راسو):ا جدرة منين كتجيبي هذه الافكار
شمس:علاش مالي مشي بنتك شحال صالحتكم من مرة
شرف:معرفتش شنو ندير ليها
شمس:عتمشي نعام ا سي تدير ليها واحد طنجية مرااااكشية و تجيبها و دير معاها الفاكية و المناضة و تعشاو بجوج راها كتحماق على طنجية لي كتعدل من تحت يديك جلس انت و ياها راس في الراس و دويو
راضية(من دروج):نااارييي اختي اشنو كديري التحرميااات
شمس(خنزر):عنطلع ليك
(شافت في شرف):ها جدرة ديال بصح انا قلت ليك
شرف:اييه كيف عندير ليها و انتوما بت نبت عندي هنا
شمس:خالتي مينا جاية تبات عند ميمة عيشة عندي الدراري كي عجبني الخبير ديالها
راضية:لا اختي انا مغاداش عناكل طنجية با
شرف(خنزر فيها):و ما تبعيش ختك و نوريك
نادر(من موراهم قفزهم):ايييه ا سي شرف كبرتي و وليتي تسمع كلام بناتك و يوريوك الطرقان خاصك تخاف منهم
شمس(كتنزل عليه الضهر):بعد مني بعد مني الباسل مكتقاداش ربي سلامة
نادر:اجي واش كاملين عنمشيو حتى ميما نادية
شمس:اه كاملين راه خصام ماما خاسر والله يا بوكم حتى تقلبها علينا كاملين
راضية(طالعة الفوق):ايييه ا سي شرف انت يديرها و ولادك يوحلو فيها طلع طلع ا نادر من لهنا شهراين تسمع مك جايبة زغنون صغير
نادر(طلع):ماماااا جابت بيبي بييبييي حيلو صغير
راضية:ياااا الله حبيبي شوووو زاكي و مغدر
نادر:حبيبي بحطو بحظني ا نايمو نيني نيني
راضية:و لعيون الحلوة غني و ظعيلو طووولي العمر
شمس(كضحك عليهم حطات راسها على كتف باها):كيفاش عرفتي داك سيد ا بابا
شرف:خالك ا حبيبة بابا قالها ليا منين مشا المحامي العندو الحبس و جا حتى لهنا ولكن لي بان ليا عليه انه كي لعب على المكشوف
شمس:راجل زعمة طفرو
شرف:انا معاك في كلشي ا بنتي الا مقديتيش عليه خليه ليا انا نتوالاه
شمس:لا غير خليني مني ليه اصلا الا بغيت نطرطق ليهم المرارة هي الفلوس نصدقها و تشوف اش عيديرو يمشيو يلصقو في الحيط
شرف:الا درتيها عتكون مزيانة
تبسمات ليه و هما طالعين الفوق كانت اكرام جالسة في الارض و نادية حاداها شادة العجينة و كتصايب فيها و الزبدة حداها كتلوي الرزيزة باش ديرها الغداء نيت شاهية الدراري فيها قربات ليها شمس باست راسها و رجعات جلسات حداها كتشوف فيها و كتسناها تدوي معاها ولكن تقووول
راضية:ماما سرفيتة ديالي الكحلة نلبسها فين هي
اكرام:سولي باك عليها
نادية:متقوليش ليا حتى راضية ا اكرام
اكرام:خليهم ولاد باهم انا غير زايدة في هذه الدار
شرف:الله يهديك ا اكرام
شمس؛انت عمارة الدار
اكرام:حيدي عليا انت
راضية(كتشوف فيها):مالكي ا ماما
اكرام:عطيني التيساع سيري عند باك يالله
(شافت في شمس):تحركي حتى انت تبعيها
(شافت في نادر):حط الكاس و خرج عليا من الكوزينة تحرك
جرات على الدراري الصالة خلاتهم غير كي شوفو صافي طلع ليها الدم حالفة حتى تربي طاسيلت بوهم كاملين من راس الحربة حتى لاخر العنقود و توريه بيني و بين ولادي بشحال كتطلع✳ الجزء 52 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
طلعات السطح مع شمس تصبن الحوايج وحدة كتشلل و تعصر و التانية كتنشر باش ضغيا كي غلبو على صابون طلات راضية على الزنقة بان ليها غني جالس و كي كمي قدام باب الدار حطات يديها على قلبها كي ضرب قربات شمس عندها و طلات و تبسمات
شمس:هذا لي دق ليه داك القليب
راضية(هزات براسها):هو اختي هو
شمس:منين جا الحومة ما سمعنا صوتو
راضية:معرفش واش حتى انا نكون كنعجبو داك النهار منين كنت غادا لافاك غوت ليا و منين مشيت القهوة عند بابا خرج عندي هو و دوا معايا و ضحيكة ديالو كتسالي معايا ا ختي والله كنحس بيه راجل منين كي دوي
شمس:غير ردي بالك و صافي يقدر يكون
راضية:عارفة ولكن معرفت نجرب حظي
شمس:حظي راسك يسمعك بابا يقطع ليك شلاقمك لي يقول بيهم كي عجبني
راضية:مالك مع ماما
شمس:كسرت خاطرها بلا ما نعرف
راضية:شنو درتي
شمس:قلت ليها اكرام و هي معجبهاش الحال و بقات شادها ضد
راضية:نااارييي ا شمس قداش قاصحة دابا عتقول مع راسها غير معندها قيمة عندك و انت مكتحسيش بلي هي ماماك و بزاف الافكار خايبين عيطيحو في بالها
شمس:اكرام ماما و عتبقا ماما هي لي حناة عليا و دا رتني بنتها مستحيل نفكر فيها هكدا غير ساعة غضب و صافي
راضية:حتى بابا ما نعرف اشنو دار ليها
شمس:منين كتكون كتدوي معانا كي قول ليها مدخليش بيني و بين ولادي و هذه الشي لي ضارها هي
راضية:هي قولي الدعوة مشيرة و صافي خلاها رضى البحر هايج
شمس:الله يدير شي تاويل ديال الخير ها رضى جا يالله ندخلو باش نتغداو اختي
راضية:هزي معاك شبكة
شمس:غير خليها تما حتى العشية و نطلعو نهبطوها
نزلات التحت لقات اكرام كتوجد الرزيزة سخونة حطاتها في الكصعة و خدات جوج دجاج حطاتهم و سگات شمس هزات المونادة و حطاتها فوق الطبلة و مشات خدات المرقة حتى هي و راضية الماء و زادو ياكلو كاملين و صمت رهيب و غير العينين كي دويو راضية شافت في اكرام و نطقات
راضية:ماما بغيت نتشاور معاك
اكرام(صمت)
راضية:بغيت ندير البحث لاخير السنة و معرفتش اشمن موضوع ندير
اكرام:بينك و بين باك
راضية:و لااا ا ماما عافاك كنسولك انت
اكرام(شافت فيها):سولي باك
رضى؛و ماما يهديك الله خصامك قاصح علينا
شمس:اه ا ماما معمرك ما درتيها
نادر: شي يديرها وشي يتقدم فيها
شرف(خنزر غوت حتى رجعو كاملين لور): عتاكلو ولا عنقلب عليكم هذه الطبلة بلي فيها زدتو فيه واااااه ماشي الاول ولا الاخير لي تخاصمكم مكم خليوها على خاطرها
شافو فيه كاملين و حناو راسهم كي ياكلو صمت و نادية مدات يديها:بلاتي ا خالتي عزيز عليك الفخض
شرف:خلي ليا واحد
رضى:با عرفتي حشال كي دير الدجاج دابا
شرف:شحال
رضى:24 درهم الكليو
شرف(وحلات ليه):واايلي
راضية:اييه ا بابا دزت قبايلة شفتو لقيتو كي دير هذه التمان خلعني كنت بغيت ناخد جنيوحات تديرهم مريقة مع زيتون كي جيت زوينين و انا نتخلع هربت
شرف(شاف في اكرام):شحال فيهم هذه جوج فرارج من كيلو
اكرام(هزات راسها فيه):مرة جاية نقول ليه عبر ليا الدجاج
شرف:اكرام
اكرام:نعام ا شرف شنو
شرف:غير هذه المرة ا عمارة الدار صافي طلقيها
اكرام:كول ا زماني كول خليني نعقل على دغمة
نادية(كضحك):عشت و شفت
(شافت في الدراري):نهار لي تحرقات شمس اولادي من يديها هزها شرف و خرج كي قلب على جدكم فؤاد يديه الطبيب و كانت مكم يالله جات تسكن هنا جديد خرجات بنيتي و دات ختكم السبيطار منين كنا راجعين كنقول ليه شكر البنت حيت وقفات معانا خسر ليا الهضرة في وجهي و دخل بحالو الدار باكم اولادي ما كي حمل يطلب السماحة ما كي حمل يقول كلمة شكرا
شرف(شاف الدراري ضحكو و هز يدور في اكرام):مقلتش ليك شكرا
اكرام:معقلتش
نادر:و دابا عتبقاي هازة شوكتك علينا مجاتش
نادية:خليوها عليكم دابا صافي
راضية:المهم راه عنمشيو في العشية لعند جداتي نباتو معاها ميمة عتمشي معانا ياك
اكرام:معامن تشاورتي
شمس:مع بابا
اكرام:ايييه مزيان الله يقوي علاقتكم
الدراري: امين
خنزرات فيهم و دورات راسها القدام كتاكل بالغدايد و شرف كي شوف فيها عارف داروها ليها الدراري بلعاني باش تخليهم يمشيو هكدا عينفارد بيها في الدار