مر اسبوع على ابطالنا عـند مكتب اللواء غيث جالس في مكتبه وهو في عالم ثاني هواجيس وافكاره تجيبه من اقصاه وكل تفكيره ب ميلان كيف بيعيش معها بنفس الغرفة ونفس السرير ونفس المكان كلهم يتنفسون نفس الاكسجين وكيف يقدر يتعامل معها افكارها مو زي افكارها العمر الي بينهم مو قليل ابداً هالافكار كانت ثقيله على غيث صحى نفسه ونفث افكاره ب ميلان وهو يتنحنح من دخول فارس له
ناظرله ب استغراب : يمرحبا فارس
فارس ابتسم : مرحبابك تبقى وتحيى ياابو تميم
ضحك غيث وسرعان من تلاشت ضحكته : ابو تميم ؟؟
فارس ضحك بعدم فهم واستغراب : ايه ابو تميم لا تطول عاد نبي نشوف تميم بعد الزواج هالله هالله بنشوف ولد اللواء غيث
غيث بتنهيد حزن وضيق نزل راسه وهو ماوده يتكلم مع احد عن هذا الموضوع استغرب فارس من ردة فعل غيث وتكلم : غيث فيك شي ؟
غيث : لا مافيني شي
فارس وهو شاك من يوم عقد القران وغيث مو على بعضه : اسمعني انا صديقك وخويك من ايام المتوسط واعرف كل الي فيك واعرف اذا تضايقت ولا اذا فرحت اسمعني زين الحين تتكلم معاد فيه مجال تكتم الي في قلبك انت من يوم عقد قرانك وجهك وحركاتك ما كانت على بعضها علمني وريح على نفسك لا تكتم زياده وانا اخوك ؟
غيث رص على اسنانه وهو مايقدر مايقول ل فارس الي عارفه تقريباً بس ينتظره يتكلم : وش اقول يا فارس ؟ اقول ان انا وين والزواج وين انا اجبروني على بنت عمي والبنت بعد مجبوره علي وشايل هم كيف بعيش معها ؟
ناظرله فارس بصدمه وذهول : دقيقه افهم يرجال الحين تقولي انك مجبور على بنت عمك !!!! وهي مجبوره عليك ؟
غيث ضرب يده بقوه بالمكتب : ايييي اييي اجبرونا جدي وابوي ماقدر اعصيهم بكلمه اهخ والله مااني عارف اتصرف
فارس بضيق وهو يرتب على كتف غيث : معليك ياخوك بكره بس تتزوجون وتتعودون على بعضكم الله يهديهم بس
غيث هز راسه بمعنى " امين " ناظر له فارس وهو حب يغير جو غيث المتعكر ابتسم : ما قلت لك ابشرك؟
غيث : هات وش البشاره؟
ابتسم فارس : اليوم بروح اشوف البيت الي قدام بيت خالي استلمته بس باقي اشوفه
غيث بفرحه : مشاءالله تبارك الرحمن يعني ذالحين خلاص بتنقلون لرياض رسمي
فارس براحه : اي الحمدالله وامي منها تصير قريبه من اخوها وحنا قراب منكم
غيث : هذي والله الساعة المباركة تشرفونا
فـي المدرسة عـند جود و ميلان الي كانو يذاكرون لاختبارهم الي باقي عليه بس 10 دقايق ميلان هزت رجلها بتوتر وخوف ومغص بطن بصوت مرتجف : افف جود خايفه خايفه من ذي الماده !
جود كانت اردى من خوف ميلان : انتي شاطره ماينخاف عليك انا بروح وطي بالماده ذي
ميلان : اكرهه الرياضيات بس فالحه فيه مدري كيف
جود بنبرة خوف : ياعزتي لك يا ميلان مدري تلقينها من ترم التخرج ولا تجهيزات زواجك انتي وغيث
انقلبت ملامح ميلان والي لاحظت عليها جود بنبرة حزن وهي تربت على ظهر ميلان : هو صدق ان الي سووه فيكم خطا يوم اجبروكم لكن صدقيني يا ميلان غيث حنون لا يغرك طوله وضخامة جسمه وهيبته صدقيني هو حنون بشكل ماتتوقعينه فعلا عصبي بشكل مرعب ويخوف ويكره احد يتأمر عليه بس غيث اخوي واعرفه مافي مثل حنيته !
ميلان كشرت وهي ماهي مقتنعه بكلام جود والي تحسه بس ترفيع لاخوها هزت راسها بمعنى " طيب " جود حست بدت تضغط على ميلان فزو بخوف من نداء المعلمة لهم بصراخ : يلااااا يا طالبات على قاعة الاختبارات وقبلها كل وحده فيكم تتفتش فاهميين يا خريجات
ميلان كشرت بكره للمعلمة الي تفتشهم اردفت جود الي باقي تراجع على اخر لحظة: جود شوفي من مراقبتنا شوفي بس ياليل
جود رفعت راسها وناظرت معلمتهم اللغة الانجليزية بعصبية رصت على اسنانها بغضب وبتافف : وجع ذي بتكون علينا مراقبه
ميلان : الظاهر ايوا هي لان شوفي واقفه عند التفتيش
جود : يليل ام المبزر كيف بركز بالاختبار انا ذالحين
ميلان بخوف وهم يقتربون منهم ضحكت بسخرية المعلمة على ميلان وجود وتكلمت بصوت سخري : هلا هلا باللي انفصلوووو ورجعو !
جود بتافف وهي تلف خصلت شعرها حول اصبعها : يوه يا استاذه ياقدمك باقي للحين تذكرين الفصل مرت الشهورر وغيروك وجابو معلمه افضل منك تدرس فصلنا وجايه تتكلمين الله يشغلك بطاعته بس
المعلمه رصت اسنانها بقهر : اقول تحركيييي انتي وياهاااتت بسرعه
ميلان ضحكت وبصوت هامس : اعرفي حدودك يا استاذه وانتي تتكلمين مع حفيدات جهار ال فهد وصل ويلا بس مانبي ازعاج حنا خريجات نحتاج نركز بالاختبار ! مشت ميلان وجود الي تعرز لها تاركين المعلمه بقهره وهي تناظرلهم وتهدد فيهم لكن تهديداتها على فاضي كانت
~ بعد مرور ساعتين تماماً طلعو ميلان وجود من الاختبار ميلان تضحك فرحه وتناقز : وناسه وناسه الاختبار يجنن
جود بنفس فرحه ميلان : مااصدق مااصدق يا ميلان حليت مره كويس مره مره اول مره احل كذا
ميلان براحه وهي تتكي على كرسي بوابة المدرسة : انا مو قلت لك الامتحان مره يجنننن يجننن وسهل بس انتي خوافه انتي ذاكرتي كويس جود اخذت جوالها وهي تتصل على ابوها : منجد سهل الحمدالله
رد ابوها عليها : بابا وينك ؟
ابو غيث : بدوام ياجود ليه وشعندك ؟
جود : بابا خلصنا اختبار وننتظر احد يجينا
ابوغيث : يلا السايق جايكم بطريق
جود : تمام يعطيك العافية بس بابا ودنا نطلع المول انا وميلان ونتغدى هناك؟
ابوغيث برفض : لا بروحكم لا وبعدين بكره الجمعة واليوم بنطلع لمزرعتنا الي فيها خيول مع عمتي ليلى وعيالها وبناتها
نقزت جود بفرحه : صادقه بابا!!!!
ابو غيث بضحك على بنته : ايه ايه صادقه وقولي ل ميلان تنزل تتغدى عندنا هزاع ونور عندنا وعساف رفض يجي انا ابيهم يتغدون عندنا
جود : ابشر يالغاالي ماطلبت شي تم تم
ابو غيث : يلا سلام وانتبهو لطريق
قفلت جود من ابوها وهي تلفت لـ ميلان بفرحه : بنتت
ميلان: شفيك
جود : نور واخوك هزاع عندنا يتغدون اليوم وانتي بتنزلين عندنا تتغدين ثم ترجعين بيتكم
ميلان برفض وخوف من وجود غيث : بس..
جود بتسرع : لا بس ولاشي ترا بيتكم قدامنا يعني اهجدي وبتجي معي وبعدين استعدي في شي ثاني
ميلان رفعت حاجبها ب استغراب : وش ؟؟؟؟ هاتي عندك علم اخلصي
جود ضحكت : بنروح اليوم المزرعتنا وبنجلس فيه يومين وثم نرجع
ميلان شهقت بصدمه : صادقه تكفين ؟؟؟
جود : والله مااكذب اخيراً بنشوف الخيول
ميلان : وناسه تكفين منزمان عن مزرعة جدي منزماننن احس تغيرت
جود بضحك وغمزه : جهزي نفسك بتشوفين غيث على جامح يستغرض لنا
ميلان بعدم فهم : وش تقصدين ؟
جود : ياغبيه جامح خيل غيث من هو صغير لين كبر
ميلان : ايوا ايوا وانا وشدخلني !
جود وهي تحاول تلفت انتباه ميلان بغيث بغمزه : لا يعني زوجك وبتخقين عليه وهو راكب خيله
شهقت ميلان بصدمه وذهول بلعت ريقها وردفتها بخفه وهي تشوف سيارة سواق عمها : اقول السواق وصل مشينا بس خلي عنك الهذره الزايده وامشي
جود بتافف : اف تقهريني يلا قدامي انا اكبر منك
ميلان بضحكه : اقول انكتمي قال اكبر مني ترا بشهور بسسس !
جود : ياحبيبي تراك انتي المفروض يكون عمرك 17 يابزر
بعد مرور ساعة وصلو ميلان و جود لبيت عمهم وكان على وصول غيث من الدوام رفع حاجبه ب استغراب وهو يناظر سيارة السواق الي وقفت عند بيتهم نزلت جود وهي تناظر غيث ضحكت : ارحبببب يالمعرس ميلان وسعت عيونها بذهول وصدمه وخوف على كرهه وهي تناظر غيث بالزي الرسمي العسكري وشعار السيف ونجمة الي يدل على انه للواء شدت على عباية جود ونزلت راسها بخوف غيث الي كان يناظرلها بتركيز من اول مانزلت من السيارة ركز بعيونها الملفته الدعج الكحيل شد انتباه شدت يدها على عباية جود والي وضحت له ان ميلان خايفه منه تنحنح بصوت خشن : ادخلو
جود ضحكت بخبث : ترا حرمتك معنا
قبصتها ميلان من ظهرها واوجعتها صرخت جود : ياحيوانه وشفيك
غيث ابتسم لا شعورياً وهو يضحك ويستغفر ربه دخل غيث ناظرت له وبهمس : حسبيالله اكرهه اكرهه كيف بعيش معه ما بسامحهم والله
جود لفت عليها ب استغراب : وش تهرجين انتي؟
ميلان بضيق هزت راسها بمعنى " ولاشي " دخلت داخل وماسكه يد ميلان اول مادخلو ميلان و جود كانو موجودين على سفرة الغداء عمها ابو غيث وعمتها ام غيث و لينا ونور وهزاع و عبدالعزيز و عمتها ترف ضمت كفوفها بعضها بتوتر وهي تسمع ترحيب عمها ابو غيث : ارحبي يابنت الغالي والغاليه ارحبي يا حرم ولدي وبكري وظهري وسندي
ابتسمت ميلان بتسليك لعمها لمحتها اختها نور بضيق وهي تهمس : الانكسار والكره بعينك يا ميلان الله يعينك ويعين قلبك صدق
ميلان وجود تقدمو وهم يجلسون على طاولة غداء وميلان الطرف الاخير من الجهة اليمين وقدامها كرسي فاضي وجمبها جود الي كانت بقمة السعادة ناظر لها ابوها وضحك : اقول بنات عسى الاختبار سهل وحليتو كويس
جود : بابا انا الماده ذي قلت خلاص بروح وطي فيها ب استغربت من سهولة الاختبار
ميلان بصوت هادي وناعم : اي والله كان سهل جداً باذن الله فل مارك فيه
ابتسم ابو غيث : والله خابرتس يابنت الغالي انتس ذكيه بسمالله عليتس
ابتسمت ميلان : ايوا تسلم ياعمي
ام غيث وهي تناظر ميلان بحب وحنيه : بسمالله عليتس يامرت ولدي
كشرت بضيق من كلمة " مرت ولدي " وابتسمت لها
نزل غيث بثوب شتوي ولاف العصبه على راسه ناظر ميلان وهي جالسه باخر الدنيا وقدامها كرسي كشر بكره وعدم مبالاه تقدم وهو يبوس راس امه وابوه : يمرحبا
ابتسم ابو غيث لولده : ارحب ياللواء غيث يلا اجلس تغدى
ام غيث وهي تاشر لكرسي الي قدام ميلان : رح اجلس هناك
لينا الي عرفت حركة امها وضحكت بصوت مو مسموع رفع حاحبه ب استغراب ان ليه خلوه يسجل اخرشي وهو دايماً يجلس عند ابوها تنهد وبلع ريقه بتوتر وهو يقترب لين جلس قدام ميلان الي نزلت يدها وراسها بتوتر خوف من غيث وهو قدامها لاحظت توترها جود وعرفت السبب وكونهم مقابلين بعضهم جت بتقوم ومسكتها جود وهمست لها : وين رايحه تغدي
ميلان وهي نفسها انسدت من شافت غيث : ماابغى بروح بيتنا على مايخلصون نور وهزاع
جود بهمس : بنت تبين تبدلين مكاني عشان غيث تعالي بسرعه لكن لا تروحين وانتي ماكلتي شي
ميلان وهي ودها تصيح خلاص ماتتحمل مكان فيه غيث تفكر انه هو سبب انكساراتها وبهمس : ماابي اجلس قدامه وخري جود بروح اريح بيتنا سمعها غيث ومثل عدم المبالاه ونزل راسه وبنفسه : صدقيني ولا انا متحمل وجودك اهخ يابنت صحى على نفسه من ميلان تكلمت بصوت مخنوق ميلان : يعطيكم العافيه انا بروح البيت
ابو غيث ب إستغراب : وين وين اجلسي مااكلتي لتس شي يابنتي
ميلان بتعب وهي تشد على يدها تمنع نفسها انها تبكي نور عرفت ان ميلان نقطه وتبكي من صوتها الحزين قامتت نور : ايوا عمي بنمشي نريح ونستعد للمزرعة
ابو غيث وهو يناظر غيث الي ساكت ومايتكلم ورجع نظره ل ميلان شك ان ممكن غيث قال كلمه ل ميلان وزعلتها ماحب يضغط عليها : روحي وانا عمتس ريحي وارقدي المزرعة بنمشي المغرب باذن الله
قام هزاع : اكرمكم الله يا الغاليين وعسى بيتاً عامر يا عمي وماقصرتي على هالطبخ ياغالية
ام غيث ابتسمت : بالعافية عليكم
طلعت ميلان وطلعت وراها نور وهزاع ابو غيث اللتفت لـ غيث وبحده : اقول غيث انت قايل شي لبنت عمك واللي هي زوجتك اذكرك
غيث اعتدل بوقفته بعصبية بحده : وش بسوي لها يعني ؟؟؟ ماذيتها ولا قربتها وفكوني منها مو كافي جبرتونيي عليها وانا مالي نيه بزواج وبتظلموني معها
ابو غيث : ترفع صوتك علي ياغيث ؟؟؟
غيث : يايبه مارفعت صوتي وان رفعتي جعله يختفي والعذر والسموحه بس بنت عمي ماسويت لها شي اخذ جواله ومفتاح سيارته
ام غيث وقفت : غيث وين رايح!!!!!!
غيث بعصبية: مالكم فيها اطلعوووو منها بس
تركوا بعصبية وغضب ومايدري وين يروح ركب سيارته وهو يولع دخانه ويسوق ~ بعد مرور ساعة شاف نفسه واقف امام مزرعة جده الي بين كل فتره كان يروح لها ابتسم من سمع فتح الحارس ( ابو عارف ) يفتح البوابة الرئيسية واستقبله خيله جامح ابتسم وهو يقترب منه حط راسه على راس جامح وتكلم بصوت ضايق :
" هاضت هواجيس قلبي واسهرت عيني تمسي وتصبح وهي بالصدر مكتومه اصارع الهم لين الليل يمسيني وليا ضوا الليل قمت اعدد نجومه "
تنهد وهو يركب جامح بدا جامح يطلع صوت صهيل يدل ان جامح يستعد لاجل يركض ب غيث دخل المزرعه وهو يلعب بجامح وانطلقت ضحكات غيث المترننه والحلوه بين ارجاء المزرعة الكبيرة
يتبع + رايكم بالبارت 🔥🔥🩷!