سبحان الله وبحمده سبحان الله العظيم ♡
(بـيـت بـهـاج - الـصـبـاح )
بهاج قام بعد اطول نومه بالتاريخ من امس العصر ....
ونوره كذالك اول مرهه تنام كذاا !
والعايله فاقدتهم لاحس ولاصور ولاستوريات !
بهاج التفت لـ نوره النايمه : نواره؟
نوره وهي مغمضه عيونها : هلا
بهاج : ماودك تقومين ندور لنا مكان نسوي فيه الحفله ؟
نوره بفهاوه:وش حفلته ؟
بهاج : الورع الي ببطنك ياحظيي
نوره : تبي نسوي حفله وحركات؟
بهاج: الله الله بكري هاذي واول ضناي لازم نفرح بها
نوره : تمام الي تبغى
بهاج حط يده على بطن نوره : متى يتحرك؟
نوره : وينن توهه هو خله يكبر بطني عشان يتحرك
بهاج : لاصدق انتي غريبه ليش ماكبر بطنك؟!
نوره : لاني بالشهر الاول توي
انصرع بهاج: ياليل بنتظر ٨ شهور على مايجي ؟
نوره بضحكه : تحمل هههههههههه
بهاج بأستفسار: طيب هو بنت ولا ولد؟
نوره : تونا يابهيج تونا
بهاج يحرك يده على بطن نوره ويضيق عيونه ويقول بفلسفه : بحسب خبرتي انها بنت وحنا ناس نبي بنت !
نوره : يعني بنت يادكتور بهاج؟
بهاج: ان شاء الله بنت
نوره : ان شاء الله
بهاج : تعبانه ولا تقدرين تفرين الرياض معي؟
نوره قامت بنشاط وتسوي تمارين بيدها : لالا نشيطه يلا نفر
بهاج: يلا بروح اجيب فطور واجي
نوره : خذني معك
بهاج قبل جبهه نوره : خليك هنا وشتبين بالخباز ؟
نوره : تمام
بهاج : بخاطرك ؟
نوره: لاا عاد وشدعوا تصير بخاطريي
بهاج ابتسم وغسل وطلع
ونوره تنهدت وغسلت وشافت نفسها بالمرايه وشافت بشرتها وبكت !
_________________________
(بـيـت ابـو عـبـد الله)
ام عبدالله حاطه يدها على قلبها بخوف : يربي عيالي وين اختفو
غدير : والله صدق لاحس ولاستوريات ولاستريكات!
وئام: استراحه محارب
ابو عبدالله: وهي صادزه وئيم خذو استراحه من هالتصوير
ام عبدالله : لاا نوره اعرفها طالعه على وخيتي تصور كل كبيره وصغيره !
غدير : ايي ومحد يرد على اتصالاتنا
ابو عبدالله: افطرو بس تراهم كبار مب مبزره
وئام: يربي ياحبكم لتكبير المواضيع !
ابوعبدالله : عينو من الله خير
_________________________
(بـيـت بـهـاج )
بهاج راجع من الخباز ومعه خبر تميز وفول وعدس ومروق وينادي نوره بس نوره ماترد عقد حواجبه : بسم الله الرحمن الرحيم وينها ؟ ليكون زعلت لاني ماخذيتها وهه يارب خفف عليها هرمونات الحمل اتعبوها يارب شل عنها التعب
ونزل الفطور على الطاوله وطلع فوق متجهه للغرفه ودخل بهدوء وعقد حواجبه بعدم فهم
نوره تناظر نفسها بالمرايه وعيونها دموع جاهله بهاج الي وراها !
بهاج تقدم وحاوط خصرها وقال بهدوء : افا وش فيه الحلو يبكي؟
نوره تمسح دموعها بفشله : مافي شي
بهاج : تخبين عني يانوري؟ ماهقيتها منك
نوره اشرت على خدها بمعنى "شوف الحبه " بهاج فهم غلط وجاء بباله انها تبي بوسه
بهاج بأبتسامه : بكل سرور
وقبل خدها
نوره : ماقصد كذاا ! اقصد شوف الحبه !
بهاج ضحك على نفسه وقال: ليكون باكيه عشان حبه ؟
نوره : ايي
بهاج: شكلها تراكمات
نوره: لا بتخرب بشرتي اذا هاذي بدايتها ينعاف تاليها
بهاج بتأمل : بحبك بكل حالاتك
نوره : بتحبني اذا خرب شكلي ؟
بهاج : ماحبيتك عشان شكلك يهمني قلبك صح انك جميله وكل شي بس انا حبيت عقليتك وقلبك وعيونك وشكلك وكل شيي فيكك احبه افهميني يابنت الناس افهميني احبك احبك
نوره بأبتسامه : اناا الي احبكك واموت فيكك
بهاج حضنها ونوره بادلته وغمضت عيونها وتحس بالامان بقربه
بهاج : يلا زانت النفسيه الحمدلله يلا نفطر
نوره هزت راسها برضى
ونزلو تحه وفرشو السفره مع بعض ونوره اذا مسكت اي شي بهاج يخاف عليها وياخذ منها ، لدرجه ان حتى كيس الخبز هاوشها عنه لاتشيله يطيح النونو ويتعبها
ونوره ميته ضحك على خوفه وبهاج يستانس اذا شاف نوره تضحك
بهاج : يلا كولي لاتضرين نفستس والورع !
نوره عقدت حواجبها : خايف علي ولا على النونو؟
بهاج : عليتس يلا قدامي ازرطي الاكل ذا كله
نوره بضحكه : وش قصتك مع حرف التساء ؟ عليتس،نفستس؟!
بهاج : لانتس ماتمشين الا بهاذي اللهجه الي تخرشتس من تتذكرين خالتي ام سحاب لبى تسبدها تاكلين زي الحلو
نوره : اهاا نظامك نظام جدتي؟
بهاج: الله الله نظامي الجديد المضمون
نوره: حلوو عينا خيرر
بهاج: هههههههههه
وكلو
نوره نفضت يدينها : الحمدلله شبعت ماتقصر
بهاج وهي يبلع الخبزه : والله ان تاكلين غاديه نحيفه بزياده هيا تعالي ابلعي ولا بتعامل معتس تعامل ثاني
نوره : والله شبعت
بهاج: عويناتس عوينات التسذوب
تنهدت نوره بضحكه : بهيج والله شبعت هههههههههه
بهاج: لابهيج ولابهاجوه بتاكلين يعني بتاكلين يلا قدامي
نوره: طي.......
قاطعها بهاج من دخل الخبزه بفم نوره : شئتي ام ابيتي ماكله ماكله الله لايعوق بشر !
نوره بلعت الخبزه بصعوبه : اشرقتني الله يسامحك
بهاج بضحكه : صحه صحه هههههههههه
نوره :به....
قاطعها بهاج: اشش كولي وانتي ساكته
واستمرت نوره على رفضها انها تاكل لانها بأختصار شبعت ! بس بهاج لاا ماعنده مصطلح " نوره شبعت " مستحيل يصدق انها شبعت
وكذالك استمر بهاج يجبرها تاكل غصب عنها طبعاً بتعامل لطيف
واخيرا تركها بهاج بعد ماخلاها تاكل كل شي
انسدحت بتعب على ظهرها
بهاج بضحكه : صحه يانوري صحه يلا عادي اول مرهه كذا الاكل الكثير يتعب بعدين كذا تتمدد معدتك وتستقبل الاكل الكثير وتصيرين فقمه هههههههه امزح معك هالحين تبكين هههههههههه
نوره : خيرر كنت مجهزه الدمعه ! تخيل بس لو ماقلت لي امزح !
بهاج بضحكه: كان الحين اسبح بدموعك هههههههههه
نوره تنهدت : الحمدلله شبعت صدق
بهاج انسدح بتعب : وهه الحمدلله صدق الذ فطور بعد السفره ابك يوم سافرت معدتي صغرت ماش ماعادت تاكل اكل كثير
نوره : هههههههههه
بهاج قام : بنت اسمعي ترى بنتلها تدور شاليه لك ولبنتي
نوره : شبعانه الحين مقدر اتحرك
بهاج تقدم وشالها : من زمان ماشلتك على كتفي بس عشان الورع نشيك بالحضن
نوره : اشوا سلمنا من شيله الكتف الي تقطع البطن صدق بطني راح وقتها
بهاج نزلها على الكنبه : يلا بس بعد ٨ شهور بأذن الواحد الاحد اشيلك على كتفي وكتفي الثاني بنتي
نوره بضحكه : بعد ؟ انت متى تعقل هههههههههه
بهاج جلس عند راس نوره : اذا بطلتي تبكين ذاك الوقت اعقل يعني مستحيل اعقل ! انتي والدموع قصه عشق لاتنتهي !
نوره : هههههههههه
وجلسو يسولفون واخيراً قررو يروحون يدورون شاليه
بهاج : يلا انتظرك
نوره تركض : تمام دقايق
بهاج بعصبيه خفيفه : لاتركضينن ! انتي متى تستوعبين انك حامل؟! متى متى؟
نوره : طيب طيب مايحتاج تعصب
بهاج : خلاص اسف
نوره: خيرر وش شعارنا انا وياك؟!
بهاج ونوره مع بعض : مابيننا اعتذارات ورسميات
وضحكو مع بعض وراحت نوره تلبس نقابها وعبايتها وبهاج متكي ينتظرها
جت نوره : بيهج نقابي حلو ؟
بهاج يرفع النقاب شوي على عيون نوره : كذا حلوو
لكن نوره وعنادها رجعته
تنهدت بهاج يهدي نفسه : يانوير وش رايك تعدين على خير ولانتهاوش
نوره نزلت النقاب زياده : اهم شي عاجبني
بهاج رفع النقاب لدرجه ان نوره ماتشوف !
نوره رجعته: وكيف اشوف يالغيور؟
بهاج: عادي امسكي ثوبي وامشي
نوره : وطول وقتي متعلقه فيك كأني ورع متمسك بفستان امه الي ترقص ؟
بهاج بضحكه: التشبيه حلو هههههههههه
نوره : اييي صح ماقلت لك
بهاج مسك نوره ويمشون متجهين للسياره : وش ماقلتي لي
نوره: رمضان قرب لازم نتقضى!
بهاج: ابشري ابد طبي السوق وتنقي
نوره ابتسمت وركبو السياره وحركو ولقو شاليه ونزلو فيه
بهاج : عاجبك؟
نوره: ماش ماعجبني
بهاج: الي مايعجبك نغيره اهم شي يعجبك
نوره ابتسمت
وراحو يدورون وكل شاليه مايعجب نوره وبعد مافرو الرياض لدرجه ان الشمس غربت وبهاج ماخلا ولارقم للشاليهات مااتصل عليهم !
بهاج طفش وفك ياقته وشماغه على كتفه ونوره للحين ماطفشت
بهاج التفت لها : ها عسى اعجبك
نوره : حوشه صغير ماعجبني
بهاج مايقدر يردها : يلا امشي ندور
وراحو يدورون
بهاج: اخر كلام تبينه ؟
نوره منبهره من جمال الشاليه : يجننن
بهاج سجد سجود شكر : الحمدلله يارب
نوره : خلاص ابغى هاذا
بهاج : يلا تم تبينه بكرا ولابعده؟
نوره: بكرا
بهاج: تم يلا شدينا
نوره: يلا
وركبو السياره وتقريباً قربو للحي الي فيه بيتهم لكن بهاج ماانتبهه للبانزين وطفت السياره
نوره : وش فيها؟
بهاج ضرب الدركسون: الله ياخذك من سياره
نوره خافت على سياره بهاج اللكزس لانها تحبها : ليكون خربت ؟! لاا عاد الا هاذيي ماقدر اعيش مع الشاص
بهاج : لا بانزين قطعت بانزين
تنهدت نوره براحه : الحمدلله
بهاج نزل : بروج اجيب بانزين من محطه قريبه واجيك
نوره: بهاج ! وشدعوا تروح وبيتنا قريب نقدر نرجع على رجولنا !
بهاج: وانتي تقدرين تمشين ولاتتعبين؟
نوره: لا اقدر اكيد
بهاج : اجل شورك وهدايه ربي
ومشو البيت ماكان بعيد مره والمكان فاضي كل الناس جالسه ببيوتهم وبهاج من شاف ان الحاره فاضيه خاف على نوره من التعب وشالها
نوره: بهاج نزلنيي عيب
بهاج: لاا انتي يالله شايله النونو على قولتك كيف تبي تشيلين نفسك
نوره: بس عيبب
بهاج: ليش عيب وانا شايل حلالي !
نوره تتلفت بأحراج: بهيج ياخي
بهاج: لابهاج ولاغيره بهاج شايل حرمته عادي مافيها شي !
نوره : بس
بهاج: خلاص مستحيل انزلك وانتي شايله معك روح وتمشين بتتعبين!
نوره : بس انت شايل ٣ ارواح انت وانا والنونو!
بهاج: ايي بشيلكم اكيد انتي والورع بعد واشيل عشر ورعان غيره بعد
نوره علقت عينها بصدمه: ١٠ ؟!
بهاج بضحكه : ايي هههههههههه
نوره: ان.....
بهاج قاطعها بضحكه: الدعوى مزح هههههههههه
نوره ضحكت
بهاج بغيره : صوتك صوتك اقصريه
نوره مسكت خشم بهاج: وايي يالغيور ترى محد فيه غيري انا وياك والجن بسم الله الرحمن الرحيم
بهاج : ايي نغار عاد وش نسويي
نوره بهمس : خلاص اخ بهيج تبغى كذا
بهاج بهمس : لا ست نوره ابغاه طبيعي
نوره : ابغاه؟
بهاج: ايي ابغاه!
نوره ضحكت بخفه لان من زود حب بهاج لنوره صار يقول زيها
ورجعو البيت وبهاج انسدح بالمجلس بتعب
نوره ترمش بعيونها بلطافه : بهيج
بهاج شاف حركاتها وتنهد وبرد وجهه عرف انها تبي شي
بهاج يمثل انه نايم : بهاج اذانه خربانه ماتسمع يلا بيرقد سلام
نوره : بهيج ؟ ترضى انام وانا بخاطري شي ؟
بهاج قام: لابالله ماارضى وين تبين بس دندني وغني
نوره: جدتي كانت اذا في مناسبه تروح لـ ابو خمسه
بهاج بضحكه : صرتي ام بدري من حبك لابو خمسه هههههههههه
نوره بفشله : مدريي احبه مقدر اتخلى عنه
بهاج : نوديك لابو ميه بعد امشي بس تدندني وغني
نوره ابتسمت : يلا مشينا
بهاج بأبتسامه : قدامي على الشاص
نوره اختفت ابتسامتها : وش ؟!
بهاج يلعب بالمفتاح: بالشاص يالحب
نوره تخصرت : شكلك ناوي تجهض النونو؟!
بهاج بأستغراب : ليش نجهضه ؟!
نوره : ولد الشاص ماهو بمريح وانت معليش يعني ماتشوف المطبات !
بهاج: ازهليي المطبات وامرهم محلول والسواقه ازهليي
نوره: مابغى مابغى
بهاج: تبغين تبغين
نوره: مابغىى
بهاج كتفها: دقيقه اهجدي ، مو انتي تبين ابو سرور؟
نوره: مين ابو سرور؟
بهاج : هاذا الملوي حقك
نوره: وش الملوي ؟
بهاج: انتي بأختصار مو تبين السوق؟
نوره: ايي
بهاج: ايي جل مااسمه ابو سرور؟
نوره بضحكه: لاا ابو خمسهه هههههههههه
بهاج: ايي ابو خمسه هالملوي ذا ماتبينه؟
نوره: اي ابغاه
بهاج: اجل يلا على الشاص
نوره: مابغىى الشاص
بهاج: دقيقه اصبري ببر ، الحين الجكسار بالورشه تعبان شوي ، واللكزس جيعانه تبي بانزين ، مالك الا الشيخ الي يفك ازمات الشاص بن شوصان
نوره عقدت حواجبها بأستغراب: وش اسمه؟!
الشاص كان موقف بالحوش ، تقدم بهاج يضرب الكبوت بخفه : الشيخ شاص بن شوصان يبي نوره تروح معه
نوره: بن شوصان ذا نوره ماعاد تبغاه
بهاج تجاهلها وركب وشغل الشاص والتفت لنوره الي متخصره وأشر لها : يلا اركبي
نوره: مابغى
بهاج يقلد صوتها: مابغوءء
مسك خشم نوره وقال: طرق من فوق هالخشم الصغير
نوره: لا مو غصب السالفه !
بهاج: لا حشى مو غصب ابداً انا ماغصبتك ولا اجبرتك انا قلت طرققق
نوره: كلهم نفس المعنى
بهاج بتفلسف : لالا يالحبيبه الغصب يعني اغصبك على الشي فهمتي كيف ؟ والاجبار يعني زي زوجنا بدايتنا يعني موب الحين الحين الطرفين راضين حلو ؟حلوين لهنا طيب نجي عند طرق طرق يعني يعني
بهاج توهق : يعني شوفي يعني
نوره: يعني جميع ماسبق
بهاج: عليتس نور اي يعني جميع ماسبق صح عليتس صح لسانتس
نوره: قلها من بدايتها
بهاج بتفلسف : لنرجع لنقطه البدايه ولنقل جميع ماسبق
نوره تنهدت بطفش من فلسفته الزايده
وبهاج عجبه الوضع وقام يسوي اعلان للشاص
بهاج : يعني شوفي عندك هاذا اسمع " فلتر "اذا ولدتي على خير ان شاء الله اروح اطعس فيك واسمعك صوت الفلتر هنننن
نوره : طيب مابغى ابو سرور على قولتك!
بهاج ماهو حولها قاعد يتفلسف : وعندك الجنوط ذي ثقه الثقه ونادره جداا
نوره: ايوه اسلم
بهاج من تفاعلت نوره معه بالسالفه تحمس : ايي وعندك الترفيعه ذي رفعت الشاص وغيرت ديكوره والخط هاذا نادر
نوره : طيب ماقالو ممنوع السيارات المعدل عليها؟
بهاج: الا بس وش نسوي
نوره : هاذا وانا لواء كيف لو شي ثاني
بهاج:صرت لواء بالغلط
نوره بعدم فهم : شلونن
بهاج: ماش ماش ماعدتي تفهمين ذباتي
نوره استوعبت : ذبهه ؟هههههههههه
بهاج بضحكه : لا تفله وش رايك يعني هههههههههه
نوره تقدمت ومسحت على الدريشه : طيب ليش ماتغسله؟
بهاج صرخ : لااا خربتي التغبيره
نوره عقدت حواجبها: وش فايدتها شكلها مقزز كله جراثيم!
بهاج : وش يعرفك انتي هاذي تغبيره
نوره : بهاج اغسله ماحبيت
بهاج: تغبيره وكاله ذي
نوره: لافاهم غلط الوكاله تصير نظيفه !
بهاج: تمام تمام اعصابك اخاف على بنتي
نوره ضربت بهاج بخفه وتقلد صوته: اخاف على بنتي ! خذ بنتك وفكني شرك
بهاج يحارش نوره : عطيني بنتي واخلي حرمه ثانيه تربيها اذا ماتبين ابو بنتك
نوره اتسعت عيونها بصدمه : هاهه ماخلي بنتي لوحده غريبه
بهاج: الله اكبر عاد لو اني متزوج حرمه ابو سندريلا
نوره ضمت بطنها بخوف : انقلع !
بهاج : امزح يابنت وش قومك تغيرتي مو هاذي نورتي الي تزعل نورتي ماتزعل من ذبه
نوره بعتاب : بهاج المزح مايكون بشي جدي مثلاً بتزوج وبخلي بنتي عند حرمه ثانيه مايصير تقول لشريكه حياتك الي هي حرمتك كذا تكفى توجع القلب اذا قلت لحرمه باخذ النونو وبعطيه حرمه ثانيه
بهاج ادرك انها هرومونات حامل ، حساسه ام دميعه يعني ادنى حاجه تأثر عليها وتفهم وضعها وتقدم وضمها : خلاص اخر مره ، اسف
نوره : ترى ماعاتبك الا اني احبك
بهاج: مابين الولايف عتاب
نوره ابتسمت
بهاج بضحكه : اخيراً نقاش بدون دموع هههههههههه
نوره : لاتذكرني ابكي هالحين
بهاج: لا خلاص خلاص امزح امزح
نوره : طيب ؟ وش اسوي اذا بكرا العزيمه احس ماجهزت شيي
بهاج : طيب نروح للسوق الحين
نوره: اوك بس مابغى بالشاص !
بهاج: ازهليني احطك بحضني ماتتأذين
نوره: افف بهاج صلح السياره !
بهاج: اللكزس دلوعه جيعانه تبي بانزين مسكينهه
نوره تعاطفت معه : اوهه مسكينه
بهاج ضحك : مسكينهه هههههههههه
نوره : لاتضحك قلت مسكينه
بهاج: اي اي مسكينه
نوره : دبر لي سياره غير الشاص
بهاج: طياره تبين ؟
نوره: لا ابي اللكزس
بهاج : تعبانه اللكزس
تنهدت نوره : اف يابهاج اف منك انت وسيارتك هاذي
بهاج: الشيخ شاص بن شوصان يسلم عليك
نوره: الله يسلمه ويبعده
بهاج مسك يدها وهي رافضه وركبها غصب وركب وقعد يطمنها انه يهدي بالسواقه
نوره : بهاج انت سواقتك سريعه وماتشوف المطبات والشاص مايوقي ! كيف تركب حامل معك !
بهاج دق الصدر : ازهليي بس تجودي
تنهدت نوره وتمسكت وهي حاطه يدها على قلبها خوفاً من سواقه بهاج المتهوره
بهاج كان هاديي وسرعه السياره بطيئه ويهوجس
يهوجس كيف يغير تعامله مع نوره يحس انه قاسي عليها يحس انه ظلمها بكثيرر من الاشياء يحس انه ماعوضها حنان ووو
نوره لاحظت هدوء بهاج وحطت يدها على كتف بهاج بحنان : بهيج ؟ وشفيك ياعيوني ؟
بهاج فز بعز هواجيسه : لبيه
نوره : بهيج وشفيك ليكون زعلت !
بهاج ابتسم : لاياعيون بهاج انتي مافيني شي دامني معك
نوره ابتسمت : يادنيتي
بهاج ابتسم وكمل الطريق والسرعه هاديه وموقف السيارات الي وراه كلها من بطئ سواقه بهاج واخيراً وصلو السوق
نوره نزلت : الله من زمان عنه
بهاج ابتسم بضحكه : تمام اذا خلصتي دقي علي
نوره عقدت حواجبها بزعل: وش ماتبغى معي؟ تستحي تمشي معي؟
بهاج فز ونزل : لالا بس بغيت اخليك تاخذين راحتك
نوره : خيرر ! وش تتركني وتقول راحتك اي راحه تتكلم عنها؟!
بهاج: لاتبكين عاد هالحين اتقضى معك من عيني ذي قبل ذي
نوره ابتسمت بشر وماكانت نيتها الا ان بهاج يشيل عنها الاكياس
بهاج رفع حاجبه : اقعدد وش انتي ناويه عليه ؟
نوره : ابد سلامتك
بهاج: جعله يطيب حالك
نوره ضحكت من ربطه للردود وبهاج ابتسم من ضحكت ومسك يدها ودخلو السوق وبهاج تعبانن يبي يرقد ونوره مايعجبها العجب
بهاج فك زرار ثوبه الاول بطفش ومسح على شعره
نوره رغم انشغالها بالاغراض الا انها انتبهه لثوب بهاج واعطته نظره بمعنى سكر ثوبك!
بهاج ماانتبهه لها يهوجس
العامل : شوف مدام هادا قط....
نوره تركت كل شي بيدها واتجهه لـ بهاج
العامل : مدام
نوره اشرت له بمعني دقيقه
نوره : ولد وش فيك اقول سكر ثوبك ماتسكر
بهاج : وش ؟
نوره انفقعت كبدها من برود بهاج ورفعت يدينها لرقبته تسكر الازره
بهاج فهم عليها وضحك على غيرتها
نوره : ياويلك اذا فتحته !
بهاج هز راسه: سمي اوامر ثانيه؟
نوره : حاسب
بهاج طلع بطاقته : خذي حاسبي انا راسي مصدع بروح ادور صيدليه اخذ بندول
نوره خذت البطاقه : يوجعك؟
بهاج: مو مره
نوره طلعت من شنطتها بندول وماء : خذ وكثر ماء !
بهاج ابتسم وهو يحب حنانها الزايد
وطلع وهي كملت تتقضى وبهاج جالس برى يشم هواء
نوره طلعت ومعها اكياس كثيره فز بهاج من شافها شايلتهم وخذاهم منها
بهاج بأسلوب هواش : وليه منتي شايفتني قدامك؟ ليش ماقلتي لي اشيلهم؟!
نوره : وشدعوا ترى مردها كيس
بهاج معقد حواجبه : وانتي حامل مايصير مجرد كيس!
نوره : ابشر ابد ماشيل شي
بهاج: حتى الريشه اذا شلتيها كسرت يدينك
نوره اتسعت عيونها: عاد مو لذي الدرجه!
بهاج : الا لهدرجه واكثر بعد
نوره تهدي الوضع : ابشر ابشر
بهاج تنهدت بضيق انه هاوشها : معليش انضغطت من خويي من الشغل يبيني اجي وانا ماخذ اجازه لبعد بكرا ولعلي انفجرت عليك اعذريني
نوره ميلت راسها بحنان : بهيج ، مابيننا وانت ماهاوشتني الا انك خايف علي وعلى النونو
بهاج ابتسم ووده يحضنها ويخبيها عن العالم لانها حنونه مره وعلى نياتها
وخلصو وشرو كل شي يحتاجونه
ورجعو للبيت وميتين تعب نوره نزلت ويدينها تاركتهم بتعب ويالله يالله تمشي وبهاج ينزل الاغراض ويدخلهم وهو رابط راسه بالشماغ من الصداع وانسدح بتعب
نوره : ماخففه البندول ؟
بهاج: لا دار راسي من الفرفره والشغل واهلي الي فاقديننا وانتي شاغله بالي
نوره جلست : تعال تعال اسوي لك احلى مساج
بهاج تقدم وحط راسه بحضن نوره بتعب ونوره تلعب بشعره وتسوي له مساج وهو جاه اكبر فلاش باك ايام لما ضاعو بالدباب وهي تلعب بشعر
تنهد : اهخخ ياسرع الايام
نوره عرفت وش يدور بباله : تصدق كان بخاطري اسألك عن عنايتك بشعرك ايام المخيم صدق كانت بخاطري ولما عشت معك تأكدت انك اكبر مهمل بشعرك وبس تغسله بدون عنايه بس تبارك الله على اهمالك الا انه يهبل
بهاج : الحمدلله ماسألتيني كان فصلت عليك هههههههههه
نوره : ايي عاد هذيك الفتره كنت شخوصيي
بهاج : الله المستعان
نوره: ضغطتني كثير بذيك الفتره غصب تمشي كلمتك علي !
بهاج: كنت ماخذ الوضع تحدي ، بس انتي عنيده مره
نوره : ليش تتحدى انت الغلطان
بهاج بضحكه : كنت بكسر عنادك بس ماش ماينقدر عليك الا بالجرجره ههههه
نوره : اييي كسرت عضدي من كثر ماتجرجرني فيه
بهاج : دامه كان يوجعك ورا ماتهجدين وتسمعين كلامي؟ وتتركين هالعناد ؟
نوره بجحده: مااعاند ، بحياتي كلها ماعاندت احد
بهاج رفع راسه وناظر لها : عيني بعينك
نوره تشتت انظارها بالغرفه وضحك ورجع راسه بحضنها
بهاج : شوفي جوال ارسلي للقروب القبيله بكرا العزيمه وارسلي الموقع
نوره بوهقه: انا؟
بهاج: لا سعود
نوره كشرت : ياصبر الارض
بهاج : الولد متدمر البنت تركته
نوره : افف يربي مقدر اقسي قلبي ، الله يجمع شملهم
بهاج : امين
نوره مسكت جوال بهاج وفتحته ودخلت "قروب القبيله للرجال فقط "
همست وقالت: حشى داخله حلاق عشان يكتبون للرجال فقط؟
بهاج سمعها وضحك : ممكن داخه قاعه افراح هههههههههه
نوره ضحكت: ارقد ارقد ياوليدي بس صاير تربط مراضيع ههههههه
بهاج : سمي
وارسلت نوره بجوال بهاج " معزومين بكرا بـ المكان ال** واللوكيشن برسله هالحين الرجاء عدم الازعاج ولا الاستفسار برقد والغايب يعلم الحاظر " وحطت مليون علامه استفهام يعني لحد يسحب سحبت اذانه
وارسلت اللوكيشن وطفت الجوال
ونام بهاج ونوره عدلت نومه بهاج ونامت وهو بحضنها
_________________________
( قـروب الـقـبـيـلـه لـلـرجـال فـقـط )
نوره بجوال بهاج : معزومين بكرا بـ المكان ال** واللوكيشن برسله هالحين الرجاء عدم الازعاج ولا الاستفسار برقد والغايب يعلم الحاظر!!!!!!!
رائد : اقعددد يابهاج ماعرفناك وانت تقول لوكيشن
ابو عبدالله : وش كشنته ؟ تبون نجيب كشنه يعني ؟
نايف : لا ياعمي هههههههههه
احمد : ماش اشك اشك
عبدالله رد على احمد : وش تشك به يابو صنادح
احمد: اشك ان الي كاتب الرساله موب ببهاج واحد ثاني !
رائد : شكوكي وصلت طبقه الاوزون وابصم لكم بالعشره انه مو ببهاج !
احمد رد على رائد : شكوك ولا شكشوكه ؟
عبدالله : احمد وابوي شكلهم جيعانين
نايف : ايي شكشكوكه وكشنه
رائد: يلد بهاج مايعزم كذا احس الرساله فيها نعومه مدري ليه احسها ناعمه احسه يقول يايي حبايبي تعالي عازمكم بشاليه يجنن يابنات احس احس وانا احساسي مايخيب ضني
ابو نايف : دقيقه دقيه وش هالاغلاط ذي ؟؟
احمد : كيف عرفت ان عمي ابو نايف معلم عربي هههههههههه
ابو رائد رد على ابو نايف : وش اغلاطه؟
ابو نايف : وش الي الغايب يعلم الحاظر؟
عبدالله : ياماشاء الله يالتدقيق
ابو رائد: اي والله وش هالاغلاط
ابو نجلاء : اجل اتفق مع رائد بشكوكه
رائد: حييي عينك ياعم
احمد : تعزيز للنسيب الدعوى؟
رائد : احذف !
احمد حذف الرساله
ابو عبدالله : تعال يالسربوت يابهاج يالداج وين مختفي لاحس ولاصور وين طسيتو ووش تغبرون بديره هالاجانب ؟!
رائد : ايي معه حق عمي مطلق يلا وين انتم غاطسين ؟!
احمد: شكله لقى النادله الي دبل كبودنا عليها
ابو نايف : اي نادله ؟!!!!!!!!!!!!!!!!!!!!!!!!!!!!!!!!
رائد: خرشتني ياعم استهلكت علامات التعجب
عبدالله : سولد اوت "!"
نايف : اييي نفذت الكميه
رائد رد على نايف : ولد ابوك ذا
ابو عبدالله: خلصوناا اي نادله تتكلمون عنها !؟
رائد غادر المجموعه .
احمد غادر المجموعه.
عبدالله: استسلم ماعرف شي
نايف : ولا انا
ابو رائد : اذا انتم ماتعرفون من يعرف؟
نايف : ابد والله ياعم سر محد يعرفه غير ابو هاجوس وابو راس وابو صنادح وبأسمائهم الحقيقيه بهاج بن مطلق ورائد بن مساعد واحمد بن سالم
عبدالله : وكل الي يعرفون السر غير موجودين ٢ غادرو وويحد مختفي ماندري وين هو غاطس
ابو عبدالله اضاف رائد واحمد للمجموعه.
رائد : عدنا من المستقبل
احمد : عرفونا على انفسكم ماعرفناكم
ابو عبدالله : خل عندك انت وياه وش هي النادله ؟!
احمد ورائد غادرو المجموعه.
واستمرو كذا الين قام بهاج من النوم بأنزاعاج من الرسايل وفتحهم وبدون مايقرى اتجهه للاعدادات وطرد كل الموجودين بالقروب لانه كان المشرف وطفى جواله وكمل نومته
والكل مصدوم من الي نفضهم نفض !
_________________________
(الـديـره - الـصـبـح )
مع زقزقه العصافير وقطرات الندى الي على كل ورده ورجال الديره طالعين من المسجد بعد ماصلو صلاه الفجر
ام سحاب تمسح على وجهها بنعاس : اصبحنا واصبح الملك لله
اتجهه للمطبخ تسوي لها فطور وتحس بوحشه وهدوء ببيتها بدون نوره فقدت بكاء نوره وهواشها مع صيته ولا هواشها الي لانهايه مع بهاج ولا حبها للمحارش ورعان الديره .
كلها افتقدتها ام سحاب فقدت حس نوره وهي تركض تستنج بها من صيته الي ملزمه تصارع نوره الناعمه
ويدها على قلبها خايفه على نوره الي لاحس ولا مكالمه وهي بغربه جاهله ان نوره بالرياض
حطت اللقمه بفمها ودق الباب عقدت حواجبها بأستغراب : بسم الله الرحمن الرحيم من يجي هالحزه ؟
وتقدمت بتعب يهلك جسدها وهي لازالت تعالج مرضها ..
وفتحت الباب وكشرت وجهها : يالله صباح خير ، خير وش تبا مننا ؟
.. : صباح ال.....
قاطعته ام سحاب بعصبيه: خلاص قلنا اعتذرت وقبلنا اعتذراك وصل الله وبارك عاد لاتصدق نفسك !
الجد عبدالرحمن والحزن يغمر وجهه : طيب جاي اصلح اغلاطي
ام سحاب : اغلاطك ماتصلحها عندي ! صلحها عند هالمساكين الي قلبت حياتهم فوق تحه بهاج وحرمته نوره تأذو منك ! صلح اغلاطك هناك موب عندي !
الجد عبدالرحمن بهدوء : طيب رمضان بعد شعر وانا ندمت وتبت وجاي اعتذر للجميع بنيه صالحه والله والذي نفسي بيده مانيتي الااعمالي ترفع لله سبحانه وتعالى
ام سحاب : طيب قبلنا اعتذارك قبل اسبوع جاي ليش هالحين ؟!
الجد عبدالرحمن تنهد : حاب اني اعتذر لين يلين قلبتس لانتس اخذتي قلبي معتس بكل مرهه توقفين قدام نوره اهيم بتس واطلع اذا شفتس
ام سحاب عقدت حواجبها بعدم فهم: وش تقول وش تهربد انت؟ وضح كلامك
الجد عبدالرحمن : الصدق يامزون يام سحاب اني حابتس من شفتس صحيح اني اذيت بنتس نوره بس انا كنت اتعالج من امراض نفسيه ! كنت مريض نفسيي ! بهاج نبهني ! اني مريض نفسي!
ام سحاب عقلها مااستقبل اي معلومه من الصدمه وهول الاعتراف بعد هالعمر كله ونطقت بصدمه: وكيف نبهك الولد
بدا الجد عبدالرحمن يتكلم
~ قـبـل ثـلاث شـهـور ~
العائله الكريمه كلها من اكبرهم الين اصغرهم كاشتين بالحديقه ولعب وضحك
والعيال يعلمون البنات لعب الكوره
نجلاء : ازهلني اعرف ياورع
رائد: ماش مامن انوثه فيك
نجلاء: شدخل !! تقلع لالف وجهك هالحين بالطاسه ذي
رائد : زين زين اهجدي
بهاج يتأمل لعب نوره: لا كذا كذا
نوره : كذا؟
بهاج يصفق لها : ايي كذا كفوو
نوره ضحكت : طيب علمني كيف اشوت الكوره لمسافات بعيده
بهاج تحمس وثبت الكوره بالارض ورجع لورا وتقدم وشات الكوره بكل قوه وارتكزت براس هيام
شهق رائد : اسلمم
احمد : انكسر الشر
نوره شهقت بصدمه: اخت سندريلا هيام هالحين تعلم حرمه ابو سندريلا الجد عبدالرحمن !!
بهاج حك راسه بوهقه ويدري بيلقم اكبر خطاب وتهزيئ لاجل هيام
بهاج بوهقه: "خطر " قامت تعلم
"خطر شخصيه بمسلسل "
نوره تقدمت وصارت قدام بهاج تحامي عنه : خلها انت بوجهي اعلى مابخيلها تركبه
بهاج رفع حواجبه: اسلمم
وفعلاً قامت هيام واتجهه للجد عبدالرحمن بتمثيل الدموع والالم وكسبت قلبه وقام بحميه وقال : من الي عليك
نوره : حشى شايفها ورع عمرها سنتين ؟!
نجلاء : وعع تفشل
هيام بكل ثقه : نوره! تعمدت تضربني
الكل شهق من كبر الكذبه !
تقدم الجد عبدالرحمن لنوره وقال بصراخ وعصبيه : وجع توجع هالفك
بهاج : هي هي وراها رجال ! لاتدعي !
الجد عبدالرحمن بعصبيه : وهالرجال الي دبل كبودنا وهو يحطها بحضنه ويداوي همومها وناسي همومنا ! ترى هي جابت لنا الهم والغم خلك رجال مثلي!
نوره تكتفت : وانت عاد نفسك رجال مع الرجال؟؟
الكل اتسعت عيونهم بصدمه من قوه الكلمه على شايب بهالعمر!
الجد عبدالرحمن جنون الارض تجمعت براسه ورفع يده بيضرب نوره نوره غمضت عيونها تنتظر الكف بس استغربت ان ماجاها شي ! فتحت عيونها لقت بهاج ماسك يد الجد عبدالرحمن ومسك يد نوره وشدها وخباها ورا ظهره ! نوره تمسك بثوب بهاج وخايفه بهاج يجيه اذيه من جده وبهاج شاد على يد نوره يطمنها انها بأمان دامها ورا ظهره
بهاج نزل يد الجد عبدالرحمن بقوه : ماتمد يدك على بنت وعندها زوج يصونها !
الجد عبدالرحمن : اذا ماربيتها انا اربيها ! هاتها سلمها لي والله لاخليها تمشي سيده
نوره من تطمنت انها بأمان ورا ظهر بهاج طلعت راسها وقالت: ربي نفسك بالاول وبعدين رب بنات الناس !
بهاج يعرف جده اذا حط الشخص براسه ييأذيه صح مايقدر يلمسه بس يعين اشخاص يأذونها وهو خايف من ذا الشي انهم يجونها غدر وحط يده على راس نوره ودخلها ورا ظهره وهمس لها : نويري اهجدي بس دقيقه
الجد عبدالرحمن هز راسه بنقد : ياحسافه تربيه ولدي مطلق لك لعنبوك تجيب اجلك بنت !
بهاج بعصبيه: اي جابت راسي وقلبي وكلي وهاذا الحب مو يذبحها واظن قصدي واضح انت مريض نفسي
انلجم الجد عبدالرحمن من بهاج لمس جرح قلبه .. "موت حرمته "
حرمته ماتت من الهم والغم الي هي عايشه فيه ماتت مقهوره منه من خذا بنتها من حظنها بسبب الفقر الي هم عايشين فيه خذا بنتها وباعها لرجال مقابل كم فلس ! خذا مولوده من حظن امها وباعها!! هي وينها الحين وين البنت وين راحت وين اختفت ووش صار عليها؟! محد يعرف وين بنته الي باعها محد يعرف عن القصه الا بهاج من خبرته بالقطاع العسكري عرف .
وصارت الكلمه ترن براسه "انت مريض نفسي "
واختفى عن انظار الجميع
~نـرجـع لـلـواقـع~
الجد عبدالرحمن : ومن ذيك السالفه والكلمه ترن براسي وراحت ٣ شهور من عمري وانا من مستشفى لمستشفى اعالج نفسي !
تعاطفت معه ام سحاب وقلبها عورها : انا فخوره بك من وقفت على رجلينك وعالجت نفسك لاجلك ولاجل الي حولك وابد انا واقفه معك
ابتسم الجد عبدالرحمن بحب وقال : ودك بشي ولا شي؟
ام سحاب : ابد سلامتك
وراح الجد عبدالرحمن وهي فكها تشنج ماعرفت تحدد مشاعرها ! وتأكدت انها تشابه نوره بكثيرر ! رحمه نوره مثلها حنان نوره مثلها تعاطف نوره مع اي شي نفسها ! نوره نسخه مصغره من ام سحاب !!
وفتحت جوالها خصلت وساله من نوره مرسلتها امس تعزم
_________________________
(بـيـت بـهـاج - الـظـهـر )
نوره وبهاج نايمين ببيتهم ناسين ان وراهم عزيمه "لسى ماراحو الشاليه "
قامت نوره بأنزعاج من اشعه الشمس الي دخلت الغرفه :افف نسيت اسكر الدريشه
فركت عيونها بنعاس ونزلت نظراتها لبهاج النايم على صدرها ابتسمت بحنان
: بهيج ماودك تقوم ؟
بهاج كانت اطلق نومه له على صدر نوره واحلام ورديه
نوره تمسح شعر بهاج : بهاج! قم يلا وراك معازيم
تحرك بأنزعاج وقام وتمدد وفرك عيونه والتفت لها : لبيه
نوره : يلا ياعيون نوره قم توضى وصلي وبنمشي الان للشاليه
بهاج هز راسه برضى ومستغرب من روقان نوره المفاجأء!
وراحت نوره تغسل وجهها وطلعت تسوي سناكس بسيط يسد جوعهم
وشوي وجاء بهاج مبتسم : علميني سر هالروقان
نوره ابتسمت ومدت له الكورن فليكس: كل يوم كذا بس ماتلاحظ
بهاج شاف الكورن فليكس وتنهد : بس مابيه عطيني تمر وحليب نياق
نوره : لا تبغى!
بهاج بعناد: مابي
نوره: تبغى !
بهاج ضحك : نوره شوفي شكليي مايناسب مع كورن فليكس
نوره كشت بوجهه بمزح: عكرت مزاجي هالحين ابكي
بهاج : لالا ماتفقنا كذاا
نوره: اجل اكل
كشر وجهه : بس ماعاد ابا
نوره: لا تباها
بهاج مستلطف نطقها: وش اسمها؟
نوره بزعل : خلاص
بهاج : افا من مزعلك ؟ازعله واتوطى ببطنه
نوره : انت زعلتني
بهاج عقد حواجبه بصدمه : ماسويت شي وش سويت
نوره تكتفت : ادري ماسويت شي بس احسك بتسوي قلت خل نزعل بدري
بهاج ضحك وحضنها على جنب : معليك خلاص شريت كتاب كيف تعامل مع المرأه الحامل الحساسه
نوره : وش استفدت منه بالاخ؟
بهاج يحارش نوره: استفدت كيف اكون شديد معها واذا بكت اسطرها واذا خاطرت بنفسها اسطرها
شهقت نوره بصدمه : وينه هالكتاب بقطعه خراب المجتمع !
بهاج ضحك: امزح لاشريت كتاب ولا غيره
نوره ضيقت عيونها : عيونك تقول ان بهاج يكذب
بهاج ضحك وسكت
نوره من سكت زادت شكوكها
بهاج : لالا ماشريت شيي علامك ؟
نوره : ماعلامي شي
بهاج ضحك على ردها وشال الاغراض وطلع وتذكر اللكزس الي موقفه بالحاره وكشر ورجع لنوره ومعه الاغراض حقات الشاليه
نوره بأستغراب: وش فيك رجعت؟
بهاج نزل الاغراض : بروح اشرب بنتي واجي
نوره اتسعت عيونها بصدمه : مين بنتكك!
بهاج : السياره بروح اعبيها بانزين لاتخافين ماعندي بنت
تنهدت نوره براحه وهزت راسها برضى وابتسم بهاج وراح ونوره راحت تتجهز وتلبس
وشوي وجاء بهاج ومدخل اللكزس بالحوش ويدق بوري بمعنى "انا جيت "
ونزل واتجهه للمطبخ وشال الاغراض وحطها بصندوق السياره ومن خلصهم نفض يدينه ودخل البيت واتجهه للغرفه وريحه العطر الي تهزه وتضيع علومه فايحه ودخل والابتسامه مافارقت وجهه ومن كثر مايحب ملامحها ماركز بفستانها الي يذبحه غيره
نوره تحط البلشر وملاحظت وجوده معها
تقدم بهاج وحضنها من ورا ويشم ريحه العطر : والله يانور حياتي ماتحتاجين هالخرابيط انتي حلوهه حتى وبأسوا حالاتك حلوهه وش لك بهالخرابيط !
نوره ابتسمت : نبرز جمالنا
بهاج بذوبان : بارز من دون هالخرابيط
نوره ابتسمت وتركت فرشه البلشر والتفت على بهاج وصارت مقاربه لوجهه وبهاج لازال محاوط خصرها وغرقان بعيونها
نوره ابتسمت والابتسامه هاذي خذت قلب بهاج وقبل شفايفها ونوره من الصدمه تجمدت مكانها !
بعد بهاج عنها ويضحك ونوره تقدمت تضبط شعره
نوره مدت له الشماغ : عاد يلا البس شماغ وكشخ ماعرف اضبطه لك
بهاج ابتسم وخذا الشماغ من يدينها ونطق : ازهليي
وبدا يضبط الشماغ وينسفه ويبخ من عطره والتفت لنوره : بسيطه بس يبيلك وقت عشان تضبطين المرزام
نوره ابتسمت وتقدمت للمرايه وتحط روج وبهاج جالس على الكرسي وعلومه ضايعه ومبتسم
والتفتت نوره : خلصت
بهاج قام : يلا مشينا
نوره : يلا دقايق البس عبايتي
بهاج رجع جلس : يلا خذي راحتك
ونوره طلعت عبايتها ونقابها ولبسته وبهاج على جواله
نوره تعدل نقابها : بهيج حلو ؟
بهاج رفع راسه عن الجوال وشاف عيونها الي الميكب بارز جمالها وكشر ونطق بحده وغيره : لا
نوره عقدت حواجبها : وش لا؟ليش لا؟
بهاج بغيره : عدليه وضوقي فتحه عيونك من النقاب ! النقاب فتحته كبيره اذا ملاحضه
نوره عقدت حواجبها والتفت للمرايه تبي تشوف وش الغلط ! بس مافي شي ليش عصب هو ! جاهله غيرته الزايده
بهاج وهو معقد حواجبه بغيره : انا رايي تتغطين بالمره
نوره التفت ومتنرفزه منه : خيرر وش فيك انت اليومم نقابي مافيه شيي !
بهاج قام وحط الجوال بجيبه ونطق بعصبيه خفيفه : انتظرك بالسياره وهالمروح ذا لاشوفه دبري نقاب ثاني
نوره من ارتفعت نبره بهاج عليها بدت عيونها تلمع دموع وبهاج ماشاف لمعت عيونها وطلع من الغرفه ويهدي نفسه لايكفر فيها واتجهه للسياره وراص على اسنانه بعصبيه لانها يعرفها بتعانده وهو يعصب ويكفر فيها ويبكيها !
هو كل مره يحاول يبعد عن العصبيه بس هي تجبره يعصب عليها من عنادها !
اما عند نوره الي بصمت بالعشر لتروح بالنقاب الي هي تبيه وتبي تعانده
ومسحت دموعها وعدلت الميكب بشكل سريع وضبطت النقاب وتعمت تطلع عيونها كلها !تعانده عشانه رفع صوته عليها
وطلعت ومعها شنطتها وتمشي بثقه متجهه للسياره
بهاج كان مرخي ظهره على المرتبه ويفكر وطاحت عيونه على نوره الي جت
بهاج عض شفايفه بعصبيه وناظرها
نوره دخلت وكانت بقمه الهدوء
بهاج ناظرها بعصبيه ويحاول يهدي نفسه : يابنت الاجاويد لاتخليني اسوي شي واندم وانتي تعرفين غلاتك عندي لاتعانديني تاكلني الحسايف
نوره التفت وحطت نظراتها بنظرات بهاج الي تحذرها تغير النقاب
نوره : ماتجبرني على شي مابغاه !
بهاج بحده وغيره : ماجبرتك على شي! انا قاعد اتجنب اهاوشك لكن تجبريني انتي بحد ذاتك تجبريني اهاوشك لاتعانديني وقومي غيري هالخرقه لاتحديني اجي صوب الردي يانوره !
نوره بعناد فتحت مرايه السياره وتعدل نقابها وتمدت تنزله زياده !
بهاج رص على اسنانه : والله وبيتً بناه الله والله وتالله ماغيرتي بقطعه عليك هالحين !
وصرخ وقال : يابنت انتي تعرفين اني ماتحكم بعصبيتي وانا اتجنب اعصب عليكك لاتحديتي اقطعه واخرب كل هالعزيمه والخرابيطط لاتجرينيي !
نوره اكثر وحده تعرف ان بهاج يعاني من عصبيته المتهوره الي من الممكن يقتل شخص من عصبيته ! سكتت وارخت ظهرها والدموع بدت تتجمع بعيونها
تنهد بهاج من شاف دموعها ونطق : عندك ٣ خيارات ! ياتتغطين او تمسحين مكياجك او اقطع نقابك قطعه قطعه قد اعذر من انذر
نوره التفت للجهه الثانيه تمنع دموعها تنزل لكن خانتها الدموع وطاحت
بهاج سحب طرحتها وحطها على وجهها ونطق : والله تشيلين الغطوه شلت عيونك
نوره جت بترفع الغطوه لكن بهاج ضرب الدركسون بعصبيه : اشيل عيونك!
خافت ورجعت الغطوه ولفتت لجهه اليمين بزعل وحرك بهاج السياره
بهاج خذا نفس وهدى نفسه واستغفر والتفت ومسك يدها بحنان: اسف غيرتي وعصبيتي ماقدر اسيطر عليها شي خارج عن مقدوري اعذريني عليه وتدرين اني اتحسف وتاكلني الحسايف اذا هاوشتك او عصبت عليك اسف اعذريني ماقدرت اسيطر على عصبيتي وغيرتيي
نوره شافت يده الي على يدها وقعدت تتأمل يديهم وهو يعتذر وسكتت
تنهد بهاج من سكوتها ومسك خدها : تبين قهوه؟ ولا وش تبين ؟ اطلبي اي شي انا حاظر يانور قلبي اطلبي ولاتستحين
اما نوره تفكر كيف تصارحه بالفستان الي هي لابسه اذا نقاب بس نقاب هاوشها عليه كيف فستان عاري الاكتاف وش بيسوي فيهاا ؟!
بهاج بأبتسامه: بجيب لك قهوه عاد الحين وبعدين فكري وش تبين اجيب لك
نوره تفكيرها كله بالفستان
بهاج اتجهه للكوفي ويتوقع ان نوره زعلانه عليه وماترد عليه جاهل انها تفكر بفستانها ! ونزل وطلب له ولها قهوه وطلع واتجهه للجهه نوره ويأشر لها بمعنى نزلي الدريشه ونزلت الدريشه وبهاج نزل نظارته الشمسيه ومد الكوب لنوره
بهاج بأبسامه : عادك زعلانه مني؟ انطقي اشتقت لثرثرتك الزايده
نوره خذت الكوب ونطقت : لا
بهاج عقد حواجبه من ردها البارد حاس ان فيها شيي : فيك شي؟
نوره هزت راسها بنفي
بهاج لبس نظارته الشمسيه : اذا فيك شي قولي
نوره : مافيني شي
بهاج يتوقع ان نوره ماتشوفه من تحت الغطوه وسوى حبتين بيده : كم هاذا؟
نوره ضحكت عليه ونطقت : اربعه
بهاج ناظر اصابعه يتاكد انهم حبتين مو اربع : هاه؟
نوره : اشوفها اربع اصابع!
بهاج بخوف : يويليي حرمتي انحولت
نوره بضحكه: امزح اشوفها خمسه
بهاج انصدم زياده : اردى من الاربع الصبع الخامس وينه؟! الاربعه مشينها لان يديني حبتين لكن خمسه؟ وين تصريفها ذيي خمسه؟ يعني لو حطيت ثلاث اصابع تصير سته خمسه منين جت ! يلهويي صدق
نوره ضحكت : امزحح ما...
قاطعها بهاج : اصدميني زياده
نوره بكذب : ماشوف يدك اساسا
بهاج : جعله يطيب حالك
نوره عقدت حواجبها : شدخل؟
بهاج راح وركب السياره : الله يسلمك
نوره هزت راسها بأسى منه
بهاج يقلب يدينه مو مصدق ان نوره ماتشوف يده واتجهه للشاليه ووصلو ونزل بسرعه وفتح الباب لنوره وساندها يحسبها صدق ماتشوف من تحت الغطوه
نوره ضحكت : بهاج امزح اشوفف
بهاج سوا حبتين بيده : هاذي كم؟
نوره : ثنين
تنهد بهاج براحه :الحمدلله اجل يلا روحي داخل تشوفين الدرب
نوره ابتسمت ودخلت وهو ينزل الاغلاض ورابط الثوب على خصره وداخل على نوره الي لازالت بعبايتها عقد حواجبه: مامن غريب فكي عبايتك
نوره تضيع الموضوع : جيب الحلا جيبه
بهاج اعطاها الحلا : بنت وش قومك متقروشه اليوم؟!
نوره بوهقه : مدريي متوتره
بهاج ضحك : عاديي انا اصارحهم ازهلي اذا خايفه
نوره : تم انت صارحهم
بهاج: لاانتي صارحيهم
نوره : تمام رح جهز قسم الرجال
بهاج : هابشري
نوره : فك ثوبك لايتصفط ماعندنا كوايه نكويه
بهاج : المغسله
وراح بهاج يجهز بقسم الرجال ونوره تجهز قسم الحريم
_________________________
(الـعـصـريـه بـبـيـت ابـو نـجـلاء )
احمد متكى على باب غرفه نجلاء: يابنت خلاص دفتني وجهك بهالمكياج
نجلاء تحط مسكره : يابو صنادح يرحم والديك اسكت بركز
تنهد احمد : يابو سالم رائد واخته سيارتهم خربانه بسرعه انشوو بهالقوايل
نجلاء تحس جسمها مو متوازن من سمعت اسمه بس "رائد"ونطقت بهدوء: خله يقلب دجاجه هالدجاجه
احمد : انتظرك بالسياره خمس دقايق ماجيتي بسحب عليك
نجلاء: اسحب عيونك اذا سحبت علي !
احمد تنهد
نجلاء: وين امي وابوي؟
احمد : قدهم راحو للعزيمه
نجلاء : تمام خلصت يلا مشينا
احمد : سنه ؟ الحمدلله
تجاهلته نجلاء واتجهه لسياره وركبت ورا عشان الاخ رائد يركب قدام
وشافو رائد وجنبه وداد الي حارقتهم الشمس
احمد : اركب صاير دجاجه على هالظهريه
نجلاء تحارش رائد ووداد : افف ريحه شمس ومشاوي
احمد : اييي بالله ريحه مشاوي
رائد يبي يرد الحركه : افف ريحه استشوار
وداد هبدت رائد : اسكت
رائد : سمي
احمد : اووه لقيت مغنيه بطلههه
كلهم بصوت واحد : ساجده ؟
احمد هز راسه بالنفي : لا
كلهم : الله يستر من؟
احمد : ساريه السواس ، بس اسمع منيي
رائد مسك راسه : ياراسيي ساجده وساريه
نجلاء حطت يدها على كبدها : وتسبديي
وداد : اذاني يااذاني تحملي تصبري ان الله مع الصابرين
احمد تجاهل تعليقاتهم على جوهه وشغل ساريه السواس وطول الصوت اعلى شي وبد يتنكس ويرقص وفي اسعد لحظات حياته
رائد تنهد وفتح الدريشه وناظر المرايه الي عاكسه شكل نجلاء الي حاطه يدها على خدها بطفش وقعد يتأملها ووده يغطيها ويلبسها نقاب عشان العالم ماتشوفها
نجلاء تفكر بحب رائد لها هي ماقدرت تحدد شعورها اتجاهه ورفعت نظراتها وطاحت عيونها على عيونه وكلهم يطالعون وعيونهم تتكلم عن حبهم
نجلاء استوعب وشالت نظراتها بس قبل لاتشيلها خزته ومسكت جوالها
تنهد رائد من مكابرها عن الاعتراف وسكر الدريشه وحاول يندمج مع احمد بس باله مشغول فيها !
احمد شافهم هاجدين : افف منكم
كلهم ناظروه يدرون بيجيب شي اقوى من ساريه السواس
شغل مكس بين اغاني ساريه السواس وساجده وابتسم بفرحه من ضحكو
نجلاء تقدمت وصارت بالوسط : هات الجوال جويي اطلق منكم يافشله
رائد حط يده على راس نجلاء ورجعه ورا : قاعده تحجبين عني الرؤيه !
نجلاء : الله اكبر عاد من كبر راسي عشان يحجب الرؤيه يابو راس
رائد سحب الجوال من احمد
احمد : باعوص
رائد شغل اغنيه "ياندمانه "
نجلاء ووداد تنهدو بضيق
نجلاء : كل واحد جوهه اردى من الثاني
وداد : ايي هاذا جو رائد ندمانه واه يالندن ومنو قلك منو
نجلاء مسحت على وجهها : امحق
رائد رفع صوته وشدد على كلامه : ياندمانه على حبي
نجلاء بهمس : اللهم احفظ مرارتي ماعندي الا وحده
احمد مالاحظ انه تعدى الشاليه واستوعب وداس على الفرامل ورائد على القزاز ونجلاء جتهم قدام ووداد الميكب حقها طبع على المرتبه
احمد : انكسر الشر
رائد: انكسر راسي
نجلاء رجعت مكانها بألم : شكل راسك شر
وداد : وجع خربت ميكبي
احمد مسح على القزاز الي انكسر من راس رائد : ياولد راسك بلك ؟ مصنوع من معدن يلد ماشاء الله كسر القزاز تف تف ماشاء الله
نجلاء: كمخه
رائد يحك راسه بفشله
احمد حس بفشلته عند البنات : ياولد عاديي تصير تصير
رائد ضحك من الصدمه
ووقفو عند الشاليه ونزلو والعيال راحو عند قسم الرجال والبنات لنوره
_________________________
( الـشـالـيـه - قـسـم الـحـريـم )
الحريم سلمو على نوره وعتبانين عليها لانها ماعلمتهم انها رجعت من لندن
دخلت صيته تركض بأتجاه نوره وتصرخ : نورييي
نوره التفت على صوت صيته وابتسمت بحب وفتحت يدينها وتقدمت تحضن صيته
صيته : ياحيوانه اشتقت لتس وش هالقطاعه !
نوره بضحكه : يابعد عمريي ياصيوت خذيت فتره نفاهه
صيته بمزح : غشش المفروض خذيتيني معتس
نوره بأبتسامه : المره الجايه ابشريي
صيته ابتسمت وراحت تفك عبايتها وتضبط شكلها
نجلاء جت وماسكه واسها : اهخخ ياراسيي
نوره : بسم الله عليك وش فيك ؟
نجلاء: لك ان تتخيلين ان ساجده وساريه بصوت واحد !
نوره : ياراسيي حركات ابو صنادح مايبطلها
نجلاء : وفوق هاذا كله غشيم مايعرف يسوق الظاهر اذا ركبت معه حامل ولدت المسكينه
نوره ضحكت : يلا يلا في مفاجأه روحي عند الحريم
نجلاء : الله ياحظناا فيك بس احسد بهاجوهه
نوره ابتسمت وراحت نجلاء ونوره تحس الارض مو شايلتها متوتره مرهه ماتدري كيف تصارحهم بحملها !
واتجهه للغرفه وخذت اكياس الهدايا الي جابتهم من لندن لكل وحده فيهم
دخلت المجلس وابتسمت : اهلاً بالجميعع
ام سحاب : ياحي هالطله بس
نوره ابتسمت وتركت الهدايا وقبلت راس جدتها ام سحاب بحب
ورجعت للاكياس ورزعتهم على الحريم والبنات وحتى هيام مانستها !
ملاك فتحت هديتها حصلت لعبه وقامت بفرحه وحضنت نوره ونوره ضحكت ونزلت مستواها تبادل الحضن
نوره : بجيب لك هدايا كثيرر انتي تستاهلينن
ملاك ابتسمت وتتأمل لعبتها
وكاتت الهدايا امنيه الجميع نوره عارفتهم وجابت امنياتهم وحتى هيام فرحت بهديتها بس اخفت فرحتها
نوره ماكانت تعرف ذوق هيام بالعطور وشرت لها على ذوقها
هيام ناظرت نوره بشر وتفكر كيف تظرها وتعرف ان مضره نوره سهله من دون بهاج
نوره تنهدت بفرحه : كيف بس
شافت الكل مشغول بهداياه وفرحانين ونوره اذا فروحو فرحت هي وقهوتهم وسوالفو وقامت نوره
نوره بصوت عالي : تمام كلكم اخذتو هدايا بقى الهديه الكبيره الي جمعتكم عشانها
ام سحاب : بشرينا يابنيتي
ام عبدالله : اسلمي
نوره جت بتنطق بس كأن لسانها انربط مو عارفه تفرحهم بموضوع حملها وتنهدت بضيق لانها ماقدرت تقول ! قررت تتصل على بهاج يقول لهم
نوره بزعل : بهاج
بهاج رد عليها وهو يقهوي الرجال : لبيه وشفيه صوتك ؟
نوره : بهاج تعال !
بهاج نزل الداله : جايك قولي لهم يتغطون
نوره : تمام
وقفلت الخط وقالت : بهاج بيجي تغطو
صيته ابتسمت تدري انها حامل لانها هي اول من عرف وتغطت
ام عبدالله : وشفيه وجهك اقتلب
نوره : لا مافي شي
بهاج من ورا الباب: الدرب
نوره : ادخل
دخل بهاج ووقف جنب نوره وهمس والغيره تاكل صدره : نوره وش هاللبس الخايس ابك انتي منين تجيبينهم ؟!
نوره دقت بهاج بخفه: بهاج مو وقتك وغيرتك
بهاج بهمس : جبتيني ليه؟
نوره : بهاج عجزت اصارحهم
بهاج دق الصدر بحماس : ازهلينيي ، يلا في علم يوسع الصدر واطلب منكم جميعاً تطلعون بالحوش وتشمون هواء
نوره : بهاج !
بهاج يأشر لها بمعنى دقايق وبهاج حس انه منظم حفلات وطلعهم كلهم وجلسو بالحوش ونوره حاطه يدها على راسها من بهاج
بهاج وقف بينهم وعلى يمينه نوره وهمس لها : وش اقول؟
نوره بهمس :قول انا حامل
بهاج : سيداتي سادتي سنقدم لكم اليوم اقوى مفاجأه على التاريخ الا وهيي
ام عبدالله : وترتنا وياولد انطق
بهاج التفت لنوره : وش اقول ؟
تنهدت نوره وهمست : انا حامل
بهاج حط يده على بطنه ونطق : انا حامل
الكل شهق بصدمه من بهاج ! بهاج رجال كيف حامل !
نجلاء : هاهه؟
نوره حطت يدينها على وجهها من الفشله
ام سحاب : منين ؟
بهاج : مني !
ام عبدالله : ولد انطق كيف حامل انت؟
بهاج استوعب وضرب جبهته : الله ياخذك ياغبيي
والتفت شاف نوره متفشله وضحك يلطف الجو : امزح امزح
وحضن نوره على جنب ونطق بفرحه : نوره بتصير ماما نوره
ام سحاب تدمع بفرحه : تقول صادق ؟
بهاج بفرحه : ايي صادق
ام عبدالله تقدمت وحضنت نوره : ماشاء الله الف مبروك
نوره خانتها المشاعر وبكت وبهاج شافها وضحك
ام عبدالله التفت على بهاج وحضنته : الف مبروك
بهاج :الله يبارك فيك
بهاج كانت جنبه نوره وبلمح البصر جو البنات يباركون لها واختفت من جنبه
رفع حاجبه وهو يسحبها من بينهم : هيي عاد هاذي حقتي !
غدير سحبت نوره : حقتنا هاذي
بهاج حطها ورا ظهره وناظر هيام وامها ونطق بصوت عالي وكأنه يحذر هيام وامها : هاذي حقتي والي يضر ويأذي شي من اغراضي كسرت راسه وفقعت عيونه !
هيام : الله اكبر عاد ومن زينها الساحره
بهاج ناظرها بتحدي ونطق بحده: الاسبوع الجاي المحكمه يالاخت هيام
هيام سكتت
بهاج بحده : والله الي يبكي نوره ببكيه عشر سنين قدام والي يأذيها اذيه قد اعذر من انذر !
وطلع نوره من ظهره : يلا بس هاليوم حقتكم وتهنو بها لاني بخبيها خلاص
ام رائد : ذبحت البنت وانت تجرجرها
نوره ضحكت
بهاج ابتسم وهو يشوفها بين الاحضان والفرح والتبريكات
جاء بيروح لكن لفت انتباهه نظرات هيام لنوره وكأنها تبي تسوي شي ودب بقلبه الخوف وسحب امه : يمه تكفين نوره لاتروح من عندك افطني لها وانتبهي لها
ام عبدالله : ابد بأيادي امانه بس ليش توصي وهي بيننا ؟
بهاج : يمه اخاف عليها اخاف عليها من الهواء البارد فما بالك وهي حامل !
ام عبدالله : ابد بحطها بين عيوني
بهاج : يمه واثق فيك انتبهي لها وحتى الماء البارد لاتشربه
ام عبدالله ضحكت من خوفه المبالغ فيه : يامك عاديي عشانه البكر تخاف عليه
بهاج : اخاف عليها تتضرر ولا الورع بداله ورع لكن نوره مابعدها نوره
ام عبدالله : يمه منك
بهاج : لاتلوميني عيونها تضيع كياني
ام عبدالله : ابد نوره بين عيوني وعيون وخيتي مزون
بهاج : وانتبهي لها من المرجوجات صيته ونجلاء لايرجونها بالمصارعه والرقص ،نوره لايجيها اذى
ام عبدالله : ازهلني اربطها عندي ماتتحرك لايمين ولايسار
بهاج ابتسم وهو واثق بأمه وقبل راسها ورفع طرف ثوبه وطلع من قسم الحريم بعد مانشر البهجه والسرور على وجيهه الحريم والبنات
نجلاء طلعت فوق الطاوله وصرخت : بصيرر خالهه
صيته تعزز لها : بصيرر خاله لعيال اختي نورييي
غدير : بصير عمه للمره الثالثه
نوره ابتسمت بفرحه لانها تعتبر بنات عم بهاج خواتها !
واستانسو وباركو وصورو وقطعو الكيكه
ام هيام بشفايه : ها هو بنت ولا ولد ؟
نوره : توي بالشهر الاول
هيام : وبهاجي وش وده؟ بنت ولا ولد ؟
تنهدت نوره تهدي نفسها من نطقت هيام "بهاجي"
نوره ماحبت تقول لهم بهاج يبي بنت! لان اذا طلع الي ببطنها ولد بيقعدون يمسكونها عليها ومن الممكن يضرون ولدها ويسمعونه كلام ان ابوك كان وده ببنت بس جيت انت ومن هاذا الكلام نطقت نوره بهدوء : يقول الي يجي من الله خير وبركه
ام سحاب : هو خليه يجي الورع بعدين يصير خير بنت ولا ولد ماتفرق
ام هيام : لا بالله يفرق الولد ولد غير عن البنت الي تجيب لـ اهلها العار !
نوره انفقعت كبدها من تفكيرها : لاتتكلمين وانتي ماعندك الا بنت ! اذا تفكيرك كذا ليش ماجبتي لهم ولد ؟
ام هيام عضت على شفايفها بقهر من كلام نوره الي الجم ام هيام
نجلاء : ياصبر الارض
هيام : لا جيبي لبهاجي ولد عشان يشيل اسمه هاذا بهاجي مميز
نوره ماتحملت وتقدمت لهيام ونطقت بحده وغيره : اسمه بهاج !
هيام بغرور : هو قال لي انه يحب اسم بهاجي مني !
نوره : وش اسمه ؟
هيام : بهاجي حبي....
قطع كلامها من الكف الي طبع على وجهها من نوره !
همست غدير بصدمه : غيرتها صارت تشبه غيره بهاج ! صارت تضرب اذا غارتت !
نوره بعصبيه وصراخ : انطقي مره ثانيه والله لاقبرك هنا !!
ام هيام تقدمت وشدت شعر نوره
نوره رفعت يدها بتصفق ام هيام بس هيام مسكتها
قامت ام سحاب وسحبت عصاتها وهبدت ام هيام وهيام ونطقت بعصبيه : لابوكم لابو الي جمعكم يهاكلاب المجمع
صيته شمرت : علي الطلاق ماعديها على خير
وسدحت هيام وسطرتها والتفت لنجلاء : ثوري سطري
نجلاء تقدمت : ماقول لا !
ام عبدالله تذكرت كلام بهاج "نوره لا يجيها اذى " وتقدمت وسحبت نوره من بيت الهوشه وجلستها : اجلسي لايثور فينا بهاج
نوره جلست وحطت يدينها على وجهها تبكي
وام نجلاء وام رائد وام نايف تقدمو يفارعون بينهم وغدير واقفه على الطاوله تصور الهوشه عشان تنقل العلوم
نوره مسحت دموعها وقامت بتشارك بالهوشه بس سرعان
ماسحبتها ام عبدالله : يامره انثبري شوي حامل انتيي
نوره تتفلت من ام عبدالله : خليني ياخالتي العن والدينها
ام عبدالله جلستها وراحت تفارع بالهوشه ومسكو ام سحاب الي ذبحت ام هيام بعصاتها ومسكو صيته ونجلاء الي ماسكات هيام جلد
ووقفت غدير التصوير من خلصت الهوشه وخبت جوالها
_________________________
(قـسـم الـرجـال )
بهاج يقهوي : ايي نسيت اقولكم يارياجيل
زيد : الله يستر
ابو رائد : سم وش بغيت؟
ابو رائد : اسلم
بهاج تنحنح بفرحه : بصير اب بعد ٨ شهور ان شاء الله
ابو عبدالله فز بفرحه : صادق انت؟
بهاج : ايي
وباركو له واستانسو له وتقهوو الفرحه مو سايعتهم لكن اختفت فرحتهم من سمعو صراخ الحريم
تكى رائد على المركى : عز الله دجاج مايهجدون
احمد : عز الله مايشبعونن
زيد بهمس : اكيد صوصو مشاركه
بهاج سمعه : اكيدد المصارعه تشارك
زيد التفت : وش عرفك ؟
بهاج : حبك لها طالع من عيونك ياشيخ
زيد التفت ونزل راسه بأحراج
بهاج ضحك : تحبها اخطبها
زيد : المح لها بس ماش ام جدايل ماتفهم
بهاج : اخلي نوره تفهمها
زيد : نوره فضيحه
بهاج : ازهل بس تعلم صيته ونجلاء وانا بس ويمكن انت
زيد : اي وهاذا بلاي هالثلاثي
بهاج ضحك وشرب الشاهي
والعيال والرجال تجاهلو صراخ الحريم تعودو على هواشهم
تجمعو العيال على شكل دائره وبينهم الشاهي والقهوه والتمر والبسكوت
عبدالله : عطوني حكم اثرت فيكم
بهاج وهو يشرب شاهي ومتكي : اذا اشتدت عليك المهام شد البطانيه وارقد
رائد : من جد وجد ومن شاف الاختبار هجد
احمد : لاتتعلق بالناس فالناس ليسو اشجار وانت لست قرد
نايف يصفق منبهر : حبيتتتت
زيد : حبيتت جهود لايشكر ولايذكر
بهاج بثقه : جعلني عند حسن ظنك
عبدالله ضحك من فهاوه بهاج
بهاج : طيب عنديي سؤال خطيرر جداً عجز العلماء عن الاجابه عنه !
زيد : الله يستر سم وش سؤالك ي الاستاذ بهاج؟
بهاج : اذا حطيت جوالي بالمكرويف وش يصير؟
رائد : بتسمع من ربك مادينك
احمد : يصير فشار
عبدالله : هاذا وانت لواء وهاذا سؤالك ؟
نايف : غبائك بجهد مجتهد ماشاء الله عليك
زيد : يارب صبرني على غبائكم
احمد : ياعيال تصدقون ودي ادخل طب !
بهاج حط يده على دقنه : ايي ماشاء الله الدكتور ابو صنادح انت تفهم بمجال الطب ؟
احمد : افاا عليك كيف ماعرفه وانا مولود بالمستشفى يعني افهم!
عبدالله حط يده على جبهته : ياربيي غباء كبر هالصنادح على وش ؟
نايف :هو مااستفاد من كبر هالصنادح الا الغباء
زيد : طيب انا عندي حكمه قويهه
احمد : اسلم
زيد : لاتنظر الى النصف الفارغ بالكأس ولاالنصف الممتلئ .
رائد :ياشيخ اشرب وانت ساكت بس صجيتنا
بهاج : ياعيال سيريلاك سيريلاك ترا بس قال رايه
عبدالله : اسمها ريلاكس الله يخلف سيريلاك هاذا لولدك المستقبلي
احمد : واوو فنون الرد
بهاج : على طاري فنون الرد خل نفتح فقره فنون الرد !
زيد : اييي جويي يلا قدام
رائد : اجل ببدا انا
نايف : اسلم
رائد : مسلم قبل اشوفك
العيال بتعزيز : اوههه قويه قويهه
عبدالله عدل جلسته : تمام دوري ، اذا احد قال لك شخصاً ما وش دخلك اهدى وركز وخذ نفساً عميقاً ثم قل له دخلني الباب الي دخلك بوم قصف جبهات
احمد : احتاج فنون التحمل والله طولتها وهي قصيره
بهاج يكح : افف مغبر مغبر اشرقتنا بغبارك
زيد : طلع الرد من قبره
نايف : الله يعين ، بقول نكته تضحك ، في واحد راح للبقاله قال لراعي البقاله عندك حلاوه ؟ قال ماعنديش وهو عنده جوا
ضحك نايف والعيال التفتو على بعضهم بتعجب
رائد : وين النكته بالضبط ؟
بهاج : نساها بالبقاله
ضحكو العيال على جوهم السامج والحريم داخل يتهاوشون
_________________________
(قـسـم الـحـريـم )
جالسات قبال بعض بعد ماانتهت الهوشه والميكب سايح والدموع شلالات
ام سحاب تتقهو : اي بالله وزي ماقلت لكم الي يتعدى حدوده مع بنتي بلعن خامسه الخامس
نوره جالسه جنب ام سحاب بثقه : ايي وانا مااسكت بتنف شعرها مس موزه
نجلاء وصيته : والي يتعدى حدوده مع نوري نسطره تسطير
ام هيام : اعوذ بالله من شر ماخلق
هيام : بهاجي ماراح يرضى علي الاهانه
قامت نوره بتكمل عليها سحبتها ام عبدالله : اهجدي
جلست نوره وتناظر هيام بتحدي
وقامو البنات داخل يرقصون ويغيرون جو
نوره راح عن بالها انها حامل ربطت الطرحه على خصرها وتهز
والبنات ناسيات ويعززون لـ نوره ويصورونها
جت هيام ونيتها تصور نوره وهي تهز وتهدد بهاج فيها !وتهدد انها رح تنشر الفديو !
ورفعت جوالها وصورت نوره وهي تهز خصرها ! واتجهه للغرفه
وفتحت جوالها وحطت رقم بهاج الي حافظته من سنين وارسلت : هاي؟
بهاج شاف جواله وتجاهله وكمل لعب بلوت
هيام : ممكن نتعرف ؟
بهاج شد انتباهه جواله ورقم مجهول ارسل : لا وضفي وجهك
هيام : اذا ماتزوجتني بنشر صور حرمتك وهي ترقص
بهاج عقد حواجبه بأستغراب وقام من عند العيال
زيد : بهاج وينن ؟
بهاج تجاهله وطلع لسيارته وفك ياقته وارسل : من انتي ؟!
هيام : ماراح تعرفني الا اذا تزوجتني !
بهاج : موب انتي الي تهدديني
هيام ارسلت الفديو .
وصل الفديو لـ بهاج وتردد يفتحه واعصابه تالفه ياخاف يكفر بنوره وهي حامل !
تنهد بضيق ومسح على شعره وفتح الفديو وكان يحاول يكذب الي شافه نوره ترقص ! مسح على شواربه بغبنه وقهر ومايبي يغلط غلطته ايام الفديو !
اعاد الفديو وحاول بنكر ملامح وجسم نوره الي يعرفه من مليون شخص ! رمى الجوال بعصبيه وضرب الدركسون بعصبيه ! وحط راسه على الدركسون بقله حيله يخاف يروح يجرم بـ نوره وهي حامل ويعيد نفس الغلط ايام الفديو
قام يهدي نفسه عشان يقدر يفكر وش يسوي ! عقد حواجبه وسحب جواله واعاد الفديو وركز بملابس نوره ! يعني الفديو جديد يعني المجرم الحقيقي بالشاليه ! قرر يتأكد اكثر وراح يبحث عن الرقم وفعلاً طلع المجرم الحقيقي " هيام "
تنهد من تدارك عصبيته ونزل وسكر الباب واعصابه شوي وتنفجر من العصبيه فتح باب قسم الحريم بقوه وجنون الارض كلها براسه
صرخ بعصبيه : وينهاا بنت الكلب وينهاا !
ام عبدالله فزت بخوف : علامك !
بهاج تجاهلها ودخل الشاليه وطاحت عينه على نوره الي لازالت تهز غمض عيونه مايبي يهاوشها قدام الكل صرخ بعصبيه : وينهااا !
نوره تجمدت بمكانها : مينن ؟
بهاج بعصبيه : الزفت هيامم
نوره هزت كتوفها بمعنى " مدري "
تجاهلها بهاج واتجهه للغرف ونوره ورا بهاج وتسأله وهو مو فاضي يجاوب على اسألتها الانهائيه
نوره : بهاج وش فيك
بهاج بعصبيه وهدوء : ابعدي عني لاالعن خيرك !
نوره ودموعها تسبقها : طي...
قاطعها بحده : ابعديي ، ياعرببب
جت نجلاء : هلا
بهاج التفت لنجلاء: خذيها من عندي لاادفنك انتي وياها
نجلاء عقدت حواجبها وسحبت نوره الزعلانه وعرفت ان بهاج معصب وبيسوي سالفه
بهاج لف لغرفه مكسره دخلها وطاحت عينها عليها مبتسمه وتناظر الجوال
بهاج تقدم لها والعصبيه الف : ماشاء الله تزوجني اجل ؟؟
هيام رفعت راسها وشافت بهاج بحاله لايرثى بها قامت بخوف واختل توازنها
بهاج بعصبيه وصراخ : انطقييي !
هيام بخوف : ب ب به..
قاطعها بهاج بعصبيه : انطقي مو ب ب ب تقول عنز !
نوره دخلت ومسكت بهاج ودموعها مانشفو : بهاج خلاصص
بهاج نفض يده عن نوره وتقدم مسك فك هيام وصرخ بوجهها : ليش تسوينن كذا والبنت ماسوت فيك شييي !!
نوره خافت على بهاج لانه يفقد السيطره اذا عصب وخافت يذبح هيام وتقدمت ومسكت يد بهاج
بهاج بعصبيه : ابعدي عني لا...
سكت ونطق : استغفر الله
ودخلو الحريم
بهاج شد على فك هيام وقال بحده : تهرجي !
هيام تحس فكها انعدم تحس انه شوي وينكسر من قوه مسكته بس الاردى من هاذا كله انها مستانسه انه قريب لها !
وكانت ساكته تتأمل عصبيته
ام هيام : اتركها يابهاج انا في وجهكك
ام عبدالله : ي بهاج اتركها كسرتها
بهاج نطق : طيب لاتتكلمين ولا تبررين طيب
نطقت هيام : اهخخ يابهاجي جعلني ف....
ماكملت كلامها الا وبهاج اعطاها كف على وجهها من قوته طاحت
صرخت نوره وصارت بين هيام وبهاج : اتركها تراها بنت لاتستقوي عليهاا !
بهاج بعصييه : ابعديي عنييي والله للعن والديك !
جمدت ملامح نوره بصدمه : تلعن والديني ؟ والديني وينهم وينهم يوم تلعنهم وهم يحتاجون الدعاء !!
بهاج عض على شفايفه بندم وبعدها عن طريقه وسحب هيام من شعرها متجاهل نوره تماماً والحريم يطلبون بهاج يفك هيام !
بس هو ماكان يسمع لهم وكل همه كيف يتخلص من العله هيام وشد شعرها وفتح باب الشاليه
بهاج : اطلعي بكرامتك ولا طردتك !
هيام : اطردني كل شي منك حلو
بهاج تقرف ودفها والتفت شاف ام هيام وسحبها : برى انتي وبنتك
ام هيام خذت عبايتها وطلعت
بهاج مسح على شعره من تذكر نوره !
ام عبدالله : وش هي مسويه عشان تسوي فيها كذاا !
بهاج تجاهلها ودخل داخل الشاليه وسمع اصوات البنات يواسون نوره تكى عند الباب
صيته : ياعيوني يانوري صدقيني معصب وما استوعب وش قال
نجلاء : نوري الله يهديك يعني رغم اسأت هيام لك لازلتي تدافعين عنها قدامه بعد ! وماتبينه يصرخ عليك!
الهنوف : صدقيني الحين يجي يعتذر منك
غدير : ايي ماكان يقصد
وداد : نوره دراما ! تراك انتي غلطانه كان خليتيه يلعن خير هيام ومادافعتي عنها قدامه !
صرخت نوره بدموع : خفت عليه ! خفت على الي ببطني لايصير يتيم ! فكرو بالمستقبل انتم لاتفكرون بنفس اللحظه ! طيب تركت بهاج يذبحها وين مصير بهاج؟ من محكمه لمحكمه ويحكم عليه بالقصاص والاعدام! ولدي لسى ماطلع على الحياه وتبينه يصير يتيم ؟ انا مابغاه يجرب اليتم مثلي ! محد حاس بشعوري تخيلو ان ابوك وامك ينلعنون وهم بقبورهم ! تخيلو !انتم الحين لو اسب امهاتكم ماترضون فما بالكم لو انهم ميتين بعيد الشرعنكم
غدير حضنت نوره : ياعيوني انتي بس بهاج مالعن !
صيته : ايي قال ابعدي للعن !
نوره : واذا مابعدت ؟
سكتو البنات وسمعو صوت بهاج يتنحنح ونطق : الدرب ياولد
وطلعو البنات ودخل بهاج وجلس جنب نوره الصاده عنه
بهاج لف وجه نوره له : لاتصدين بعيونك الحلوه عني
نوره : وش تبغى؟
بهاج قرب اكثر لـ نوره : ابيك انتي
نوره صدت : مابغاك
بهاج قام وصار بالجهه الثانيه : لاتصدين عني
نوره نزلت راسها : بعد عني
بهاج حضنها : والله لدخلك بين ضلوعي
نوره : انتبهه لالفاضك
بهاج دفن وجهه بشعر نوره : منتبه بس لو تنتبهين اني مالعنتهم
نوره سكتت لان فعلاً بهاج مالعن والدين نوره حذرها فقط
بهاج بأبتسامه : روقي عاد !
نوره قامت عنه : ممكن افهم سبب انفعالك ؟
بهاج : مافي شي
نوره : تمام اجل ماني راضيه
بهاج : بس شي يزعلك !
نوره : عاديي
تنهد بهاج بقله حيله وشرح لـ نوره كل شي ونوره مصدومه !
بهاج : ارتحتي ؟ رضيتي ؟ اشبعني فضولك؟
نوره هزت راسها بمعنى " ايه "
بهاج : تمام حلو رضيتي ، طيب تبين شي عشان ترضين زياده ؟
نوره هزت راسها بمعنى "لا "
بهاج : وراك تهزين راسك كانك هندي تكلمي معي
نوره هزت راسها بمعنى " تمام "
بهاج ضحك وهز راسه معها وتقدم لها وقبل جبهتها ونطق : بغيتي شي
نوره : لا
بهاج ابتسم وراح
_________________________
(الـمـسـرى - ٣:٤٥ ص )
بهاج وزيد يحملون العفش بصندوق اللكزس عشان ام سحاب بتجلس ببيت بهاج ورائد واحمد راقدين بسياره نايف وعبدالله مضيم لان سهام عند اهلها ماخذه فتره راحه ونجلاء وصيته مع زيد ونوره جالسه يالسياره ورا وام سحاب قدام وبهاج يسوق
وعبدالله خذا عياله وراح لبيته
والحريم والرجال راحو لبيوتهم
ونايف حرك سيارته الي نايم فيها رائد واحمد
وسياره زيد الي خلف سياره بهاج ومعه نجلاء وصيته ويحاول يتمالك نفسه لايتحمس وتفضحهم نجلاء
_________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
*اعتذر عن الاخطاء الاملائيه*
النجمه تدعم الروايه✨
ارحبو تراحيب المطر ...
اعرف انكم عتبانين علي وعن قطعاتي المتواصله الي من دون سبب .
لكن حبيت اصارحكم وابرر موقفي عشان ماازعل احد منكم
لكن هاذي البارتات الاخيره ولازم اطولها واتأخر بالتنزيل وعشان كذا التنزيل رح يكون كل سبت واكيد بارت طويلل
واعتذر عن القطعه والله وهاذا تبريريي اتمنى محد ياخذ على خاطره 😔🫂
وحشتونيي