سبحان الله وبحمده سبحان الله العظيم ♡
(الـفـنـدق - لـنـدن )
قام بهاج من النوم مصحصح والتفت على نوره النايمه بتعب
بهاج بأبتسامه: يابعد عمري هالوجه جعلني ماخلا منه
وقام وغسل وجهه وبدل ملابسه واكل بسكوت يسد جوعه وطفش ماقدر يصبر بدون نوره واتجهه للغرفه وانسدح جنبها : نوره نوري النوري النور والنوير نوني نواره نوير ؟
نوره قامت بأنزعاج وسحبت البطانيه ورجعت نامت
بهاج عقد حواجبه : انقلبت الادوار؟
وجاب منديل وينبش بوجهه نوره
نوره تمسح وجهها بأنزعاج
بهاج : قوميي ياختيي عجزت اصبر عنك يلاا
نوره قامت بنعاس : صباح الخير
بهاج بأبتسامه : صباح النور اييه تو تصحى الدنياا !
نوره بأبتسامه : ياحياتيي انت الدنيا والله
بهاج : ياحظيي ، يلا ياعيونيي قومي نفطر في مطعم قريب من هنا امشي نفطر ونتمشى ها عاد ترى في ثلج انتبهي تبردين يخشك البرد واتعب بدالك
نوره : ابشر على هالخشم
بهاج مسك خشم نوره : فديت هالخشم اناا باكله باكله
نوره ابتسمت
بهاج : نوري ياعيونيي اكشخي استأجرت مكان كبيرر وشرح ووسيع وطلبت منهم ان مايأجرون لـ اي شخص كان بس انا وانتي بس ارجع واقول النقاب ماتشيلينه وكيفك عاد بالمكان الي اقولك عادي خذي راحتك مافيه الا انا وانتي
نوره عضت على شفايفها بفرحهه : بهاج كذا كثيرر
بهاج بأبتسامه: تستاهليننن اكثرر ،انتظرك عاد يلا
نوره هزت راسها برضى وفتحت شنطتها وبهاج يختار معها ملابس
بهاج حاط يده على فكه بتفكير: لالا ماعجبنيي مايدفيي
نوره : هههههههههه
بهاج مسك فستان وتأمله ويتخيل نوره لابسته بس تركه مايناسب الجو برد على نوره
ولبست اللبس على ذوق بهاج الاسطوريي
ليقنز اسود وبلوزه سودا ماسكه على جسمها وجاكيت منفوخ ابيض وشراب ابيض نايك وشوز كونفرس (يكرم القارئ)
" كلعاده بهاج الغيور ملبسها عبايه "
بهاج : يلا مشينا
نوره : دقيقه دقيقه بهاج ليكون بتطلع بالثوب !
بهاج : ايي وشفيها ؟
نوره : بهاج لا لا لندن مو الديره
بهاج : عشانك بس
نوره ابتسمت: بختار لك على ذوقي
بهاج : تم
وطلعت له بنطلون اسود كارجو اوفر سايز وبلوفر بيج اوفر سايز وشوز
بهاج لبسه : احس اني مايع
نوره : لا والله حلوو
بهاج : دامه حلو بعيونتس اجل حلو بعيونيي
نوره ابتسمت وتقدمت لـ بهاج ترتب شعره
وبهاج يناظر نوره بحب وتأمل وقال : اهخخ منظر مضر لصحه ممكن يدمرك بمجرد اختفائه اهخخ انتي متأكده انك انسان زينا ؟ اشك اشك
نوره ابتسمت ولازالت تضبط شعر بهاج : ياحياتيي
بهاج بلحضه سريعه تحمس وباس شفايف نوره
نوره تجمدت مكانها بحياء
بهاج بضحكه: عادي يلا امشي هههههههههه
ومسك يدها وطلعو متوجهين للمطعم ووصلو * الكلام بالانجليزي بس بقوله بالعربي *
بهاج : لو سمحت المنيو
الموظف جاب المنيو
نوره : الله ابغى جزر مع شوكلت
بهاج بصدمه : جزر وشقليطه؟
نوره : لالا ابغى فراوله مشتهيتها
بهاج عقد حواجبه : وش هالطلبات الغريبه ههههههههه
نوره : افف مشتهيه
بهاج : والله لو انه وحام حامل ماسويتي كذا ،دقيقه ليكون حامل !!
نوره : لاوينن ، بس صدق ابغى فراوله
بهاج : تم الي ودك
وطلب بهاج الفطور على ذوق نوره واهم شي " الفراوله "
نوره مسكت الفراوله ومدتها لـ بهاج : كل
بهاج اكل من يدين نوره : ثقه
نوره ابتسمت وكملو اكلهم وطلعو وماسكين يدين بعض
وبهاج يطالع بعائله صغيره ام واب وولدهم الصغير
نوره بينه وبين نفسها : ياربي هالنظرات تكسر قلبي كثيرر الله بلاني بواحد يحب الورعان يرب يسرها
تنهد بهاج : اركبي
نوره ركبت وركب بهاج معها
_________________________
(الـجـامـعـه )
نجلاء وصيته جالسين مع بعض .
صيته زعلانه "تمزح"
نجلاء: افا ياصويت وش صار وش قومك زعلانه
صيته : ابك زعلانتن على هالنوره
نجلاء: افا افا وش هي مسويه نوري
صيته : شوفي الستوري حقها
نجلاء طلعت جوالها وشافت ستوري نوره والتفت بصدمه لـ صيته : لندن؟
صيته: لا سكاكا
نجلاء : يمه وش جابهم هناك دقيقه برسل لها الحمدلله على السلامه
صيته : زين
ارسلت لها نجلاء وقفلت جوالها والتفت لـ صيته : وش قومك المفروض تستانسين لهم
صيته: ابك انتي ماتدرين تخطيطنا قبل كم سنه قلنا اذا وحده تزوجت تخلي زوجها يصرف على الثانيه ويصرف عليها ويسكنها معه والصدز بهاج ولد خالس سروق مقطع سرق نوري مني
نجلاء بضحكه: اماا هههههههههه
صيته : قهرني السروق
نجلاء: مالومك يقهرر سرق نورتنا
صيته: والخبله نوره طايحه بالعسل
نجلاء بضحكه: ايي هههههههههه
صيته بأبتسامه: تستاهل هالسفره يابعد حيي هي تعبت وشقت بحياتها معه واكيد هو عوضها ياحلوهم صدز يازقنهم زقناهه
نجلاء: صادقه والله بكل مره اهوجس يطرون على بالي اقول كيف لسى مع بعض رغم مشاكلهم !
صيته: حبيبتي ترى السروق يحبها من يوم هي ورعه اخبرهم انا
نجلاء: كذابه!!
صيته: لا والله صدزاتذكر كان يتعرضها عشانها ماتعطيه وجهه
نجلاء بضحكه : يعمرييي هههههههههه
صيته : الا تعالي يالعوبا وش قومتس هواجيستس كثرانه هالفتره ؟
نجلاء بهدوء : صويت تؤمنين بالحب ؟
صيته بحجده: لا
نجلاء: ليش؟
صيته : حب ؟ حمار يتسذب وبقره تصدق والكلمه اصلاً تخوف "حب" اعكسيها بح بح مافي حب تسذب
نجلاء بصدمه: وايي مو صاحيهه كيف كذا مدققه مرهه !
صيته : والله صدز ح حمار ب بقره تصير حب
نجلاء: لا لا في حب شوفي بهاج ونوري
صيته : هذولا دخلو واسطه
نجلاء: بموتتت هههههههههه
_________________________
(الـمـكـان الـجـمـيـل)
بيت زجاجي وكبير والحوش مفتوح وثلج
بهاج نزل من السياره والتفت ومد يده على نوره : انزلي
نوره مسكت يد بهاج ونزلت ومسكت بطنها : بهاج احس اني بستفرغ
بهاج بخوف : بسم الله عليك ليش ليكون متسممه !
نوره : لا لا
ودخلو المكان وشافت نوره المكان وفتحت فمها بصدمه : واو كل هاذا لي؟
بهاج بأبتسامه: الله الله كله لك
نوره التفت بفرحه وحضنت بهاج : بهاجج احبكك
بهاج بادلها الحضن بحنان : يابعدهم والله انا الي احبك يام مطلق
نوره ميلت راسها بحب لـ بهاج
بهاج ضحك ومسك خشمها : يابعد روح بهاج ، دقيقه خشمك بارد دقيقه
وفك الشال الي على رقبته وحطه على رقبه نوره واهم شي غطى خشمها البارد
نوره شمت ريحه "دخان" بالشال وضيقت عيونها بشك : بهاج مدخن؟
بهاج بتضيع للموضوع : نوري امشي امشي
نوره : بهيج ! اكلمك انا
بهاج بهدوء : يانوره والله اني قاعد امشي الامور وماودي يعكر مزاجنا شي وخلي هاليوم يعدي على خير
نوره : بهاج وش قال لك الدكتور!
بهاج بذوبان: قال حافظ على الحب حقك ولا بتدمر نفسيتك
نوره بجديه : بهاج لاتلف وتدور انت مدخن ولا؟
بهاج تنهد : لاحول ولا قوه الا بالله يانوره لاتنكدين
نوره : مانكدت بس انت ليش تدخنن وتدري ان الشي بيضرك ويضرنيي معك
بهاج تنهد وتجاهل الموضوع وسحب نوره له وحاوط خصرها : عدي الموضوع على خير
نوره توترت وسكتت
بهاج غمز : اعرف كيف اسكتك
نوره تشتت انظارها
بهاج حضنها : ياعيني على الي يستحونن
نوره : بهيج يعني غصب تسكت الواحد طيب بسكت الحين بس بفتح معك هالموضوع بعدين
بهاج كشر بضحكه : الظاهر هرموناتت تبين تنكدين علي هههههههههه
نوره : لا لاهرومونات ولاغيره يعنيي ماتحترم خوفي عليكك
بهاج : سمي بحترمه وانتي احترمي غيرتيي
نوره صافحت بهاج بتحدي : تم تحترم خوفي واحترم غيرتك
بهاج شد على يدها بتحدي : تمم اذا هاوشتك عشاني غيران لاتبكين !
نوره : واذا خفت عليك لاتعاندني
بهاج : تم الي ودك ، يلاا راح وقتنا وحنا تم ونم
نوره : هههههههههه
بهاج مسك يد نوره واتجهه للمكان
نوره بفرحه : ثلجج ؟
بهاج بضحكه : لااا بحر وش رايك هههههههههه
نوره : مو حلوه لاتعيدها
بهاج جمع بيدينه ثلج ورمى نوره
نوره : اهاا نظامك كذا
وجمعت نوره ثلج ورمت على بهاج
بهاج : هههههههههه
وبدو يلعبون بالثلج وضحكاتهم ماليه المكان
وبهاج حضن نوره ورمى نفسه بالارض ودخل بين الثلج ونوره تضحك وبدت السماء تنزل ثلج خفيف قطني وبهاج منسدح ونوره منسدحه على كتفه يتأملون الثلج الخفيف الي ينزل
بهاج : جمال الثلج يشبهه جمالك ونظافه الثلج تشبه نظافه روحك
نوره : وبياض الثلج يشبه بياض قلبك
بهاج دفن وجهه بشعر نوره ويحمد ربه الف مرهه على نعمه نوره
بهاج قام : نوري خليك هنا ثواني واجيك تمام ياعيوني؟
نوره هزت راسها برضى
وراح بهاج ونوره تصور الجو والمكان
بهاج جاء ومعه صحن فواكه وشاف نوره تصور ومو منتبهه له ونزل الصحن وتقدم وحاوط خصر نوره وحط راسه عن اذن نوره
نوره بأبتسامه: تو ردت روحي
بهاج : افدي روحك ياشيخه ، يلا تعالي كولي
نوره : ويي تو مفطرين
بهاج: فواكهه ماهن شي مايشبعن
نوره : صادق
وجلس بهاج وسحب نوره معه وجلست معه وسحب فراوله واكلها نوره
بهاج : شريت لك لا تسرقين من المزرعه ترى راعيها كل فتره يدق علي يبلغني انك جيتي ها يلا كولي واشبعي
نوره بضحكه: عاديي عاديي هههههههههه
بهاج حضن نوره على جنب : تدفي تدفي لاتبردين لاتختشين واذا بردتي ادخلي داخل فيه دفايات
نوره : ماابرد دامك معيي
بهاج بأبتسامه : اقعدد ماعرفتك هههههههههه
نوره: ايي حكيمه حكيمه
بهاج بسماجه: حكيمه ولا حليمه ؟
نوره بضحكه: سامج هههههههههه
بهاج فتح فم نوره وحط قطعه برتقال : كولي
نوره حست انها بتستفرغ حطت يدها على فمها وقامت تركض متجهه للداخل وبهاج يركض وراها مو عارف شي
نوره دخلت الحمام (يكرم القارئ )
بهاج من ورا الباب : نوري امشي للمستشفى احس فيك شي مو طبيعيه كل شوي بتستفرغين ونفسيتك بالحضيض ودموعك اربع اربع فيك شي انا متأكد
نوره طلعت وماسكه بطنها : مافيني شي
بهاج ضيق عيونه بشك : قولي وش فيك
نوره بدموع: مافيني شي لاتضغط علي !
بهاج من شافها تبكي هنا تاكد ان فيها شي ! وحضنها
بهاج يبعد خصلات نوره عن وجهها : تبين نتمشى بشوارع لندن ؟
نوره : والله الي ودك
بهاج: تم نتمشى واذا تبين نرجع نرجع
نوره هزت راسها برضى
بهاج مسك يدها وطلع يتمشى مع نوره بشوارع لندن
_________________________
(بـيـت ابـو عـبـدالله )
غدير جالسه وقدامها لابتوب وجنبها وئام وتدور اخر المستجدات بالاخبار تبي تنقل علوم
وابو عبدالله وام عبدالله خايفين يتكلمون بكلمه تنقلها
ابو عبدالله : كم صار لك مانقلتي ؟
غدير : لو سمحت يبه انا ماانقل علوم انا اسولف
ام عبدالله : ايي لا ماشاء الله واضح واضح
غدير : الصدق صار لي يومين ماسولفت مع احد واحس لساني يحكنيي يبي سالفه
وئام : عينا خيرر
ابو عبدالله: اقول ثوري قهويني بس خلك من هالعلوم
غدير قامت وجلست قبال ابوها تقهويه: ابشر
ابو عبدالله : ايي يام عبدالله وش صار على ام عبدالعزيز خبري بها بالمستشفى الله يشفيها
ام عبدالله : اوهه مازرتها ياربي افضى وازورها
غدير : وئام سجلي عندك ام عبدالعزيز بالمستشفى الله يشفيها وامي مازارتها
الكل : هههههههههه
غدير : ايي يبه انت تدري بهيج وين؟
ابو عبدالله : شوفي انا مدري وينه بس فقدته مسبط ماله حس اكيد انه بالديره
ام عبدالله بضحكه : ياحبيبي بالديره اجل؟ هههههههههه
ابو عبدالله : وين هو داوي هالسربوت؟
غدير : السربوت بلندن مع نوري
ابو عبدالله بخوف : لندن؟ ليه ليكون بهم شي
ام عبدالله : لا يابو عبدالله رايحين سياحه
ابو عبدالله : الحمدلله دامهم سياحه ، ايي خلهم يستانسون يويسي كل مايتنفسون جتهم مشكله من حيث لايحتسبون والمشاكل تلحقهم ليل نهار وبعدين النوري تستاهل والله من زمان عن عيوناتها
ام عبدالله : اي بالله صدقت يستاهلون بعدي هم
غدير مدت الجوال لـ ابوها : عان سنابات نوري
ابو عبدالله مسك الجوال وبدا يشوف سنابات نوره الرسميه وستريكات نوره الي عباره عن لعبها مع بهاج
ابو عبدالله بحب : اوهه عيالي كبرو والله
ام عبدالله بحب : الله يدوم ابتسامتهم يارب
غدير ووئام ابتسمو بحب :اوهه مشاعر فايضه
_________________________
(شـوارع لـنـدن الـمـمـطـره )
نوره تشتري كل شي قدامها وبهاج شوي ويعلن افلاسه منها بس مايقدر يقول شي لانه حلاله حلالها وماسك فوق ٧ اكياس ونوره لازالت تشتري
بهاج غارق بين الاكياس : خلصتي؟
نوره مسكت جاكيت : بهيجج يجنن يصلح لك
بهاج : الي ودك ماقول لك لا
نوره اعطت الكاشير الكاجيت : اللواء بهاج بن مطلق ادفع يلا
بهاج : بطاقتي معك ي حرم اللواء بهاج بن مطلق
نوره طلعت البطاقه من جيبها : ايي صح نسيت
ودفعت وبهاج تجيه رساله تم سحب المبلغ
تنهد بهاج وقال بطفش : نوره هل يستحق انك تسترين خرقه بـ ٥٠٠﷼؟
نوره : اييي يستحقق ولاتقول لها خرقه !
بهاج هز راسه : ابشري حاضر ست نوري اوامر ثانيه؟
نوره : ايي بشتري فستانن
بهاج : يلا استعجلي
نوره سحبت بهاج معها ودخلت المحل وتختار الفستان وبهاج ماسكينه موظفين المحل يبونه ينزل الاكياس بمكان الاكياس ويقدر يدخل
بهاج : ياادمي فك لاارثم سنونك
الموظف يعقد حواجبه بعدم فهم
بهاج اعطى الموظف الاكياس : صرهم على تسبدك وجهه الفقر
ودخل يدور نوره الي ماسكه فستانين
نوره : بهيج جابك الله تعال وش رايك ؟
بهاج يناظر الفساتين الي مايحبها : كل واحد اردى من الثاني
نوره بعناد : تمام باخذهم كلهم
تنهد بهاج بغيره : تاخذينهم بشرط ولا بحرق فيهم مثل الي قبل !
نوره تخصرت : خير طرار ويتشرط قل شرطك
بهاج بغيره : الخرقه ذي والي معها ماتطلع من البيت ! تلبسينها بالبيت تمام ماقول شي برى البيت بلعن خيرك
نوره عقدت حواجبها بزعل : بهاجوهه لاتقول خرقه
بهاج سحب الفساتين واعطاها الكاشيره " بنت "
وكانت البنت تتمايع وتدلع وبهاج قافله معه ويناظر لها بنقد
نوره جت وشافتها : لو سمحتي وش قومك توطوطين هنا ؟
" الكلام بالانجليزي بس بقوله بالعربي "
البنت : ولاشي
نوره بغيره : حاسبي وتقلعي
بهاج تكى بطفش ينتظرهم يخلصون نقاش : لاحول ولاقوه الا بالله اللهم صبرك ياروح اللهم احفظ مرارتي ماعندي الا وحده احفظها لي يارب
نوره لازالت تتناقر مع الكاشيره
طفش بهاج ودفع من جيبه عشوائي وخذا الفساتين حتى بدون كيس وطلع
واخذ اكياس نوره الي قبل وحط الفساتين معها وجلس بالكراسي ينتظر نوره تسطر الكاشيره وتجي
نوره جت ومعصبه : ولد امش نرجع للفندق خلاص
بهاج بفرحه : اخيرااا ، افلست ست نوره اعلنت افلاسي
نوره : نسرق !
بهاج بصدمه : هاه ؟ ترى لندن مو مزرعه الفراوله !
نوره تنهدت : يوهه
بهاج : امزحح معك ماافلست
نوره: والله اني داريهه
بهاج : نرجع للفندق ننزل قراشيعك ونكمل مسيرتنا
نوره : تمام
بهاج بمزح : لتس قو
نوره بضحكه : اقعددد مامدى هههههههههه
بهاج بفلسفه : خبره خبره
نوره : هههههههههه
ورجعو للفندق وبهاج دخل نوره ونزل الاكياس وانهار على السرير
نوره : بهيج وش فيك ليكون فيك شي
بهاج بتعب : لايامحبوبتي مافيني الا العافيه
نوره : بيهج لبسك خفيف اليوم صح ؟
بهاج : لا ثقيل
نوره ماصدقته وتقدمت له ورفعت بلوفر بهاج وماكان عليه شي غير البلوفر يعني بيموت برد : بهاج!ليش مالبست شيي
بهاج بتعب : مدري ياوخيتي
نوره حطت يدها على جبهته : ماعليك حراره اجل وش فيك ؟
بهاج : مافيني شي متعود بس تعبت من الفرفره
نوره تنهدت براحه : اشوا عبالي مريض تعبان
بهاج بضحكه: لااا بس من الفره ازريت هههههههههه
نوره ابتسمت : تبغى شي؟
بهاج: سلامتك
نوره : بيهج لاتطلع كذا ببلوفر بس البس جاكيت ولا بلوزه
بهاج : سمي على خشمي
نوره جلست عنده تفتح الرسايل
بهاج سحبها لحضنه : نويري ماودك نطلع ؟
نوره : ارتاح وبعدين نطلع
بهاج يمسح على شعر نوره : الي ودك ياعيونيي
نوره بأبتسامه : تسلم عويناتك
بهاج ابتسم وسج
نوره التفت له شافته يهوجس : بهيج وش فيك ياقلبي انت ليكون في شي مضايقك ؟
بهاج بأبتسامه : يعني كل يوم اسأل نفسي شلون ربي رزقني بأنسانه حنونه قادره تعوضني عن كل خساره بهالدنيا وشلون لازالت معي رغم كل شي صار بيننا وشلون انها الشخص الصح في حياتي كلها رغم الاشخاص الغلط حولي احبها لانها بكل مره احتاجها القاها يمي ومعيي وواقفه معي احبهاا اكثر من روحيي والله احبها من اسلوبها وكلامها وزعلها وعنادها وشكلها وطيبه قلبها وحنانها ياربيي هي عوض لي والله هي الوحيد الي سرقت قلبي رغم الي حولي الا انها الوحيده الي جابت قلبي وعقلي وخوفي من الايام الي تطالع غيري وهاذا اكثر شي شاغل بالي
نوره بأبتسامه تخالطها الدموع تدري ان محد بقلبه الا هيي : وهل هو يدري ان المقصوده بكلامه تحبه ؟ تحبه لانه عوضها عن اب وعم وجد تحبه لانه رغم عصبيته الا انه حنون ويراضيها رغم انها تعانده الا انه يحبها وشلون وجوده بحياتيي يحسسها بالامان هو مايدري وش كثر حياتي قبله كانت بلحضه ممكن تنتهي من اخوان ابوها ! وشلون اطالع بغيرك وأنت عن الناس مغنيني ومعميني عنهم وشلون احب غيرك وأنت عن الناس معوضني ؟ احبك يافرحه ايامي ويابهجه عمري!
بهاج دفن وجهه بشعر نوره وقال بهدوء :انتي الشخص الوحيد بالعالم هاذا اسرتيني بحبك وانتي كل شيء بالنسبة لي وانتي امان قلبي وملجأ حزني وبكل بساطه أنتي الشخص المفضل لي في كل مره اقرر فيها ان اختار شخص اختارك. وانتي نعمه أعطاني اياها ربي ومستحل افرط فيها لأنك الطف شخص مر علي واحلى صدفه ان خالتي ام سحاب اجبرتنا نتزوج بعض والله أحبك
نوره بأبتسامه : يابعد روحييي يابهيج والله
بهاج ابتسم وسكت وكان ظهره متكسر من الفرفره ورقد ووجهه مغطى بشعر نوره
نوره : بهيج ؟
مارد عليها ورفعت راسها لقته نايم بتعب وواضح التعب بوجهه
وقامت وغطته وباست خده بحنان وسكرت اللمبات وطلعت للمجلس وجلست
تنهدت بطفش ماتحب تجلس لحالها لانه تداهمها الافكار الموحشه
_________________________
(الـجامـعه - الـعـصـر )
مرت بنت كانت لابسه لبس مايناسب الجامعه ابداً !
صيته بهمس : شوفي مضيعه قاعه الافراح
نجلاء بهمس : اييي وينن حتى العروس موب كذا
لفت البنت عليهم : الله لايشغلنا الا بطاعتك
صيته ونجلاء تجاهلوها مايبون المشاكل
صيته بهمس : بسم الله قاطه اذنها عنديي
نجلاء : ايي
تقدمت البنت وقالت بأستهزاء : انتي هيه يابنت ***
صيته اتسعت عيونها بصدمه من سبت ابوها وقامت ومسكت اذنها : عيدي وش قلتيي ؟
البنت بألم : ايي اتركيني
نجلاء ضربت كتف البنت بخفه : اذا ماتبين تتألمين ليش تسبين ؟
صيته دفتها : سلقه
نجلاء: شهاده حق يلا تقلعي
صيته شالت كتبها وراحت هي ونجلاء
_________________________
(لـنـدن )
نوره تاكل شوكلت وتتابع مسلسل وطفشانه .
بعد ساعه تقريباً قام بهاج
نوره عقدت حواجبها : بيهج؟ مانمت! ساعه بس؟
بهاج يمسح على وجهه : شبعت نوم
نوره : ليش احسك متضايق ؟
بهاج : لا ليه
نوره : بيهج لاتخبي عنيي !
بهاج تنهد بضيق : مدريي فيني تكاك
نوره بحنان: يعمريي الضيقه الي بدون سبب مو زينه
بهاج جلس جنبها وساكت ويناظر بفراغ
نوره شافته وقلبها يوجعها وسحبته لحضنها : يروحي فضفض
بهاج حط راسه على صدر نوره وساكت
نوره تمسح على شعره بحنان : ياعل الضيقه لا نوتك جت......
قاطعها بهاج : لاتكملين اتكك زياده يانوره الضيقه قشرا لاتدعين على نفسك
نوره : بس اذا تضايقت انت اتضايق معك
بهاج قام وابتسم ابتسامه نزيفه عشان مايضايق نوره
نوره شافت عيونه واضح فيها الحزن مع ان مافيه سبب بس الضيقه الي بدون سبب قشرا
نوره فتحت حضنها : بيهج لاتزيف ضحكتك لي عاديي فضفض
بهاج تنهد بضيق وحط راسه على فخذ نوره وقال : اهخ يانوره وربيي اني ندمان ندم مايعلم فيه الا ربي
نوره تمسح شعر بهاج: ليش ياعيوني؟
بهاج بضيق : لاتقولينن ياعيونيي تندميني زياده على الي سويته فيك
نوره حطت بفم بهاج شوكلت : بالله اسكت وش ندمه الله يصلحك تحب تدور سبب يضيق خلفك
بهاج : لاصدقق انتي كيف للحين معي مع اني تزوجت عليك ومد....
قاطعته نوره بأسلوب هواش : تبيني اهاوشك يعني هاليوم خلاص سكر الموضوع على قولتك البخ
بهاج ابتسم من نطقها لكلمه " البخ "
نوره مسكت خدود بهاج: اييي ياحلو الابتسامه ياناسس وهاذي بوسه لعيون الابتسامه
وباست خده وهو تحمس وقام ومسك وجهها وباس خدها بقوهه وتحس ان خدها راح !
نوره ضحكت وضحكه نوره قادره تمحي ضيقه بهاج
بهاج بضحكه : نوره بخاطريي اقول شعر من زمان بخاطريي هههههههه
نوره تكتفت : اسلم
بهاج : ليته حصل لي قبله من شفاياك تحيي ....
شهقت نوره بصدمه : ولد استهدي بالله
بهاج : هههههههههه
نوره : بسوي قهوه تبي؟
بهاج: ليش حنا مانروح للكوفي
نوره : تمام عسى راحت ضيقتك
بهاج انصرع : اهخخ لالا
نوره سحبته : قم قم الكوفي لازم
بهاج بضحكه : ايي الكوفي تبينه والشعر ماتبينه ؟هههههههههه
نوره بأبتسامه وهقه : ايي
بهاج : يلا تم نروح للكوفي بسرعه البسي
نوره : يلا ثوانيي
وراحت تلبس وبهاج ينتظرها .
طلعت نوره
بهاج : ياهلا ياهلا بالزين
نوره : ياروح الزين
بهاج مد يده : يلا مشينا
نوره مسكت يد بهاج وطلعو متجهيين للكوفي ووصلو الكوفي
نوره تشرب القهوه الساخنه بحب وتبتسم
بهاج : تبين نتمشى ولانجلس
نوره: الي ودك
بهاج: لاوالله وين ماتذرين رحت معتس وين تبين بس
نوره : مدريي بهيج الي ودك
بهاج : بنت الجو مطر وامبريلا شفافه شرايك ؟
نوره بحماس : ايي يلااا
بهاج فتح الامبريلا : لنذهب ايتها الاميره النوري
نوره شبكت معه : هيا بنا يااميري بهيج
بهاج بضحكه : بلوثوث تشبكين بسرعه هههههههههه
نوره بضحكه : الله الله هههههههههه
وطلعو يتمشون بالامطار الاجواء الزينه
ونوره بيدها جوالها وتصور ويدها الثانيه قهوه وبهاج ماسك لها الامبريلا
بهاج التفت للجهه الثانيه وسهى عن نوره ويتأمل ساعه لندن
ونوره مانتبهت ومشت وهي تصور خطواتها ومو منتبهه لـ احد
جاء ولد كذالك مايدري وصقع بنوره وطاحت القهوه
بهاج التفت على صدمتهم برد وجهه بصدمه وملامحه بدت تتحول للعصبيه
الولد بالانجليزي : اسف ، على فكره عيونك حلوه ، اسمي مايكل ممكن نتعرف ؟
نوره ابعدت عن الولد وبس تنتظر الكف الي بيجي الولد من بهاج خايفه بهاج شافهم ويسوي سالفه
بهاج عقد حواجبه بعصبيه وغيره وعض على شفايفه بقهر من سمع "عيونك حلوه !" "ممكن نتعرف"وتقدم بعصبيه
نوره شافته وعضت على شفايفها : اكلنا خ**
بهاج مسك ياقه الولد : لعنك الله يالي***
مايكل : ماذا يحدث ؟!
بهاج دفه : لاتعرضها ياولد الاجواد بتوطى ببطنك يابن **
نوره بضحكه وهمس : ولد الاجواد؟ هههههههههه
مايكل: من انت انا لا افهم ماذا تتحدث به !
بهاج هز راسه : ايي ماتعرف من انا ؟
مايكل مو فاهم حاجه : وتت؟
بهاج تجاهله وسطره يمين يسار ومايكل مو فاهم شي ويحاول يدافع عن نفسه من بهاج العصبي
والعالم تجمعو من شافو مايكل تحت يدين بهاج
نوره تقدمت بخوف على بهاج من الشرطه : بهاج بهاج اتركه واسمعنيي
بهاج تجاهلها وكمل تسطير ومايكل يدافع عن نفسه
نوره : يوهه
شافهم عربي وعرف انهم عرب من كلامهم وشاف الشرطه جايه تقدم وسحب بهاج
العربي : ولد اسمعني الشرطه جت
بهاج : وينها خل تجي حياه الله
العربي : مستحيل يفكونك خصوصاً انك عربي وضارب ولدهم
بهاج يمسح الدم الي على خشمه : تراب يملى فمه انا اللواء
العربي : اهربب اي عربي هنا بيمسكونه عندهم عنصريهه
نوره عرفت ان بهاج خلاص طقت براسه يعاند وتمسكه الشرطه ويروحون بست وستين داهيه اضطرت تكذب ومسكت بطنها بتمثيل الالم وصرخت
بألم : بهاجج
بهاج التفت حصل نوره طايحه بالارض وتصرخ توقف الدم بجسمه من شاف صراخها وتقدم بخوف : نوريي
نوره بتمثيل البكى : بطني بطنييي
بهاج شالها بخوف : ياعيونيي الحين نروح للمستشفى
وراحو ونوره من شافت انهم ابعدو عن الشرطه
قعدت تفكر هل تصارح بهاج انها تكذب ولا تكمل الكذبه عشان مايسوي سالفه
نوره بألم : اهخخ بموتت
بهاج بخوف : بسم الله عليك يلا وقفت تاكسي
وركبو واتجهو للمستشفى ونوره قامطه ام العافيه لو عرف بهاج انها تكذب
ونوره مكمله تمثيل تون وتحن وبهاج يمسح على بطنها ويسمي عليه
_________________________
(الـفـنـدق )
ريف مو قادره تجلس عند سعود دقيقه وجالسه ترتب عفشها .
سعود : طيب افتحي صفحه جديده
ريف : ماقدر اتركني
سعود : استهدي بالله وخلينا نفهم بعض
ريف ببرود : مستحيلل
سعود : انتي من جتك حرمه بهاج ولسانك اطول منك
ريف ببرود: اي
سعود : وش اي؟ ليش باردهه !
ريف ببرود: طيب
سعود : اكلمك انا !
ريف بعصبيه: طيب وش تبيني اسوي لك بعد الي سويته !
سعود تنهد وقال بهمس : الله ياخذك ي نوره علمتيها طوله اللسان
ريف سمعته وقالت بهدوء : الله ياخذك انت ولاياخذها جعلني فداها
سعود : بنت ! انا رجلك
ريف ببرود : رجلي؟ رجلي وزوجي وشريك حياتي يسوي بزوجته كذا؟
سعود : طيب اسف
ريف عقدت حواجبها وضحكت بأستهزاء : كاسر قلم عشان تتأسف؟ انت كسرت قلب وروح هههههههههه
سعود : طيب ندمان ارفقي بقلبي
ريف بنفاذ صبر : ارفقي بقلبي؟ كبف تبين ارفق بقلبك وانت كاسر قلبي !
سعود : ياريف انتي اكثر وحده تدرين اني احبك !
ريف : تحبني؟ ليش ماسمعتني ؟ اذا تحبني
سعود مسك كتوفها : ياريف اسمعنييي
ريف نزلت يدين سعود عنها : اسمعك
تنهد سعود : انتي الحين لو تلقين احد تحبينه بمكان مشبوه فيه بتهاوشينه وتزعلين منه صح ولا؟
ريف بدموع : طيب انا سمعتك انت سمعتني ؟
سعود يمسح دموع ريف : اسف اسف وربي
ريف هزت راسها بعدم تصديق ودموع : نفس العذر مايتغير اسف ؟ وش تسوي اسف ؟
سعود : طيب وش تبيني اسوي اسوي الي تبينن
ريف بصراخ : مابي منك شي
سعود تنهد بضيق وحضنها يهدي من عصبيتها
ريف دفته ببكى : بعد عنيي اكرهك اكرهك
سعود نزل راسه بحزن
ريف : رهف تنتظرني برا مع السلامه !
سعود سكت ماقدر يسوي شي
وطلعت ريف بدموع ورجعت لبيت اهلها .
_________________________
(الـمسـتـشـفـى )
بهاج جالسه بالانتظار ويناظر لحرمه حامل ومعها رجلها ونوره على كتف بهاج تمثل
نوره شافت بهاج يناظر للحرمه ورجلها : الله يرزقك
تنهد بهاج : امين ابيه منك
نوره سكتت بوهقه
الممرضه : نوره بنت سعود
بهاج مسك يد نوره : يلا امشى
نوره ادركت حجم الكذبه الي كذبتها : بهاج بقولك شي
بهاج : بعدين بعدين
نوره : بهاج كذبت عليك مافيني شي
بهاج : ادري انك تخافين من المستشفيات بس عادي انا معك
نوره : بهاج
بهاج تجاهلها وسحبها ودخلو
الممرضه : وش الي تحسين فيه
نوره : بيهج وربي اكذب مافيني شي
بهاج تجاهلها وبدا يشرح للمرضه الالم الي حست فيه نوره
الممرضه: تمام اجلس هنا وشوي واشوف وش فيها
نوره جت بتقوم بس قفطها بهاج وكتفها
بهاج: الزمي ارضك
نوره: بهاج كنت اكذب عليكك
بهاج تجاهلها : ها وش فيها
الممرضه تفحص نوره وقالت : انت زوجها ؟
بهاج بخوف : اي
الممرضه : الفف مبروك حرمتك حامل
نوره مشاعرها ضربت ببعض : هاه؟
بهاج : كذابه !
بهاج بفرحه وحماس ويهز كتوفه وصرخ وقال : بصير اب اخيراً
وتحمس بهاج وشال نوره وصار يدور فيها بفرحه
الممرضه : لالا البنت حامل مايصير تسوي فيها كذاا
نوره راسها يدور
بهاج حضنها : ياعمريي ورع بتجيب ورع
نوره بدت تدمع بفرحه : وجع ماني مصدقه
بهاج يمسح عليها : بسم الله بدت الهرومونات تضرب وانا اقول اليوم نوره فيها شي ليش تبي تنكد علي والفراوله والبرتقال والدموع طلعتي حامل يالورعه
نوره بأبتسامه: يعني انا بنفسي ماعرفت
الممرضه : انتبهه عليها ترها بالاسابيع الاولى انتبه عليها
بهاج : طيب الطياره تركبها؟
الممرضه : اي عادي الاسابيع الاولى عادي
بهاج : نوري بكرا وحنا راجعين للسعوديه
نوره بدموع: مابغىى ابغى استانس خير ماستانست كله من ورعك هاذا
بهاج يمسح دموعها : خلاص خلاص لاتبكين يام دميعه نمدد لسبوع
نوره ابتسمت : اي الحمدلله
الممرضه : انتبهه عليها ولاتزعلها !
بهاج هز راسه برضى
بهاج ساندها وطلع
نوره : بيهج حسستني اني بالشهر التاسع مقدر امشي ترى عاديي
بهاج : ولا كلمه لاتزعجين ولدي او بنتي ازعجتيهم بكثره كلامك
نوره : يالجحودد صرت تحبه اكثر منيي !
بهاج : لاا وين انتي اغلى
نوره دمعت
بهاج : انتي وش فيك ؟
نوره بدموع : مابغى الحين يطلع لي بطن
بهاج دق الصدر : ابد ابد ان طلعت لك كرشه بعد الولاده بدفع فلوس واشيل هالكرشه الصغيره ذي
نوره تنهد بدموع : افف بصير ام طيب انا احتاج ام كيف اصير ام
بهاج دق الصدر: انا امكم
نوره بضحكه : امنا؟ هههههههههه
بهاج بأستيعاب : ابوكم ابوكم هههههههههه
نوره حطت يدها على خشم بهاج : ههههه ، بهيج خشمك دم بسم الله عليك
بهاج : ايي عادي
نوره : لا يالحبيب اجلس اجلس
بهاج : نويري مايحتاج
نوره : وش قالت الممرضه ؟ لاتزعلها! يلا اجلس
بهاج بضحكه : خذيتيه غدر الله المستعان هههههههههه
نوره : اجلس ولابزعل
بهاج بضحكه : بجلس هههههههههه
وجلس وطلعت منديل رطب وبدت تمسح الدم الي بخشم بهاج
وبهاج يتأملها : كيف شعورك واول ورع لك ؟
نوره : على فكره مو اول ورع لي
بهاج عقد حواجبه : من ورعك الاول؟
نوره تمسح خشم بهاج : مدري قاعده امسح خشمه الحين ولدي موذي ماترك احد بحاله الا وهو مسطره ياربه يهجد واسمه يبدا بحرف بهيج
بهاج مسك خشم نوره : هههههههههه
اتصل جوال بهاج وشاف الاسم وابتسم بوهقه "سعود "
نوره كشرت بكرهه : هه جت زوجتك الثانيه
بهاج بضحكه : سعود صار زوجتي؟ انا ماعندي الا نوري
نوره : اعوذ بالله مايقدر يعيش بدونك
بهاج بثقه : مهم لاني مهم
نوره : رد رد على ذرتي
بهاج ضحك ورد : ارحبب
نوره بهمس : وجع وش الي ارحب
سعود : البقى
بهاج : سم وش بغيت
نوره بهمس : سم؟
سعود : داخلن على الله ثم عليك
بهاج فز : وش فيك
نوره بخوف : وش فيكم
سعود: ريف زعلت وطلعت من البيت
بهاج جلس : ويي توها تتسوعب وتزعل !؟
نوره قرصت بهاج: وجع من الحرمه الجديده الي مخططين عليها انت والتيس الي معك
بهاج حط ميوت : دقيقه نواره
بهاج فتح الميوت: ايي طيب عادي عطها وقت وترضى ولا اقول اعطها ثورتك افلس من بعدها عادي
سعود : تهقى؟
بهاج: اهقى ونص بعد بس عطها وقت
سعود : تمام
وقفل الخط بهاج والتفت على نوره الي متكتفه وزامه شفايفها بزعل
وحضنها على جنب : ويلي وش فيه الحلو زعلان
نوره هرومونات الحمل بدت اعراضها وبكت
بهاج بلع ريقه بوهقه ويفكر هل نوره تبي تبكي ٩ شهور ! بلشه !
بهاج يسمح عليها : افا وش فيك
نوره بدموع : تصرفني عشان حضره الاستاذ سعود !
بهاج بضحكه: يراسي هاذا بدايتها هههههههههه
نوره بكت زياده
بهاج توهق مايردي وش يسوي وقرر يشيلها ويتجهه للفندق
نوره ماخذه الحمل عذر عشان تهاوشه وتنكد عليه وتكرهه عيشته وابتسمت بأنتصار
_________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
*اعتذر عن الاخطاء الاملائيه*
النجمه تدعم الروايه✨
اعتذر عن القطعه والله مستحيه منكم 😔