مـساء الخيـر ♡
.....................
ألـ غضب 🦅
.....................
البـارت الثاني
.....................
بـقـلـمي انا كــوثــر الـ جـاســم
.....................
لتنسـون الايـك
متـابعـه الحسـاب
التعليـق بيـن الفقـرات
.....................
( اخذ الثأر )
احمد : ابوووووووي
علي :( مدري شلون من نص الديوان وصل للباب وهوا يصيح باعلى صوته ركضنا بره جانو ثنينهم متمددين بالكاع ودمهم بطولهم ركض احمد خلا ابو بحضنه يبوس بوجها ويصيح )
احمد : يابه بووويه اكعد حبيبي اكعد انا احمد صويحب روحك بويه فتح عيونك الحلوات
علي : فهدددددد جيب السلاح اليوم ما خلي واحد بيهم عايششش بسااااع
الشيخ : علي بعدنا ما متاكدين منو وعمامك متمددين بالكاع ودمهم بطولهم امشي ناخذهم للمستشفى
علي : جددددي اعرفهم والله ذول بيت مصلبخ الله يصلبخهم ونخلص منهم والله هماااااا
الشيخ : علييييي
علي :( نفخت بضجر وشغلت السياره صعدنا عمي كنان وأحمد حاضن راس ابو ما ادري شيحجي ويا ومحمد كاعد بعيد ومخلي اديه على رأسه )
احمد :( ابوي بحضني والدم تارسه شعور ما اتمنى عدوي يمر بي شعور أفقد ابوي عمري ما مفكر بي ولا جاي على بالي كتله )
... بويه حبيبي مابيك شي هسه نأخذك للمستشفى
( مدري منو سحبني منه باوعت علي وخالي ابو علي شاله للسياره صعدت ويا خليته بحضني خليت راسي على گلبه وصحت )
... علييي شو ابوي ما يتحرك لك يأبه لا تعوفني يأبه
فهد : أهدى احمد هاي وصلنا للمستشفى
( وصلنا للمستشفى دخلو عمامي واحنا كاعدين بالممر احمد كاعد يهز بروحه ويحجي ويا نفسه )
احمد : راح يعيش مابي شي اي مابي شي ابوي ما يعوفني هوا ما يعوفنه احنا صغار ما يعوفنه ملوكه بعدها صغيره مستحيل يعوفها بعدنا ما شبعنه منه ولا شبع من عدنا ملوكه بعدها ما شبعانه من حنانه
( طلع الدكتور من غرفه ابوي وكفت متلهف وكتله )
... بشر دكتور ابوي مابي شي مو ؟
الدكتور : انا لله وانا اليه راجعون هاي سنه الحياه فقدنه المريض
احمد : لاااااااااا ربييييييي لااااااا مو ابووووي لا لااااااا موووووو ابوووووي ربييييي سنددددي هذااااا مووووو بابووووي يا الله لا تختبرنيييي بييي
عباس : احمد
احمد : عوفونيييييي ابوووووووي
( دخلت للغرفه وكل حيلي يرجف شفته على السرير ومغطين وجها صحت )
... لااااااا يأبه مو هيج جنه متفقين يأبه مو أنتَ تريد تشوفني ضابط يأبه ملوكتك بعدها صغيره بوووويه لا تيتمنه بعدنا صغار يأبه كووووم كووووم مو تحبنه يله كوم يله حبيبي لا تحرك گلبي عليك
الشيخ : بويه احمد ما يجوز تسوي هيج
احمد : ابووووي هذا ولكم تيتمتتتت ولك يابه ارجع للبيت شكُل لمحمد يابه كسرتني ولكمممم خيمتنه رااااح جذاب جذااااب الدكتور هسه يكعد ما يعوفني يابببببه كوووووم خل نرجع للبيت شكُل الملاك لك يااابه شكُلهم إذا سألوني عليك بيا عين اباوعلهم بيا عين اباوع الامي
علي :( طلعت من الغرفه گلبي يتكطع على حال صويحبي شفت كنان حالته حيل خطره رجعت الاحمد كوه شلعنا من ابو وصعدنا بالسياره )
احمد :( صعدوني بالسياره وعفت ابوي بالمستشفى ابوي ابو ضحكه الحلوه راح اخ يا بويه يالحنين من هل ساعه صرت يتيم من هل ساعه صرت انا المسؤل عن اخواني وامي من هل ساعه كبرت أكثر من عمري احمد الولد الطايش الحياته بس ونسه وضحك ولهو بالحياه تغير صار مسؤل عن عائله كامله من هل ساعه حسيت بإحساس اليتم احساس اليتم احساس محد يتحمله الفقدان شي صعب خاصتا الاب وانا ابوي صاحبي مو بس ابوي فقدانه صعب والاصعب شلون اكُل لمحمد شكُله شلون اواجها مرت حياتي ويا ابوي كلها كبالي كانو شريط مسجل )
ابو احمد : اريدك تصير ضابط ارفع راسي بيك بين الناس
احمد : أن شاء الله سيد ارفع راسك واخليك تمشي وتفتخر بيه
ملاك : اناااا
ابو احمد : تعاي انتِ روح ابوج دكتورته انتِ من اتمرض تعالجيني مو بنيتي ؟
محمد : يأبه أناااا اصير حرامي هههههههه
ابو احمد : غاسل ايدي منك حبيبي
محمد : والله يأبه ملاك دكتوره وأحمد ضابط أنااا اصير حرامي إذا انسجنت يطلعني احمد وإذا تصوبت تعالجني ملاك هههههههه الله الحياه حلوه والله بس انتم مصعبينها
ابو احمد : كووووم لك
محمد : هههههههه
( بسته بخده حيل وكتله )
... اتشاقه وياك سيدنا الغالي بس شني والله خوش فكره شني رايك ؟
احمد : يأبه هذا أسبح منا مو بس تغسل ايدك هههههه
محمد : اسكت أنتَ أكُلك يأبه شني هديتي !
ابو احمد : منجحيك كوه وادور هدايه ؟
محمد : ها سيد تريد تغلس كول لا تستحي
ابو احمد : هههههههه شتريد ؟
محمد : سياره بداعه ملوكه
ابو احمد : محمد ادخل السن القانوني وتدلل عليه
محمد : يأبه مو علي وفهيد عدهم
ابو احمد : لأن مو مثلك يأبه اخاف عليك
محمد : خوش جاا دراجه
ابو احمد : محمد اطلب شي معقول
محمد : جيبلي بلي
ابو احمد : تدلل وانتَ احمد
احمد : اريدك تبقه خيمه فوك راسنه هاي هديتي
محمد : الولد الصالح هههههه
احمد : معليك
ابو احمد : جا تبقه تطلبني هديه
احمد : ما تقصر سيد
.....................
فضل :( بقه محمد كاعد يعض بشفته ويهز جسمه بخوف تقربت منه كمز وصاح )
محمد : وخررر مني وخرررر
فضل : محمد حبيبي كوم ادخل جوه
محمد : وخررر مني معليك هسه يجي ابوي
فضل :( بقيت كاعد بعيد عنه وصكر وزين كاعدين كباله سمعت صريخ جوه كتلهم " عيونكم عليه " ودخلت شفت عمتي كاعده بالكاع وتصرخ )
ام احمد : يممممه رااااح ابو بيتي يمه رااااح ابو وليداتيييي يمه ولدددددي شلون بيه
( عماتي كلهن يبجن وياها عضيت شفتي باسى وطلعت سمعت صوت وراي يصيح باسمي باوعت عليها وكتلها )
... ها عمه
ام عشق : شصار ؟
فضل : ولد الكلب ذول الجدي دخل يحل مشكلتهم
ام عشق : اي اعرفهم
فضل : الطرف الثاني ما راضين ندخل وهددو جدي بس افااا جدي يخاف وينسحب بقه لازك بالسالفه الحد ما دكونه
ام عشق : وعمامك ؟
فضل : عمه لو واحد لو ثنينهم للنجف اليوم انتِ ما شفتيهم مصفين السلاح بيهم
ام عشق : لا يمه اسم الله أن شاء الله يطلعون بخير عدهم جهال
فضل : ما اضن
ام عشق : الولد كلهم راحو ؟
فضل : لا محمد ما رضه يروح وكاعد بره ما يرضه احد يحاجي
ام عشق : الله يساعده
فضل :( طلعت بره وصفت السيارات نزل احمد من سياره علي شعره مبهذل وتشيرته مشكوك وصدره كله دم مدنك رأسه ركض محمد لزمه من جتافه وصاح )
محمد : احمد ليش أجيت غير تبقه يم ابوي بله كعد زين ليش ما جبتو وياكم هااا
( حضني حيل ومسح على راسي صحت )
... شبيك احمددددد ابووووي وين ؟؟؟؟
الشيخ : بويه محمد تعال
محمد :( باوعت بعيون احمد اليحجن كلشي كتله )
... ابوي مات ؟
( رجفت شفته وتجمعت الدموع بعينه حضني حيل دفعته وصحت )
... لااااااا تجذب احمددددد لا تجذب ابوي ماااا يعوفنه احنا صغارررر احمددددد لا تسوي هاي السوالف والله اكُله حميد يسوي بيه مقالب يريد يوكف گلبي احمد والله گلبي كام يوجعني حباب لا تشاقه
( نزلت دموعه ما كدرت اتحمل لزمته من رأسه وصحت بصوت يرجف )
.... جذب عليه بكلشي بس مو بابوي احمددددد مووو بابوووي لك احمد والله اموت عليك الله كُلي جذب گلبي راح يوكف احمد والله گلبي راح يوكف انا احب ابوي شلون ؟ احمد لا تجذب عليه شوف شوف گلبي شلون يدك لا تجذب عليه حباب مو اخوك انا
احمد :( كمت ما احس برجليه وكعت بالكاع ومحمد دنك عليه خلا رأسه على راسي ودموعي اختلطت بدموعه بهاي اللحظه عرفت انا ومحمد ما النا غير أحد واحد يسند الثاني )
محمد : احمد يعني صرنه ايتام ؟ ما عدنه ابو زين هوا شلون يعوفنه واحنا صغار أنتَ أنتَ مو بعدك ما طالب هديه نجاحك كُله كُله خل يعيش والله بعد ما اضوجه احمد حباب كُلي جاي تشاقه وياي والله اجيب درجات عاليه احمد أنتَ حاجي هوا يحبك ااااااحمد حباااب حاجييييي كُله لا يعوفنااااااا والله ما اكدر بدونه والله اموت احمد شلون انام وأبوي ماكو ياهوووو يحمينه ؟؟؟؟؟
احمد : ااااخ يمحمد اااااخ عافنه الحنين عافنه وراح
محمد : وملوكته الما شبعت من حنانه شلووووون يعوفها احمدددددد حتى انا ما شبعت منه شلوووون عافنه فهمنييييي انا ماااا شبعان منه
احمد :( شكد جنت عصبي واصيح وبدلي اكسر كلشي واموت واخلص من العالم كُله وما طايق أحد ولا اريد احجي ويا احد بس من شفت محمد وشلون يحجي انكسرت أكثر من ما انا مكسور حتى الساني انعقد وما اكدر احاجي شفت محمد شلون مكسور ردت شي يهدي وانا النار بيه طلعت امي تصرخ وتلطم لزموها خوالي كوه طلع ابوي من المستشفى بس مو للبيت لا للمغيسل ابوي الحنين راح ابوي راح صرت يتيم وانتهت رحله الدلال كاعد بالسياره ودموعي على خدي ومحمد يبجي على جتفي والولد يباعون علينه لا حول ولا قوه شيسون مثلاً ؟ ابونا وراح يرجعونه ؟ ياهو يكدر يرجعه راح وراحت ايامه وصلنا للمغيسل ااااخ يا لجمه گلبي شفت ابوي يغسلونه ومحمد شك تشيرته يصرخ والولد كوه لازمينه تمنيت اكدر اسوي مثله واشك زيجي ابوي يستاهل اشك زيجي اله وابجيله عمر مو يوم ويومين )
محمد : بووووويه عليك الله ارجع لا تسوووي هيج يأبه ارجع لا تعوفنه والله ما نكدررررر نعيش وانتَ ماكو بووووويه
فضل : محمد كافي حبيبي ما يصير جاي تاذي
محمد : واناااااا هم جاي اتاذه بويه دومك تفكر بينه من رحت ما فكرت
فضل :( صاح بصوت عالي أو وكع بالكاع تقرب احمد من ابو راد يغسله سحب أيده وطلع الله يصبركم ما نكدر نسوي شي غير ندعي الله يصبرهم ويبرد گلبهم الابو مو شويه طلعنا للنجف بس وصلنا نزلت اشتريت تشيرت لمحمد لأن ملابسه مشككه لبسته ورجعنا كملنا الطريق )
احمد :( اول مره اجي للنجف وارد أدفن اعز انسان بحياتي ابوي سندي ابوي الهيبه راح يندفن اليوم هنا ااااخ يا بويه ولا جنت محسب حساب الهيج يوم نزلو ابوي بالكبر وامي نامت على الكبر ومحمد فقد يشيل تراب ويشمر على رأسه ما يدري بنفسه )
محمد : وخروووووو الترااااب وخروووو التراب منيييييي لك يابه كووووم وخررررر الترررراب انااا ما احببببه
علي :( محمد عده فوبيا من التراب والرمل يتسودن إذا لزمه مو هسه سابح بي صحه على نفسه وكام يصرخ لزمته وصحت )
... محمد محمد باوع عليه باوع
محمد : علييي وخر التراب مني عليييي اكرها اكرها ابوي اندفن بي علي علي
فضل :( نزعت تشيرتي وشمرته العلي )
... لبسه
علي :( نزعته تشيرته ولبسته مال فضل وشمرت ماله الفضل وصحت )
... لا تبقه هيج
( لبسه باوعت على احمد نام على كبر ابو يصرخ بحركه گلب )
احمد : لك يأبه مو هيج الوداع بعدنا صغار يأبه كوم الخاطر ملوكه الماااا شبعت منك اااااخ يا بويه انكسر ضهري
علي :( محمد ما اتقرب للتراب من بعيد يبجي ويحجي كلام يفطر الگلب اصعب شي من ما تكدر تتقرب الكبر عزيز گلبك وتبوس تراب كبره )
محمد : يابه ليش تعوفنه وتروح ؟ مو جنت تريد تشوفنه خريجين والله ما اتخيل بعد مأ اكول كلمه بووويه يابه اناااا ما احب التراب وانتَ نايم بي أنتَ مو تكول شنييي ما تحبون ما احب بوووويه كوم اكعد لا تعوفنه ما نكدر بدونك اااااخ بويه شلون ابوسك وانتَ بالتراب ها يا حبيبي شلون احضنك بعد شلون اشوف عيونك الحلوات سيد ياهو النا ؟ ما فكرت بينه
فهد : احمد يله كوم
احمد : عوفني أشبع مناااا ااااخ بويه بعدني ما شبعان منك بويه بعرسي ياهو يهوس ياهو الجان يكول شوكت تكبرون وازوجكم وأهوس بعرسكم بووويه كووووووم مو حلوه نومتك هنا ياهو يهوس بتخرجي ياهو يفرحلي ياهو يرفع رأسه بيه
محمد : النومه ما تلوكلك بويه التراب مو حلوووووو يابه كووووووم من شوكت نحجي وياك وما تحجي يابه أنا وليدك حبيبك كوم والله شتريد اسويلك
ام فهد : حنين حبيبتي يله كومي ما يصير هيج تاذينه وتاذين ولدج يا عيوني المؤمن مبتلا كولي يا الله
ام احمد : راح ابو وليداتي تيتمو ولدي ااااخ يا يمه سوده عليه يمه ولكم يكلي شوكت اشوف الولد متخرجين وازوجهم بيدي ااااااخ
علي :( حضنت محمد وكتله )
... تعال نصعد بالسياره
محمد : لااااا شلون نروح ونعوف ابووووي لا المكبره تخوف لااااااا علييي يجيييي الليل تصيررر تخوووف والله يزعل من عدنه شلون نعوفه
فهد : احمد كوم شوف حال محمد لازم تصير قوي حتى لو بس كدامه وكدام امك يله
احمد : وأبوي فهد وأبوي نعوفه هنا وحده خلوني يمه وروحو اااخ بويه أخذني وياك ما اكدر اعيش بدونك
الشيخ : يله بويه حرام الجاي تسونه هاي سنه الحياه ادعوله لأن البجي ياذي يله وليداتي سباع يله كلنا على هذا الطريق هم السابقون ونحن الاحقون يله يابه
فهد :( شلعناهم شلع من ابوهم كوه صعدناهم بالسياره بس مشت محمد صاح )
محمد : نزلنييييي ولكم ابووووي لا تخلونه وحده ابووووي تخوف المكبره ولكم شلون انام اليوم ولكم ما انام إله يحضنه ويبوسنه ويغطينه بديه ولكم ابوووووي ابووووس اديكم رجعوني احمددددد حاجيهم
احمد :( حضنت محمد وكتله كلام اتمنى عدي اخ اكبر مني ويكلي هيج انا ومحمد نفس العمر بس حسيته يحتاج هذا الكلام من دفنت ابوي حسيت نفسي طفل عمره سنه وضايج لأن آخذو لعبته ف حسيت بمحمد كتله )
... اشششش أنا ابوك واخوك وصاحبك اششش اصيرلك كلشي تريده اعوضك عن كلشي لا تفطر گلبي بدموعك
( كتله هيج وانا محتاج ابو محتاج سند حضنته وهوا يناشق بحضني وامي بغير سياره وحالها أسوء من حالنا فقدت رجلها وحبيبها وأبو ولدها )
.....................
ام عشق :( بدت تجي العالم والبيت انخبص بقيت بس اني وام علي وملاك كاعده بالباب تقربت منها وكتلها )
... شبيج ملاكي ؟
ملاك : وين اهلي اليد بابا
( وين اهلي اريد بابا )
ام عشق :( حضنتها وكتلها )
... هسه يجون تعالي نصعد فوك
ملاك : ما
ام عشق : ليش !
ملاك : ليتا تتعالك وياي
( ريتا تتعارك وياي )
ام عشق : تعالي اني احاجيها
( اخذتها وصعدت لكيت عشق لامه البنات على الجربايه يلعبن شافتني واجت تركض )
عشق : ها ماما لاحو
( ها ماما راحو )
ام عشق : لا بعدهم
عشق : اووووف
ام عشق : شبيج ؟
عشق : هوثه
( هوسه )
ام عشق : ميخالف ماما هاي ملاك خلي تلعب وياجن ولطلعن
عشق : ما نليدها
( ما نريدها )
ام عشق : ليش ولج
عشق : ادول أنا احلى منج الخايسه
( تكول انا احلي منج الخايسه )
ام عشق :( دنكت عليها وهمست )
... خطيه ملوكه أهلها مو هنا صاحبيها يله ماما
عشق : بث أنا احلى
( بس انا احلى )
ام عشق : كلجن حلوات
عشق : تعاي ملوكه
ام عشق :( فرحت وراحت تلعب اااخ منج عشق مسيطره عليهن وخلي وحده تكول اني احلى منج تتعارك وياها ويبوووو من سوالفها نزلت جوه لكيت ام علي مخبوصه بالمطبخ ساعدتها ودخلن اخوات ام حسين يصرخن وهواي نسوان شويه واجت ام ليث والولد همزين اجو يساعدونه غيث وليث وامير لأن الولد كلهم راحو بقه بس زين وصكر عمي مقبل يرحون ومسوين زعله لأن مراحو وأبو فهد وأبو حسين هم مراحو لأن تجينه عالم والولد ضلو يودون جايات ويجيبون )
علي :( وصلنا للبيت بنص الليل العالم كلها نايمه وهدوء احمد ما رضه ينزل يمنه أخذنا البيتهم وهم نبدل لمحمد لأن ملابسه كلها تراب شويه وينفجر بينه اول ما نزل محمد اجو صكر وزين حضنو بس ما سوا رده فعل كمل مشيه وهما يحجون ويا )
زين : محمد حباب لا تبجي
صكر : اي حباب ارجع تشاقه ويانه
حسن : اي محمد عاركنه اغلط علينه وضربنا عادي بس لا تضوج
فضل : وخرو خل يبدل
احمد :( حضنت محمد ومشيت بالبيت اباوع بكل ركن ذكره فضل اخذه يغير ملابسه وانا امشي بالبيت واتذكر سوالف ابوي وحنيته معقوله بعد ما نشوفه بهذا البيت كليوميه هيج وكت ابوي يغطي بينه ويروح ينام واليوم نام وما يدري احنا وين طلع محمد من الغرفه لابس ملابسه الجدد هسه جبتهم إله كال )
محمد : كليوميه هيج وكت ابوي يبوس بينه
احمد :( ركض حضني وبقينه نبجي الولد انسحبو بره انتبهت الملابس محمد وتذكرت قبل كم يوم )
ابو احمد : احمددد
احمد : ها يأبه
ابو احمد : هاك هاي فلوس اشترو ملابس
احمد : لا يأبه غير ذاك اليوم اشترينه
ابو احمد : ادري حبيبي بس شفت محمد من شاف الولد اشترو يباع عليهم لا تخليهن بنفسه اشتريله مثلهم
احمد : هوا محمد ملطلط
ابو احمد : لا بويه عيب تكول هيج بس شاف الولد ونعجب بلبسهم اشتريله شكو بيها
احمد :( بسته برأسه وكتله )
... الله يحفظك النا سيد
ام احمد : امين
ابو احمد : كم مره كتلج لا تسوين شي لا تتعبين
ام احمد : يا هسه انا شمسويه هوا غده
ابو احمد : ميخالف لا تتعبين وراج ملوكه وتدريس الولد اربعه وعشرين ساعه تشتغلين شلون بيج ؟
ام احمد : الله يحفظك النا ولا تخاف ما اتعب بالعكس ارتاح من اشتغل الكم
ابو احمد : ويخليني اشوف الولد متخرجين والبسهم قوطهم بديه بس هاي امنيتي
احمد : امين يله انا اترخص منكم آخذو راحتكم هههههه
محمد : احمد مو احجي وياك
احمد : ها
محمد : شلون راح نعيش
احمد : شلون !
محمد : ما اتخيل نكدر نعيش بدون ابوي هسه انا نعسان بس ما اكدر انام لأن ابوي ماكو
احمد : أنا ابوك واخوك وصاحبك وكلشي خوش
محمد : لا تعوفنيييي حباااب
احمد : أنتَ هم لا تعوفني لأن مالي غيرك وانتَ هم
محمد : وملاك ؟
احمد : ملاك امانه عدنا احنا الاثنين هيا وامي محمد كافي بجي ما اريدك ضعيف لا تخلي احد يشفق علينه خوش ؟
محمد : اي بس ما اتحمل ما ابجي ابوي المات احمد ابوي يستاهل
احمد : يستاهل ابجيله كل عمري بس مو كدام أحد
.....................
كرار :( من سمعت بموت السيد ابو احمد أجيت اروح وعلي النذل كال الأبوي " شعده رايح " وحبسني بالمخزن بقيت متحمل الحد الليل وشردت من الشباك وايدي انشكت بس ما اهتميت اهم شي اوصل الاحمد رحت ركض لا يشوفني ابوي لو علي ويحبسوني شفت الولد واكفين يم بيت احمد وعلي اخوي وياهم اهوووو هسه شلون إذا يشوفني ما يخليني بس شيسوي كدام الولد ركضت وهوا صاح )
علي خليل : شجابك ؟؟؟؟؟
كرار : وين احمد ؟
عباس : جوه
كرار :( دفعتهم ودخلت احمد كاعد بالصاله ومحمد بحضنه ركضت حضنته وصحت بشهكه على حالته اول مره أشوفه هيج )
... احمددددد
( مسح دموعه وحضني كتله بصوت يرجف )
... اسف والله بس ابوي ما خلاني اجي واروح وياك للنجف
احمد : شبيها ايدك
كرار : مو مهم أنتَ شلونك
احمد : راح الغالي يعني شلوني
كرار : الله يرحمه ويجعل مئواه الجنه وخاتمه الاحزان أن شاء الله ويحفظلك امك
احمد : مشكور
محمد : احمد نروح الامي
احمد : اي
( كمت وكرار بصفي طلعت شفت الولد واكفين علي ترحملي بس ما رديت عليه مابيه حيل انطق حرف رحت للبيت شافتني خالتي أم علي حضنتني وكالت )
ام علي : اصبلك اكل خاله
احمد : جؤ وين ملاك ؟
ام علي : نايمه بغرفه خالك ابو عشق
احمد :( لزمت محمد من أيده ورحنا للغرفه دكيت الباب اول مره لا استحيت ولا شي ارد اشوف اختي ما اتحمل هاي امانه ابوي النا طلعت خالتي وكالت بخوف )
ام عشق : ها حماده
احمد : اريد ملاك
ام عشق : يمه ملوكه نايمه
احمد : بس اشوفها
ام عشق : ادخل
احمد :( دخلت اباوع جانت نايمه بنص البنات تقربت منها بستها برأسها وكتلها )
... تدرين شني أكول هنيالج ما تعلقتي بابوي أكثر وراح بعدين أكول خطيه انحرمتي منا بس وعد وعد اعوضج واوصلج للمكان الأبوي يحلم توصليله
( بستها ومحمد باسها براسها وطلعنا كعدنا بالباب والولد يمنه علي كال )
علي : ما تنامون ؟
احمد : إذا نعسان روح
علي : لا وياكم
محمد : عوفونا وحدنا حبابين
فضل : ليش !
محمد : ارد ابقى وحدي انا وأحمد
عباس : ليش احمد اخوك واحنا ؟
محمد : مو قصدي بس محد يفهمني مثل أحمد
كرار : أنا افهمك والله
علي خليل : شني ابوك ميت وتفهم ؟
كرار : هوا والميت واحد
علي خليل : اسم الله تف من حلكك الخايس
احمد : كرار تذكر من كتلي هنيالك على ابوك بكلشي وياك هه راح ابوي وضليت وحيد يتيم محد وياي هه
كرار :( حضنته حيل وكتله بخجل )
... والله ما جان قصدي هيج
احمد : شباب دخلو نامو اريد نبقى وحدنا
علي :( أشرت للولد يكومون لأن حسيتهم اختنكو كلش ويردون يبقون وحدهم شفت ليث وغيث وامير اجو خطيه هما شايلين الفاتحه ومساعدين عمامي سلمو على الولد وكعدو شويه وكامو بس غيث بقه كلساع يصيح )
غيث : خطيه مو احسن نبقه يمهم ليش عفناهم ؟
فضل : هما يردون يبقون وحدهم
امير : اني ميت من النعاس اليوم شغلتوني جايجي بأجر كلشي ما اسوي خوش
فهد : رحم الله والديك
امير : على راسي حبيبي
.....................
علي :( خلصت ثلاث ايام الفاتحه ابد ما كعدنا بس نشتغل وأحمد يسوي نفسه قوي وهوا وين يلكه مكان فارغ يبجي بي ومحمد ااااخ يمحمد بس يبجي ابد ما يسكت شكد نحاول نخلي يحجي يسولف ياكل ماكو بس يبجي )
احمد :( صارت بركبتي عائله وانا بهذا العمر حيل كسرني ابوي بس الخاطر امي واخوتي لازم اكون قوي وما أضعف كدام أحد خلصت الفاتحه وكفت الوادم وشالو الجادر وثار ابوي أخذته اول ما رجعنا من النجف من أخذته يله نمت مرتاح ما خليت الصبح يصبح على جتال ابوي وانا ابن السيد نام محمد ودموعه على خده لبست وطلعت وما رجعت اله ماخذ ثار ابوي صار كبالي علي صاح )
علي : وين جنت ؟
احمد :( رفعت لسلاح بوجها وكتله )
... اخذت ثأري
علي : أنتَ خبل ؟؟؟؟؟؟
احمد : مو أنا الانام وجتال ابوي يسرح ويمرح علي
علي : شلون تسوي هيج بدون ما تنطينه علم ؟
احمد : ثأري لو ثاركم ؟ هسه ارتاحيت وريحت ابوي بكبره واكدر انام الثأر ثأري انا كلكم باردين بس انا الافور وهسه ارتاحيت
( بدون لا اسمع رده دخلت للبيت ومرن ثلاث ايام الفاتحه وگلبي ما برد دخلت البيت جدي واجت ملاك تركض حضنتني وكالت )
ملاك : احمد
احمد : عيونه
ملاك : بابا راح دال اديب الكم كيك وما اده ليس ؟؟
( بابا راح كال اجيب الكم كيك وما اجه ليش ؟؟ )
احمد :( غمضت عيوني وتذكرت وره موتت ابوي بيوم عيد ميلادنا انا ومحمد هه بدايه سنه وأبوي مو وياي ااااخ يا احمد شراح تشوف )
ملاك : احمد
احمد : بابا راح فوك بالسمه
ملاك : ليس وانا ماخذني انا احبه واستاقله
( ليش انا ما أخذني انا احبه واشتاقله )
احمد : لأن الله يحبه وأخذه
ملاك : انا هم احبه
احمد : ميخالف انا يمج
ملاك : ما عوفني ؟
( ما تعوفني ؟ )
احمد : لا ما اعوفج
ملاك : وعد ؟
احمد : وعيونج
( باست عيوني بستها وشلتها رحنا الامي شفت حالها بالضيم ومحمد نايم على رجلهه بستها برأسها وكتلها )
... شلونج ؟
ام احمد : شلوني ما دكلي يا يمه روحي راحت ويا ابوك
احمد : يمه حضري نفسج نرجع للبيت
الشيخ : وين رايحين بويه ؟
احمد : البيتنه
الشيخ : هذا بيتكم بويه بعد ماكو روحه هناك انتم بعدكم صغار
احمد : لا جدي كبرنا ما دام ابوي عافنه يعني كبرنا
ابو عشق : خالي احمد ابقو بس هاي الفتره
احمد : لا خالي مشكور نرجع البيتنه احسن
محمد : اي يمه خل نرجع
ام احمد : اي يمه نرجع نرجع
.....................
كرار : احمد ما سألتني شبي وجهي ههه
احمد : سالفتك معروفه
كرار : ارد اسولفلك بس ضيمك كافيك
احمد : لو ضيم الدنيه كله فوك راسي أتفرغلك واسمعك
كرار : حرك خدي بالشيش هههه وأيدي المجروحه شمر عليها ملح وتكلي حبه واتقرب منااا ولك هذا مو ابو هذا عدو
احمد : تدري شتسوي لا تتقرب ولا بطيخ اكعد ليل ونهار ادعي عليه
كرار : غير لو گلبي ينطيني
احمد : حرامات خليل ابوك تدري شكد اكرها
كرار : خليل ابوي وعلي اخوي ومرت ابوي الحيه هههه حياه جدآ حلوه
احمد : الله يساعدك ويساعدني هم
.....................
علي :( مرت فتره على وفاه السيد وكنان طلع من المستشفى الحمدلله صحته احسن من قبل بس جهاله مخبلينه كلساع يتصلون يبجون عليه حجز واليوم بالليل يطلع أما احمد اااخ يا احمد تغير حيل تغير من احمد الشقاوجي الما يهمه أحد وحياته بس ونسه وضحك إلى احمد معقد كلامه قليل طلعات ماكو بس للمدرسه أشوفه شايل حمل فوك حمله ومن احجي ويا يغير الموضوع بهاي الفتره قوت علاقته بكرار اكثر من قبل أما محمد باول فتره ما يطلع من البيت اصلا بس صكر وزين من يلزكون بواحد يكرهونه حياته خلو يطلع وصار احسن من احمد بهواي فزيت على صوت كنان يكول )
كنان : يله هم يله اطلع طيارتي ما ضللها شي
فهد :( سلم علينه كلنا وحضن أحمد ومحمد حيل ومسح على رأسهم وما اعرف شحجه وياهم بحيث محمد نزلت دموعه بسرعه ومسحهن كتله )
... عودها كنانو
كنان : المره الجايه اموت يأبه سوالفكم مال عشاير ما احبها اكعد هناك احسلي
علي : لا عليك الله عودها إذا ما تجي نموت هه دطير بابا بعد احسن لا تجي
كنان : أنتَ شوكت تحترمني ؟
علي : من يبيض الديج
احمد :( ودعنا كنان وعلي وفهد وصلو للمطار ورجعو جانو يسولفون كلت لازم افتح الموضوع وياهم حمحمت وكتلهم )
... عدي موضوع وياكم
الشيخ : احجي بويه
احمد : ارد اشتغل
علي : نعم ؟؟؟؟؟؟
احمد : مثل ما سمعت
ابو عشق : بس بابا احمد أنتَ جاي تدرس
احمد : اي وإذا ؟ الصبح اداوم والظهر اشتغل ومن بأجر اطلع ادور شغل
فهد : تخبلت ؟؟؟؟ ماكو شغل
احمد : أجيت أخبركم مو اخذ رأيكم
الشيخ : ليش بويه احمد مقصرين وياك بشي ؟
احمد : لا جدي حشاكم من التقصير بس كم يوم كم سنه تبقون تصرفون علينه أنا ومحمد من نحتاج شي لازم نطلب منكم حتى عيب واحنا كل واحد بكد الباب
ابو فهد : بس تتعب هيج
احمد : ماكو تعب أن شاء الله
ابو حسين : شتشتغل ؟
احمد : بأجر اطلع ادور بس كلت أخبركم
ابو عشق : انا محتاج عامل بالمعارض تشتغل وياي ؟
احمد : لا خالي ما اريدك تشغلني وياك وما تعبني ومن هاي السوالف اريد أوكل اخواني وامي من تعبي أنا
ابو عشق : لا والله خالي بس انا من زمان محتاج عامل وياي واجرتك مثل العمال والشغل نفس الشي وليش اوضف واحد ما اعرفه أنتَ ابني أمن حلالي يمك مو صح ؟
احمد : خوش جا بأجر الظهر أنا يمك
ابو عشق : بالاربعه تعال
احمد : ليش ؟
ابو عشق : هوا دوامك بالاربعه
احمد : مشكور
ابو عباس : والنعم من تربايتك صدك ابوك تعبان عليك
محمد : احمد أنا هم اطلع وياك
احمد : لا محمد اهتم بدراستك
محمد : ليش ؟
احمد : محمد
محمد : اهوووو
احمد :( كمت اطلع للمدرسه من الصبح وكرار وياي ومعاناته ويا ابو يوم بعد يوم تزيد ارجع أقره انوب اطلع للشغل ارجع للبيت أسبح وانام صح تعب بس ارتاح قبل لا انام ما افكر بابوي وحنيته حسيت مستواي الدراسي نزل حيل بس شسوي هذا نصيبي وجاي اذب جهدي كله وهذا الاكدرله ملوكه كبرت وكامت كل ما ارجع تفرج رجليه ومحمد يتوسل يطلع وياي بس ما اخلي ما اريد اتعبه وامي من تشوفني تعبان عيونها تدمع وتروح كلنا انكسرنا بفراك ابوي وتغيرنه حتى امي صار كلامها قليل بس حنيتها زادت تحاول تعوض مكان ابونه )
.....................
فاطمه : اااااخ علييي ساعدنيييي
( نزلني زين من الشجره وصاح )
زين : انتِ غبيه ليش تسلقين على الشجره بله وكعتي وتكسرتي
فاطمه : معليك
زين : مو ارجع اعلكج
فاطمه : ما اهاااف
( أخاف )
زين : ومنو جانت تصيح عليييي
فاطمه : اي جنت أصيح اخوي أنتَ سعليك
( شعليك )
زين : ام السانين دخلي جوه
فاطمه : خايس
زين : استغفر الله والله لو ما علي جا كتلتج
( عيبت عليه ودخلت للبيت تركض والله خبله عفتها ورحت ادور على صكير مدري وين يختفي )
.....................
علي :( مرت السنين وتخرجنه من السادس بعد تعب وسهر وجهد ومرض كدرنا نطلع المعدلات النحلم بيها ونقبلنا بالكليه العسكريه جانت فرحه لا توصف وخاصتا احمد جان اكثر واحد فرحان صدك يستاهل هاي الشهاده تعب بس ما استسلم وحصلها وحقق حلم ابو وحلمه انقبلنا أنا وفهد وأحمد وعباس وكرار وليث ويانه أما فضل ما قدم كال إذا كلكم رايحين منو يبقه بالبيت لأن قبولنه طلع جامعه بغداد محمد معدله يدخله طبيه بس مو جوى الطب راد يدخل عسكريه بس ما كدر لأن سفر وأحمد راح يسافر شلون أمه تبقى وحدها قرر يروح تدريس حلم طفولته حسين انقبل اقتصاد والولد بعدهم اعداديه وعلي خليل انقبل اقتصاد الغبي خلصها تسخيت ولا عبالك سادس أصلا مدري شلون نجح وطلع معدل يقبله هيج قسم زين )
.....................
محمد : من مات ابوي الحد الان شلت مسؤليتنه وهسه صار دوري أنا أشيل المسؤليه
احمد : أنتَ كدها بس شلون اعوفك متعود عليك ما يكمل يومي إذا ما اشوفك
محمد : شبيك هيا كم شهر وترجع قابل وين رايح
احمد : أن شاء الله
ملاك : احمددددد
احمد : ها
ملاك : وين تروح ؟
احمد : للدوام
ملاك : وانا ؟
احمد : أنتِ هنا يمج محمد وامي
ملاك : بس انا اريدك حباب لا تعوفني مو كلت ما اعوفج ابد ها مو وعدتني ؟
محمد :( حضنها حيل وهوا منا ما يريد يروح وكلام ملاك كتلها )
... ملوكه هوا راح يروح ويجي علمود يصير شرطي يأخذ الجهال الوكحين
ملاك : صدك ؟
احمد : اي
ملاك : اي اخذ عشق لأن ملشتني
احمد : ميخالف هههه
.....................
عشق : بنين يله
بنين : عشق والله راح اضربج
عشق : اوووف شبيج
بنين : ماااا يصير انتِ تفتهمين عربي لو شلون ؟؟؟
عشق : بس انا ارد اسوي انتِ تخافين ابقي لا تسوين
بنين : والله امج تكتلج
عشق : ما اخاف
بنين : ام السانين ولي سوي ولا تجين تختلين عدي ولا تأخذين من عدي
عشق : اصلا بدون لااا تكليلي رايحه اسوي
( رحت الغرفه امي بدون لا تدري لأن لو تدري اطيح حظي خليت كحله لعيوني جانت امنيتي اجربها بنين عدها بس ما تخليلي تكلي " امج ما تقبل " وانا اموت عليها لان بنين من تخلي عيونها يصيرن يخبلن كلت اخلي وحدي جريت عيني بيها اباوع عيوني برزن وصارن يخبلن كعدت اتغزل بنفسي وانفتح الباب )
ام عشق : شتسوين ؟؟؟؟
( غمضت عيونها بقوه وراحت تمشي يم الجربايه وتتعثر صحت )
... تعالي عشق فتحي عيونج
( فتحت عيونها جارتهن جر بالكحل صحت )
... ادبسزززز شلون تخلين كحل عشق انييي شكايله تعالييييي
عشق :( ركضت عليه تريد تلزمني طفرت من الجربايه وطلعت بره اركض وهيا وراي شفت فهد توه داخل ختلت وراه وانا اضحك واصيح )
... فهدددد عليك الله لا تخليها تضربني
فهد : شمسويه ولج
ام عشق : فهد وخر خلي اطيح حظها
عشق :( ادري بي غدار هسه يوخر وانكتل شفت علي توه نزل من فوك يفر بالسويج ركضت ختلت وراه وانا أصيح )
... عليييي علووووش انقذني
علي : شمسويه أم الفواين
ام عشق : والله لو مو علي يوكفلج يا عشق اليوم اطيح حظج اطيحه علمود متعيدينها وتسوين شي مانعتج مناااا لأن زودتيها كلش وعينج طلعت
علي : شكو عمه شمسويه
ام عشق : شوفها شوفهااا مو بنيه بلوه
علي :( دنكت عليها وأشوف العيون مكحله وبارزات زراك عيونها وهنا كبار ما ادري شلون اوصفها بس طالعه تكتل بهذا العمر وتجذب واليشوف عيونها يذوب مو انوب مخليه كحل والله هنيال الكحل البعيونها )
عشق : شبيك ؟
علي : هنا عيونج يخبلن ما يحتاجن الكحله
عشق : شني هذا ؟
علي : لج انتِ ما تخافين على روحج شلون تخلين كحل
عشق : احبها شوف شكد حلوه
علي : مو عيونج يكتلن مو انوب مخليه كحله
عشق : حلوه ؟
علي : تكتل طالعه تخبلين اطيحين اكبر واحد بهاي عيونج
عشق : جا ليش ماما تريد تكتلني
علي : لأن تخاف عليج بعد لا تخلين كحل خوش يأبه لأ يحسدوج
عشق : خوش
علي :( كمت باوعت على عمتي وكتلها )
... عمه الخاطري بس هاي المره بعد ما تعيدها
ام عشق : كم مره أكول الخاطرك بس هيا صلفه كلش
عشق : اسفه ماما والله بعد ما اعيدها
ام عشق : تعالي تعالي
( بستها بخدها وكتلها )
... هوا انا اكدر ازعلج
عشق : علوووش وين رايح
علي : طالع ويا جماعتي
عشق : خل اروح وياك
ام عشق : انجبي وين موليه روح عمه ختولي هاي
عشق : اوووف والله مليت من البيت
علي : غير مره لا تزعلين عشوقه
عشق : عود خووووش
.....................
كرار :( اسمع صوته المزعج الزرف طبله اذني وضرباته المحد يكدر يوكفه عنهن بس ما اكدر أحاجي البعض يسمونه ضعف بس مو ضعف لأن اذا احجي ياذي امي واختي عشت طفولتي كلها تحت رحمته وشبابي نفس الشي وهسه جاي يمنعني من حلمي يمنعني من أهم احلامي علمود ابنه شني ذنبي إذا ابنه ما طلع معدل كم سنه ابقه اسوي كلشي يطلبه علي )
خليل : رووووحه ماكوووو افتهمت
كرار : ما الك دخل كل عمري اسوي اليعجبك واليعجب ابنك بس هسه لااا تريدنييي اخسر حلمي علمود ابنك الخلصها دياحه ليش ما قره شنييي المنعه هااااا تعبت وسهرت وطاح حظييييي وحدي وهسه جاي تمنعني ما الك حق
علي خليل : السانك طولان ويرادله كص
كرار : أن شاء الله من ارجع اكص السان كل واحد آذاني
( ركعت الباب وطلعت واسمعه يصيح )
علي خليل : اي بعده مااا صار ضابط وشاخ علينه الله يرحم الايام التبوس قندرتي حتى تطلع للمدرسه هين يا كرار هين
.....................
احمد : شبيك ؟
( عض شفته السفليه وضرب الحايط بقوه وصاح )
كرار : تعرف اكثر بشر اكرها هوا خليل
احمد : كرار يبقه ابوك
كرار : ديربالك احمد ديربالك تكول عليه ابوي هذا ابو علي شتترجه منه والناس كلها تسمي ابو علي وانا الجبير
احمد : مدري شكلك
كرار : لا تكلي كلشي أنا أدري خل ارجع وشهادتي بيدي والله اندمهم
احمد : شتسوي ؟
كرار : يجيك الصافي تدري خايف اروح وهوا ما راضي وياذي امي
احمد : خل تروح الخوالك
كرار : **** ما يرضه
احمد : وشلون ؟
كرار : غير إذا رجعت وشفته لازم شعره منها اشكه والحسين
احمد : إن شاء الله محلوله لا يضل بالك
كرار : وانتَ ؟
احمد : محمد يكلي روح انا هنا
كرار : صح كلامه خلصت عمرك كله أنتَ المسؤل خل يعتمد على نفسه
احمد : أحسه ابني مو اخوي
كرار : الله يحفظكم تدري مرات احسده أنتَ اخو واكول شبي علي ساطره الحمزه
احمد : ههههه أنتَ هم اخوي
كرار : واعز
.....................
ليث :( كاعد نتريك ومثل العاده غيث خابصنه بصوته نزلت الاميره شعرها الذهبي الطويل مفتوح ونازل على وجها وتبعد بي بانزعاج وصلت يمنه وكالت بدلع )
رنا : صباح الخير
الكل : صباح النور
ابو ليث : شبيها بنيتي ضايجه ؟
رنا : اوووف بابا غيث هواي يحجي صوته واصل الغرفتي ميخلي واحد ينام
غيث : ديدي ديدي كلشي ما افتهمنه مو السان رشاشه
رنا : اووووف مزعج
غيث : اوي عيني الاميره النائمه اسفين ازعجناج
رنا : ماكو مشكله بس بعد لتعيدها
غيث : لا واثقه من نفسها
رنا : ليوث
ليث : ها بنيتي
رنا : منو راح يجي
ليث : ليش ؟
رنا : سمعتكم تسولفون وماما تريد تسوي عشه وغويث يتسوك
غيث : مو عشق ههههه
رنا : ادري مو عشق ولد عمها مو ؟
ليث : هههههه إذا تعرفين ليش تسألين
رنا : هسه جاوب
ليث : اي ولد عمها
رنا : وعلي يجي ؟
ليث : اي
رنا :( ابتسمت بخبث وكتله )
... تمام
غيث : تعالي تعالي شنو ابالج
رنا : أنتَ مو تكول عشق متجي
غيث : اي
رنا : راح اغورها واخليها تلح على أهلها وتجي
ليث : لا رنا عيب هما جاين يدرسون مو يلعبون
رنا : بس اني احب عشق واريدها تجي
ليث : اي يا حبيبتي عشق عدها دوام وانتِ هم شلون تجي ؟
رنا : اووووف معليك
ليث : ست رنا السانج طولان
رنا : استاذ ليث ممكن تسكت لأن صاير مزعج كلش
ليث : تخبلين العاقل انتِ
( حركت شعرها بغرور وصعدت الغرفتها صحت )
... يمه منج ومن سوالفج
غيث : امير هم كال يريد يجي
ام ليث : هلا بي
.....................
علي :( كاعدين مثل العاده بالحديقة ومسوين جايات وكيك وهاي السوالف )
... يمه كلاص جاي
ام علي : انطيك كيكه ؟
علي : لا
عشق :( جان متمدد وعاكس أيده على المخده كعدت بصفه بسته بخده وكتله )
... شبيك ضايج ؟
( باسني بخدي حيل وكال )
علي : ما ضايج بس تعبان
عشق : امممم افرجك ؟
علي : لا ارتاحي
عشق : ماما انطيني كيكه
ام عشق : تعالي اخذيها
عشق : خل صكر يجيبها
صكر : اي مو صكر خدامه الخلفوج
فهد : شبيك هيا كيكه وديها الها
صكر : والعباس ما يصير ادري جايبيني خدامه انوب اشتغل للجهال
عشق : تره أنا مو جاهله مو علي
علي : لا بويه انتِ جبيره هوا جاهل
عشق : يله
صكر : لو تموتين
علي : شبيك هسه شتخسر ايد رجل
صكر : ما تكوم هيا ما عدها رجلين
بنين : اوووف شكد تحجون انطيني انا اوديها الها تدلل عشوقه
عشق : ما اريد صكر يجيبها
علي :( تقربت منها وهمست )
... ليش تردين صكر ؟
عشق : تعاركت ويا ههههه
علي : ههههههه كوم صكير لا اطيح حظك
صكر : هين هوا علي رايح أنا اعلمج
عشق :( باوعت على علي وعقدت حواجبي )
... وين رايح ؟
علي : ما رايح جذاب
بنين : عشوقه أكليها وإذا تردين بعد صكر يجيبلج
عشق :( كعدت اكل بالكيكه وعلي يشرب جاي قربت الكيكه من حلكه كال )
علي : ما احبه
عشق : اكل
علي :( ابتسمت واكلتها كتلها )
... حتى الكيك من ايدج طيب
زين : لا عيني هوا الكيك طيب بس أنتَ ما تحبه
فهد : علي هم يله تكوم تحضر
عشق : وين رايحين ؟؟؟
محمد : يسافرون ويييي
عشق : صدك ؟
علي : جامعتنه ببغداد ولازم نروح اليوم
عشق : وتعوفنه ؟
علي : هههه ولج وين عايفج غير اكمل دراسه واجي
عشق :( باوعت عليه بغضب وكمت صاح وراي ما باوعت عليه كلش انقهرت )
.....................
فاطمه :( علي ابوي الثاني حيل متعلقه بي من كال
" راح اسافر " حيل ضجت رحت الغرفته لكيته يحضر بجنطه ومبين ضايج كتله )
... علي
( كعد على الجربايله واشرلي على رجله ركضت كعدت بحضنه وضميت راسي بصدره وانفجرت بجي )
علي : شبيج بابا ؟
فاطمه : حباااب لا تروح
( رفع راسي بيده بأس خدودي وكال )
علي : حبيبتي لازم اروح علمود اخذ الشهاده والرتبه جا تردين الولد يأخذونها واخوج لا
فاطمه : بس انا ما اكدر بدون ما اشوفك وابوسك كليوميه
علي : وعد كل ما تصير عدي اجازه اجي هنا واشوفكم واشبع منج ولو انتِ ما ينشبع منج
فاطمه : وشكد تبقه !
علي : خل اشوف الوضع واعرف
فاطمه : راح اشتاقلك
علي : أنا هم
فاطمه : اساعدك !
علي : اي روحي شوفي عشق وين
فاطمه : اي
.....................
صكر : شتسووووين ؟؟؟؟
ريتاج : شبيييك خوفتني
صكر : شتسوين ؟
ريتاج : حباب لا تكول الاحد
صكر : احجي احجي
( طلعت اديها من وره ضهرها لازمه تشيرت فهد الاسود صاير برتقالي صوفرت وصحت )
... لج هاي شمسويه والله فهد يعلكج بالبنكه
ريتاج : هوا ما يعرف وانتَ لا تكُله
صكر : ليش خربتي ؟
ريتاج : ضجت لأن راح يروح بس والله ما ادري هيج يصير
فهد : يممممه وين تشيرتي الاسود
صكر :( فتحت الكاونتر شمرت التشيرت بي وسويت نفسي العب وياها وجها كام ينطي الوان ام المصايب )
فهد : صكر
صكر : ها
فهد : شايف تشيرتي الاسود
صكر : لا
فهد : يعني ما لابسه وإذا الكا بملابسك
صكر : شني اجذب عليك ؟
فهد : لا حشاك من الجذب ريتا تعاي شبيج
ريتاج : ها
فهد : شبيج وجهج اصفر ؟
ريتاج : ماكو شي
فهد : متاكده !!
ريتاج : حباب لا تروح
فهد : ولج ضايجه لأن راح اروح ؟
ريتاج : اي
فهد : هذا صكير يمج وانا كل اسبوع اجي
ريتاج :( بسته بخده وكتله )
... بس انا احبك ما احب صكير
صكر : ءءءءءء ام المصايب مو احجي
ريتاج : اتشاقه
فهد : شمسويه !
ريتاج : ما مسويه شي
فهد : يله روحي خل اكمل تحضير
ريتاج : اسفه
فهد : شمسويه ولج احجي
ريتاج : هيج يعني ما يصير أكول اسفه
فهد : لا عمي يصير روحي روحي
.....................
فاطمه : ريتاج
ريتاج : ها
فاطمه : وين عشق ؟
ريتاج : ما ادري
فاطمه : اوووف دورت البيت كله وهيا ماكو يعني وين راحت
بنين : منو ؟
فاطمه : عشق
بنين : خاف بغرفه امها
فاطمه : ماكو
بنين : هسه انا اشوفها
( صعدت الغرفتي لكيتها لازمه شعرها والمكص بايدها الثانيه صحت )
... شتسوييين ؟؟؟؟
عشق : معليج
( سحبت المكص من ايدي صحت )
... شعلييييج
بنين : ام السانين امج اطيح حظج انتِ خبله ؟؟؟؟
عشق : ما احبه
بنين : ليش ولج
عشق : لأن علي يحبه وانا ما احبه
بنين : ههههه دتعاي علي يريدج
عشق : ماااا اروح
بنين : امشي ام السانين
عشق : ماااااا
بنين :( اخذت المكص وطلعت لأن راسها يابس وتسوي التريده رحت الغرفه علي لكيت الباب مفتوح وكفت وهوا رفع رأسه )
علي : تعاي ليش واكفه ؟
بنين : راح اشتاقلك
( سحبني الحضنه وباسني براسي )
علي : اخر شخص توقعته يشتاقلي ههههه
بنين : صحيح أنتَ ما تحبني هواي بس انا احبك
علي :( عقدت حواجبي وكتلها )
... منو كلج ما احبج ؟؟
بنين : تصرفاتك
علي : شايفه روحي ؟ معلكه بيج ولج شلون تكولين ما تحبني
بنين : يعني تحبني ؟
علي : ما احب هاي السوالف
بنين : جا ليش تعاملك يختلف وياي
علي : ما يختلف انتِ مبتعده
بنين : أخاف اتقربلك وتجرحني كدام الكل بس ما ادري من كلت راح اروح رجليه جابتني الك
علي : فدوه العمتي الحنينه
بنين : ههههه عمتك مره وحده
علي : وعيوني هم
بنين : لا أنتَ مبدلينك
علي : انجبي لج
بنين : هههههه انطيني اساعدك
علي : لا ما عدي شي بس جيبيلي ام السانين
بنين : زعلانه بغرفتي
علي : ها جا كملي ذن راح اشوفها واجي
بنين : تدلل
.....................
علي : وين الزعلانين ؟
عشق :( باوعت عليه بطرف عيني ورجعت العب بغراض بنين والله لو تدري اطيح حظي بس اريد اشغل نفسي وما اهتمله )
علي : افااا تلعبين بغراض بنين هسه تكتلج
عشق : ما اخاف
علي : سباعيه
عشق : شتريد ؟
علي : ليش زعلانه !!
عشق : شعليك ؟
علي : احجي عدل
عشق : شلون ؟؟؟
علي : لأن راح اروح
عشق : اذا تعرف ليش تسأل !
علي :( شلتها بستها بخدها وكتلها )
... انتِ ليش ما تفهمين ها بويه
عشق : يعني قصدك غبيه
علي : لا بويه حشاج بس غير جاي اكُلج عدي دوام
عشق : جا ليش ما كتلي
علي : ادري بيج تزعلين
عشق : ما احبك
علي : وانااا احبج
عشق : جيبلي تتي واصاحبك
علي : ههههه تامرين
بنين : ها تصالحتو ؟
علي : اي
بنين : زين أكُلك شرادت تسوي
عشق : لااا
علي : شكو ؟
عشق : معليك بيها
بنين : ءءءءء ومنو رادت تكص شعرها ؟؟
عشق : جذابه
علي : صدك ؟؟؟
عشق : اسفه
علي : شسوي بيها
عشق : اوووف هسه زعلت
علي : اي
عشق : وشلون ترضه اكتل بنين
علي : ليش ؟
عشق : هيا كلتلك وانتَ زعلت
علي : بوسيني
( باستني بخدي وكالت بابتسامه )
عشق : رضيت ؟؟
علي : اي
عشق : احبك
علي : انا هم رويحتي
( رجعت الغرفتي كملت تحضير ودعت اهلي وطلعنه وصلنا البغداد رحنا البيت ابو ليث طلعت أخته رنا تنطي شبه قوي العشق باوعت عليه وكالت بدلع )
رنا : هلا
علي : هلا
رنا : اممم شلونك ؟
علي : الحمدلله احجي شبيج !
رنا : ماكو شي أجيت اسلم
غيث : صاحبه واجب
علي :( عيبت عليه وراحت ضحكنه على سوالفها وطلعنا من البيت ما بقينا يمهم لأن احنا هواي وعيب اشترينا شقه وكعدنا نرتب بيها اخذنا اسبوع انعدل بيها )
.....................
ام عشق : عشششق لتعاندين
عشق : ما اقررره ارد اروح
ام عشق : ماكو روحه عندج دوام عشق
عشق : وانااا ما أقره
ام عشق : عينج طالعه وكايمه تصيحين عليه هاي جزاتي
عشق :( تقربت منها بستها بخدها وكتلها )
... اسفه ماما بس حبابه خل نروح
ام عشق : بالعطله وعد نروح
عشق : بالعطله يجي علي
ام عشق : تردين رنا لو علي ؟
عشق : ثنينهم
ام عشق : اللهم طولج يا روح
.....................
علي : (خلصنا السنه الاولى وجانت حيل صعبه لأن بعدنا ما متعلمين على التدريب جنه بين فتره وفتره نروح للبصره بدينا سنه ثانيه وجانت اصعب جنت ادرب وكعت ونكسرت رجلي كسر قوي وجبروها اربع اشهر ما رايح للبصره والولد هم ما راحو كالو " إذا نروح يبقون يسألون ويعرفون السالفه " جان أكثر تواصلي ويا بنين هيا تجيبلي اخبار البيت حيل تقربت منها بهاي الفتره فتحت رجلي جانت عطله نصف السنه وهم ذيج الايام ما داومت راح يطلعوها عليه وره نصف السنه كلت اروح للبصره لأن بعد ما اكدر اجي وخطيه كرار گلبه نار على أمه واخته )
.....................
عشق :( كاعده يم حبوبه وهيا تخلي حنه الشعرها والبنات خلن الاديهن ورجليهن وانا ساده خشمي وهيا تحجي عليه )
الشيخه : يمصكوعه وين اكو احلى من الحنه
عشق : ايييع ما احبها ريحتها تكلب المعده
بنين : إذا ما تحبينها شعدج كاعده ؟
الشيخه : امداج يالغمه عوفيها يمه عوفيها هاي فاهيه تبقى دوم هيج نشوف يا مكرود وأمه داعيه عليه ياخذج
عشق : وانا ما اريد أحد ياخذني شو اخبل واصلا كلها تتمناني
علي : اي والله
عشق :( طفرت بفرح حضنته وصحت )
... علووووش
علي : هههههه شلونج ولج
عشق : زينه أنتَ شلونك
علي : من شفتج صرت زين
عشق : ليش تاخرت ؟
علي : بعدين اكُلج وخري لا ترزلنا حبوبه
عشق : هيا ما تشبع رزايل صارلها شكد ترزل بيه
علي : ههههه شمسويه ولج
عشق : تريدني اخلي حنه الاديه عبالك بأجر عرس ابوها
علي : وليش ما تخلين ؟
عشق : ما احبها
علي : بس انا احبها
عشق : خلي أنتَ
علي : ام السانين عبالي كبرتي وعقلتي
عشق : دروح سلم لا تترزل
علي : شلونج شيختي
الشيخه : ها ولك عليوي هسه تذكرتني
علي : غير انتِ محنايه
الشيخه : جا مو ذول ولد عمامك سلمو لو ملتهي بهاي الفاهيه
عشق : صرت فاهيه لأن ما اخلي حنه خوش
صكر : شنيييييي هاي منو يمنه
فهد : لك كبران
صكر : شلونك
فهد : الحمدلله
ام علي : ليش تاخرت يمه
فهد : غير علي جان مكسور
علي : جفص يالكاظم
فهد : ها شبيك غير طبت يعني شراح يصير
ام علي : يمه شبيك وين انكسرت ؟؟
عشق : شلون انكسرت ؟
علي : مابيه شي يمعودات رجلي وكعت وجبرتها عليمن سويتن مناحه هسه انا ميت هههه
احمد : سلام عليكم
الكل : وعليكم السلام
ملاك : حبوبه خل اغسل اديه حبابه
الشيخه : انجبي وركدي
احمد :( كعدت اباوع الملاك تحوس ما مرتاحه الكعدتها كتلها )
... شبيج ؟
ملاك : اريد احضنك وحبوبه ما تخليني اغسل اديه حاجيها
احمد : تعاي حضنيني بدون لا تغسلين
ملاك : اوصخك
احمد : ميخالف تعاي
( ركضت حضنتني حيل وانا اشم بريحتها التخبل شكد مشتاقلها ريحه الجنه ملاكي بقينه لليل كاعدين كلنا ونسولف وعشق كاعده بحضن ابوها صاحها عمي ابو حسين كامت تركض )
عشق : ها عمو
ابو حسين : من هسه وكدام الكل انا حاجز هاي لحليوه لحسين ما اريد اضيعها من ايدي
علي : هههه ليش ابنك رجال وكاعد تخطبله ؟
ابو علي : علييي لا تدخل
عشق : شني يعني عمو
علي :( عضيت شفتي السفلى وصحت )
... بنين أخذي عشق والبنات
بنين : تعاي حبيبتي
عشق : ما اريد اعرف شني يعني
علي : عششششق سمعي الكلام
عشق :( حيل استهضمت لأن اول مره يعيط عليه طلعت ويا بنين وعفتها صعدت الغرفه امي وأبوي بجيت حيل لأن حيل ضوجني شسويت ويصيح عليه وإذا سألت )
.....................
الشيخ : شبيك علي
علي : مابيه شي بس بعدها طفله مو مال تفتحون عيونها على هيج سوالف
زين : انوب يا ريت الخاطبها برأسه حظ هههههه
عباس : زيييين
زين :( سويت حركه السحاب على حلكي وصكير ميت من الضحك يريد يحجي بس فهد خازره )
ابو عشق : أن شاء الله هيا لحسين وين الكه مثله بس بعدها صغيره مثل ما كال علي ما نريد نفتح عيونها على هيج سوالف
حسين : لا عمي احسن تعرف من هسه مو بأجر عكبه تفكر بغيري
علي : عود هوا يعرف يحجي ما تاكل خر*
حسين : محد حاجي وياك
علي :( جاي احجي واجه محمد وجها اصفر وكف بالباب وكال وهوا يلهث )
محمد : احمد
احمد : شبيك ؟
محمد : ماكو شي بس كرار يريدك بالباب
احمد : اي جاي
علي :( طلعت وراهم شفت كرار وجها كله دم وجوه عينه ازرك وملابسه مبهذله )
احمد : شبيك ؟؟؟؟؟
كرار : أخذني البيتك
علي : شكو ؟
( دنك مستحي مني كتله )
... احمد أخذه البيتكم وإذا تحتاج شي اتصل
احمد : متقصر امشي كرار
كرار : بس انا وياك احمد
احمد : اي محمد ابقه هنا
محمد : ليش ؟؟؟
احمد : محمد
محمد : خوش روحو
.....................
كرار :( اربع اشهر ما رايح الاهلي هه بحياتي كلها ما عرفت شني يعني اهل جانت بس امي واختي ريام يستفقدني أما علي بس من يشتهي يتعارك دخلت وانا كلي شوك الامي واختي سلمت محد رد السلام متعلم على هذا الشي دخلت الغرفه امي لكيتها تبجي تقربت منها بخوف وكتلها )
... شبيج حجيه ؟
ام كرار : يمه الحك اخيتك راح تموت
كرار : ليش ؟؟؟؟ وين هيااا
ام كرار : الله لا يوفقه علي موتها
كرار : غير افتهم ليشش
ام كرار : لأن جابلها ولد صاحبه ويكلها توافقين غصباً عليج ومن عاندته حبسها صار عشر ايام بس يدك عليها لا اكل ولا شرب وابوك ويا وانا ضاله بضيم اخلافك يا يمه
كرار :( عيوني صارت براسي طلعت من غرفه امي وصحت )
... عليييييييي اليووووم ادفنك
ام علي : وسم شني هل حس
كرار : هاي سوالفج **** مو بيدج ال**** البيج ما تخليج تكعدين وتفكين ياخه من عدنا
علي خليل : هيووووو شبيك جاي تزاكط
كرار :( مددته بالكاع وطلعت ضيم گلبي كله بي ونزلت عليه بالفشار وكلها تصيح الحد ما اجه صوت ذاك الرجال اليخوفني صوت خليل بس شني هاي المره ما خوفني ولا راح يخوفني بعمره كله كمت من علي ومو بس حك اختي أخذته لا اخذت حكي مال سنين من الضرب والتفرقه والغلط والجوع كله أخذته وبعدها نار گلبي ما بردانه والله اخذ حكي مربع من عيونهم )
خليل : شبيك جاي تزاكط
كرار : ( مسحت خشمي لأن الحقير ضربني ونزف خشمي صحت )
... البيتتتتت التنهان بي امي واختي وانتَ سااااكت ما اضل بي خلصنه عمرنا كله ننهان وساكتين بس هسه تغير كلشي يا خليل
ام علي : ابن الفصليه هم طلعله السان
كرار : الفصليه الما عاجبتج وكفت دم بين عشيرتين بس وسفه لو مخليه الدم ولا جايبتني وأبوي واحد مثلك
( جاي اطلع وسحبني من ياختي شك التشيرت وضربني بوكس بكل قوته ولا عبالك ابوي ابد ما يرحم )
... الله لا يرحم ابوك لو بذيج الليله نايم ولا مسوي عملته ومخلفك
( دفعني بالكاع وضربني بالعوجيه وكل ما يضرب أزيد بالغلط جنت ما احس بالضرب كد ما احس بوجع روحي التايها أنا كرار الأبوي عايش وبالنسبه الي ميت ابو بس بالاسم عافني وانا منتهي بالكاع كمت بيه مابيه ورحت الاحمد بئر أسراري راحتي يمه طلع محمد استغرب من شكلي بس ما حجه شي صاح احمد واجه وعلي وراه حيل استحيت من شكلي بعدين هوا حس ودخل رحت انا وأحمد البيتهم خليت راسي على رجله وبجيت )
احمد : ولك كرير تبجي ؟؟؟
كرار : ابجي على اختي الما يرحمون بحالها عاد أنا زلمه اهج اشرد كلشي اسوي بس هيا الها الله
احمد : سنه ونص وتصير ضابط وتكسر خشومهم واطلع حكك وحك امك واختك
كرار : هه احمد تعبني حيل
احمد : من شوكت صاير ضعيف ؟
كرار : كل عمري ضعيف وأبين القوه تدري العده ابو مثل خليل تلكا بالمكبره هسه
احمد : اسم الله عليك يله كوم أسبح وبدل
كرار : كايم بس لازم ارجع لان مخلي رأسه براس اختي يريد يزوجها
احمد : خيولي فاشوشي
كرار : غير إذا سواها ادفنه
.....................
عباس : ارددددد انطمر نزلن
ريتاج : لاعبين بغرفتك ؟
عباس : انجبي ولا تراددين ونزلي
عشق : وليش بله عايشين ببيتك وما ندري ؟
عباس : مو بنات انتقام كل وحده آلسانها شطوله
عشق : وهسه شتريد ما ننزل
عباس : مو اجي اطيح حظج
عشق : ما نخاف
عباس : بس اوكفي جايج
عشق :( دخل الغرفته وشردت والبنات وراي اجه فضل صاحه شفته نزل صحت )
... ملاك
ملاك : ها
عشق : تعاي
ملاك : شتسوين
عشق :( سحلتها من أيدها وصعدت الغرفه عباس )
... اوكفي هنا من يجي كليلي مو تصيرين فاهيه
ملاك : شتسوين ولج ؟
عشق : اوووف شكد تحجين راح يجي
( دخلت للغرفه جانت هويته والجواز واوراق على الميز وكلاص ماي بصفهن شمرته عليهن ملاك صاحت )
ملاك : لج عشيقه شتسوين ؟؟؟؟
عشق : اشششش
( طلعت تشيرت حيل يحبه لأن دائماً يلبسه جنت اكل علج لزكته بي وسمعت صوته يصيح )
عباس : شتسوين ؟؟
ملاك : ها
عشق :( عززززا هذا شجابه شمرت التشيرت على الجربايه وطلعت ركض بدون لا اباوع عليه )
عباس : شتسون بغرفتي ؟
ملاك : معليه هاي عشق
عباس : استغفر الله
عشق :( نزلت اركض علي كاعد بالصاله كعدت بصفه أنا زعلانه منا بس محد يحميني غيره )
علي :( جانت زعلانه مني لأن البارحه صحت بيها من كعدت بصفي استغربت وعرفت مسويه مصيبه كتلها )
... شمسويه ؟
عشق : ما مسويه شي
علي : عليه ؟؟ احجي شمسويه علمود اكدر ادافع
عباس : عشششششق صخماااان اليوم اطيحه الحظج وينجججج
عشق : دخيله بشاربك لا تخلي يسويلي شي
فهد : ام الفواين ولا تكعدين
عشق : علييي
علي : غير اعرف شمسويه
عشق : بس لا تخلي يحاجيني
عباس : لو مو علي لو جدي يحاميلج اليوم اطيح حظج اطيحه تعاي لا اسحلج
علي : وسسسم شبيك جنك ثور هايج
عشق : هههههههه
عباس : وسممم علي معليك
علي : شني معليه غير اعرف شمسويه
عباس : هاك شوف شمسويه
علي:( رفع الجواز ماله ينكط ماي وشايل بيده الثانيه تشيرته باوعت عليها لازم ضحكتي كوه وصحت )
... ليش هيج ولج ؟
عشق : هوا يصيح عليه
عباس : لج أصيح عليج تخربين غراضيييي
علي : شبيك هوا جواز اسبوع يكمل والتشيرت أنا انطيك فلوسه عمي بس فكنا
عباس : لك مو على التشيرت بس هيا صلفه حيل وكحه وما تنحمل
عشق :( امي كاعده تخزر بيه وتعض باديها وحبوبه دكت على رجلها وصاحت )
الشيخه : يمه سوده عليه فرفحتك هل مصكوعه
علي : شبيج حبوبه هوا جواز اسبوع ويطلع بس هوا مكبرها
عباس : لك يا اسبوع شهر ما يطلع ااااخ لو اكضج
علي :( باوعت عليها تعيب عليه وهوا مفرفح همستلها )
... ليش ما تكعدين ؟
( رفعت جتافها وهيا تضحك وعباس كعد على الدرج باوعت للساعه تأخر الوقت كمت وكتلهم )
... يله أنا طالع
عشق :( كمزت وكتله )
... لا عليك الله والله يكتلني
علي : وين نعالج ؟
( أشرت برأسها على الدرج ضحكت وكتلها )
... روحي جيبي
عشق : لا والله انتَ لوتي غير يكتلني
علي : فطوم
فاطمه : ها
علي : جيبي نعال عشق
فاطمه : اي
عشق :( جابت فاطمه النعال وطلعنا أنا ويا وكفنا بالباب مال صديقه شويه وطلع علي ابن خليل باوعت عليه وعفست وجهي وكتله )
... اييييع شكد اكرها
علي : ليش ولج ؟
عشق : ما احبه
علي : عيب لا يسمعج
عشق : عادي
علي خليل : هلا
علي : هلا
علي خليل : وانتِ ما تسلمين
عشق : اوووف
علي : يله عشق
عشق : مااا
علي : عيب غير هوا الجبير
عشق : معليه
علي خليل : يله عمي انا اكعد ليوره ابقي ست عشق
عشق : احسن
( طلعنا وهما يسولفون وانا بس اسمعلهم )
علي خليل : هسه علي ما تنطوها
علي : شبيه مخبل وازوجك عشق
علي خليل : شبيه الف وحده تتمناني
علي : وينهن ؟
علي خليل : خاب انجب
علي : صدك البارحه شبي كرار !
علي خليل : اهووووو علي سد الموضوع
علي : شبيك وسم
علي خليل : سد الموضوع ولا تدخل بسوالف بيتنه
علي : مثل ما تريد بس يبقه كرار اخوك
علي خليل : اي اي عود خوش
.....................
عشق : عليييي
علي : ها
عشق : وين ماشتي
علي : ما ادري
عشق : هذا اكيد صديقك الخايس باكها
علي : ولج عيب شني باكها شيسوي بيها
عشق : ينطيها الاخته الخايسه
علي : هههههههه ام السانين نزلي ما عدج غيرها
عشق : احبها
علي : أنا ادورها الج بس نزلي
عشق : وانتَ ؟
علي : جاي وراج
( نزلت وانا صفيت السياره شفت ماشتها على الكشن ضحكت وشلتها الخبله خبصتني خليتها بجيبي ونزلت ومرت الايام وجانت الماشه قطعه من عشق تخليني أشبع من ريحتها بقيت محتفظ بيها وكل ما اشتاقلها اشمها وهيا الخبله كل ما تشوفني تصيح
" ماشتي ما لكيتها " اليوم خلصنا جامعه وراجعين للبصره راجعين وشهاداتنه بيدنه كل واحد بينه راجع واباله هواي اشياء يسويها وخاصتا كرار شايل حقد بگلبه على ابو بس الله يستر منه بيومها رجعنا واحنا لابسين بدلاتنا العسكريه لان جدي مسوي عزيمه بمناسبه تخرجنه اول ما نزلنا استقبلونا الولد )
صكر : كلللللللوووووشششش
زين : طبو يالزهره تلكيهم كللللللوش
عباس : شوكت تعقلون ؟
فضل : عوفهم شخطو من السادس
صكر : اااااخ لا تذكرني
زين : ليش تذكرني بمواجعي گلبي ااااخ
علي : هههههه بس لا تسختون وتنجحون
فضل : هما مخلصيها دراسه سوده عليه
صكر : حضرتك تستهزء ؟
فضل : لا هههههه
فهد : خل ندخل لا يطلع جدي ويرزلنا وتروح هيبه البدله هههه
صكر : لك فهيد تلوكلك
فهد : هههههه يوم الالك
صكر : ايعععع اسم الله
فهد :( ضربته على رأسه بخفه ودخلنا علي اول واحد واحنا وراه )
محمد :( شفت احمد من بعيد لابس البدله العسكريه وطالع يشك شك ركضت حضنته وصحت )
... وعلي تلوكلك
احمد : اخ تمنيت ابوي يشوفني
محمد : نروح للنجف بأجر
احمد : رحت قبل يومين
محمد : اي جا شافك واكيد فرح تعال ندخل
( جانت عيونه مدمعه واضح عليه شكد ضايج لأن ابوي ما شافه بالبدله وبنفس الوقت فرحان لأن حقق حلم ابوي )
احمد :( جنت حيل فرحان وبنفس الوقت متمني ابوي وياي اباوع على كرار عيونه كلها شرار حسيته ضايج لأن ابو ما سواله هيج وفرح التخرجه الله يهدي دخلنا للديوان سلمنا وكعدنه انتبهت كرار ما سلم على ابو وأبو يخزر بي وهوا يخزر بابو لاول مره لأن جان ما يكدر يرفع عينه بوجها وهسه خازره عجيب تغير كرار 180 درجه من كلام وشخصيه وكلشي كلش تغير مو كرار الاعرفه بس بعده حنين )
.....................
علي :( كفت الوادم ودخلنا للبيت حضنتني امي وهيا تبجي من شافتني بالبدله ابتسمت وسلمنا على الكل كعدنا وشويه ونزلن البنات يركضن سلمن علينه )
احمد : لج كبرانه
ملاك : ههههه أنتَ هم وصاير حلو
علي :( عيوني ادور عليها وين راحت شعجب ما تلكتني شويه وشفتها تكمز على الدرج وفاتحه شعرها يكمز وياها وكفت كبالي دكت تحيه وضحكت سحبتها الحضني وكتلها )
... ها ولج
عشق : شلون ادك تحيه سيدي !
علي : والله عمي طلعتي استاذه منو معلمج ؟
عشق : فضل ههههه
عشق :( سلمت عليهم كلهم وكعدت وهما يسولفون على شغلهم )
.....................
كرار :( دخلت البيتنا بيت خليل الرجل الضالم الحقير امي شافتني ونشقت يمكن محد كايللها راح اجي بس خليل مسوي روحه خير وجاي للعزيمه حضنتها وهيا تبجي اجو مرتضى ومنتضر صدك اخوان علي بس يختلفون عليه كلش حبابين عكس علي الشايل حقاره الدنيا كلها سلمو عليه وكعدنا نسولف استغربت ريام ماكو كتلهم )
... ريام وين ؟
ام علي : ياااااا ما تدري اختك تزوجت
كرار : شنيييييييي ؟؟؟؟
ام علي : يا ما كلولك دكت رجل إله تزوجوني لو افضحكم واحنا زوجناها ما عايزنه بت الفصليه تجيبلنه العار
كرار :( سحبتها من ثوبها حيل وصكيت على سنوني وصحت )
... اختييييي ويييين !!!!!!
ام كرار : يمه كرار لا يجي ابوك عوفها
كرار : واذاااا اجه وخرررري يووووم خل يجي أنا مو كرار اليدمغ عليه أنا الضابط كرار واليحاجيني ادوسه ابسطالي
ام علي : دوخرررر اشايف نفسك ****
كرار : سوالف ال**** ذن ما يمشن عليه امشي وياي عدل لا اشوفج نجوم الظهر وعلي
علي خليل : هيووووو وخررر أنتَ شبيك جاي شايخ علينه مساع تخوزر بابوك وهسه تريد تضرب امي وخررررر
كرار : ابوك أنتَ لأن ما اتشرف يصير ابوي
خليل : كررررار تماديت هووواي
كرار : وشتسوي هه تضرب ؟ عادي تغلط ؟ هم عادي تطردني ؟ هم عادي شتسوي مثلاااا سوالفك كلهن متعود عليهن وصارن لا شي ومااااا يهمنييييي
خليل : ادوسك بشحاطتي لا عبالك كبرت
كرار : ماااااا تخوفنييي أنا مو كرار الصغير اليسوي كلشي علمودك لا ذاك مات انتهى الله لا يوفقك لا خليتني اتهنى بطفولتي ولا بشبابي وهسه اجه دوري ما اخليكم تتهنون
علي خليل : السانك طولان ويرادله كص
كرار : اختي وين ؟؟؟؟
خليل : تزوجت
كرار : ليش أنتَ تعرف شكد عمرهاااااا ؟؟؟؟؟ أنتَ مجرم شلون تزوجهاااا فهمنييييي شلووووون ولو انتَ وين تعرف عمرها وانتَ حتى اسمهاااا ما تعرفه لك أنتَ وين تروح من ربك لا أنا ولا هيا شفنا حنانك وانوب تجي تكسررررها وتزوجهااااا عشت عمري كله ما شايف حنانك وما ردت اختي تعيش نفسي وعوضتها تجي أنتَ على الحاضرررر تزوجهاااا الله واكبر عليك الله ينتقم منك وحتى ريحه الجنه ما تشمها حوبتهااااا تطلع بيك وبعايلتك ويجييييي يوووووم وتذكرررر كلامييييييي
مرتضى : كرار تعال خل نتفاهم
كرار : وخرررررو لحد يصير حنين لكم وين جنتو من سوه هيج اختكم الصغيره بدل ما تخلونها بعيونكم تزوجوها ؟؟؟؟ صح مو نفس الام بس تبقه اختكم من ابوكم بس عليمن تطلعون حنان إذا أمكم وابوكم رب الخبث انتَ احجييييي ياهووووو اخذها ؟؟؟؟
خليل : مو هنا سافرت
كرار : لاااااا تخبلنيييي ويييين اخذها منو كال يطلع خوش رجال هاااا ؟؟؟؟؟؟
علي خليل : صاحبي وخوش ولد
كرار : ههه هوا لأن صاحبك أنا غاسل ايدي لأن ما تصادق بس ال****** بس علي مدري شلون صاحبك
ام كرار : وين رايح يمه كرار لا تشلع گلبي
كرار : راييييح الجهنم الحمره بلكت اخلص من هذا المهجوم
.....................
احمد : شبيك محروك دمك
كرار : ال**** مزوج ريام
احمد : شنيييي أنتَ مستوعب شتحجي ؟
كرار : اكُله وين المن زوجتها يكلي سافرت احمد اختي ضاعت كسرت صحت وهوا ماكو على السانه غير السافرت
احمد : خرب يومه لو الزمه لك شلون اكو واحد يزوج بته بهيج عمر لك اختك طفله طفله هذا كفر بالطفوله
كرار : احمد لا تزيدها
احمد : الله يعينك
كرار : احمد
احمد : ها
كرار : بسبب خليل وعلي لا عشت دور الطفوله ولا تهنيت بشبابي ابسط شي طفولتي الجهال تلعب أنا انكتل وهسه من شافني كبرت كسرني ب اختي كلي شسوي وين الكاها ضاعت مني كليييي شسوي احط جيله براسهم واخلص واكيد الماخذها موزين احمد الياخذ طفله شتترجه منه ؟ كسر فرحتي بتخرجي الله يكسره
احمد : اااخ يا كرار اشوف علي يحاجي اخوك المطي
كرار : ما يحجي لو مو علي اخوي واعرفه جلب
.....................
فضل : انتم هيوووو وياي
صكر : وياك أنا
زين : وياك
فضل : مبين وياي اشرحلي هاي صكير
صكر : لا هاي صعبه زين يعرفها
زين : جذاب هوا يعرفها
فضل : الله واكبررر عليكم ترحون للامتحان واحد يذبها براس الثاني
صكر : بس خل اخلص شوفو ياهو يداوم بعد
محمد : انجب لك وراك جامعه هههههه
صكر : لا عيوني وتريدني اداوم جامعه كبل والله ولا اداوم خل ارتاح سنتين هيج
فضل : أي وكل مرحله سنتين ربحنه عمرك خمسين وتتخرج
صكر : غير نتونس
زين : أنا نعسان يله كافي تره قرينه هواي
بنين : جبتلكم فواكه
( طفر صكير يبوس بخدودي ويصيح )
صكر : فدوه العمتي الحلوه اروح
بنين : ههههه ولك كافي
صكر : غير احبج بت الكلب
بنين : ياااا
محمد : والله لو يسمعك غضب
صكر : انجبو منين يسمع ؟
بنين : هههه تعاي اكل
صكر : اموت عليج
بنين : اني هم
.....................
« بعد مرور سنوات »
عشق : لا يمه خوفتينييي دروحي باباااا ربي نفسج لا اربيج
ام عشق : ماما عشق دخلي للغرفه
عشق : ما ادخل وخل اشوفها شتسوي
ام حسين : هاي سوالف بنات خوالج الما مربايات
عشق : اي مو هنا تربايتج روحي بابا لا تخليني اطلع خياساتج
علي : شكوووو هناااا ؟؟؟؟؟
ام حسين : اجه سبع البرمبه تعال الزم هاي العايقه
عشق : والله ماكو غيرج عايقه
علي : عششششق صعدي الغرفتج
عشق : صاعددده صاعددده الله ياخذذذذني واخلص
ام حسين : يمه يمه شوف السانها وصوتها ولا تستحي
علي : كافي عمه سدو الموضوع
( صعدت الغرفتها لكيتها كاعده على الجربايه والعيون دم اول ما دخلت صاحت )
عشق : شترررريد منيييي تريد ترزل هممممممم ؟؟؟؟
( كعد قريب مني وكال بهدوء )
علي : شبيج بابا ؟
عشق : حركت گلبي الحقيره
علي : شبيها ؟
عشق : حسره شافت اميييي مسويه شي تغلط وتسب وهاي زنيبه الادبسز متعلمه الصلافه منها اطلع السانها على امي شطوله ولا عبالك عمتها وانا بعد ما اسكت اليحجي ويا امي كلمه ارده عشره خوش ؟؟؟؟
علي : حقج بس عيب تصيحين عليه وتفشرين مثل فشارها
عشق : اسفه لأن صيحت عليك بس الفشار للمثلها تستاهل
علي : حتى عصبيتج فاهيه
عشق : علوووووووش
( سحبني الحضنه وضحك ضحكه طويله ضحكت ضحكه الرقاصه سد حلكي وصاح )
علي : لج فضحتينه
صكر : أم السانين يكولون متعاركه
عشق : اهووووو هم اجه ابو النسوان
صكر : وشبي ابو النسوان يبزز
زين : ام الفواين سمعتج مسويه طلابه
عشق : شلون ثنين امداكم أنا نازله
صكر : فلا عدج تربيه
عشق : خليتها الك
( طلعت وصارت كبالي ريتاج تهوس )
ريتاج : عالو بيك يل منك تجي العيله هو هو هو
( تهوس وتكمز وانا ميته ضحك اباوع على فضل واكف على الدرج مجتف أديه ومبتسم صافن عليها صاحت )
ريتاج : وسممم شبيج تتمضحكين
عشق :( اشرت بحواجبي على فضل وهيا جفلت بمكانها يمه ارد اسكت من الضحك ما اكدر متت تقرب منها وهمس )
فضل : خوش تهوسين
ريتاج : ها
فضل : ماكو شي سلامتج ام الطلايب غسلي وجها لا تتخربط
عشق : هههههههه اغسله أنتَ يمه بعد شهر ما تشوفها هههههه طلعت تخجل ههههههههههه
عباس : وسم شني هل حس
عشق : اهوووو اجه العقده
عباس : عليمن ولج
عشق : مو عليك حبيبي على فضل
فضل : انا شعليه
عشق : عليك علمود اغسل ريتا
فضل : يله عمي عليه
.....................
علي :( ثاني يوم عدي واجب بغير محافظه وتاخرت شهر يله رجعت للبيت ميت من التعب اول ما دخلت صارت عيني على الدرج عشق تكمز عليه ولابسه تراك ومعالم جسمها كلها مبينه والولد كاعدين هسه من اكضها واشكها بالنص اكو احد يكلي ليش ؟ حضنتني حيل بادلتها الحضن لأن حيل مشتاقلها كعدنا شويه وصعدت الغرفتي صحتها وهم اجت تركض ولا عبالك كبرت )
عشق : ها عيوني
علي : شني هذا تراكج ؟؟؟
عشق : شبي ؟
علي : اشكه عليج
عشق : يا شبيك علي
علي : بابا انتِ غبيه عبالك كلشي ما لابسه وانتِ كبرتي واحنا شباب عيب هيج تلبسين
عشق : والله مابي شي
علي : روحي بدلي عشق
عشق : خوش بس لا تصيح وتضوج
علي : يله عفيه
( رجعت للغرفه سبحت ونمت كعدت بالليل رحت للديوان خلصنا سوالف العشيره بقينا بس احنا كلت الجدي " محتاجك بموضوع " بقينا بس أنا ويا بالديوان كلي بخوف )
الشيخ : ها بويه علي شصاير
علي : كل خير
الشيخ : أن شاء الله
علي : جدي احنا كبرنا والبنات كبرن واحنا شباب اعوذ بالله مو قصه نباوع لو شي بس من نشوف لبس حصر اكيد نفسنا تدنه ف مو حلوه كعدتنه سويه ابد وهنا يردن ياخذن راحتهن واحنا هم
الشيخ : يعني شتريد نقسم البيت ؟
علي : اي
الشيخ : بس بويه انتم كبار
علي : احنا كلنا كبار واعوذ بالله نباوع على البنات غير نضره واحنا عدنا خوات وهنا عرضنه بس جدي الشيطان يلعب بعقل ابن ادم ف احسن شي نطلع كل واحد بيت وحده وخل البنات ياخذن راحتهن وهم تفك المشاكل
الشيخ : مشاكل شني ؟
علي : مشاكل ام حسين ما تبطل هيا وعمتي ام عشق وهم احنا كل واحد صار شكبره وبعدنا نفس البيت ما يصير
الشيخ : هاي هيا نقسم البيت بس احسب حسابك عمتك حنين ويانه واريد كلنا نفس الباب بس البيوت منفصله
علي :( بسته برأسه وكتله )
... الله يخليك النا لا تضوج شيخ
الشيخ : اهم شي راحتكم
علي : أنا من بأجر أحاجي عمامي ونبلش
الشيخ : أنتَ توكف على البناء ما اثق بس بيك
علي : تدلل
( فاتحت عمامي بالمشروع ومحد عارض بس حسين لازم يعترض لأن فكرتي ما عجبته ما اهتميتله اسبوع وفلشنا البيت امي وعماتي راحن الاهلهن بقينا بس احنا وعمامي سوينه أساس الست بيوت حيل تعبنه أنا والشباب وتعطلنا عن دواماتنه بحيث نكمل احمد ما رضه بالبدايه بس جدي كله " اريدك يمي وانتَ ابني اجر بيتكم وهذا تكعدون بي قريب علينه " كوه وافق وحبوبه راحت يمهم هيا وبنين بس هاي الفتره على ما نخلص بيوم الاخذت امي وعمتي ام عشق الاهلهن البنات كالبات الخلقه صحت )
... شبيجن منو ميتلجن ؟
ام علي : هههه ضايجات لأن راح تفلشون البيت
علي : مو زين انعدله وتاخذن راحتجن
فاطمه : علي طفولتنه كلها بي
عشق : وجمعاتنه هسه نروح كل واحد بيت محد يشوف الخ
علي : لا تخافن ولا تضوجن اعتبرنها عطله ومن تجن وتشوفن البيت راح يعجبجن وإذا ما عجبجن افلشه والله اخذنها من هل شارب
زهراء : اهم شي غرفتي وحدي ما اريد فطيم وياي
فاطمه : دولي بابا ميته عليج
عشق :( خلصنا الطريق كله نسولف ونضحك بعد ما طمنه علي أو وعدنا راح يعجبنه وصلنا البيت خالتي نزل علي وانا كمزت كدامه صاح )
علي : شبيج ملكوفه ؟
عشق : اوووي شبيك صار هواي ما جايه
( فتح ليث الباب كمزت حضنته وهوا بادلني الحضن ابتعدت منه وعلي يخوزر بيه ما اهتميت شفت رنا اجت تركض حضنتني دخلو شويه وعلي ترخص منهم لأن وراه طريق وكال الامي بينه وبينها بس انا سمعته )
علي : عمه اي شي يصير أو يضوجكم خابريني اجي اخذج
ام عشق : ما تقصر وليدي
علي : يله نترخص
ليث : دبقه هسه يجي غيث إذا ما يشوفك يخبصنا
علي : غير مره أن شاء الله
ليث : الله وياك عودها
علي : أن شاء الله
( سحبت عشق على صفحه وكتلها )
... بلا لكفه ياهو شايفته حاضنته
عشق : ليش ؟
علي : بابا حرام كبرتي
عشق : أولا لا تكول بابا وثانيا عادي مو جاي احضنك
علي : حتى انا ما يصير حرام كبرتي
عشق : يعني ما احضنك ؟
علي : تكدرين ؟؟
عشق :( حضنته وكتله بزعل )
... لا علي شبيك كلكم اخواني ومتعلمه احضنكم من زمان
علي : ههههه ما ترتاحين يله تاخرت
عشق : الله وياك انتبه النفسك
( ابتسم وراحو بقينه للعصر أنا ورنا نسولف بس هيا ما تسولف جنها تتعارك ما عدها ذره انوثه شكلها كلها انوثه عكس سوالفها غيث كاعد كبالنه يصنف عليها )
غيث : جبار ابو المولد استقر
رنا : غوووويث
غيث : وسم
عشق :( سمعنا صوت هوسه بره ميزت الصوت صوت امير اليلعلع اكو واحد ما يعرفه الهوسه مالتنه اول ما دخل صاح )
امير : هلاااااا وووووالله تعالي لج
عشق : هههههههه شلونك لك خايس ما نشوفك
امير : تعرفين شركات وعمارات وانشغالات
رنا : هجم بيت البانيه
عشق : هههههه حمه
غيث : كام يطير فياله
ميار : وانييييي محد سلم عليه
غيث : هلا والله ابو عامر البنجرجي شلونك
ميار : ها غويث بدينه ؟
غيث : انجبي وانتِ ربانزل بعدج تستحين !
امير : غويث عوف ميرا عدها انوثه عدنا ثنين زلم منريدها تنكلب
عشق : وانااا شني
امير : انتِ زلمه فاهي ههههه
عشق : عااابتك
غيث : تطلعون ؟
عشق : انجب ياهو بي حيل
امير : اي والله بعدني متكسر أجلها
غيث : هوا صوجي انتم مال طلعه انتم مال دك بالنعال
امير : صونده يابسه وعلى ضهرك لا تجفص
غيث : انجب
.....................
فاطمه :( ما عدنا علاقه ويا خوالي لأن بعيدين وبس امي وعلي يرحولهم من كال علي نروحلهم حيل ضجت بس شنسوي مجبورين دخلنا الهم شويه وزهراء بقت تسولف ويا البنات وأخذت جو كعدت بالاستقبال اراسل زوين وصكير جنا مسوين كروب كلنا بي بس محد موجود بس هما وكاعده اتراسل وياهم )
زين : وجه الطاوه شلونهم خوالج ؟
فاطمه : ولا شايفتهم
صكر : ليش ؟
فاطمه : ما احبهم شكد يفخفخون ومعقدين ايع ياهيا اكعد يمها تبقه طرطن ختبني دكتور ومقبلت والثانيه ختبني محامي وما قبلت أن شاء الله يخطبهن عزرائيل على هل جذب
زين : هههههههه خاب شكد احب سوالفج
حسام : ويامن تتراسلين ؟؟؟
فاطمه :( رفعت راسي وباوعت منا ومنا ماكو احد باوعت عليه وكتله )
... وياي ؟
حسام : لا ويا الحايط ويامن تحجين ؟
فاطمه : شعليك ؟؟؟؟
حسام : ما دام كاعده ببيتي وتنحسبين عليه ما اريد ***** وكولي ويامن تتراسلين وتتمضحكين
فاطمه : اتوقع هذا الشي خاص بيه ومعليك
( جاي اطلع سحب الموبايل من ايدي باوع بي وصاح )
حسام : هذااااا منووووو ؟؟؟؟
فاطمه :( سحبت موبايلي وطلعت وانا احجي عليه )
زهراء : شبيج ؟
فاطمه : إذا ابقه هنا انتحرررر لج ناس لعبان نفس راح اخابر علي ياخذني العمتي حنين
حسام : اي علمود خوش ******
فاطمه : شوفييي شلون يفشر ما عده كل تربيه
حسام : خليتها الج أنتِ والتحجين ويا ويحب سوالفج شسمه ها الخبل مالج
فاطمه: ( ضحكت ومشيت جنت مسميه زوين الخبل وصكير شاخط اسامي معوقه بس حلوه تلوكلهم )
... وانتَ شعليك هي يا الله بعدنا اول يوم وكام يحاسب مسوي نفسه زلمه
( راد يضربني وركضت يم امي بقه بس يخزر بيه )
.....................
ملاك :( مر اسبوع على الشغل بالبيوت سوده عليه الولد هلكو جنت اغسل بالكراج واندك الباب صحت )
... منو ؟؟؟
كرار : أنا كرار
ملاك :( فتحت الباب وكتله )
... ها
كرار : صيحي احمد
ملاك : اي
( ركضت الغرفه احمد ما لكيته سمعت صوت ماي بالحمام دكيت الباب واجاني صوته )
احمد : ها
ملاك : كرار بالباب يريدك
احمد : كليله يبدل ويجيك
ملاك : اي
ملاك :( طلعت بره لكيته يغسل اديه ورجليه بالصونده يمكن جان يشتغل كتله )
... يبدل ويجي
كرار : خوش كليله منتضره يم بيت جده
ملاك : اي
( راح كرار شويه ونزل احمد كتله " كرار يكول منتضرك يم بيت جدي " هز رأسه وباسني براسي وطلع )
.....................
عشق :( ضوجه وكل وحده لازمه موبايلها جنت اراسل بالكروب نكلهم " صورو البيت " ما يقبلون ونتعارك فزيت على صياح رنا )
رنا : كومن نركص
ميرا : شعدنا عرس ؟
رنا : اي عرس ابوج كومي لج
ميار : اي صدك كومن لأن حيل ضوجه واحنا يومين ورايحين خلي نتونس
رنا : هيوووو عشيقه ويامن نحجي
عشق : ها
ميار : تراسلين منو والضحكه شاكه حلكج
عشق : ههههه محد جنه نتعارك ويا الولد يكولون علي شكنه بالشغل وطشرنا من وره أفكاره
رنا : بس الصراحه احسن أني كل ما اريد اجيج امي تكلي عيب هما مو وحدهم وانجب واكعد
عشق : ضايجه خاف ما نلتم مثل قبل وهسه حميد يكول كل واحد وحد لا انشوفكم ولا تشوفونا وصكير يكول لا أرى القرد ولا القرد يراني
رنا : ههههههه شلون مثل والله يا صكير
ميار : لتضوجين مو علي كال إذا ما يعجبجن افلشه مو وعدجن هذولي يجذبون
عشق : هوا هيج بس خطيه فاطمه ضايجه ما تحب خوالها ابد كلت العلي يجيبها هنا يكول عدي شغل وعيب شني تجي الخوالج
رنا : علي كون الزمه ااااخ
ميرا : دنجبي الفصمه شتسوين هوا إذا يوكف يمج تضيعين
رنا : تشككين بقدراتي ؟؟ مع الاسف
عشق : هسه شتردن ؟
رنا : كومي نركص
عشق : شايفتني ركاصه !
رنا : اهووووو عشيقه كومي
عشق : كايمه كايمه
( رنا جايبه فساتين مصريه يخبلن كالت " إله تلبسنهن " حتى ميرا لبستها كوه وطلعت اغاني بالصاله الفوك ومطمئنات الولد ما يجون هسه )
رنا : أنا ارد اعوفن كل هلي وارد امشي وياك
عشق : خلوني وبلايه الضعن مكدر بلياك
رنا : اناااا ارد اعوفن كل هلي وارد امشي وياك كلوووووشششش
ميار : للكاااع للكاع هلاااا
رنا : ميرررررا كومي هزي لا اعضج والله
ميرا : لج استحيييي
رنا : والله اعضج وتعرفين عدي سوابق وعضتي كلها تحلف بيها
عشق : هههههه اي والله ريتاج المسكينه كل ما نجيب طاريج أيدها توجعها
ام ليث : ولجن شعدجن عرس
رنا : اي ماما اريد ازوج بابا
ام ليث : ايا بنت الكلب
رنا : هسه انتِ غرتي عليه وسبيتي شنو السالفة
ام عشق : خليهن متونسات تعالي
ام امير : كملن وتعالن اكلن كيك ويانه بالحديقة
رنا : تمام
... يله نرجع بس غيرن الاغنيه
ميار : يله بس اسمع مني يلي مجنني
رنا : أنا المتعذب
عشق : وانتَ المتهنيييي
رنا : أنا المتعذب
ميرا : وانتَ المتهني هههه
امير : لا والله أنتَ المتهني وانا المتعذب
عشق :( درنا وجهنا على مصدر الصوت الولد واكفين عزاااا واحنا جنه نهز هززز خرب خوب ميرا وجها صار احمر راح يغمى عليها خطيه توها ركصت لأن رنا خزرتها يمه شكد عيب ليث صاح بعصبيه )
ليث : منو عرس ؟
رنا : ضايجين وكلنا نركص
غيث : هاي سوالفج مبينه
رنا : وشبيهن سوالفي
عشق :( اباوع ميرا اختفت وليث ماكو وذولي يتعاركون رحت للغرفه علمود اغير ملابسي وسمعتهم )
ليث : شنو هذا ؟؟؟؟
ميرا : والله رنا كالت
ليث : والبس هم رنا ؟؟؟
ميرا : شبيك ليث مو كلهن لابسات ويركصن
ليث : انييي معليه بيهن عليه بيج
ميرا :( كتله بالكوه لأن حيل استحي من الولد وخاصتا ليث مو انوب واكف ومبيناتنه بس شبر )
... شعليك بيه هذيج اختك وحاسبها
ليث : طالعلج الساان ميرااا
ميرا : مكلت شي
ليث : عيديها وشوفي شسوي
عشق :( طلع وجها محتقن باوع عليه وراح شبي هذا دخلت للغرفه ميرا كاعده على الجربايه ولازمه رأسها كتلها )
... شبي هذا ؟
ميرا : ما ادري مخبلني البس ضيك ميرضه اتشاقه ويا غيث ميرضه شسوي ميرضه حتى من احضن امير يخزرني واني منا اخاف منا
عشق : عوبه بس لا يحبج
ميرا : انجبي هوا هذا عنده گلب
عشق : سالفته مو خاليه وليش ما عده گلب وحد بس هوا غبي وحبج يلفاهيه
ميار : منو حب منو ؟
ميرا : ماكو شي عشق وحدها تحجي
عشق : نشوف رنا وين ؟
ميار : ما ادري
.....................
رنا : شبيييك صافن
امير : ها شسمه
رنا : احجي يمعود
امير :( تقربت منها وهمست )
... ركصج حلو
رنا :( بلعت ريكي وتوترت لا يربي بس لا اشتغلت الانوثه ابد مو وكتها شجاك جبار ما اتوقعتها منك تعوفني بهاي اللحضه خرب لو الزمك )
امير : شبيج ؟
رنا :( خرب امك جبار وين رحت خرب بس الزمك اااخ ولك بس هسه ساعدني وينك كوه طلعت مني )
... ها شنو
امير : ركصج كلش حلو
رنا :( بدلي اضربه راجدي بس الانوثه مدري منين اجت كتله )
... شبيك امير ؟
امير : انتِ شبيج خدودج صارن حمر
رنا : كافي امير عيب شنو هذا الحجي
امير : ااااخ ولج شلعتي الگلبي بركصج
رنا :( شردت الغرفتي واني اغلط على جبار )
... خرب روحك جبار لو الزمك اشبعك دددك خرررب بيك
عشق : شبيج ويا جبارو ولج
رنا : لج فشلنيييي خرررب
( حجيتلهن كلشي وهنا فاتحات حلكهن ويضحكن )
ميار : والله وكعت يا أمير
عشق : هههههههه
رنا :( شمرت المخده عليهن وصحت )
... كوووومن منيييي انعل ابوجن يابو جبار
البنات : هههههه
عشق : لا اليوم ركصه خير اكتشفت سالفتين
رنا : شنو ؟
عشق : شعليج هههههه
.....................
فاطمه :( كاعده بالمطبخ احجي بالكروب اشتاقيتلهم كتبت )
... علي طشرتنه وين تروح من الله ؟
علي : غير علمودكم بس انتم مو شكل نعمه
مروان : هلااااا شجاي تسوين ؟
فاطمه :( سديت الموبايل وصحت بصوت عالي )
... استغفر الله انتم شتردون مني كل ما الزم الموبايل واحد ناط منكم ما عدكم غير فاطمه !!!
مروان : شبيج يمعوده شحجيت بس سألتج شتسوين
فاطمه : ويا ريت ما تسأل وتدخل لان لا اخوي ولا ابن عمي
مروان : ابن خالج لا تنسين
فاطمه : على نفسك
ام علي : شكو شبيكم ؟
فاطمه : خل ولد أخوج يفكون ياخه مني لا وحق الله اخابر علي يجي ياخذنيييي تره موتونييي
ام علي : يا يمه شصاير غير افتهم
ام مروان : يا شني هل صلافه تصيح بوجه امها فلك عود هاي بت الشيوخ
فاطمه :( طلعت بره خابرت عشيقه لأن كلش اختنكت الوضع هنا لا يطاق ما اكدر اتعايش وياهم )
عشق : ها ولج شبيج
فاطمه : راااح انفجر
عشق : شكو ؟
فاطمه : ولج حسره لزمت الموبايل واجو شكو شتسوين يا اخييي انتم شعليكم
عشق : خيولون هيا كم يوم وراجعه لا تسوين مشاكل
فاطمه : عود اشوف
حسام : هيووووو انتِ شعدج هناك
فاطمه : تف لا هلا اجه جبيرهم
عشق : على كيفج هههههه
فاطمه : خيرررك ؟؟؟
حسام : ما تدرين ممنوع وحده تروح هناك
فاطمه : لا ما ادري
حسام : جا دخلي جوه وإذا طلعتي بعد اكسر رجليج
فاطمه : شني تايهتلك انااا
( ركعني على حلكي وصاح )
حسام : سنونج اكسرهن بحلكج إذا صيحتييي ادبسزززز
فاطمه :( تفلت بالكاع وصعدت للغرفه افور من العصبيه لكيت زهراء متمدده تلعب بالموبايل وتضحك شافتني عدلت كعدتها وكالت بخوف )
زهراء : شبيج !
فاطمه : الحقير ضربنيي
زهراء : منو حسام ؟
فاطمه : اي صخمان والله هسه اخابر علي اخلي يجي يربييي
زهراء : انجبي وكعدي وين مخابره علي عوفي الولد عده شغل وانتِ كعدي ولا ترحين يمه هوا مجلوب
فاطمه : والله إله اربي هل ادبسز
زهراء : كافييي كعدي يمي وسكتي
فاطمه : ويا منو تحجين ؟
زهراء : ويا فهد
فاطمه : تخبلتووو ؟؟؟؟ علي لو يدري طلقه براسج وبراسه ويفك منكم عابتلكممم
زهراء : تره ما مسوين شي غلط بس يسأل عليه واسأل عليه لا تكبرينها
فاطمه : نشوف وين توصل وياكم كون يلزمكم علي ويطك راس براس وكبل للنجف ربييي دعوه مظلومه
زهراء : تف من حلكج انوب دعوه مضلومه وين الظلم بالموضوع مخبله والله
.....................
علي : شبيك مهموم ؟
احمد : علي كرار شالع گلبي ارد اشوف الله شوكت يباوعله ويحن عليه صارله سنين يدور على أخته وعلي الجلب ما يرضه يكله اتزوجتمن وفوك كل هذا أمه مريضه واصله للموت وتريد تشوف بتها
علي : علي صاير نكس كلش كل ما أحاجي وكلي سوالف بيت لا تدخل عمي غير اخوها يكلي أنا هم اخوها
احمد : خر* بغيرته لك علي لا تشوف كرار يشتغل ويساعدنه ويضحك ويسولف بس گلبه نار بس يريد يعرف ويامن عايشه إذا مرتاحه هاي قسمتها قابل يسحلها ويجيبها وإذا مو خوش قسمه يجيب أخته بس هذا ال**** ما يرضه يكله
علي : راح أحاجي للمره الاخيره الخاطر كرار إذا ما قبل بعد سويت الاكدر عليه شبيدي !
احمد : ما تقصر
.....................
علي خليل : علييي سد الموضوع الخاطر امك
علي : هسه غير يخليني احجييي
علي خليل : مو مليت من هاي السالفه وحفظتها
علي : اسمعني وانجب
علي خليل : علييي
علي : شوف علي كرار إله حق يعرف أخته وين ومنو تزوج أخته
علي خليل : لا ماله حق
علي : يعني ترضه كرار يزوج وحده من اخواتك وما تعرف ياهو رجلها ؟
علي خليل : غير اشكه بالنص
علي : لا اله الا الله إذا ما ترضاها على نفسك ليش ترضاها عليه يا اخي هوا يكول إذا خوش رجال ومستقره قابل يسحلها ويجيبها كوه وتره أنتَ طوختها يعني الولد صارله سنين ما شايف أخته وما يدري ميته عدله
علي خليل : خيولي جذاب وكلشي مابيها عدله ومدللة
علي : الكلام وعدمه وياك نفس الشي
علي خليل : اذا تعرف شكو تحجي صارلك سنين كل ما تشوفني تحجي بنفس السالفه
علي : أنتَ ليش غبي يعني اذا زينه ليش ما تجيكم هاااا !؟؟ أنتَ خبل تره هيا هم اختك علي امها مريضه تريد تشوفها بله ماتت وهيا تريد تشوفها شتسوي ما عدك ضميرررر انتَ ارد افهم
علي خليل : هذا يومها بلكت تخلصنه ويروح وراها ابنها ونفك
علي : ما أكول بس الله يهديك استغفر الله
.....................
بنين :( كاعدات أنا وملاك نسوي كليجه وكاعدين يمنه صكير وزوين يشكون )
صكر : والعباس مليت
زين : شوكت يخلص هذا البيت الاكشر شك **** شك
محمد : اااااخ يمه ضهرررري
ملاك : لااااااااا
محمد : وسم شبيج
ملاك : توني مسحت البيتتتتت
محمد : كبر عبالي شكو
ملاك :( كعد على القنفه وصخها ااخ شكد قهر خزرته عيب عليه وصاح )
محمد : اااااخ يمه ضهري انتن وكت كليجه واحنا مشكوكين بالنص
بنين : احمد مشتهي
محمد : اي احمد لو محمد جا كلتن وين نلحك عدنا بناء عيارتجن ما تبطلنها نسوان كيدجن عظيم
ملاك : اهووووو شكد تحجي
زين : يله ما طلعت كليجه ارد اتزقنب
محمد : كثرينه ام التمر
زين : ماكو كليجه تتحشه نسوان جيبنها الصكر خطيه
صكر : هوا انتم كلكم تموتون على رب النسوان بس صكر الصيت عليه وهوا حديقه
محمد : هههههههه ااااااخ ضهري لا تضحكوني
ملاك : جنك مره حامل هههههه
محمد : انجبي لج ااااااخ يمممه لحكي ضهري راااح بعد ما اخلف
ملاك : شدخل الخلفه
محمد : سوالف كبار لا تخلين خشمج ااااخ
فضل : خااااب كوووم هوا أنتَ شسويت شو أنا الطايح براسي كل البناء أنتَ كل ما لزمت شي ورحت غسلت ما احب التراب كوم كوووم اااااخ ضهري كوم لك كوم ضهري انكسر
بنين : سوده عليه
محمد : شو فضيل سوده عليه محمد طبه مرض اااااخ منجن تفرقن كيدجن عظيم
ملاك ( ضحكنه عليه وهما واحد يتعارك ويا الخ دك موبايل زين شاف المتصل وضحك صكير صاح وهوا يغمز )
صكر : ها هاااا هاي صاحبتك
زين : انجب لك
صكر : وتكولون عليه ابو النسوان منيلي بس سمعه
ملاك :( رد على الموبايل وجها كام ينطي الوان وعيونه صارن حمر صاح صيحه رجت البيت رج وطلع يركض كلشي ما فهمنه اجت امي تركض كالت بخوف )
ام احمد : شكو شبي زين ؟
بنين : أندري شو انخبص وطلع
ام احمد : أن شاء الله خير
ملاك : أن شاء الله
.....................
فاطمه :( كعدتني زهراء كالت " صارت فاتحه عد كرايبهم وراحو كلهم والبيت فارغ وانا راح اروح ويا البنات البيت خالي ابو عبد امشي وياي " أنا نعسانه ما رحت كعدت من النوم الساعه بالسته تقريباً نزلت للمطبخ البيت فارغ ماكو احد اجه حسام اهوووووو شلون عطلات كعد يمي بالمطبخ وكال )
حسام : صبيلي وياج
فاطمه :( اصبلك سم صبيتله وانا سويت لفه جبن ورحت اكل بالصاله خلصت اكل وكمت اغسل اديه حسيت احد لزك بجسمي من وره درت وجهي ودفعته ما يندفع بقيت احاول وهوا جنه حجاره يتقرب مني ويبوس بيه وانا ادفع واصرخ وهوا مستمر القذر يمي ماعون ركعته برأسه وشردت فوك رجليه ما تشيلني اول ما دخلت للغرفه قفلتها وكعت بالكاع رجليه ترجف ما ادري شلون لزمت الموبايل واتصلت بزهراء ناسيه موبايلها هنا وامي ما اطلع موبايلها وياها وهما ما اعرف رقم احد منهم شلون يا ربي وهوا مستمر يدفع بالباب ويصيح والولد إذا اخابرهم شيجيبهم يربي ساعدني كمت اصرخ واصيح بصوت يرجف )
... علييييي خويييه الحكلي وين عفتني
.....................
يتبــع ... 🦅
للتـواصل انستا
كــوثـر الـ جـاســم 🖋🖤