#سم_اللقى_صدفه_واسميه_ميعاد
اخيراً اليوم الموعود واليوم المنتظر
' يوم الملكة '
الكل كان يتجهز ومتحمسين ندى لبست فستانها
الاحمر ماسك على جسمها وسوت شعرها ويفي و ميكبها كان ناعم من جمالها مايحتاج تحط ميكب دخلت عنود الغرفه على ندى وابتسمت : لو شافك العريس بيذوب يلبى فستانك الاَحمر على أطراف كمّه تنبت زهور ما أنبتت بأَي بستانِ أقري اذكارك وتحصني اهل الديره بيتجمعون اليوم هنا ابوك عزم الكل رغم انها ملكة بس بيتحدد فيها الزواج بعد ومابيكون بعيد
اخخخخ ياندو لو تدرين قد ايش مستانسه لك مبسوطه مبسوطه
دخلو بنات فهد طيف و مشاعل وسديم اخوات خالد
ندوو وحشتينا يااحلى عروسه حضنو بعض كل واحده مشتاقه للثانيه اكثر ابتسمت
طيف : عشتو وش هالقعده الرومنسيه
وجلسو يضحكون
عنود : ماتوقعت بيجي يوم وتتزوج ندو وتسحب علينا يبنات
سديم : هذا حال الدنيا وانا اختك الكل بيتزوج وانتي بعد ندو خلينا نفرح فيك
عنود : اص وشو انا بعدها لا مابي اتزوج
مشاعل : انا اقول لتس من الحين لو تبين رجال خذي ولد عمي عبدالله حمد
عنود : اقول وراكم ماتسكتون وامشو نكمل اشغالنا وخلو العروسه تتجهز
طلعو كلهم من الغرفه وماباقي الا ندى كانت تفكر نواف وش يسوي الحين
-
نواف الي راح اخذ باقة ورد كبيره مرا ولونها احمر
وصل لبيتهم ينادي يلا جهزت انا خلصتو انتو ولا باقي
نوف نزلت من الدرج ايوا خلصنا الحين جاين امي وابوي
ابوي يقول تروح بسيارتك واحنا بسيارتنا
نواف : تمام
راجح ابو نواف : شغل سيارته وركبو معه نوف والريّم ام نواف كانو يمشون ورا نواف
بعدها بدقايق وصلو لبيت عبدالرحمن ابو مطلق والتراحيب والعرضات والاستقبال الجميل
توجه ابو نواف ينزل نوف وام نواف من قسم النساء ورجع للرجال دخل مع نواف واهل الديره يرحبون بنواف وابوه ويسلمون على بعض وجاء مطلق يحضن نواف ويقول اختي الكبيره صارت على ذمتك عاد انتبه عليها
ابتسم نواف : لا توصي حريص يبوي ندى بعيوني وقلبي
دق كتفه مطلق : ادخل يالعريس وشويات كذا ونشوف لك الدرب عشان تدخل تلبسها الدبله
-
ندى كانت بكامل اناقتها وزينها الراقي والي ماله مثيل
طلعت من غرفتها متوجهه لصالة بتسلم على نسوان الديره وعماتها
اول مانزلت من الدرج وتتعّالوا اصوات الكل والاغاني والكل مبتسم ويناظر هالملاك جايه من السماء ولا من وين وصلت ندى عندهم وهي مبتسمها وسلمت بخجل على ام نواف الريّم وابتسمت ام نواف يامرحبا بعروستنا الجميلة
ام خالد : الواضح انكم طحتو وماسميتو يالريّم
الريّم : والله اننا محظوظين بالقمر الله يوفقهم يارب
كملة ندى تسلم على الكل وتجلس جنب نوف
نوف : يامرحبتين بزوجت اخوي الي مافي احلى منها عقبال العرس ونشوفكم احلى ثنين
ابتسمت لها ندى : امين يعيوني
-
جت ام ندى : ياندى ابوك يبيك بالمجلس
عنود : عطت ندى القهوه ودخلت ندى للمجلس بخجل
قدمة لهم القهوه بكامل حشمتها وجلست جنب ابوها وسالو ندى انتي موافقه على الزواج من نواف : بتوتر ايوا موافقه بصمة وقال الشيخ الله يكتب الي فيه الخير لكم والله يرزقكم الذريه الصالحه واستاذنهم وطلع ابتسم ابو ندى لبو نواف وغمز له علشان يطلعون من المجلس ويبقون ندى ونواف
طلعو من المجلس
-
وقف نواف يقرب من ندى وسحب طرحتها من على وجهها وقال سبحان من اطغاك بهالزين كله ورجع يقول
مدري انا بحلم او علم مدري غارق بالخيال او حقيقه
كنتي حلم من الاحلام واصبحتي واقع ياكثر الحب
لاتقولين جريء وخفيف خليني اعبر عن حبي وانا راضي تقولين بس كل المواصفات هذي ماهي الا عندك يخسي غيرك يطلعها له عجزان يندى اوصف لك مدى حبي شفتي السنين الي مضت كلها كنت فاقد الامل اني ارجع اصادفك وسبحان من جمعنا بموقع واحد بموقف واحد بكلمه واحده غيرت كل شي واجتمعنا على مكتب وكرسي
لهدرجه عيوني ماكانت توضح لك الحب كله
عم الصمت شوي والتفتت ندى وطاحت عينها بعينه وقال أنا معَ عبّادي يوم قال : عُيونك أخر امالي لأن فعلاً أملي الأول والأخير لِقى عيونك وتحقق مبتغاي ياحبي الأول والأخير ياغرامي وبداية عمري الجديد سنه سعيده علي بوجودك معي
-
ندى كان الخجل متمكنها تمكن وعجزت تنطق بحرف واحد اكتفت فقط بقولها لكلمة '' أحبّك '' حركت مشاعر نواف الف شعور وتفكير مابين فرح وفرحتين وأبتسم قال : انا كيف اطلع لهم كذا يقولون الولد دايخ وجداً
ضحكت ومدت يدها تقول الدبله وين طلعها من جيبه وقال جعلك معي بكل أعوامي ولبسها الدبله وقبّل يدها وهي لبسته الدبله حقه بعد
وقف نواف قبل يطلع : ماودك نعجل بالعرس اخاف اهلك نفسي بالأنتظار
ابتسمت : ان شاءالله مو بعيد وقريب قريب ولا يهمك ابتسم ورجع يقبّل راسها ويطلع للمخيم
وهي رجعت للبنات كانو يسولفون ويضحكون
اول ماالتفتو على ندى كانت شايله باقة الورد الي اخذها نواف لها وصرخو الله وين الورد بضبط الكل ابتسم والتفت نوف : الورد والله خطيبة اخوي
ندى بخجل : شفيكم مغرقيني كلام حلو اليوم
الكل : اوف شكله العريس غرقك بكلام اكثر من الحلو وضحكو
-
نواف رجع للمخيم واول ماوصل الكل يرحب ويهلي فيه
عساها تمت رد : الحمد لله
الكل قام يبارك له
تقدمو مطلق وحمد يرحبون بالكل على العشاء
اقلطو حياكم الله يامرحبا بالجميع
-
بالقسم الثاني من عند النساء
ام ندى تقلطهم على العشاء والكل بدا يأكل والي خلص استقبلوهم المضيفات بالقهوه
مشى الوقت والكل بدأ يستاذن نسوان الديره ورجال الديره
وام خالد وابو خالد وبناتهم وعيالهم
مابقى الا اهل العريس والعروسه
التفت نواف على عبدالرحمن ابو مطلق : ياعمي متى ودكم بزواج
عبدالرحمن : متى ماودكم
ابتسم نواف : بعد اسبوعين وشرايكم
الكل : انت المعرس والشور شورك
نواف تم
استاذنو اهل العريس بعد رجعو لبيتهم
وابو مطلق رجع للبيت تحديداً غرفته كان الكل تعبان ويبون بس يرتاحون وينامون
الكل نام ليلة سعيده على الجميع
#سم_اللقى_صدفه_واسميه_ميعاد
-
مرت الايام والايام بدون احداث مهمه
وكل هالايام تجهيزات وحجوزات واختيارات
كان نواف ماياخذ شي الا يصور لندى وياخذ رايها وهي نفس الشي بعد
' ومع مرور الأيام قرب اليوم الموعود واللي هو الزواج '
الكل عايش بأسعد الحظات ومستانسين
ويجهزون وجايبين مضيفات ومستاجرين افخم قاعة زواج بالرياض
- حددو موعد الزواج بعد اسبوعين بختيار المدينه المفضلة واللي هي الرياض سيدة المدن وصاحبة اللقى الاول والصدفه الثانيه -
ندى كانت بالصالون تسوي ميكبها وتسريحة شعرها
اما نواف الي كان يصور كل لحظه وكل دقيقه صارت تقترب اكثر من الاولى وقرب اللقى الأخير ومن بعدها بتصير ندى ملكه وحبه الأول والأخير
اخيراً
وصلو القاعه والمعازيم بدو يدخلون وتكاثرة السيارات وندى كانت بين فرح وتوتر
جتها المصوره تقول وين زوجك بتصورون فرست لوك
ندى ايوا بنصور دقيقه ادق عليه
دقت ندى : نواف
نواف : لبيه ياعيون نواف
ندى : المصوره موجوده تعال
نواف : الحين جايك
-
وصل نواف ودق الباب ابتسمت ندى من دخل نواف
والمصوره تصور لحظة اللقى كيف كانت انبهر من شدة جمال ندى وماتحمل مايحضنها ويقبّل جبينها
المصوره كانت تعلمهم لوضعيات لتصوير ونواف كل ماله يحب القرب من ندى اكثر
خلصت المصوره تصوير وطلعت بقى نواف وندى بالغرفه سحب نواف ندى له وقعد يتأملها
وقال : ترا حجزت لنا جناح بالفندق **** بنرتاح فيه اليوم وبكرا رحلتنا تم ؟
ندى : تم
قبّل ثغرها بكل حُب وطلع متوجهة لقسم الرجال
جت
عنود : يجمالك ياعروستنا خذي جبت لك اكل عشان تاكلين ماباقي شي على الزفه
اكلت ندى وبعدها عدلت روجها
والتفتت على عنود : حلو شكلي كذا ؟
عنود : بكل حالاتك قمر ياحظ عريسك فيك بس
اللهم لك الحمد انزفت ندى واخيراً الوقت المنتظر ان نواف يشبك يده بيد ندى ويمسكو خط مع بعض
شغل نواف اغنية
-
والله وشبكنا الايادي
قدام كل الحبايب
❤️❤️❤️
-
ابتسمت ندى وحطت راسها على كتفه
وقالت : حبيتك قد الحُب اللي في كل العالم حبيتك وربك وحده حبيبي هو العالم
رد عليها نواف بعد : كل أحبك قلتها لك لا حشى ماهي تسلي ماتسلى بك وقلبي زاد في حبك مقره كيف انا فييك اتسلى وانت وجهك قبلت لي
وجلسو يهدون بعض اغاني طول الطريق
وصلو الفندق ونزل نواف يفتح الباب لندى ويمسك يدها
دخلو الجناح وراح نواف يحط ثوبه بدولاب
ورجع ينسدح على السرير
وراحت ندى تغير ملابسها وتلبس بجامتها اللي بالون البنك وكانت واقفه عند المرايا وقام نواف وقف وراها وشدها له
-
أقتربي ! حاوطيني بيداك من الخلف وأجعلي جسدك يلتصق بي حتى أشعر بحرارته ويقشعر جسدي بأكمله قبلي كتفي وعنقي واهمسي لي بأنك تحبيني تحبيني كثيرًا أود سماع كلمات حُبكِ لي ورغباتك نحوي بصوتكِ الذي أحبه وأود تقبيل ثغرك بعد نطقك لأسمي بياء التملك
"""" ليلة سعيدة """"
في كل قصة حب أحلام ومدينة
ليل ونخيل وهبوب لكل قصة حب
لو كانت حزينه أجمل ألوان الغروب
#سم_اللقى_صدفه_واسميه_ميعاد
"""" part 20 """"
-
-
-
حساب الكاتبه انستا 7wao