قيود_ " خلف القضبان "✨
الكاتـَبة:- ايـَات رسـُول ♥️
تصويت وتعليق بين الفقرات + قراءة ممتعة!
يـگول ولـيـم :- أني وگلبِي مِتعوبين مَنفيدچ ..
«ــــــــــــــــــ«•»ـــــــــــــــــ»
ما اعرف شكول ولا اعرف شنو احجي الشي الصار وياي ابد ما ينوصف ولا اگدر اعبر عنه ولا أي كلمه تكدر توصفه الشي الصار قبل شويه مشاعري عباره عن كوكتيل حب وحزن وفرح وبچي كل هذني باللحظه
من صارت روهانا كدامي نسيت اهلي نسيت الي موجودين نسيت كلشي من شفتها بس اريد احضنها واشبع منها عبالك صار سنتين ما شايفتها مو يومين
الولد كلهم واكفين باب المطبخ ويباعون علينه خوب تسنيم ماخذه رگن وتباوع علينه هيه تريد توخر واني
ارچعها لحضني واني اريد اوخر وهيه ترجع ترجعني اخر شي يامان سحب روهانا وتسنيم سحبتني وبعدتني عن روهانا :-
- يا عيني شلون التقاء
- هاي شبيك هذه إللقاء يسمونه لقاء الاحبه
- اويلي يأبه شلون احبه عاد وحده شگره وحده حمره خرب شرفي
اباوع عليهم بس يضحگون واني بس اريد اسگت روحي ماكو مسحت دموعي واردفت :-
- على فگره ماكو شي يضحگ حتى كاعدين وتگهگهون
باوع عليه بأمان واردف - وانتي شكو حشرتي نفسچ
- جا انت شكو من أدخلت بيني وبين روهانا عادي بنت خالتي وصارلي هواي ما شايفتها
- لازم انگطعت الجفيرات خطيه وبعد محد يشوف أحد عادي ما دام تعرفين روهانا جا ليش ما اجيتيها
صفنت بوچهه وسگتت كبور تگشگ يارب درت وجهي من دخلت سيلين وتباوع عليهم باوعت عليه وجتي :-
- خلصتي مسرحيه كافي امشي نصعد فوك خلي نحل السالفه الجديده الي وگعت على راسنا
- بس اني اريد اشوف روهانا
- مطايره روهانا تكدرين تشوفينه بأي وقت
لزمت ايدي وطلعتني من المطبخ صعدنه فوك اني وياها بس اني عيني جوه اباوع على روهانا تباوع على اختي وعليه دخلت سيلين الغرفه وسدت الباب وراها ؛-
- هسه شنو
- شوفي اني ماعرف كلشي إذا اجيتي هسه وسئلتيني اخيط وخربط لاني بعد ما مستوعبه صديقتي روهانا هيه نفسها بنت خالتي
- خرب حظيي جا والسالفه شلون
- احمر لون اني شمدريني
- يمممممه شنو هاي زين z منو ترا راح اتخبل
- ماعرف اصلا حتى لو نريد نكول من ولد خوالي ماكو واحد بيهم بحرف z.
- هوه اني هم گلت بس فگرت منو اله غايه يسوي هذه الشي
- اييي وشطلعلچ؟؟
- هوه جاي افگر اريد اعرف منو اله غايه يسوي هذه الشي وليش بالاصل جاي يراقبنا احنا بالذات
- ماعرف والله ماعرف بس اسگتي والقرآن راسي دايخخ اريد بس ارتاح
- ولچ شنوو ترتاحين اني ما ارتاح دون ما اعرف هذه منو
- باعي اني لو هعرف هئولگ لكن اني مبعرفش
- من كد ما راسج يوچعچ تحولتي مصريه سگتي بعد عيني سگتي
- اخاف عدنه عداول ويه أحد وما ندري
- اني ما عندي عداوه ويه أحد غير بس ويه الشيطان
- علساس أني الي عندي
- جا شراح نسوي ؟
- مبعرفش والله هيي
- لاا تاگليني نعال احجي عدل
- دسكتي من الصدمه مادري شجاي احجي بس سلگي وعوفيني براحتي
- شنو اسلك لازم كهرباء هيه
- يعني لاا تهتمين الگلامي هاي شبيج سيسو
- اويلليي هم ردينه
- يمه شكد حلو هل لقب اموت عليها سيسو
- انچعمي بمكانچ
سگتت سيلين تفرگ برأسها صح سمعت بهذه المثل بس هسه يالله حسيت بيه ضربتين بالرأس توچع منا صدمت هذه الي ما اعرفه منو الملقب بـ z ومنا
روهانا شي بداخلي يكلي انزلي شوفيها وشي ثاني يگول لااا كعدي حلي مشگلتچ تذگرت نيار ماكو غيره يحلها باوعت على سيلين واردفت:-
- لگيتها
كمزت عليه مثل المخبله واردفت - شنوو ؟؟
- شبيچ حوبي ريلاگس
- دفضيني احجيي ؟؟
- ماكو غير نيار يحلها
صفنت سيلين عليه وسگتت ضربتها على جتفها واردفت :-
- گلش مو وقت تفگيرچ سيسو گلش لااا تكعدين تفگرين ترا معدنه غير نيار يحل مشگلتنا
- زين وامي شراح تكول إذا شافت نيار هنا
- ولعل درجه اني غبيه اخلي نيار يجي هنا شبيج بابا شغلي عقلج وياي
- مادري ولجچ دايخه عقلي ما جاي يستوعب اي شي ينگال الي
- من اهمداچ واهمده الي ينطيچ فگره
- هسه عليمن هذه الحجي انتي مو گلتي نيار خلص هاهيه نيار يعني نيار اتصلي عليه وشوفي
توني اريد اتصل واجاني اشعار من الانستا مادري شلون دخلت عليه اريد اتصل على نيار ودست على الاشعار بالغلط بس تفاچئت من شفت الرساله والي صدمني أكثر شنو المگتوب بيها :-
*ميحتاچ تتصلين على ابن عمچ لأن مراح يفيدج بشي *
شهگت بصدمه وبسرعه لزمت التلفون من راد يوگع من ايدي باوعت على الرساله الثانيه الي اندزت الي قبل شويه :-
*ولا تنسين لازم تدفعين الحساب لأن ما يصير تخليني أحد يطلبچ *
توني اريد ارد عليه واختفه الحساب من عندي يمه عزااا بعيني هاي شنووو زين منو هذه وشنو الي يريده منه باوعت عليه سيلين واردفت بأرتباگ ؛-
- وصلنچ الرسائل موو ؟؟
- سيلين هاي شنو شديصير وياي مدافهم ؟؟
- ولاا اني جاي افهم الي ديصير
- اني خايفه الي أبالي يطلع صحيح
باوعت عليه بنظرات غريبه واردفت - شنو الي ابالچ؟؟
- خوالي
- مستحيل هذه الشي صح همه يسونها وما يرفلهم جفن بس مستحيل يسوون شي وخاصتاً وجدي ما موجود هنا
- جااا منوو اله مصلحه يسوي هيچ
- مادري هازال مادري
- سيلين الموضوع ما ينسگت عنه شنو هاي
- انتضري خلي نشوف شراح يصير بعد اليوم طويل وهواي راح يصير بي اشياء بعدنه ما شايفين شي
- راح اتصل على نيار
- اتصلي عادي
اخذت تلفوني واتصلت على نيار شويه ورد عليه بصوت تعبان :-
- يا هلاااا بـ شگره
- هلاا بيگ نيار
- شلونچ شخبارچ اشو من اول يوم دگيتي عليه هل كد مشتاقتلي
- لااا والله ما شتاقيتلگ بس معتازتگ بفد موضوع
- افا عليچ ابن عمچ موجود وتعتازين شي وسفه گولي اخيتي امريني شنو تريدين ؟؟
- على كيفك طفيلي غيرتك العراقيه وارجعلي للطبيعه
- دمضرطي مو شليتي گلبي ؟؟
- ما اكدر احجيلگ بالتلفون لاوم اشوفك تكدر تجي
- هل كد الموضوع مهم
- گلش مهم نيار الموضوع ما ينسگت عنه
- شوگت ما ترديني اني يمج
- تگدر تچي باچر
- هاذه هوه باچر اجيچ
- جا تمام متفقين
- هاهيه خيتي تأمرين امر انتي
- جا غيري ابن عمي وغصبا ما عليك
- والعباس شتاقيتلگم هذوله خوالچ ولد ... الططوه اخذوگم وراحو خرب شرفهم
- دسگت يمعود اني مادري شلون مصبره نفسي
- والقران حاس بيچ شعور متبادل بينه اني وياج
- گلش شعور الكراهيه انطي بس لـ خوالي
- رايح اگمل نومتي محتاچه شي بعد
- لااا عيني سلامتك ما محتاجه بس مو تنسه باجر
- اتصلي عليه شوكت ما تريدين اني يمج
- هاهيه متفقين
- يالله سيوو
- بيباي
سديت التلفون من نيار بس لي هسه گلبي ما مطمن خايفه يصير شي رفعت راسها سيلين واردفت :-
- هااا شگلج ؟؟
- گال هاهيه باچر اني چايچ
- اخاف نيار يتأذه بسببنه
- والله مادري حايره وما ادري وين انطي وجهي
- ربيييي رحمتگ
- ما راح يصير اله الخير
- امشي ننزل جوه هسه امي تكوم تحجي تكول وين راحن
- على الأقل بس خلي ابدل
ضربت گصته بفهاوه واردفت - خرب حظي حتى ملابسي ما بدلتهن
- جا روحي بدل اني راح ابدل وانام
- جا مو تريدين تشوفين روهانا
- اذا ما تصير زحمه عليچ گليله هازال تنتضرچ بالغرفه خلي تصعدلي ما اريد انزل جوه
- تمام حب براحتج
طلعت سيلين وسدت الباب وراها نفخت بضجر ودخلت الحمام سبحت وطلعت بدلت ملابسي وكعدت انتضر روهانا تجيني اهووو هاي بس لاا ما
تجي انوب اني مطفيه اريد انام توني اريد احط راسي على المخده واندگ الباب سمحتلها تدخل فتحت الباب على گيفها ودخلت رفعت عيني الها واردفت :-
- ايي عيني صايره حلوه بغيابي
- ليش ما تنچعمين ترا حتى اسبوع ما صار النه
-يعني يومين وشوفي شلون تأثرنه جا إذا شهر شلون
- احمر لون بيبي
- رورو العسل تعالي ولچ خلي اشبع منچ
هيه ما صدگت اجتي ترگض بحضني ضليت كاعده اني وياها هيه كعدت تحجيلي عن مدرستها الجديده وعلى البنات واني هم حجيتلها شلون اجيت هنا صفگت بأيدها واردفت:-
- زين اوگفي عيني هسه انتي بنت خالتي؟
- لاا بنت عمچ
- بلااا شقه دحجي صدك
- ايي شبيج
- بس انتي گلتي معندي خوال شلون طلعو من زرف الحايط
- لاا من زرف الابره
- هسه غير تحجي
- باعي مو بس انتي كتلچ معندي خوال الگل واحد يسئلني عندج خوال اگله لااا لأن اني وجودهم وعدمه واحد ما يفرق عندي
- بس مهما يصير همه يبقون خوالچ وخوالي
- عاد شلون خوال لو ضاربه راسي بالحايط ولا صاير عندي هيج خوال
- هازال شسالفه
- شوفي ترا بعدين ما مستوعبه انتي بنت خالتي فدحجي بگيفي معليج بيه
- ولا اني بعدني ما جاي استوعب شوفتچ ولاا حتى انو انتي تصيرين بنت خالتي
- صدك اگلچ ؟؟؟
- گولي خيتو.
- يامان وماهان اخونچ ؟
- اييي اخواني التوأم
- ايي مو اگول يشبهونچ
- لااا ترا بالعگس بس يامان يشبهني أما ماهان يشبه بابا
- على كلن مصار شي
سگتت تباوع عليه ورچعت اردفت :-
- وانتي اختچ سيلين موو؟؟
- اييي عزيزتي
- بس اوگفي انتي عندج اخوان؟؟
- لاا معندي حتى اخوات بس سيلين عندي
- اييي مو اگول واصلا مره ردت اسئلچ بالمدرسه بس نسيت
- اوي وحتى لو عندي اخو شراح يسويلي
- يگون سند الچ وظهر
- ما اريد لا سند ولا ظهر ابوي مگفي وموفي
- جا خلص إذا ابوج ساندچ شتريدين من الله بعد
سگتت ابتسم الها وهيه هم لحت عليه انزل بس ما رضيت ما اريد أنزل عاد ضلت يمي گاعده شويه وصعدت يمنه تسنيم ولا عبالگ البارحه اجيتهم عبالگ
اعرفهم من زمان تسنيم ماخذه راحتها وتحجي عن نسور شلون مشيبها وشلون من وراه الگل يسميها كوارث ضحگت عمن گل گلبي على الاسم واردفت :-
- ما لگه غير هذه اللقب يدلعچ بي
- صحراء بگلشي يختلف حتى بدلعه
- صحراء منو ؟؟
- تقصد نسور
فحطيت من الضحگ اريد اسگت ما اگدر انوب هيه تسمي صحراء لاااا شنو من عائله هاي :-
- لاااا من صدگ بيت خوالي عباره عن عالم العجائب والطرائف والفكاهة
- مو خوال ضيم
ابتسمت مجامله واردفت - گلش ضيم
باوعت عليه تسنيم بنظرات مشترگه واردفت - اصلا ماكو منهم بالسوق
- عزيزتي تسنيم سگتي ترا رورو ما ترضه نحجي على خوالها
- خلي تطير هيه وخوالها
- وعلى شرط الاجنحه عليه حتى بسرعه يطيرون
- اويلي يأبه ونخلص منهم
- يوم عيد وسيعد والقرآن
- بنات بلااا حجي زايد ميصير هيچ تحجون عيب عليكم
- رحمه لزليخه سگتي
- ديحاول اسگت
- لااا عيني على شنو تسگتين احنا جايين نحجي شنو تسكت
سئلت تسنيم روهانا شلون تعارفنه ضلت تحچيلها من البدايه لحد النهايه واني بس صافنه عليها من كد ما تعبت نمت بدون ما احس على روحي حسيت على
نفسي الساعه بثنتين بليل على صوت مادري شنو تذگرت القرايه اهوو لازم اگعد أقره اني قريت وگملت بس بعد لازم اراچع نزلت من الجربايه ودخلت الحمام
غسلت وطلعت اخذت تلفون وقبوطي ونزلت جوه البيت فارغ ما بي اي احد اكيد الكل نايم دخلت الحمام شربت كلاص ماي وطلعت برا لمحت باب
الحديقه مفتوح اگيد اگو أحد هنا بس يا تره منو لقيت الافاف على رگبتي ولبست القبوط ودخلت الحديقه تجمدت بمكاني من شفت الولد كلهم كاعدين
بالحديقة وشاعلين جمريه كلهم تحولت أنظارهم عليه اني اباوع وهمه يباعون اهوو شلون شغله هاي
هسه وكتگم تجون درت وجهي ومشيت راچعه للبيت بس ستوقفني صوت يامان وهوه يگول :-
- وين رايحه تعالي كعدي يمنه
ردت وجهي اله واردفت :- تريدين اكعد بنص شلة ولد واني وحدي بنيه شنو مخبله لو عقل ما ضال براسي
- للمعلومه هاي الولد كلهم ولد خوالچ فماكو فرق عادي مگاعدين بنص كوا**
ابتسمت على كلامه واردفت ؛- اعذرني بس ما اگدر اكعدي مو من اخلاقي
- اخلاقچ ما تسمحلچ تكعدين يمنه
- مو شغلت اخلاق بس ميصير بنيه تكعد بين شلة ولد حتى لو گانت اختهم أو بنت عمهم أو بنت خالتهم بگل الحالات ما يصير
- خلص براحتج مثل ما تردين
هزيت براسي ودخلت بالبيت گعدت بالمطبخ اگلب بالتلفون واشرب گهوه سوتها الي من دخلت ضليت افتر بالانستا لحد ما سمعت صوت الباب ينفتح اگيد
همه ما هتميت وگملت اشرب كهوتي حسيت بخطوات شخص جاي يتقرب على المطبخ مادري ليش ارتابني شعور الخوف كانو راح يصير شي شلت
المزهريه الي موجوده على الميز وگفت وره الباب شويه وانفتح باب المطبخ گلبي وگف من شفته ملثم
ولابس لفاف وگل ملابسه اسود هوه دخل المطبخ واني ضربته على رأسه بس الي فاچئني من دار
وجهه وطلع صگر يمه ردت اموت وادفن روحي بمگاني من الفشله وهوه ولا گانو ضربته بالمزهريه باوع على الكهوه واردف :-
- امشيها الچ اذا سويتيلي كهوه
- اعذرني ما جنت ادري بيك انت عبالي حرامي
ضحگت بصوت هادئ واردف - لا هاي قويه حرامي يدخل على بيتنا الصراحه صدمتيني
- هوه هم صح مادري شبيه بس من سمعت خطواتك الهادئه گلت اكيد حرامي
- ولو قاطعت كلامج بس اريد كهوه بلا امرن عليج
- تمام هسه اسويلگ
ضحگ بغرابه وگعد على الميز ينتضر اكمل الگهوه سويته بسرعه وانطيته شرب منها شويه واردف :-
- عاشت ايدچ تجننن
- شكرا انت العايشه
ضحگ مادري على شنو واردف - هل مره سماح الچ مرت الثانيه تدفعين الثمن
انصقعت من گال " تدفعين الثمن" هذه نفس الي عاف الرساله البارحه يمه بس لا يطلع صگر باوعت عليه واردفت :-
- شنو قصدك بـ ادفع الثمن ؟؟
- اشقه وياج يمعوده شبيچ كلبتي وجهچ
- رجاءاً لا تتشاقه وياي هيچ شقه ما أحبه
- يالله هسه علساس الي يشوفني ليلي ونهاري حاچي وياج ومشاقيچ
- اهووو هم ردينه
- ترا بعدين ما حجيت على دخولج لغرفتي من دون اذني
- لمن تكون الغرفه مسچله بأسمگ عود ذاگ الوقت تعال احجي
- طبعاً مسچله باسمي غيري هيه غرفتي هاي شلون عقول شراح يفهمها
- شقصدك اني ما افهم
- حشه والله انتي ازمل من المطي
- شگراً هذه من ذوقگ
ابتسمت اله وطلعت من المطبخ شلون ناس عباله البيت مسچل بأسمه كبر حتى كبر دخلت غرفتي وسديت الباب طفرت على جربايتي وحطيت راسي
ونمت گعدت الصبح اني وسيلين علمود نروح لـ نيار اتصلت على وگتله نروح نگعد بمطعم ما اعترض وكال هاهيه لبست ملابسي ونظارتي وطلعت من
الغرفه ويه طلعتي طلع صگر ويامان يتناقشون ما هتميت الهم نزلت من الردچ رحت على ماما سلمت عليها وطلعت لگيت سيلين تنتضرني بالسياره صعدت
وياها بدون مقدمات توجهنه للمطعم طول الطريق ما حجينه شي اني اباوع بالتلفون وسيلين تسوق
وگفت سيلين كدام المطعم نزلنه اني وياها سويه من شفت نيار واگف باب المطعم اشرتله سيلين يدخل ودخلنه وراه كعدنه على الميز واحد يباوع عليه الثاني :-
- شبيكم تباوعون عليه انتو مو جايبيني علمود نحجي اشو صارت حرب بالعيون
- شوف نيار راح انطيگياها من الاخير
- تعرفين بيه ما احب التمضرط احب راس خيط السالفه شنو ؟
- مادري شلون ابلش أو شنو احجيلگ
اردفت بنبره سريعه مقاطعه سيلين - اگو واحد جاي يراقبنا
فتح نيار عيونه على وسعهن ما مصدگ كلامي دار وجهه على سيلين وهيه بس هزتله راسها بمعنى تأكد كلامي باوع عليه واردف ؛-
- شهل كلان تبن شنو واحد يراقبنا
- تدري بيه ما احجي شي جذب
- هوه هذه كلامج هم تسمينه كلام فهمني شنو ترا راسي ادخخ
شرحتله الموضوع گله شلون جنه بالمطعم وشلون دفع احسابنه وشلون اجه راسلني وگلشي بالتفصيل حچيتله صفگ بأيده واردف :-
- اكيد خوالچ ماكو غيرهم
- نيار عقلگ شغله وياي ولد خوالي ما يلعبون بگيفهم دون ما جدي يمهم وجدي من اليوم الي اجينه بي ما لمحت وجهه
- الشغله تحير زين سوالگم شي ؟؟
- افا عليك نيار ما مقبوله منك اني موجوده ويسوي شي غير امحي من وجهه الأرض
- صدگتي بهذه كلامج المهم هسه شنو
صفن بوجهه واردفت - شنوو؟؟
- لا تخافون ولا تسوون اي شي السالفه ما دام صارت يمي بعد لا تشيلون هم اني راح اتگفل بهذه الموضوع واعرف منو هذه الشخص واي شي يصير وياجن تبلغني مفهوم ؟؟
- تمام مثل ما تريد
- خلي نشوف ياهو لعبه اقوه اني لو انت
- على فگره هوه يدري بينه راح نجي نحجي وياك
- ما دام مراقب تحرگاتكم معناها مراقبگم من گل الجهات حتى تلفوناتگم
فزيت من كلام نيار واردفت - يعني هسه حتى تلفوني مراقب
نيار - ماعرف يجوز اي ويجوز لا
سيلين - اوففف منين طلعتلنه هاي الشغله
نيار - گل هذه الشي الي صار بسبب رجعتگم ويه خوالگم وبعد وبعد راح تشوفون اشگال والوان بس لا تخافن اني يمچن اي شي تحتاچنه تذگرن نيار موجود
سيلين - والنعم منك ما تقصر اعرفگ اصيل
هازال - اصيل وبالگرم معرف وفنه الي يندگ بيه
نيار - خرب روحچ هازال لو بس تبطلين كلان تبن
هازال - ايي غير اضربلگ مثل هاي شبيگ فوك ما اضربلگ مثل
نيار - عمي حتى مثلچ ما اريده خلي الچ
هازال - مو صوچگ هوه صوچ الي ينطيگ مثل
نيار - دسگتي سگتي احنا وين نحجي وانتي وين تحجين
هازال - تعرفني ما اخاف من اي شي بعد شگو
نيار - انطي شويه من هل لامبالاة الي عندج لـ سيلين
هازال - مره انطيته بس ما قبلت تأخذهن
نيار - شننوو؟؟
هازال - عدم المبالاة
نيار - شايفه اذا اگضچ اخلي گل الانبياء والسماوات تبچي على حالچ وحق محمد
هازال - شكد دمگ ثگيل حتى ثقافه ما عندك
- خليت الثقافه الچ
- هازال لو عدها مجال تسوي لنفسها تمثال والله
- إنشاء الله من يصير عندي مجال اسوي
- يالله بنات اني اروح
- صدگ اگلك گبل لا تروح ادريس شصار على عرسه
- اچلو العرس علمود البنيه اريد تتخرچ يالله
- ايي خوش بعد احسن
- باچر شلون بيچ منو راح يچيبچ؟؟
- سيارتي جبتها وياي عادي راح اچي بيها
- يعني عادي
- لاا لا تخافين مو مثل هذيچ المره
- يعني ناخذ الامان منچ لو نلگاچ جوه الجسر
ضحگت سيلين على نيار واردفت - لاا يعمود ما يصير شي وترا على فگره صارلي هواي ما سايقه
- هوه هذه الي مخوفني صارلچ سنين ما سايقه هسه چرب وتسوين وضع طيران للسماوات
- شبيك مفول عليه فال الله ولا فالگ
- مفول بانزين لو گاز
- لاا تضل تحشش
- يالله نستودعگم حبايبنا
- سلملي على يامور مو تنسه
- اعتبري سلامچ واصل
سلم نيار علينه وطلع من المطعم احنا هم شويه وطلعنه من المطعم وبالصدفة صار يامان والشله
مالتهم كدامنه سيلين صار وجهه احمر أما اني ما هتميت لزمت ايد سيلين ومشيت من كدامهم وگفت من صاح عليه يامان :-
- اوگفي هازال وين رايحه
ضحگت تگ خد واردفت:- ليش انت زوچي واني ما ادري بيگ
- سؤال عادي وجوابه عادي ما بيها مشگله
- رايحه للبيت
- ليش نيار جان يمگم صاير شي
- لا مصاير شي بس حب يطمن علينه
- يطمن عليگم وحدگم بس انتي وسيلين جا ليش ما اجه للبيت وشافگم هناك
ضحگت على كلامه واردفت - ما تحس نفسگ ادخلت هواي
- اعذريني قاطعت طريقگم تگدرين تروحين
- هم زين ربي حسيت
نتر بوچهيي واردف - هـازال!!!
- اييي تمام رايحه
اصلا سيلين داخله بحالت صدمه ما تعرف شنو تحجي صعدت السياره وهيه هم صعدت شغلتها
وانطلقنه راچعين للبيت طول الطريق ساگتين لحد ما وصلنه للبيت نزلت قبل سيلين ودخلت جوه توني اريد اصعد لغرفتي وصارت تسنيم بوچهي :-
- بشرفچ تسنيم حلمانه بيه اليوم وطلعتي بوجهي
- انچبي ولچ بدال ما اسئل عليج
- ليش منو كلچ اني متت ترا بعدين عايشه
- عائشه لو فاطمه هههههههه
باوعت عليه واردفت اعيب على ضحگته - گهگهگهگه ترا ماگو شي يضحگ حتى حاطه وتگهگهين
- لااا عچبتيني الصراحه يمه شگدد احبچ
- يمه شگو اليوم اشو توزعين حنان ابلاش
باوعت بنظرات ثقه واردفت - دومي اوزع حنان
- چا روحي وزعي حنان يم نسورچ مو يمي
ضربتني على جتفي ونزلت جوه ضحگت على تصرفاتها ودخلت الغرفه استغربت من ما لگيت
روهانا بس طلعت ما عايشه بهذه البيت عايشه بيت ثاني ما هتميت المهم تضل قريبه مني واشوفها
وتشوفني بدلت ملابسي ونزلت جوه لگيت امي ومرت خالي گاعدات يسون غده سويه شافتني امي واردفت:-
- وين جنتي من صباحيات الله انتي وسيلين
- رحنا نشوف نيار
- نيار ؟؟ ليش شكو صاير شي ؟
- يمه هديلي نفسج شويه گلشي ما صاير بس هوه گال تعالو نحجي شويه وگال انو عرس ادريس اتأچل
- يااا خطيه ليش اچلو؟؟
- يكول البنيه تريد تتخرچ يالله عود تتزوج
- ها عبالي صار شي
- هاي شبيچ يمه يعني شيصير مثلاً
- هيه هاي امچ من اليوم الي شفتها وشافتني تخاف
- هم زين ربي بس سيلين طلعت على امي اني طالعه على ابوي ما يهابني شي
- اييي عمي وين اگو مثلچ
- تجي غيري بس ما تجي مثلي
- يمه الولد ما يحب البنيه المغروره ليش هيچ انتي مغروره وشايفه نفسچ
- البنيه من تصير خفيفه ياگلونها بكشروها بس البنيه من تصير مغروره هيه تاگلهم بگشورهم
صفنت على گلامي واردفت - صح كلامچ والله
- ايي فـ الاحسن اصير مغروره حتى الگل يبتعد عني
- حبيت شخصيتچ خليچ هيچ قويه بنيتي بعد وراچ طريق كلش طويل
هزيت براسي وسگتت رجعت امي تحجي وياي وتسئل عن سيلين خرب روحج سيلين ما نزلت هسه امي شتگول توني اريد احجي ويه امي ودخلت سيلين المطبخ ؛-
- يمه ترا والله جوعانه اريد اگل
- من عيوني يمه هسه خلي يچون ولد خالچ وانصب غده
- ترا والله اروح اطلب اگل
- يمه انطي صبر شويه
- يمه انتي شتدرين بـ سيلين ذرة صبر ما عدها
- انچبي انتي محد حاچي وياچ
- عليچ الله ترا خوفتيني
- لا عمي انتي ينخاف منچ
- امشي لچ بنظره وحده گل كلامچ تسحبينه كبر طمج
- يمممه شسالفه لااا تتعارگون
- هيه الي بلشت
- يمه انتي مو جاهل حتى هيچ تحجين شويه دگي ثگل
- اهووو شلون شغله هاي
- راح اگفخچ على حلگجچ
- يممه فهميني هسه انتي وياي عليه
- لا وياچ ولاا عليچ
صارت لحظه سكوت من دخل ماهان للمطبخ سلم على امي وضل يحجي وياها على البيت سيلين
طلعت من المطبخ صعدت لغرفتها واني طلعت برا بالحديقة تفاچئت من شفت الولد هناگ بس ماگو داعي اخاف كلهم ولد خوالي وخالات وگفت كدام
السيم اباوع على الورد بنظرات هادئه صوت الهواء يچنن ضلت واگفه لحد ما حسيت اگو أحد ورايه درت وجهي وشفت شخص اول مره اشوفه بالبيت
بس انتبهت عليه شايل بيده مگص گلش جبير وهاي الي يرشون بيها الورد ضحگ بوچهي وذب المگص ابتعدت عن المگان ورحت بمگان صاير وره البيت
مالتهم تفاچئت من شفت جلب لونه اسود مربوط بالدنگه وچلب ثاني موجود بالبيت مالته ضليت ثابته بمگاني من حسيت بي طلع صار يتقرب من اتجاهي
واني ثابته ما تحرگت لأن أقل حركه مني تخسرني حياتي لحد ما صار كدامي نزلت لمستوى الچلب ولزمت ظهره العب بي هوه ساگت ما سوه شي ولا
نبح بس مبين هادئ لگن الچلب الي مربوط صار ينبح بصوت عالي ما هتميت رچعت امسد على ظهر
الچلب الصغير وهوه يفتر ورايه لحد ما لمحت صکر ونسور يتقدون بأتجاهي رفعت راسي الهم لگن همه متفاچئين وگل واحد يباوع على الثاني باوع نسور على الچلب الصغير واردف :-
- مستحيل بيوم واحد يحب شخص مستحيل
باوعت عليه بنظرات عاديه واردفت - اتعلم شغله وحده وحطها ابالگ ماكو شي مستحيل بهاي الحياة
- مستحيل يصير هيج شي اني اشهر وسنين مربي ما سوه هيچ وتعلق بشخص من اول يوم شافه
- يمعوده هوه چلب اريد تتعارگ عليه
- صگر لا تاگل نعال خليني احجي
رجع راد وجهه عليه واردف :-
- انت نفسچ الي شفتچ بالجامعه ذاگ اليوم موو؟؟
- اييي شخصياً وعقليا وجسدياً هيه كدامگ
- شجابچ هنا هذه المگان ممنوع احد يدخل عليه
sorry مجنت اعرف بهذه الشي -
- وهسه عرفتي شگو واگفه كدامي
- من يصير المگان بأسمگ ذاگ الوقت تعال احجي
- استغفر الله بابا شنو من عقل عندج هذه مگان ما مسموح اي احد يدخل عليه
- أولاً لتگلي بابا لأن مو بنتك اني ثانياً اني لو اعرف هذه المگان مسچل بأسمگ جان ما دخلت بس اعذرني دخلت لأن المكان ما مسچل بأسم أحد
- اسلوبچ عدلي وياي مو صديقتج اني وتحجين هيج ؟؟
- اني اسلوبي عدل بس ويه الأشخاص الي يحترموني مو الي ما عدهم احترام لوجودي فـ اسلوبي يتغير
- لا تحجين كلام اگبر منچ
- وانت هم لا تحجي بكلام انت ما تعرف شنو نتيچته
- اعوذ بالله من الگلمات الي راح اگولها
نتر صگر بوجه نسور واردف مخاطبني بكلامه - نسور گافي تمسلت مصار شي تكدرين تروحين
ضحكت تك خد واردفت - مو اني الي بلشت هوه الي بلش إذا يريد عرگه أو شي ثاني خلي يگول من هسه لأن اني مو من جماعت المشگلچيه احب اعامل الجاهل بالتجاهل
سگتو ثنينهم يباعون عليه ضحكت على شگلهم واردفت مخاطبه نسور :-
- گلشي اله حدوده واگثر شي اذا ما حترمت شخص فـ من هسه اگلگ لازم تحترم الشخص الي يحترمگ دائما مو تهينه وتزله كدام الکل لأن الدنيه دوره گما تدين تدان قوانين الحياة گلش صعبه
- لا تصيرليلي بروفيسور براسي ترا عابرين هواي عليه ناس امثالچ وامثال غيرچ
ضحكت بهدوء واردفت :- والمطلوب مني شنو ؟؟
سگت نسور صافن عليه وصگر اصلا ما مهتم لو هسه واحد يعفش الثاني عادي بس نسور ما جنت متوقعته هيچ يطلع گلش حقير باوع عليه واردف - والأخلاق هذه الكون گله لخليچ تتندم على گل كلمه گلتيها
- اني ما اندم على كلامي لأن گله صدگ
فرگ وچهه بعصبيه واردف - شكد اگره البنات
الصلفات
- والمطلوب هسه شنو اصفگلگ ؟؟
- خلي عندچ احترام شويه اني مو صعطوط كدامج حتى هيج تحجين وياي وثانيا انتي مو ولد حتى هيچ تحجين
- احجي بالي يعچبني مالگ دخل بيه لا انت ابوي حتى تدخل ولا انت أخوي حتى تدخل
- هواي راح يأذيچ هذه الكلام لأن نتيچته ما راح تكون حلوه أبداً
ضحكت بصوت عالي واردفت - اذا انت اذيتني بگلمه اني أذيگ بعشره ما تگدر تقلل من احترام وجودي لأن هذه خط احمر
«ــــــــــــــــــ«•»ـــــــــــــــــ»
سـيلـين :-
كم مرّة يجب على الإنسان ان يموت
لكي يموتَ للأبد؟
لقد تعبت!
وأشعر بأنها كافيه كي أنطقها كنداء أخيّر أو أكتبها
في الرسائل وأنقشها على صدري.
تعبت وهذا يكفي للرايةِ البيضاء الاخيرة
لا الأنتصار ولا السلام
فقط تعبت هكذا كما هيَ.
لقد تعبت!
من العيش بلا أمل، بلا رجاء، ولو تعلم كم هو مؤلم أنّ يعيش المرء أياماً كاملة خالية من خيط أملٍ وحيد، او نقطة رجاء أخيرة.
تعبت من الإختناق صامتاً، والموت مراتٍ عديدة، لا تُحصى ولا تعد
تعبتُ..
فمن سيتكفل بإزالة آثار الموت عن شحوب وجهي؟
من سينفض عن قلبي كل هذا التعب؟
من سيزيل هذا الشقاء من زوايا قلبي؟
من سيخلصني من هذه الدائرة اللّعينة التي تدور للأبد؟
لا تكادُ تنتهي الأسئلة
إنها كثيرة، كثيرة جداً، كعدد المرات التي تمنيت بها لو أنني شيئاً آخراً أقوى
لأحميني، شيئاً أكبر، ألمع من كل هذا التعب، لأخلصني من رائحة الموت، ومن دائرة الألم التي تدور، تدور ولا تكاد تقف، من الشقاء، وكل الأسئلة.
تعبت من حنيني، ومن قلبي
وكل الدمعات التي ذرفتها بلا جدوى
من كل النظرات التي لم أستطع ايقافها قبل أن تخرق جلدي تعبت كثيراً..من أنّ تنبذني كل الأمكنة،
من الخوف والقلق تعبت أكثر من نفسي، و من خوفي الذي بات يؤرقنّي.لگن متى سوف ينگسر هذه القيد ونرتاح ونعيش حياتنا طبيعيه لا احد يعلم إلى
الله لگن يوماً ما سندرك أنّنا لسنا بحاجة إلى حرب ودمار كي نشفى من عقلنا ونصاب بالجنون...
فالمصابون بداء العقل وحدهم الّذين يقتنّعون بزيف
العقل والجبن واللّامبالاة، وحدهم الّذين يرضخون للقوانين المفروضة، ويضحكون ويبكون وفق القوانين المفروضة، وينتصرون وينهزمون حسب الظّروف المفروضة.
المحرومون من الجنون هم دلالة على الخضوع إلى المذلّة والإهانة، هم مهزومون بكلّ المقاييس.
إحساسهم متبلّد لحدّ تعجز كلّ فجائعهم أن تفضح هذا العالم الّذي نصارع فيه لأجل البقاء كم هو مقيت وخانق ومرفوض.
ذو العقل وحده الّذي يخشى قول الصّدق، أو الصّراخ في وجه مَن ظلمه،
ذو العقل وحده الّذي يتملّق وينافق ويأكل لحم أخيه لكي يصل إلى ما يصبو إليه.
ذو العقل محروم من لذّة الصّراخ في وجه النّاس وتعريتهم بالقول الفصل.
أمّا المجانين هم الأنقياء الصّادقون في كلّ المواقف،
هم الّذين رُفع عنهم القلم وحدّ السّيف، هم عند الله وعند عباده غير ملومين، لكنّهم في هذا الزّمن هم
وحدهم الحقيقيّون في عالم الزّيف.
طوبى للمجانين فهم وحدهم العقلاء في زمن الجنون.
تفاچئت من عرفت روهانا بنت خالتي هيه نفسها صديقت هازال بس ما هتميت لأن اني مو حيل اعرفها بس من جنت صغيره شايفتها أما حالياً
متغيره حيل عن قبل رفعت راسي من دخلت هازال من باب المطبخ والإبتسامة شاگه حلگها
من الطول لطول استغربت هاي شبيها توزع ابتسامات اليوم اكيد سوت شي توني اريد اطلع
ولمحت عبد المعز يحجي ويه نسور وگانو عصبي يريد بس يتعارگ فززتني تسنيم وهيه تكول :-
- شبيچ تباوعين على عبد المعز حتى هوه راح ينتبه
ردت وجهي بعصبيه واردفت :- تسنيم ليش تحبين تاگلين خره
- لاا عبالج نسيت الي صار قبل سنوات ترا بعدني اتذگر ما فقدت الذاگره
- ذاكرتچ قويه گلش
- جا شعبالچ وبسببچ ذگرتيني لأن اني جنت ناسيه
- وهسه شسويت اني ترا مو بس هوه موجود برا
- نعرف عزيزتي نعرف مو بس هوه برا الكل برا حتى نسور بس ترگيزچ وين يموو
- اشوو تحولتيلي انباري ولچ
- جا غير اني اصلي انباريه بس بسببگم صارت لهچتي هيچ
- يالله هسه علساس شلون لهجات العراق
- ما اسمحلچ تحجين على العراق هذه حط احمر
- وبغداد خط اصفر موو؟؟
- گهگهگهكه متضحگ شوفيلچ غيرها
سگتت تسنيم تذب حسره بتعب اعرفها شنو تريد تگول اخذت كلاص المي شربت منه شويه ورچعت بمگانه باوعت عليه واردفت :-
- ما يصير سيلين لازم اختچ تدرين بگلشي چاي يصير تدرين هيه عبالها اني ما اعرفچ أو اعرف احد هنا لازم تخلينها تعرف گلشي يخص خوالي
- ما اكدر تسنيم تگرهم بالزايد وإذا حطت شي ابالها تسوي اني خايفه من هذه الشي ما اريده تصير هيج
- بس يهون عليج هيج يصير بأختج.
- مجبوره تنسيم کلنه مجبورين نسوي هيچ حتى امي
- بس هيه الي راح تدفع ثمن هذه الشي
- لااا مستحيل على گص ارگبتي هازال يمسها شي
- الگل يعرف اذا ادخل الزعيم بموضوع ينهي بدون ما يرفله جفن خاصتاً بعد شگم يوم راح يچي الريس
- اعرف گالت امي
- اييي لازم تستعچلين وتكولين لاختچ
- ماكدر تسنيم افهمي الموضوع صعب هواي
- اذا مو انتي راح تگليلها اني راح اگللهه
- تسنيم شبيچ .
- علمودج اني والله
- خليها هيج ما تعرف شي احسن لان من تعرف يصير شي محد متوقعه
- ماعرف والله شگول بس سگوتچ هذه راح يخسر حياة شخص
- لااا تحجين هيج تسنيم خرب روحج
- اني احجي الصدك وانتي كلش زين تعرفين
- ايي تمام خوش
- روحي گليلها احسلچ
- انچبي كوارث والقرآن راح اكفخچ
- شحدچ تكفخين حتى اكسرها الايدچ
- اخخخ يمه خفتتت
- وحريش الي ينهش بطنچ شبيچ
- امشي لچ عود تخوفيني بهذه كلامج
- اسگتي لچ النعواصه
- دسگتي سگتي كوارث
- بلاا مضرطه تحترمين نفسج ومثل الحبابه تروحين تگولين لـ هازال عن گلشي
- اني ما اريد اگللها ما أريدها تعرف شنو خوالي مسوين لأن بس تعرف تمحي من على وجه الارض
- لهل درجه هدردة فعلها قويه
- هازال متخاف من شي ليش تشوفيني دائماً من تحجي وياي اكلج هازال من يهابها شي ولا يهزها
- بس أحسها حبابه ولطيفه بكلامها
- المظهر الخارجي شي والمظهر الداخلي شي ثاني
- مفهمت؟؟
- المقصد من كلامي انو هازال تبين للناس انو هيه لطيفه وروحها رياضيه لگن هيه بالداخل حياتها عباره عن حزن وتعب ولا گانو هيه هازال نفسها اني ما اريد اگللها لأن هذه الشي راح يأثر على نفسيتها واني ما اريد هذه الشي أبدا
- بس اذا عرفت من شخص غيرچ راح يصير غير حچي
- لهذاگ الوقت عود الله گريم
- ليش تحبين تعاندين روحي گليلها وخلص فضت خلصت
- مو بسهوله اچي اگللها زعيم هيچ سوه بأخونا مو سهله عليه ابداً
- والله سهله على الکل کلنه مرينه بهذاگ اليوم وشفنه الي صار المشهد حتى للعدو ما نتمناه بس هوه قضاء الله مو بيدنه شي نسوي
- خلص افکر بهذه الموضوع
- ترا اذا ما گلتيلها اني اروح اگللها
- حتى تحطچ وتدگچ
- شحدها تگتلني
- ايي ما شاءالله مصارعه عدنه
- والله هل فتره حاطه ابالي اروح على الچيم أضعف نفسي لأن شويه صايرلي گرش
- حتى لو يطلعلچ كرش تبقين حلوه بنضر نسور بعد شگو هوه راضي بهذه شگلج لا تغيرين بكيفج
- هوه صح بس لازم شويه تغيير
- اگللها ما يصير تگلي لازم شويه تغيير اهمداچ اهمده الي ينصحچ
- امشي لچ النعواصه
ضحكت على تسنيم من تگول النعواصه عفتها طلعت مو بيدي ما اكدر اگول لـ هازال عن الشي الي سواه الزعيم لأن الشي ما يتسولف اني اگثر وحده اعرف
شراح يصير بهازال من تعرف احنا گل هاي السنين مرت محد فگ حلگه وجاب طاري هذه الموضوع لأن نخاف على هازال لاا يصيرلها شي بس صار وقت
تعرف شنو سوه الزعيم وخلانه هيچ نعوف گلشي بيوم وليله ونروح هازال كل الي ابالها انو خوالي من المافيا والعصابات ويگتلون أشخاص وهيه بالفعل
خوالي هيج وبالأخص الزعيم وجدي يوميه بمگان لگن ما تعرف الشي الي مضموم والي راح يخليها
تگسر گل قوانين خوالي وتعبرهن كانو ما صار شي طلعت من سلسلة افگاري ورحت وراه هازال اريد اشوفها شبيها لگيتها صاعده فوگ لحگتها لي
فوگ ودخلت غرفتها جانت كاعده على الجربايه ولا كأنو صاير شي اني اعرف هازال من تسوي هاي الحركه معناها مسوي مصيبه وراها باوعت عليه واردفت:-
- شبيچ شگوو تباوعين عليه
- انتضرچ تحجين شنو مسوي من مصيبه
ضحگت بغرابه واردفت - ما سويت شي شبيچ
- هازال لااا توگفين گلبي احچي شسويتي
- حبيت احمس الجو شويه لأن حسيت گلش بارد
- بلا كلام تبن احجي شسويتي؟؟
- سويت الي لازم اسوي
- ايي غير شنوو؟؟
- هسه انتي شبيچ عصبيه Relax حـُبي
- انعل ابو يمچ لابو الساعه الفگر الي عرفتني عليج ولچ احجي شسويتي راح يوگف گلبي ؟؟
- حجيت ويه نسور
صفنت بوجهه واردفت :- عن شنو حجيتو ؟؟
- قلل من احترام وجودي واني حبيت بس أعلمه شلون لازم يحترم وجودي مره ثانيه
- لچ شسويتي يالكائنات شلون هيج تحجين وياه هوه مو اگبر منچ هاي شبيچ هازال
- عباله بهذه كلامه راح يگسرني وهوه ما يدري بيه بعز انگساري اضحگ
يتـبع!!!💀
«ــــــــــــــــــ«•»ـــــــــــــــــ»
✨رايگم بالبارت والقصه لأن گلش يهمني اعرف
شنو رأيكم الي حب القصه يگول وإذا ما حبيتو القصه مو مشگله عادي تعالو راسلوني وگلولي شنو الي ما عچبگم بالقصه وبس والله احبكم هواي يروحي ✨
«ــــــــــــــــــ«•»ـــــــــــــــــ»