بالليل بغرفة ضيدان
ترف كانت نايمه
ضيدان كان سهران كل شوي يشوف حرارتها ترف
ضيدان قرب عليها يشوف حرارتها
ترف كانت تمتم
قرب ضيدان عليها يسمع وش تقول
ترف : يبه يبه حبيبي وينك
ضيدان تنهد رجع ورا وهو يناظرها بهدوء
لين غلبه النوم نام جنب ترف
صحت ترف الصبح كان ضيدان قريب منها
ترف اول فتحت عيونها ضيدان كان قبالها
تنهدت قامت من السرير غيرت ملابسها طلعت برا للبنات
كانو يتريقون
ترف : صباح الخير
ام ضيدان : صباح نور شلون صرتي يابنتي
ترف:الحمدلله احسن
ام ضيدان : وينه ضيدان
ترف: نام
ام ضيدان : اجلسي تريقي
ترف جلست معهم تريقو
بعدها البنات كل من راحت تشتغل شغله
ملاك و ريم يغسلن الحوش
جتهم ترف
ترف : ابي اساعدكم
ملاك : لا ارتاحي انتي تعبانه أنا وريم الحين بسرعة نخلصه
ترف : لا بساعد
ملاك: بس
ترف : تكفين يا ملاك طفشانة خلني اساعدكم
ملاك : طيب
مسكت هوز المويا
تعسل الحوش مع البنات
ترف بالغلط ما كنت منتبه لريم كبت عليها مويا
ترف : بالغلط والله اسف
ريم :عادي
ملاك ضحكت عليه : كنك صوصي
ترف رشت ملاك بالمويا : عشان تضحكين على ريم زين
ريم : كفو عليك
ملاك : أنا اوريك يا ترف سحبت منها الهوز صارت ترشها هي وريم
صار لهم صوت طلعت عليهم ضي
ضي : هي وش فيكم
ملاك: خوذي بعد انتي
ضي : ملاك مجنونة
فاتن طلعت رشتها بعد
ضي :ركضت خذت منها الهوز
ضي صارت ترشهم
صارن يضحكن بصوت عالي
صحه ضيدان على صواتهم
ضيدان :هي وش فيكم
البنات وقفو بخوف
ملاك بخوف : مافينا شيء
ضيدان : وش هالاصوات بعدين ليه كلكم مويا بكرة تمرضون
ملاك : كله من زوجتك
ترف : كذابه
ملاك: مين الي كب بالاول
ترف : أنا بس انتي بعدها اخذتيه
ضيدان : خلاص يالله ادخلو غيرو ملابسكم
طلعت ام ضيدان
ام ضيدان : وش فيكم
ضيدان : شوفي بنات معبيات ملابسهم مويا
ام ضيدان : حتى ترف يابنتي انتي تعبانه روحي غيري ملابسك
ترف تفرك يدينها : الحين اروح بس نخلص الحوش
ام ضيدان : روحن غيرن ملابسكم بعدها ارجعو يالله
ترف : طيب
ام ضيدان : انت تعال الريوق جاهز تعال تريق
ضيدان : طيب
راح ضيدان يتريق
ترف راحت لغرفتها
شوي طلع ضيدان راح للغرفه كانت ترف بالغرفه
ضيدان : شلون صرتي
ترف : احسن
ضيدان : زين جهزي نفسك بروح للقصر
ترف : وليه
ضيدان : عشان تشوفين جدي
ترف : مابي اروح
ضيدان : ليه
ترف: كذا مابي اروح
ضيدان : وش السبب
ترف : مافي سبب بس كذا مابي اروح معك
ضيدان : انتي وش فيك متى ناويه تحطين عقلك براسك
ترف : أنا الي وش فيني انت الي وش فيك يوم تضحك تعلب معي يوم معصب كارهني إذا كارهني ما همني بس الي يهمني ما تصارخ علي ماني عبده عندك
ضيدان : أنا كذا
ترف : اي انت كذا إذا للحين تحب هذيك روح لها لا تخاف عمي مارح يقول لك شيء
ضيدان : ترف وش هالكلام
ترف : الي عندي قلته كانت بتطلع
مسكها ضيدان من خصرها ضمها
ضيدان : ترف الكلام هذا شيلي من راسك عهد ماضي راح الحين انتي زوجتي مافي احد براسي فاهمه وانا مو كارهك انا هذا طبعي كنت رافض اتزوجك عشان طبعي كنت اعرف انك مستحيل تقبلين طبعي او تتحمليني هذا أنا يا ترف كذا طبعي
ترف بلعت ريقها : هذا طبعك ساعة تضحك ساعة معصب وش هالطبع الغريب أنا وانت ندري ان عهد
ضيدان حط يده على فمها : يابنت الحلال عهد ماضي اسود خلاص نسيته وانا مو كذا عشان عهد أنا هذا طبعي من ربي خلقني
ترف بستهزاء : بس عيونك تقول غير
ضيدان ناظر عيونها بتئمل : وش يقولن عيوني
ترف ناظرت عيونه بهدوء : تركني
ضيدان ضمها اكثر : قولي عيوني وش تقول
ترف : تقول ..
ملاك : ترف
ترف : هلا جايك سحبت نفسها من بين يدينه طلعت برا
ضيدان تنهد طلع برا
بالقصر وصل ضاري
نجد : وصل ضاري
ابحار بخوف : والله مين معه
نجد: هو و نمر
ابحار : خايفه
نجد : اقري معوذات اطلعي
شوي جاه مساعد
مساعد: يالله تعالي عريس القفله وصل
ابحار ابتسمت له : يالله جاي
توجهت ابحار مع مساعد
مساعد: ادخلي أنا عندي شغل
ابحار : وش ادخل معي
مساعد: خبله وش ادخل معكم تبون تفاهمون أنا وش دخلني بينكم
ابحار بخوف : طيب
دخلت ابحار كانت لابسه مخور الإماراتي لون اخضر حاطه روج خفيف مسكره كانت تهبل بشرتها حنطيه عيونها وساع كان لايق لها المخور
ابحار : سلام عليكم
ضاري ناظرها بهدوء : وعليكم السلام
ابحار جلست قباله هي متوترة تفرك يدينها
عم صمت دخل محمد ونمر كسرو الصمت الي بينهم
نمر راح جلس بحضن ابوه
محمد جلس بحضن امه
محمد : ماما ليه انتي هنا
ابحار ما ردت عليه
ضاري : تعال ليه ما تسلم علي
محمد تقلط عليه بخوف
ضاري : سحبه جلسه على رجوله ثانيه : ايو خلك رجال سلم
محمد: طيب
نمر :عمتي ملاك قالت لي ابوي راح يتزوج امك تصير امي أنا ابوي يصير ابوك
محمد : قالت لي خالتي نجد بعد صح بابا ضاري انت صرت ابوي
ضاري ابتسم له : اي
نمر: أنا امي ابحار
ضاري : اي بنشكر ملاك ونجد حلو لنا مشكله
ابحار: ابتسم له
ضاري : يالله روحو العبو
نمر مسك يد محمد طلعو بره
ضاري : كان خوفي انهم ما يتفقون لكن الحمدلله تقبلو بعضهم
ابحار : و أنا كنت خايفة
ضاري : ابحار أنا طلبت أشوفك عشان نتفاهم مدري كيف بقولك لكن كل من له حق يشرط أنا شرطي ان نمر ما يحس انك انتي بس ام محمد ابي يحس انك ام له بعد
ابحار : ان شاء الله اني مافرق بينهم يكونون ثنينهم عيال
ضاري : هذا الي ابيه وانتي الي تبينه تم
ابحار : بعد أنا شرطي محمد مثلك
ضاري : ان شاء الله بكون له اب بس طليقك اخاف انها يسوي مشاكل قولي له انك بتتزوجين
ابحار بغضب : ما يحق له يعرف
ضاري رفع حواجبه : شلون ما يحق له عشان ولده
ابحار: اليوم عمر محمد ثلاث سنين ولا سئل عنه والحين أنا اروح اقوله ما يستاهل اقوله اصلاً هو اخذ فلوس يعني باع ولده
ضاري : ما دريت بالكلام هذا دامه كذا لا تقولين بس عندك اوراق تثبت انه ما يحق ياخذ ولده الي قصده رفعتي قضية حضانه
ابحار: لا
ضاري : طيب بكره ان شاءالله أنا وانتي نطلع للمحكمه نرفع قضيه بس ابي اوراق كل شيء يثبت انه باع ولده بفلوس
ابحار : ماله داعي
ضاري : واضح عليه انه نذل اكيد بيرجع ياخذ ولدك بحجت انك تزوجتي ما قلتي له من هالكلام لكذا خلنا ناخذ احتياطاتنا
ابحار : مايحق له
ضاري : يحق له لكذا ناخذ احتياطاتنا
ابحار : طيب
بالديره
ضيدان وترف مر اسبوع ما يتكلمون مع بعض
ضيدان طلع من الصبح ما يرجع لين آخر الليل
يدور على راعي رساله هو احد اصدقاه من الشرطة
يروح للرياض من الصبح ما يرجع لين آخر الليل
يوم الخميس الصبح كان متوجه ضيدان للرياض عشان صاحب رساله
شرطي ماجد : سلام عليكم
ضيدان : وعليكم السلام ماجد ها وش عندك
ماجد : وينك
ضيدان : بطريقي جاي لك
ماجد : اليوم لا تجي حتى أنا طالع للدمام عندي شغل بكره تعال إذا كلمك مراقبين جوالك
ضيدان : طيب
رجع ضيدان راح على عزبه
عند ترف بالبيت
كانت ترتب الغرفه
ترف ما غسلت الملابس ما تعرف كانت مستحيه انها تقول
بس ضي عرفت انها ما تعرف قالت لها تجيب ثياب ضيدان عشان تعلمها
ترف خذتهن كانت محرجه منها
ضي : وش فيك عادي ماحدا جاه من بطن امه هو يعرف عادي اعتبريني اختك الكبيره جالس اعلمك
ترف : شكراً لك ضي لو الله ثم انتي مدري وش كان صار فيني بقى اربع ايام على زواجك والله راح اشتاق لك حضنتها
ضي : لا تخافين كل يوم ان شاءالله تلقيني بوجهك مو بعيد البيت
ترف : ان شاءالله الله متحمس لعرسك
ضي : هههههه واضح عليك فضيتي جيوب الثياب
ترف : لا
ضي : فضيهن بسرعة وانا راح اعبي لك الغساله
ترف راحت تفتش الثياب ضيدان
بعد ما خلصت
رمت الاغراض الي لقتهن على الطاوله
لفت نظرها ورقة الي كانت ملفوفه بشكل غريب
ترف كانت بتفتحها : وش جالسه اسوي خلني اروح بس
رجعت لها : أنا زوجته عادي افتحها وش فيه
فتحت رساله اول ما فتحتها كان مكتوب عهد
رمتها على طاوله بزعل طلعت برا
ضي :عطيني شوفي اول شيء الثياب بعدها هذان
ترف : طيب
ضي : فيك شيء
ترف : لا
ضي : طيب امشي نجلس مطوله عشان توقف
ترف : عند شغل بغرفتي بخلصه واجي
ضي : طيب
رجعت ترف الغرفه
سكرت الباب ورها تقلطت بتردد على ورقه
فتحتها بدت تقرأ الي مكتوب فيها
ترف نزلن دموعها وقفت تناظر نفسها بالمرايا : ياغبيه ليه تبكين وش دخلك فيه خله يسوي الي يبيه ما يستاهل دموعك ترف لا تبكين تحاول توقف دموعها ماقدرت رمت نفسه على سرير حضنت المخده
كذاب حقير قال ما يحبه جالس يشوفها بالسر حيوان اكرهك اكرهك يا ضيدان اكرهك
عند ضيدان
ضيدان : مين الي كلمته عشان خلا ضحكتك من الأذن للأذن
ضاري : المحكمه مو رفعت قضية حضانه لمحمد
ضيدان : اي
ضاري : حنا الي كسبناها خلاص اقصد ابحار كسبتها
ضيدان : اي مبروك بشرتها
ضاري : لا اكيد مساعد بيقول لها
ضيدان : انت الي رفعتها مساعد اكيد ما يعرف شيء و اكيد الحين قلبها على نار بشرها
ضاري : قولتك
ضيدان : اي يالله أنا رايح للبيت تبون شيء
ضاري : لا
طلع ضيدان للبيت شوي وصل البيت
ضيدان : ضي
ضي : هلا
ضيدان : وين ترف نادي لها
ضي : بغرفتها
ضيدان : طيب توجه لغرفته ضيدان دخل
ترف كانت بالحمام انتم كراما تغسل وجهها عشان لا يبين انها تبكي
ضيدان : هذا انتي جوعان
ترف نظرت هي تستحقره
ضيدان رفع حواجبه : وش عندك
ترف : ما ردت عليه طلعت
ضيدان تنهد رما شماغه
كان بيجلس لمح الورقه
ضيدان تقلط : يا غبي يا ضيدان ليه ما رميتها
طلع من الغرفه لحقها للمطبخ
ضيدان : ترف امشي معي
ترف ما ردت
ضيدان بغضب : جالس اكلمك
ضي : ضيدان شفيك
ضيدان : ضي مالك شغل تعالي
ترف : مانه جاي
ضيدان سحبها من يدها بغضب
ضي : ضيدان وش تسوي اتركها
ضيدان : لا تتدخلين
ام ضيدان : ضيدان وش فيك
ضيدان سحب ترف : لحد يتدخل
دخل الغرفه قفل عليه هو ترف
ام ضيدان : وش فيه
ضي : مدري
ام ضيدان : الله يهديك يا ضيدان
ترف سحبت يدها منه جلست على السرير بستفزاز
ترف : يالله اسمعك وش عندك إذا عشان الورقه اضن ماله داعي اتكلم لأن مافي شيء نتكلم فيه
ضيدان : اول شيءٍ غيري اسلوب المنرفزة هذا بعدين خلنا نتفاهم
ترف : مافي شيء نتفاهم عليه غير طلاق
ضيدان : طلاق مافي جالسي نتكلم
ترف : مو على كيفك
ضيدان : رسلتها لي مع عقاب اصلاً ما ...
تفر : ماله داعي تبرر أنا طالبه طلاق عشان ما اكون بينكم مو عشان زعلانة او غيرانه عليك أنا مابي افرق بينكم
ضيدان : انتي خبله وش تفرقين
ترف : ضيدان أنا بتطلق منك بعد عرس مساعد و ضي أنا مستحيل اتقبل ان افرق بينك انت وعهد فاهم إذا عشان عمي أنا بقوله إن أنا ما حبيت عيشت الديره بحط الحق علي لا تخاف محد راح يدري بالي بينك انت وعهد
ضيدان بغضب من تفكيرها : زين تسوين خير فينا
سحب شماغه طلع من البيت
ترف رمت نفسها على سرير تبكي
ترف :اكرهك يا ضيدان اكرهك