سبحان الله وبحمده سبحان الله العظيم ♡
(بـيـت ابـو عـبـد الله - الـعـصـريـه )
ابو عبدالله يسولف مع ام عبدالله ووئام تحل واجباتها وغدير على الجوال ..
ابو عبدالله : اتركن الجولات يابناتي
ام عبدالله : وهو صادز ابوكن ورا ماتقمن تسولفن معنا
وئام : اتوقع الكلام مايشملني لاني اذاكر الكيمياء الي يفضخ القلب
غدير نزلت الجوال وضحكت بـ تلطيف للجو : لابس انشغلت مع خويتي تبي تفتح مشروع وقلت اساعدها
ام عبدالله بأستفسار: وماشاء الله وش مشروعها ؟
غدير : هي طباخه وطبخها يجنن تاكلون اصابعكم بعدها ويتيممه اب وعندها ام مقعده وتعبانه وماعندهم مصدر دخل غير انها تبيع اكلها بالاسر المنتجه
ابو عبدالله : وهل عندها امكانيات ولا نساعدها؟
غدير نزلت راسها بضيق على حال خويتها بعد موت ابوها تدمرت حياه البنت : سألتها بس تعرف ماتحب تطلب المساعده من احد وتحتاج اعلان وانا حالياً ادبر لها مشهور او مشهوره يعلن لها
ابوعبدالله رحم البنت : بسيطه نشتري لها حساب كامل وتعلن لنفسها
ام عبدالله: والله الفكره جازت لي
غدير : الله ييسر حالهم
ابو عبدالله اشترى حساب كامل في متابعين كثار : بالله عطيها بس لاتدري انه مننا قولي فزت فيه ولا شي الوكاد لاتدري انه مننا
غدير حضنت ابوها بحب : يبههه ياخي الله يخليك لنا ربي لاتحرمنا من ابوي
وئام غارت وحضنت ابوها : الله يخليك لنا
ابو عبدالله بادلهم الحضن : ياعيون ابوكم انتم
وجلست غدير ووئام جنب ابو عبدالله
ابو عبدالله بحنان : غدير عيني اليمين ووئام عيني اليسار
ام عبدالله غارت : وانا ؟!
ابو عبدالله بأبتسامه ويأشر على قلبه : انتي هنا بقلبي
غدير : واخواني؟
ابو عبدالله : يدي اليمين عبود لانه هادي وذرب ويتحكم بنفسه ويدي اليسار بهيج لانه موذي وشيطان وعصبي وراعي فزعات
وئام: والشغاله ؟
ابو عبدالله بضحكه: ضغطي !هههههههههه رفعت ضغطي
ام عبدالله : هههههههههه
ابو عبدالله : طفشانين؟
وئام: ايي الكيمياء جاب لي التكاك
غدير : ايي بنتمشى بالامطار
سكتت ابو عبدالله شوي واتصل على جواله وتناقشو بموضوع وقفل الجوال والتفت : تجهزو البسو استاجرت مخيم يوم كامل وبعزم اخواني
غدير: حيي عينك يامدير الترفيه
ام عبدالله تحمست : ميريي اغسلي القدر ياربنا ناخذ لحمه حاشي نطبخها هناك
غدير: يايمه خلينا نشوي مشاوي طفشت من الحاشي
ام عبدالله : اقول تقلعي عن وجهيي لحمه حاشي الافضل
وئام: لا يمه مانبي عشاء !
ام عبدالله هزت راسها بيأس : جيل بأخر زمن
غدير : هههههههههه
ام عبدالله : اقول بدال هالكهكهه ذي روحي اعزمي عمامتس وعمتس يلا
غدير بدت تتوتر لانها ماتحب تعزم : يمه تكفين
ام عبدالله : واهم شي اعزمي حماتس المستقبليه ام نايف
غدير تحك اذانها : يمه اذني خربانه ماتسمع وش تقولين يلا سلام
وماشفنا غير غبره غدير انحاشت
ام عبدالله: هههههههههه
وئام جت ومعها ميكب : يمه وش ينفع مع اللوك ؟
ام عبدالله هبدت وئام بخفه: لا بنروح للبر مامن كشخه
وئام: عاديي ماما بحط ميكب مايضر بحط واقي شمس
ام عبدالله : الي ودتس يلا تقلعي بجهز العزبه
وراحت وئام وام عبدالله زبطت العزبه وعزمت اهل زوجها
__________________________
(لـنـدن )
بهاج كان يحاول يضحك نوره الي فيها حزن من بعد رساله هيام
بهاج مسك وجهه نوره : نوره ماهقيت انك ضعيفه تنكسرين بسرعه وين نوره الي تضحك وتلعب مهما كان وجعها
نوره تنهدت بضيق وسكتت
بهاج شال نوره وحطها على سياج البحر وحاوط خصرها عشان ماتطيح : لا ياعيونيي لاتتضايقين عشان ام ريح
نوره ضحكت بضيق من نطقه لـ " ام ريح "
بهاج استقبل القبله : يالله يارب انك تحرق كبد ام ريح وتزيد من ريحتها المخنزه وماتطلع الريح منها اهب يمال الريح
نوره بضحكه: خلاص لاتدعي وراك ورع هههههههههه
بهاج بأبتسامه : يوهه نسينا ورعتنا الحلوه
نوره : مصر انها بنت ؟
بهاج بسماجه : مصر ولا السعوديه ؟ هههههههههه والله حلوه حلوه
نوره حاولت تكتم ضحكتها قدر المستطاع وقالت بضحكه : سامج هههههه
بهاج : شوفي الحياه لابد من السماجه والضحك عشان تسلكين بحياتك
نوره : صح يااستاذ بهيج صح
بهاج : الله يجعل نهايه حبنا طفله تشبهك بالحلال
نوره بأبتسامه: امين
بهاج اتصل جواله وعقد حواجبه بأستغراب "الشغل"
نوره : وش فيك ؟ تعكر وجهك ومزاجك ؟
بهاج اشر بيده يعني ثواني ورد : نعم ؟
الشغل : اللواء بهاج بن مطلق ؟
بهاج : ايه خير وش صاير؟
الشغل : في اجتماع بلندن ضروري تحضره وحجزنا لك تذكره طيران
بهاج: مايحتاج انا بلندن الغو التذكره وخلاص تم نحضر الاجتماع وين مكانه ؟
الشغل: بـ***
بهاج : زين زين
وقفل الخط
نوره : حتى الشغل لاحقك لهنا ؟
بهاج: مع الاسف عندي اجتماع واظن بيطول
نوره : تمام خلاص رح وانا برجع للفندق
بهاج بضحكه : وهل تتوقعين اني بتركك تروحين وتجلسين لحالك ؟ هههههه
نوره عقدت حواجبها بعدم فهم: كيف ؟
بهاج : تروحين معي
نوره بلخمه : هاه؟ وش تقول انت وش تخربط ؟
بهاج تنهد بضحكه: الاستيعاب اهخ الاستيعاب الي احبه ياناسس احب هالاستيعاب البطئ مع اني اتنرفز بسرعه بس احبههه ههههههه
نوره بأبتسامه ثقه : اقولك من قدك بس
بهاج بأبتسامه: اي والله من قدي اخطف قلبك
نوره: ياروح نوره
بهاج: ياروح بهيج
نوره : اي يالاخ بهيج قلت باخذك معي ، طيب وين وكيف وشلون ؟
بهاج مسك يدها : بتفهمين وين وكيف وشلون اذا وصلنا مكان مرهه يعجبك
نوره ضيقت عيونها : وين يابهيج وين
بهاج كشر وجهه بمزح : شي خصوصي
نوره تخصرت: افا
بهاج سحبها : ماعدنا وقت يلا يلا
بهاج يمشي بخطوات سريعه وبالنسبه لـ نوره ان بهاج يركض من كبر خطواته
___________________
(وسـط الـبر )
ابو عبدالله موقف السياره وحاط يده على فكه بتفكير : موقع استراتيجي ها وش رايكم نتريض به ولا نسري ؟
ام عبدالله تلقي نظره سريعه بالمكان : لا والله حلو ها وش رايكن يابنات
غدير طلعت من الدريشه : ماتحسون ان الموقع بارد ؟
وئام تحت العفش : الوو عندكم بنت اسمها وئام ؟!
غدير التفت لـ وئام : خلك هنا ماتعرفين علوم البر
ابو عبدالله : اجل نتريض هنا ونعين من الله خير يلا يلا انزلو
ام عبدالله : شورك وهدايه الله
ابو عبدالله : اعوذ بكلمات الله من شر ماخلق
من عادات ابو عبدالله اللطيفه يحصن نفسه واهله من شر ماخلق
وبدو ينزلون العفش ويشفرشون الفرش ويشبون الضوء
ابو عبدالله : غدير وانا ابوك جيبي الحطب عانيه بالسياره
غدير : ابشر
ام عبدالله: وئيم وانا امتس انهضي جيبي القدوع عمامتس هالحين يجون
وئام : سمي
وابو عبدالله موقع بالاكل ياكل من اكل صديقه غدير يدعمها
___________________
( مـنـطـقـه عـمـل خـاصـه )
قبال المكان مباشره كاتبين بالانجليزي " لايمسح بدخول الا لمن لديه دعوى "
ونوره حاطه يدها على قلبها بخوف من المكان لانه بعيد واضواء الشارع الي المكان فيه كانت خافته ومطر ورعد وبرق وكميه الرعب بقلب نوره
بهاج لاحظ رجفه وخوف نوره والتفت : نوره ؟ وش فيك ترجفين ؟
نوره بخوف : بيهج المكان شبهه اخاف يورطونك مروج مخدرات
بهاج حضنها يهدي من روعها : لاا كذا مره جيته ولاصار شي وانا متوكل على ربي وماهو صاير شي ان شاء الله لاتخافين بنتي تخاف معك ترى
نوره ضحكت بخفه على اصراره بالبنت
بهاج مسك خدود نوره بحب : ياحلو الضحكه ياناس ايي خلي بنتي تستانس !
نوره تخصرت : لا والله ؟ تخليني اضحك عشان النونو الي ببطني يستانس ؟
بهاج ضحك ومستلطف نطق نوره : وش اسمه ؟
نوره بزعل : النونو حقك
بهاج كشر وجهه بضحكه ويقلد صوت نوره : نونو
استوعب وقال : افا صار حقي ؟ اي صح حقي انتي مادري منهي ماعرفتك بس بنتي ببطنك طلعيها يلا اشوف طلعي بنتي
نوره ضربت بهاج بخفه: انا امها !
بهاج يسوي نفسه مايشوف نوره : افف كأني سمعت صوت ! وينك ياربي وينك
نزل راسه وقال : اوه انتي هنا
نوره بضحكه : بزر هههههههههه
بهاج مسح على وجهه وغير ملامح وجهه : وهالحين نفعل ملامح اللواء بهاج ماهو بوبو رجلك
نوره بأبتسامه: يلا يالاخ كمل طريقك
بهاج بجديه ومزح : لو سمحتي اختي انتي قاعده تكلمين اللواء احترميه !
نوره بجديه : وانت قاعد تكلم الامن السيبراني !
بهاج بضحكه : اخاف تهكريني وتطلعين فضايحي هههههههههه
نوره بثقه : بالخدمه
بهاج : اسمعي دامك تدرسين امن سيبراني وظيفتك عندي !
نوره بأستفسار : كيف؟
بهاج: انتي بس تخرجي من الجامعه واوظفك عندي مطلوب عندنا عاد اللواء بهاج والامن السيبراني نوره
نوره : فخامه الاسماء تكفيي
بهاج : يلا ندخل والمكان قسمين ترى
نوره : حلو
بهاج مسك يد نوره ودخل واستوقفهم رجل الامن "الكلام بالانجليزي "
الامن : التصريح والدعوه
بهاج طلع التصريح والدعوه واعطاه
الامن شافهم ورجعهم لـ بهاج والتفت على نوره : التصريح والدعوه ؟
نوره التفت لبهاج بوهقه : بهاج!
بهاج : زوجتي ذي مدعوه معي بنفس التصريح
الامن : تمام
وجاب جهاز التفتيش ومرره على جسم بهاج ومامعه شي
وجاء الامن بيمرر الجهاز على نوره لكن بحركه سريعه بهاج مسك الجهاز
الامن : وش فيك بنفتشها!
بهاج: حامل !
الامن : اوه تمام
تقدم الامن لـ نوره وبهاج عقد حواجبه بغيره الامن مد يدينه يبي يفتش جسم نوره بيدينه ونوره يقلب وجهها الوان تبي تسفرغ (يكرم القارئ ) توحمت على الامن
بهاج الاعدادات خربت عنده بدت الغيره والعصبيه تضرب ببعض
الامن : ارفعي يدينك بفتش
نوره حطت يدها على فمها تبي تستفرغ خلاص
الامن مسك يد نوره بقوه ونزلها عن فمها وصرخ بوجهها : قلت ارف......
قطع كلامه الضربه الي جت على عينه من بهاج
بهاج عكف يد الامن : عدها والله لـ اكسرها لك مابقى الا هاذا بعد تعال فتشها !
بهاج دف الامن : تقلع
ومسك نوره ودخل ونوره تأشر له بمعنى" ابغى دوره المياه "(يكرم القارئ)
بهاج اتسعت عيونه بصدمه من نوره الي مو وقتها : عانيه عانيه هناك اركضي
نوره سرعت خطواتها ودخلت دوره المياه النسائيه
بهاج هز راسه بضحكه : ويل حالي بس هههههههههه
جاء بيدخل ورا نوره بس دوره مياه نسائيه مايقدر تكى على الجدار ينتظر نوره
طلعت نوره وعيونها دموع ووجها احمر وماسكه بطنها
تقدم بهاج لها : وش فيك ؟
نوره : مادري مادري
بهاج: يويلي لا انا اعرف شي ولا انتي وش الدبره
نوره : مادري
بهاج طلع من جيبه منديل ومسح دموع نوره : ادخلي قسم الحريم وارتاحي بس شوي واخلص واجيك ماطول معليك
نوره هزت راسها برضى
بهاج باس جبهه نوره : لاتخافين ماراح اطول
نوره بتعب : تمام
بهاج : تقدرين تكملين اليوم ولا ارجعك للفندق ؟
نوره بأبتسامه : لا عادي رح كمل شغلك
بهاج مسك خد نوره بخفه : يلا توصين على شي؟
نوره: انتبه على نفسك
بهاج ابتسم وراح ونوره اتجههت لـ قسم النساء
___________________
(الـبـر )
ابو نجلاء وام نجلاء ونجلاء بسياره
نجلاء:يبه
ابو نجلاء ماسمعها مركز بالطريق لان سواقه البر تختلف تماماً عن الشارع
نجلاء: يبه
ابو نجلاء مشغول ومركز : هاه
نجلاء : يبه علمني السواقه
ابو نجلاء مو فاضي يعلمها مركز يبي يطلع من الطلعه عشان مايغرز
نجلاء: يبه يبه يبه يبه
ام نجلاء التفت : انتي ورا مارحتي مع ابو صنادح احمد؟
نجلاء : ابو صنادح مع ابو راس رائد
ام نجلاء: اي زين زين
نجلاء: يبه
ابو نجلاء: هلا
نجلاء: علمني السواقه
ابو نجلاء بصراخ: دقيقه طلعه تمسكو
وغرزو ونشبت السياره بين التراب
ام نجلاء وابو نجلاء مع بعض : كلها من ابو سالم
نجلاء بجحده: مالي دخل
ابو نجلاء: دقي دقي على اخوتس يجي
نجلاء توترت لان معه رائد: هاه؟ لا يبه ، وش ، هاه
ام نجلاء: ابك انتي وش تهبدين
نجلاء بكذب : يوهه ماعندي رصيد اتصل على ابو صنادح
ابو نجلاء اتصل على احمد يجيه بما انه لسى ماوصل البر اكيد وراهم وبيلقاهم وفعلاً دقايق وجاء احمد ومعه رائد
ووائد منزل راسه بحياء تذكر اخر لقاء بينه وبين نجلاء"يوم اعترف بحبه لها "
ونجلاء شافت كل شي الا رائد تعمدت ماتعطيه اهميه
واحمد مو فاهم حياء رائد ولامبالاه نجلاء؟!!
ابو نجلاء سحب ام نجلاء وركبو سياره احمد : خذو ابو سالم الجني معكم لجننا بقرقه الزايد
نجلاء: يبه لاتتركني
ابو نجلاء: انتي الي خليتينا نغرز خلتس تتحملين غلطتس يلا سلام
وراحو ام نجلاء وابو نجلاء تاركين رائد واحمد ونجلاء والسياره المغرزه
نجلاء كشت بوجيههم : كش وجيهه فقر
رائد ترك الحياء وقال : والله انتي وجهه الفقر
احمد :بسم الله الرحمن الرحيم مشوين مستحي وماكلك الحياء والحين تقول قرد تنتش !؟
رائد : هالبنت تركت به حياء ؟
نجلاء: خليته لك الحياء يالاستاذ
رائد كشر بوجهها وربط الثوب على خصره وفك اللطمه
ورمى الشماغ على نجلاء : الزميه يالشماعه
احمد طلع جواله واعطاه نجلاء وقال بضحكه: اي والله وانت صادق شماعه ثقه
نجلاء : وجع
ورائد يدق سلف واحمد يدف السياره ونجلاء جالسه لاشغل ولامشغله
رائد: قومي ياحوريه البر اشتغلي معنا !
احمد بضحكه وشماته: على هالجلسه تقول حوريه هههههههههه
نجلاء: احمد ربك ماسكه اغراضكم وبعدين كم صار لك سنه ماغسلت الشماغ ذا مروحه ريحته
رائد: ١٠سنين
نجلاء: والله اني داريه
واستمرو العيال يحاولون يطلعون السياره ونجلاء على كتوفها شماغ رائد وتتمنى لو تعرف اسم العطر الي جاب راسها
احمد ينفض نفسه من التراب: اسمع رويد شرايك نخلي ابو سالم يدق سلف وحنا ندف السياره ؟
رائد: تم يلا قومي
نجلاء دقت اللطمه "شماغ رائد" : بالخدمه
رائد وقفها : تعرفين ؟
نجلاء: اكيدد الطاره نوري علمتني كيف السواقه
احمد : عيننا خير يلا يلا تعليم الجنيه يفي بالغرض
رائد قلبه فراشات من شاف الشماغ عليها وعيونه قلوب من شكلها
احمد سحبه : ولد دف معي
رائد بأستيعاب: هاه؟ اي يلا
والعيال يدفون السياره ونجلاء تغبرهم بالتراب ماتعرف تدق سلف
احمد التفت على رائد بعد ماغبرتهم نجلاء ووجيههم تراب ومات ضحك
ورائد شاف وجهه احمد ومات ضحك
ونجلاء وقفت ونزلت من السياره : عجزت الله يقويكم ماني بمكمله
احمد وهو منصرع بالارض من الضحك: مانبي لك كتمتينا بالتراب
نجلاء: اعمل خيراً تلقى شراً
رائد: ليتك جالسه على وضعيه الحوريه واكرمتينا بسكوتك
نجلاء: يايي بموت ضحك؟ ماتضحك انهي حياتك
رائد: نفسيه
واخيراً بعد مرور ساعه قدرو يطلعون السياره وركبو واتجههو للموقع
___________________
(الاجـتـمـاع )
الرجال قاعدين يتناقشون بموضوع هام وجدي مره وبهاج بينهم ذايب يتخيل شكل بنته المستقبليه وشكل نوره وهي تركض ورا بنته وزعلانه منه ويجي يراضيها ببوسه وترضى وبنته تبكي تبى حلاوه ويتخيل نوره وهي تقول ابغى ومابغى واحلامه الورديه الا نهائيه .
فريق اول : ها ياللواء بهاج وش رايك ؟
بهاج ماهو حولهم غارق بااحلامه
فريق اول هز بهاج : اللواء بهاج ؟
بهاج فز ومايدري وش يتناقشون فيه : هاه؟
فريق اول : وش رايك معنا ولا معهم؟
بهاج بفهاوه : بـ وش ؟
فريق اول بنفاذ صبر : ولد اتكلم عن موضوع المداهمات
بهاج بفهاوه : خلاص الي ودك يصير
فريق اول انفقعت كبده : منت على بعضك شكلك تعبان
بهاج بكذب : نص نص
فريق اول : تمام خلك معنا لنهايه الاجتماع عشان انت فرد اساسي وحاول تركز
بهاج هز راسه برضى ورجعو للاجتماع وبهاج يحاول يركزبس تطلع له ضحكه نوره ويبتسم بنص الاجتماع والاجانب يحسبونه مجنون والرجال شايلين هم بهاج لايجيب العيد فيهم
في اجنبي بدا يتكلم : ممكن تعرفوني على المكان ؟
فريق اول : بالخدمه
بهاج فز وقال : لالا مايحتاج
الرائد: وش فيك ؟
بهاج بتصريف : في حريم
الملازم : حنا نتنحنح قبل تدخل لاتخاف
بهاج تجاهلهم ويتصل على نوره الي ماترد ومغبون
وفعلاً سوو الي براسهم وبدو يعرفون الاجانب على المكان وبهاج معهم وبيده جواله ويتصل على نوره بس ماترد وباله مشغول لو شافوها وش بيصير؟ يتهاوش معهم ولا يقتلهم ولا وش يسوي بالضبط ؟
___________________
(قـسـم الـنـسـاء )
نوره خذت راحتها بزياده وفكت الحجاب والجاكيت لان المكان مافيه الا حريم وورعانهم وبدت تتمشى ومعها كوب عصير
طاحت عينها على طفل يلعب عند المسبح وابتسمت وتتأمله بس الطفل بدا يتقدم مرهه للمسبح وطاح بالمسبح
نوره صرخت ورمت الكوب وبدت تركض بأتجاه المسبح والحريم تجمعو ويصارخون نوره شافت الطفل غارق خلاص طبت بالمسبح ناسيه انها ماتعرف تسبح !
طبت بالمسبح وبدا الماء يدخل فمها وانفها وتحس الدنيا انتهت وتطلع وتدخل معلنه انها غارقه وحتى وهي غارقه تفكر بالطفل وش صار عليه ؟ حاولت تمسكه وتطلعه وفعلاً قدرت تمسك بلوزته وتسحبه لها وهي غارقه ورفعته تطلع راسه من الماء عشان يتنفس وتطلع راس الطفل وترجع تغرق هي وياه
نوره خلاص ماعاد لها القدره تنقذ نفسها وتنقذ حياه الطفل وفقدت كل شي حتى الطفل تركته وبدت تنزل تحه بالماء
والحريم بس يصارخون بس ماسوو شي !
~وفي جهه اخرى~
الرجال سمعو صراخ الحريم واستغربو !
اما بهاج الي توقع نوره صار لها شي لانها ماترد عليه ودب بقلبه الخوف ورمى الجوال والملفات الي معه وركض بأتجاه قسم الحريم والاجانب ذابحتهم الشفايه وراحو ورا بهاج اما عند الرجال ومسلمين احترمو خصوصيه الحريم وجلسو بمكانهم
بهاج دخل بخوف وتوتر ويدور نوره بعيونه بس ماحصلها !
صرخ : وينهااا !!
جت حرمه تركض وتقول ان في حرمه وطفلها غرقو بالمسبح
بهاج بخوف وعصبيه : وينن !
واشرت الحرمه للمسبح وبهاج شاف الحريم متجمعات ويصارخون
ركض بأتجاه المسبح والقى نظره سريعه على المسبح شاف طفل يغرق بس ماشف نوره والولد ماكان بعيد مرهه سحبه حتى مادخل المسبح سحب الطفل وطلعه ورماه على امه وفقد نوره !
اما نوره الي كانت تنزل بالعميق وتشوفهم يطلعون الطفل من المسبح وحست انها خلاص
تتحركت بس ماش قاعده تنزل للقاع !
بهاج شاف انسان تحه يغرق اتسعت عيونه بصدمه وخوف وطب بالمسبح بدون تفكير من هي ومن تكون ؟!
دخل بهاج المسبح وعرف انها نوره وقلبه خايف عليها حتى انه نسى انها حامل ! يبيها هي مايبي الورع الي ببطنها !
سبحبها اتجاهه وطلعها من المسبح وحطها على طرف المسبح وهو بالمسبح ماطلع ونسى كل شي من شاف ان الماء مبلل ملابسها وماسكه على جسمها
وشاف الرجال وصرخ بعصبيه: اطلعوو برا !
وفعلاً الاجانب خافو من عصبيه وصرخه بهاج وطلعو
اما نوره الي يالله يالله تتنفس وتشوف بهاج ماسكها ويصارخ ومعصب طاحت على كتفه بتعب
بهاج رفع وجهه نوره ويطبطب على خدها بخفه : نوره تسمعيني ؟!
صرخ على الحريم : جيبوو منشفه بسرعههه !
طلع بهاج من المسبح بخوف وسدح نوره يبي يسوي تنفس صناعي واول ماقرب لها نوره فتحت عيونها وشافت بهاج ومن الصدمه صفقته كف !
بهاج بلخمه: هاه؟
نوره نست انه زوجها : عيب!
بهاج ضحك بصدمه وحط يده مكان الكف ومو مستوعب
بهاج جلس جنبها وحضنها وهي من الصدمه الي فيها بكت !
نوره ببكى : شفت الموت
بهاج شد الحضن يهدي من خوفها
جابت الحرمه المنشفه وخذاها بهاج وحطها على شعر وظهر نوره
بهاج بعتاب : ثاني مره لاتسوين فيها السوبر ومن وتطبين وانتي ماتعرفين شي ! حذرتك وانتي تعرفين انك ماتعرفين يومنك تطبين ليه؟
نوره بدموع : ماقدرت اتخ.....
قامت بخوف وتقول : الولد وينه وينه ؟
بهاج قام معها : اهدي الولد مع امه ماصار له شي
نوره بخوف على الولد : اخاف صار له شي !
بهاج بضحكه: اهجدي بس يوم طحتي على كتفي بغيت اتحمس قدام العالم واسوي لك تنفس صناعيي هههههههههه
نوره ضيقت عيونها : تحب تستغل الفرص ياأستغلالي
بهاج مسح على خد نوره : وش نسوي اذا القمر قدامنا ؟
نوره بحياء: بهاج العالم تناظر !
بهاج التفت : وين هالعالم الي تعاين فيك مامن احد
نوره : شوفهم هناك
بهاج : وينهم مافي احد ! اقول امشى امشى للدفايات برد عليك
وحط يده على خصر نوره ويمشي وهي جنبه وكلهم مليانين ماء وبردانين
بهاج جلس نوره عند الدفايه وجاب بطانيه وحطها على ظهرها وراح يدور ملابس لـ نوره ولسوء الحظ مالقى راح للحراس واعطاه فلوس يشتري لبس لنوره وحرص تكون كبيره وماتبين شي من جسمها و نسى نفسه
ورجع لنوره الي ترجف من البرد حط يدين نوره داخل يدينه يدفيها
نوره : بهيج ؟ ليش ماتلبس ؟!
بهاج: انتي تدفي بالاول
جاء الحارس وبهاج بغى يسطر الحارس من الغيره التفت على نوره وسحب البطانيه على وجهها وخذا الملابس واعطى الحارس نظره خلت الحارس يشك بنفسه !وراح
وبهاج طلع الملابس واعطى نوره : البسي
نوره خذت الملابس : وانت؟
بهاج: ماعليك مني
نوره : لا والله ؟ اجل مابغى البس !
بهاج رفع تيشيرت نوره : غصب !
نوره ابعدت عنه وفكت يد بهاج عن التيشيرت : ورع ! عليك ملاحظات هالفتره
بهاج تكتف: اجل البسي لاتحديني اجي صوب الردي
نوره رفع حاجبها وخزته بمزح: طيب !
وراحت تلبس وضحك بهاج بخفه من انها لازالت تستحي منه
وتذكر ان في لبس دوامه موجود هنا وراح يلبسه
طلعت نوره ضايعه بين الملابس كانت كبيره مرهه
جاء بهاج يسكر ازره البدله وشاف نوره ومات ضحك على شكلهاا
بهاج بشماته: الاحجام الصغيره مشكله هههههههههه
نوره تخصرت : انت الي كبرت المقاس !
بهاج بحجده : انا؟ لا ابداً
نوره : تصرف يعني بطلع كذا ؟
بهاج حط يده على فكهه بفلسفه : روحي وتعالي بقيم
راحت نوره وجت وتسوي له عرض ازياء
بهاج حب اللوك كثير لانه كبير ومو موضح جسمها : حبيت ١٠ من ١٠ تقييمي فوق العالي
نوره تعاين باللبس ومو مقتنعه فيه
بهاج حس انها تضايقه حب يلطف الجو : عادي انتي مو فقعتي تسبدي بالاوفر سايز على قولتك وكل لبس الا تبينه اوفر سايز اعتبري هاذا اوفر سايز
نوره تمسك البلوفر : بس هاذا اوفر اوفر اوفر اوفر اوفر سايز!
بهاج مسك يدها وخلاها تدور حول نفسها : لالا منا حلوه ياخذ العقل
نوره : مابغى
بهاج يقلد صوت نوره : مابغوء ! غصب عنك عاد
نوره تنهدت بقله حيله مهما عندت بهاج بيسوي الي براسه
بهاج مسك يدين نوره وقفطها بخفه (قفطها = ضربها بخفه):اهجدي بس
نوره بعناد: مابغى !
بهاج: لاتبين
نوره: مابغى
تنهد بهاج بنفاذ صبر وتقدم يحرك شعر نوره عشان ينشف من الماء
نوره : بتصل على جدتي من زمان عنها
بهاج: اتصلي يعني الحين تاخذين اذن مني ؟ يعني بقولك لا؟ تدرين اني ماقول لك لا وبعدين لا تستأذنين ! ادبجك اذا استأذنتي ثاني مرهه
نوره بضحكه: ابشر من عيوني هههههههههه
بهاج تنهد بذوبان: اهخخ يالضحكه والعيون
نوره ابتسمت واتصلت على "ام سحاب" : يمه !
ام سحاب بشوق: عيون امتس يانوريي ووين انتي غاديه
نوره بدموع : يمه اشتقت لك
ام سحاب بضحكه : وويلي صرنا نشتاق يالنوري هههههههههه
اما بهاج الي ميت ضحك على هرمونات نوره الي طلعت بوقت غلط
نوره ضربت بهاج بخفه: يمه شوفي بهيج يضحك علي
ام سحاب : ايا الموذي يومنك تولج هالبنيه خلها تجغر على راحتها انت توحيني ؟!!
بهاج كاتم الضحكه : اوحيتس اوحيتس
نوره : يمه عانيه عاده يضحك !
ام سحاب : وانتي علامتس بس تجاغرين ؟ وراتس غاديتن دلوعه بالمره لكن بصرك تدلعي على بهاج
بهاج بضحكه: وبهاج يلقم دلعها ؟ هههههههههه
نوره : خيرر كلكم علي !
ام سحاب : قومن تعاونو ماذلو وانا امتس
بهاج: وانتي صادزه وانتي صادزه
ام سحاب : البخ ، ايي علوم اخبار ؟
نوره : مامن شي يايمه بس نفرفر انا وبهيج الغيور
ام سحاب : برفع قبعه لبهاج دامه غيور عاده غيور اشوا من الي يعرض حريمه
بهاج عدل وقفته بفخر وثقه وغرور : ترى الناس تحسدك علي ست نوره
نوره بتسليك: اي صح عليك شيخ بهاج
ام سحاب : هه عاد انا استاذنكم بروح اسير على هالعربان واسري
نوره بغت تجيب العيد: بقول لك اني حا......
قطع كلامها بهاج الي حاط يده على فمها : بغيتي تفضحينا !خليها مفاجأه!
نوره: تمام
ام سحاب : يلا سلام
نوره: هل....
ام سحاب قطعت الاتصال بوجهه نوره
بهاج بضحكه : تصيرر عادي هههههههههه
نوره : تصير
بهاج حط يده على شعر نوره يتأكد تماماً ان شعرها ناشف ناسي نفسه
نوره : وشعرك ؟
بهاج: ناشف ازهلي
نوره : تمام
نوره لبست حجابها وجاكيتها وبهاج لبس جاكيت الدوام وكاب الدوام !
___________________
(الـبـر )
البنات لعب واستهبال والعيال جدولهم دبابات
ام عبدالله : غدير يامتس روحي لـ ابوتس قولي له عندكمض ولاعه ؟
غدير: يمه ابوي عند عمامي !
ام عبدالله : ايي عادي من ورا الشراع
غدير : تمام
وراحت غدير وبما ان غدير فاهيه واذا مشت تناظر خطواتها ماتناظر قدام وصدمت بشخص ورفعت راسها واتسعت عيونها بصدمه
ونايف حس بجسم صدم فيه والتفت حصل عيون البنت الي يحبها يتذكر عيونها يوم هي طفله وهالحين كبيره وجمالها يشلع القلب
غدير تجمدت مكانها من الصدمه
نايف بتردد : وش بغيتي ؟
غدير : ولاعه
نايف : وش تبين فيها؟
غدير: بدخن فيها! يعني وش ابي فيها
نايف طلع من جيبه ولاعه: خذي
غدير خذت الولاعه واستوعبت انها مو متغطيه !وراحت بخطوات سريعه
اما عند نايف الي ذاب من شكلها ومن خذت الولاعه من يده يدها لمست يده كانت يدها ناعمه وهو ذاب زياده
___________________
(وسـط شـوارع لـنـدن )
بهاج يمشي بوسط لندن ببدلته العسكريه السعوديه بثقه وفخر والناس تناظر فيه
ونوره جنبه متوهقه باللبس الي اكبر منها والناس تحسب نوره المجرمه وبهاج ماسكها
نوره : افف بهاج منك اف
بهاج : وصلنا وصلنا مابقى شيي
بهاج حس بصداع براسه وتجاهل الالم ! " شعره كان رطب شوي"
نوره : بهيج ؟
بهاج: عيونه
نوره : متى نرجع للسعوديه؟
بهاج: متى ماشبعتي رجعنا
نوره: اجل بعد ١٠ سنين
بهاج شهق : هاه !
نوره: ايي
بهاج: حلم ابليس بالجنه
نوره: اف منك اف
بهاج : والله لو تتأففين من هنا لبكرا بنرجع السعوديه خلال هالايام القادمه
نوره: اف منك اف
بهاج ضحك
ووصلو الفندق وبهاج راسه يوجعه وواح يسوي قهوه يكسف عليها ونوره راحت تاخذ شور
___________________
(الـفـنـدق - الـمـجـلـس )
بهاج يحس انه تعبان بس يتجاهل ! وفي هواجيس لا نهائيه ونوره حاطه راسها على صدره وتتابع جوالها
نوره فتحت الكاميرا عشان تشوف بهاج وشافته يهوجس : بهيج تعبان فيك شي ؟
بهاج التفت : هاه؟
نوره طفت جوالها: وش فيك ليكون متضايق من شي ؟
بهاج بأبتسامه سحب نوره له: لاا وين
نوره بشك: اكيد؟
بهاج: اكيدين
نوره رجعت حطت راسها على صدره وتتابع جوالها وبهاج يمسح على شعرها ويهوجس
غدير ترسل فلوقات لـ نوره
نوره فتحت الفديوهات وشافت لعبهم وضحكهم وابتسمت ودمعت
بهاج بنص هواجيسه عرف انها تبكي ومسك راسها ولفه له : افا وش قومك؟
نوره انفجرت بكى: بهاج امش نرجع خيرر طالعين بدوني ومستانسينن
بهاج عرف انها هرمونات وضحك وضمها: ياعيون بهاج انتيي اتصلي على بخور السوق وسولفي معها
نوره زمت شفايفها بزعل: لا مابغى زعلانه
بهاج بضحكه: ياليلل هههههههههه
غدير تتصل
نوره التفت لـ بهاج: بسم الله كأنها عرفت !
بهاج : اكيدد وخيتي
نوره ردت : يامرحباً ياغدغد يامرحبا بدهر قلبيي
غدير بضحكه: حركات بهاج هههههههههه
نوره: هههههههههه
غدير : افتحي الكام افتحيه
نوره التفت على بهاج بوهقه وهمست : وش اسويي
بهاج سحب جوالها وفتح الكام ورجعه لنوره وقال : عاني ياغدير بكيتي حرمتي الله يسامحك لاتبكينها !
غدير شافت وجهه نوره واضح باكيه: واييي ام دميعه هههههههههه
بهاج بذوبان : يلعن شكلها ام دميعه عيونها حلوهه يالبيهه
نوره التفت له بصدمه: ليتني سالمه من اللعنه
بهاج بأستيعاب : استغفر الله استغفر الله
غدير تبي تحارش نوره: نوره!
نوره : لبيه
غدير: بنت قومي عن صدر اخوي حنا ناس تغار
نوره تلعب بحواجبها: ماعاده لكم صار لي
بهاج تنهد بذوبان: اشهد بالله اني لك
غدير : اخويي قبل يصير رجلك
نوره تسوي بيدها بمعنى"حرهه" : صار لي
غدير : قومي قومي
وئام جت : نواره!
نوره: ارحبييي ياوئيم ياعيون نواره
بهاج : وانا ؟
وئام بضحكه: ارحبب هههههههههه
بهاج بضحكه : البقى هههههههههه
غدير : نرجع لموضوعنا قومي عن اخوي
وئام فهمت انه مقلب شبكت معهم : ووخيتي صادقه قومي هاذا اخونا العصبي الكيوت !
نوره: وهاذا رجلي
اما بهاج مستانس على هالمقلب
غدير : قومي
وئام: عن
بهاج شبك معهم : اخونا!
نوره التفت على بهاج : هاه؟
بهاج بذوبان : اهخخ يازقنتس بس
غدير تبي نوره تعطي بهاج بوسه : اقنعيني انك تحبينه !
نوره : مايحتاج هو يعرف صح بهيج ؟
بهاج حجدها: لا اثبتي
نوره مسكت وجهه بهاج وباست خده : هاه هاذا اثبات انه ملك لي
بهاج بضحكه: ياحضييي بس هههههههههه
غدير ضيقت عيونها : ايي ماش مااثبتي لنا اثبتي ثانيي مره !
بهاج بفرحه: جويييي ياغدير جوييي
وئام: يحق لـ اخوي عطيه بوسه ثانيه !
بهاج: ايه صح يحق لـ اخوهم بوسه
نوره : بحق كلكم علييي
غدير بمزح: نوره الصدق بهيج يبي وحده رومنسيه مايبي جافه عطيه رومنسيه ولابنزوج اخونا
وئام: ايي صح يحق لـ اخونا الرومنسيه ولا بنزوجه هيام هي الرومنسيه
نوره التفت لبهاج تبيه عون : بهيج !
بهاج بجحده : صح حنا نبا وحده رومنسيه !زوجوني ياخواتي
نوره اتسعت عيونها بصدمه : خيرر ابيك عون صرت فرعون!
بهاج قرر يسوي مقلب : الصدق منتي رومنسيه ابك انتي حتى البوسه تستحين منها ترى حنا نتعب نبي رومنسيه مو بس تبكين !
غدير عرفت انه مقلب من غمزه بهاج لها: ايي صح والبنت الي بس تبكي حنا مانبيها !
نوره نزلت راسها بأنكسار منهم
بهاج اوجعه قلبه من تنزيله راسها وبغى يخرب المقلب بس اشرت له غدير يكمل المقلب
بهاج بجديه عشان تقتنع انه مو مقلب : ايي وهالحين تبكين كم مرهه قلت لك انا مابي ام دميعه ابي وحده قويه و.....
قاطعته نوره وعيونها مليانه دموع وماتبغى تدمع ابعدت عنه وقالت : تمام رح تزوج وخلني ياولد الاجاويد رح
بهاج قام بذوبان وحضنها : ليه اروح لخلق ربي ؟وانا عندي اجمل ماخلق ربي؟ وشلون تبيني اروح لغيرك وانتي مغنيتني عن غيرك؟ احبك ياعروق قلبي وش لي بالنجوم وانا عندي قمرها علمينيي كيف !
نوره سكتت لان كلامه يجيب راسها .
بهاج التفت على الجوال وقال : الله يقلعكم بكيتو حرمتي لاتبكونها ابكيكم !
غدير ووئام التفو على بعض بصدمه من جحده بهاج لهم
بهاج بمزح: يلا تقلعو
وقفل الخط ورفع راس نوره وشاف دموعها للحين مانزلت وواضح الكلمه للحين بخاطرها " مابي ام دميعه ابي قويه "
ونوره قاعده تحاول ان دموعها ماتنزل
بهاج شاف دموع نوره الي تحاول ماتنزلهم : نوريي ترى امزح وش فيك عاديي نزلي دموعك ياشيخه احب عيونك اذا دمعت والله امزح معاك لاتكتمين !
نوره لفت واعطت بهاج ظهرها ومسحت دموعها ولفت على بهاج وقال : تبي قويه؟ احلم تشوف دموعي !
بهاج عارفها مستحيل يمر يوم بدون ماتبكي
بهاج ضمها وضحك : ايي نشوف اعرفك لو ينكسر ظفر بكيتي يلا خليك قد التحدي
نوره : قد التحدي
بهاج : يلا نشوف
اتصل جوال نوره وكانت غدير وردت نوره وكان ابو عبدالله
___________________
(الـبـر)
نجلاء: ويي نوريي حبها للدموع
الهنوف : بس هالمره مراحل متطوره
سهام : ايي ام دميعه
غدير بضحكه: يوهه الله يعين بهيج هههههههههه
وئام: من حظه بس لقى نفس نوره
هيام: الله اكبر عاد
نجلاء: انتي وش بك عليها !؟
هيام قامت وراحت
نجلاء : بقلعتك
غدير : بتصل على نوري ابوي مشتاق لها
وراحت غدير ونادت ابوها واعطته الجوال : يبه هاذي نوره تبيك واذا خلصت ارسل الجوال مع حدا الورعان
ابو عبدالله : ياهلا بالنوري وبهيج
نوره وبهاج: ياهلا ومرحبا
ابو عبدالله : وشلونكم
نوره: الحمدلله تمام
ابو عبدالله: الحمدلله دوم
وقعدو يسولفون لكن قطع كل شي صراخ هيام !
هيام دخلت قسم الرجال تبكي
ابو هيام: وشفيك ؟
هيام: ياعمي ولدك ولدك رافع قضيه عليي نوره الساحره شيشته علي
ابو رائد: اهدي يابنت اهدي نفهم منك حبه حبه
هيام ببكى: نوره رافعه علي قضيه
ابوعبدالله : ليش وش مسويه لها عشان ترفع عليك قضيه !
هيام: اسألهاا
ابو عبدالله التفت للجوال : نوره رافعه على هيام قضيه ؟
نوره سكتت وتناظر بهاج
بهاج: لا انا الي رافع عليها قضيه انا بهاج شخصياً
ابو نايف: ليه عسى ماشر؟
بهاج: لو تشوفون الكلام الي قالته وش بتسوون ؟اذتنا حتى وحنا مسافرين ونغير جو عكرت مزاجنا خصوصاً ان نور بفتره مايسمح لها تتضايق
ابو هيام : يابهاج ياولدي اسحبها مابيننا هاالمشاكل
بهاج قفل الخط ماقدر يتحمل نفاق ابو هيام
وهيام تبكي وتقطع شعرها ومعصبه وتدعي على نوره
والجد عبدالرحمن كان هاديي تماماً وقام بهدوء ابعد عنهم هو مايبي يشوف حفيدته هيام بهالوضع
وكلهم يحاولون يتواصلون مع بهاج بس بهاج مقفل جواله وجوال نوره
___________________
( بـيـت ابـو رهـف )
ابو رهف معصب على رهف لانها تطلقت وزعلان على ريف لانها تهاوشت مع رجلها سعود
رهف بنفاذ صبر: خلاص عاد تطلقت ترى طلاق مو نهايه العالم ! طلاقق ماهي واقفه الدنيا عليه
ابو رهف بعصبيه: لا ليهه تتطلقينن منه وهو لواء وعنده فلوس يعزك يامره
تنهدت رهف بضيق من تفكير ابوها الحجري : كلنا ندري انا وانت وهو انه يحب حرمته وانا مستحيل افرق بين ثنين خصوصا ان حرمته طيبه وحنان الارض كله فيها !
ابو رهف : بترجعين له
رهف : احلم ! مستحيل ارجع له وهو متزوج !
ابو رهف : عاديي يطلق زوجته ويرجع لك
رهف بصدمه : يبه ! مستوعب وش تقول ؟ تدمر بيت كامل حرام بهاج يحب حرمته !
ابو رهف : حبه لها خرابيطط !
رهف سكتت من قبح تفكير ابوها
ابو رهف : وانتي المصيونه الثانيه وين رجلتس؟
ريف بدموع: رجلي؟
ابو ريف بصراخ: اييي
ريف : يضربني ويهينيي وانت راضي؟
ابو رهف: ايي راضي يقتلك لانك سودتي وجههي الله يسود وجهتس
كلام ابو رهف كفيل بتدمير نفسيه ريف
رهف : خلاص يبه عاد ! البنت تعبانه نفسيناً وجسدياً ومحد يرضى على بناته الذل والاهانه
ابو رهف : تستاهل زياده
ريف انفجرت بكاء: تمام استاهل انضرب انهان ببيت ابوي تمام راضيه لانه ابويي لكن انهان ببيت غيرك يايبه وانت راضي بأهانتي راضييي ليه ليه تبيع بناتك هالبيعه ؟!
ابو رهف : اقول رجلتس يتصل جهزي نفستس تروحين معه
ريف بصراخ وبكى: مستحيلللل
ابو رهف: علمنً يوصلتس ويتعداتس رجلتس جاء !
ريف بصراخ: مو رجلي !
ابو رهف تجاهلها وراح يضيف سعود !
وريف طاحت بحضن رهف تبكي بغبنه وانكسار من ابوها الي باعها عشان كم فلس بالبدايه عشان مسأله الشرف بس بعدي تحول لحب الفلوس
رهف تمسح على ريف : ياريف امسحي دموعك وروحي لسعود والعني خيره خليه يكرهك ويتركك
ريف : مايتركنيي
دخل ابو رهف وسحب ريف من حضن رهف
ريف ببكى: يبه اتركنيي
رهف: اتركهها ماتبيك !
ابو رهف سحب ريف غصب وسحبها وهو ماسك شعرها وهي تبكيي !
اما سعود الي بالمجلس ويرتب كلامه عشان ريف
دخل ابو رهف وهو ماسك ريف وريف تصرخ وتبكيي ورماها وطلع !
سعود فز ورفع راسها من الارض ويهمس: بسم الله على قلبك
ريف ببكى:الله ياخذكم
سعود غمض عيونه بهدوء وعارف شعورها
ريف سألت سؤال غريب ومن غرابته صدمت عيشه سعود
ريف : متى اموت وتفتكون مني وافتك منكم ؟
سعود : لااا
ريف : الااا
سعود ضم ريف عشان تهدى بس ريف كارهته وماتبيه وتدفه عنها بس هو شاد عليها
سعود بندم: انا اسف
ريف بغصه :اسف وش بتسوي قل لي وش بتسوي هل الزمن ؟ لا هل برجع اوثق فيك مثل اول ؟ لا هل برجع اشوفك نفس نظرتي لك اول ؟ لا اسف بترجع شي انكسر ؟ لا اجل وش بتسوي اسف تراها مجرد کلمه مالها معني اسف اسف كلمه ما ترجع شي ، بس انا ما ابيك انا ما ابيك انا ما عاد صرت ابيك بحياتي حياتي حلوه بدونك مابيك ولا ابي ارجع لك انا لو ابيك كان رجعت لك مره ثانيه بس مر على وقت رجوعي وقت كثير هي ما كانت كذبه وبس والله انها خيبه وخذلان عطيتك قلبي ابك عطيتك قلبي بس كسرت ذراعي بكذبه لا عاد تجي لي ولا عاد ترجع لي انا مابيك والله والله واللي اخرج نبيه من البير اني خصيمتك يوم الحساب بعد ماكنت اسجد على سجادتي وادعي لك بالخير صدقني الحين اسجد وادعي ان يمسح الله على قلبي بلطفه وانساك واني ما
اموت الا وانت ذايق مرارة اضعاف اضعاف الشعور
وطلعت ودموعها على خذها
___________________
(الـفـنـدق )
بهاج بيموت من الم راسه وساكت وماعلم نوره ! ونوره شاكه بوضع بهاج
نوره ضيقت عيونها بشك: بهيج بتزعلني ترى اذا ماقلت لي وش فيك !
بهاج بتعب : مافيني شي
نوره حطت يدها على خد بهاج : بيهج عليك حراره !
بهاج ينكر: لا بس دوخه بسيطه وتروح
نوره بخوف : بهيج عليك حراره صدق !
بهاج التفت للجهه الثاني : طيب علي حراره ابعدي عني لااعديك عاد ببطنك ورع مو لحالك
نوره بجديه: بهاج يلا على المستشفى قدامي
بهاج هز راسه بنفي ويطقطق : مابغوء
تنهدت نوره: مو وقت طقطقه وذبات قم على المستشفى ولاتزعلني!
بهاج قام وحاط يده على خشمه وافمه عشان مايعدي نوره وتنمرض وتتعب : طيب بنام تبين شي؟
نوره تخصرت: خيرر ! يلا على المستشقى!
بهاج تجاهلها ومشى بأتجاه الغرفه
نوره تلحقه : يعني يهون زعلي؟!
بهاج تجاهلها ويبدل تيشيرته
نوره تنرفزت من تجاهله لها وضربته بخفه: اكلمك انا!
بهاج: ماقدر اكلمك اعديك وتتعبين !
نوره: طيب خايف علي رح للمستشفى !
بهاج بعناد وكشر وجهه : لا
نوره : بهاج مو وقت عناد !
بهاج تجاهلها وانسدح بالسرير : تصبحين على خير
نوره اتجهه له وجلست عنده : ليش تعاندني ؟
بهاج غطى وجهه عشان مايعديها : يانواره العمر ابعدي لا اعديك تفطسين علي
نوره بعناد تعمدت تصير بحضنه وتدري انه مايردها وفعلاً تنهدت بيأس من عنادها وغطى وجهه بالتيشيرت
بهاج: ماودك تقومين ؟
شهقت نوره : تطردني ؟!
بهاج : تدورين الزله انا داري
نوره قامت بزعل : لاتكلمني
بهاج : خلا.....
قاطعته نوره: لاتكلمني !
بهاج بضحكه وتعب : هرمونات هههههههههه
نوره لفت للجهه الثانيه : لاتكلمني
بهاج لف للجهه الثانيه: احسن اريح راسي !
نوره : لاتكلمني ماتفهم !
بهاج تجاهلها ومثل انه وقد
نوره حست بهدوء بهاج وقامت تتأكد من حرارته : بهاج؟
بهاج مايرد
نوره زمت شفايفها بخوف لان جسمه حار مرهه
بهاج عض يد نوره الي عند خده
نوره فزت : وجع
بهاج : من كثر ماتقولين وجع انوجعت صدق
نوره : الحامل ماتخوفها ولا تسوي فيها مقلب يالفاهم!
بهاج قام وحط يده على بطن نوره : يوهه اسف يابنتي المستقبليه اذا امك ام دميعه الله يعينك
نوره بزعل : خيرر !
بهاج ضحك بتعب ورجع وانسدح بتعب
نوره كشرت بحزن على عناده وقالت بأسلوب تهديد وتسوي بيدها كذا(🤌🏻):طيب يابهاج طيب هالحين املي فمك من الثوم والبصل اخليك تقول زي الغزال طيب طيب
بهاج : لاتتعبين نفسك لاني شي ماعجبني مااكله
نوره بعناد: تحسبني باخذ رايك ؟ لاحبيبي تاكل غصب ولا بزعل منك وارجع لا جدتي واختلق سالفه
بهاج ضحك على تهديدها
راحت نوره تتصل على ام سحاب تعطيها وصفات شعبيه مضمونه وام سحاب تتفنن وهي تعطي نوره المكونات
ام سحاب : ان ماشربها هالسربوت شربيه من خشمه ها عاد ماوصيتس خليتس شديده لاتخلينه يهمل نفسه
نوره : ابشري يالجديده ابشري
ام سحاب : ايي هاذي بنيتي يلا عاد زي ماقلت لتس خليتس شديده عشان يطيب ولاتخلينه يجيب راستس بكلمه شربيه هالكوب ويقوم باتسر غزال عزال طريقه مضمونه علاج ام سحاب هذه ثقه
نوره : كفو ياجديده كفو اذا عيا بتصل عليك
ام سحاب : ابك حنا بالخدمه اطلع له من الجوال واعلمه كيف يعيي صدز اخليه يندم يعيي ابك ازهليني بس
نوره : يمال الج....
ام سحاب قطعت الخط .
نوره بغبنه: يلا معليه تصير تعودي
ونزلت جوالها وخذت الكوب الي فيه خلطه ام سحاب ومتجه للبهاج
اما بهاج من شافها سوى نفسه راقد لانه عارف وجرب طعم علاج ام سحاب
نوره دخلت بقوه وتذكرت كلام جدتها "خليتس شديده عشان يطيب "
نوره : قم اشوف عويناتك مانامو
بهاج يمثل انه انزعج من نوره : افف بنام اتركينيي
نوره : قممم ويحد! ثنين ! ثلاثه وربع ثلاثه ونص ! ث ث ث
بهاج ماهمه تهديدها ويمثل انه راقد
نوره صرخت بعصبيه: قمم لاتزعلني تضر ورعك هالي ببطني
بهاج قام : هاه هاه
نوره تقدمت وجلست قبال ومدت الكوب : اشرب !
بهاج شم ريحه العلاج وجاه اقوى فلاش باك قبل ١٥ سنه لما كان عمره ١٠ سنين
~ قبل ١٥ سنه ~
ام عبدالله : والله ياوخيتي بهيج صايرن هاجد بالعاده جني مقطع مدري وش الي ضاربه !
ام سحاب : اقربيه اقربيه لي افحصه
ام عبدالله مسكت بهاج وهو يصارخ ويتفلت
ام سحاب فحصته : الولد مختش اكيد يبرد ومايتدفى
ام عبدالله : ايي عجزت عنه مايلبس جاكيته
ام سحاب التفت على نوره الي عمرها ٨ سنين : يانوره جيبي العلبه الي بغرفتي
نوره رمت لعبتها وراحت تجيب العلبه وجابتها
ام سحاب ابتسمت لنوره : عشتي
نوره ابتسمت وخذت لعبتها
ام سحاب : اطرحي ورعتس يالجوهره
بهاج شاف نوره وهي تحيب العلبه وحقد عليها وجاء بيقوم يضربها
ومسكته ام عبدالله وكتفته : اهجد لااسطرك
بهاج يتفلت : اتركونيييي
ام سحاب : تعالي يام صيته كتفي هالجني معنا
ام صيته : ابشري
وام عبدالله وام صيته مكتفين بهاج السكتي الجني ونوره تناظر فيهم ولبعتها بيدها
بهاج بصراخ: يالعجوز اتركينييي
ام سحاب: ايي هالحين اوريك العجوز وش تسوي فيك
بهاج بصراخ : والله لعلم ابوي
ام سحاب : تقلع علمه ، افتحو فغره
وفتحو فمه وام سحاب تشربه علاجها وبهاج يضرب ويهاوش ويصرارخ ويتفل! كان قليل ادب وجني بطفولته
وام سحاب كل مايتفل تدق فمه عشان يتوب بس بهاج لاحياه لمن تنادي تدق فمه ويبكي لكن يرجع يتفل ! بهاج كان مختلف عن باقي الاطفال كان يميل للعصبيه والعنف والتنمر مع ان امه وابوه مدلعينه ماكانت طفولته سيئته كثر نوره كان مدلع بشكل والدلع هاذا نتج لهم طفل يسيطر على الجميع ويبي كل شي له
وخلصو بعد ماشربته ام سحاب علاجها معصب ويتلفظ عليهم بألفاظ بذيئه
ام سحاب وام عبدالله وام صيته خذتهم السوالف وبهاج من شافهم مشغولين
اتجهه لنوره الي واقفه وتناظر فيه بخوف
بهاج سحب نوره معه وطلعها برى البيت ودفها ونوره بكت
نوره كانت طفولتها سيئه مرهه ماعاشت مع امها وابوها عكس بهاج المدلل كانت تخاف من بهاج بشكل لانه يفرغ طاقته السلبيه عليها وكانت بكايه بشكل مو طبيعي كانت لو احد يقولها كلمه تبكي لو احد رفع صوته عليها تبكي وبهاج يستمتع اذا شاف احد اضعف منه
وجاء بياخذ لعبتها بس نوره رفضت وبكت
بهاج ضربها وخذا اللعبه منها غصب وبدا يقطعها لقطع صغيره ونوره تبكي
بهاج رمى اللعبه عليها: مسكينه ماعندك ابو وام يشترون لك
نوره ضمت رجولها وبكت
بهاج دخل البيت وسكر الباب وخلاها بالشارع تبكي !!
ام سحاب شافت عيون بهاج الي واضح مسوي بلا ومسكته : وش مسوي يالمخنر؟
بهاج: عجوز قريح
ام سحاب قفطت يدين بهاج: احترم نفسك ياورع
بهاج : افف عجوز متوحشه
ام سحاب انفقعت كبدها من حركاته وقرصت اذنه: وش مسويي؟
بهاج عض يد ام سحاب
ام سحاب هبدت بهاج وسمعت بكاء نوره وراحت تركض لشارع بدون حجاب وفتحت الشارع لقت نوره تبكي ومعها لعبتها المقطوعه
شهقت ام سحاب وركضت وحضنت نوره وتمسح عليها وتهديها وقومتها ونفضت عنها التراب ومسحت دموعها ودخلتها وشربتها ماء وجلستها وخلتها تهدى
ام سحاب تقدر تتنازل عن كل شي مقابل ضحكه نوره! وبهاج فقع كبدها
جاء بهاج يضحك
ام سحاب ماتحملت غثاه وتقدمت وسطرته كف لدرجه انه طاح صح انه صغير بس ام سحاب من الجيل القديم ماعنده تفاهم وخصوصاً انه ضر نوره والي يضر نوره تضره !
قرصت اذنه وسحبته لـ امه وهو يبكي ورمته على امه : هاذا الولد مايطب بيتي ! لاتشوفه عيني دقي على ابوه يجي ياخذه
بهاج ببكى: ماما ضربتني عجوز الكهف
ام عبدالله : وش هو مسوي؟
ام سحاب بعصبيه: قولي وش ماسوى الوكاد علمن يوصلتس ويتعداتس هالولد لايطب بيتي ولا تشوفه عيني يومنه يحط حيله بهالمسكينه ليش ؟!
بهاج قام : وتشوفين ياعجوز قريح والله اذا كبرت باخذها منك واضربها وتشوفين !
ام سحاب : تقلع بس !
ام سحاب وقتها من كثر مابهاج فاقع كبدها ماتدري وش كانت تقول ! وبهاج كان طفل وصدق انها ماتبيه
وفعلاً مرت ١٠ سنين ماشاف خالته ام سحاب ونسى نوره صار عمره ٢٠ سنه ونوره ١٨ سنه
بهاج شاف حياته ومايدري ان في انسان اسمه نوره نساها تماماً
ام عبدالله بعتاب : بهاج عاد خلاص صكينا العشر سنين وانت قاطع وصلك مع خالتك !
بهاج: يايمه مابيها والي مايبيني مابيه
ام عبدالله: يربي منك البيعر نسى وانت مانسيت !
ابو عبدالله: والله وتالله ان تروح وتعتذر من خالتك ماعندي ولد يقطع وصله ماعندي ولد يحقد على خالته عشانها قالت له كلمه بوقت غضبها ان مارحت لها اليوم ماتكون ولدي
بهاج: بس يبه
ابو عبدالله : لابس ولاغيره تبي راضاي ورضى امك قم اعتذر من خالتك
بهاج قام بقله خيله ونفسه بخشمه وركب سيارته ينتظر امه تجي عشان يتلونها للديره
ووصلو الديره ونوره ماكانت بالبيت كانت بالسوق
ونزل بهاج ومكشر وجهه
ام عبدالله : ابتسم
بهاج ابتسم بتسليك : ابتسمت
وطقت ام عبدالله الباب
وطلعت العجوز التعبانه الي ذابحها التعب وفتحت الباب بتعب وقالت بصوت تعبان : ياهلا ومية هلا بأم عبدالله وعبود
كانت تحسبه عبدالله من كثر ما ان بهاج قاطعها!
بهاج وقف بمكانه بصدمه من منظرها الي يكسر الخاطرماكانت كذا قبل ١٠ سنين ! وحاول يتذكر تذكر ان عندها بنت بس ماكان يذكر اسمها ولاملامحها كان يحسب نوره بنت مزون وندم ندم قد شعر راسه يعني كانت مجود كلمه ليش ١٠ سنين قاطعها ! يعني الهم والغم غير شكلها كذا ؟ حس بوجع بقلبه وتقدم وحب راسه خالته ام سحاب
بهاج بندم: ياخاله انا بهاج
ام سحاب ميلت راسها تتأمل شكله الي اختلف عن اخر مره شافته طول وصار هادي ومثقف ويقول خالتي مايقول العجوز وش الي غير هالولد ؟
ام سحاب طاحت دمعتها على خدها بأنكسار منه
تنهد بهاج بضيق : انا اسف وغلطت بحقتس كثير بس والله يشهد علي اني ندمت ندم قد شعر راسي انا اسف ياخالتي ماتوقعت اني بسوي كذا بمسلمه اتمنى تسامحيني انتي وبنتس والله كنت طفل ومو مستوعب شي وخذيت على خاطري بسبب كلمه ! اسف انا اسف بكل مره اقول لتس فيها اني اسف وخيبت ظنتس بي ادري كلمه اسفه ماتكفي وبيجي اليوم الي اعتذر منس فيه
ام سحاب : معذور ياولدي معذور
بهاج حب راسها بندم
ودخلو وجلسو
بهاج جاه فضول يعرف وين البنت الي كان يتسلط عليها ؟
بهاج بتردد : خالتي
ام سحاب : لبيه
بهاج: وين بنتك ؟
ام سحاب وام عبدالله نزلو روسهم بحزن توقعوه يسأل عن بنت مزون "سحاب"
بهاج عقد حواجبه : وينها؟
ام سحاب بضيق : بنتي تزوجت وماتت الله يرحمها
بهاج حس ان الدم بجسمه توقف مايردي ليش ضاق مع انه حتى اسمها ناسيه وضاق خاطره وندم انه تسلط عليها يوم هي صغيره تذكر يوم يقطع لعبتها ويضربها ويسكر عليها الباب توقع الي ماتت نوره مايدري انها امها
قال بضيق: الله يرحمها
وقام بضيق وطلع للسوق يتمشى
اما بجهه اخرى من السوق فراشه طايره تضحك مع صيته وتشتري وتقوس ملابسها وضحكتها مافارقت وجهها
نوره مسكت قميص روز اصفر : صيوت شرايك ! احسه جوك
صيته :ماش نبا ازيرق
نوره : هههههههههه
نوره سحبت قميص الروز الازرق الي تبيه صيته وركضت
صيته تركض وراها : هاتيه يمال العافيه جيبيه يالسروق
نوره التفت وهي تركض: حلم ابليس بالجنه ياص....
قطعت كلامها من حست انه صدمت بجسم واقف وطاح الشرشف الاحمر
نوره بألم : اهخ
بهاج رص على اسنانه بعصبيه: ماتشوفين حولا انتي؟!!
نوره : وجع انت الي ماتشوف بعدين وجهك غريب يعني انت الغلطان !
بهاج انجذب لملامح وجهها وكانت ملامحها واضح عمرها صغير بس عصبيته تسيطر عليه ومسك عضدها بقوه : احترمي نفسك يابنت
نوره كلعاده دموعها تسبقها بالكلام: اتركنييي
بهاج بحده : انتبهي لطريقك ثاني مرهه يابنت ال ؟
نوره رغم دموعها الا انها دفته وصرخت بوجهه: انا بنت محمد وسحاب متربيه عند جدتي مزون كانك تعرفها يارخمه !
بهاج عقد حواجبه : انتي جنيه ؟!
نوره : صاحي انت؟ اي جنيه ؟
بهاج بصدمه: بنت خالتي ام سحاب ميته الله يرحمها !
نوره : من انت وكيف جدتي خالتك !
بهاج بعصبيه: معليك من انا ارجعي لبيتك !
نوره : ومن انت؟
بهاج مسك معصمها بقوه : لاتسأليني هالسوال اقص لسانك !
نوره بعناد ودموع : ومن انت
بهاج شد على معصمها وتذكر انها ام دميعه وتذكر ادنى كلمه تبكي عليها وابتسم انها ماماتت مايدري ليه استانس واخيرا لقى البنت الي تسلط عليها !
نوره تألمت واستوعبت انها ماتغطت عنه وفزت وسحبت الشرشف بيدها الثانيه وحطته على وجهها
جاء زيد بعصبيه بعد ماعلمته صيته ان في ولد تسلط على نوره
زيد بعصبيه : ولد اتركها لاادفنك !
بهاج التفت على صوت زيد : خالي؟
زيد: بهاج؟
بهاج ترك يد نوره وابتسم : ارحبببب من زمان عنك
زيد : وش هالقطاعه يالموذي
بهاج: وش نسوي حنا بعير ماننسى
نوره تفرك يدها بألم ويوم قال زيد "بهاج" تذكرته وكشرت يعني حتى وهي كبيره متسلط عليها هل بهاج مرسول على نوره؟ مدعي على نوره؟
ورجعت نوره للبيت
ومن بعدها بهاج رجعت علاقته لخالته ام سحاب بس ماكان يشوف نوره وماكانت طموحه نوره ماكان يحبها ولا شي اساسا مايشوفها وقد نسى ملامحها
وبعد ٥ سنين بهاج تزوج نوره
"نرجع للحاضر"
نوره قطعت هواجيس بهاج : ولد ؟
بهاج فز : لبيه
نوره : اشرب
بهاج: بس مابي
نوره: مو على كيفك
بهاج يكرهه هالعلاج: مستحيل هاذا علاج هدم العلاقات ماانسى يوم تخرب بيني وبين خالتي بسببه !
نوره تنهدت من انه رجع للماضي ونزلت الكوب وحضنته : انسى
بهاج ساكت وترجع له ذكريات
نوره قامت وجابت خافظ حراره واعطته بهاج
وبهاج اخيراً حس ان تعبه خف
نوره انسدحت وسحبت بهاج لحضنها هو تعبان جسدياً ونفسياً وتدري انه مشتاق لعمامه وابوه وامه واخوانه وهواته وسعود ذرتها وعيال عمه ودوامه ماتدري انها تغنيه عنهم كلهم بأستثناء امه وابوه وخواته واخوانه
ونام بهاج ويحس براحه بقربها وهي خسرت بتحدي انها ماتبكي وبكت على منظر بهاج التعبان .
___________________
(الـبـر - الـمـسـرا )
بعد ماعرفو بالقضيه انقلبت الطلعه فوق تحه
ابو عبدالله: يلا يلا مشينا
ابو هيام: ياعلها ماعادت من طلعه
ابو نايف : يام نايف يلا مشينا
ابو رائد: يلا تمسون على خير
وضفو عفشهم وراحو
___________________
(لـنـدن )
قامت نوره وشافت بهاج على نومته امس راسه على صدر نوره تحديدا على القلب نام وهو يسمح نبضات قلب نوره .
قامت بهدوء وحطت وساده وراحت تصلي وتدعي وبعد ماملصت العادات الدينيه قامت تسوي فطور من يدينها من زمان ماكلت من البيت
واتجهه لبهاج تمسح على شعرها بهدوء : بهيج
بهاج قام بأبتسامه: لبيه
نوره : يلا قم صلي ونتعال نفطر
بهاج يتمغط: يلا ابشري دقايق وانا عندك
نوره بأبتسامه: يلاا
وراخت نوره وبهاج صلى وجاها
وافطرو
بهاج حس ان الحياه رجعت له بس يعني فيه سخنه خفيفه اشوا من امس
نوره : شلونك اليوم
بهاج بضحكه: مثل لونك هههههههههه
نوره : لوني اخضر
بهاج ضحك ونوره ضحكت معه لانها تأكدت انه بهاج الحقيقي السامج
بهاج: ترى خسرتي امس بالتحدي !
نوره بجحده: اي تحدي؟
بهاج غمر: علينا يانوره علينا
نوره تشتت انظارها : م...
مامدى تقول الكلمه الا بهاج باسها من الشامه كان وده ومن الشفايف بس خاف يعديها خاف عليها
نوره : يلا افطرت؟ خلصت؟ يلا قم نتطلع
بهاج : يلا قدام وين ماتهب هبوبك رحت معك
نوره : جويي
وراحو يلبسون
___________________
(بـيـت ابـو صـيـتـه )
ام صيته: ياصيته تعاليي
صيته: هلا جيت جيت
ام صيته اعطت صيته الفطور: اسمعي وديه لـ ام زيد ! ام زيد مو ام سحاب انتبهيي
صيته: ازهلي ازهميي
ام صيته: يلا لاتنثرينه انثر راستس
صيته: ازهليي
وطلعت صيته ومتجهه لبيت ام زيد وطقت الباب
زيد طلع:يالله صباح خير
شاف صيته وقال بذوبان: ايي بالله صباح خير
صيته : اهجد لااهبدك الحين
زيد: ابشري
صيته : امسك عان هذه الفطور اعطه ام زيد
زيد خذا الفطور : اوامر ثانيه ام قرون؟
صيته بصدمه: هاهه ام قرونن؟!
زيد: اييي
صيته هبدت زيد: وجع
زيد يحك مكان الضربه: تكفين صيري بنت لو يوم بس مو لازم تكونين رجال كل يوم
صيته شهقت: وجع شايفتي ولد؟
زيد: مو ولد رجال بعد
صيته: بعدد؟!!
زيد: امزح امزح
صيته: عبالي بعد
وخزته وراحت وهو ذايب وخذا الفطور ودخل واكل الفطور كله عشانه من صيته
___________________
(لـنــدن )
بهاج ونوره دخلو مدينه العاب اوملاهي يتمشون فقط
نوره حست ان الطفل الداخلي يبغى يلعب
وفجأه بدون مقدمات نووه اختفت وراحت
بهاج يتلفت يمين يسار ماحصلها وضحك عليها : اكيد واحت تلعب
وجلس وفز من تذكر انها حامل ومايصير تلعب العاب قويه !
وراح يدورها وحصلها عند اكبد لعبه بالملاهي كلها واتسعت عبونه بصدمه
وجاء بيدخل بس الموظف رفض لانها قد اشتغلت
نوره تأشر بيدها بمعنى"باي" وترسل بوسه بالهواء وبهاج متنرفز من حركتها ذي ووده يعاتبها ويهاوشها بس مايبيها تزعل وتتضايق
بهاج : طيب وقف اللعبه فيه حرمه حامل !
الموظف : مستحيل محد يدخلها الا بشروط وكل الي وقعو تأكدت من الحمل والامراض القلب
بهاج تنرفز من الموظف وقال بعصبيه: انا زوجهااا وقف اللعبه !
الموظف : تتعرض انت وياها لمسائلات !
بهاج ماكان يفكر بشي غير نوره وحملها : طيب وقف
اما نوره الي ارتفعت فيها اللعبه وعلقوها بهالواء وتحس انها فراشه طايره
الموظف وقف اللعبه
وبهاج دخل ومعصب من الموظف ونوره الي ماتستوعب انها حامل ومايصير تهمل نفسها كذا !
اما نوره تضايقت انهم وقفو اللعبه ونزلوها
بهاج جاء نوره وعيونه تطلع شرار وعصبيه : وش هالحركه الماصخه!
نوره: افف ياحبك لتكبير المواضيع !
بهاج فك حزام نوره: انزلي !
نوره بعناد: مابغى
تنهد بهاج : انزليي لاتحديني اجي صوب الردي
نوره التفت للموظف وجحدت بهاج: لو سمحت حنا دافعين فلوس ليش توقفها
بهاج ماتحمل ابداً وسحب يدها ونزلها غصب وهي تحاول تفك نفسها بس ماش
نوره تكتفت بزعل : بزر
بهاج : اي بزر وش تبين ؟!
نوره : الله اكبر ميته عليك؟ مابغاك
بهاج هز راسه بأسى منها : قدامي بس
نوره : مابغى
بهاج : ماتبغين الكوفي ؟
نوره بحماس : الا
بهاج بضحكه: اني داري هههههههههه
نوره ابتسمت
واتجهوو للكوفي وطلبو قهوه وجلسو ينتظرون القهوه
جت الموظفه وقدمت القهوه
الموظفه بأبتسامه : هل تريد كحول ؟
نوره من الصدمه علقت عينها
بهاج : لا شكرا
ابتسمت الموظفه وراحت
بهاج قرر يحارش نوره قال : كل ماقالت لي النادله تبغى كحول ؟
قلت كحل عيونك السود مغنيني عنه
نوره شرقت من الصدمه
بهاج يهوي على نوره : وش فيك
نوره بغيره وعصبيه : وتسال وش فيني ؟؟ وش كحل عيونك وكحول صاحي امن وياها وحيهه الفقر انا من شفت وجيهكم وانا شايفه الفقر وهه كره وجهه
بهاج ضحك على عصبيتها
نوره قامت وتقلد صوت بهاج : كحل عيونك يغنيني عنه ! اجل ؟
بهاج : جربتي شعور الغيوه؟
نوره : ماغرت !
بهاج : ايي صدقت عن نفسي
نوره : قم مابغى هالكوفي الي قهوته طعمها ماهو بحلو ماش ماعجبنيي !
بهاج : ماعجبك ولا...
ماكمل كلامه الا نوره قاطعته: لاتحدني اروح انتف شوشتها الشقراء ذي
بهاج: اجهدي عشان الي ببطنك بس
نوره : انقلع انت وولدك
بهاج : وانا ووبنتي نبي ام بنتي
نوره : وام بنتك ماتبيكم دبلتو قاعه كبدها
بهاج حضنها : خلاص خلتص لاتبكين يالبكايه
نوره: مابكيت !
بهاج: صح انتي صح
نوره تنهدت
"مرت ٣ ايام سعيده عليهم بدون مشاكل والسعاده ماليتهم وجاء وقت انهم يرجعون للبلد "
___________________
(الـمـطـار )
بهاج ونوره جالسين ينتظرون الرحله ..
نوره: متى نعلم الاهل بموضوع حملي ؟
بهاج : خلينا نرجع هالحين بالسلامه وابشري متى ماارتحتي اذا انتي تعبانه مايحتاج نعلمهم الين ترتاحين وعاد ادا تبين مقدمات وحفله كيفك ابد انا تحت خدمتك
نوره تكت : وش رايك ؟
بهاج : والله يالنوري الي ودك هو ببطنك وانتي تتعبين عليه يعني اختاري انتي
نوره : تمام نفكر اذا رجعنا
بهاج : الي ودك
واعلن المطار ان الرحله رقم** تبي تقلع
وركبو
نوره كلعاده كبدها تقلب تبغى تستفرغ وبهاج مايدري هو من الحمل ولا من الطياره وهو متوهق فيها
هدت نوره : كم باقي
بهاج بضحكه : وينن تونا نركب هههههههههه
نوره : افف
بهاج حط راسه ورقد ونوره تتأمل جمال الغيوم والسماء وجمال الادمي الي نايم جنبها ..
~بعد سبع ساعات ~
بعد ٧ ساعات وصلو السعوديه الامن والامان والاستقرار .
نوره وبهاج حسو بشعور سعادهه من رجعو لبلدهم مسكنهم عايلتهم كانت الغربه تتعب النفسيه صح انها سياحه لكن الابتعاد عن الاهل والبلد شي يتعب النفسيه
ونزلو وركبو سيارتهم الي كانت موقفه عند المطار وبدون لايروحون يمين ولايسار سيده على البيت
___________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
*اعتذر عن الاخطاء الاملائيه*
النجمه تدعم الروايه✨
البارت طويل ومن طوله دار راسي 😭