عند ضيدان وترف بالسياره
ترف كانت طول الطرق مغطية وجهها ببشت ضيدان
ضيدان كان حسه قلبه انه فيه شيء كان طول الطريق
قلبه مع عقاب ولا ناظر حتى لترف
عند عقاب بالطريق
عقاب : يا عيال لا تخافون مافيني شيء
مساعد: محد خايف كلنا عارفين انك اسد انت قدها ترا بكره ان شاء الله ننزل للرياض عشان نفتح المحل انا وانت
عقاب : ان شاء الله اذا صابني شيء افتحه انت
مساعد : لا تقعد تخبص مافيك شيء
عقاب : عيال ضيدان مجنون عارفه اذا دره بيخرب الدنيا لا احد يقله لبكره ان شاء الله
ضاري : طيب بس ريح نفسك
عقاب : مااقدر الا اتكلم
مساعد: خلوه يتكلم لا احد يزعج شريكي
عقاب : هههههههه شريكك قعد يموت يا مساعد دور لك شريك ثاني
مساعد: محدن شريكي غيرك اذا كذا كلامه عيال سكرو فمه احسن ما اجي اكسر راسه
عقاب : مساعد
مساعد: عيونه
عقاب : لا تتكلم كذا محسسني اني زوجتك
مساعد: اطلق زوجه
عقاب : هههههههه
عقاب بدا يسكر عيونه
رعد : عقاب
عقاب يا دوبه يطلع صوته: روحً عقاب
رعد: تكفه يا عقاب لا خلك صاحي
عقاب : ابي اريح تعبت اليوم
رعد: والله الا اخليك شهر كامل تريح بس الحين لا تنام تكفه
فلاح : خلهم شهرين
عقاب : تروح عني للابل
فلاح : اي
عقاب : خلاص تم مارح انام
عقاب : رعد خلك رجال جالس تبكي ورع
رعد: ورع الي تبي بس لا تنام
عقاب : طيب بس امسح دموعك مافيني شيء
رعد: ان شاء الله
مساعد و رعد وفلاح طول طريق يكلمونه عشان لا ينام
عند عقاب وصل المشفى
دخلوه داخل
رعد: كيف تصاوب
مساعد: مدري لقيته مصاب ماعرف
رعد جالس بالارض مسك راسه : يارب يارب استودعتك اخوي يارب
ضاري قعد جنبه : ان شاء الله مافي شيء
رعد حضن ضاري : تكفه ضاري عقاب والله مالي حياة من دونه تكفه سوي شيء خلنا ناخذه للرياض لمشفى اكبر
ضاري : الي يقوله الدكتور بسويه بس انت ادعي له
فلاح سحب رعد مسكه من وجه : عقاب مافيه شيء لا تخاف خلك رجال مثل ما قالك ادعي له زين
رعد حضنه : ان شاء الله يا فلاح
عند مساعد طول الطريق هو جاي ما يحس بنفسه يضرب يده بقوه
كانت يده تنزف
مساعد صدق ماله كثير يعرف عقاب الا تعلق فيه حيل و اكثر واحد صار قريب منه
عند ابو ضيدان
دره بعقاب وقعت عصاته بالارض
ابو حمدان مسكه من يده سحبه عليه : يا ويلك تضعف خلك قوي مثل ما اعرفك لا تضعف خلك زاهد القوي الحين تروح للمشفى ولا اشوف دمعه لك اذا انت طحت عيالك كلهم بيطيحون عقاب ان شاء الله مافيه شيء
ابو ضيدان: يبه هذا عقاب ابن قلبي وش لون ما تبيني اضعف تكفون خذوني له
ابو مساعد : عقاب ان شاء الله مافيه شيء ادعي له وخلك قوي زاهد الي اعرفه ماهو ضعيف
ابو ضيدان: زاهد عند عيون عقاب يضعف خذوني له تكفون
نايف : ابشري ياعمي بس خلك قوي وادعي له
نايف عزام مسكون من يده خذوه للسياره
طلع ناصر و عزام وابو مساعد وابو ضيدان وابو حمدان
توجهم للمشفى
عند الحريم
الحريم الديره فضو ما ضل احد كل من راح لبيته
ام عقاب درت بولدها كانت تصيح
البنات حولها يحاولون يهدونها
عز: يا اهل البيت يا اهل البيت
نجد: هلا عز
عز : درو
نجد: اي ياقلبي عليهم شلون عقاب
عز: ان شاء الله اصابته خفيفه
نجد : ان شاء الله
طلعت ملاك
ملاك بصوت مخذول : تكفه الله يوفقك عقاب وش فيه صدق الي سمعناه
عز مارد عليها كان واضح عليه انه صدق الكلام
ملاك: لا تكفون لا عقاب يا حبيبي خذوني لعقاب تكفون وقعت بالارض تبكي
ركضت نجد مسكتها
عز: ملاك خلك قويه عقاب مافيه شيء هو صدق مصاب بس اصابته خفيفه ان شاء الله مافيه شيء امك بحاجتك
ملاك: هذا عقاب حبيبي واخوي تكفه خذني له
عز: ابشري والله اخذك بس قومي امسحي دموعك امك حرمه كبيره بحاجتك يالله ادخلي خلنا ناخذها ونروح
ملاك : والله تاخذني لعقاب
عز: والله بس قومي
طلعت نجلاء وغزلان
قوموها من لارض
دخل عز على ام عقاب
ام عقاب وقفت : وينه عقاب ولدي تكفه خذني له وينه وينه
عز: خذوه للمشفى والله كان صاحي اصابته خفيفه ان شاء الله
ام عقاب: تكفه خذني له
عز: طيب الي تبينه بس البكي يا خاله مايفيد ادعو له
ام عقاب : يارب ولدي يارب حبيبي ولدي استودعته الله يارب رده لي يارب
طلعو نجلاء وابحار وصلو ام عقاب للسياره
ضي كانت مسكه ملاك الي كانت منهاره حرفين يادوبه تمشي
ام ضيدان: فاتن خلك انتي مع ريم و نمر انتبهي لهم
فاتن:طيب يمه بس تكفون طمنونا عنه
ام ضيدان: ان شاءالله
طلعو ام عقاب و ملاك ام ضيدان ضي و ام مساعد للمشفى
ريم من جاها الخبر وهي مصدومه ولا تكلمت بس دموعها على خدها
كانت بالارض جالسه
غزلان: ريم حبيبتي قومي عز يقول ان اصابته خفيفه ان شاء الله يالله قومي
ريم قامت معها بس ما تكلمت بس دموعها على خدها
عند ضيدان وترف وصلو الفندق
ضيدان نزل شماغه على الكنب وفك اول زرارين من ثوبه كان مخنوق قلبه يقوله ان فيه شيء جلس على الكنب حط يده على راسه يحاول يبعد كل هالافكار من راسه
عند ترف دخلت غيرت ملابسها هي بقلبها تسفل بضيدان
شوي طلعت ترف
ترف كانت تناظره بحقد بكره لضيدان
ضيدان كان مستغرب من نظرتها
ترف بستهزاء: ليه تناظرني جالس تتخيل عهد
ضيدان انصدم من كلامها ولكن رد لها ببرود : ما سمعت وش قلتي
ترف : ابد سلامتك
ضيدان يحاول يخفي ملامح الغضب : عيدي وش قلتي
ترف ما ردت عليه تجاهلته
ضيدان مسكها من يدها عيدي وش قلتي
ترف سحبت يدها : وش تبيني اعيد ها اقولك ان دريت فيك انت وعهد وان عهد جتني قالت لي ضيدان يحبني وانا احبه وش تبي بعد اقولك
ضيدان : متى جتك
ترف : يهمك
ضيدان: قعد اقولك متى جتك هذا الكلام ماهو صحيح
ترف بستهزاء: والله
ضيدان: غيري اسلوبك المنرفز هذا اجلسي خلنا نتفاهم
ترف : مافي شيء نتفاهم عليه
ضيدان : ترف تعوذي من ابليس اجلسي بفهمك كل شيء
ترف : دام فيه احد بحياتك ليه تزوجتني من الاول ليه ما رفضت
ضيدان : راح اسوي نفس ما سمعت شيء و اجلسي نتفاهم
ترف بررد : صدق بعثت لي امك عشان تقول اذا مجبور خلني انا اقولك اي مجبوره عليك ما كنت ابي هالزوج بس جدي الله يسامحه غصبني
ضيدان: وليه ما قلتي بعثت لك امي و ابوي قلت مارح يصير شيء غصب عنك
ترف بستهزاء: انا يتيمه مالي كلمه امري بيد جدي تدري وش سوه خيرني بينك وبين فيصل و انا كان عندي الموت اهون من ان اخذ فيصل وافقت عليك كنت خايف انك تطلع مثل فيصل بس حاولت اخفي هذا الخوف اقول انك غير بس لو دريت انك حقير زيه متت ما خذتك
ضيدان: ترف قصري لسانك انا راح اسكت لانك فاهمه الموضوع غلط بس يرجع عقلك لراسك نتفاهم
ترف : انا مالي كلام مع واحد زيك حقير مخلي بنات ناس لعبه بين يدينه و انا كيف اوثق فيك واكمل حياتي معك طلقني
ضيدان عروق وجه طلعت من الغضب عيونه حمر بكل حيله عطاها كف
ضيدان : قلت لك قصري لسانك
ترف: اذا ضربت يعني بخاف اضرب ليتني ضاله بالقصر طول عمري ولاني موهمة نفسي انك بتكون لي عوض
ضيدان كان كلامها مثل السكين ينزل بقلبه : ما كنت ناوي امد يدي بس انتي حديتيني
ترف : لاني قلت الحق
ضيدان : انتي فاهمه الموضوع غلط
ترف : لا ماني فاهمه شيء غلط طلقني اموت ولا عيش عند واحد زيك
ضيدان مسك يدها : اجلسي خلنا نتفاهم
ترف : بعد يدك مافي شيء نتفاهم عليه
ضيدان: اجلسي... دق جوال ضيدان
ضيدان طلع جواله من جيبه كان ماسك ترف من يدها
ترف : اتركني
ضيدان: ولا كلمه
ضيدان: هلا ضي
نمر : عمي ضيدان
ضيدان: هلا نمر
نمر صار يبكي
ضيدان : مين الي مزعلك
نمر: عمي عقاب
ضيدان: خلاص بس ارجع اضربه
نمر: لا لا تضربه عمي عقاب ضربه السلاح
ضيدان: نمر حبيبي وش هالكلام
نمر: والله ابوي وجدي وجدتي كلهم راحو له تعال خذني لعنده
ضيدان ترك يد ترف بخوف : عطني عمتك بسرعة
نمر : اخذ جوال لفاتن
فاتن : هذا ضيدان
نجد: مايدري امسحي دموعك كلميه
فاتن : هلا ضيدان
ضيدان : وش الي قاله نمر
فاتن: وش قال
ضيدان: عقاب وش فيه
فاتن : مافي شيء
ضيدان بصوت كله غضب : قعد اقولك وش فيه عقاب
فاتن صارت تبكي : تصاوب
ضيدان: وين العيال
فاتن : كلهم بالمشفى معه
عقاب كان قريب من ضيدان حيل اكثر واحد يخاف عليه ضيدان هو عقاب قلبه كان حلسه انه فيه شيء
ضيدان بكل حيله ضرب الجوال على ارض بغضب
ترف رجعت وره بخوف
ضيدان كان اقرب ماله الجدار بكل ما عطاه ربي قوه ضرب يده
ترف بخوف وهي ترجف : وش فيه
ضيدان : مسك راسه يحاول يجمع قوه
ترف : ضيدان تكفه وش فيه
ضيدان سحب مفتاح السيارة طلع وهو ضايع مايدري وين يروح كانت صورت عقاب مرسومه بين عيونه ضيدان طلع وهو ما يدري بنفسه كان يردد لا عقاب لا حبيب اخوك لا تكسر ظهري
ترف : ضيدان الله يوفقك وش فيه
ضيدان : طلع مستعجل ما لحقته ترف
رجعت ترف للغرفه
طلع ضيدان بالسياره
ضيدان وهو مسرع
ضيدان كان يخبط السياره بيده بغضب
نسى ترف كان كل همه عقاب
ضيدان : اخ منك ياعقاب قلتلك بلا هالسلاح بس ما تسمع الكلام تكفه ياعقاب لا تكسر ظهري وانا اخوك
بالمشفى
نايف : رعد خلك قوي امك جت
رعد: مااقدر يانايف هذا عقاب
نايف : عقاب مافيه شيء انت شفته قدامك كان يتكلم ادعي له
عقاب كان قريب من الكبير والصغير كان الكل يحبه عقاب كان له الغلا بقلوبه اخوانه غير عن الكل عقاب حنون قلبه طيب مع الكل
فلاح طلع بره المشفى
لحقه مساعد
مساعد: فلاح
فلاح : تكفه قلي مين الي سوه فيه كذا
مساعد : والله و انا اخوك لو اعرف كان ما خليته عايش
فلاح : كيف صار كذا ليه ما أنتبهت له قاله ضيدان بلا السلاح بس هو ما رضه ليته يا مساعد جت بقلبي ولا فيه
مساعد : ادعي له ما يصير هالكلام
نايف : هذا المكتوب له من يومه صغير ماحد يقدر يغير المكتوب
فلاح : يارب لا تختبر صبري بعقاب يارب
وصلت ام عقاب
مساعد: خلك قوي يا فلاح هذا اهلك جو
ام عقاب : ولدي فلاح وينه عقاب
فلاح : تقلط عليه مسكه يساندها
ام عقاب : عقاب فيه شيء تكفه قولي
فلاح : لا مافيه شيء ان شاء الله ادعي له
ملاك : تكفه يا فلاح عقاب فيه شيء تكفه طمني عقاب عايش صح مافيه شيء
فلاح : اي عايش وش هالكلام تعوذي من ابليس ادعي له
ملاك ركضت على ضاري
ملاك : ضاري تكفه سوي شيء عقاب لا يصيبه شيء خذه للرياض تكفه
ضاري : خلاص حبيبتي مافيه شيء اصلاً الدكتور قال ماله داعي اصابته خفيفه هو الحين داخل ادعي له
ملاك : ابي اشوفه تكفه خذني له
ضاري : مانقدر نشوفه الحين
ام عقاب : ضاري ولدي عقاب ..
ضاري حب راسه : عقاب مافيه شيء و الدكتور والله طمني عليه ان شاء الله اصابته خفيفه بس يبي دعوتك ادعي له
ام عقاب : استودعته الله يارب رد لي ولدي يارب يارب
ضاري خذاه من يد فلاح سنده دخله دخل
عند ابو ضيدان
كان مخذول رامي عقاله وجهه كان ذبلان
جنبه ابوه و ابو مساعد
قعدو كلهم بالممر ينتظرونه و يدعون له
مساعد ظل بره طلع له نايف وناصر
نايف : مساعد
مساعد مسح دموعه
نايف : تبكي
مساعد: لا ليه ابكي الحمدلله مافيه شيء عقاب عشان ابكي
نايف : ترا عادي تبكي
مساعد: خايف يانايف اخاف ان عقاب يصيبه شيء ليتني ما خليته يجيب السلاح خايف ان سلاحي هو الي ضربه خايف ان انا الي ضربته اذا صابه شيء ...
نايف : لا تفاول عليه مافيه شيء ان شاء الله الاصابه بكتفه ان شاء الله انها خفيفه
عند ضيدان كان عيونه حمر عروق وجه طالعه
ضيدان بغضب : انا وش قلت لك
نايف : ضيدان
ضيدان بكله ما عطاه الله قوه ضربه بكس وقعه بالارض
ضيدان: انا حلفت لك يانايف اذا عقاب صابه شيء لك مثله كثير
نايف قام هو يمسح الدم الي طلع من فمه
نايف : طيب بس هدي مافيه شيء ان شاء الله
ضيدان: ولا كلمه وينه
مساعد: هدي ابوك تعبان لا تزيده انت بعد
ضيدان دف مساعد : دخل
ضيدان : وليه ماحد قال لي
ضاري : هدي وطي صوتك
ضيدان مسكه من ثوبه بصوت مخذول : وليه ما قلت لي ضاري عقاب اذا صابه شيء مارح اسامحكم والله الا ادفعكم ثمن غالي كلكم
ضاري : ان شاء الله مافيه شيء ادعي له
ضيدان : وينه الحين
ضاري: داخل
ملاك ركضت على ضيدان : تكفه يا ضيدان سوي شيء عشان عقاب
ضيدان حضنها
رعد : سوي شيء ضيدان انت دام تحل كل شيء تكفه سوي شيء
وهنا ضيدان عرف انه لزوم يقوي نفسه عشان اخوانه وابوه الي كان مخذول و عشان ام عقاب
ضيدان حضن رعد وملاك : عقاب مارح يصبه شيء ان شاء الله ادعو له
ضيدان ناظر ابوه كان مكسور ابو ضيدان الي قلبه قاسي يشوفه ضيدان مكسور
ضيدان تقلط على ابوه حب راسه : ادعي له يبه
ابو ضيدان : عقاب لا يكسر ضهري يا ضيدان
ضيدان : تعوذ من ابليس ادعي له يبه ان شاء الله انها مافيه شيء
ضيدان قعد جنب ابوه يحاول يهديه
الكل كان جالس بالممر ينتظر عقاب
عند ترف
كانت منهاره ما تعرف وش صار معهم جوال مو معها لحالها بالفندق ما تعرف احد
ترف دخلت الحمام وانتم الكراما توضت وصلت
تدعي ربها تعدي هالليلة على خير
المشفى
كان الكل بره للحين ينتظر عقاب
ضيدان طلع بره
ولحقه ضاري
ضيدان : ليه ما قلت لي
ضاري .: هو ما خلنا والله
ضيدان : ضاري تعرف ان مالي حياه من دون عقاب عقاب روحي ولدي عقاب
ضاري : ان شاء الله مافيه شيء والله لو كان شيء خطير كان اخذته للرياض الدكتور قالي قبل لا يدخل انه مافي شيء وضعه ماهو خطير ادعي له بس
ضيدان: ان شاءالله خير
ضاري : خلنا ندخل عشان ابوي
ضيدان :دخل وانا لحقك
شوي دخل ضيدان
يمكن صدق ان مكان الرصاصا ماهو خطير بس اسمها يخوف لحاله
شوي طلع الدكتور
الدكتور: الحمدلله مكان الرصاصا ماهو خطير طلعناه والحين وضعه تمام
ضيدان : الحمدلله
كلهم صار يحمدون ربهم
ملاك : حبيبي هو الحمدلله يارب
ام عقاب : الحمدلله
ابو ضيدان: نقدر نشوفه
الدكتور : حالين لا خلها يصحصح من البنج بعدها آن شاء الله تقدرين تشوفونه
ابو ضيدان: يعطيك العافية يا دكتور
راح الدكتور
ابو حمدان : ماله داعي كلنا نظل
ابو ضيدان:اي صدق
ابو حمدان : وينها ترف ضيدان
ضيدان توه تذكره انه خلاها بالفندق تركها وهي ما تعرف شيء
ضيدان : مارد عليه طلع على سيارته
لحقه ضاري : ضيدان وش فيك جدي يكلمك
ضيدان: شوي وجاي اذا صحه عقاب
تذكر ان جواله كسره
ضيدان: عطني جوالك
ضاري : ليه
ضيدان: عطني اذا صحه عقاب دق علي انا ما طول ان شاء الله
ضاري : طيب
ضيدان: طلع للفندق
عند ترف خلصت صلاة قعدت على الكنب ضمت رجوله على صدره بكت بصوت عالي
شوي وصل لها ضيدان دق الباب
ترف بخوف : مين
ضيدان : انا ضيدان
ترف فتحت الباب بخوف : تكفه وش فيه طمني
ضيدان حاول انه يخفي ملامح الغضب : مافي شيء يالله البسي عباتك
ترف : وش فيه تكفه
ضيدان: البسي عباتك و الحقيني
ترف بخوف ركضت لبست عباتها
ضيدان : في لك اغراض غيرها
ترف : لا
ضيدان : انزلي
ترف نزلت
ضيدان حط الاغراض بالسياره طلع
توجه ضيدان لبيتهم
ترف : كانت طول الطريق ساكته
شوي وصل ضيدان
ضيدان: ترف ترا مالي خلق مشاكل الي صار بالفندق يضل بالفندق بس اتطمن على عقاب ما يصير الا الي يرضيك بس الحين ماهو وقته
ترف : وش فيه عقاب
ضيدان: خذ رصاصه
ترف بصدمه حطت يدها على فمها :شلونه الحين
ضيدان: الحمدلله احسن اضن مافي داعي اعيد كلامي صح
ترف : طيب
نزلت ترف
ضيدان دخل الاغراض على باب البيت
ضيدان: فاتن و ريم
طلعت فاتن : ضيدان شلون عقاب
ضيدان: الحمدلله مافيه شيء
فاتن: الحمدلله ابي اروح معك تكفه ابي اشوفه
ضيدان: بكره ان شاء الله اجي واخذك انتي وريم اليوم مانقدر نشوفه وين ريم
فاتن: داخل تعال شوفها ما تطيع تتكلم بس تبكي جتها صدمه هي اول وحدة درت
ضيدان: خذي لي طريق
دخل ضيدان وترف و فاتن على ريم
ضيدان: ريم
ريم ماردت
ضيدان : ريم حبيبتي والله توي جاي من المشفى طمنا الدكتور يقول ان صابته خفيفه
ريم : والله
ضيدان: والله
ريم : ابي اشوفه
ضيدان: اليوم ما يخلونه نشوفه بكره انا برجلي اجي واخذك والله
ريم :اكيد مافيه شيء
ضيدان مسح دموعها : والله مافيه شيء يالله الحين خالتي تجي مابيكم تبكون قدامها زين
ريم : طيب
ضيدان : يالله انا رايح
دخل نمر وهو يبكي
ضيدان : مين عليك
نمر: عقاب ابي اشوفه
ضيدان: عمك عقاب نايم عشان يرتاح بكره ان شاء الله تشوفه وانت بعد روح نام ورتاح
نمر: مابي ابي عقاب
ضيدان: عقاب قالي قول لنمر اذا ما نام بزعل منه ماعد اخذه معي للابل
نمر: اذا نمت الصبح يجي عقاب
ضيدان: اان شاء الله
نمر: طيب بنام
ضيدان : يالله انا بروح للمشفى مثل ما قلت لكم لا تبكون قدام خالتي و امي بعد تره تعبانه ترف انتي بس تجي امي عطي علاجه زين
ترف : طيب
طلع ضيدان
كان يسمع صوت بكي بقسم رجال
وراح له كان هايم
ضيدان: هايم
هايم : ضيدان و حضنه عقاب يا ضيدان تصاوب
ضيدان: حب راسه ادري توي جيت من المشفى طمني الدكتور مافيه شيء الحمدلله
هايم : الحمدلله ترجع للمشفى
ضيدان: اي
هايم : بروح معك تكفه
ضيدان: بكره تروح ان شاء الله اصلاً ابوي كلهم جاين محد راح يضل غيري انا ضاري يالله انا ماشي انتبه لاخواتك زين
هايم : طيب
طلع ضيدان للمشفى