الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
_______________
نزلت مهبوطة .. لكيت علي بحضن صگار وايدة تنزف وهوة مغمى علي .. تخبلت ورحت اخذتة من صگار واحجي ويا أريدة يكعد ..
اخذة مني وركض بي للمستشفى .. عافني مهبوطة واخذا ..
كمت مثل المخبلة .. اضرب بروحي واكول ..
سمراء : ولكممم شبييي ابنييي شبيييي ..
رحت وكفت يم عمتي وأني أصرخ ..
- شبيييييي .. شبيييييي .. ليشش هيجج ما يكعدد ما يحاجينيي ليششش
حضنتني وضلت تهدئ بية .. بس شلون اهدئ !
ابني الصغير مريض كلش والجبير ماعرف بي ميت ! عايش ! مغمى علي !
عفتهم وصعدت الغرفتي وقفلتها علية ..
وصرت أصرخ وابجي .. كلام عمتي يرن براسي ..
' ولججججج سمرةةة وينجججج ..ولديجج راحححح يسمرةةة راحححح '
يرن براسي وما عافني أبد ..
سمراء : ربي .. اختبارك بضناي صعب ربي .. ليش يومية مشكلة ليش .. ليش مو أني اتوجع ، انجرح ، أموت.. ولا همة ربي .. اختبارك صعب ..
مر وقت طويل وأني كاعدة ..
الغرفة شبه ضلمة .. وماخذة زوية من زوايا القصر .. حاضنة رجلية وضامة راسي برجلية .. واهز بروحي على الخفيف ..
فززني صوت الباب .. ما اهتميت ..
صگار : سمرتييي افتحي الباب
سمراء : نغزني گلبي .. طفرت واكفة بمكاني وأني خايفة ! وسوسات شيطانية براسي ..
- ابني مات !! .. ماتت لو شنوو .. لا لاا مات ابني راح صگار صوتة .. صوتة مبين يبجي .. راح ابنييي
صگار : سمراء .. راح اكسر الباب ..تسمعيني
سمراء : رحت فتحتة وضليت اباوع بوجهة منتضرتة يحجي ..
صگار : مابي شي بس خيطو ايدة .. جرح بسيط
سمراء : لا تجذب .. أني قوية .. شبي ابني ! بي ش...
صگار : ومحمد مابي شي .. حتى جوة يم امي
سمراء : عفتة ورحت نزلت .. رحت ادور علي حبيبي
شفت بشرى كاعدة وبحضنها علي يبجي .. عفتها ورحت الغرفة ابني .. أول ما شفتة وشافني بجى .. وأني بجيت ويا .. رحت حضنتة وهوة حاضني حيل متمسك بية ..
علي : اوا .. اوا .. هنا
سمراء : يأشر على ايدة .. بستها وكلت
- شوف هسة راح تطيب حبيبي انتة .. هسة بستها وراح تطيب ..
اجة صگار وكعد كبالي ..
صگار : بابا علي مستعد نحجي لو تعبان ؟
سمراء : عدل كعدتة وحضني من رگبتي وكعد بحضني وكال ..
علي : أي
صگار : تمام حبيبي .. وين جرحت روحك ؟
علي : مو أني
سمراء : باوعنا على بعض أني وصگار بصدمة .. ورجع كال ..
صگار : زين شلون انجرحت ؟
علي : رحت أشرب مي .. وشافتني عمة رحاب وكالت اتحداك .. إذا أنت زلمة تجرح روحك .. وانطتني سجينة جبيرة وكالت اجرحها .. وأني ما قبلت وهية جرحتني من أيدي ..
صگار : متأكد هيج بابا ! ماكو كلمة غلط ؟
علي : أني ما اجذب عليك بابا والله
صگار : ادري ابني .. أعرف بيك ما تجذب بس يعني خاف ناسي كلمة أو ناسي وما تذكر بالضبط !
سمراء : باوعت على صگار .. وخرت علي من حضني وأني العصبية مفولة براسي .. وكفت ولزمني صگار ودفعت ايدة ..
- قسماً بـ الله يا صگار .. بس تحلم تشوف وجهي إذا وكفتنييي وكلت عيب وما عيبببب .. ولحسيننن ما اعرفك ولا تعرفنييي وتنساني
صگار : العبي وصگار بضهرج ..
سمراء : رحت متوجهة وأني ميتة .. جسمي يرجف من العصبية .. طول طريقي دكوع علي وألامة من يشكيلي اتعصب أكثر ..
رحت بنص الصالة ..
- ويننن رحابببب
الشيخة : يااا شكووو جدة !
غزل : بغرفتها
سمراء : عفتهم يتسائلون ورحت الغرفتها .. دفرت الباب ولكيتها كاعدة .. أول ما شافتني رادت تحجي
بس كضيتها .. ما رحمت بيها أبد ..
لزمتها من شعرها واعت بي .. كل ما تريد تقاومني اضربها واعيقها .. اضرب واصرخ ..
سمراء : ولججججججج تأذيييننننن ابنيييييي .. تأذينننننن ابنييييي لجججج **** .. منوووو انتييي وهيجج تسويننن بيييي منووووو .. ولجججج انييي امةةة ولا اضربةةةة ونوب انتييي تجرحينةةةة انتييييي ..
يردن يجن ينقضنها مني بس صگار ما خلاهن .. كضيتها من ايدها ولزكتها بعضة .. وكضيت الثانية وهم عضيتها ..
ضربتها راجدي وجريتها من شعرها وشرتها .. دفرتها برجلي وكلت ..
سمراء : هاذذذذ جزاتتت كل بشررر يأذي جهالييي ولووو بكلمةةةة .. هااذذذذذ جزائةةةة ..
بزقت عليها ودرت وجهي ورحت ..
شفت البنات فاطسات ضحك .. عفتهن وأخذت علي من أبو وصعدت فوك الغرفتي .. طول ما أني اصعد علي يضحك وحاضني ..
وصلت للغرفة وطبيت وراي صگار وقفل الباب .. كعدت وعلي كعد بحضني .. باسني وكال
علي : شكراً مامااا اخذتي بثاريي ..
سمراء : طيب واخليك انت بنفسك تاخذ ثارك .. بس طيب
اجة كعد بصفي صگار وهوة يمثل الخوف ..
صگار : دهررر صابنييي .. شني مزوج جون سينا
سمراء : صحت بوجهة ..
- هاذذذذذ جزاتتت كل بشررر يتجرئ يمسس ولدييي ولو كلمةةةة وحدةةةة ..
مثل أنو خاف وطفر .. ضل يرجف بأيدة ويكول ..
صگار : يمةةةةةة .. جون سمراء .. يمةةة يمةةةةة تخوفيننننن .. متتتتت خفتتتت علييي ضمني بحضنكك ضمنييييي
سمراء : غصباً عني ضحكت ..
ثواني وسمعت صوت حيدرة يبجي ..
رحت طلعت وشفت عمي شايلتة وهوة بأيدها ميت بجيي .. مطلع أيدي من گماطة ويقابضهن دليل على جوعة الكافر ..
اخذتة منها وصرت اهدي .. رادت تروح بس أني محتاجتها .. خليتها تطب بغرفتي وقفلت الباب ..
ضلينا نسولف وأني ارضع حيدرة ..
عمتي ميتة ضحك وتسولف وتمدحني لأن هيج سويت ..
خديجة : عميي منو يكدر للبوة الشيخ .. محدد
عفتهن يحجن ومصدومات واجبت الفريخخ
سمراء : عمة سمعتي إلي كالة !! سمعتيي انتيي سمعتييي ! من وجعة اغمى عليي ونوب ما اسوي هيجج بيها ؟
خديجة : لااا والله حيلللل .. انة مرة بيني وبين الموت عمر واحد .. اقوي دامي موجودة محد يكدر عليج .. اريدج تصيرين لبوة محد يكدر عليج .. اسويج ذيبة بين الضباع وأطمئن عليج قبل لا اودع
سمراء : إسم الله عمةة .. أن شاء الله طولت العمر الج .. لا تحجين هيج والله گلبي يتكسر لا تحجين ...
*****
- Rest assured, Doctor!
طمنا دكتور ..
- There is nothing dangerous for someone who has stomach flu
لا يوجد شئ خطر لكن لديه التهاب المعدى
باوعت على مهيب وأني مصدومة ..
مهيب : Doctor, I am Dr. Mohib*** and I understand But this disease is dangerous!!!!!
دكتور أني الدكتور مهيب*** وافهم ولكن هاذ المرض خطير !!!!!
الدكتور : Yes, but the infection is very simple because it came quickly before it developed...
نعم لكن التهاب بسيط جداً لأن اتيتو بسرعة قبل أن يتطور
فوج : طمنا الدكتور .. بس گلبي مو مطمن .. التهاب بسيط لكن خطر ! سجل أدوية .. ورجعنا للبيت ..
نومت ادريان واحس مو مصدكة .. أحس حلم هاذ مو حقيقة !
طلعت من غرفتة ولكيت مهيب كاعد يشاهد تلفزيون
رحت كعدت بصفة .. حضني وباسني ..
مهيب : لا تخافي .. والله مابي شي وراح نتلاحكة وهسة كم يوم ويطيب ..
فوج : أدري بس هم خايفة علي ..
مهيب : حقج حبيبتي .. بس ادعيلة بدال الخوف والقلق الدعاء راح يفيدة القلق والحزن والخوف ما يفيد ..
فوج : ضل يهدئني .. وفعلاً هدئت ..
خلصت الوقت كلة ويا .. جانت ليلة جميلة أني وحبيبي من بعد مشاكل وهم وقلق .. نسينة كلشي صار بقربنا البعض وحبنا ..
*****
- درت وجهي المصدر الصوت .. وانصدمت بـ نوسة ضليت مصدومة وما مصدكة أنو هاي هية ..
كمت وركضت عليها وهية تمشي ..
حضنتها وكعت مهدود حيلي .. صرت ابجي واشهك وهية تبجي وياي ..
اسة : ياروحييي .. ما عبالي هيج مكسورة سديمي ما عبالي والله ! كلت شي بسيط ..
سدِم : ضلت تمسح على شعري وتهدئ بية ..
اسة : شنو سوو بيج وهيج شهكاتج !
سدِم : كسرنييي .. كسرنييي والله كسرنييي .. احتميت بي ونمت على رغد .. أول مرة بحياتي أنام بأمان من كلي احبج .. ومن خطبني ..
صرخت وصرت اضرب بروحي واكول ..
- بعددد 5 أيام .. 5 أياممممم عرسناااا ولججج 5 أيام ..
ما كدرت علية وحسيت على الشخص إلي وياها قيدني ..
- على كيفج صرتي لطامة ..
سدِم : عافني ورجع على نفس كعدتة وكال ..
- بربج هسة أنتي راح تحليها ببجيج جنج معزاية !
سدِم : لعد !
- كومي .. تعاي ناخذج ويانا للبصرة ترتاحين منهم كم يوم وهناك اوديج البيت كلة مزارع ونهر وحلو حيل .. تاخذين ريست منهم كم يوم .. وارجعي بشخصية جديدة وانتقمي من كل شخص كسرج
سدِم : ضليت أفكر بكلامة ! .. كل كلامة صح .. بس كسرة گلبي جانت اقوة .. غطيت وجهي بأيدي وبجيت وكلت ..
- شلون انتقم منة وهوة روحي شلون !!
- انجبييي .. جان روحج بس خانج وهسة صار عدوج
سدِم : باوعت علي وانصدمت .. شلون عرف خاني !
- شلون عرفت خاني ؟
- مبينة ! كلتي جان روحي .. والكل يعرف روحج الثعلب .. وكلتي كسرني معناها خانج ..
سدِم : ضحك وعدل ياخة قميصة بكل ثقة وهيبة ..
- هاا .. مو أحسن من المحقق كونان !
سدِم : صدك ضحكني .. كومتني اسة ..
اسة : يلة كومي .. وانتة اخذنا الأحد بيوتك ما نروح للسجن ..
- ليش !
اسة : هية منا تعبانة نوب اخذها يم مشاكل ساجدة وربعها .. ولعباس تنتحر
سدِم : ايعععععععع .. ساجدة شكد اكرها
- الصداقة الحقيقية هية أن تكره بشر بمجرد ما صديقك يكرهة
سدِم : ختولي فد حقيرة ساجدة .. هيهيييي .. ساجدة وبيها كل المصايب لو اسمها عابدة شلون
ضحك وأني ضحكت .. رجع ضحك وأني اباوع على ضحكتة وصوتها .. حلوة حيل .. ضحكتة حادة وعندة غمازات رجالية ..
صوت ضحكتة خشن وناعم ومثالي وكلشي حرفياً
كام وبرز ضخامتة .. عندة خصر احلى من خصري بأضعاف .. من اكتافة وعضلاتة شكبرهن ونازلات على الخصر ضعيف وفالينتة ضيكة ..
ما أعرف شنو الخلاني انطق واكول ..
سدِم : خصرك احلى من خصري
باوع علية وعلى خصرة وضحك واسة ميتة ضحك وأني من فشلتي ضليت اضحك ..
ضلينا نمشي وهوة قبلنا ويكول ..
- رحم الله عليج .. سويتي عضلات البطن خصر ..
سدِم : اسة تضحك وهوة يسولف .. وصلنا السيارتة باوعت عليها وتذكرت الثعلب .. بجيت وما قبلت أصعد بيها .. وكف ضايج ويكول ..
- ولججج صعدييي
سدِم : ماا مااا
- ليششش ؟
سدِم : هاي سيارة الثعلب المفضلة وبعد أكرها
باوع علية وجانت نضراتة تكول ..
' والله بطرانة ' أو ' والله بيج كضة '
- دصعدي صعدي
سدِم : ما ما أريد
- ولججج صعديييي ..
سدِم : ضل يعض بأصابعة ويريدني أصعد بس أني كرهتها خلاص ..
اخر شي اجة بضخامتة .. لزمني من أذني على كيف وجرني بالسيارة
- خببب دصعدي جنج فارةة
سدِم : والله انتة عملاق مو أني
صعدت وضلينا نتناكر .. وتوجهنا للبصرة حسب ما كالو ...
*****
دا ناكل والچلب بصفي على الميز ياكل ..
دامِس : أي بلة ست ارجوان شنو راح تسمي ..
ابيجيل : خليت أيدي على حلكي ورفعت عيوني لفوك وضليت أفكر ..
ما أعرف أي إسم .. فا كلت بكل ثقة الدنية ..
ابيجيل : اسمي دامِس ..
دامِس غص .. والحر هم غص .. شرب ماي والحر يحاول يخفي ضحكتة ..
دامِس : خلف الله عليج ..
ابيجيل : انفجر من الضحك الحر .. خزرة دامِس ودار وجهة علية وكال ..
- شنو ماكو غير اسمي ؟
ابيجيل : لااا .. وهاذ الاسم حلو ولايك على الچلبوب
ضحك الحر اقوة .. ضربة دامِس بخاشوكتة .. ويخزر بي .. رجع باوع علية وكال ..
دامِس : يعني اسمي يلوك الإسم چلب !!
ابيجيل : أي
دامِس : جاي توصليلي رسالة مبطنة !
ابيجيل : شنو يعني
دامِس : هيج هيج .. يعني آخر رأي ما تغيرين اسمة ؟
ابيجيل : شسمي يعني ؟
دامِس : سمي چلبوب
ابيجيل : نكزت من مكاني .. وكلت بفرح ..
- ايييييي .. چلبوب إسمي
ابتسم وكال الحر وهوة يضحك ..
الحر : لااا سمي دامِس اح...
ابيجيل : مسكين ما لحك يكمل كلمتة وضربة دامِس
دامِس : ابنل **** الصم حلكك
ابيجيل : عفت أكلي ورحت شلت چلبوبي إلي دا ياكل وصرت افتر بي واغني ..
- واخيراً .. أصبح .. لديٓ صديق .. واسميتهُ چلبوب .. يأكلٓ ويلعب ويمرحٓ معي .. وأصبح لي صديقً وَفي ..
ردت أكمل صاح الحر ..
الحر : الله .. هسة اكتشفنا عندج موهبة الغناء
دامِس : كملي كملي بلة ..
ابيجيل : ابتسمت وكملت ..
- سنمرح .. ونلعب ونقرأ معاً .. أصبح لدي صديق ..
ضليت اكررهن والحنهن .. واحجيهن بصوت الاميرات ..
وأني افتر واركص ويا الچلب .. ورحت الغرفتي وكعدت وكعدتة بصفي ..
اخذت كتابي وخليت الچلب جواي وراسة جوة حنچي ونقرأ .. كل ما يعوي ازمخ بوجهة ويسكت ..
خلصت وقت طويل جداً وأني اقرأ كتابي الجميل ..
' مئة عام من العزلة '
وكأن غلاف الكتاب يحجي عني لكن الأحداث عن ناس تختلف ..
مر وقت لطيف ..
قاطع هاذ الطف صوت دامِس ..
دامِس : ابيجيل نايمة !
ابيجيل : لا دا اقرأ كتابي
دامِس : اخذاج الواهس ترا ! هسة بـ 12 شوكت تنامين
ابيجيل : اووو .. sorry دامِس .. ما انتبهت
دامِس : يلة نامي حبيبتي .. تصبحين على خير
ابيجيل : رحت خليت چلبوبي على مكانة .. الحر جهزلة مكان لتر بوكس ومكان للأكل ومكان ينام بس بغرفتي والتر بوكس بمكان يختلف ..
عفتة وأمرتة ينام .. وهوة نام ..
رحت طفيت الضوة وطفرت سويت سباق أني والجني وغطيت حتى راسي ..
نمت وغطيت بالنوم ..
زعجني الباب بـ 7 الصبح ..
دامِس : كومي ارجوانتي .. حضرت الأكل حبيبتي
ابيجيل : كايمة دامِس هسة إجي ..
كعدت وفزيت من شفت چلبوبي على سريري .. ضربتة راجدي وهوة فز ..
- هاي ليش ما سمعت كلامي ولك ! أني مو كتلك تنام بفراشك ؟ حيوان
أخذت واهسي وصرت احجي علي وهوة مدنك راسة
كلش حلو هاذ چلبوبي .. جنة ذئب كلش حلو .. صغير حسب ما كال الحر عمرة بين الـ 5-4 أشهر
وطلع انثى .. يعني صديقتي صارت ..
رحت غسلت سنوني وجهي .. وطلعت عطرت روحي وعطرت چلبوبتي هم ..
رشيت رشتين عليها وكلت ..
- حبيت هاذ العطر مو !
عوة ..
ابيجيل : أني هم أحب هاذ العطر وهسة صار مفضلك ومفضلي .. أني احبك چلبوبتي
عوة وضحكت .. اعتبرتها رد على كلمة احبك ..
لزمت أيدي ثنينهن مثل الأطفال إلي يعلموهم على المشي .. وضليت امشي بي واسوي ..
ابيجيل : تاتييي .. تواتييي ..
وصرت اصيح بصوت عالي وطلعت الهم .. طلعت الهم للصالة ودامس واكف يباوع علية مصدوم والحر فاطس ضحك ..
الحر : والله عمي هنيالة عليج
ابيجيل : أريد اعلمة يمشي
دامِس : ناقصج بس تعلمي يطبخلج
ابيجيل : خلي يكبر مو هسة .. هسة صغيرة بعدة واخاف علي ..
هز ايدة دامِس والحر يزيد ما ينقص بالضحك ..
رحت كعدت على الكرسي تبعي ..
دامِس : روحي غسلي ايدج يالة تاكلين
ابيجيل : ترا والله عطرتة وسويتة يخبلل حتى ردت افرج سنونة بس كلش خطية خاف ياكل المعجون وموزين علي ..
الحر : اللهم اكلبني چلب
دامِس : چا هسة انتة شنو !!
ابيجيل : ههههههههههههه .. حلللل صقفك
راد يضحك بس توقف وكال مستغرب ..
الحر : شسوة !
ابيجيل : صقفك
الحر : شنو يعني !
دامِس : يعني قصفك
ابيجيل : ضحك ضحكة .. مو طبيعية .. التهينا ناكل ودامس ما عافني لحد ما غسلت أيدي يالة ..
أكلت وخلصت وكمت انضف والحر يغسل مواعين ..
راحلة دامِس وطلع وهوة يمسح ايدة ..
دامِس : يلة ولججج .. اشتغلي عدلل لا اطلكج
الحر : حاضر عمة .. تدللين
دامِس : اشتغلي عدل وبعدها تطلعين تغسلين البيت كلة ..
الحر : حتى مرت أب سندرلة ما سوت سوايتك .. بيت كلة !
دامِس : لا مرت أب سندلرلة مدري شسمها سوت أكثر
الحر : انجبي عمة كالت بس تغسل فراشات وتمسح البيت وتغسل ملابس وتغسل بردات
ابيجيل : دار وجهة وراح وكف يم باب المطبخ وخلة أيدي على خصرة وكال
دامِس : منو تنجب ؟ .. ثاني شي أني أريد الناس تكرهني أكثر من ما يكرهون مرت أب سندلرلة
ابيجيل : وكفت وأني بيدي مكناسة .. وكلت
- انجبو ثنينكم وساعدوني ثنينكم ترا تعبانة
باوع علية دامِس وضحك ضحكة حقيرة وغمز ..
عرفت قصدة شنو .. شمرت المكناسة علي ورحت صعدت فوك انضف غرف الولد ..
حيل وحشة هاي الأيام كلها همة ماكو بس الحر يمي
خلصت تنضيف ومسح الغُبار على رفوف والچرباية واعطرها واسد بيبانها واطلع ..
مر الوقت .. خلصت بساع لأن الولد ساعدوني وما خلوني اشتغل وحدي ..
خلصت ورحت أخذت چلبوبتي وأخذت كتابي وكعدت بصف دامِس اقرأ وهمة يسولفون ..
عبالهم ملتهية ويا القراءة بس أذني يمهم لأن حديثهم جذبني ..
الحر : شوكت يجي !
دامِس : يكول أحاول هاذ الشهر
الحر : هوة مو أخذ إقامة يكدر يجي
دامِس : بس شغلة استقر هناك
الحر : شنو يشتغل ؟
دامِس : عندة محلات ومطعم ..
الحر : بأسمة ؟
دامِس : أي بأسمة
الحر : خلي يجي
دامِس : كتلة بس بعد ماعرف
الحر : اتوسل بي .. أريد اشوفة
دامِس : خلي يرتب وضعة ويجي
الحر : يشبهني ؟
دامِس : يعني مو كلش .. عيونك يشبهك وخشمك وضخامتك
الحر : الله .. هيج حلو
دامِس : ههههههه
الحر : وين يعيش ؟
دامِس : چا واخو المن موجود !
الحر : يعني هنا
دامِس : لعد وين !!
الحر : يعني يعرف بأبيجيل
دامِس : لا بس اعرفة عليها
ابيجيل : عافوني وصعدو .. وأني بقيت ويا چلبوبتي نقرأ كتاب .. وكل شوية اضحك على حدث مضحك واكول ..
- هيهييييي .. اقري اقري هاذ شوفة شكد يضحك
عوة واعتبرتها أنو ' أي دا اقرأ '
مر الوقت .. ونزلو الولد يسولفون ..
أتابع حركات دامِس بتركيز ..
ضل يباوع بكل جزء بالبيت بسرعة وكأن يشوف شي مرعب .. دار وجهة بخوف على أحد زواية البيت ..
الحر : شبيك دامِس ؟
ابيجيل : ما ججة شي عافة وطلع من كل البيت وسد الباب ..
دك تليفون دامِس .. راح الحر وابتسم من شاف الجهاز وجاوب وفتح سبيكر .. خلا على الميز وكعد
- ها دامِس
الحر : الو .. وياك تؤامك حبيبي
ابيجيل : ضحك المتصل ضحكة تخوف .. وكال
- حبيبي حر .. تؤامي
الحر : تعال نريد نشوفك
- حجزت تذكرة باجر واجي
الحر : تمام .. ماراح أكول الأحد ونسويها مفاجأة
- چا وين دامِس ؟
الحر : برا
- تمام .. باجر بين الـ 4-3 أني بالمطار
الحر : حبيبي هسة اروح اناملك بالمطار بس تعالللل
ابيجيل : رجع ضحك المتصل ضحكة تخوف .. وسلمو على بعض وراح ..
كمت خايفة وكفت كبال الحر واني امسح على چلبوبتي وكلت ..
- وين راح يجي ؟
الحر : للبيت هاذ
ابيجيل : منو هاذ ؟
الحر : بعدين تعرفين
ابيجيل : يخوف هاذ لا تخلي يجي هنا
ضحك وجرني كعدني يمة وكال ..
الحر : بس يجي راح تتسلين ويا وتحبي حيل ..
ابيجيل : ابتسمت بتصنع وأني أكول بگلبي ..
' هوة بس ضحكتة تخوف شحب منة ! '
طمشت كلام الحر ورحت أنام ..
نومت چلبوبتي بحضني وتغطيت وغطيت بنومي وبأحلامي السعيدة ..
صح كلامك حر .. راح نتسلة بس بطريقة تختلف
*****
صگار : سمرتي .. اكعدي امي جابت حيدرة جاي يبجي
سمراء : كعدت وأني منعسة .. لبست الروب اغطي الفضيحة ..
أخذت حيدرة وعمتي راحت ..
خديجة : عوفي يمج للصبح هية كالت وأنة منعسة وتعبانة كلش ..
حجيت وأني النعاس كاتلني ..
سمراء : قيسي ضغطج يمة
خديجة : مابية شي چا .. بس منعسة ما نايمة
سمراء : راحت وأني رجعت قفلت الباب .. رجعت المكاني وضليت ارضع حيدرة ..
منعسة وعيوني تغمض غصباً عني .. بس يفززني تحرش صگار ..
- دكافي .. شكد متحرش رحمة للكائنات
وهوة نايم يتحرش ..
صگار : هوة أني ! غير الابسة يكول تعال تحرش بية
سمراء : لعد هسة كايمة ابدل ..
صگار : لا على بختجج .. ابقي هاي هية بعد ما اتحرش ..
سمراء : رجع نام وتغطة .. وهوة مغمض كال ..
- أريد اكعد الصبح اشوفج بهاذ الفضيحة .. حتى يومي يصير حلو
سمراء : ضحكت وكلت ..
- صگار انتبه راح انوم حيدرة بنصنا
صگار : ايبااااا .. راح يصير حاجز مثل علي
سمراء : انتبه حباب .. لا تسوي عجينة
صگار : شنو قصدج ؟؟ اني سمين
سمراء : لا كلش .. بس وزنك 70
صگار : غير عضل ؟؟ وطولي 189 وهاذ الشي طبيعي
سمراء : بس ترا تجعص
صگار : لابد مجربة ؟
سمراء : يومية انتة جاعصني .. حتى صرت بالطول من سببك
ضحك وصرت احجي علي بسبب ضحكتة الفضيحة ..
بدة ينام حيدرة .. خليتة بنصنا ونمت ..
فزيت الصبح على صوت بشرى .. تقصدت ما البس الروب لأن أعرف راح ينتشر الخبر واغثهن بي ..
سمراء : هاج ومرة ثانية دكي الباب بذوق لأن عيب
بشرى : هيهييي .. شوف منو اليعلمني الذوق والعيب
سمراء : أو قصدج على لبسي !!
سويت روحي استحيت وصرت ورا الباب .. وكلت
- ما انتبهت .. زوجي صگاررر ما خلاني ابدل يريد يكعد على هاذ البس
عافتني وراحت تدردم ..
رحت غسلت وجهي وسنوني ورتبت روحي وتعطرت وكعد صگار ..
يمشي بأتجاهي بنضرات ماكرة ..
ضل يتحرش بالكلام وتحرش حلو ..
سمراء : شنو هاذ التحرش الحلو
ضحك وكال ..
صگار : اياااا بربوككك .. عاجبج
سمراء : احبك صگاريي .. انتة هدية ربي .. انتة مسندي بدربي .. سندي انتة
فرح وضحك ..
صگار : شنو هاذ الكلام الحلو ..
سمراء : قبلني قُبلة حرب ....
*****
في بيتاً ما ..
هُناك عيون تبكي .
تبكي شوقاً لرؤية حبيبها وقرتُها
قلباً يستنجد بأسمهُ..
- اميري ..
قلباً يستنجد .. وعيون تبكي بشدة ..
لا تعرف كيف تُعبر عن شوقها ؟
تتواصل معة ؟
لكن لا تقدر .. هُناك من يقف عارضاً لتواصلهم !
تذهب إليه ؟
لكن يبعدهم دهراً !
تبكي حائرة !؟ .. تُريد بـ أي شكل من الاشكال أن تتواصل وتطفى نار قلبها .. واشتياقها !
شكهت قائلة بحزن واشتياق ..
- راح أموت .. راح أموت اميري .. راح يخلوني بذمة غيرك .. ذمةة غيركك ولكك ذمتتت غيرك !! شوكت ترجع شوكت .. گلبي يوجعني على فراكك گلبي ..
ودخلت في دوامة بُكاء شديد ..
ختمت روتين اليل .. بكلام من أعماق قلبها الحنين ..
- ' يانار گلبي مالج دوة ' ..
يتبع ....
_________________
بارت للتسلية 😉 ..
أدري شوية ومو مسلي بهذاك القدر الكبير
لكن دبرو روحكم بي 😅
وأن شاء الله البارت القادم يكون بارت حماسي
وكلة غرابة واحداث ما متخيلينها من قبل 🔥
ولا تنسون تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨
تصبحون على خير .. واحلام سعيدة 💋🤍