- ﴿ ࢪوحَ آللہ آفآطـمِ ﴾
# بقلمـي أنا :- فآطمِة حسّين علي يآسّــُــࢪ
ــ♠♠♠♠♠ــ
_ ضـنـوآت آلأفآطـــــــم
- ضـــــنواتِ لَتّنَِّسـوِنِ آلَتّصٌوِيِّتّ + الـتعليــق بيــــنِ الفقـࢪات ومتابعة الحســــــابي ⊰✾⊱
~•~•~•~
ضيـفواَ حـســآبيَ آلوآتبآدَ عمــــــريَ
ilX81_
مِشِآهـدة مِمِتعـة ضَنــــــــــ໑آتي
≪━─━─━─━─َـــــــ─َ━─━─━─━≫
داسم :- كول يا الله أبني بس فهمني
وكعت بلكاع وحسني كلبي خالتي بيها شي احتار يتقرب مِڼـّي لْـۆ يحجي ويا.
داسم :- وين وين أنـت
سكت اشوية يستمع ألة لزمت كلبي :- جايك جايك ضل ضل ابمكانك ضل.
سد الخط وابسرعة بدل ملابسة وجهة أصفر كركمة
بلكوة علية نطقت :- داسـ داسم شكو شكو !!
باوعلي حتة مايعرف ايشتت نضـرة :- ماكو شي روح وريـدي تعـاي.
اتقرب مِڼـّي يرجف اتخبلت باساني اهواي وطلع من عثرة العثرة يركض كعدت مكاني ادك على خـدي ما مفتهمة شكو من بجت شفاعة كمت علي حيلي بدلت الهن ورجعتهن ابمكانهن واني هم نزعت العلية ولبست كلابية وشال
طلعت من الغرفة اطرافي ترجـف وبلكوة امصبـرة على نفسي نزلت جوة كان البيت هدوء وكلها نايمة لأن وقت عصر ايكعدون كلـهم وية صلاة المغــرب
طلعت برة وكعدت
بلحديقة على الحشيش نزلن ادموعي وضليـت أبجي وأدعي اني اتأذيت ما أحب احد من قربي يتأذون مثلْي لأن كلبي ينمرد والله
لاقيس :- اللهم قبل غروب شمس هذا اليوم نسألك من فيض فضلك العظيم أن تهب لنا من الخير كلـه عاجله وآجله يا رحمن يا رحيم اللهم إنا نسألك من الهدى والتقى والعفاف والغنى اللهم ارفع عنا البلاء والوباء وعافنا من كل سوء يا رب الهم لٱ تقل رحمتك عن اقربائي الهم لٱ تبلي بما لٱ تحتملة روح الذات للمرئ الهم اعطيني القوة والصبر يارب يارب يارحمن يا رحيم.
بلشت اتغرب وكل ما تختفي الشمس وتحمر اكثر اصير أدعي أكثر وادموعي على خـدي هبت رياح من قوتها غمضت اعيوني ذارفة دمعاتي
رفعت أيدي اخليها على صدري اليهبط أثر كل شهكة صدر حاولت اسكت واخليها على ربي اشوية اشويـة اتناسيت الموضوع مسحت وجهي وضليت برة على ما أيأذن الغروب وأكوم أصلي وشوية وصاح
- الله أكبـر الله أكبـر الله أكبر
_ أَشْهَدُ أَنْ لا إِلهَ إلّا اللهُ أَشْهَدُ أَنْ لا إِلهَ إلّا اللهُ
- أَشْهَدُ أَنَّ مُحَمَّداً رَسُولُ اللهِ أَشْهَدُ أَنَّ مُحمــداً
رَسُولُ اللهِ
_ حَيَّ عَلَى الصَّلاةِ حَيَّ عَلَى الصّـلاةِ
- حَيَّ عَلَى الفَلاحِ حَيَّ عَلَى الــــفَلاحِ
_ حَيَّ عَلَى خَيْرِ العَمَلِ حَيَّ عَلَى خَيْرِ العَمل .
صليت على محمد وكمت على حيلي ميلت ضهـري ورجعت الغرفتي دخلت اتوضيت وطلعت لابسة محرمي وفارشة سجادتي اصلي مهما كانـت الصـعاب على المؤمن لآزٍمٍ يرضى بلقـدر لأن بعد كل عسُر يسرُ
كبرت وصليت
كملت صلاتي ابسرعة من سمعت أمين اتناغي حبيبتي كبـرت كمت على حيلي ورحت جريتها من سريرها اضحك وياها واناغيلها
وهية فرحانة وتضحك :- ولج أمين ولج حبييبي أنـت شنو كليلي أنـت شو اكرطج! أكلج! فدوة الـ الله اشلون ينطينة عطايا حلوة مثل رحمتـة
وأعضعض بيها على كيفي وابوس ابحلكها وبخدودها أمين حيل تشبة أبوها حتة بلون العيون الخضـرة تشبــها ، وبلخنزة تشبها ، حتـة مرات من اتباوعلـي وأني أرضعها احسها نضرة ابوها الكلها حنيـة على كلبي رغم الحداديـة.
خليتها بلكاع حللتها وعفتها تلعب جريت تليفوني وطلعت رقم داسم رنيت على بس يطلع ألي مٍشًغوٍلً أخذت نفس ورجعت كعـدت يم أمين ايدي على خـدي
وشوية ورن تليفوني جريتة وشفتها لهيب ابتسمت وفتحت عليها خط ابسرعة صرخت بيـة فرحــــانة وتشهك ……
⊱━━━━⊰✾⊱━━━━⊰
لهيب :- كلبيييي يوجعني عليك والله
ابتسم واعيونة عبارة عن صفار شعـرة متأكل كلة وشوية ديوكع من حواجبـة حضني الصدرة مقهـور علينة اني وعائلتة على وضعنـة على
جبرائيل :- لهيبة ، نـاري ، وقرة عيني ، انطيني وعد من كل كلبج
لهيب :- ولا وعـد والله أنـت حتضل وياي ورب العاليمن ما راح ايخيب ضنـي
جبرائيل :- ناري حبيبتي!
لهيب ;- أششش والله أبجي والم عليك العالم كافي لٱ تقهر بية متخاف الله أنـت!
سكت حضنتة أكثر ابوس بي وما اشبع :- أحبك أني اهواي مو!
هز راسة ابتعدت ابوس ابركبتة وابللها بدموعي ومن أسم الأسم صاحو علينة انتفضت مفزوعة لأن راح اتبين نتيجة تحاليلة مال الأسابيع الراحت
جبرائيل :- يلة نـاري امشي
لزم ايدي واني ارجف بلعت ريكي وعضيت على شفتي أحاول اكون هادئة ما أنهار طلعنة من المكتب
أيد بأيد لكينة الممرضة واكفة يم الباب
- الدكتور عـون الـ***** منتضركم بمكتبة
هزيت راسي واتشكرت منها رحنة على مكتبـة دكينة الباب ودخلنـة :- السلام عليكم.
سلمنة ودخلنة كاعدين عادي ويحجي مساعدة ابكل هدوء الحد ما قدملة الدكتور ابنفسة تحاليل وأوراق وهوة مبتسم صار عنـدي أمل وباوعت الجبرائيل طمني ابنضراتة
حجة المساعد :- استاذ جبرائيل حالتك الـــــُـفترة الأخيرة جانت كلش متراجعة على الكيماويات
فـ صرنة ننطيك جرعات منتضمة انحاول انحسن من جودة المنتجات الأولى والحمد الله ابفضل اللغة ثم ابفضل الدكتور عون أنـت متشافي كليا من بقاية الكتلات
واشوية اشوية بلعلاجات الطبيعية انحاول نكتل وانقلص اكبر عدد موجود ابجسدك
:- أنـت شمسوي بابا !؟ والله ما اكول غير سبحان الله
فرفحت روحي ضليت ابجي وأيدي على وجهي ماَ امصدكة وجبرائيل هم ما أمصدك يحجي ويــــاهمَ واحس ابنبرة صوتة الترتجـف
- هـاي بعد قدرة الله وأنـت مو تكطع لٱ تعال بين فترة وفتـرة حتة نكمل الأجرائات
وخرت أدية من اعيوني بلكوة أشوف ميلت ايـــدي وحضنتة ابكل حيلي حضنتة ضحكو وهوة انحرج من تصرفي بس خلي ينحرج فرحتي ما واسعـة حتة كلبي
وخرني منة اتشكر منهم وأخذ ابأيدي وطلع ابخطوات أقل ما يقال عنها تركض وأحنة الأثنين نحتار ابشنو نحجي وانعبر عن فرحتنة بغير الكلام اتشجنت كل أطرافي
دخلنة للسيارة واحد يحجي للثاني فرحتـة وواحد يشرح للثاني على صبـرة حضني جبرائيل ايبـَوس ابراسي وبأدية وبوجهي وبكل مكان مِڼـّي
جبرائيل :- محضوض بيج لهيب والله والعباس محضوض أنا بيج اشكد صبرتي وياي اشكد بجيتي علية وعانيتي مِڼـّي والله محضوض لأن عنـدي مرة سباعية مثلي احبج ناري والكعبة احبج.
لهيب :- ههههههه يا حبيبي والله أني المحضوضة شوف شوف اشلون اتعالجت شفت اشلون من كلت ألك اصبر! شفت اشلون الله ڼـعم عليك شفت !
هز راسة يمسح ادموعـة ابكتفي ضحكت وبعدتـة مِڼـّي صايرة لوية ببطني :- جوجووو
مال راسة وباس شفتي مبتعد يحيجي :- يا روح روح روح جوجـو اتراب الج جوجـو
لهيب :- أسم الله حبييبي أسم الله على روحك أي أي عوفنة من الحزن اريد انزل الهـاي الصيدلية أجيبلي شي وأرجع ابسرعة
- لٱ تتعبين حبيبي كليلي أنا أجيبلج
هزيت راسي متوترة :- لٱ لٱ هية هـاي كدامنة خل أمشي ألها اجيب الشي وأرجع
- يلة انزلي وديري بالج اعاين عليج منا
ضحكت خفيف ايعالمني اشلون الطفلة ابتسم بستة ابخدة وفتحت الباب نازلة ابخطواتي المتحمسة مـاَ درت وجهي اعرف السيارة امضللة مشيت ابسرعــة لصيدلية دخلت وأخذت من البنية تحليل حمل
انطتني ابسرعة حاسبتها وضميتة اتشكرت منهـا ورجعت يمة للسيـارة :- هـاي سيارتك أذا اريد انزل منـِْهـا لآزٍمٍ اطفر وأذا اريد اصعد الها لآزٍمٍ اكمز شنووو هـااي
ضحك :- جـا شأسوي هذيج تاهو وغيرتهـا الخاطرج جبت هـاي الفصمة بعد شتريدين هو أنتي جنج برغي ما تتوالمين
عيبت على ضحك والدنية ما سايعتـة استفسر شنو جبت بس ما كتلة دغني ابراسي وساق السيــــــارة غربت الدنيـة وأذن الأذان
وصلنة للبيت نزلنة فتح الباب ودخلنة اتلكونـة الجهال ايكمزون علينـة حجينة الهم المختصر وشي نكدر اندخلة العقلهم مو معقـد رغم ما فاهمين بس فرحو على فرحتنة عفتهم وصعدت الغرفتي رحت غسلت وصليت وسجدت سجـدة شكر الرب العالمين
من كملت اتذكرت التحليل الشتريتـة كمت ابسرعـة طلعتـة من جنطة وباوعت على :- حباب لٱ تخلذني حححباااااب
وابسرعة دخلت للحمـام وجربتة انتـضرت النتيجة
اشوية ارجف ومغمضة اعيوني سمعت صوت جبرائيل يصيح عليـة
جبرائيل :- ناررري وينچ بوووية
ما رديت على اشوية من فتحت اعيونـي رمشت رمشة خايفة وباوعت على التحليل خطين !!!!! من شفتة خطين نـًسّْيـت الدنية وضليت ابجي ابصوت عالي فرحاااانة وميتة فرح
جبرائيل :- ولج لهههههيب اشبيج لهههيب
دك علية الباب انتفضـت ومسحت ادموعي ضميت التحليل واتقربت طلعت الـة بس شفتـة شهــَكت ورفعت اديـة حضنـت ركبتـة أبجي مسح على ضهـري وأردف
جبرائيل :- اشبيج ناري وكعتي كلبي والعباس
هزيت راسي ابعدة مرات رافضة ما اريد أكلة هسة ابتعدت منة وأردفت
:- لٱ هـيج هيـج أبجي علــى سلامتك فرحانة اهوواي اليوم
جبرائيل :- جـا اتقربي يمي خل افرحج أكثـر.
شالاني بين اذراعاتـة واني اضحك وهوة متونس نزلني على السرير وبلشـت حرب المحبين بعدهـي احتواني بين حضنـة ايسولف وياي ويهمسلي ابهمسات معسولة وبنص حديثنـة قاطعتـة ورفعت راسي اهمس بأذانـة
لهيب :- أني حامل حــبيبي
- هـا
لهيب :- ههههـه حامل حامل
باوعلة ما امصدك رفع راسـة واني نمت على أيدة
:- اكلي خـرة
لهيب :- ههههههه والله العضضيم أني حامل لحضـة
وابتعدت كايمة منة جريت وياي الحاف امحاوطة نفسي بي رحت جبت ألة التحليل وخليتة بأيدة من باوعلة نزلن ادموعـة اتقربت منـة وحضنت راسـة بأديناتي أبوس بي وأمسح بدموعة.
لهيب :- الله عوضنة ابعوضة جبرائيل
⊱━━━━⊰✾⊱━━━━⊰
لاقيس :- يا أمي يا حبيبتي لٱ تبجيـن شفتي عوض ربج وكرمة عليكم!
ضلت تحجي وتبجي وكل ما تتذكر ترجع تنزل ادموعها ادموع الفرح سديتة منـِْهـا وأني ابقمـة السعادة بس اتلاشت من سمعت اصريخة
بهتت روحي ورجعت النقطة الصفـر واني بلمحرم كمت على حيلي وطلعت أركض ردت أنزا الدرج بس اشتوقفني كلام فاروق السريع والمخيـفِ
فاروق :- لٱ لٱ لٱ لٱ ما ماتت ما ماتت أي أي ما ماتت اتجذب علية اسهام اتجذب عليـة بس متوجعـة أي أي بس متوجعنـةِ
داسم :- ما ماتت والله بس امشيييي
سكت فاروق يشهك اتخبل نزلت على السريـع اعيوني ادور وما فاهمة شي من شفتهم واكفيـن واحد اكبال الثاني ويحجون هامسين ما ساكتيـن عرفت اكو شي
منو الماتت!
سـؤدد لْـۆ أسهام!
لاقيس :- داسـ داسم من من منو مات ؟ ويـن خالتي فاروق وين خالتي طلعت وياك ترا أي طلعت ويـــاك وينها وينهـا
صفن علية عفتة وميلت ضهـري اصيح وأدور عليها عسا ولعل الأكي أثرها برة لْـۆ بلمطبخ ، لْـۆ بلحديقة بس ماكو خالتي اتبخـرت
لاقيس :- أسهام وين أسهام فاااااروق أحححجي وينههههها وينههههها
طلعو وراي وفاروق وكع على اركبة أيدة على حلكة يبجي مثل النسـوان ردت اروحلة واعتقلني داســم من ضهـري يحجي وياي.
داسـم :- أششششش حادث والله بس حادث
صرخت بي اموخرتة من حضني وكعت على اركبـي ابجي واصيح :- اشلوووون اشلووووون
قرفص يمي ايحاول ايهدي بيـة ويحجي ويـاي ويشرحلي اشلون صـار الحادث قبضت على محرمي لدرجة أصابعي اتأذت
داسم :- هية البت مبتعـدة من يم فاروق وضاربتها سيـارة جاية طايرة لٱ اتخافين بوية ما بيها شي نقلناها على المستشفـى وهساع ابنفس الساعــــة تطلع ما بيها شي وداعتج حبيبي
لاقيس :- لٱ لٱ لتجذب علية لعد ليش هيج فاروق ديبجي عليــها عباااالك ميتـة !!!!؟؟؟؟
ابتسم وجر راسي حاضنـة وفاروق بعـدة يبجـي عليها :- ولـ يا بويـة هساع أنتي لٱ سامـح الله تندعمين ويتأذة جسمج أنا ما أبجي عليج !!
هزيت راسي :- لٱ ماتبجي ماتبجي
ضحك علية وكان ابصفة احجارة اصغيـرة شمرها على فاروق حتـة يصحة على نفسـة ما كنت متوقعـة الهـاي الدرجة هوا ايحبها واستبعدت حتـة ايكون ما امراقبها مثل أخو.
كام فاروق بدون لٱ يحجي كلمة لبس ابرجلة ومشة ايريد يطـلع برة راد ايروح ألة داسم بـس ما قبـل حتة أني ما قبل أروح ويا
لاقيس :- أشكددددد غثيث
داسم :- ههههههههههه كومـي بوية كومي
كام امكومني ويا وادموعي ما وكفـت وبعدنــي أردد أبداخلي اني نحس عليهم صعدنة فوك وكلبي اموجر وسودة علية أمين نايمة وهية امحللة
داسم :- بوووووية
ركض عليها ايبوس بيها ايريدها تكـعد وأني كعدت على السرير أبجي متنحسة على خالتي
- ولج بويـة اكعددددي
ضلت تبجي من ورة لحيتـة اسمعة يحجي وياهـا عبالك جبيـرة.
- يلة يلة ارجعي نامي ارجعي
مسحت ادموعي وشفتة ايلولي ألها ابسرعة غفـت على أيدة رجعها ابمكانها ومال راسـة الية باساني من راسي وراح يسبح
ضليت كاعـدة ابمكاني ابجي ابصوت خانس وروحي مسحونة وكل ما اكول حياتي استقرت لآزٍمٍ ايصيــر شي ويخرب كل نفسيتي
مر وقت وطلع داسـم من الحمام رفع راسـة شافاني بعدني أبجي اتقرب يمي وكعـد على السرير
- أشبيها ابنياتي !
:- تـؤ مقهههورة اهواي عليهااا
- أخابرنها ألـج !
باوعتلة :- أحلف
- والله وعيونج وأذا زينـة اخابرنها كامرة
هزيت راسي طلع تليفونة وأتصل على رقم فاروق أول مرة ما جاوبة بعدين جاوبة
فاروق :- انعل صكر الكـو*****
- اشمالك اتجوعر هيـو
فاروق :- مو هسوني طبيت وأنت حركت الدنية أبن القندرة كول اشرايد
- جـا ولي ولي انا اتحاجيني هيج ولي يلة
لاقيس :- لٱ داسـم
فاروق :- شتريديـن صفرة ؟؟
داسم :- صفرة ولا بنفسجية وزركـــة
فاروق :- شني هـاي عودن اتقلد علية !
داسـم :- دكافي جنك صخلة امصلخة
جريت التليفون منـة :- عفية فاروق خل أحجي وية أسهـام اشوية
فاروق :- نايمة والله
لاقيس :- حباب
فاروق :- اوكفي اروايج اياهاَ وخر داسم
وخر داسم ابعيد راح يم علي الدر وخرت التليفون من أذاني وباوعتلة فتحت كامـرة وهوة فتحلة بس عليها
شفتها وانمرد روحي نايمة وبأنفها صوندات ووجهـا كلة خدوش :- يا حبيبي
فاروق :- أسدة !!
لاقيس :- لٱ بقي عفيـة ، وهية وين اتعورت بعد ؟
فاروق :- برجولها وشوية خدوش
لاقيس :- سودة علية وهسة اشلونها ؟
فاروق :- لٱ زينـة نعمة
مسحت ادموعي طفة الكامرة اتشكرت منـة وسديت الخط اشوية اطمنت عليها من عرفـت سليمة بس رجليها متأذاية … رفعت راسي وباوعت على داسـم ابتسملي وأردف
- ها شفتيهـا ؟
هزيت راسي وابتسمتلة فرحانة :- كومي ناكل جوعان أنا
:- أي أي ننـزل بس منو يبقة يم الأطفال !
داسم :- راح اخلي ألهم كامـرة
هزيت راسي شلت محرم الصلاة ولبست الشـال وهوة ركب ألهم الكامرة ومكبر الصوت من خلص لزم أيدي ونزلنة سوة
لاقيس :- داسـم داسـم
نزلنة أخر باية باوعلي :- هـا حبيبي
لاقيس :- أحبك حبيبي
وهو يمشي اتعثر ضحكت ابصوت عالي :- موتيني موتيني سهــلا سهــلا
متت من الضحك دخلنة للمطبخ وضلينة انسوي كلشي كان سئلتة على خالة حريم وطلعت رايحة تزور وزبيـدةُ ما كالتلي عرفتها زعلانة عليــة
كملنة الاكل وأكلنة من كملنة ساعدني وعزلنـة اثنيناتنة الصحون أخر شي رن تليفونة عافاني وراح ايرد على كملت البيدي على السريع ورحتلة للصالــة شفتة يحجي اشرتلة بمعنـى راح اصعد اشرلة بأيـدة بمعنـى اصعـدى
عفتة وصعدت فوك كلي ريحة طبخ دخلتي الغرفتي وأخذت ألي لبسة مريحة. دخلت سبحت وما طـولت وعلى بجي الأطفال انخبصت
لاقيس :- يمة يمة يمة كعدتوا يا روحي يا أمي
اتقربت اهز ابواحد وأشيل الثاني احجي وياهم وسؤدد سكتت بس أمين وشفاعة وعلي الدر ضلـو يبجون جوعانين احتاريت وياهـم
انفتح الباب وعرفتة داسم اجة على صوتهم لان يدري بية ما راح اكدر ألهم اربعتهم اتقرب شــال شفاعة وعلي الدر
داسم :- رضعي سؤدد وامين وانا اشربهم حليب
هزيت راسي وكعدت ارضع امين وسؤدد وداسـم سوة الـشفاعة وعلي ممة وشربهم
داسم :- هية شنية بابا دكعدو خل نلعب انصخم نتعرف هم غفت هم غفت
ضحكت وأردفت :- داسـم أمي كالت الاطفال ابهاذ العمر ينامون اهواي وشوية اشوية يتعودون
داسم :- هسة انا ما مفتهم شي منهم بس نــوم وحليب وحسرة علية ابوسهم كمزو
لاقيس :- ههههههه زيـن لحيتك
ضحك وهز راسة شبعو ورجعو نامو ضل ايدردم عليهم ولا يكدر ايبوسهم ايفزون ولا يكدر يرجـع ايكعدهم كابلهم وكعـد
ادنيت على ورحت كعـدت ابحضنة حاوطني ايسولف وياي ويحجي :- لاقيسة
خليت راسي على صدرة وادية امحاوطة خصـرة وأديناتة امحاوطة بطني :- روحي
داسم :- خل انسوي بعد طفل.
لاقيس :- ههههههههه
داسم :- ههههههه ولـ لٱ اتضحكين
متت ضحك اشكد فارغ :- حبيبي تحجي صدك أنت اشعندك اليَوم وياي روح اشتغل على حاسبتك روح روح
ماعافانـي ضل يضحك ويبوس بيـة وبراسي عـاد حاوطتة اكثر أبوس بي ابتسم ومال نفسة صار ابتسمت اشكد مرت اسنيـن على هـاي الحركة ولا نساها ابيوم
حتة من كنت بأول ايام ولادتي ايفززني من نومي حتة ايبوس صرتي ويشمهاَ باساني واتقربلي ابحب وبعدهي خلاني على صدرة ايمسح على شعـري
وغفيت ابسرعـة … وكعدت الصبح كلــعـادة سبحت وصليت ولاعبت اطفالي
طلع داسم من الحمام اينشف ابشعرة :- لاقيس بابا امحضرة امورج !
هزيت راسي :- أي حبيبي يعني هسة راح انروح يم سؤدد بعد !
- أي بوية يمها راح نستقر خايف عليهــا لٱ اتأذي نفسها وجهالها
هزيت راسي وكلبي انمرد على حالتها خطية ما تستاهل حضر داسم كلشي ايخصنة خفايف وأني نزلت قبلة انطيهم علم خالة حريم ضلت تبجي وزبيـدةُ هم
حريم :- يا يمة والله موبيـدي والله موبيـدي
لاقيس :- لاتبجين أمي عـادي ترا
حريم :- يا عـادي ولج يمة يا عـادي اندري اشـبي اوليدي والله ما أدررري راح اتـــخبل من ورا ولا ايكول عنـدة امرية مثل الكمر ركضلي على هذيج الكرررطة
زبيـدةُ :- لاقيس تزورونـة مو !!
هزيت راسي :- أي طبعا حبيبتي لٱ تبجين
رحت حضنتها وأجن البنات هم حضنني وودعـــني نزل داسم من فوك امحمل خطية امة شافتة فرفحت روحها لأن راح يطلع ركضت على تحضن بي واتبوس ابصدرة لأن ما اتلوحة
- هههههههه هـا يمة هـا اشحجينة البارحة
حريم :- أخخخخخ يا نـار كلبي يا يمة هسة عليش أنتو اطلعون واتغربوني
- هجم بيتج جـا البارحة مو عايفاتنـة ورايحات اتـزورن عشتو زعلانات
حريم :- كلة من وراك والعباس خنكتوني ابيوم وليلة ولا جنكم اكبار
ضل يضحك عليها ويراضيها قبلت بلكوة وقبل لٱ نطلع هم صاح على زبيـدة وراضاهـا
زبيـدةُ :- يلة عـادي روح
- لْـۆ ما مطيج افليسات فلا اتقبلين يا صلفة
ضحكت ابطفولة باساها وأخذ الجهال وطلعنـة صعدنة بلسيارة وخلينـة الأطفال ابكراسيهم الـورة خايفيـن عليهم لأن بعدهم اصغار بس أأمن من الحضن
شغل داسم السيـارة وانطلق بيها ايسوف ومشغل لطيميـة حيل حلوة …
لاقيس :- داسم أشوكت انزور بابا
باوعلي وجر ايدي بايسها وخالها على كلبـة اليــدك سريـع :- ابكيفج ضناي أذا سؤدد ابخير وسلامة لكيناها من اعيوني يا عيني وأذا موزينة وعد علية غير مرة اخذج
هزيت راسي وابتسمتلة أسلوبة يجبر الواحد يبتسم
خطف بوسة وكمل طريقة
داسم :- محلوة امريتي صايرة جنج تفاحة
لاقيس :- أي والبارحة من عضيتني من خـدي ؟ صرت كأني تفاحة معضوضة
ضحك ابصوت عالي وما طولنة ابسرعة وصلنـة للبيت ركن السيارة اشحت نضـري ما شاء الله بيــت جبير وحسيتة بيت شي واحد بلدولة من كد ما حلو وكلة أضوية
لاقيس :- الله داااااسـم أيجننننن
داسم :- ههههههه ادخلين قبلي !!
هزيتلة راسي متحمسة كفخني وما قبل الـة سوية ننزل برطمت وانتضرة اينزل الأطفال يلة انزل ويا ومن نزلهم وكمل رحنة فتحنة الباب ودخلنـة عادي ومن الداخل بعل أجمل بهواي ونضيف
داسـم :- سؤدددد أيهاااااب وينكم بوية
ثواني بس وطلعو اطفال اصفار كلش يطلع عمرهم بين الـ 10 سنـوات أول ما شافو ضلْـۆ يبجـون ويصيحون خايفين وادموعهم تارســـــة ملابسهم ولاحضت واحد على قميصة دم
- ماما ماما بابا اتصـيح ماما
- ماما جـاي تضرب نفسها بابا
- دم بابا دم
انخبص شهكت وبحلقت اعيوني ابسرعة دخلت ورا وين ميروح اتبعـة وكل ما نقترب من الداخل نسمـع اصريخها واضح
- وخخخخخخخخر وخخخخخخخر
ويزداد الصريخ زيادة مرعبـة ضليت ارجـف ولازمة كلبي بيـدي :- دخيلك يا علي دخيلك
- فاااااااروق لااتكتلتـة فاااااااروق.
اتصنمت ابمكاني فتح داسم الباب ودخل يركض ووجهـة اصفر وحيلة يرجـف على أختـة بعدني ما داخلـة ولمحت كومة الدم المليانـة الارضية رجعت صرخت ابصوت ايكطع الروح
- مااااااات ماااااااات ……
⊱━━━━⊰✾⊱━━━━⊰
يتبــــــــــــعَ