ក្រោយចេញពីបន្ទប់ទឹកវិញ Jungkook ក៏គ្រារាងតូចដោយយកដៃម្ខាងរបស់គេដាក់លើស្មារបស់នាយឯដៃរបស់នាយក៏ស៊កទៅឱបចង្កេះរបស់គេ នៅសល់ដៃម្ខាងទៀតនាយក៏លូកដៃចូលហោប៉ៅខោដើម្បីខលទៅរកប្អូនៗរបស់នាយ។ Jungkook នាំរាងតូចមកឈរមាត់ជ្រកបន្ទប់ទឹករបស់សណ្ឋាគារព្រោះមិនចង់ត្រឡប់ចូលទៅកាន់ខាងក្នុងពិធីវិញនោះទេ វាមានតែសម្លេងតន្ត្រីឮៗនិងមនុស្សម្នាជាច្រើនណាមួយ Taehyung ក៏ស្រវឹងទន់ខ្លួនបាត់ទៅទើបបានជាមិនចង់ចូលទៅខាងក្នុងកម្មពិធីវិញ។
« ហេតុអីក៏ពួកវាមិនលើកទូរស័ព្ទ? » Jungkook បញ្ចេញទឹកមុខម៉ួម៉ៅពេលដែលខលទៅរក Minho និង hyunjin តែពួកគេមិនទទួលទូរស័ព្ទរបស់នាយទាល់តែសោះ ប្រហែលមកពីសម្លេងតន្ត្រីខ្លាំងៗនិងភាពសប្បាយអ៊ូអររបស់ពួកគេហើយទើបធ្វើឲ្យពួកគេមិនចាប់អារម្មណ៍នឹងទូរស័ព្ទដែលកំពុងរោទិ៍ស្ទើរតែផ្ទុះ។
មិនខ្វល់ច្រើននាយក៏គ្រា Taehyung ចេញទៅរកច្រកខាងក្រោយដើម្បីនាំគេត្រឡប់ទៅផ្ទះវិញ។ ពេលមកដល់អង្គរក្សនិងអ្នកបើកឡានរបស់នាយក៏បានជិះឡានមកឈប់ខាងមុខច្រកចេញរួចក៏រត់មកបើកទ្វារឲ្យចៅហ្វាយនាយ មុននឹង Jungkook ក៏ចាប់លើក Taehyung បីហើយនាំគេចូលទៅកាន់ខាងក្នុងឡានតែម្ដង។ ឡានក៏បានចេញដំណើរចាកចេញពីកម្មពីធីធ្វើដំណើរឆ្ពោះទៅកាន់វិមាន Jeon វិញ។ Jungkook ទាញទូរស័ព្ទចេញមកដើម្បីផ្ញើសារទៅប្រាប់ប្អូនៗនិងម្ចាស់កម្មពិធីថានាយសុំចេញមកមុនហើយដោយសារតែត្រូវធ្វើធុរៈខ្លះៗ ពេលដែលផ្ញើសារួចរាល់នាយក៏បង្វែរចំណាប់អារម្មណ៍មកមើលនាយល្អិតដែលគេងកើយភ្លៅរបស់នាយវិញ រួច Jungkook ក៏លើកដៃទៅវែកសក់ក្បាលរបស់គេចេញមុននឹងឱនទៅថើបថ្ងាស់របស់គេមួយខ្សឺត។
***
ទីបំផុតឡានក៏បានធ្វើដំណើរមមដល់វិមាន Jeon ដោយសុវត្ថិភាព។ Jungkook ចេញមកមុនរួចក៏ឱនចូលទៅខាងក្នុងឡានវិញដើម្បីបី Taehyung ឡើងទៅកាន់បន្ទប់គេងរបស់នាយ។
មកដល់ខាងក្នុងបន្ទប់ Jungkook ដាក់រាងតូចទៅលើពូកស្រាលៗដើម្បីកុំឲ្យរំខានដល់ដំណេករបស់គេ រួចនាយក៏ដោះស្បែកជើងរបស់គេចេញទុកទៅគៀនម្ខាងមុននឹងបែរមកទាញភួយយកទៅគ្របដណ្ដប់ត្រឹមទ្រូងរបស់គេ។ បន្ទាប់ពីរៀបចំឲ្យរាងតូចរួចរាល់ហើយអស់ Jungkook ក៏ចាកចេញពីបន្ទប់ទាញទ្វារបិទវិញមុននឹងបោះជំហានចុះមកខាងក្រោមនិងដើរសម្ដៅទៅរកបន្ទប់ការងាររបស់នាយដើម្បីបំពេញការងារបន្តិចបន្តួច។ ពេលដែលបំពេញការងារហើយរៀបរយទើបនាយឡើងទៅខាងលើងូតទឹកសម្អាតខ្លួន និងបានចូលទៅគេងក្បែរនាយល្អិតដែលគេងទាំងស្រវឹងជោគជាំ។
***
ព្រឹកនៃថ្ងៃថ្មីឈានចូលមកដល់ Jungkook ក្រោកពីគេងមុនដោយមិនបានដាស់រាងតូចនាំឲ្យភ្ញាក់មកនោះឡើយ។ នាយឱនទៅថើបថ្ងាស់របស់គេមួយខ្សឺតមុននឹងដើរទៅបន្ទប់ទឹកដើម្បីងូតទឹករៀបចំខ្លួនចេញទៅក្រុមហ៊ុនមានប្រជុំរឿង project នៅឯ ប៊ូសាន ដែលជាការសាងសង់កាស៊ីណូរបស់នាយដែលកំពុងតែជិតហើយរួចរាល់។ Jungkook ចុះមកខាងក្រោមដើម្បីបរិភោគអាហារដែលមីង Yun តែងតែរៀបចំឲ្យនាយរៀងរាល់ព្រឹក ពេលញ៊ាំរួចរាល់ទើប Juyeon បើកបរជូនដំណើរនាយទៅកាន់ក្រុមហ៊ុន។
Taehyung កម្រើកត្របកភ្នែកឡើងម្ដងបន្តិចៗរហូតទាល់តែស៊ាំនឹងពន្លឺព្រះអាទិត្យហើយទើបនាយតូចក៏ទាញភួយចេញនិងក្រោកអង្គុយទាំងឈឺខ្ទោកៗក្នុងខួរក្បាលស្ទើរតែផ្ទុះចេញមកខាងក្រៅទៅហើយ។ Taehyung លើកដៃទប់ក្បាលរបស់ខ្លួនឯងទាំងវិលវល់ ព្រោះគេនៅមានអារម្មណ៍ថាឈឺក្បាលហើយថែមទាំងចង់ក្អួតចេញមកទៀតផង។
« អ៊ួក... » មិនចាំយូរ Taehyung ក៏លើកដៃមកខ្ទប់មាត់រួចរត់ចូលទៅក្នុងបន្ទប់ទឹកក្អួតយកៗស្ទើរតែអស់ពីពោះពីពង់ទៅហើយ។
« ស្រាស្អីផឹកហើយក្អួតអាក្រក់ខ្លាំងម្ល៉េះ? » Taehyung ក្រោកឈរឡើងដើម្បីទៅលុបលាងមាត់ដែលបានក្អួតមុននេះ។ បន្តិចក្រោយមកទើបគេរៀបចំបើកទឹកដាក់អាងដើម្បីងូតសម្អាតខ្លួន។
« លោកម្ចាស់ទៅធ្វើការបាត់ហើយហេស៎? » Taehyung ងាកសម្លឹងជុំវិញបន្ទប់គេងរបស់រាងក្រាសតែមិនបានឃើញនាយនោះទេ ដោយមិនគិតគូរច្រើន Taehyung ក៏ដើរទៅកាន់បន្ទប់ដាក់សម្លៀកបំពាក់របស់ Jungkook ដើម្បីខ្ចីខោអាវរបស់នាយយកមកពាក់សិន ព្រោះគេខ្ជិលដើរទៅយកខោអាវថ្មីដើម្បីផ្លាស់ទៅឯបន្ទប់របស់គេណាស់។
« ខ្ញុំមានអារម្មណ៍ថាដូចជាមិនសូវស្រួលខ្លួនទាល់តែសោះ! តើឲ្យខ្ញុំទៅរៀនបានយ៉ាងម៉េចទៅ? »
« មានតែខលទៅរក Jeonghan ឲ្យជួយដាក់ច្បាប់ឲ្យខ្ញុំប៉ុណ្ណោះ! » Taehyung ទាញទូរស័ព្ទពីហៅប៉ៅខោរួចក៏ទាក់ទងទៅរកមិត្តរបស់គេ។
« ហាឡូ Jeonghannie! »
"ឯងកើតអីមែនទេទើបបានជាមិនមករៀន?"
« ម៉េចក៏ឯងដឹងថាយើងកើតអី? »
"គឺយើងឮអ្នកគ្រូនិយាយទូរស័ព្ទជាមួយលោក Jeon គាត់បានខលមកសុំច្បាប់អ្នកគ្រូឲ្យឯងមុននេះបន្តិច"
« អូ! ពិតមែនហេស៎យើងថាខលទៅរកឯងឲ្យជួយដាក់ច្បាប់ឲ្យយើងប៉ុន្តែលោកម្ចាស់របស់យើងសុំច្បាប់ឲ្យមុនហើយ អញ្ចឹងមិនអីទេណាអរគុណ hannie » Taehyung និង Jeonghan ក៏បញ្ចប់ការខលរៀងខ្លួន បន្ទាប់មកទើប Taehyung ចូលទៅកាន់បន្ទប់ទឹក។
***
Taehyung ចុះមកខាងក្រោមបន្ទាប់ពីងូតទឹកផ្លាស់ប្ដូរសម្លៀកបំពាក់រួចរាល់។ គេបានយកខោសាច់ក្រណាត់ជើងធំពណ៌ប្រផេះនិងអាវយឺតដៃខ្លីពណ៌សរបស់រាងក្រាសយកមកពាក់ក៏ឃើញថាទំហំសម្លៀកបំពាក់របស់ Jungkook គឺពិតជាធំខ្លាំងណាស់ ដូច្នេះទើបធ្វើឲ្យ Taehyung មើលទៅឃើញកាន់តូចស្ដើងនៅក្នុងសម្លៀកបំពាក់ទាំងនោះ។
« អរុណសួស្ដីអ្នកមីង » Taehyung ចូលទៅកាន់ផ្ទះបាយក៏បានជួបជាមួយនឹងអ្នកមីង Yun ដែលកំពុងឈររៀបចំទុកដាក់របស់របរនៅក្នុងផ្ទះបាយនេះ។
« អរុណសួស្ដីអ្នកប្រុសតូច! ថ្ងៃនេះចង់ញ៊ាំអីប្រាប់មកណាចាំមីងធ្វើជូនអ្នកប្រុសតូចញ៊ាំ » មីង Yun សួរទៅកាន់នាយល្អិតទាំងស្នាមញញឹមជ្រាវជ្រួញបែបមនុស្សមានវ័យចំណាស់របស់គាត់។
« ខ្ញុំចង់ញ៊ាំស៊ុបប៉ុន្តែខ្ញុំចង់ជួយធ្វើមិនឲ្យអ្នកមីងធ្វើតែម្នាក់ឯងទេណា! »
« មិនអីទេមីងធ្វើម្នាក់ឯងបាន »
« ប៉ុន្តែខ្ញុំចង់ជួយ » Taehyung ក៏ធ្វើចរិកនិងទឹកមុខខ្ជីឃ្យូតដាក់មីង Yun ធ្វើឲ្យមីងចិត្តទន់ដាក់គេភ្លាមៗ។
« ក៏បានៗអញ្ចឹងអ្នកប្រុសតូចទៅបើកទូរទឹកកកយកត្រីនិងបន្លែមកមីងនឹងធ្វើស៊ុបឲ្យអ្នកប្រុសតូចរួចនិងមានត្រីចៀនឲ្យអ្នកប្រុសតូចដែរណា »
« បាទមីង » Taehyung ញញឹមលឹបភ្នែកមុននឹងដើរទៅបើកទូរទឹកកកយកអ្វីតាមដែលមីងបានប្រាប់ទាំងសប្បាយអរដូចជាកូនក្មេងបានលេងបាយឡុកបាយឡរអញ្ចឹង។
ពេលដែលចាប់ផ្ដើមបើកទូរទឹកកកភ្លាម Taehyung ក៏មានអារម្មណ៍ថាវិលមុខឈួលៗក្នុងច្រមុះរបស់គេតែដៃក៏លូកយកបន្លែនិងចានដែលមានត្រីចេញមកខាងក្រៅយកទៅដាក់នៅកន្លែងធ្វើម្ហូប។ ខណៈនោះ Taehyung ក៏ទម្លាក់បន្លែចោលទៅលើតុរួមជាមួយនឹងចានត្រីរួចក៏លើកដៃមកខ្ទប់មាត់ខ្ទប់ច្រមុះដូចជាចង់រកចេញក្អួតមកភ្លាមៗ ធ្វើឲ្យអ្នកមីង Yun ឯណោះក៏ចាប់អារម្មណ៍ឃើញអាការៈប្លែកៗរបស់គេក៏បានធ្វើឲ្យគាត់ភ័យស្លន់ស្លោមួយរំពេច។
« អ្ន...អ្នកប្រុសតូចកើតអីមែនទេ? »
« មីង! ខ្ញុំ...ខ្ញុំចង់ក្អួត » មិនចាំយូរ Taehyung ក៏រត់វឹងចូលទៅកាន់បន្ទប់ទឹកក្នុងផ្ទះបាយនេះដើម្បីក្អួត។
« អ្នកប្រុសតូចមិនស្រួលខ្លួនត្រង់ណា? ចាំមីងជូនអ្នកប្រុសតូចទៅពេទ្យណា! » មីង Yun ទៅតាម Taehyung ក្នុងបន្ទប់ទឹកទាំងអាការៈព្រួយបារម្ភ។
« មិនអីទេមីងខ្ញុំគ្រាន់តែឈឺក្បាលហើយចង់ក្អួតប៉ុន្នឹងតែប៉ុណ្ណោះ ប្រហែលមកពីយប់មិញនេះខ្ញុំញ៊ាំស្រាច្រើនពេកហើយ »
« ប៉ុន្តែអ្នកប្រុសតូចស្លេកខ្លាំងណាស់ បើលោកម្ចាស់ដឹងប្រាកដជាបារម្ភស្លាប់មិនខានទេ! »
« មិនអីទេមីង- អ៊ួក » និយាយមិនទាន់ទាំងចប់ពីមាត់ផង Taehyung ក៏រត់ចូលទៅក្នុងបន្ទប់ទឹកវិញនិងក្អួតចេញមកទៀតទៅហើយកាន់តែធ្វើឲ្យរាងចំណាស់ឯណោះដែលអាណិតស្រលាញ់គេចាត់ទុកដូចជាកូនចេះតែព្រួយបារម្ភភ័យខ្លាចថាគេនឹងឈឺ។
« មិនបានទេចាំមីងនាំអ្នកប្រុសតូចទៅពេទ្យ »
To be continued........
*****
Night night babies<3