الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
بالبداية ..
اسفة على التأخير بس مو ذنبي .. كتبت بارت شطولة بس للأسف غلطت وبدال الحفض مسح وانمسح كل تعبي ..
وهسة راح انشر بارت .. وباجر أن شاء الله تعويض بارت الكم 💋
نتصالح بي 😉😔✨
____________________
- منيننننن جبتوووووو ؟؟
كاعدين ومدنكين راسنا .. لأن إذا رفعنا راح ينحر ..
غضب الدنية كلها بي .. حساب وكلمة اقوة من الثانية ..
دامِس : هاذذذذذ نگسسسس .. وصخخخخخ كلةةة وصاخةة وجراثيممم شلونننن يدخلللل البيتتتت ..
باوع على الحر .. ورفع ايدة ويحجي ..
دامِس : وانتةةة .. من اهمالكككك عايففف الباببب الچلببب بالبيتتتت يتمختررر ويدلععععع .. هيةةة هاي مسؤوليتكك !!
الحر : نسيتت م...
دامِس : اششششش
ابيجيل : رفعت راسي منفعلة .. وكلت
- نريدددد ندافععع على رووحنااا .. خبصتنااا اسئلة وما تخلينا نجاووببب شلونننن نحجييي يعننييي شلون نجاوبككك
باوعت علي .. كاض روحة بالكوة ما يضحك .. بس الحر ضحك وهوة ضحك .. جر الكرسي وكعد وكال
دامِس : يلة بلةة .. احجيي .. جاوبيي
ابيجيل : شوف .. احنا جنا ناكل .. وسمعنا صوتة ورحنا ندور ولكينا خطية
دامِس : اييييي .. وأنتي لزمتيي !
ابيجيل : لاااا
دامِس : ليشششش
ابيجيل : اخاففف
دامِس : أي عفيةة .. كلة جراثيم خيوليي
ابيجيل : بس هسة راح الزمة
ضحكو وكال ..
دامِس : وانتة أستاذ حر !!
الحر : أني شنو ؟
دامِس : شلون هيج لازمة !!
ابيجيل : اكلكم هوة شسمة ؟ كلب لو چلب !
دامِس : اسد
ابيجيل : ايععععععععع .. هاذ الأسد الخبصتوني بي !
الحر : شنو مو بعينج !
ابيجيل : هوة حلو بس انتو كلتو جبير الأسد بس هاذ بكد أيدي !
دامِس : أي هوة هاذ !
ابيجيل : هههههههه .. أني لو حيوان وبالغابة إلي بيها هاذ الأسد .. اسوي ابني
ضحكو وما أعرف على شنو يضحكون ..
دامِس : يلة .. شفتو هاي هية روحو ذبو يلة بساعع
ابيجيل : كمت اطفر واتوسل بي يعوفة ..
- شنيةةةةة شنيةةةةةة .. انتةةة تروححح وأني ابقى وحدي شنيةةة .. والله أول مرة اشوف هيج والله حبيتة عوفة حباب عوفةة
بعد ما صرت ابجي واصرخ وهوة ما يقبل ..
واخيراً قبل ..
دامِس : بس باعي من هسة انطي شروط !!
ابيجيل : ايي اييي موافقة عليهنن عادييي
دامِس : مو تتندمين .. ترا الاستعجال مؤذي للبشر ابيجيل .. لازم تفكرين كلش زين يالة توافقين على شي ..
ابيجيل : دامِس والله احبة حباب خلي
دامِس : أي هسة شكتلج !! قابل راح نذبة بس شروط ابيجيل
ابيجيل : وشنو هنة !
يفتر حولي ويجر بالكلام جر ..
دامِس : أول شي ..
ابيجيل : اييي
دامِس : أخذة ا....
ابيجيل : بعدة ما كمل كلمتة وصرخت ..
- لااااااااااااااااااععععععععععععع .. ومحمددددد ما تاخذةةةة لو تموتتتتت والله والله
ضربني على حلكي خفيف وكال
دامِس : اخذة للدكتوررر بربوكتييي .. شبيجج نكرصتي
ابيجيل : هاا .. أي شيسويلة دكتور ! صدك شنو أكو دكاترة بالدنية !!
دامِس : أي بس مال وحوش وحيوانات ..
ابيجيل : زين شلون إذا انجرحتو داوون روحكم !
دامِس : مو كبالج اجي هنا واعالج روحي ! الناس كلها هيج
ابيجيل : هااا .. أي كمل
دامِس : وما تلزمني وإذا لزمتي تغسلين ايدج 10 مرات مفهوم !
ابيجيل : أي ..
دامِس : والباقي افهمج علي .. هسة روح حر أخذة خلي ينضفة ويسبحة الدكتور ويسوي فحوصات عامة ويتأكد ماكو أي مرض
الحر : تمام .. تعاي بوسي قبل ل....
دامِس : لكككككك .. تريدددد توصخهااا .. روحححح روحححح ..
ابيجيل : ركض الحر .. ورجع دامِس يدردم علي ..
- لا بارك الله بيكك .. وصخخ
ابيجيل : شكدد حلواتتت .. اكو مخلوقات جميلة بهاذ الجمال ..
دامِس : بس أنتي أجمل خلق الله
ابيجيل : اجة وحضني حيل .. حيل .. عوض الشهر ونص مدري شهرين بحضنة القوي ..
دامِس : بعد ما اعوفج .. تعذبت من ما شفتج ارجوانتي تعذبتت .. جنت مصب روحي بصورج بس اخخخ .. يزيد شوگي وما يقل .. ارجوانتي مشتاقلج
ابيجيل : سكتت وما انطيت أي ردة فعل هوة ضل حاضني الساعات طويلة .. وكل كا أريد اوخر منة يقيدني أكثر ..
*****
سدِم : يبس دمي .. حسيت بدوخة مو طبيعية وگلبي يوجعني حيل .. بطني لوتني حيل ..
تخربط وضعي كلش .. عفت الهوسة وعفت تسألات البنات ورحت .. امشي ورجلية يرجفن ..
وسوسات الشيطان احتلت عقلي ..
امشي بالشارع .. هادئ وماكو أي صوت .. ضلام وضوء خفيف يكفي نشوف الطريق ..
وصلت للحديقة .. ضليت ادور .. وصلت الأخير وشفت شخص يلوح بأيدة .. ركزت أكثر وشفت مرة .. ضخمة .. صاحبة جسم انثوي بشكل اوفر .. شفتها منفوخة .. وجناتها منفوخة .. عيونها رصاصي فاتح كأنها وحش .. ومكياجها اوفر كلش .. وخرت الصاية إلي لابستها وبرز بطنها ..
امشي بأتجاها واكول بگلبي ..
- هية هاي إلي خنتني وياها ثعلب ! هية هاي .. ياريت لو حلوة
وصلت يمها .. وكفت بكل شموخ الدنية .. وهية ضحكت ضحكة مال *** ..
وكفت رافعة راسي .. وكلت
- بدون مقدمات وكولي منو أنتي ؟؟؟
ضحكت ضحكة رنانة .. ضحكة ضهرت شخصيتها السيئة
ضلت تتماوع بحركاتها وكالت بأبتسامة ..
- أنتي مرتة موو ؟؟
- نعم .. وارجع واكرر منو حضرتج ؟؟
ضلت تعلج وتمشي وتتماوع بمشيتة .. وراحت باتجاه جنطة سودة جبيرة كلها جلد ..
طلعت فايل لون زيتوني واجت تعلج وتباوع علية بنضرات مو حلوة وكان تشمت بية ..
وصلت يمي وشمرت الفايل على الميز وخلت ايدها على خصرها وضلت تطلع صوت بالعلج ..
ما ردت انطيهة اهمية واحسسها هية مهمة أو حجيها يهمني عفتها ورحت .. بس سرعان ما جرتني من زندي .. بردة فعل قوية ضربتها راجدي وكلت بتحذير
- لا تلمسيني لجج
ضحكت وكالت ..
- ماخذلة لبوة .. المهم .. فتحي الضرف وشوفي كلش حلو .. بس مفاجأت حلوة شوفي راح يعجبج
- خزرتها ورحت أخذت الفايل ..
اخخخ ياريت لو عايفتها ورايحة .. ياريت ما شفت الي شفتة .. اكلب بـ الأوراق عبارة عن صور !!!
صور بالمسمة " خطيبي " .. صور موزينة بمعنى الكلمة ..
ضليت جامدة بمكاني واگلب بـ الأوراق ..
مرة ، مرتين ، ثلاثة ، أربعة .. أكثر من 10 مرات ارجع اعيدهن .. أريد اصدك الي شفتة حقيقة لو حلم !!!!!
ضحكت وكالت ..
- ما صدكتي موو ؟؟؟ .. خوش اواريج الاحلى
- رجعت النفس الجنطة .. ونفس المشية ونفس الحركة
أجت جايبة وياها ورقة أجت مقابيلي وكالت ..
- اتحداج تحزرين شنو ؟؟
- ضليت مصدومة حتى ما كدرت احجي .. لساني مدري وين راحح !! كررت كلامهة وشافت ماكو جواب وضحكت ودارت الورقة علية ..
ياريت لو بقت بس على الصور ياريتتتتت ..
- ههاييييي .. شوفي هاذ سونار .. رحنة أني وعزيزي وسوينا وطلعت حامل وبشهر الـ رابع ..
- ا... أنتي و... ويا ؟
- لعد ؟؟ وحدي اروح ؟؟
- حا... حامل من..ة
- أي وعلى عنادج .. راح يصير أبو اطفالي .. فا أحسن الج تعوفينة نستقر الوحدنة ولا تفرقينة وتوكلي راوينة عرض اجتافج ..
سدِم : راحت .. وعافتني بصدمتي ! .. بقهري ! .. بكسرتي !
حامل .. وراح يصير آب ! .. وعرسنا بعد أسبوع ؟؟!
حيلي انهد .. وكعت بالكاع منهارة ..
خابرت الثعلب بعد تفكير طويل ! ما مصدكة أي حرف كالتة !! ..
- ثعلب .. هسةةة تجييييي .. هسةةةةة تجيييييي
ما خليتة يحجي أي شي .. سديت الخط منة .. وبقيت بالمكان إلي أني بي .. مر شريط حياتنا أني ويا .. تذكرت كالت حامل !! وبشهر الرابع !!
يعني أني جنت ويا ! .. واحضنة وابوسة وهوة جان ويا غيري ! وصار ضنا برحمها !!
ساعات .. وساعات .. مرن وأني بمكاني ..
حاضنة رجلية وأفكر بـ لا شيء !
تقريباً بـ 7 الصبح .. كمت وأني روحي طالعا مني ..
رحت للبيت .. لكيت الباب مفتوح والخوالي كلهم ومن ضمنهم الثعلب ..
أول ما شافوني انصدمو .. واجو يركضون علية وأولهم الثعلب ..
حضني بقوة وضل يحضني ويبوسني ويسأل .. وأني مصدومة .. واكول بيني وبين نفسي ..
- معقول هاذ نفسة ! .. شلون يكدر يمثل .. خايف علية وعندة مرة وحامل بضنا ! ويحضني ويبوسني وخايف علية !
شلون يكدر يمثل ؟ ..
بحالة صدمة .. اخذني جوة وأول ما شافتني جدتي حضنتني وضلت تبجي ..
اجة خالي متعصب ويسأل وأني بحالة صدمة ما احجي أي شي ولا أجاوب ..
مر وقت وأني مصدومة .. كلهم سكتو من شافو حالتي .. ضلو يتعاملون طبيعي ..
رجف جسمي .. غمضت عيني برجفة وفتحتها .. وكأن صحيت .. جنت بعالم ثاني .. وهسة صحيت منة ..
كمت وأني غضب الدنية كلها بگلبي ..
وصلت للمطبخ وثعلب اجة .. رحت وضربتة راجدي مرت خالي شهكت .. والثعلب انصدم ..
سدِم : تضحك علية ولككك .. تضحكككك عليةةةةة عبرتهااا الكك لأن احبكككك وهسةةةة تجيييي وببطنها ضناكك .. هاذذ حبك يثعلب هاذذذ حبككك
راد يبرر .. بس ما سمحت الة أبد ..
صرت اكسر كلشي اشوفة كبالي .. رادو يلزموني بس ما اخليهم .. ومستمرة أصرخ واصرخ ..
حبي آلة مو طبيعي .. احبة حب .. أكثر من روحي والله .. وهسة بكل سهولة .. حب 6 سنوات ما أعرف أكثر أقل ! .. بدقائق اكتشف مرة حامل منة وعرسنا أسبوع بس !
لزمني حيل علمود يقيدني .. تخبلت .. حرفياً تخبلت خنكني تقربة خنكني .. صرت أصرخ واشيل روحي واركعها بالكاع .. أريد بس يعوفني.. خنكني تقربة خنكنييي ..
عضيتة ورحت ركضت الغرفتي .. قفلتها وكعت منهارة .. حسيت بخنكة بگلبي .. خنكة قوية الدرجة نفس ما كدرت أجر ..
وصرخت صرخة .. طلعت من أعماق گلبي
صرت اضرب بروحي وأني أتذكر حبة ، حنانة ، دعائي قبل كم يوم ..
' اللهم ابعد عني كل شيء موزين إلي .. وقرب كل شيء يفرحني ويجلعني سعيدة '
ما توقعت راح يبعد أكثر شخص حبيتة بحياتي ..
اعتبرتة أم ، أب ، أخ ، أخت ، صديق ، حبيب ، صديقة ، زوجي .. وحتى روحي !
سمعت صوتة وهوة يريدني افتح الباب ..
ضربت روحي وكلت ..
سدِم : وخرررررررر .. روحححح روححححححح
ضليت اباوع على الغرفة .. ادور مكان اضم روحي بي !
ضل يهدد يكسر الباب ..
أخذت تليفوني المشمور على الچرباية .. وخابرت على كل صديقاتي بس ماكو !
ما الومهن هيج وقت دوام ويتجهزن ..
تذكرت نوسة !
ضليت اردد اسمها وصوتي يرجف .. ادور اسمها وايدي ترجف .. ردت بساع الحمدلله .. روحي رايحة وكوة حجيت وياها ..
سدِم : لججججج نوسةةة .. محتاجتججج نوسةةة
اسة : ياعيوننننن نوسةةة .. شبيججج سديمي شبيجج
سدِم : لججج راحح اموتتت اختنكتتت ومحمددد تعاييي اخذينييي منهمم اسةةة اخذينييي كسروني والله كسرونيييي
اسة : بس اهدئي حبيبتي .. هسة اجيج والله هسة بس فهميني شكو !
سدِم : ردت ارد بس الثعلب ..
- افتحيييييي الباببببب لا اكسرةة ومحمددد ..
سدِم : صرخت بكل علو صوتي ..
وللأسف كسر الباب وشمرت تليفوني ونكسر ..
اجة هوة وخالي والولد .. ما خليت شي كبالي ما شمرتة عليهم .. ما أريد أحد يتقرب يمي ..
سدِم : كسرتنييييييييي .. كسرتننييييييي ولكككك ثعلببببب .. صرتتت كل اهلييي وهيج تجازينييي ولككك هيججج !
صرت أصرخ واوخرة بس ما يقبل ..
حسيت بحرارة بجسمي مو طبيعية .. حسيت نار ولزمت جسمي .. دوخة مو طبيعية ..
عرفت راح يغمى علية .. وصرت اكول بيني وبين نفسي ..
- لاااا .. اقويي .. لا تتخربطين ..
وللأسف .. اغمى علية ..
****
- ساعديني .. أيدي توجعني
سمراء : تدلل حبيبي ..
لبستة الدشداشة .. وعطرتة .. قبلني بخدي وكال ..
صگار : احبج يا أجمل خلق الله
سمراء : ابتسمت .. قبلني من شفتي .. وباس علي ونزل .. بدلت الـ علي ونزلنا ..
التهيت بشغلي وما اهتميت الوحدة منهن ..
مر الوقت وسمعت حيدرة يبجي .. وايقنت عمة راح تجيبة إلي .. وفعلاً نص ساعة وجابتة ..
هستوني خلصت المطبخ وأجت ..
خديجة : عمة .. سمرة تعاي رضعي جوعان
سمراء : اخذتة منها وأني مشتاقة الة كلش .. بستة ورحت امشي وابوسة واشتم عكرة اليخبل ..
عفتها تحجي وتدردم وسديت باب غرفة عمتي ..
رضعتة .. وخليتة شوية يمي ..
حللتة وجان هادئ .. ضل يگلب بأيدي .. ويتثاوب .. صرت ألعب ويا والزم أيدي إلي محسساتني وحش
انتبهت على عيونة .. صايرات لون رصاصي .. خشمة مثل خشم صگار .. بس عيونة علية .. واشگر عكس علي .. وأني اباوع علي .. واناغيلة .. ابتسم ..
طارت روحي ويا ابتسامتة .. شلتة وصرت ابوسة واحضنة والعب ويا ..
مر وقت شبه طويل .. انركع الباب حيل ..
بشرى : ولججججج .. خذااجججج الواهسسس وياا ابنييي .. جيبيييي
سمراء : بكل هدوء .. فتحت الباب وانطيتة الها واخذتة وعفتها تغلط وتحجي ..
بس ما ضاع حقي ولا اهانتني ..
غزل ، الشيخة ، وعمي ، عمتي .. والولد ..
ضلت تاكل بروحها أكل .. لأن همة يدافعون إلي والحمدلله ..
رحت أحضر الغداء ..
تغدينا وكمت اغسل مواعين .. خلصت .. صعدت نمت
فزيت على صوت همس .. ميزت الصوت .. وصوت غزل ..
غزل : سمراء .. اكعدي راح نسوي كعدة عصرونية اكعدي
سمراء : تمام .. جاية بس لا تكعدين علي .. روحي روحيي
غزل : ولعباس ترا اصيح
سمراء : هههههه .. شحدج
راحت .. وكمت ابدل .. كخشت وخليت مكياج بسيط وعطر حلو .. ونزلت يمهن ..
خلصنا العكر من الـ 3 ونص .. الحد الأذان .. سوالف وضحك واجو الجهال وكعدو وخبصونا ..
بالرغم صوت صريخ الجهال .. يسطر .. لكن الهدوء البـ الگلب من نشوفهم ونشوف هوستهم ولمتهم مو طبيعي ..
كذالك بشرى أجت .. بس مو محبتاً بينا .. لاا أجت علمود تحرك گلبي .. وصح حركتة .. لكن ما بينت أبد
بشرى : عينيي .. شوفو ابني شحلاتة صاير ..
خديجة : يمةة صگيرر بزغرة ( صغرة )
بشرى : لااا عمة .. يشبه أحمد
الشيخة : لاااا لاااا لاااااع .. منين اجة أحمد ! هوة ضنى صگير ويطلع أبو ! منين اجة أحمد !
سمراء : ضلن يضايقنها بالحجي .. واخر شي ..
بشرى : يكبر ويصير سند إلي .. واكلة على امة الجابتة شلون نگسة وحقيرة
سمراء : بس راح تكون الة عين ويشوف منو الحقير ؛
بشرى : عاجر
سمراء : درت وجهي على عمتي وكلت ..
- اوففففف عمة .. لعبانة روحي هاي الأيام كلها .. مدرس شجاني
كالت بفرح ..
خديجة : يمةة الوليد الصالححح يكون أخو العلي
سمراء : لاا عمةة .. بعدة ما صاير 4 أشهر حيدرة نوب أحمل .. رحت بيها
كلنا صرنا نحجي بهاذ الموضوع .. وبشرى انفجرت ضلت تغلط .. وتغلط .. وتغلط .. لحد ما طردتها الشيخة .. وضلينا نسولف .. لحد ما أذن ورحنا نصلي
وهيج خلص اليوم ..
*****
طلعت من الامتحان منهارة .. دموعي ما سكتت أبد
امتحان مهم .. ما جاوبت ولا حتى سؤال واحد ! وفوك ضيمي ما نايمة صارلي يومين ..
ادريان مريض .. كلش مريض .. صخونة مالتة مرتفعة .. اليل كلة نحاول نهدئهة ماكو ! ..
رجعت للبيت وأني اشهك .. تلكاني مهيب
مهيب : هاي شنووو .. ليش تبجين فوجي .. شبيجج
فوج : شمرت روحي بحضنة وصرت اشهك ..
هدئت وسولفتلة ..
مهيب : فوج بعد شهر يالة أخير السنة تكدرين تعوضيهن بغير امتحان .. أو الأستاذ يحبج ويقدرج وراح تكدرين تقنعي يعيدة الج !
فوج : ما أعرف .. ما أعرف والله .. هاذ ثالث امتحان كلشي ما أجاوب .. هذاك الامتحان أخذت بي
1 من 100 تخيل والثاني صفر ! وهسة هم ما أجاوب !
حضني وضل يهدئ بية .. بعد ما هدئت تذكرت عندي أبن مريض ..
فوج : شلون صار ادريان
مهيب : صخونتة قوية .. حاولت وياها .. أخذة الصديقي دكتور أطفال واشوف شبي
فوج : شوكت
مهيب : العصر
فوج : ضحكت ضحكة قوية .. واستمريت بيها ..
مهيب : ههههههه .. شبيجج .. ضحكة خير أن شاء الله
فوج : امة طب عام وابو طب قلبية ونوب ناخذة لدكتور ..
ضحك وأني فطست ضحك .. هدئت وكال ..
مهيب : أي أنتي بعدج ما مخلصة الطب .. وأني قلب وهوة مشكلتة مو قلب ! ولازم ناخذة الدكتور أطفال لأن هوة طفل
فوج : ضحكت وكمت ..
حضرت الأكل .. ورحت بدلت على ما يستوي كلش ونزلت ولكيت ادريان ..
- ياااا ماميييي .. حبيبيي .. مشتاقتلك كلش حبيبي
رحت حضنتة وهوة هم .. صخونتة ما تنحمل .. اخلي أيدي انجوي ..
فوج : مهيب خلي نقيس حرارتة !
فعلاً .. راح جاب البيورار وقاس حرارتة ..
انصدمنا من طلعت 44 .. وهاذ الشي كلش موزين على الطفل .. وبين قوسين خطر !
باوعنا بوجه الثاني مصدومين ..
كمت وأني ارجع شعري ورا اذني ..
فوج : مهيب .. رايحة ابدل خلي ناخذة .. حرارتة خطرة !
وفعلاً ما كال لا .. ركضت ابدل .. ونزلت طفيت الأكل وبدلت الادريان .. وهوة يتألم من بطنة ..
مهيب : ها بابا .. عيوني وحبيبي .. بطنك توجعك حبيبي !
فوج : ضل يبجي من بطنة .. دائماً يشكي .. ثلاث أيام يشكي منها وهاذ الرابع .. باوع علي وسرح ..
رجع باوع علية وكال ..
مهيب : احتمال افلاونزة ( انفلونزا ) قوية
فوج : بس غير احنا ننصاب بيها !! مو هيج !
مهيب : افلاونزة معدى
فوج : شهكت .. وانصدمت .. وصدمني أكثر من كال
مهيب : ادريان جهاز المناعة ضعيف ! وهاذ الشي يؤدي للوفاة ..
فوج : هنا متت .. حسيت بدوخة مو طبيعية .. حسيت كلشي صار أسود كلشي ...
*****
- وخر دامِس ..
ما سمع مني .. وتجرأ أكثر .. صرت أدفع بي وأني خايفة من ردة فعلة أو خايفة يضربني .. ضل يتجرأ بطريقة أبد مو حلوة !
وكل ما ادفعة يتقرب أكثر .. وكأن أذنة تعكس كلامي !
تجرأ بشكل مقزز .. دفعتة وصرخت ..
وهوة ضل مصدوم .. ويباوع على وجهي .. بعد وقت قصير وهوة مصدوم .. كال
دامِس : ليش تنفرين مني !
ابيجيل : شنووو هذنييي الحركاتت .. ما تستحيي
دامِس : بس أنتي مرتي ومحللة علية !
ابيجيل : بس أني ما أريد اصير مرتك .. ما اريدددد
دامِس : ارج....
ابيجيل : دامِس .. إذا أني غالية عليك كافي .. راح تحجي وراح احجي ورا تصير عركة .. ونبي تعبانة ومالي خلك مشكلة حباب ..
عفتة ورحت امشي وأني ارجف .. مخلية أيدي على گلبي وأني امشي .. وخايفة خاف ينفجر وما اكدر اركض لأن شعري يكدر يعيقني ..
بس عكس إلي توقعتة .. لا صيح ولا تعارك ولا أي شي سوة .. رحت وطبيت الغرفتي وقفلت الباب ..
مر وقت طويل وأني خايفة من هدوئة ..
حسيت بدكات گلبي .. رجفة احتلت جسمي .. عرفت راح يصير شي .. وفعلاً .. دقائق عديدة ..
وما أسمع غير صياح وتكسير ..
كمت اطفر وعيوني من وحدها تطيح الدموع .. متت متت خوف .. أعرف راح يجي علية ..
حسيت الصوت بدة يقرب .. وسمعت صياح دامِس
دامِس : كلةةة من سببكك .. كلةةةةة من سببككك كو**** .. كلةةة من وراككك انتةةة .. اعرف بيك انتةةة وزوزت براسهاا وخليتها تبتعددد انتةةةة .. كلةةةة من سببك تنفر مني حقيرررر ..
ابيجيل : الحر يحجي وهوة يحجي والچلب وياهم على الواهس ..
تذكرت الچلب إلي جابة الحر .. شهكت وكلت
ابيجيل : عزا العزانيييييييي .. راحح يكتل الچلببب هسةة عزااااااا ..
لميت شعري .. وطلعت .. لكيتهم وحوش واحد ياكل بلحم الثاني والچلب يمة بصفهم يعوي ويحرك ذيلة
رحت اصيحة ..
ابيجيل : ولكك تعالل .. يمعودد تعاللل ترا هذول وحوش لا ياكلوك يمعوددد
اصيح علي ماكو ما يسمع ! وأني أخاف الزمة .. بعمري ما لزمت هيج شي ..
اخر شي ..
ابيجيل : لككك حيواننن ابن حيوانن دتعالل ..
ورحت كضيتة من ذيلة وجريتة .. وركضت أني ويا
وهوة يعوي بقوة .. شمرتة بالغرفة وعفتهم يتمالخون
شمرت الچلب وهوة يعوي ..
ابيجيل : لكككك حيوانننن مو اصيح عليك ليش ما تجي .. حيواننننن
ضل يعوي واجة علية .. يابةةة هنا تخبلتتت ..
صرت اركض بالغرفة وهوة يركض وراي ..
ابيجيل : حباببب وخررررر .. ولككك مچلوببب وخرررر .. يمعودددد
لحد ما كض شعري وضل يعض بي .. رحت ضربتة راجدي وعوة وأني عطت أكثر منة
ابيجيل : أنجب .. ادبسز .. أنجب صوتكك حيواننن
فهمني وسكت .. وهنا كلت ..
- يعني انتة تفهمني ولك !
عوة واحذتها اجابة بمعنى ' أي ' ..
ضحكت ورحت تقربت وأني أكول ..
ابيجيل : حباب لا تنچلب علية .. بس خليني الزمك اشوفكك
وصلت يمة .. وأول ما خليت أيدي على راسة طفر علية .. صرخت وضحكت بنفس الوقت ..
وكعت بالكاع من خوفي وهوة بحضني .. تشجعت ولزمتة .. حسيت أمان هوة .. وصرت اهوس بشعرة
صرت العب ويا واندمجت بشكل مو طبيعي ..
فززني صوت دكة الباب ..
الحر : ابيجيل
دامِس : ارجوان
ابيجيل : انجبو وروحو تمالخو .. بعد ما افتح الباب
حسيت على ضحكت الحر ..
الحر : تمالخنا وهاي هية .. افتحي الباب
ابيجيل : رحت فتحت الباب وأني شايلة الچلب ..
شافني دامِس وهوة تخبل .. صاح بوجهي وجرة مني وشمرة وجرني .. اخذني على جهة الحمام وأني أصرخ ..
دامِس : وجههه البومةةة .. ولجججج ليششش تلزميي هيجججج ليششششش
ابيجيل : والله حباب ونضيف دامِس .. حتى ريحتة حلوةةةة
الحر : دامِس سبحنا وفحصنا ومبين مال ناس مو من شارع ..
ابيجيل : ما اهتم واخذني وراد يفتح الدوش .. صرت أصرخ .. اتخبل إذا ملابسي تتبلل وأني لابستهن .. ما أعرف شنو يصير بية ..
بعد صراخ وعياط والحر يقنع والچلب يعوي ويتقرب منة ودامس يتخبلللللل .. يسودن حرفياً ..
عافني واخيراً .. ركضت على الچلب شلتة ..
ضل يعض بأصبعة ويصيح علية ..
دامِس : اخخخخخخ .. ولججج عوفيييي راحح تجلطينيييي .. عوفيييييي ارجوان عوفييي وصخخ
ابيجيل : شوية يركض وراي وشوية ركض ورا واهددة بالچلب ..
اركض ورا افطس ضحك .. والحر واكع بالكاع .. يركض وراي اضل أصرخ واركض والچلب مستمر يعوي ..
لفيت البيت كلة .. ساعة اركض ورا وساعة يركض وراي ..
آخر شي تعبت حيل وكفت وموجهة الچلب علي ..
ابيجيل : اهدة عليك واخلي يخبلك ومحمد .. كافيي دامِس
دامِس : لججج بس عوفي نكسج والله .. ارجوان عوفييي حبابة
ابيجيل : ماااا .. وخر مني يلة
اجة الحر يتمشى ويحجي ..
الحر : يلة كافي لعبتو وناطحتو كافي .. يلة جوعان أريد أكل!
ابيجيل : أنجب حر ..
انصدم وباوع علية ..
الحر : عليمن ! .. عليمنن ولججج
ابيجيل : اجة ركض علية وأني أصرخ .. كافي تعبت حتى صوتي راح .. وهوة ولا مهتم .. ونوب ما اكدر اخوفة بالچلب لأن يحبة ..
خانكني واصرخ على الچلب ..
ابيجيل : ولككك ساعدنيييي .. راح يموتنييي ولعدد دامِس يذبك بالشارع يمعودد ساعدنيييي
شو هاذ ضل يعوي بصوت قوي .. وأجة هجم على ضهر الحر ..
فطست ضحك علي ودامس مصدوم ..
دامِس : هاذ شلون يفهمج !
ابيجيل : أي لعد هنة يفهمن ..
تحمست زيادة ..
- حتى أحسن منك ..
والحر ضحك ضحكة .. ما اهتم للچلب إلي ضل يخرمشة وفطس ضحك .. ما أعرف على شنو يضحك وأني ما كلت شي يضحك !
دامِس : أحسن مني !!!
ابيجيل : أي .. هنة الحيوانات يفهمنا
دامِس : أي .. أي صح أي .. يفهمنا
ابيجيل : أي مو اكلك .. يلة ولكك تعالل كافي راح تموتة
درت على الحر ورحت ضربتة ..
- انتة شبيك بس تتمضحك ..
الحر : يفهم أحسن منك .. ههههاايييييييي
ابيجيل : نزع نعالة ( تكرمون ) وشرمة علي ..
دامِس : أكل**** حيواننن
ابيجيل : عفتهم ورحت أني وچلبي الحرس مالي منا ورايح ..
والتهيت أحضر الأكل واصواتهم حيل عالية ..
*****
صحيت .. فتحت عيوني وشفت كلشي أبيض ..
فهمت أني بالمستشفى .. عدلت روحي وأني حيل دايخة .. تذكرت كلشي صار .. الآخر ما اغمى علية
استغليت الوضع محد موجود يمي .. بكل سهولة طاحن دموعي وأني انزل من السدية واشلع المغذي
وصلت يم الباب .. شافتني الممرضة وانصدمت ..
- هاي شنو ! مايصير لازم ترجعين تنامين ت....
سدِم : الله يخليج عوفيني .. الله يخليج ولا تكليلهم لا تكولين الأحد ..
اصرت ابقى .. بس اصراري جان اقوة .. عفتها وطلعت امشي وأني امسح دموعي واعدل شعري ..
انتبهت للساعة وطلعت بـ 5 الصبح ..
طلعت كلش وصلت للشارع إلي ماكو ولا بشر !
باوعت يمين ! رجعت وجهي يسار ! شفت ملابسي !
ما أدري وين اروح .. وين انطي وجهي بهاي الفجرية شلون ، وين ، شوكت !
اخذني اقدامي المكاني المفضل ..
أحد حدائق بغداد الجميلة .. محد بيها ولا بشر ..
ما انكر أنو خفت من هدوئها .. بس امشي واطمن روحي بكلامي ..
سدِم : عادي .. وإذا .. خلي ياكلني الوحش .. طبني مرض .. تعالل تعالل اكلنييي تعال .. خلصني تعالل تعبت أني ..
وكعدت بالكاع منهارة .. صرت اشهك واشهك واشهك
مر وقت كلش هواي .. باوعت الساعتي الاخذتها من الميز البصفي .. انصدمت من لكيتها بـ 11!
يعني صاري 6 ساعات .. أني بنفس المكان ..
صرت ابجي .. كل ما أتذكر كلامها وشكلها وبطنهاا !! بطنها إلي تمشي وراها وكأن تكول ..
' شوفوني أني شايلة أبن الثعلب '
الكسرة .. والحركة والخنكة إلي بگلبي ما اكدر اوصفهن بكلمة .. ما اكدر !
حبست نفسي مدهوشة .. صوت شخص أني أعرفة .. صوت شخص حالياً أني جداً محتاجة الة !!
- سديمييييي ..
*****
ياربي .. هدي گلبي يارب .. اختبارك ربي .. اختبارك صعب ياريت بعافيتي ولا بضناي بعافيتي ولا ضناي ربي ..
فزيت من صوت علي .. يتسائل بكل برائة وحزن ..
علي : ليش تبجين ماما ! .. شبيج .. شنو يوجعج شي مريضة أنتي ؟
سمراء : مسحت دموعي وجريتة علية وبشستة من شفتة وتصنعت الابتسامة الخاطرة
- حبيب امك .. مابية شي أني بس شوية مختنكة ..
عافني وراح يركض .. وأني عيوني تتابعة بأستغراب
راح فتح الباب وطلع وسدا .. ورا دقائق وأني ابجي افنتح الباب ..
علي : تعاللللل .. تعالللل بابااااا
سمراء : يحجي منفعل على أبو .. لازمة من اصبعة ويجر بي وابو مستغرب ..
وكفة كبالي وأني مستغربة والدموع تطيح ..
علي : يلةةة طلعهااا .. مو انتةةة تطلعع وهية محبوسة بالبيتتت وانتة تطلعع .. خطيةة كلة من وراك مخنوكة .. شبيكك ما تطلعهاا شبيكك
صگار : چا أني كاضها !! مو اتوسل بيها هية ما تقبل
سمراء : ضحكت على حركات علي .. باوعت علي وأني اضحك واكول ..
- مو قصة طلعة ماما .. بس أني متنكة حيل .. مو لأن ما طالعة .. لاا بس أني مختنكة ..
اجة حضني صگار وهوة مثل علي .. ثنينهم خايفين علية .. بجيت أكثر على حنيتهم
صگار حنين حيل .. وعلي ماخذ حنيتة منة .. واساساً ما مخلي شي بمعاني واطباع صگار يعتب علي ..
خالات وعمات صگار يتعجبن من الشبه إلي بينهم ..
صرت ابجي بحضنة بعد ما اخذني وكعد على الچرباية وكعدني بحضنة وضل حاضني وعلي يمسح على ضهري ..
سمراء : أريد ابني صگار .. أريدة
جر نفس متحسر .. أدري تأذي هاي الكلمة من تطلع من حلكي .. بس شسوي !
حيدرة مريض وما أعرف شنو مرضة والحقيرة ما تخليني حتى المحة .. وگلبي مشتعل نار علي ..
ابني وما اكدر اشوف شبي ولا احضنة !
مر وقت وأني ابجي .. كل حزني زحتة بهاي الحضنة شوقي الاهلي ! شوقي وخوفي الابني ! وخوفي من المستقبل المجهول !
كمت مسحت دموعي .. ورحت سبحت بماي حار لعل اهدئ .. وفعلاً غير مزاجي هاذ الحمام الدافي ..
بدلت وعطرت روحي ..
خوال صگار جايين وبلاخص خالاتة ..
فا غيرت هاي المرة وكشخت الآخر حباية .. لبست فستان كلوش .. وخليت بس حمرة لون طبيعي وكلش حلو .. واحمر خدود وحواجبي بس رتبتهن فقط لأن رسمتهن نضيفة بدون ما ارسمهن ..
تعطرت من عطر صگار المفضل ..
اجة بأتجاهي وعلي نايم .. حضني و....
( أشياء عيب ولكم 😑 )
سمراء : وخر وخررر .. راح تخرب كشختي
متقرب مني ويحجي ..
صگار : ليش تكشخين الهم .. منت همة ويشوفون هاي الكشخة والدلع
دفعتة وكلت ..
سمراء : صگار الحمرة .. كوة سويتها
ضحك وكال ..
صگار : بس بعدين ماتكدرين تكليلي تخربها
سمراء : غمز وباسني وراح ..
كعدت علي .. بدلت الة وعطرتة ونزلتا وياي ..
تلكنة خالات صگار ..
حيل يحبنة على معزة صگار .. وبلاخص علي يحبهن حيل .. وشكو وحدة مضايقتني بالحجي لو تكرهني منهن ما يسلم عليها حتى ..
علي عقلة أكبر من عمرة .. واعي ويعرف يتصرف .. صگار عرف يربي بهاي الـ 3 سنوات .. حجية لبق ، تصرفاتة لبقة .. حنيتة ، اهتمامة ، يعني حرفياً يحجزنة البناتهن على حنانة ..
بس حقدة ما ينجرع .. من يحقد على بشر .. يكرهة حياتة .. ويكره اسمة وحروف اسمة .. ويكرهة الاكلة إلي يحبها .. ويكره حتى المكان إلي يكعد علي الشخص إلي يحبة ..
عقلة عقل شخص جبير وهوة كلة 3 سنوات وراح يصير بالرابعة براس السنة ..
صگار والشيخ .. الهم فضل كلش جبير بهاذ العقلية الواعية .. يشوف تصرفاتهم وحجيهم ويقلد ويلكف من يحجون على شخص وتصرفاتة المو حلوة يكرهة وبعد ما يطيقة .. ومن يحجون على شخص وتصرفاتة الحلوة .. يحترمة ويحبة حيل ..
ماخذ مكس بين الشيخ وابو ..
بس يا فرحة ما تمت ..
سلمت عليهم ولكيت البنات قبلي .. وگ العادة أول وحدة شمس .. فد اكرها ..
ما سلمت عليها .. وامها ضلت تخوزر بية ..
باوعت على امها وقبل لا تنطق كلت ..
- فوك السوتة تردين اسلم عليها ؟؟
هزيت أيدي ورحت للمطبخ وعفتها الدخان يطلع من راسها ..
غزل : هاي شبيهن عيونج !
سمراء : من الكحل
ضحى : بس أنتي ما مخلية كحل !!
سمراء : يهوووو .. وخرن هسة تحقيق لو شنو !!
غزل : ومرض غير خايفات عليج
سمراء : عوفني لا تذكرني ترا ابجي هنا ومحمد
ضحكن وضلينا نسولف ..
ما ردت اسئلهن على حيدرة .. بس گلبي ما استحمل
سمراء : وين حيدرة غزل !
غزل : اكلج شي بس مو تتعصبين حبابة
سمراء : رجف جسمي .. واباوع على حلكها منتضرتها تنطق ..
غزل : اخذتة البيت اهلها ..
سمراء : شنووووووووووو.....
ما خلني أكمل كلمتي .. وسدن حلكي ..
غزل : اششششش .. منا العالممم سمرةةة
سمراء : أريد احجي ما اكدر ..
كرصتي غزل وكالت ..
غزل : ومحمد إذا ما صعدتي فوك افلشج .. تعاي فوك نحجييي
سمراء : راحت قبلي وأني وراها مباشرة .. ونور وضحى ورانا ..
صعدت غزل وأني صعدت ونور .. وستوقفنا صوت وحدة من الحادقات ..
- شتسونن فوككك .. تعلمنهااا على المراسلةةةة !!
سمراء : لا نعلمها على السحورة ..
عفتهن وصعدت .. أول ما دخلنا غرفة نور انفجرت ..
صرت اعاتب بيهن واحجي عليهن ..
سمراء : ليششش خليتنةةة ليششش ! ما صحتنن عليةةة .. شبيجننننن .. مو تعرفننن ما اقبللل شبيجنن !
وعتاب وعتاب وعتاب ..
غزل : ولجج ونبي رادت تصير عركة .. بس سكتنا من اجن خالاتي كلت عيب اعلي صوتي كبالهن هنة ضيوف ..
سمراء : كعدت وخليت أيدي على وجهي وكلت بقهر
- ليش خليتي .. جان صحتيني غزل جان صحتيني
غزل : والله اسفة بس من اجو زلم امي سكتتني لأن تعرف راح تصير عركة وعيب تصير بوجهم
سمراء : والله الة اروح أكول للشيخ ومحمدد ..
حاولن يلزمني .. وفعلاً .. قنعني وكعدت..
فززني صوت صراخ علي وهوسة جوة ..
باوعت وحدة على الثانية بصدمة ..
رعبنا صوت عمتي وهية تصيح ..
خديجة : ولججججج سمرةةة وينجججج ..ولديجج راحححح يسمرةةة راحححح ...
يتبع 😶 .....
للحكاية بقيه ...
____________________
أدري قليل هاذ البارت بس صدكوني حيل
تعبت بهاذ البارت .. بالدكتور وأني ملتهية أكتب
وللأسف أنو انمسح .. جنت محضرة
بارت قوي واطول من هاذ بأضعاف ..
بس أن شاء الله باجر اعوضكم .. صح مو كلش
طويل البارت بس أن شاء الله يكون مسلي 💋
وهسة لا تنسون تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨
تصبحون على خير 💋✨