قيود_ " خلف القضبان "✨
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول :- انا اول ما شفتـچ گلت يابخـت الي تحَبه ؛
معقول مع الايام صَــرت انا الـيّ يا بختي
«ــــــــــــــــــ«•»ـــــــــــــــــ»
رأيتُ جبالاً ضخمة
وأحزاناً أضخم منها.
رأيتُ مدناً تهرب من سكانها تحت جنح الظلام
وسكاناً يستيقظون في الصباح ولا يجدون
مدينتهم فيقضون بقية حياتهم في العراء دون أن يتذكّروا مدينتهم الراحلة بكلمة, او حتى اشارة
رأيتُ طرقاً تنسحبُ فجأةً من تحتِ أقدامِ العابرين وعابرين يسيرون ويسيرون ويسيرون
بدون أن يصلوا إلى أيِّ مكان
أو يتزحزحوا من أماكنهم قيد نملة!
ولكن وفي كُل هذا الظلامِ لطالما
رأُيتُ عيوناً لم تنطفئ
وقلوباً لم تضعف , وصبراً لم ينفد
وصوت حياةٍ لم يختفي ، وشخصاً لم يتغير
وحلماً لم يتلاشىء , وافكاراً تنير و تتحرك
واملاً يرفضُ التوقف ،ورحمة لازالت تطوفنا
ويقيناً بخيراً سنلتقي بهِ يوماً ما.
..........يوماً ما
خرچت عن افگاري من سمعت صوت اخوي وهوه يناديلي تأفأفت من عده بس يطلب والقرآن تعبني عبالك بس اني بالبيت طلعت من غرفتي ونزلتله جوه لگيته كاعد بالمطبخ وياگل هوه وماهان باوعت عليهم ثنينهم واردفت :-
- شبيكم يالحمزه ما شايفين اكل لو ما توه الاكل جان كدامكم
رفع يامان تگ حاچب واردف - وانتي شكو اعتقد ما خسرانه من جيبچ
- اكل بعد اخوك اكل عوفك منها خلي تولي
- هسه خلي تولي وبعد شكم يوم تعالي يا روهانا سوي هيج وجيبي هيج موو لو مو مو ؟؟
هزو رأسهم بمعنى " لا " واردفو بنفس اللحظه - لااا مو مو
- المثلگم عدهم قصور واعمار وبنايات
- هسه احنا لاگينهم الي مثلنه حتى نصير مثلهم
- ويامن احجي اني هم لو الحايط جان سمعني
- هسه انتي عليش ضايچه ؟؟
- ضايجه من تصرفاتكم
- نعدلهن لا تخافين بس خلي يصيرلنه مجال
- درينه بيكم توأم بس مو هيج حتى العقل نفس الشي جا إذا تزوجتو شلون
- خرب إنه ذكرتيني بالزواج
- حتى نفسي لعبت جيره بگصتچ هروانه
- خرب حظيي حتى اسمي لاعبين فلگ بي
- للاسف اني من ادخل على لعبه لازم افوز يعني ما بيها مجال للنقاش فيعني حتى اسمج لعبنه بي
- اريد يوم اشوفج تضحگين بي ابد لا هناك تضحگين ولا من اجينه هنا تضحگين شنو قصتچ بلا ؟؟
باوعت عليهم وسگتت محد يدري بالي بداخلي غير بس رب العالمين هواي كلام بداخلي اريد اگول بس ساگته ومتحمله واول شي من عفت هازال
بدون ما أودعها بالگوه مسيطرة على روحي حتى لا ابجي كدامهم وگف يامان غسل أيده وطلع بقى ماهان ياگل لحد ما خلص اجتي * يمامه *
للمعلومه يمامه تصير الشغاله مالتنا يعني تساعد
ماما وتسوي وياها وترتب وتنضف
كلشي وحيل حبابه من زمان اعرفها شالت الصينيه من على الميز وراحت للمطبخ كعدنه
اني وماهان بالصاله نضرب صفنات
لحد ما حچه ماهان :-
- سمعتي بالخبر الجديده ؟؟
- لااا شنوو؟؟
- خالتچ وبناتها جايات بالطريق
- يوووه شكد قديم انت من زمان اعرف
- حلووو وانتي شمدريج بالله
- البنات سولفن اوگف بس لااا يامان راح عليهم
- علساس من الصبح يطلع وياهم بس جان عنده شغله وما كدر
- اول مره بحياتي اشوف هيج شي يعني حتى الكلمات تعچز عن وصف الشي الي ديصير ويانه
- كلشي بهاي الحياة يعجز عن وصف بيت خوالي بأكملهم
- عن حقارتهم ولاا حقدهم على الناس أو على قتلهم أو على عذابهم أو على شنو كلشي سوه خوالي راح يتحاسبون عليه واحد واحد
- سگتي لا تذكريني
- صدك الولد وين ؟؟
- بس نسور هنا
- جا وين ما يجي يكعد ويانه
- انتضري خلي اشوفه وين مولي
طلع ماهان برا يشوف نسور وين شغلت التلفزيون وكعدت انتضره لحد ما يچي مرة بالعشر دقائق وهوه ماكو باوعت على الباب من صار صوت المفاتيح اكيد امي اجتي لگن خاب املي من شفت تسنيم زوجت نسور لگ هلا اجيتي والله جابج ؛-
- يأبه شنو هاي ترا الجلب الي عضج كتلناه شنو هل غيبه
- شسوي يمعوده صحراء موتني
- صحراء بعينچ لچ ما اسمحلچ تحجين عن ابن خالتي
- دطيري انتي وابن خالتج
- كوارث لاا تخليني اكوم انعل النعال على راسج
- هاي شلون رهمتيها
- شلچ دخل بگيفي
- طاح حظچ اي والله مو صوچچ هوه
- وينه نسور
- شكوو تسئلين على زوچي ؟؟
- لا تخافين ما اريده أخذه بس جاي اسئل
- اخذذي حلال امج وابوچ ما اريده
- عزا بعينچچ ولچ وين اگو أحسن من نسور وداعتج لو تفترين الديره كلها ما تلگين مثل نسور
- شكد يحجي ويثبرني بالحجي اني ما احب الإنسان الي يگبر المواضيع وصحراء يسويها بگبر جدي
- بلاا حجي زايد اعترفي انو ما راح تلگين مثل نسور
- هوه صح بس ....
بعدهي ما كملت وقاطعتها :- چا خلص انطمي
سگتت هيه تحجي ويه نفسها واني هم سگتت كعدت يمي وبلشت تحجيلي عن خالتي ام نسور شسوت من عرفت انو خالتي راح تچي الي صار أكثر من أربع سنوات ما شايفينها ولا نعرفها اصلا :-
- هيه كم ابنيه عدها ترا نسيت ؟؟
- حسب ما سمعت عدها بنات ثنين بس ولد ما عدها
- كثرن بناتنا والقرآن لو عدنه جيرانه جان هجو من زمان هم زين الحشرات والحيوانات ما الهن السان ويحجن جان عيطن وشردن من زمان
- سكتي خيتي اني هم فگرت كلت شلون راح يجن وين راح يعيشن اصلا لأن من المستحيل يعيشن وياكم
- ما اعتقد يعيشون وياكم يجوز عدهم بيت هنا شمدرينه
- عليمنه دتحجون ؟؟
لتفتنه اني وتسنيم بتفاچئ من صار نسور وماهان ورانه :-
- دنحجي على خالتي
- هسه دعوفوها لخاطر الكعبه شكيتوني نصين بيها حتى خطيه هسه كل ما تحجون تحگها رچلها
- اني من اليوم الي كالو بي عندك خاله اتبريت من كل خالاتي
- صواب كون صابگ يول شنو تبريت من خالاتك اكو واحد يتبره من خالاته
- ءءيي اني
- انچعم بمكانك عيناياتي لا اكوملگ
- ايي كلمه ما تنچمع تعالو يم نسور يجمعلكم أي كلمه تريدونها
- اعچبگ اني
- استاذ عربي من باب الشرچي
- خرب روحك على هاي السالفة
- أكلك صدك ما حجيت ويه عبد المعز اكيد هوه هناك
- حجيت وياه قبل شويه يگول هازال دخلت على جدي خر** عليه خر** يگول وكلته خ**
- لااا بشرفك ؟؟
- والعباس يأبه يكلگ جدي من الصدمه ما يعرف شيگول
- واني اكول ليش جدي ما اجه هنا الحجي
- خليها والقرآن هازال راح تسوي اشياء لازم احنا من زمان نسويها واني متأكد من هذه الشي
انصدمت من گالو هازال اتذگرت صديقتي هازال الي تعرفت عليها بالمدرسه بس مستحيل تكون هيه لأن هازال ما عدها خوال بس امها الوحيده لأهلها فما شگيت اكو مليون والف وحده اسمها هازال :-
- زين أكلك وهسه شلون شوگت يجون
- مادري حسب شوگت يخلص النقاش مالتهم
- عاد جدك راح يصير شيخ براسهم ويوزع نصايح اله ما يكول بس
- دخلي يطير هوه وعگاله لو لابس شال احسله
ضلو يحجون نسور وماهان عن جدي هازال بنت خالتي شمسويه بجدي بعد شيبي خليها ريحت گلبي باوعت على تسنيم ميته من الضحگ الولد يحجون وهيه تضحگ خرب روحچ كوارث شكد تگره جدي
اصلا بهذه البيت محد يحب جدي غير بس الزعيم وما موجود هنا عفتهم يسولفون بگيفهم وصعدت لغرفتي كعدت اراچع بالرياضيات لأن بعد شگم اسبوع نمتحن اخر السنه ولازم اطلع معدل عالي اني
خلصت كل الكتب بس الرياضيات بقالي ولأن باجر دوامي صبحي وما الحگ لأن من أجينه هنا ابوي نقلني للمدرسه الي موجوده هنا ضليت اراجع لحد ما غفيت على الكتاب !
كعدت الصبح على صوت عياط عالي نهضت رگض من الجربايه حتى مادري بروحي شوكت اجيت للجربايه دخلت الحمام غسلت وبدلت لبست جنطتي بسرعه رشيت عطر ونزلت رگض بست امي وطلعت ويه طلعتي لگيت يامان ونسور متعارگين على الطلي مالت ماهان :-
نسور - هسه انت شعليك بس اريد منك تجيبه اله وبالنص اني وياك
يامان - لااا حبيبي اعذرني اني ما اخون اخوي علمود فلوس
نسور - هاي كلاواتك بطلها ترا عابرات عليه هوايه
يامان - وانت شكو حارك نفسك هوه مالت ماهان انت شلك دخل
نسور - اريد اشوفه صارت حوصه بط**
يامان - خرب عرضك فضحتنه
نسور - دسكت محد سمع المهم قبل لا يكعد أحد خلي نذبحه لو نبيعه
يامان - هاي شبيك وحق محمد لو الانبياء كلها تنزل هنا ما انطيك الطلي
نسور - تفضل الطلي عليه ولك
يامان - بنعال ما اشتريگ انوب بطلي
نسور - خرب شرفگ يامان على هاي الدگه
يامان - ومحمد لو ادري انطي للجلب ولا انطي الگ
نسور - كافي لا اضل تعلس فتهمنه
يامان - هسه شراح تسوي
نسور - ما اسوي اروح اشوف شيريدون من عندي
يامان - أكلك صدك احنا ليش كاعدين من الصبح شنو عماله
نسور - دسگت ذگرتني بنات الجامعه مالتنا يكعدنه من أربعه الفچر يتمكيچن وما يكفيهن الوقت يضلن بالسياره الطريق كله يتمكيجن وتملغطن
يامان - عاد شلونهن جلحات ملحات
نسور - هم الجلحه الها وجه عاد اكللهه الجلحه هنا هناك احتار شنو اگللهن حتى الدكتوره احتار شنو احجي وياها
يامان - مشگله ياخي يموتن على تلغمط لازم يحطن لبخ ما يكدرن والبني محمد يحطن سمنت ورمل أكثر. من الخلفه
نسور - لااا تغير الموضوع هسه احنا موضوعنه الأساسي الطلي
يامان - والله لو يجي دينگ ما انطي الحالگ تحجي
نسور - هسه هوه طلي وإذا راح تنقص اذا خليتني اشوفه
يامان - ادري بسوالفك اني بحجت اشوفه وتخمطه
نسور - خرب عرضگ شكد نجر
يامان - هسه عليمن اي تمضرط وتاگل نعال لو بهاي كلام جان جايب الطلي وجاي
نسور - هههههه ضحگتني
يامان - ايي من گد سخافت كلامك تضحك
نسور - دكوم لااا يجيك ماهان يلعب الماسحه على اظهرك
صارت ضرب بيناتهم ضحكت على حركاتهم والله
لو يدري ماهان بيكم ليموتكم عفتهم وطلعت من البيت لگيت ابو الخط ينتَضرني بالباب صعَدت
الخط وانطّلقنه للمدَرسه ،
طول الطريق بالي مو يمي وبس افگر ساعه افگر بـ هازال ساعه افگر شصار البارحه اگيد خالتي اجت وصار شي بس من گد غبائي نمت شگد ثوله يالگعبه وصلنه للمدرسه ونزلت من الخط ويه البنات .،
اول مره اجي على هيج مدارس ماعرف نظامهم يختلف عن نظام مدرستي القديمه صعدت للطابق الثاني لأن صفوف السادس فوگ حطيت جنطتي على الرحله جانت فارغه وكعدت انتضر شويه وجان تدخل المدرسه وگفنه احترام الها باوعت علينه واردفت :-
- بناتي الحلوات اليوم عدنه ضيفه جديده جايه علينه اريد منكم تصيرون صديقاتها وحبابات وياها لأن جديده على منطقتنه وما تعرف اي شي عن قوانين مدرستنا ماشي ؟؟
اردفت وحده من البنات :- تمام ست تدللين
- عمري انتي ما اريدج تقصرين وياها وياها
- تمام ست
باوعت عليه واردفت - شنو اسمج حبيبتي ؟؟
- روهانا ***
- عاشت الاسامي حبيبتي اسمچ نادر وحيل حلو مثلج
ابتسمت الها مجامله واردفت - شگرا ست
بلشت تشرح وتحجي ويه البنات واني مو يمها كل بالي يم هازال من دخلت المدرسه تذكرتها جنت اجي قبلها واضل انتضرها لحد ما تجي يالله اوخر من مكاني بس الاسف بعد ما اكدر اشوفها الله كريم
الايام طويله ونشوف شنو راح يصير مشه اليوم عادي بس جضت شويه من المدرسه كالت ليش ما لابسه حجاب وهيه المديره شافتني وكلشي ما كالت
بعد هيه شگو ما هتميت الها والصراحة گل المدرسات حبابات وياي حتى البنات بس اني ما
متعوده اجتمع بأحد لو اضل افتره المدرسه گلها ولا اخلي أحد ما أعرفه يمشَي وياي بس هازال جنت بالمدرسه امشي وياها ام هَسه لا ما امشّي ويه أحَد.
خلصنه مدرسه وطلعنه للبيوت بس گلش همچ بتصرفاتهم من يطلعون للبيت عبالك جهال صغار مو سادس واصلا ولا عبالك بنات عبالك ولد ما اهتميت لبست جنطتي عدل وصعدت الخط انتضرنه لحد ما
صعدن گل البنات يالله مشينه وصلنه للبيت ونزلت من الخط سديت الباب ودخلت للبيت لگيتهم گاعدين بالحديقة الولد ويضحگون شكد تافهين يالكعبه دخلت للمطبخ واستلمتني امي :-
- هلا بيچ يمه هلااا بحبيبتي
- هااا يمه سالمين خو ما صاير شي
- احجيلي يمه شصار وياج بالمدرسه عجبتج شلونهن المدرسات وياج والبنات
- يمه هيه مدرسه حالها حال اي مدرسه ثاني ماكو فرق لو اروح الارقه مدرسه نفس الشي بس هذوله قوانينهم صارمه حيل
- اني الي اعرفه محد يمشي قوانينه عليج انتي الي تمشين قوانينج على الگل
- وهوه هذه الي راح يصير تگلي ليش ما لابسه حجاب هيه شعليها المديره مكالت شي اصلا اخذتني وتسولف وياي عادي
- اني لو منچ اكسر راسها
- لااا تدخل بالدور زياده مو هيج الحجي يصير
- بدال ما تنصحها كاعد تشچعها امشي روحي لا بارگ الله فيك
- يمه شسالفه واليرحم والديچ ترا كلشي ما صار اختي ومن حقي اشجعها
- تشچعها على شي صح مو شي غلط
- ما صار شي يمه اني بكل الحالتين اعرف شنو الصح وشنو الغلط
غمزت لـ يامان وطلعت من المطبخ صعدت لغرفتي بدلت ملابسي وغسلت ونزلت تفاچئت من شفت الگل يمنه مو من عوايدهم يجتمعون يمنه كامت خالتي
وامي يصبن غده رحت صبيت وياهن شويه ورجعت كعدت بمكاني اگلت شويه وگمت ما أشتهي اگل شويه وصاحتني امي :-
- هاا يمه صحتيني ؟؟
- اييي يمه اريد اكلج شي
- ايي كولي ؟؟
- راح نروح نشوف خالتج تروحين ويانه لو تبقين
- مادري والله حايره
- اذا عندج قرايه لا تروحين ما حاچه
- لا معندي شي بس مادري اخاف يصير شي هناك
- شهل حجي يمه شنو يصير مثلاً كلشي ما يصير اصلا جدج مو هنا ولا حتى خالج
- شوگت تروحون ؟
- بعد شويه
- تمام هاهيه اروح وياگم اني هم اريد اشوف خالتي
- جا خوش إذا هيج الحجي روحي حظري نفسج حتى نروح
- تمام
عفتها تحجي ويه خالتي وصعدت لغرفتي طلعت ملابس حتى البس بنطرون عريض حيل لونه اسود بي دگم من الصفحات وقميص زيتوني حظرتهن ودخلت أسبح فجأة اجاني احساس غريب !
انو راح يصير. شي بس ما اعرفه شنو سندت نفسي على الحايط حتى توازني ختل ياربي سترگ هديت نفسي شويه ومشيت عدل لبست ملابسي وعطرت نفسي وطلعت لگيتهم محظرين گلشي بس نروح
سد البيت ابوي وطلعنه متوجهين لبيت خوالي بس احساس غريب يراودني ماعرف شنو وگفت السياره گدام بيت جدي فتحو الحراس الباب ودخلنه حط
ابوي السياره بالگراچ ونزلنه من السياره لمحت من بعيد تسنيم واگفه باب المطبخ وتأشر بأيدها عليه سلمت على خالتي ودخلَت من باب المَطبخ توني اريٌد احجَي ويه تسنيم وانصَدمت من شفّت !
«ــــــــــــــــــ«•»ـــــــــــــــــ»
هــازال :-
الليل صادقٌ جداً.. إذا قررت أن تواجهه ستراك
تخلع قلبك وتغطي به عجزك ثم تخلع معطفك وتغطي به رجفة قلبك
ستلاحظ كم هي كروية هذه الأرض
لأنك دائماً ما تعود لنفس النقطة .
ترى الرسائل التي كتبتها
ثم خبئتها فوق النيران .
ستراك هناك تقف أمام الجدار باحثاً عن باب .
تقف لمدة طويلة يمسك بك الجدار يفتح الباب
الذي على صدرك ثم يعبر من خلالك .
لا تلتفت للخلف
ففي طريقك
تضيع كل اتجهاتك
وتدخل في بُعدٍ جديدٍ للكون
البعد الذي يعود بك الى الماضي
الى ماقبل الماضي
الى الفراغ
الى ماقبل الفراغ
لگن ماذا لو كان الماضي يلاحقنا في گل مكان !
اگو كلامي بداخلي اريد احجي بس دائما افضل السگوت على أنو اتگلم ما في داخلي لأن بهذه الشي راح يعرفون نقطت ضعفي وصلنا لبيت خوالي!
بعد عنا طويل كل السيارات وگفت كدام بيت جبير ما استغرب أو اتفاچئ لأن اعرف خوالي شنو ومنو نزلت اني وسيلين من السياره ورحنه نوگف يم ابوي
وامي فتح الباب جدي وخلانه ندخل اني بدون نقاش دخلت قبلهم وعفتهم يسولفون ويتحاضنون لأن انتبهت اكو مره جانت واگفه يم الباب من انفتح
وجانت نظراتها كلهن موجهه على امي ماعرف اكيد خالتي هاي باوعت بابتسامه عريضه من شفت حديقتهم شكد جبيره بس همه بگاع زراعيه يعني
حتى جيران ما عدهم اييي بعد احسن عفت الحديقه ودخلت للبيت من باب المطبخ توني اريد ادخل الصاله وصارت بوجهي بنيه حلوه :-
- هلوو
- هلا بيج عزيزتي
- اكيد أنتي بنت زينب ؟؟
- شخصياً وعقليا وجسدياً بنت زينب كدامج
- اقدملچ نفسي تسنيم
ابتسمت الها مجامله واردفت - تشرفت بيج واني هازال بس قبل كلشي انت ياهي بنت خالتي لو خالي
- لا هاي ولا هذيج اني زوجت نسور ابن خالتچ
- هوه اني اعرف نسور حتى اعرف زوچته
- مو مشگله مع مرور الوقت راح تتعرفين عليهم كلهم
- ايي اگيد
- أشو بس انتي الباقين وين اهلج امج اختج؟
- ضلو واگفين برا يسلمون مادري عليمن
- جا ليش انتي هنا ما ضليت يمهم
- انطيج الصراحه بالكوه متحمله اصل هنا فـ اتحملون رجاءاً لأن تصرفاتي المطي ما يتحملها
- حقچ والله اني لو منج من زمان هاچه
- حتى لو اريد اهج وين اهچ بأقل من دقيقه يعرفون مكاني وين كبر طمهم مو خوالي هكرچيه
- هههههههه لا من صدك ضحگتيني
ردت احجي وياها بس مادري منو صاحلها وراحت ترگض مادري يجوز زوجها الله اعلم ما هتميت وبلشت استكشف البيت الجوه كلش حلو صعدت فوك
للطابق الثاني كلها غرف عباره عن مجموعه من الغرفه وموجوده بهذه الطابق افتريت بالممر مو حيل طويل بس الي يميزه بي هوه غرف وگفت يم وحده
من الغرف ارتابني الفضول اعرف شنو بيها لأن بابها جان مفتوح شويه وديصدر صوت ناصي من عدها توني اريد الزم اليده مالت الباب وما احس اله واني
منجبحه على وجهي واگعه بنص الغرفه رفعت راسي من لمحت باب الحمام ينفتح وگفت على حيل من شفت شخص طلع من الحمام ولاف المنشفه على
جسمه يمه ما احجيلكم الفشله الي اني تفشلته عطت بصوت عالي من كد ما فشله هوه ما تنفسه نفس واحد حرگاته هادئه بس صوت أنفاسه عاليه واصل لي يمي انخرعت من حجه وياي بحده :-
- منو سمحلچ تدخلين غرفتي ؟
- ليش مسچله بأسمگ واني ما ادري
- من احجي وياج باعي عليه مو دايرتلي وجهج وتحجين
- انت ما تستحي شلون تريدني ادير وجهي وانت مصلخ
سمعته يضحگ ضحگه رنانه وصوت عالي بس للصراحه حتى ضحگته هادئه رجع حجه وهوه واكف ورايه :-
- لا تخافين ما مصلخ تكدرين تدرين وجهج
درت وجهي على جهته جان لابس ملابس جا شبيه اني اهلوس عبالي ما لابس ملابس كبر طمني باوع عليه واردف:-
- ما جاوبتي على سؤالي؟؟
تحمحمت حتى احجي بس سبقني واردف بصوت حاد ويخوف - ما احب التأخير سئلتچ سؤال جاوبيني
- أولاً لا تعلي صوتك عليه مو جاهل كدامك اني ثانيا الغرفه ما نمسچله بأسمگ وإذا دخلت شمعرفني هاي غرفت فلان وعلان لازم اعلم الغيب اني وثالثاً ما محتاجه ابررلگ موقفي حتى تصدگ لو اضل احجي هسه من الشهر كامل ما راح تقتنع بكلامي فعليش اتعب نفسي انت عليك بنفسك واني عليه بنفسي وبيباي
توه يريد يحجي عفته وطلعت من الغرفه اوي شهل ناس ما شايفه هسه وإذا دخلت راح اكل الغرفه كبر حتى كبر حسيت بي يباوع عليه من وره درت وجهي وطلع شگي بمحله من صدگ يباوع عليه من انتبه درت وجهي دخل الغرفه وسد الباب بقوه
ما عدهم تعامل حلو گبر طمگم گون ضليت افتر بالممر لحد ما شفت درچ ثاني تحمست اصعدله صعدت الدرچ بس گلش جان طويل اطول من الاول
وصلت للطابق الثالث بس گلشي مجان بي بس اربع غرف ومادري گل باب وين يودي بس انتبهت على باب حديد اكيد هذه باب السطح اتقربت اريد افتح باب السطح واجاني صوت من ورايه وهوه يكول :-
- انحصچ نصيحه لا تفتحين الباب لأن السطح خطير عليج وبأي لحظه تلگين نفسچ صايره ويه الگاشي مال الطرمه الجوه
باوعت عليه بنظرات عاديه واردفت:-
- هذه كلامك ما يهز شعره من راسي روح كوله لغيري مو الي خوش عزيزي
باوع عليه بنظرات عجزت افهمها واردف :-
- خليها ابالچ انتي الي جبتي الخطر لروحج وانتي الي راح تحترگين بالنار
- اني الجمره بحد ذاته من أي نار اخاف
ضحك بهدوء واردف :- لاا تتصنعين القوه وانتي داخلچ كل خوف
- التصنع مو لعبتي اني احب اثبت وبس
- الايام راح تثبت هذه الشي
- طبعا الايام راح تثبت وراح نشوف
ابتسم الي ونزل من الدرچ كلامه كلش غريب بس عچبني الصراحه تراچعت ردت افتح باب السطح بس لااا ما اريد نزلت الدرچ وصرت بالطابق الثاني لمحت
الشخص الي شفته قبل شويه فوك واگف كدام باب غرفت الشخص الي تعارگت اني وياه شويه وجان يدخل هوه دخل الغرفه واني سويت الدرج بايتين نزلت رگض وكبل صارت تسنيم كدامي :-
- هاي شبيج شجنتي تسوين ؟؟
- جنت افتر شجنت اسوي يعني
- هوه سؤال شبيج المهم
- اييي شنو ؟؟
- تعالي سلمي على خالتج امچ تكول
- اكلچ ما شفتي بنيه كاعده بصف امي
- اييي شفتها ما لابسه حجاب وشعرها اشكر
- ايي هيه وين راحت
- كاعده يم امج
- اها جا خوش اروح يم امي احسن
ضربَت جتفي تمشي بيه مبين عليَها كبل تأخذ ميانه بس ما اگدر اثق بسّرعه اصلا بيت خوالي كلهم مو امان ومو محل ثقه أقل غلط منَج يخسرج حياتج كعدت يم امي من بعد ما سلمت على خالَتي انوب
رجعت تحجي ويه امي ومنطلقه ولا گانو راح يصير شي امي منسجمه وياها وناسَيه الاول والتالي باوعت على سيلين مفتحه عين وساده عين خليت راسها على رچلي وگعدت العب بشعرها من شافتها خالتي هيج اردفت :-
- ما يصير هيج أمي اخذيها لوحده من الغرفه خليها تنام وترتاح وانتي هم اذا تعبانه
هزيت براسي بمعنى ايي وگمت اني وسيلين اصلا هيه فاصله فيشه ولا وياي بس تمشي وتريد توصل الغرفه صاحت خالتي على تسنيم اخذتنه وصعدت
فوگ لااا يالگعبه بس لااا غرفنه فوگ فتحت تسنيم باب وحده من الغرف ودخلتنا بيها اشرتلي ارتاح هزيت براسي وخليت سيلين على الجربايه باوعت تسنيم عليه وطلعت من الغرفه عدلت سيلين
وغطيتها اني مجان جايني نوم فضليت كاعده بالغرفه وافگر شراح يصير بينه هنا وشلون راح نعيشه اصلا اني بالكوه متحمله كعدت هنا أنوب
اتحمل وجود خوالي مجرد التفگير بالموضوع لعبت نفسي ربي رحمتك صبرني وانطيني الصبر وگفت على حيلي ورحت فتحت الشباگ انصدمت صدمة
عمري من شفت نفس الشخص الي حجيت وياه بالگليه مالت سيلين واگف بالحديقة ويه مجموعه من الولد ضليت اكمزه واعض بأصبعي يمه عزا بعيني
هذه شچابه هنا لااا يالكعبه بس لا يطلع ابن خالتي لو ابن خالي هنا السالفة تخرب اموت سيلين إذا صدك والمشكلة اني بيه سوله اذا ما اسوي الي أبالي ما
ارتاح طلعت رگض من الغرفه ونزلت جوه لگيت خالتي وامي على نفس كعدتهم بالكوه ضميت نفسي حتى لا تشوفني امي من اطلع بسرعه طلعت من باب المطبخ ورحت للحديقه واني اريد ادخل انضرب راسي بصدر شخص من كد الضربه ختل توازني وگعت :-
- الله الله على كيفج يمعوده
ضربت ايدي بالگاشي من سمعت هيج يكول شكد فشله مدلي أيده حتى اكوم لكن باوعت عليه واردفت :-
- شكرا بس ما محتاجه مساعده من أحد اكدر اكوم نفسي بنفسي
- براحتج مثل ما تردين
وگفت على حيلي ونفضت ملابسي ضل هوه يباوع عليه واني اباوع على الحديقه اريد اشوفه وين راح هذه :-
- كانو جاي تدورين على أحد
- صح اني ما اعرفك منو بس اريد اسئلگ سؤال واتمنى تجاوبني بصراحه
- حسب نوع السؤال إذا اكدر اجاوب عليه وإذا لا فاعذريني ؟؟
- تمام ماكو مشكله شوف اكو واحد جان واگف بالحديقة هيچ ملابسه لونهن اسود ولابس طاگيه
- على فكره ترا كل الي كاعدين بالحديقة لابسين اسود
- لاا هوه يختلف عنهم لابس شفقه لون ابيض
- اهااا عرفته قصدچ نسور
صفنت بوچه واردفت:- نسور منو ؟؟
- نسور ابن خالتج شنو ما تعرفينه
- اعذرني ترا ما اعرف ولا واحد بيكم
- اول شي انتي ياهي من بنات خالتي ؟؟
- اني هازال
- واني يامان
- اهلا وسهلا بك
- أما الباقين الي بالحديقة كلهم ولد خالتچ ما عده صگر يصير ابن خالچ
- وهذه ياهو صكر شمعرفني بي
- اذا تحبين اعرفج عليهم عادي
- لااا شسالفه بس حبيت اسئل
- ليش من دون الولد سئلتي على نسور
- شفته بجامعة سيلين وحجينه اني وياه سويه بس ما جنت اعرف بيه يصير ابن خالتي
- ليش انتي مو سادس
- ايي صح بس مره رحت وياها وشفته هناك صار نقاش بينه
- اكيد لگيتي بالحديقة
- بالضبط هوه هناك شفته وصار الحجي بينه
- ترا على فكره هوه يعرفچ انتي بنت خالته بس ما حجه لأن اختچ سيلين منعته
خرب روحج سيلين اليوم اذا اكضج ما اهدچ لو يجي الحمزه انتبهت على نفسي واردفت بضحك :-
- ما جنت اعرف بهذه الشي
- عادي ما صار شي
- المهم شگرا الگ
- لااا ولو ما سويت شي
ضحكت بوجهه ورجعت دخلت جوه بسرعه سويت الدرچ بايتين ودخلت للغرفه بسرعه صعدت فوگ سيلين وعطت بيها :-
- خرب روحج سيلين خرب عرضچ شكد حقيره ولجج ابن خالي ويانه والولد كلهم وما كلتيلي اني اعلمچ اليوم
هيه ما فاهمه الموضوع شنو بس تريد تحجي وخبزته براشدي ضليت اضرب بيها واهلس راسها وهيه ما فاهمه الموضوع شنو اصلا اخر شي عتيت شعرها
حيل وطلعت ارگض من الغرفه طلعت وراي ترگض وجرب وجان تضرب عبد المعز وتوگع على وجهه شبعت ضحگ عليها عبد المعز من صدمته ما يعرف
شيسوي سيلين بالگاع تتلوع وتبجي واني اضحگ عليها راد يگومها عبد المعز بس نترت بأيده وكامت على حيلها باوعت عليه واردفت :-
- اذا ما خليتج تتمنين الموت اني ما يطلع اسمي سيلين
- هواي اشياء عشتها اصعب من الموت جاي هسه تخوفيني بالموت دمشي لچ
حجيت هيج وطفرت جوه يم امي لمت نفسها سيلين ودخلت للغرفه باوعت عليه امي واردفت :-
- سويتيلها شي موو؟؟
- يمه هيه الي عالت شسويلها تدرين بيه ما اسكت
- تريدين تفضحينه دگي ثگل شويه عيب احنا مو بيتنا احنا يم خوالج
- علساس شلون خوال فله والنبي
- انچعميي ولچ لااا يسمعونچ
- اني عبالي راح تگتليني طلعتي حتى انتي تكرهينهم جا إذا اهلهم يكرهونهم الناس شلون يجوز بكل مكان حاطين الهم مفخخه
- من صدك راح اكتلچ اذا ما سگتي
- بابا وين ؟؟
- راح يسوي الگهرباء مالت البيت
- يا بيت؟؟
- البيت مالتنا
- عليج الله خلي يستعچل ترا روحي راح اطك والله على قفله تلگيني حاطه واحد من ولد خوالي وكاتلته
- يمههه ترا تموتين وما تعرف شلون ولچ اثبتي بمكانچ حطي شويه ملحات ودگي ثگل
- يمه منين اجيب طابوگ حتى اصير ثگيله
ضربتني امي على ظهري وضحگت اهم شي عندي امي ما يمسها اي شي او تنضر بشي لأن اكسر ظهر كل واحد يمس امي بكلمه وحده وگفت على حيلي ورحت بالمطبخ يم تسنيم :-
- هااا ولچ لازم تعودتي على الوضع
- مادري جاي احس بشي غريب بس الله اعلم شنو
- اني مرات إذا احس بشي يطلع احساسي صح وكلش اكره هاي الصفه بيه
ضحگت عليها اني هم مرات هيج يصير وياي احس بأحساسي ويطلع بمحله تذگرت كلام يامان من كال نسور ابن خالي يعني نسور اعرفه وحاچيه وياه بس
ما اعرف بي هوه ابن خالي والمشگله متزوج بس مرته كلش حبابه من اجيت لحد هسه وياي وجهه بس يضحگ لزمتني من خدي واردفت :-
- ما تنطيني مو اخدودج
- لااا عيني ما انطي هذني بس الي
- ماشاءالله الاكل مبين بيج
- بالگعس اني اكل ما اسمن
- بس خدودچ راح يوصلن لرچلينچ
- وجهي يختلف عن جسمي
- اييي مو انتي اعضائج يختلفن الوجه وحد والجسم وحد
- والله ما ادري يعني صح هواي اكل بس ما اسمن
- ايي اكو هيج شي بس اني مو منهم
- لاا اني منهم
ضحگت عليه وطلعت من المطبخ فتحت الباب وطلعت برا باوعت من بعيد الحديقه فارغه واخيرا اخذت مساري ورحت افتر بالحديقة المنطقه الي
عايشين بيها عبالك مهجوره ماكو احد بيها گأنو صحراء اذا تريد تشوف بيت أحد لازم تجيب تل سگوب الحديقه كلش حلوه گلها ورد جوري ورد
الياسمين ونخل وشچر عالي حتى شچرة رمان وتفاح بيها وگفت كدام سيم كلش طويل ومقفول بقفل بس شگله كلش غريب توني اريد اتقرب منه وفززني صوت ورايه :-
- كانو هواي تحبين تلعبين بالنار
درت وجهي عليه اهووو هذه نفسه الي شفته بالطابق الثالث شكد كرهته انطيته نظره سريعه واردفت :-
- لاا عزيزي انت فاهم الموضوع غلط گلتلگ وراح ارچع اگلگ اني جمره مو نار وصح كلامگ اني احب العب بالنار
- بس مو كل لاعب يفوز
- ليش تحجي بالاغاز ؟؟
- شي ما يخصچ
- جا شكو جاي يمي كل ما اروح مكان تطلع كدامي
- سئلي نفسج
- عليش اسئل نفسي اسئل نفسك انت
- خلص سگتي كافي ماصار شي .
سگت يباوع على السيم واني اباوع على القفل ليش سادينه بقفل لازم اكو شي وره قويه ومهم وسادينه حسيته قره الي بعقلي باوع عليه ورأستاً اردف:-
- لا تخافين ماكو شي وره هذه السيم بس وره هذه السيم قطعه مال واحد من الشيوخ الي هنا ولأن جان مجال بينه وبينهم مفتوح سدو .
- المعنى من تصرفاته شنو ؟؟
- ما حاچه اكول الگل يعرف
ستوعبت كلامه وضحگت من كل گلبي خرب روحك جدي شكد ناس تكرهگ بودي كل ما اشوفه اموته امرعده بأيدي بس ساكته ومتحمله:-
- شعاچبگم بهذه المگان
- جدچ يحب يضل بعيد عن الناس
- يشتري مگان بي خير مو يشتري بـ صحراء قاهله
- على فگره ترا الگل يتمنى يعيش بهيچ إماگن وهادئه وراقيه
- اصلا حرام علينه نسمي مكان راقي وهادئ هذه لازم يسمونه الصحراء القاهله
- انتي بنظرچ هيچ أما بنظر الغير شي ثاني
- الله اعلم بعد مادري
صفنت على نفسي صارلي بالساعه احجي وياه وما اعرفه منو امداني اي والله حتى استحيت اسئله هوه يمكن داخل بعقلي ويرگز بنظراتي ويعرف شنو افگر وشنو جاي اخطط وحتى مرگز على تصرفاتي كلش باوع عليه واردف :-
- اقدملچ نفسي ماهان اخو يامان التوأم
انصدمت صدمه كبيره من كال اخو يامان عزااا الشبه من صدك يشبه بس اني مو حيل ارگز بالملامحه بس من حجه وياي وسئلته عن نسور اتذگرت هذه باوعت عليه واردفت:-
- ما شاء الله ياربي من صدك تشبه اخوك بس بالشگل أما التصرفات والكلام يختلفن
- شقصدچ ؟؟
- كلش زين تعرف شنو قصدي
ضحگ بهدوء وطلع من الحديقه كبر لفگم كون هيچ كشه وحده ولا بيكم واحد ينطاق شنو من عائله حتى نفسي لعبت طلعت من الحديقه ودخلت جوه ملگيت
أحد بس تسنيم جانت بالمطبخ وراحت لغرفتها هذوله وين يروحون يمكن يسوون اجتماع عائلي ما هتميت صعدت فوگ لغرفتي دخلت وسديت الباب
ورايه اويلي بيها نومه مالت أهل الكهف اكون انام وما اكعد دخلت الحمام بدلت ملابسي وطلعت فليت شعري وطفرت على الجربايه حطيت راسي على
المخده وشويه شويه كمت اغفه لحد ما نمت واني ما ادري بنفسي گعدت الصبح على صوت سيلين وهيه تحجي وتعيط عليه :-
- خرب شرفچ ولچ شنوو انتي تنبل مال نوم
عدلت نفسي زين وفرگت عيوني وهيه بس تباوع عليه واگفه على اعصابهه :-
- شبيچ نافخه نفسچ فشي شويه
- دكومي لاا اجيچ اموتج
- وين احنا عيني ترا صارت قديمه مال تموتين ملينه منها بس تكولونها وما تنفذونها
- هاي الگلمه تنطبق على خوالي اذا گالوها ينفذونها
- اويلي يا خوالچ مرمروني
- ما ينبلعون ابد خاصتن التوأم بس يامان زين بيهم أما الباقين شيل وشمر
- اتفق وياج
نزلت من الجربايه ودخلت الحمام غسلت وجهي وطلعت رحت للگنتور وحايره شلبس اصلا مادري منو مرتب الملابس مالتي اكيد امي طلعت قميص احمر
وينظرون اسود لبيتهن طلعن يموتن عليه لون القميص عگس على وجهي لأن شگره مشطت شعري بسرعه لان هوه شرح ما يحتاج أعدل بي حطيت
مسگاره وحمره شويه ونزلت اني وسيلين ويه نزلتنه نزلو يامان وماهان ونسور بس ولا واحد بيهم رفع عينه دورت على. امي ما لگيته سئلنه تسنيم كالت
راحت ويه ابوي للبيت اخذن السويچ وطلعنه من المطبخ شغلت السياره سيلين وتوجهت بينه للمول تريد تجيب غراض مادري مال شنو وكلت اروح وياها
واني هم لازم اجيب ملابس مدرسه لأن راح انقل يم مدرستهم وصلنه للمول خلينه السياره بالكراچ ونزلنه دخلنه للمول متروس ناس صعدنه للطابق الثاني اكو محل دائماً نأخذ منه من نجي هنا تعرفه سيلين
وحتى عدهم خدمه توصيل دخلنه للمحل اني وسيلين اخذت الغراض الي تحتاجهن وطلعنه اني هم
اخذتلي صدريتين وقمصان ثنين وجنطه وحذاء
وطلعنه من المول رحنه ناگل بالمطعم تونه دخلنه المطعم وتحولت كل الأنظار علينه عبالك شو شنو اني من يمي تفشلت ونزلت راسي كعدت على الطاوله.
وسيلين كعدت كدامي طلبنه اكل وبعدهم مستمرين يباعون علينه اني ما اتحمل دون ما احجي وگفت على طولي واردفت بصوت عالي :-
- شگو تباعون علينه كدامكم سينما وتتفرچون ؟؟
الگل رچع لمكانه ومحد كام يباوع رجعت كعدت بمكانه وسيلين بس تحجي عليه اخر شي اردفت :-
- عزيزتي بهاي تصرفاتج راح تخلينهم يتمادون اكثر واكثر
- لاا ما يتمادون لو ساگته احسن والقرآن فشلتينه
- دنجبي على شنو فشله الناس اتريد تاخذ راحتها شلون يعني ما يصير
- اوي يعني ست سندس على كيفچ ما گلنه شي
- بودي اكوم انتفهم نتفه نتفه بس ساگته ومتحمله
- لاا عمي كلشي ولااا تنتفيهم اكعدي راحه يمعوده
سگتت من اجه الاكل كبر لفكم حتى نفسيتي نسدت اكلت شويه وكمت غسلت ايدي انتضرة سيلين تخلص يالله گمنه طلعت سيلين الفلوس تريد تدفع بس تفاچئنه من كال النادل :-
- حسابكم مدفوع
باوعت عليه سيلين متفاچئه واني هم رجعت باوعت على النادل وسئلته :- بلا زحمه ممكن اعرف منو دفعه ؟؟
- ما اعرفه منو بس جان كاعد على هذيج الطاوله ترگلكم رساله عليها
سيلين تباوع عليه واني اباوع على الطاوله اخذت مساري ورحت يم الطاوله الي اشر عليها النادل وبالفعل لگيت رساله تارگها النه شلتها من الطاوله وقريتها !
** هل مره دفعت حسابچ بس مرة الثاني انتي لازم تدفعين الحساب بس بطريقه مختلفه **
خاتمها بحرف " Z "
منو هذه z وشنو معنى كلامه شنو ادفع الحساب بس بطريقه مختلفه شهل مضرطه ردت اطلع كاميرات مراقبه بس المطعم ما بي كاميرات اصلا طلعت من المطعم اني وسيلين وحده تضرب صفنه للاخره
ضميت الورقه بچيبي وسگتت ما اريد أحجي بعدين الحجي يصير كبل صعدن السياره وتوجهنه للبيت باوعت على الساعه صارت بـ ٤ العصر أحيي هاي شكد
صارلنه وصلنه لبيت خوالي اتفاجئت من شفت سياره يمهم اكيد وحده من خالتي اجتي يبووو شلون مشگله انوب تعالي سلمي خرب إنه نزلنه اني وسيلين سويه من السياره لگينهاهم بعدهم اي يسلمون سلمت
بسرعه ودخلت المطبخ بس انصدمت صدمه عمري من شفت روهانا كدامي ما حاچه اكللگم دمعي لحالهن كامن ينزلن هيه تباوع عليه واني اباوع عليها
لا اني مستوعبه ولا هيه تسنيم تباوع عليه تريدني احجي اني مرات الصدمه تأثر عليه وتخليني ما احجي من كد التأثير هاي بس اذا جان تأثيرها قويه
اريد انطق ما اكدر ما حسيت بنفسي الي واني ارتوي بحضنها وابچي هيه تشهگ واني احضن بيها حيل وابچي هل لحظه كلش جانت حلوه ضلينه بالساعه
وحده حاضنه الثانيه وتبچي ما مصدگ شفت
روهانا كدامي واگفه عبالي حلم بس طلعت حقيقه رجعت!
لزمتني حيل وحضنتني تشهگ وتبجي واني كذالك الگل يباوع علينه ويريد يفهم شكو بس تعالي سگتني لو سگت روهانا ابتعدت عنها وبسرعه سحبتني واردفت :-
- المره الاولى اني ابتعدت عنج غصب بس المره الثانيه ما راح اخليچ تفارگين عيوني !
يتـَبع!!!💀
✨ شُلونّگم گايَزاتي Nice timito ✨
الانستا :- @llil16._
✨ واتباد :- @Ayat_Rasol ✨
«ــــــــــــــــــــــــــــــ«•»ــــــــــــــــــــــــــــ»