🗝🫀آلڪآتبهہ بنت المـهدي🫀🗝
تهموني بـ محبتك والله لو يدرون
على ضيم العلية يظل يواسوني
مَا يدرون عايفني بـ مهب الريح
وانا وياك عفت المايعوفوني
اليحبوني شكثر والجيتي يتانون
واخجل من كِثر ماكام يتنوني
وانتَ الما تحبني شلون بلا وياك ؟
امرن بيك ما امر باليحبوني
عِفت الي شروني ومن ارد شلون
هم اسوه بعد ونوب يشروني ؟
حبيتك شجاني وما حسبت احساب
خيعونك علي مو اني خيعوني
مَتحبني احبك والمصيبه نوب
اريدك وانهزم من اليريدوني
- جبار رشيد
متابعه للحساب+تصويت للبارت
ولا تنسون تعليقاتكم الحلوة بين الفقرات ☆
🦋... 🦋... 🦋
باوعت علي بخوف وكالت بهدوء
حـور:- انتِ تعرفين خالي من جنت يجي النه للبيت
عوجت حلكي وهزيت راسي غسلت ادي وكعدت مقابيلها
:- ما جنت اعرف احد ادري يجون قرايبكم بس ما اعرفهم ولا شفتهم فد يوم
باوعت الها اكو شي تريد تحجي بس شكلها مثل الخايفه او متوترة
زمــرد:- شبيج حـور شصاير
باوعت لاديها بلشوا يرجفون
زمــرد:- شبيهم اديج ليش خايفه؟
خلت ايديها على وجه واني ما حجيت كلت خاف لان هيج صار بعائلتها
حـور:- حوراء رحت لبيتها طردتني ردت اشتكي الها بالجاي يصير بيه مقبلت تفتح الي الباب تكول ادري بيج تردين تاخذين زوجي مني
رجعت تبجي حيل واني حاضنتها صوت بجيها جان عالي رفعت راسي شفت مصطفى واكف بباب المطبخ عدد حواجبه وهو راسه متسأل رجعت اباوع الها حسيته طلع بهدوء حتى متحس
لحد ما كملت كلت الها
زمــرد:- اني اختج حوراء ما تستقبلج اني استقبلج بعد كل فترة تعالي الي واجي الج واشتكي يمي شنو مضوجج حتى لو بسيط اسمع الج
باوع الي وكالت بتسأل
:- والله؟
زمــرد:- اي والله
:- بس اني ما اكدر اجي الج بعد ولا استقبلج بيتنه
ضليت صافنه بوجه كالت
:- لان خالي ما يقبل
زمــرد:- شعلي بيج
:- زمرد ماكو احد لا انتِ ولا اني ولا حتى زوجته متوقعين يطلع منه الي سواه
صارن عيونها حمر ووجه صوفر
زمــرد:- ليش شسوه
سحبت نفس وكالت كلشي مره وحده بصوت كلش ناصي تعمل باذني وهي لازمه ايدي
حـور:- صار يروح يدور نسوان وشرب ومن يرجع هنا يجيب كل جماعتة ببيتنه يسهرون كلهم مره حتى شربو واني بالدوام الصبح رجعت العصر فتح واحد منهم الباب بالكوة صعدت لغرفتنا حتى واحد بيهم كال لخالي وثنينهم مو بوعيهم
بيعها الي وخالي كال اخذها ومن سمعت طكيتها ركضه بالدرج ما خليت شي ما خليته ورة الباب فلشه تفلش واني كاعدة ارجف من الخوف والله اني ماسويت شي يستاهل هيج اتعاقب شكد ما اسوي اغلاط هذا مو حق ولا عدل اصير بهيج موقف
اني فاتحه عيوني بوجه من الصدمة انتبهت على وضعي
:- ترا اكو بعد هواي امور حتى من صحى ثاني يوم كلت اله اجه بفتح علي الباب يكلي ليش ما فتحتي اله انتِ يمكن ينطينه فلوس ومن طلع بعدها اني حجيت وياج واجيت ازورج خفت ابقى ويجون نفسهم الي اجو وياه
خفت عليها
زمــرد:- يعني هسه ما يعرف بيج هنا؟
هزت راسها نافيه
حـور:- قبل لا يرجع للبيت اني راجعه اصلا
هزيت راسي الها اطمنها وطلعت من من سمعت صوت باب انسد فتحي جهازي وره ما دورت على مصطفى بكل البيت ما لكيته
زمــرد:- انت طلعت؟
مـصطفى:- اي حبيبتي محتاجه شي؟
حجيت بصوت ناصي واني ابتعد باتجاه الباب الخارجي
زمــرد:- لا بس وين رحت
مـصطفى:-صار اكو اجتماع اداري ويمكن راح يصير عندي سفر خارج العراق
زمــرد:- شوكت؟
مـصطفى:- هل يومين اذا صح اني اتصل عليج تجهز الي جنطتي على ما اكمل كل الاجرائات وعندي عمليات اليوم
زمــرد:- تمام انتبه لنفسك
نصه صوته وكال بعطف
مـصطفى:- انتِ هم
سديته ورجعت دخلت للمطبخ بعدها حور كاعده ضليت اسولف وياها عن شغلها وكل ما يربط الموضوع بخالها او احد اهلها اغير كل الموضوع لحد ما شفتها تضحك وبعيده عن الموضوع ابتسمت لزمت ايدي وهي تكول
حـور:- والله صرتي احسن من اهلي الي
ما عرفت شنو اكول مجرد دنكت اباوع بتلفوني بعدين رفعت راسي وكلت بحيرة
زمــرد:- خليني اساعدج
حـور:- بشنو تساعديني
زمــرد:- اخلصج من خالج وتعالي ابقي عيشي يمي
:- مراح اكدر هيج كل تعب دراستي وشغلي كله يروح مراح اكدر استمر بي هنا اذا شردت
زمــرد:- لا متشردين اني اروح اله مدام انتِ يمي اكول اله اختي ما ارجعها للعمارة
:- ما ادري زمرد لا تورطين روحج اني لازم ارجع
زمــرد:- ليش لازم؟
:- كافي اهلي واني واختي شكد اذيناج ما اريد ارجع عليج ضرر
زمــرد:- مراح اعوفج ابد
بقينه بالبيت اجت ام امير كعدت يمنه شوي وراحت واخذت وياها احمد كالت
:- ابقي يمي الليلة مشتاقه اله ؟
بس وافقت سحلتة وهو يريد يبقى يلعب بجهازي
لليل كملت العشه و تعشيت اني وياها واني حجيت الها كل مغامراتي بس جنت اكثر التفاصيل جمال اخفيها واحتفظ بيها لنفسي
انفتح الباب عرفت مصطفى بس صرت كدامه صاح
:- وين جهازج انتِ؟
زمــرد:- اخذه حمودي اجت امك اخذته
هز راسه وراح للغرفة سويت اله صينية ودخلت للغرفة وفطومة تمشي كدامي
زمــرد:- تعال اكل
مـصطفى:- يما البنات يما
شال فطومة كعدها بحضنه وخليت الصينية كدامه
مـصطفى:- لا تشيلين ثكل بعد اكل اذا اريد اني اروح واكل كافي تدللين بيه
زمــرد:- هاي علمودي لو لان حامل؟
باوع الي ما عاجبه
مـصطفى:- زمزم والعباس انتِ مو مال خير
ضحكت حيل
مـصطفى:- شهرتنا وخزتنا
زمــرد:- عوفك من ضحكتي تعال احجي الك اصاير بحور
كعدت كدامه وهو ياكل ويوكل بيه وبـ فاطمة ويسمعني لحد ما كملت كلامي
مـصطفى:- ما ادري اني ضروري اطلع هذا الاسبوع مو بالعراق ابقى شلون تترتب ما ادري بس يمكن احاول اطلع من باجر حتى ارجع من وقت
زمــرد:- ما اكدر اخليها ترجع وهي ماتقبل تبقى
مـصطفى:- لا مو بكيفها تروح بس لا تطلع لحد ما ارجع
زمــرد:- واذا خالها عرف طلعت
مـصطفى:- واذا؟ شمدري اجت يمنه خلي يخبص اختها تستاهل
سكتت بحيرة خله فاطمة بحضني شال الصينية وراح غسل ورجع كال
مـصطفى:- يلا نامن
زمــرد:- ما اريد
خزرني كمت ابتسم بوجه مثل الحبابة نومت فاطمة بصفي ونمت اجه نام بصفنه صرت افكر بحور لحد ما نمت كعدت الصبح رتبت جنطه مصطفى وكعدته ورحت سويت اكل لحد ما كمل الجاي اجه شايل فاطمة هو وياها نفس الشكل رحت لغرفة جهالي اخذت ملابس لفاطمه واحمد وكعدت حور اندك الباب حيل حور فزت
زمــرد:- شبيج ع كيف
:- يا على كيف باب الشارع راح يوكع علينه
طلعنه اني وياها باوعت للمطبخ مصطفى ياكل مو مهتم فتحت الباب صاح
حـيدر :- يالله يالله
فتحت الباب حتى يدخل
عاطت بس شافته
حـور:- شنو ما شايف لو ما تستحي اكو واحد يدك الباب هيج
حـيدر:- شعليج ادك الباب اشلعه
حـور:- عود شنو هذا الاسلوب؟ احجي عدل بالاول
حـيدر :- اي اتعلم الحجي منج حلكج عوج
حـور:- احترم نفسك
زمــرد:- يا جماعة
حـور:- معليج انتِ اسمع اذا بعد اجيت لو دكيت الباب اطلع تفلش راسك بالحايط
حـيدر:- تفلش راسي هي حلكها مدسم غسلي حلكج اول
حـور:- امشي ولي منا
حـيدر:- اي مو جاي لبيت الخلفوج
وخرت ايدي من الباب وسدته بوجه ودخلت كدامي فتحت الباب على كيف حيدر فاتح عيونه على تصرفها من فتحت الباب دخل وهو ساكت شفت احمد يمشي وراه يمسح بعيونه توه كاعد
زمــرد:- ها جابك عمو حيدر
هز راسه بمعنى اي
شلته ودخلت جوه لكيت حور وحيدر يتعاركون بالمطبخ وحيدر ياخذ من كدام مصطفى ياكل ويصيح عليها وهي تسحب منه ترجعه كدام مصطفى
باوعت على مصطفى بس يخوط بالجاي خليت احمد يمه تقرب احمد مبتسم على ابوه وباسه وكعدو ياكلون وحيدر وحور مستمرين لحد ما التفتنا كلنه على صوت ماي باوعنه على حور بايدها كلاص وحيدر ناكع بالماي
مـصطفى:- هاي شصار ؟
حيدر لازم قميصه باعده عن جسمه
حـيدر:- اني اعلمج اذا ما غطيت خلقتج بشط العرب خليت السمج يهاجر العراق ما اطلع حيدر
حـور:- بعد ابجي؟؟ ضربتك طلقة هو ماي
صاح مصطفى بيهم
:- تكعدون وياي لو اكوم وياكم؟
حجه وهو يكعد
حـيدر:- ناوشني خبزة
كعد وكعدت حور يمي ومصطفى يباوع الهم بتك عين على ساعه يطردهم من البيت لحد ما كمل وهمه ياكلون رحت وراه وهو يلبس حذائة عيني على جنطة السفر
:- حاول ترجع من وقت ماشي؟
رفع نفسه الي وكال
:- احسج خايفة علي هل مرة
:- وكل مرة
ودعته وبقيت لحد ما طلع دخلت للبيت لكيت حور تبجي وحيدر يضحك عليها
:- هاي شبيج وانتَ ليش تضحك عليهه
حـيدر:- حلكها مدسم
:- اسكت حيدر
باوعلي ما عاجبه شفت حور تبجي مقهورة حيدر يحجي بدون لا ينتبه على كلامه اذا ضوجه وحتى من بجت ما اهتم لحد ما راح غسل ورجع وشافها تبجي
حـيدر:- لج اني شبعت من الاكل وانتِ بعدج تبجين صدك جذب
سحب الجهال اخذهم ثنينهم وراح
بقيت وي حور افكر ومحتارة بيها
:- نشتكي على عمج؟
:- مو حل
:- لعد شنو الحل يالفهيمة
هزت راسها ما تعرف اندك الباب حيل حور فزت ولزمت ايدي
:- كعدي اني افتح
ردت افتح الباب وسمعت صوت زلم كلت
:- منو بالباب
اجاني صوت خشن
:- صيحي لحور تطلع كولي خالها يريدها
باوعت بوجه حور الي واكفه بالباب مال المطبخ لطمت على وجه اشرت الها بايدي بمعنى التلفون
دخلت بسرعه واني رديت
:- ماكو احد هنا اسمه حور غلطان بالعنوان
اجت تركض علي والتلفون بايدها يرجف وي رجفت ايدها
اتصلت على مصطفى مغلق رجعت على امير اكثر من مره ما جاوب اتصلت على حيدر فتح خط حجه الرجال وره نقاش بيناتهم
:- كولي لحور تطلع هذا اخر كلام
شوي وسمعت صوت باب بيت ام امير ينفتح وصوت حيدر من صاح
حـيدر:- خير بوية؟ محتاجين شي؟
:- خلي عينك على شغلك ماكو الك مصلحة يمنه
حـيدر:- اني احمد ربي واشكرة ما خله مصلحتي يم هيج شكول نكسة
صاح واحد بيهم
:- اشو تجاوز منو انتَ بيمن مستقوي شعندك هنا؟
حـيدر:- مستقوي بالله والبيت الي واكف ببابة بيتي عندك حجي تحجي وياي
:- اني عندي بنت يمكم
:- لا بنت ولا حتى كتكوت ما عدنه شي الك حتى لو تكلي هوى
سمعنه صوت ركض وصوت حسام وهواي اصوات ما كدرت اميزها اباوع بالجهاز مصطفى يتصل حتى ما كدرت افتحه بهيج وضع
بالاخير ما كدرت لفيت شال وفتحت الباب وحور وراي بسرعة اجاني صوت يصرخ
حـيدر:- سدي الباب
اندفع الباب وباوع الزلمة بوجهي والتفت على حور وخطفها من ايدها ويسحب بيها وهي تقاوم
سلمته من ايده اوخره عنها لحد ما دخل حيدر سحبه من راسه ضربه بالباب فزينه عبالنه كتله لحد ما وكف
راد يرجع يسحبها دفعها حيدر وره ضهره لزمت بقميصه واني لزمت ماسحه واضربه حيل لحد ما حيدر دفرة بره البيت وصاح
حـيدر:- دخلن للبيت وقفلن الباب
دخلته وقفلت الباب الداخلي رفعت الفون واتصلت على مصطفى احجي سريع ما فهم مني شي
بالاخير ضليت احجي اله كلمه كلمه لحد ما كال
:- لا تتحركن ولا تفتحن شي اني جاي واذا اني اكلج فتحي لا تفتحي فهمتي؟؟
سمعت كلامه واني اباوع الباب احساس الخطر يرجع يكون قريب مني تذكرت كل لحظه جنت خايفة بيوم يدخل بيها عمي من الباب ويسحبني هل شعور عاشته حور بس الفرق اني عشته وحدي
حضنتها حيل واني اهدء بيها لحد ما اتصل حيدر بس فتحت الاتصال صاح
:- اني واكف بالباب فتحيلي
:- راح يجي مصطفى كال الي لا تفتحين لاي مخلوق
:- زين يسوي
سديته وحور تباوع الي متسألة
:- شنو صار
:- لا ما صار شي مصطفى عرف وبين حيدر حل موضوع خالج
سكتنة لفترة لحد ما انفتح الباب بقفل يحجي وي حيدر ويتناقشون دخل أمير جان اكثر واحد فكر بهل موضوع حول الليل ويدور حل
كاعدين يمهم بس ما فاهمين شي طلعت حور وشوي وطلع حيدر حتى يرجع يشوف امه
بعد وقت رحت للباب اشوف حور لكيت حيدر بعده واكف يمها وهي تبجي وتحجي اله ما طلعت جنت خايفة عليها واعرف لما تحجي راح ترتاح من تشكي لاحد
لحد ما طلع أمير دخلت حور تمسح عيونها
:- بيج شي؟
حـور:- لا بس تعبت ما جنت ادري راح يلكاني
:- يمكن احد شافج تتبعج وكال اله
حــور:- اي والله يمكن
دخل حيدر يمشي ويضحك خله ايده بين شعره
:- راح ابقى يمجن
حــور:- شعندك باقي يلا اطلع
:- انتِ شنو من كائن حي انتِ مو خوش يراد تدخلين سادس علمي يربيج من جديد
ما فهمت شي من عنده شي
لحد ما اني تدخلت بينهم وراحت هي للغرفه واني كاعده يم حيدر يشتكي من امه يمي بعدين صدمني من كال
حـيدر:- هاي المفلوكة بت خالج والله حلوة
فتحت عيوني وحكيت بجدية
:- ها حيدر خيرك؟
حـيدر:- هسه لو كلت جنها صفوان الاعمى جان هنا نمتي بالكاع تضحكين شنو من بشر انتِ
:- عوفك مني صدك حور حلوة؟
بس غمزت اله غمني
حـيدر:- كتلج حلوة ما عجبج وهسه تغمزين راحت عينج كون
ضحكت وبعدين غيرت الموضوع كله
:- حيدر تعرف مصطفى طلع لو بعده؟
حـيدر:- اي كال طلعت
:- ما ادري عبالي يأجل ويرجع بسبب الصار
حـيدر:- مخليني ومخلي أمير وحسام شنو مثلا انتم بدو وعايشين بصحراء حتى يخاف يعوفج ويروح
ما عرفت شنو اجاوب رحت للغرفة انام اتصل مصطفى
مـصطفى :- شلونها ام حمودي وفطومة
:- ليش كلت اسمائهم ثنينهم
:- مشتاق الكم انتم كلكم كلت اجمعكم اسم واحد ، شنو اخبار حور نامت عدل حيدر يمكم لا تخلينه يطلع خل ينام وانتو نامو بغرفه وحده
:- اي موجود حيدر وحور هسه راح تجي تنام يمي
:- ام بيتي دير بالج هل فتره على الصغار والكبار وكلشي بيدج ماشي
ابتسمت ما جاوبت لحد ما رجع يودعني ويوصيني
طلعت صحت بحور ورجعت للغرفه بس خلت فراشها بصف فراشي فرت ايدها على خصري وحضنتني حيل
قربتها مني وحضنتها مثل ما احضن جهالي حسيت بيهة بجت هواي ما حاجيتها لحد ما ثكلت ايدها علي عدلتها وغطيته وضليت للصبح بس افكر بيها
كعدت على صوت حركة بالبيت طلعت لكيت حيدر لازم الثلاجه
:- صباح الخير
حيـدر :- عوفي الصباح وشوفيلي شي بالثلاجة يلهمني
:- شنو يلهم تريد ترسم
حيـدر:- ما عندي شغف بالحياة اتمنى الثلاجه ترجع الي شغفي
ابتعد عن الثلاجه وكفت اطلع منها اكل وخليت على الطاولة وبلشت اسوي الاكل
سمعت صوت عالي طلعت للاستقبال حور وحيدر وأحمد بحضنه و فطومة كاعدة على ارض وكلهم صافنين على التلفزيون حيدر رابط بي جهازه
:- شصاير هنا
حيـدر:- شوفي ام حمد هاي السيارة مؤديل جديد هسه نزلت
ردت احجي صرخت حور
:- بدون صوت خلونه نتابع
حيـدر :- عفية ام راس عفيه
باوع الي واردف
حيـدر:- مثل جوي كلهم فرحان بيهم هواي احسهم عائلتي
حـور:- لا ايع عائلتك شنو
خزرها
حـيدر:- صح الها رجل وكالت اعور هو منو مگلبج شوفي ام حمد هاي الفرخة راح تبقى نايمة على كلبج
سحبت حيدر من ياخته للمطبخ
:- انتَ بس لا تحب حور ترا اختي ما اقبل عليها؟
حـيدر:- خاب كون الفلك الفلكج وفلك اختج وياج مدهربات شعب بيها وجها تطول وجه سمجه ولا ارتاح الها
:- لعد ووكفتك وياي
دار وجه وكال
حـيدر:- يعني واذا حتى لو اكرها الرجال رجال وهذا موقف لا اقبله على بيتكم ولا على اي احد
بس صح اني احب كل النساء بالعالم بس هي من الباب استلمتني كون سليمة تصكها
:- شنو سويتوا على خالها
سحب قميصه وطلع ايده كلها زركة
حـيدر:- طلع كل قضية دافنها بهاي ضربته
:- هاي شوكت
حـيدر:- لا تذكرينها اصلا
:- شلونهه دراستك
حـيدر:- والله لو ادري ضال على معدلي هذا السادس يحبني ما صحت يالله وشلت ايدي منه طلع المعدل يخزي صارلي 9 سنوات بي
:- شنو تريد من معدل
حـيدر:- اريد اصير ضابط
التفته على الباب حور لازمه بالحايط وميتة من الضحك
حــور:- هو انتَ زمرد تخاف تبقي جهالها يمك تالي تحمي البلد
رجعت تضحك بقوة وصوت عالي سحبها من ملابسه وصب عليها ماي ضلت تصرخ وهو لازم الكلاص ويحجي بهدوء
حـيدر:- حتى ثاني مره من تحجين وي سيادة النقيب حيدر تحجين بأدب
حـور:- عود رديت ثارك والله اغطك بشط العرب اخلي السمج يهج
رجع طلع كعد يتابع راحت بدلت ورجعت كعدت انتبهت ما بينهم نظرات ولا شي هذا كله تخيل مني
بعد فترة مو طويلة
رجع مصطفى للبيت صارت حور من ضمن عائلتة
كعدت على القنفه فحطانه من الركض وره أحمد وفاطمه
مـصطفى:- اتركي كلشي واهتمي بصحتج
زمـرد:- هاي لان حامل ادري بيك ولو انتَ مايهمك
حــور:- اووو احنه شلون بهل هرمونات عوفها راح تبجي
باوع بوجهي دمعت
مـصطفى:- والله اني اسف اسف بس كافي بجي
اندك الباب طفرت حور
حـور:- اكيد حيدر اكيد
مصطفى بس رافع عيونه عليها وهي تركض
:- اذا ما كطعت رجله اشوفه شلون تطفر وياه هل كنغر هذا
دك باب الصاله وصاح
حـيدر:- يالله يالله
مـصطفى:- غير يستقر الثكيل
اجه يسحل برجلي سحل
حيـدر:- ها حجي شلونك
مـصطفى:- انجب
حـيدر:- ايابة خجلتني باخلاقك اخلاقك خجلتني
باوع علي وكال
حـيدر:- ها حجية زوزة شلونج
مـصطفى:- انجب
دخل حور رجع باوع عليها مصطفى ضلت تمشي بطيء كعدت بعيد عنه
مـصطفى:- على هاي ظرافتك والله الزمك واحمسك حمس
حـيدر:- اشتهيت حميسة
حـور:- اي الله وخبز حار مكسب
حـيدر:- اني اجيب خبز وانتِ سوي الحميسة
حـور:- اتفقنه يلا
كل واحد منهم توجه لباب حتى يكمل الي عليه باوع علي ما عاجبه
مـصطفى:- هسه اني شسوي لهذول؟
باوعت اله بترجي
:- اشتهيت حميسة
مـصطفى:- يا مصيبة كرشج الي مالكيت الا حل عود اكلي وياهم
دخل حيدر بيده خبز وملابسة بيهم تراب
مـصطفى :- وين لكيته؟
حـيدر:- تمشيت كدام البيوت وشميت ريحه من بيت حسام طفرت جبت هاي مرتة ام السحورة خابزه
أحمد:- السرقة حرام عمو هذا مال حرام
حـيدر:- عمو اكلنه مال حلال هواي نريد نشوف الحرام شنو طعمه تعال اكل
كعدو وحور جابت صينية مصطفى اتصل على حسام وفتح سبيكر
:- هذا اكو عتوي طفر عليكم اخذت منكم 4 خبزات
حسام:- هسه اراجع الكامرات اشوف هذا العتوي شنو لونه شكله خاف محتاج عنده يتامة حتى نصدق عليه اني وياك
مصطفى:- اي ماكو اشكال
حـيدر:- ما يحتاج تراجع الكامرات اني اعرفه انطيني الصدقة واني اوصلها الها
حسام:- تاكل تبن بكد غبائك غير نسة العتوي قندرته يمي اليوم اسويها سالفة سندريلا افر القندرة على كل عتاوي المنطقة
مصطفى:- والله يا حيدر اليوم صارت بيك سالفة الهدعشري من باگ ذهبات ابو أبراهيم
انكلب وجه اصفر وهو ياكل ما حجه شي
حـيدر:- حسام تعال بداعت الخوه اكل ويانه مسوين حميسة
حسام:- جايكم اصلا
حـيدر:- لا هلا ولا مرحبا
سد الاتصال وسمعنه الباب يدك حيدر ترس خبزه وطلع انطاها اله وسد الباب ما خلاه يدخل ومصطفى يصيح عليه لان ما دخله
حـيدر:- يخلص الطاوه شبقه بيها
مـصطفى:- هو اني الي وصيتك عليها تجيبها وينها
حـيدر:- بباب الحوش
مـصطفى:- بقفص؟
هز راسه وحلكه مليان
طلع مصطفى دخل واحنه ناكل بيده بزونه
حـيدر:- اختاريتها تشبه المرحومه
:- عود صدك هاي الي والله ما مصدكه
خلاها بحضني بسرعه نامت
:- كلش فرحت
همس باذن
مـصـطفى:- اني روحي بفرحتج
🦋... 🦋... 🦋
لن يتبع وليس هناك ضوء في اخر النفق ما دام النفق مضيء ....
النـهاية .....🤍
الكاتبة بنت المهدي 🤎✨