سم اللقى صدفه واسميه ميعاد

وانا دارياً قلبي على حبّك مولّي

وصلو الجنوب بسلام ولله الحمد
عنود التفتت : ندى ندى اصحي وصلنا
ندى طول وقت ماركبو الطياره وهي نايمه
عنود : كلمي مطلق يجي لنا ماعندي رصيد

ندى : طيب اخذت جوالها وهي ترن على مطلق
مطلق : شاف جواله ورد هلا
ندى : وصلنا المطار تعال خذنا
مطلق : يلا جايكم
-
عند نواف
كان جالس بغرفته وقرر يروح لخته نوف لأنو هالفتره ماكان قريب منها مرا عكس العاده ، نوف اخته الوحيده عمرها 21 عام تدرس ثاني سنه جامعه دق نواف الباب ودخل ،،،،
-
راح مطلق لحمد ولد عمه المخيم وقال له بروح اجيب ندى وعنود من المطار واجيك لا تروح من هنا
حمد ، فز من طاري عنود وابتسم لا شعورياً قدر يسيطر على ابتسامته ورد على مطلق
حمد : ابشر انتظرك لا تطول
طلع مطلق مستعجل
وطلع بعده حمد للحوش بعد ماراح مطلق اخذ يتمعن بالقمر وقال
-
يراودني خيالك ياعنود الزين
وانا دارياً قلبي على حبّك مولّي
-
مطلق وصل لعنود وندى نزل شال اغراضهم وحطها بشنطة السياره وركبو معه متوجهين للبيت
وصلو البيت وكانو مهلوكات وبس يبون ينامون
كل واحده راحت غرفتها ونامو وبرضو حمد ومطلق نامو بالمخيم ماكانو بحاجه للمكيف برد الشتاء يكفي
-
دخل نواف وكان وده يقول لنوف بسالفة ندى وانه متعلق فيها ولكن كل مارسم فُرصه لمقابلها خابت الفُرص
وشاف انو الوقت متأخر وقال خلاص يأجل الموضوع لوقت ثاني ورجع ينام هو ونوف نامت بعد بغرفتها
-
حمد كان يتقلب ماقدر ينام وقام اخذ زقارته وطلع الحوش يدخن وكان طول الوقت يفكر بالمستقبل واللي جاي ووده يتقدم للعنود بس خايف من الرفض وا وا الا اخره من كل المواضيع صحى مطلق وكان يبي يروح دوراة المياه
طلع من المخيم والتفت على ذاك الشخص جالس بعيد شوي على رصيف الحوش قريب من باب البيت اللي يطلعكم على الشارع بديره تقدم مطلق وهو يحس هالشخص مو غريب بس ماكان وده يتكلم ويقطع افكاره
كان فضولي ووده يشوف وش فيه هالشخص الي هو
' حمد ' وصل 
مطلق : حمد !!!!!!
فز من صوت مطلق وتلعثم وكان يقول بنفسه يارب انه ماسمع شي ويارب انه مايدري وين الله حاطه
حمد : شفيك انت شتبي خرشتني وش مقومك الحين ؟
-
مطلق : انت الي وش مقومك الحين ووش عندك جالس هنا لحالك وشاب لك الزقاره في شي مضايقك ؟ افتح لي صدرك وعلمني علومك محد يقدر يضايقك وانا حي
-
حمد : لا لا مافي شي افا عليك مو انا الي اسر عليك علومي كان متردد يعلمه او لا وبنهايتها قرر يقول له
مطلق : اخلص علمني وش علمك
حمد : امش ندخل المخيم وودك نشب ضوء عشان البرد ومنها اعلمك كل شي
مطلق : تم بروح اجيب حطب وانت روح قبالي
راح حمد دخل المخيم متردد يكذب او يعلم بالصدق وخاف من ردت فعل مطلق وبذات ردت فعل عنود ماوده يتعشم هالحب ويصير مافي امل كان مخلي حبه من طرف رغم انه يوجع بس كان شايل فكرت الاعتراف من راسه ماوده ينكسر لو رفضته وهو يحبها بكل الحب ومستعد يسوي المستحيل لأجلها ، ولا وده يفقد الأمل
دخل مطلق : شف جبت حطب واجد عشان مانحتاج لو بغينا نشب ضوء نفس هالوقت
بدو يرتبون الوضع وشبو ضوء وسوو شاهي على الجمر
حمد : تنحنح قررت اعلمك الصدق ابشرك
-
مطلق : ليه وكنت تبي تعلمني كذب ! لهدرجه مافي ثقه ههههههه
حمد : ضحك معه وقال اشدعوا يولد عمي انت رفيقي واقرب من اخ بعد
مطلق : اجل وش طرا لفكرك انا سندك وسترك وغطاك مد كفك وامد كفي كلامك مايطلع من بيننا
حمد : ابتسم جعلني ماعدمتك
بدو يسولفون وجاب الطاري حمد انصدم مطلق وقال
وش الحب الي وصلك للمراحله ذي
حمد : مثل ماقلت لك صدق ان الحب من طرف يهلك الشخص والنفسيه وكل شي
مطلق : ابتسم وش رايك نعلم عنود اليوم ونقول مبروك
حمد : لا لا ابد اقول لك ماني مستعد للأعتراف ماودي اخاف انكسر وينجرح قلبي ماودي بعد الجرح مابيه من شخص احبه لأنه بيجلس علامه ومستحيل يطيب
-
مطلق : لا معليك ان شاءالله توافق ونفرح كلنا
اذن الفجر .. وراحو يصلون بالمسجد ورجعو اخذو لهم كم نص ساعه كذا غفوه
وماصحو الا في ام ندى وهي تناديهم للفطور قامو وراحو متوجهين يغسلون ويروحون يفطرون
حمد كان متردد لأنه حتى لو شاف عيون عنود مايقدر يسيطر على مشاعره سحبه مطلق غصب وجلسو كانو يسولفون
وفتحت الطاري
ندى : مطلق مادريت ؟
مطلق : وش
ندى : تخيل الدكتور الي بالمستشفى كان عندي موعد هناك اسمه نواف نفس ذاك الشخص انقذني يوم صار علينا حادث
عقد حواجبه ونطق وانتي وش عرفك انه هو
ندى بتوتر ماقلت لك انه هو ؟؟ قلت لك اسمه اسمه نفس الاسم يعني
مطلق : على اساس بس هو اسمه نواف
ندى : شفيك انت تدور الزله علي مطلق : ماادور الزله بس تدرين ذكرتينيييييي ادور رقمه من يوم اخر لقى بالفندق ولا شفته من بعدها

قام مطلق ياخذ جواله ويروح يدور رقم نواف ..

-
نوف كانت تصحي نواف عشان بيروحون لديرتهم هم بعد عشان كلهم ماعندهم دوامات اجازه
رن جوال نواف والتفت نوف تشوف الرقم
ينواااافففف قومم في واحد اسمه مطلق يتصل عليك
فز نواف اخذ الجوال وشاف الاسم وتغير وجهه ونوف بخصوص انها باقي ماتعرف الموضوع خافت وقالت شفيك لا يكون يبي منك شر هالشخص ؟
نواف : روحي روحي تجهزي وانا الحين بتهجز عشان مانتأخر غسل نواف وجهه ورجع للجوال ورد كان يحاول يسوي نفسه ناسي كل شي
مطلق : سلام عليكم
نواف : وعليكم السلام مين معي ؟
مطلق : افا يانواف ماعرفتني
نواف : صوتك مو غريب علي لكن عرفني بأسمك
مطلق : انا مطلق الحين عرفتني نواف : اهااا مطلق يامرحبا يابعد حي

مطلق وهو يبتسم على كلمة ' يابعد حيي لأنه نواف الوحيد الي يقولها له
جلسو يسولفون وقال مطلق الا ماقلت لي متى تجون الديره ابي اعزمكم
ابتسم نواف طاير من الفرح وقال : سبحان الله كانك داري اننا جاين الديره هالوقت مطلق اجل بكرا اشوفك على خير وتوصلون بسلامه

-
قفل نواف والابتسامه شاقه وجهه وانسدح على السرير وقال ياترا القى الثالث يجمع الحبايب ولا
دخلت نوف وسمعته وقالت : هاه وش تقول انت ؟
نواف انخرش وقال : ولا شي وش قلت انا
نوف : وش الي القى الثالث يجمع الحبايب ولا سمعتك ترا معقوله نواف الي مايخبي علي شي صار يخبي اشياء بعد مو شي واحد
-
نواف : يوه يانوفت قلبي وكل الحياه سالفه طويله عريضه ماتتفسر بس زبدتها ان اخوك طايح على وجهه بالغرام واقع وجداً بعد
ابتسمت نوف : ماشاءالله مين سعيدة الحظ هذي
نواف : اخوها الي داق علي قبل شوي وقال يبي يعزمنا
نوف بعددددد وانت موافق ولا لا ابتسم نواف وقال وش رايك انتي
ضحكو وكل واحد طلع يجهز شنطته ويلا بيروحون 
ركبت نوف وامها ورا وابو نواف ونواف قدام كان نواف السواق ومتوجهين للديره
-
بعد ماخلصو الفطور وجلسو بالحوش يتقهوون ويروقون
مطلق : ابشركم لقيت رقم نواف وتراني عزمتهم يعني لا اوصيكم ابي الكرم يطلع من عيونكم وانتو يالبنات يويلكم اشوف واحده رفله
فزت ندى وابتسمت وقالت ابشر يسموني ندى اخت مطلق ولا نسيت ؟
ابتسم مطلق وقال ونعم ياعزوتي جعلني ماعدمتك
ردو عنود ونور بعد لا تشيل هم ...

حساب الكاتبه انستا : 7wao

"""" البارت الثاني عشر """"
-
-
-