أنتقام غضب..
بقلمي أميره محمد 🤎
لاتنسون التصويت والتعليق لطفا🌷
--------------------------------------
حيل وياي اني استعجلت بيك
اول مرة حب ولازم اعثر
حسبتك سما ومَ تجرك غيوم
غشيم ومادريت بغمزة تنجر
---------------------------------------
هستوني درت وجهي اريد انزل ماحس غير نسحبت من ايدي وگعني فوك صدره عطتت بخوف يمممه عزززه لزم ايدي البيها المفتاح يحجي بتعب ويفتح باصابعي اصبع اصبع
-عـ.عبالج سويتيها مره وتگدرين اسوينها مره ثانيه..شگد غبيه
غوركت عيوني حجيت بغصه عوفني..خل ارجع لأهلي الله يخليك مليت منك سحب المفتاح مني بقت عيوني ورا اخذه وحطه جوا مخدته باوع بعيوني وحجه
-ماگدر
-تگدر والله تگدر بـ..
-ماگدر گتلج ويلا طلعي برا
بعدني عنه راد ينام على بطنه لزمت كتفه المجروح اندار عليه متوجع لن لزمته حيل بدون قصد بعدت ايدي بسرعه احجي بغصه مبطنه بخوف
-ءءامـ.مادري.. احم.. زين جاوب على سؤالي انت مو ماتگدر تعوفني تكدر تجاوب.ها
-احجي
-ليش خطفتني
-تعرفين ليش
-ماعرف
-ابوج، السبب كله ابووج
-شسواا همم كول شسوا غير اعرف حتـ..حتى اذا غلطان صدكني راح اوگف بصفك وأ..اذا تـ..
حجه بهدوء مميت
- اذا حجيتت راح تصدگين
-اممم
-بالوكت المناسب حجيلج كلشي
مارديت نزلت من الجربايه ابجي بسكته وصلت الباب وصاح وراي
-عقابج لا عبالج نسيت
ابتسمت بكسره وطلعت هه فوگ ماخطفني يعاقبني لن هربت يريدني ابقى طول عمري يمه حقير الله ياخذك كون ينتقم منك دخلت بالغرفه الثانيه سديت الباب قوي وگعدت وراه ابجي بكتمه اريد احد يجاوبني على سؤالي ليش خطفني ليييش ليش الى انيي ليش كلشي حلو مامكتوبلي ليش اهلي لهسه محد اجاني تعبت هواااي تعبت يارب شوقت يخلص هالعذاب وارجع لأهلي مليت
كرهت روحي كلشي كرهته بهالدنيا جانت مصبرتني ترف للحياه هسه محد عندي محد احسن شي اقتل نفسي وخلاص اموت ماريد ابقى ماريد اشوف جهرته تايها كلشي ماعرف بس شي واحد اريد اعرفه وهوا السبب شنو سويت او سويتله شنو وخطفني اريد شي يوصلني له شي يربط بينه وبين اهلي كلشي ماكو ماذكر حتى اهلي ماذكر حتى يجبون طاريه
لعد منو هذا منو ومن وين طلع بطريقي صرخت بعلو صوتي سااااااعتهاا سوووده ساااعتهاا سووده لرحت بيهااا لدكااان سساااعتها مصخمه لييييش سمعتت كلاام احلاام ليييش ليييش ااوووف الله ياااخذنيي الله يموتنييي ابجي واضرب بالباب برجلي صابعي احسهن تكسرن هلكد ماضربت
گعدت بالارض لمه رجليه لصدري وابجي ضاايعه ضاايعه بوسط ضلللام دامس ادور على ضوء حتلو خافت يوصلني للحقيقه ماكو عباره عن سواد مخيف
ماعرف شگد مر وقت واني بگعدتي صافنه ودموعي يابسه على خدي نكثت الافكار من راسي وگمت للحمام اغسل راسي دايخ من البجي طلعت رحت للحمام دخلت غسلت وجهي اباوعله بالمرايه اصفررر وعيوني ذبلانه
هه ماذكر شوكت اخر مره أكلت
حولت نظراتي لملابسي يمكن صار ١٠ايام مامغيره ملابسي ولا سابحه لحمدلله اني مو من البنات التصير بيهن ريحه بسرعه جان نفضحت باوعت لشعري صار قريب الشهر واكثر اني هنا ماذكر يمكن مره وحده مشطت غسلت وجهي وبجيت بصوت وين جنت وين صرت اني الجنت مايمر يوم اذا مامشط شعري وهاي من غير الدهونات الخاصه لشتريها لن طويييل احب اعتني بيه
طلعت متوجهه لغرفته خلاص رح استسلم لابأيدي اطلع ولا احد اجه واخذني يمكن حتى هم ئيسو دخلت لگيت نايم على وجهه قربت اباوعله غاط بالنوم حجيت بصوت ماخذه راحتي
-منين طلعتلي شجابك بطريقي وشتريد مني ومن عائلتي الله ياخذك الله يموتك تعبتني كرهتني روحي صرت افكر بابوي واحد مجرم وكل بسبب واحد حقيير س*** مثلك
تمنيت لو جايه الطلقه بالگلبك ومخلصتني منك تـ..
ماكملت كلامي وجان افز رفع راسه وحجه فتحت عيوني مصدومه واني عبالي نايم
-حتى الموت ميخلصكم مني
مارديت عفته هستوني اطلع وصاح وراي
-اريد اكل
لوما تخبلت من وراه نداريت عليه عطت بصوت انتتت مخببل لوو شنوو هممم خاطفنيي وهمم ترييد اكل لوو تموتت سمم انطيك يريد اكل ابن الخر*
رفع حاجبه وملامح وجهه بااارده اشو هذا وگف اجه عليه للحضه ردت اشرد من الغرفه بس لا اذا لزمني ماعرف شيسوي بيه خفيت خوفي وتظاهرت بالقوه كتفت ايديه لصدري بس داخلي يرجفف يمشي بهدوء لازم كتفه
تقدم صار گدامي بقيت.اهرب بنظراتي منه التوتر يقرء الف عندي اول مره اتوتر هيج لزم حنكي رافع وجهي له باوعتله جاحضه عيوني دفعت ايده وحجيت معصبه شدسويي ماهتم رجع لزم فكي بهدوء عيونه بعيوني لاكن سرعان ما لزمني بقووه عطت متوجع
-ااااخ شبيك عوفني تخبلتت
لزمني اقوه عيوني غوركت بالدموع ادفع بايده مايهتز عاف فكي مسحت عليه متوجعه ماريد تنزل دموعي گدامه تقدم عليه يمشي واني ادفع بيه علما حسيت الباب صار وراي دفعته بقوه ونداريت اريد اطلع ماحس غير لزمني من شعري قوي اااخ عوفنييي حقيير عوفنيي سد الباب بايده المخيطه ودارني عليه دفعني على الباب عظام ظهري حسيتهن تكسرن على قوه الدفعه وگعت بالارض
ماگدرت الزم دموعي اكثر نصه كدامي مقرفص مامهتم لايده ماعرف ماتوجعه هستوه البارحه خيطوها بحركه سريعه لزمني من ياقة التيشيرت مقربني له ادفع بأيديه وهو يشدد بقبضتة حجه بحد
-انطييتج حرييه اكثرر من الاززم نتبهي لكلامممج خاطففج مامددددخلج فندق خمسس نجووم
سكته ابجي واحجي واني ادفع بايده ه حرية شنوو هاا حرررية شنووو موتتتني قتلتني وانيي عاييشه كرهتنيي بروحي بحياتي بكلشيي شتريدد منيي اككثر همم سنننه كااامله ضاااعت عليييه وكله منن ورااك شتريد انتقااام من ابوويه مو كاافي صار شهرر عنددك مايعررفون بنتهم وين ماوين عااايشه ميييته كافي الله يخليك كافي
سحبني عليه اكثر متجاهل كلامي وبجيي والغصه لبصوتي انفاسه تلفح وجهي حجه بحقد
-هيي هاي غايتيي اكرههج رووحج اكرههج اهللج حياااتج بس لهسه ماااشفتيي شيي منيي متهاون ويااج اگول خطيييه بعدها صغييره وهي مطووله عنديي انتظر ماخسران شي بلا شمتوقعه مني ها احجي
مارديت عليه ارجف دموعي تنزل بهدوء كلامه دب الرعب بگلبي حتى بجي بطلت بس صوت شهگاتي رجع كمل وابتسامه شريره زينت ثغره
-شتتوقعين راح اعوفج هيج مجرد اخطفج هو هذا انتقامي اذا هذا تفكيرج فانتي غلطانه
حجيت ببحه عيوني بعيونه وافكار سوده حاوطت عقلي لعد شنو هو انتقام.مك
- تفترين گبالي وخصرج جنه خصر رقاصه لا تنسين بس احنا الثنين بهذا البيت وبأي ثانيه يخطر ببالي افترسج
كلامه طلق ويدخل بگلبي جرئته نرفزتني مسحت دموعي حجيت بحقد متناسيه الوحش الهائج لگدامي
-حقييير مو خصري ليشبه الرقاصه لا عيوونك ماال وااحد س*** مال واحد ادبسزز طايح حضـ..
ماحس غير دار وجهي بكف صار صوت صفير باذني من قوة الضربه لتفتت عليه اباوعله بحقد ودي امووته واشرب من دمه
-روحي سوووي اكل ذرتت عقل مابقى براسيي
-هه گتلك لوو تموت ماسوي لوو تمووت
-ليش تحبين تختبرين صبري،.. گومي بدون كلام لا افتعل بيج جريمه
ماحجيت گمت اريد اطلع خدي موتني من صفعته فتحت الباب اريد اطلع هستوني خطيت خطوه خارج الغرفه وحجه الحقير هالكلمه قليله بحقه
-ويين راايحه
حجيت بهدوء خايفه منه ومن كلامه بدون مالتفت عليه اريـ..اريد اسبح
-يعني ماسوين اكل
-امم گتلك لو تموت ماسـ..
-تحملي النتائج اذا
ندرت عليه اباوعله بعدم فهم شقصـ..اجه عليه شالني من رجليه ؏ظهره راسي ليجوا ورجليه ليكدامم اضرب بيه ماكو حتى الخياط ضربته وعييط ببجي عوووفنيي لككك حقييير شدسوييي عوفنييي عوفني عوفنيي اضرب بقوتي على الجرحه حتى دم طلع ولا مهتم شمرني على الجرباية الخوف ستوطني رعب رهبه خوف كلها حسيتها بهذاك اليوم ذرت عقل مابقى براسيي من شفته نزع التيشيرت وشمرره على صفحه صوتي زمجر من البجي والعياط
-شدسوووي شبييك تخبللتتت عوفنيي الله يخلييك شسوووويتللك عوفنيي
ابعد عنه اريد انزل من الجربايه وهو يسحب برجليه گمت نص جسمي ادفع بيه اريده يبتعد عني يتلاوه وي ايديه خله ركباته منا ومنا حابسني جوااه ولزم ايديه خلاهن فوگ راسي صاير فوگي أتحرك مثل الطير المذبوح جوه اريده يعوفني احجي بترجي عوفني ماحجي بعد والله..والله ماحجي لاسويلي شي لا تـ..تتقربلي عفيه عوفني
يباوع بعيوني بتمعن ايد لازمه ايديه والايد الثانيه خلاها على شفايفي تخبللت اتحرك بهستيريا وابجي فرفحت جواه وهو متجاهلني تندمت على الساعه لحجيت بيها عصر شفايفي باصابعه يحجي اششش كلمه مارييد اذا بقيتي هيج تتحركين اسوي شي ينـدمج بـ..
-ماحجي ماحجيي بس عوفنيي ماحجيي عوفنييي
حط اصبعه على حلگي اششش صوتج ماسمعه ماحجيت شي حتى النفس گطعته المكان صنطه دموعي ينزلن جمر تجوي خدي عيونه على شفتي تقرب عليه انفاسه حاوطت وجهي النفس ضاق بريتي اريد انتفس احس الزمن توقف حجيت بغصه
-وخررر كااافي حراام عليييك والله العظيم حرام مـ..ميصير..عوفنيي عوفني
حول نظراته لعيوني ثواني وگام عني گمت بسرعه مشيت مختنگه سمعته صاح وراي الاكللل سااعه ارييده يميي ماهتميت طلعت اركض للحمام من حسيت نفسي خلاص راح اتقيأ دخلت للحمام سديت الباب وگعدت وراه ابجيي بصوت الزم برگبتي مختنگه نزلت فرقت لبراسي كله ملابسي تدمرت رجعت راسي على الباب واني اذكر الموقف صافنه بالسقف دموعي تشرح حالي
تعبت ياربي تعبتت هواااي شوكت اخلص ماگدر اتحمل بعد وحق علي ماگدر شنو سوييت شنو الخطأ لسوييته حتى منطييني هذا العقاب الجبيير.......صعبب اختبارك ياربب صعبب وعبددك ضعييف ارحم بحالي وانت ارحم الراحمين لتفت عليه يارب حميني ياربي انقذني من بين ايدين هالوحشه هذاا
سمعت باب الغرفه نفتح من خوفي گمت بسرعه غسلت وجهي وحلگي باوعت لملابسي ملطخه مسحت عليهن بمي اخذت نظره سريعه بالمرايه عيوني صايرات حمررر وامورما طلعت لاگيته جاي بتجاهي اطرافي جمدت بقيت واگف بمكاني تقدم عليه عبرني ودخل للحمام ورگع الباب
ملابسي وسخه وبيهن ريحه واني تعبانه وراسي يوجعني رحت دخلت للغرفه ادور ملابس اول مادخلت اجتي عيني على الجربايه الدموع تلالي بعيوني والعبره لزمتني طلعت وسديت الباب بقوه وي طلعتي لگيت واگف يباوعلي خفت ماعرف يمكن من كلامه وحركاته لن صدك كلامه يخطفني هيج بدون مايسويلي شي لازم افكر واحذر من كلامي
كافي اتظاهر بالقوه وعدم الخوف واني باليوم اموت الف مره قليلات
صار گداامي باوع لملابسي دخل وسد الباب وراه ماحجيت شي خفت خل اتستر على روحي أحمد الله وأشكره لن لهسه محد لمسني لو اذاني بعدني واگفه وانفتح الباب شمر ترااك عليه وسد الباب اباوع للتراك مال بنات عريض شكله حلو اخذته بدون كلام لن محتاجته ملابسي يلعبن النفس رحت للحمام دخلت نزعت ملابسي ودخلت جوا الدش المي حار يجنن حسيت حمل وطاح مني
فتحت ضفيرتي بصعوووبه افتح وابجي عليها صايره جنها كفشه مخبله أفرك بيها بقوتي ماخليت شامبو لو غسول شعر ماحطيتله
كملت وگعدت ابجيي يمكن قرييب السااعه واني جوا المي ابجي على شعري واندب بحظي سديت المي وگمت بدلت صار شكبره عليه مال وحده كبر مني بمرتين لفيت السروال من جوا نشفت شعري ولفيته لفوك مسحت وجهي ماريد ابين اني باجيه ماريد يشوفني ضعيفه ويستغل ضعفي ياضعيفه يشوك اذا انتي بين ايدين مجرم
طلعت ميته من البرد دورت على مشط ماكو رحت للغرفه لمبيها شي ماكو ردت اروح لغرفته بس لا اخاف بلا سوالي شي رجعت گعدت عالكرويته تعبانه وبطني توصوص من الجوع والذعر من الموقف دقايق وطلع مباوعتله اذكر قبل ياسر نكسرت ايده اسبوع كامل هوا بالفراش هذا يوم والثاني طاب
اجه گعد عالكرويته گبالي حاط رجل على رجل بايده جگاره والثانيه حاطه على حافت الكرسي يباوعلي واني ميته ميته اريد اگوم بس ماكدر بعد كلامه صرت اخاف منه اخاف اروح ويجي وراي ولا اگدر ابقى كاعده هم اخاف نظراته راح تلتهمني بعدت نظري عنه
بقيت اطگك بصابعي متوتره وخايفه متناسيه شنو سوا بيه قبل شوي اخاف احجي وصدك يفترسني عبالك مو اني لجنت واگف گدامه بكل ثقه واحجي بعدم خوف ستغربت وين راحت شجاعتي ولساني فززني من صفنتي
-الاكل وين
رفعت راسي له عزه لعزاني نسيت الاكل بلعت ريگي بخوف ماعرف شحجي هـ.هاا
-الاكل وين
-نسيـ.نسييت اسوي
-وهسه ذكرتج يگومي يلا
-مـا سـ..
ردت احجي بس ذكرت كلامه گمت بسرعه للمطبخ مفتوح عالستقبال وهو گبالي معنى ايشي اسوي يشوفني وگفت على صفحه ارجف من الخوف ماعرف ليش هيج صرت اخاف منه يمكن هستوني ادركت انو اني بين ايدين مجرم
تقدمت لثلاجه متجاهله نظراته فتحتها تغص وتبلع بيها لحم وفواكه وخضروات غير الاجبان عجيب لعد سكان البيت وين كلشي ماعرف اسوي اخذت بتيته ثنين غسلتهن وگصصتها بدون تقشير سويتها شلون مجان انافخ
سندت ظهري على الكاونتر انتظر الطبخه تخلص صافنه بقيت فتره افكر رايحه بغير عالم سمعت صوت دهن يفور وريح حرك لتفت فورا عالطبخه صحت بصوت عزززززه لگيتها صاير فحم من جوا حاولت خوط بيها شوي صارت زينه طفيت الطباخ اخذتها خليتها بصحن وحطيتها ؏طاوله صغيره وبجانبها ثلاث كراسي حسيت بيه وراي
لتفتت لگيت مكتف ايديه والجگاره بحلگه تحمحمت بخوف واشرت ع الاكل بقى ؏وگفته اجيت اطلع وگف ساد الطريق عليه زارني احساس الخوف حجيت متوتره وخايفه ءبتـ..بتعد اريد. اطلع مارد عليه سحبني من كتفي ومشه متوجه لطاوله
-ااخ شدسوي وجعتني... عوفني
بقى ساكت گعدني على وحده من الكراسي وهو گعد گبالي حاولت اروح منعني ابقي صار يومين مماكله ههه قبل شوي حاول يعتدي عليه وهسه جاي بكل عين صلفه يريدني اكل وياه حجيت بنزعاج
-موو گتلك ماااريد
-شوكت گلتي ماسمعت
-هاا
-اكلي اكلي هذا الجوع ماثر على عقلج
حقير حتى هيبتي طارت ابلعها وسكت لى تفشلني
-ماشتهي وماريد
-ماتشتهين لو ماتردين
عطت بيه نرفزه يباوعلي ويحجي مستهزء
-ثنييينهن
-بس انا مشتهي
يحجي ويباوع لرگبتي لنترست مي من شعري ينزل عليها وبعدها يحول نظره لعيوني
-ومنو لازمك اكل
-انتي
-هه شوووكت حجييت
-غبيه..
-انييي
-امم حيييل غبيه
-ترى ما سـ..
-شكد تلغين اكلي وسكتي بالعتلج لسان اخرس
-لسامعته اني لسان طير الخرس منين جبته
-احب اغير
-هـ..
-سكتيي كافي شگد تحجييين
عاط بيه فتحت عيوني بصدمه عبالك بس اني لحجي
-علسـ..
-شحجييت
مارديت عليه كاعده على عصابي وهو كام جاب خبز مخلينه بالثلاجه اخذه حرراه عالطباخ مشغله على نصوه ولازم الخبزه فوگه كمل واجه گعد بمكانه هستوه اكل لگمه وگح ماعاجبه باوعلي واشر على الصحن
-شنو هذا
-شنو مثلا مو اكلت منه
-تسمييين هذااا اكللل
-وسمممم لا صييح مووو خداامه عنددك تريد سم گوم انتت وسوي هااي فووك ماخاطفنيي حقيير
فتح عيونه مصدوم لن غلطت عليه لاكن سرعان ما رجعت ملامحه حاده تخوف خنست خايفه ماعرف شلون طلع الكلام مني اكيد مراح يسكت خنگتني العبره نزلت عيوني خايفه رفعت عيوني عليه مرجع ظهره ؏الكرسي ويباوعلي حجيت شفايفي يرجفن
-ءءمو..مو عليك.. احم اقصد الكلام طـ.طلع مني بدون قصد
-اها وشلون طلع
يحجي مبتسم وابتسامته ماتبشر بالخير واني حتى كلام ظاع مني بقيت اتمتم
-ها... مو هو هيج يعني شفتني شلـ..شلون حجيت
-لا مااشفت
باوعتله وحجيت بهدوء مو قصدي
باوعله ببرائه اريد بس يكفيني شره اشو هذا رجع ياكل طبيعي يمه خاف مو هوا قبل شوي گتله خر* جا فتعل بيه جريمه گعدت عاقله حتى النفس گطعته هلكد ما خايفه حجه وهو ياكل وواضح بالگوه يبلع لن الاكل يخرع حشى نعمة الله
-لاتفرحين هواي مراح اعبرها لج
بلعت ريگي بخوف وهو رفع نظراته لي ابتسامه جانبيه زينت ثغره نزلت راسي بقيت فتره افكر حجيت بغصه
-تشوف هذا انتقام
-اممم
-ههه اول مره اشوف هيج انتقام جايبني ببيت رغم صغره بس بلمسلسلات مثله ومگعدني گدامك اكل وياك باريحيه برئيك هذا انتقام
رفع وجهه يباوعلي بعد الصحن خلاه على صفحه خله ايديه على الطاوله حاط حنكه عليهن حجه وعيونه بعيوني
-مايهني وين مگعدت تدرين شنو اليهمني اكثر شي بموضوع خطفج
مارديت لالت الدموع بعيوني رجع حجه مكمل كلامه
-وليد، انو حرگت گلب وليد تخيلي بنته صار شهر عندي وهو مايعرف وين ماوين شسوت عند منو محموس حمس يدور عليها ليل ونهار ومايعرف عند اكبرر اعدائه
نزلت دموعي بكسره مسحتهن فورا تنهدت بضيق حجيت العبره لازمتني شگد حقيير واناني
اردف مبتسم يحاول يستفزني
-زين من تعرفين
گام يغسل ببوري المي لموجود بالمطبخ حجيت مكمله كلامي
-اكدر اعرف ليش ألى اني
ندار عليه يحجي
-تقبلين وحده منهن هسه بمكانج
-لا تحاول تتهرب من السؤال بسؤال ثاني اعرف اكو لغز وراء خطفي واني من بين خواتي شنو السبب ليش مو ياسو ليش مو ترف رهف اي وحده
تقدم عليه نصه لمستواي حاط ايديه عالكرسي منا ومنا حجه وعيونه تتنقل بين عيوني مانكر توترت
-الغز عيونج
-لاتـحاول تضحك عليه بكلام تافه ووخر عني خنگتني
-ليش اضحك عليج، ليباوع بعيونج يتيه
دفعته عني متوتره ومزعوجه بنفس الوقت حجيت مرتبكه لاتقـ.تقرب علييه مره ثانيه مايستحي
عفته وطلعت انافخ مزعوجه ومليت من هذا الوضع دخلت بغرفته ادور على مشط شعري نشف اجتي عيني عالميز محطوط وبقربه دهن شعر اخذته دهنت شعري سبحت من الطول لطول بديت امشط بيه ميسرح شلع گلبي اباوع لساعه ب8:30 الصبح
بقيت امشط وعطوبي بعدهن يلعبن عالوتر الحساس بعد معاناه خلصت سويته ظفيره باوعت لساعه ب9:13 دقيقه
عززه لعد شكد صار امشط گمت متوجهه اطلع اخذت نظره عالجربايه سريرها يجنن باوعت للباب اخاف يجي تقدمت هستوني شمرت روحي نايمه على بطني صفنت شوي افكر ضاع شرفكم يخواني وين صرتو عني ماتدرون اختكم وين ماوين يمكن كلام الحقير صح محد مهتم لغيابي ويمكن محد دورني حتى
غطيت بالنوم متناسيه هموم الدنيا كلها كعدت علىايد تمسد عالشعري فتحت عيوني ببطء حجيت بهدوء نعسانه
-ترف
- گومييي.كعدي لجج اگعدييي
طفرت من الفراش من سمعت صوته باوعتله واكف گدامي مكتف ايديه وجهه ميتفسررر معصب رجعت ليورا ابلع بريگي
-شدسوي هنـ..هنا
-شصارلج عبالي بيج شي نايمه من الصبح لسه حتلو متعاطيه هم مو هيييج
-شقصدك؟ من الصبح باوعت لساعه ب9:30اشرتله عليها يا صبح متشوف السااعه صار نص ساعه من نمت تسووي السالفه شكبرررها
-ألا ، صدك تحجين لججج السااعه بالتسعه باليل
-لا جذب عليه
-مجذب عليج من گبل، گومي طلعيي برااا يييلا
كمت من عالفراش يمه هلكد نايمه يمكن لن من زمان منايمه براحه خاف حاطلي شي بس اني حتى اكل ماكلت طلعت مغندبه عود گلت من باجر ابدء اصلي ولتزم بيها ماقطعها اشو من اول يوم ضربتها نومه من الصبح لليل
رحت غسلت وجهي وطلعت متوجها للمطبخ خلاص ماتحمل بعد ماذكر شوكت اكلت لگيت صحون محطوطه على الطاوله وفوكاها صحون شلتهن لگيته اكل بيض وي طماطه وزلاطه ولحم مثروم مرتبهن بشكل يجنن بس هياته اكل من اكله الحقير فتحت الثلاجه باوعت بيها اجتي عيني على سفري فتحت نفر ونص كباب اخذته واخذت خبز من الثلاجه حررته عالطباخ
گعدت بالگاع اكل ماكمت علما تخمتها نظفت مكاني وكسرت السفري وشمرته بالحاويه حتى مايبين ماكله غطيت الاكل لسواه غسلت وطلعت شغلت التلفزيون وكعدت ماعندي شيء اسوي ولا اعرف طريقه اهرب اكيد مينام ويعوفني بوحدي لازم مأمن على كلشي
ملل التفزيون مبيه شي گمت طفيت ورحت امشي ؏اطراف اصابعي فتحت باب غرفته بهدووووء دخلت راسي لگيته نايم عالبطنه بدون تيشيرت وجرحه طالع منه دم هواااي حتى الخياط مايبين هلكد مانازف دم
حجيت بخفوت الحقير..، خر*..، غضببب
ماكو صوت فكرته نايم سديت الباب ورحت متوجهه للمطبخ والافكار تتناطح براسي اخذت سجينه خلاص الليلة اطلع اطلع لو ابو نعل يجيني
امشي عالكيف گلبي دكاته تسارع بالثانيه الف من الخوف رحت لباب الستقبال دخلت السجينه بالقفل افتح بيه بهدوء بدون صوت احرك بيها عالكيف يمين يسار ماكو بقيت فتره مليت رجعت ادور ؏ مخرج ماكو اجتي عيني عالدرج ابتسمت بفرح صعدت البايات علما وصلت باب السطح يمكن ختمت القرآن ماتت امالي من لكيت بيه قفل من هذني الكبار مال الثلاجات والبوفيات مال العجايز
حاولت افتح قريب النص ساعه اني ؏ وكفتي رجليه صارن خيوط كعدت مهدود حيلي كمت نزلت رحت للمطبخ اخذت سجينه ثانيه بلكي الله وعلي ولن مفتوح رجعت ؏ باب البيت افتح بيه افتح ماكو بقيت فتره طوووويل وميفتح باوعت لساعه ب10:55 اوووف تعبت يارب بس ما أيأس
رجعت افتح بيه حتى القفل نعوج مندمجه افتح بالباب لحضه هي وفلتت السجينه من ايدي من سمعت صوته شسوين متت گلبي خلاص وگف اطرافي ترجف انداريت عليه ابلع بريگي واكف مرتكي عالباب ومكتف ايديه لصدر لابس تيشيرت اسود عدلت شعري مرجعته ورا اذني متوتره وخايفه بس شوكت طلع اشو ماسمعت صوت الباب
تقدم عليه واني ودي بهالحضه يبلعني الباب خايفه عدلت وگفتي اتظاهر ماخايفه تقدمت عليه امشي بخطوات ثابته صار كدامي باوعلي بنظرات مغضببه وباااارده عجيب شكله عجيب سرقت نظره بعيونه وعفته ومشيت اريد اعبره اريد بس الله يخلصني منه مايسكتلي بعد لازم يسوي شي
هستوني تخطيته وحسيت سحبني من كتفي لازكني بيه عطت
-شبييك، عوفنيي ااخ عوفني كتفيي
-اششش ماريد نفس
ماحجيت اتملص منه اريد يعوفني ماكو مايتحرك لازمني من كتافي وعيونه تتنقل بملامح وجهي واتستقر عالشفتي بعدها تتحول لعيوني تفت عالوجهه دافعته
-حقييير لاتلمسنييي.لاتلمسنيي عوفنيي
دفعني عالگاع يمسح بوجهه نصه گدامي وحجه بحد مبطن بعصبيه
-تردييين تهربيبن موو،..وربب العز لراويج نجوم الضهر لا تشوفيني متساهل وياج اعاملج طبيعي فكري مجردد تفكيير وشوفيي شاسووي
دفعته من صدره احجي بحقد-شسوييي ها شسوييي احجييي شسوييي اشو من خطفتنيي لليييوم بس تتهدد، واااحد س*** ماتگدررر تكتل ذباانه وجاااي تتمرجل براااسيي
-ههههههه، افهم من كلامج تردين اشوفين شاسويي
-بللللا راويينه شنو تگدرر اسويي لك والله ثم والله فكر مجرد تفكير تمس عائلتي لموووتك والله لموووتك نعااال ماتسووه حقير
-يجرالج،
يحجي ويباوع لعيوني وبتسامه حقيره زينت ثغره ماعرته اهتمام دفعته وگمت هستوني خطيت خطوه جفلت ؏سحبته لايدي دفعني عالباب كمت ارجف من الخوف والرهبه حجيت اتلعثم بالحجي
-عـ..عوفـ..عوفني عوفني شسوي...وخر عني عفيه وخر
-مو تردين تشوفين شاسوي
باوعتله بنظرات ترجي حجيت ارجف
-ماريد اشوف شي،ءمـو هيج قـ.قصدي مو هييج
-هه لعد شنو قصدج عسليه
-ما.ما ءءاقصد شي ماقصد بس وخر عني وخررر
وبحركه سريعه منه حط ايده ورا ظهري سحبني له حطيت ايدي ؏ صدره ادفع بيه عني تخبلت ذرة عقل مابقى براسي ردت اصرخ مالحگت اخذ شفتي بين شفايفه يبوس بيه بعمق تخبلت انازع الموت ادفع بيه حيلي باد اضرب بقوتي من ورا عالجرحه اريد بس يعوفني ماكو بغير عالم ختنگت اريد هواا افرفح بين ايديه من حس عليه ابتعد يلهث
ضربته ابجي واصرخ حقيييير الله ياااخذك الله يموووتتك الله يموووتك ليششش هييج سووويت لييش ليش الله ينتقم منك بعزيز گلبببك الله ينتقممم منك ماتخااااف من الله ماعندددك ضمييير شلووون تبوسنييي منووو انتتت وتبوسنييي گعدت ؏ركباتي اضرب عالوجهي وگطع بشعري تخبلت اعيط بصوت وامسح بشفتي بهستيريا فقدت اضرب عالوجهي بدون ماحس بالوجع
سحبني من ايدي مگومني عطت بيه عوفنييي عوفنييي شتريددد بعدد شترييدد الله ياااخذك حقيررر بن الس***
حجه بهدوء وهو يسحب بيه ناحيه الدرج بعدني ماشوفتج شي
تخبلت اتملص من قبضته ازلغ بايده باضافيري وابجي بصوت وهو ولا مهتم عبالك فريسه يسحب بيها وراه
-وييين ماخذنيي ويين عوفف ايديي عوفهاا عوفهاا حقييير لكككك عوفنييي ويين ماخذنيي
اصرخ احبالي الصوتيه راحت صوتي زمجر هلكدما صرخت وبجيت صعدني عالدرج يسحب بيه واني لازمه بمحجر الدرج ايد لازمه بالمحجر وهو يسحب دنگت عالأيده عضيتها بقوه وگف بدون لايسوي شي واني بعدني عاضته طلعت حركت گلبي بأيده مابعدت عنه علما حسيت بطعم الدم تفت بوجهه
-حسبي الله ونعم الوكيل علييك اريييد الله ينتقممم منك
تقدم عليه لزم فكي دافعني عالمحجر يحجي من بين سنونه-قسمآ برب العزز اخذج للغررفه رووح مابقي بييج فهمتييي ماشفتييي شي بعددد
عاف فكي رجع سحبني لفيوگ وصل الباب طلع المفتاح يفتح بالقفل واني ابجي بسكوت خايفه ومرعوبه روحي رايحه تذكرت من باسني بجيت بصوت وهوا مامهتم گلبي موتني عالساعه تتوقف دگاته حجيت اغص بالكلمه
-شسـ.شسويي.. احجيي وين ماخذنيي
مارد عليه فتح الباب وسحبني بقوه وگعني عالوجهي سد الباب وقفله نزلت دموعي واني اباوع لسطح مساحته جبيره الستاره عاليييه وبيه غرفه ظلمه صايره حايط واحد هيه والبيتونه تصير اصغر من المطبخ مثل البانينه ومتوقفين عن البناء شي مكمل وشي لا باوعتله بعدم فهم حجه عيونه عالغرفه
--من هالحضه بتدء انتقاام غضب
-شقـ.شقصدك
ماجاوب رجعت نظراتي عالغرفه تخوف شكلها بلعت ريگ بخوف مسحت دموعي وافكار سوده زينت عقلي گمت لباب اريد انزل اضرب بيه واصيح اريده يفتح درت وجهي عليه ايد بجيبه وايد لازم بيها جگاره مشيت صرت گدامه حجيت بحقد ودموعي ينزلن بخوف وكسره
-افتتح الباب داحجيي وايياك حقير افتتتح البااااب ماكافي السووويته ماااكافييي ماخللص انتقاااام خر* عوفني اعتقني تعبت والله تعبتتت
-ماعوفج علما تبرد نار گلبي بعدها عوددد افكر عوفج لا
ضربت بصدره مووو بكيفك موو بكيفك... داگولك افتتح الباب
مارد عليه سحب ايدي ومشه لنخلعت هلكد ما لازمها قوي طلع مفتاح ثاني من جيبه بدء يفتح بالباب دب الرعب بگلبي زلغت ايده بلكي ولعل يعوفني حجيت-شسوي عفيه لاتسويلي شيي لا تسويلي ..
فتح الباب شمرني عالوجهي الغرفة ظلمه عدلت كعدتي شفت خياله بالباب الظلام دامس بالگوه اشوف راد يسد الباب كمت اركض لزمت ايده احجي وارجف
-لا لا تحبسني اخاف والله اخاف شـ.. طلع برا ماعرف شنو يسوي شوي ورجع ابتسمت بكسره عبالي رجع يطلعني تقدم عليه سحب ايديه ليورا فتحت عيوني بصدمه من ستوعبت شيسوي دايربط بيه حاولت افلت ايديه من قبضته وعيط وغلط عليه
-شدسويي حقييير عووووف ايديي عووف لك شلووون تگدر اسويي هييج شلوون ماااعنددك ضميير نگسس حيوووان عوفنيييي
همس قريب اذني لا تنسى انا مجرم
-اناني حقير
-بعدج ماشفتي شي من حقارتي
دفعني جا وگعت وراح متوجه يريد يطلع صحت وراه احجي بغصه
-اخاف والله اخاف..اخاف عنـ..عندي فوبيا من الظلام عفيه لاتسويها عـ..
مارد طلع وسد الباب واني تهسترت ابجي بصوت الغرفه مظلمه رحت امشي بهدوء اريد الباب نضربت بالحايط صحت بصوت ابجي واصرخ
-افتتتحه افتتتحه حيوووان رااح اموت والله راح اموت اخاااف.. اخاااف اخاف لككك بلا ضمييير حقييير كلببب افتتتتحه للباببب
ماكو صوت كعدت سانده ظهري عالحايط ابجي بصمت اخاف لا يجيني ج*ي أباوع بالغرفه ظلام دامس ايدي اذا رفعتها كدام وجهيي ماشوفها غمضت عيوني بخوف ورعب افتحهن وارجع اغمض يتهيألي واحد واكف بالزاويه لميت رجليه لصدري ادعي مايصير شي ماخليت لا ايه ولا سوره ولا حديث
فزيت مرعوبه من سمعت صوت حركه هادئة خارج الغرفه تقربت عالحايط اتلمسه بجسمي عالكيف اريد اوصل الباب كلشي ماشوف حجيت بصوت خافت الحقير انت هنا..، ماكو صوت اختفه رجعت لمكاني سندت ظهري عالحايط الغصه واگفه بصدري مداگدر ابلعها اباوع بالظلام فاتحه عيوني عالوسعهن من الخوف السواد بكل مكان اريد ألمح شي ضوا حتلو خافت ماكو عباره عن ظلام دامس
رجعت لمكاني تمددت مغمضه عيوني خايفه افتحهن ولگه مره فوگ راسي دائما اتابع افلام رعب كامت تجيني مشاهد الافلام واحد تلوا الاخر متت من الخوف غمضت بقوه ولساني مابطل من الدعاء
بجيت بحرگ گلب من اتذكر بعدي عن الله حجيت بهدوء شفايفي ترجف وجسمي يرجف الجو بااااارد لا تخافين شوك الله وياج مايعوفج لا تخافين ياربي خايفه احميني ياربي ماعندي غيرك ماعندي.......سامحني يا الله ادري كل هذا لديصير وياي لن متهاونه وي الصلاه ادري لن ماصلي اغفرلي يا رحيم ياغفور تذكرت من باسني الحقير بجيت بصوت گلبي عالساعه يوگف من الحرگه والرعب لبيه اغفرلي يا ربي وحق علي هوا سوا هيج اني ماجنت اريد يصير هيج هوا باسني هوا... حقير..مجرم انتقم منه يارب بعزيز گلبه
حجيت وشي بداخلي أرتاح
،، وٌآنِ مًسِنِيَ آلَضر وٌآنِتٌ آرحًمً آلَرآحًمًيَنِ
تنهدت بضيق اخذت نفس مختنگه منين ماباوع ظلام واني جنت عند اهلي من تطفه الكهرباء اگلب الكون بالبجي وهسه وين صرت كاعده وحدي بين اربع حيطان والمكان يرعب
سمعت صوت غريب مال حيوان بالغرفه شهگت بخوف من توضحلي الصوت مال ضفدع متت اذا واحد يذبحني ميلگه قطرت دم بيه كلشي ولا الضفدع اكثر شي اخاف منه الضفدع والظلام احسهم يردون ياكلوني
طفرت مرعوبه والصوت شوي شوي يقترب حكشت روحي بالحايط مشيت متوجه ادور عالباب المشكله ماعرف منين جاي الصوت لتفت اريد اعرف الصوت من اي اتجاه ماكو اسمعه من جميع التجاهات اتلمست بالحايط حسيت جسمي عالباب ضربته بكتفي عالكيف ليشوفني يگول سمعت صوت اسد ماجنه ضفدع بگد ايدي بس ايييع هم اخاف وهم تلعب نفسي
حجيت ارجف وحتى دموعي نشفت بعيوني هلگدما خايفه افتحه الباب غضب عفييه اذا انت هناا افتحلي الباب اخاف اجاني ضفدع والله اخاف منه عفيه حقييير تسمعني اعرف انتت هنا والله اعرف هسه شعرفني اني وحلف دخيلك ياربي رجعت اضرب بالباب ولصوت تقرب اكثر اخاف اخطي خطوه واجعصه يممممه غيير امووت
نعلان عفيه راح ياكلني هسه ياكلني صوت جاي يقترب منيي واخاف والله العظيم مداكذب اخاف لككك افتح افتح الله يموتك
سمعت صوت ضحكه خفيفه ابتسمت. ماعرف ليش افتحلي الباب جاي اختنگ الظلام يخوف وحتـ.وحتى صـ.صوو.صوت جايني واني اخاف منه ماكو صوت شوي وسمعت صوت باب الصطح نسد مادري نفتح صحت بصوت ابجي حقيييير اناااني الله يموووتك
گعدت سانده عالباب ابجي بكتمه كتمت النفس الصوت الضفدع اختفه شوي ورجع بس بخفه ماعرف شكد مر وقت واني على گعدتي نعست وخاف انام ولگه الضفدع يم راسي لو بحضنيي يمه شنو هاي الافكار الوسخه ايييع دعيت ربي وقريت سوره الكرسي بصوت عالي حتى اطرد الج*
ودعيت الامام علي يخلصني وتمر هاي اليله عالخير،،
تمددت لمه رجليه لصدري بوضعيه الجنين نزلت دموعي جمر ويوگع ع خدي غمضت عيوني مستسلمه لظلام ثاني غطيت بالنوم
حسيت بأيد تتلمس ببشرتي فتحت عيوني ناسيه شصار بيه البارحه طفرت فازه من ادركت اني وين رجعت ليورا بخوف من شفته گدامي ساند ظهره عالحايط لمقابيلي يباوعلي بنظرات ماعرف افسرها تقدم عليه قرفص گدامي بدون مايحجي رجعت ليورا اكثر مد ايده دارني عالحايط يفتح بايديه
فتحهن وكام طلع برا اباوع لمكان الحبل صاير أحمرر شوي ورجع بأيده. صينيه صغيره حطها گدامي بيها گلاص جاي بحليب وصحن بيض هوا طلع وقفل الباب دفعت الصينيه بهدوء ماشتهي روحي ممروده
باوعت للغرفه صغيره بيها كراسي وفراشات بيت وفراشات نوم صايرات ؏ صفحه شي فوك شي
م
تمددت الجو بارد والغرفه سيراميك صاير ثلج عيوني عالسقف مر شريط حياتي كله من جنت عند اهلي لحدما نخطفت نزلت دموعي مسحتهن فورا ماريد ابجي بعد ماريد اضعف لازم اقاوم واصبر ماتفيدني دموعي بشيء غير الستغلال من الحقير
مر اسبوع ؏هالحال كرهت روحي كلما ذكر باسني الحقير اكعد ساعات طويله ابجي ومرات ابقى لصبح استغفر بلكي الله يغفرلي وبهالفتره بديت اصلي
وهو يجيب اكل مرات اكل ومرات ماكل وهو بهلسبوع ماشفته قليل اشوفه ومن يجي يطلعني للحمام ويرجعني بأيده الغرفه شدلها ضوه صغير خافت بس احسن من الظلمه واصدقاىه دائمايمه ومرات اسمع صوت زلم قوي داخل مدري خارج البيت ماهتملهم لن هذا شغلهم مجرمين
لى من اجه هذا اليوم المشؤم
مره من المرات اني بالغرفه متمدده افكر بالمستقبل بنص تفكيري حسيت شي طاح عليه طفرت بفزع لا يارب مابيه حيلها گمت دكيت الباب اريد ادخل للحمام حجيت بصوت وييينك افتتتح الباب اريييد للحمام لككك افتتتحه اضرب بالباب وأحجي ماكو صوت رجعت افتر بالغرفه اروح ورجع
درت وجهي اريد اشوف مبين شي من ورا لن التراك لونه اخضر فاتتتح تنفست براحه من شفت ماكو شي شوي ونفتح الباب نداريت مفزوعه باوعلي بستغراب حجيت مرتبكه وخجلانه لا يعرف بالموضوع
-ءءاريـ.ريد للحمام
تقدم عليه بدون كلام سحب ايدي امشي وراه حاولة أفلت ايده عن ايدي ماگدرت جاعصها بين اصابعه طلع بيه من الغرفه نزل الدرج بهدوء وصل باب الحمام فتحه ودخلني قبل لا يسده حجه
-ألج عشر دقايق اذا ماطلعتي ادخل عليج
-هههه حتىى بهاااي، انتت شنو سالفتك ماتگلي لو تريد تتحكم بيه بالصغيره والجبيره
-هه متحكم بيج اساسآ
دفعني وسد الباب حقير نرفزه ضربت الباب برجلي معصبه اصيح اكررررهك حقييير رجعت غسلت وكملت بقيت بالحمام ماعرف شاسوي ومنين اجيب حتياجات نساء افرك بأيديه ضايعه
اجتي فكره بدماغي الغرفه اكيد بيها لن واضح مال مزوجين غسلت ايديه مره اخيره باوعت لوجهي بالمرايه يمه اخرع عيوني مورمات ووجهي صاير بطول الكف واصفررر اجتي عيني ؏شفتي اذكرت الحقير نزلت دموعي بحراره مسحتهن تنهدت وطلعت
مالگيته ستغليت الفرصه مشيت اتسحب لغرفته دخلت محد بيها رحت لكنتور فتحته اول خانه ملابس رجال والثانيه اطفال صغار وملابس مره جبيره مكركبات بدون ترتيب دورت الكنتور كلهن ماكو اخر شي لگيت بالخانه الاخيره اخذته ودورت دشداشه لبسها اخذتها
اريد اطلع هستوني فتحت الباب صار بوجهي ملامحه حاده مغضبه ضميت ايديه ورا ظهري حجه وهو يخلي ايديه بجيوبه
-شسوين هنا
-هاا..هـ.هيج ماسوي شي
-كتلج شسويين هنااا
-ماسوي شي والله بـ.بس هيج مجرد
-مجررد شنووو احجيي
بقيت ساكته ماعرف شأجاوب اجه عليه لزم ايديه يرد يشوف شنو بيهن ضميتهن اكثر مانعته دفعته عني اصيح
-عوفنيي شدسوووي شبيييك
-كتـ..
-معليييك شنوو بأيدي معلييك
بحركه سريعه منه سحب ايدي لبيها حتياجات رافعها ليفوگ بهتت ملامح وجهه من شافهن فلت ايدي بسرعه واني ودي اطم روحي من الفشله
حجه.بهدوء مـ.ما جنت ادري عبالـ..
-حقير
طلعت اعصاب طبگت الباب وراي قوي، دخلت لحمام سديت الباب سندت جسمي عليه بجيت بفشله ليش وگعت عليه هسه هاي ثاني مره اتفشل كدامه الحقير ستغليت الفرصه خل اسبح هم حمامهم سوا هوا حمام هوا م****
دخلت جوا الدش اسبح قريب النص ساعه اني بالحمام سمعت الباب تندگ وصوت يحجي ماهتميت كملت سبح خل يحترك بناره رحت عالملابس غسلتهن ونشفت شعري لفيته كبايه ليفوك بدلت باوعت بالمرايه بنص الحزن والقهر ضحكت علشكلي الدشداشه تلبس احلام هلگدما عريضه وطويله
اول ما فتحت الباب صار بوجهي بس بحلمي بعده ماطلعلي ردت احجي وسبقني يحجي صاييير اعصاب
-شسووييين جنتي صاارلج ساعه
حجيت ببرود
-شاسوي مثلآ
-موو گتلج عشرر دقاايق
قربت عليه تكتفت مبتسمه استفزه رفعت راسي له حجيت وعيوني بعيونه
-والله يبعد گلب امك انيي مامشي ورا كلام احد
دفعت كتفه عبرت من يمه واني احجي بعدم لا مبالاه وبالأخص الحقراء امثالك
مشيت مامهتمه مكمله طريقي صعدت الدرج هه صرت اعرف طريقي وين يمكن هاي تاليتي بعد ماشوف اهلي ابقى طول عمري وي واحد حقير
هستوني وصلت اخر بايه نسحبت ادي بقوه ندرت دورا كامله جا وگعت لو ما لازمني قربني له جسمي طخ جسمه ايد لزم ايديه ؏ظهري وأيد لزم فكي ثنينه واكفين ؏حافه اخر بايه عصر فكي يحجي بحد
-انتيي مجووزيين من سوالفج الى تردين اسويلج سالفه يلا ترتاحيين
-مامجذبه ااايي ايدي ايديي لككك عوفننني
رفع وجهي له اكثر عاصر فكي بقوه انفاسنه ختلطت سوا غورگت عيوني حجه وعيونه تتنقل بين عيوني
-ودااعت لمرمرن حالي، صبري محدود اذا مالزمتي لسانج ماتتوقعين شنو اگدر اسويي بعدج ماعرفتي منو غضب
-عرفت منو نعلان واحد حقيير ابن حقيير مايستحي مايخاف الله وابن زنا هم
ضحكت بنهايه كلامي وهو عيونه نطن تحولن حمرر من العصبيه فكي تكسر بين ايده وايديه اذا لگاهن صاحيات مابيهن كسر احمد الله ليوم مماتي
ماحس غير شمرني من الدرج وبحركه سريعه لزمني من ايدي تشاهدت للحضه مرني الموت لحضه گلبي توقف من المشهد مدري شلون اوصفه شمرني بايده زلگت رجلي للبايه الثانيه وهو بسرعه لزمني مدري شلون
عطت بيه الموت شعره عني مخببببل جا موتتتني
تقرب عليه يمشي واني ثبتت بمكاني بدون حركه اباوعله بحقد وافرك بفكي صار گدامي نصه راسه لمستواي انفاسنه تضارب بتعدت عنه ليورا لزم كتفي مقربني له حجه قريب اذني
-احسبيي اسبوع بس اسبوع يوم يوم مو بس بدخولج للحمام اتحكم لا حتى شوكت تنامين وشوكت تگعدين اسبوع وتصيرين لعبه بين ايدين غضب
باوعتله بخوف من كلامه لن مايحجي شي باطل كل كلامه ينفذه دفعته عني رفعت اصبعي بوجهه احجي بتهديد وثقه
-تحلممم شووف بس بحلمممك تتحكم بيه شووك انيي شووك لا تشوفنيي ابجي گدامك معناة اخاف منك بعدك ماعرفتني
ضحك بقوه لاكن سرعان ما رجعت ملامحه طبيعيه تخوف طلع جگاره ورثها وحجه يستهزأ
-كلج خلگ وحده گ*** بنت گ*** عائله طايح حضها
تقدم يفتح بباب الصطح درت عليه بكل جسمي احجي وارجف من الحرگه
-انتتت ابن الگ*** تروح سبع فدوات لابويه
-انا اروح فدوه.. يلا عادي اروحله فدوه بعد اسبوع اخذ حتى روحه
الخوف تملكني شيقصد بكلامه ردت احجي ماخلاني فتح الباب سحبني من كتفي يمشي بيه للغرفه يسحب بيه وراه مثل السجين
-شتقصد بكلامك شنو تاخذ حتى روحه..... احجييي
مارد يسحب بيه دخلني للغرفه راح جاب فراش نوم فرشه وخله مخده وبطانيه راد يطلع بقى واكف بالباب يباوع مدري لشنو بالغرفه باوعت بنفس الاتجاه لگيته يباوع لصينيه جابه وماكلت ماهتميت رحت عليه احجي
-احجي شقصدك.. مو داحجييي ويااك وين صفنتت
باوعلي واشر عالصينيه ليش بعدج مماكله
-ماريد،
-وليش ماتردين
-هه وشعلييك شعليك هيج عجبني ماكل
-مو بكيفج
-بكيفي
تقدم سحبني بقوه گعدني وراح جاب الصينيه خلاها كدامي وحجه اكلي
-گتلك مااريد هوا بكيفك
-اي بكيفي يلا دقيقه لكاج مخلصه الصحن
-ههههه اااخ ياااارب اااخ مليييت
-اكلي مو تسويلي بيها البطله
-البطله القندرره ماااشي القندررره
-عفيه صدك بهاي الدشداشه مو بس قندره لا جنج قرده بأيام القحط
-عالسَـ..
-كااافي اكلي بدوون نفسس
نخرست من صوت احلف عليه عنده انفصام هذا الجدال كله وبعدنه ماشفنا الصينيه هوا بقى واگف خاف ماكل واني هستوني ردت اكل وجان اشوف المنظر اييييييع
صحت بصوت ايييع شنووو هايي مارييد ما ئاكل بعدد
-ليش ست شوك
مارديت دفعت الصينيه دايره وجهي بلعبان نفس هو تقرب مقرفص كدامي باوع لصينيه عكمش وجهه وبعدها باوعلي وكال
-انتي صدك تحجين شكددد اكره النسوان لمايعات
-يا مايعات متشووف اييع لعبت نفسيي
-هنه ذبانات تصدكين عبالي ضفدع داخل بالحليب
من كال هيج تخيلت المنظر هيج الضفدع ماد راسه من الكلاص اييييع بعد ماتحمل راح اتقيأ دنگت اگح اريد اتقيا هوا اجه عليه يضحك لزم ظهري يطبطب عليه واني حتى ماكدر امنعه روحي راحت
-هههه ها اجيبلج مي شبيج هنا ذبانات اني لو منج غير اطلعهن واشرب عادي
دفعته عني اكح وجهي صار احمر وهو يضحك للحضه صفنت بضحكته حساس غريب زار گلبي اول مره اشوفه يضحك هيج بعفويه وبدون شر وحقد
سكت يباوع بعيوني واني مدري شبيه سرحت بعيونه اول مره اصفن بيهن وأركز لهدرجه انتبهت علنفسي تحمحمت عدلت كعدتي وهو كام اخذ الصينيه كال
-راح اجيبلج غيره
-ماكو داعي ماريد
مارد عليه طلع وسد الباب واني بقيت اغم بروحي هسه اكيد نتبه عليه اكيد عباله اباوعله ااخ يشوك ليش انتي شنو اسوين بس صدك اني شبيه ليش صفنت عليه لا لا مستحيل مستحييييل احب واحد مثله مستحيل شلون احبه وانسا لبارحه شسوى بيه
تمددت افكر اكيد عباله احبه هسه شلون شاسوي ماريد مجرد يفكر هيج تفكير ماريد ابين اني رخيصه وبدون كرامه شبيه هوا بس باوعتله ما نگلبت الدنيا اكيد ماعباله شي اي اي
طفرت من نفتح الباب اجه بايده صينيه ثانيه حجيت اسوي روحي مزعوجه حتى لا يفكر غير شي
-موو كتلك ماريد شكو اسوي روحك زين
-ومنو طلب رئيج هسه كدامي مثل الحبابه تاكلين
-بكيفك
-وغصبن عليج بعد
-انـ..
ماكملت كلامي باوعت لايده طلع مسدس من ورا ظهره سحب اقسام وحطاه بقربه بلعت ريگي بخوف حجيت اضحك جذب
-ههه عبالك اخاف عسما تخليها بكلبي ولا اهتم بس من الله اخاف لا تـ..
ماكملت كلامي حطيت ايدي ؏ اذني منزله راسي من سمعت صوت طلقه فوك راسي صحت بصوت يممممه تخبببلت شبييك
-هه لا مت عيني ماتخافين، ترفعي راسج بابا ارفعي بعد تريدني احطها ب..
رفعت راسي عالكيف اباوعله صوت الطلقه بعده يرن بأذني لتفتت على الغرفه مابيها لا شخط ولا مكان طلقه باوعتله اسأل
-ويـ.وين وين رميت
اشرلي بحواجبه ؏شباك صغير وبيه مروحه اصغر بعد ووحده من ريشات المروحه صايره تراب كلشي مباقي بيه يمكن ضربتها الطلقه
-بس شلون الشباك عالي
-مو كتلج بعدج ماعرفتيني..، اي وهسه
-هسه شنو
-هسه تاكلين لا حتى اعرف شغلي
يحجي ولزم المسدس مره ثانيه يريد يسحب اقسام صحت بيه
-لا لا اكل اكل
-هيج ومن اولها
مارديت قربت الصينيه بديت اكل تحت نظراته خجلت بس صوت الطمگ(صوت الاكل اذا اكلت) ينسمع
لزمت الگلاص ردت اشرب حليب تذكرت الذبانات رجعته لمكانه اييع
-خلصت ماريد
-ماخلصتي كملي
-ماشتهي
-شحجييت
-كتلك ماريـ.. سحب اقسام ووجهه عليه تمام نزله بس نزله والله اكل
سحبه مدري شلون وخلاه ورا ظهره راح اخذله كرسي گعد عليه كبالي ورث جكاره وعيونه تتنفل بملامح وجهي توترت من نظراته حتى نفسي نسدت
اكلت شوي خلصت ومسحت ايديه بالدشداشه
-كملت
اجه عليه شال الصينيه باوع بيه وحجه
-صار ربع ساعه اكلتي بس نص خبزه
-ماشتهي وخفت منك واكلت هواي
-اكلها نص خبزززه تكلي هواي، انتي ماتباوعين لروحج بالمرايه صايره جنج ابو بريص ولابس دشداشة امه
-انجب كلا من وراك من جنت عند اهلي جنت اجنن بس انت دمرتني
-ترى بعدني مابديت بتدميرج انتظري اسبوع وشوفي
-بلا ضمير أحجيي شنوو حيصيير بعد اسبوع
-انتظري الانتظار حلو والصبر احلا، عتبريها مفاجئة
-غيررر اعررف ماريد مفاجئة هسه كول
-نووو ماحجي احب انتظر لشيء نتيجته جميله
-واني اكرره اكرره الانتظار
-واناا اموت اموت ع البنيه مشاكسه التلقي هواي ف انتي ابقي ساكته لن اذا بديت اتعلق بيج صدكيني محد يخلصج مني ابقي ساكته لن اكره البنيه لتسوي روحها خجووله ا
مارديت عليه كعدت وسكتت يحجي بجديه اخذ الصينيه وكام سمعته يهمس بابتسامه وهو يمشي هه غبيه
فتحت عيوني بصدمه يعني يضحك عليه واني مصدكه لتفتت اريد اتعارك وياه لگيته طالع وساد الباب
تمددت بملل نمت بدون ماحس كعدت لكيت بعدها الصبح بس ماعرف كم الساعه كعدت لازم اغير ملابسي الداخليه ضربت عالباب ماكو صحت باسمه هم ما جاني صوته
ماكو شي اسوي اخذت كرسي خليته بقرب الحايط جوا الشباك صعدت ماكدر اشوف شي اخذت بطانية وفراش ومخدات خليتهن وصعدت فوكهن كدرت اشوف عدل
كدرت اشوف من بين الريشات وهم وحده مكسوره ف بقيت اباوع براحتي
كلها بساتين شكباارها والنخيل والحشيش يجنن وكو بستان حتى ورد بيه بقيت اباوع فتره شفت زلم ثنين ملثمين يخوفون اجو بتجاه البيت وكفو بمكان بيديهم جنط ثنين سود كبار يتلفتون ستغربت منو هذول
دنكت راسي من شفت غضب تقدم عليهم طلعت بس عيوني اخذ الجنط منهم وبعدها ختفه يمكن دخل بقيت اباوع ارجف علساعه يدخلهم عليه
شوي وطلعه بايده جنطه مثل لجانت بايديهم بس اصغر بهواااي حطيت ايدي ؏حلكي شاهگه من واحد منهم فتح الجنطه كلها فلوس سداها وسلمو ع غضب وراحو وصلو لنهايه البستان وغضب بعده واكف اشو واحد منهم رجع يركض مد ايده بجيبه طلع ورقه بس شكلها مو وحده
اخذه ودعه وراحو وهو فتح الورقه بقى يباوع بيها ابتسم بهدوء صفطها وحطها بجيبه
رجع دخل للبيت نزلت كاعده على المخاد افكر حايره من هم وليش انطاهم فلوس وشنو بالجنط وهاي الورقه شنو مكتوب بيها وليش ابتسم الف فكره وفكره واجن ببالي وكلها افكار شيطانيه تخوف
سمعت صوت باب الصطح مالحكت انزل ونفتح الباب وكعت ؏وجهي والفراشات فوكي بعدتهن عني اجه بسرعه علامات استغراب مرسومه ؏وجهه شال الفراشات عني رجعهن لمكانهن واني بقيت گاعده بمكاني خنست ساعه بطلة البطلات وساعه اجبن الجبينات
حجه بعصبيه مكتومه وهو يشيل اخر مخده من الكاع
-من شوكت واكفه هناا
كمت عدلت ملابسي ومشيت متوجهه للفراش
-تكدر تگول قبل لا يجونك الزلم
-عتبري نفسج ماشفتي شي ها ولا سألي ايشي
-منو هذول
-كتلج كأنو ماشفتي شي
-وليش انطيتهم فلوس
-هه انا شكاعد اصخم
-والورقه شنو بيها
شمر المخده عليه بعصبيه اجتي بوجهي عاط
-گاعددد احجييي اجنبييي
تكتفت احجي بعدم خوف وداخلي هم زين محد يشوفه يبجي دم من الخوف
-والجنط شنو بيـ..
ماكملت كلامي اجه عليه بسرعه لزمني من شعري الكبايه طاحت بأيده انحل من الطول
-انااا شحجيت
-ليش هيج خايف
-من شنوو خاييف ها من شنو
-ااخ ماخايف ماخايف بس عوف شعري
عافه مبتعد فروه راسي موتتني مشيت بهدوء اخذت بطانيه ورجعت بمكاني عدلت المخده تمددت متجاهل نظراته غطيت جسمي كله حتى راسي بقيت فتره جوا البطانيه دموعي بللن المخده
ستغربت ماسمعت صوت الباب من نفتح لعد شوكت طلع طلعت بس عيوني من البطانيه جفلت گلبي وگف للحضه من شفته گدامي بعده ؏وگفت وعيونه مشالهن عني
ماهتميت رجعت غطيت راسي بس هالمره مو دموع لا، توتر قريب الخمس دقايق طلعت راسي من البطانيه مزعوجه تاففت من شفته بعده ؏وگفت ونظراته نفسهن يباوع ببرود
گعدت ؏حيلي حجيت مزعوجه خير تصنمت وبقيت
مارد عليه نظراته تخوف عيونه مايرمشن خفت خاف دخل بيه جني تحمحمت وحجيت
-احم هيييو شسالفه ويين صفنت تـ.
طلع بدون مايحجي شي هه شبيه هذا عطت وراه مخبببل ماينحجـ.. ماكملت كلامي ونفتح الباب فورا دخلت جوا الطانيه سمعته يحجي
-منو المخبل
بقيت ساكت النفس كطعته سمعت الباب نسد شمرت البطانيه عني احجي بعدم خوف مخبل وبن مخبل وحقير ابن حقيير ههه عباله اخاف منه عدلت كعدتي أطوي بشعري مكمله كلامي
-مجرم من باب الشرجي مايخوفله ذبـ..
حطيت ايدي ؏كلبي من سمعت صوت جداحه لتفتت عليه صحت بصوت يمممه عززه
واكف ساند ظهره ؏الباب وبايده جكاره قريت ؏روحي الفاتحه انتهيتي يشوك انتهيتيي ضحكت بخوف انقذ الموقف ختفت ضحكتي من شفت ملامحه مثل ماهي تحمحت لابيه ارجع انام ولابيه ابقى كاعده اخاف
اجه عليه گعد گدامي يباوع بعيوني مد أيده البيها جگاره قريب اذني غمضت عيوني خايفه يطبعها بوجهي حسيته طفاها بالحايط فتحت عيوني ببطء حجه بتهديد
-اذا سمعتج غلطتي مره ثانيه الجگاره اطفيها بالسانج
بقيت ساكت حجه بهدوء فهمتي
هزيت راسي بقبول خايفه عافني وطلع غميته احجي بهمس دوليي بابا خايفه منه تهيبهي تخل اطلع وشوف شأسوي بيك اول واحد اسجنه انتت حقييير
رجعت تمددت بتعب وهموم تغطيت وبدون تفكير نمت
كعدت مفزوعه ؏صوت بجي وصراخ باوعت من الشباك الدنيا ليل حطيت ايدي ؏گلبي اريد اگوم ماكو صوت بجي قوي وكفت حطيت اذني عالباب الصوت يهدء ويرجع يعله لزمت مقبض الباب حركته اشو هذا نفتح ياستار شصاير حتى الباب مخليه مفتوح
طلعت من الغرفه اتسحب والصوت ختفه نوعا ما فتحت باب الصطح هم مفتوح نزلت امشي بهدوء گلبي وگف هستوني خطيت خطوه عالبايه الاولى من فوق الدرج
حطيت ايدي ؏حلگي شاهگه......
_________يتبع...
رئيكم بالبارت🌷
ادري تأخّرت بالتنزيل بس انتو تعرفون ضروفي ووضعي هاي ثاني مره ينسحب مني التليفون و؏اسباب تافهه
البارت كتبته بسرعه بسرعه تقاضو عن الاخطاء جنت احسب اكتبلكم هواااي بس صدگوني مالحگت