الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الله الرحمـٰن ..
.....
يتسيّد الأذكياء الحياة، ويضيئها الحكماء ويخلقون مصاعب جديدة.
.....
___________________
في وسط البيت الكبير المنعزل عن العالم ..
توجد روح .. خائفة .. حائرة لأمرها .. تُفكر كيف يا تُرا تُهدء نفسها !
أيام .. أسابيع .. ليالي موحشة ! .. وحدها ولا وسيلة أمان حولها ..
جسدها هادئ .. ولَكن عقلها في صُراع ..
ازداد الخوف .. واحتل الرعبة في قلبُها ..
جالسة في أحد زوايا المنزل .. عيناها تُراقب الضلام بخوف شديد ..
لمحت شيء ! .. فزعت روحها مذعورة ..
دندنت قائلة برعب شديد ..
- گلبي .. گلبي يمةة .. راحح ياكلنيي .. راح ياكلنييي
حضنت ساقيها لصدرها .. جعلت رأسها بينهن لكي تغضي بصرها عن الرعب ..
بدئت بسمع أصوات !! .. وبدئ الوضع يزيد سوء وبدء الخوف يغيم على بياض قلبها ..
همست بصوت ونبرة مليئة بالخوف ..
- يمةة وينج .. حرر .. دامِس وينك .. راح أموت ومحمدد .. يمة لحكيلييي يمة .. نيروزز وينج ..
- حقير .. خبيث ..
غضبت .. وصاحت .. وفي القليل من الأمل يصل صوتها ..
- دامِسسسسسس .. تعاللللللللللل .. ولككككك راححح اموتتتتت
10 أيام .. 10 أيام وأني وحدي .. أنام مرعوبة .. أكعد ميتة خوف .. وفوك الخوف إلي أني بي أحلام وكأن تحقق كلشي خايفة منة .. أحلام حقيرة ..
رفعت راسي اتأكد .. حقيقة ! خيال إلي شفتة !
ياريتني ما مباوعة .. بنفس المكان .. نفسةةة إلي شفتة قبل شوية .. وجه مرعب .. شكل مرعب ..
گرون طويلة .. جسد أسود .. طويل وجالس جلسة القرفصاء .. رجلين طويلة وأيدين طويلة .. عيون سوداء طبيرة ومرعبة ..
مرعب .. مرعببب ..
ضليت اباوع بخوف وصدمة .. منتضرة يطلع أي ردة فعل علمود اتأكد حقيقي لو لا !!
وفعلاً .. بكل سرعة .. ركض على جهتي .. غمضت عيوني بذعر .. وصار صوت صراخ بأذني قوي بشكل مو طبيعي .. ما طول ثواني واختفة ..
تخبلتتت .. على صرخة وحدة .. إلى أن بعد ما حسيت بهاي الدنية .. متت ! اغمى علية !
****
- هاذ منو
الثعلب : عجيب ! .. خابرني دامِس
سدِم : أي رد !
الثعلب : خيولي .. خلي يعرف احنا مزاعلي
سدِم : خابر دامِس أكثر من 10 مرات ! بعد ما خلا الثعلب صامت وشمرة .. استغربنا وجان بوقتها يتصل .. جاوب وفتح سبيكر .. بكل خوف .. وعصبية غلط علي وكال ..
دامِس : لكككككككك ارجوان راحححح تتخبلللل .. روحلهاااا ثعلببببب .. روحححححح
سدِم : تغير وجه الثعلب .. وبدون أي تفكير دار السيارة بكل سرعة .. وغير طريقة
ودامس سد الخط .. شوية وانتبهت للثعلب يباوع من الجامة الصغير كل شوية وهوة يروح بطريق ويرجع من الثاني ..
ضرب الكرسي وكال بعصبية ..
الثعلب : خرررببببب **** .. نعلعلة لشتكممم
سدِم : خفت حيل .. ومنا هوة يفشر ويغلط .. أخذ التليفون وخابر وفتح سبيكر ويحجي بعصبية ..
دامِس : مراقببببب انيييييي .. هذولييييي ولدد ال*** مراقبينييي ما اكدرررر اروحلهاااا
سدِم : ضل دامِس يغلط .. والثعلب يغلط .. وأني ميتة خوف ..
الثعلب : خابر على الحر بس هوة موجود خ....
دامِس : تموتتتتت وما يوصللللل يمهااا الحررر
الثعلب : طبك مرض .. خلي تموت وبعد ما تشوفها
سدِم : تخبللللل دامِس .. سمعت صوت تكسير يمة .. وصياح وغلط صار .. والثعلب يسوق بكل سرعة بالسيارة .. طاير وعلى دقيقة نسوي حادث ..
سد الاتصال .. والثعلب مستمر يغلط .. وأني اسئلة ولا كأن موجودة !
*****
- خير !
- ما ميت عليك .. وغصباً عني أجيت اطلب .. ارجوان باقية وحدها وتخبلت مدري شصار بيها روح الحكها لا يصير بيها شي ..
الحر : صاح .. صاح بأسمها بصوت عالي .. وكفت مرعوب عليها واكول ..
- شبيهااا ! شبيهاااا
حجة وحيلة مهدود ومصدوم وعرفت ضغطة نزل ..
دامِس : ماتت .. تخربطت ارجوانتي .. راح تروحح منيي .. راحح تروححح ..
الحر : رحت أخذت سويج وبعد أي مقدمات .. رحت بأسرع رقم بالسيارة ..
- دامِس .. احجي وياكك دامِس .. أشرب الدوة لاا تتخربط دامِس .. منو يمككك ولككك
مايرد .. ولا كأن يسمعني حتى !
عرفت مخلي كامرات بالبيت كلة .. لأن مبين ..
مسافة الطريق طويلة كلش .. وصار ليل .. عبرت الخط الازدحام وصرت على خط فارغ .. وزيدت السرعة ..
أحس كل ما أقرب للبيت .. البيت بنفسة يبتعد عني ! أريد بس اوصل ماكووو ؟
وبعد ما طلعت روحي .. وصلت .. وانصدمتتت أنو دامِس قافل البيت فوك الـ سركي ، مفتاح ثلاث طكات ، مفتاح ثلاث طكات ، وبعد مفتاح .. وفوك كل هاذذ قفل ! .. عندي كل هذني المفاتيح بس القفل شلون !
صرت ادور مثل المخبل .. ادور وادور واروح واجي أريد وسيلة اكسر القفل !
صرت اركع بالباب واصيح عليها ماكو ! ما ترد علية
الحر : حبيبتيييي .. جيلةةةة تسمعينييي .. افتحيي البابب مو گلبي راح يوكففف جيلتييي .. راحح أموت ولجج بس احجيي كولي ها كولي أي شييييي ..
هدئت روحي خفت يرتفع ضغطي وما اكدر انقذها !
كعدت بعد ما دورت الدنية كلها وحاولت وماكو أي وسيلة اكسر القفل بيها ..
مهدود حيلي .. خليت أيدي على راسي وصرت ابجي ! .. أول مرة بحياتي ابجي من بعد هذاك اليوم الحزين إلي كسرني ..
تذكرت دامِس من نطق ..
- ماتت !
تخبلتتتت ..صرت اصيح واضرب الباب الدرجة ما حسيت على روحي ولا حسيت بالوجع من نزفن ايدي ..
صرت اركض .. اوكع وأصيح .. وارجع اوكف واكول ..
- جيلتييييي .. جيلتيييي راحت من ايدييي يمةةةة .. جيلتييييي راحتتتت ولكممم يا ناسسس
ردت انهار .. بس تذكرت عندي بوري .. جنت مشتري قبل لا يخابرني دامِس بنص ساعة ونسيتة بالسيارة
( سبحان الله 😔 )
رحت اركض .. صرت اتعثر ورجلية تتأذة حيل من الطابوك وصلابة الكاع .. بس ما اهتميت .. جيلتي أهم ..
رحت على القفل .. وصرت اكسر بي .. بعد وقت طويل وأني اكسرة .. انكسر القفل .. فتحت الباب ورحت ادورها ..
لكيتها بـ أحد الزوايات .. مغمى عليها أو ميتة ما أعرف !!
ما عندي خبرة بالاسعافات .. وما أعرف شنو صار بيها .. خشمها يجري دم .. شكلها يتحول للزراك ..
تخبلت وصرت احضنها وابجي ..
الحر : جيلتيييي .. اكعديييييي شبيجججج .. ولجج لا تكسرينييي .. لا تكسرينيييي بنيتييي .. ومحمد ما اكدر بدونجج
صرت اغلط على روحي وعلى غبائي ..
بس هاذ مو غباء ! .. خوف .. من خوفي ما عرفت شنو اسوي ..
بدون أي تفكير .. ما عندي حل ثاني أبد !
شلتها واخذتها الأقرب مستشفى .. والحمدلله جان عباس صديق دامِس .. الصغر عندة دوام ليلي ..
طول الطريق دامِس يدك .. ورسائل .. ونعل خيري ..
آخر شي جاوبتة وبعدني ما حاجي اجاني صوتة .. من كد ما عالي ويصيح بعصبية ما افتهمت شنو يحجي !
بس الفهمتة ..
دامِس : احرككككككك حرككككك .. ولكككك انعلللل الخلفككك حرررر .. انهيككككك إذا رحتتتت انهيكك إذا وديتهاا انهيكككك ولكككك حررر
الحر : انعل *** ابنلللل كلبببب .. راححح تموتتت البنيةةة راححح تموتتتت
عفتة يحجي وسديت الخط منة ..
وصلت بعد وقت طويل .. شلتها واركض بيها مثل المخبل .. صار بوجهي ولد ومن ضمنهم عباس ..
الحر : عباسسسس .. راححح تروححح من ايدييي عباسسس
مصدوم وأني منهار ..
الحر : لككك عباسس شوفهاا شبيهااا .. شوفهااا راح تروح من ايدييي
اجو بيدهم سدية .. خليتها واخذوها ..
سوو الازم وياها .. شوية واجة عباس مصدوم ..
عباس : مني هاي ولك !
الحر : شلونهاا .. شبيهاا شصار بيهاا !
عباس : بس اهدئ .. مابيها شي بس متعرضة الصدمة أو خوف وضغطها مرتفع ودكات گلبها موزينة أبد دليل على خوفها وصدمتها ..
الحر : وهسة شلونها !
عباس : زينة الحمدلله ..
الحر : جرني من ايدي وكعدني على أحد الكراسي ..
عباس : مني هاي الحلوة !
الحر : ضربتة على ايدة وضحك .. وكلت
- مو تكول لبشر !
عباس : افاا عليك .. من شوكت أني احجي سر !
الحر : مرت دامِس
شهك وغص .. ضل يكح .. بعد ما هدئ كال ..
عباس : تشاقة !
الحر : ومحمد شبيك
عباس : هاي جوان مدري شسمها
الحر : اسمها الحقيقي ابي.... .. يمعود اسكت لا نوب يضل يحجي هسة شافني طلعتها وهوة مو هنا راح يهجم الدنية علينا ..
عباس : بويةةةةة .. هاي منين لكاها ؟ .. شكد حجة عن معاني وجها بس ما عبالي هيج .. والله عبالي يبالغ .. بس طلع ضالمها بوصفة .. زين شبيها ؟
الحر : ال**** .. مخليها وحدها ببيت جبير شكبرة وحدها وهية تخاف
عباس : اااااااا .. أكول ليش هيج صاير بيها !
الحر : بروح امك عباس ! مابيها شي
عباس : وعلي مابيها شي بيش احلفلك هسة ..
الحر : يعني يصير اطلعها قبل لا تكعد ؟
عباس : خلي يخلص المغذي ونجيك وضعها الآخر مرة ونشوف ...
*****
أول ما فتحت تليفوني .. وياريت مااا فاتحتة ونايمة .. ياريت مكسور ! خربان ! تغاضيت وتحملت الوجع إلي بگلبي !
رقم غريب !
- أنتي زوجة الثعلب مو
دزت صورة محادثة ..
- عوفي حبيبي .. ترا قبلج أني اعرفة وكلة من وراج سحرتي مدري شسويتي الة يا ****
وفشار قوي ..
وصورة المحادثة .. بيها محادثة بينها وبين الثعلب ..
وقريت كل الكلام إلي كاتبة .. وگلبي يرجف قبل أيدي ..
(
- وينك حبيبي .. تعال مشتاقتلك
- حاضر .. وين أنتي !
- ببيتي .. تجي البيتي لو اروح البيتك ؟
- لا بيتي ..
سدِم : دازة صورة الجسمها والي لابستة !!
من هسة بعدني ما مزوجة وحلفت ما البس هيج كدام الثعلب !! وهاييييي لابسةةة لبس مخزي !!!!
وكاتبة ..
- هاذ الجسم الحلو يريدك
سدِم : ومحادثة ثانية أنواع الحجي الحقير ..
من شافتني بس اشوف وهية تدز .. دزت رسالة صوتية وهية تضحك ..
- هااا .. انصدمتيي .. حلللل .. هاذ جزاء إلي تاخذ رجال من مرتةةةةةة .. يا **** , **** , ****
سدِم : وأنواع الحجي .. ودزت بصمات هواي وأني ما مستوعبة !! .. تحجي شنو يسوون وشنو تحس وشلون يتقرب الها ..
قفلت تليفوني ورحت كعدت على الجرباية وعيوني ما ترمش !
- مرتة !! .. يعن.. يعني أني طرف ثالث !! .. أني ***
نص ساعة مرت ! .. شريط حياتنا أني ويا .. ومواقفنا كلهاااا مرت بعقلي .. وأني مصدومة !
تليفوني ما وكف من الرسائل ..
كمت وأني اتصنع القوة ..
منو هية علمود تكسرني ! ومنووو هوة علمود يكسرني !!
فتحت تليفوني .. وسجلت بصمة
- شافني غالية وحب يغير من الرخيصةةة للغالية .. لأن الرخيصة مثل امثال حضرتج سهلة .. بربع دينار يشتريد وحتى الطفل عندة ربع .. اماا الغالية مثل امثالي بتعب سنينة يشتريها .. ولووو تموتينن ما تصيرين غالية مثلي .. مجرد تسلية أنتي أما أني الأصل بحياتة .. ومثل ما زوجج بدون أي فلس لانج رخيصة .. اكدر اخلي يطلگج .. شعبالج عود تخربينا ! هيهيييي .. تحلمينننن .. مجرد رخيصة وحب يتسلى بيهاا .. وللأسف ما تكدرين تغيرين الحقيقة !
دزيتة الها وخليتها تسمعة يالة حضرتها ..
كل إلي كلتة علمود كبريائي وكرامتي كدامها .. كدام وحدة رخيصة ! .. أما الحقيقة عندي حساب كلش هواي ويا الثعلب .. حساب قوي ..
ما أعرف شلون غمضن عيوني .. بهاي اليلة !
نمت وأني اشهك بس حلفت وعدت روحي ما تطيح دمعة مني ! من سبب ناس رخيصة ..
كعدت الصبح .. تعبانة .. بس جاهدت وبدلت وأني ما ناوية هاذ اليوم على خير .. نزلت وللأسف عرفوني أغلى ناس على گلبي بية شي .. بس ما مستعدة اكللهم ..
قبل لا اطلع .. دزيت رسالة وحدة لا أكثر ..
- اليوم أريد اشوفك ونتحاسب
ردت اروح بس تذكرت المحادثة !! شلون اواجهة وأني ما عندي دليل ! .. وإذا مسحتها !
رحت تفحصت والحمدلله بس حضر ما مسحت المحادثة .. بس احتياط سكرنت كلشي .. ودزيتة الاسيل وآخر شي كتبت ..
- من إجي افهمج .. لا تكولين البشر
ردت اكسر تليفوني بس تذكرت الادلة بي .. رحت للدوام .. بالكوة جنت طايقة روحي حرفياً ما متحملة روحي ونوب امتحانات شهرية وشرح ..
اشرح وبالي مو يم الدرس .. حتى ما عرفت شلون اشرحة ! .. عرفت بنات صفي وكالت أقرب طالبة إلي
- ست احسج مو على بعضج .. إذا تعبانة عوفي لا تشرحين شي احنا نقرا
- ست أني فاهمتة الدرس اشرحة الهن ؟
سدِم : ابتسمت بتعب وتشكرت منها ورحت الآخر رحلة والطالبة ضلت تشرح ..
غمضت عيوني وعميت عليهن السواد ..
أفكر شلون ! .. اجذبها .. واصدكها ! أتمنى اروح واحجي ويا ويكول الحقيقة وتطلع ما مسوي كل هاذ
ما أعرف .. مشاعر ..
خوف ، حزن ، عدم تصديق .. مشاعر ملخبطة !
بطني توجعني .. گلبي ، راسي ، جسمي كلة يوجعني خلصت الطالبة الشرح وبالي مو يمها أبد ..
خلص وقت الحصة .. وصار فرصة .. أول ما نزلت الدرج شفت الثعلب بوجهي يصعد الدرج ..
أول ما شفتة نغزني گلبي حيل .. غمشت عيوني واحتلت الرجفة جسمي ..
راد يحضني .. بس دفعتة وكلت ..
- خلي نروح يلة
عفتة ونزلت وهوة مصدوم من تصرفي .. نزلت قبلة ورحت للمديرة أخذ اجازة .. ما قبلت بس من شافت وضعي قبلت ..
رحت صعدت سيارتة واجة هوة ..
الثعلب : شبيج سديمي
سدِم : نروح الأول مكان طلعنا آلة
ابتسم .. ورحنا .. طول الطريق هدوء .. بنص الطريق دك تليفونة وانصدمنا من الصار .. ما كد. حسب ما كال يراقبو ناس !
الثعلب : خربببببب ب**** .. سدِم راح اتيهم ونروح الشقتي
سدِم : تذكرت إلي كالتة .. ولعبت روحي منها وحسيت بخنكة مو طبيعية ..
- اخذني الجهنم ولا الشقتكم
دار وجهة وضل يصيح .. ويغلط على إلي يراقبو ..
شخط سيارة بكل سرعة .. وضل يمشي بين الفروع وشارع ونوب فروع وشارع .. الحد ما تيه السيارة إلي تراقبة ..
الثعلب : سدِم شبيج اليوم ؟؟ .. هاااا شبيججج
سدِم : لا تستعج على نصيبك ابراهيم .. نوصل المكانا والله كريم
سكت عني وهوة كل شوية يباوع علية متعصب .. طبينا بفرع بيتة الخاص بي .. هنا تخبلت .. صرت اصيح وهوة ولا جنة .. صفينا يم بيتة وأني ميتة ..
شلون اخلي رجلي بهاذ البيت إلي خطتة مرة غيري وبنية حقيرة .. شلونننن جنت أنام على سرير هية نايمة علي وز**انية ويا ؟؟
جرني وأني صوتي عالي وهوة يسكتني ويذكرني اكو ناس .. رحت ويا بالكراج علمود نتفاهم ..
أول ما سد باب الكراج صحت بعصبية ..
- رجعنننننييييييي .. انيييي كتلكككك بغيرر مكانننن ما اريددددد هنااااا
عاط بوجهي ..
- ليششششش
سدِم : هنا تخبلت ..
صرت اضرب بصدرة واحجي واغلط ..
- ولكككك فوككك كل هاذذذ الككك عيننن تسأللل .. الله يحبنييي وخلاني اكتشفك على حقيقتككك وما سلمتكككك شرفييي لكككك حقيررررر ..
خلى ايدة على حلگي وهوة مصدوم ويتسأل شبية !
شبية ؟؟ .. اخخخخ
حرت شسوي .. وخرت ايدة وكعت بالكاع ابجيي وابجيي واعاتب وهوة مصدوم حتى ما حاول يبرر موقفة ..
رحت طلعت تليفوني من الجنطة إلي شمرتها .. واريتة كل المحادثات وسمع البصمات ..
خلى ثنين اصابعة على مدمع عيونة .. حول ايدي على راسة ويعصر براسة دليل ألمة وكال
الثعلب : سدِم .. أعرف وحقج ه....
سدِم : باوعت علي بصدمة .. يعني صدك كل إلي كالتة ؟؟ صدك وفعلاً .. كل إلي كالتة صدك !! .. وأني طرفف ثالث بين اثنين !!!! ....
****
- تعاي ولج .. يلة أنتي هم وياهمم يلةة نضفيي كافي كعدةة راح يجون شيوخ يلةةة بساععع
- دا اكنس .. ظهري وجعني كلش .. وكفت اسحب نفس بألم وكلت ..
- افففف .. تعبتتت .. صفحتي موتتني
صاحت بوجهي ..
- يلةة ولججج شمسوية اربعة وعشرين ساعةة كاعدةة ولجج
وخلتني ارجع أكمل وغصباً عني ..
خلصنا الديوان إلي رقمة أكبر من عمري ..
فرشنا .. ونضفنا التخم الملكي .. وعطرنا .. وبخرنا هم .. وحضرنا الضيافات ..
وما يحلى بدون الگهوة العربية الأصيلة ..
طلعنا نتمركض والضحكة شاكة حلوكنا من سمعنا صوت الزلم .. بعدنا بـ باب الصالة وكعنا ميتات ضحك ..
- يمةةةة متتتت .. ولعباس جان رحنا بيها
- چا اتخيل شكلنا وهمة اقتحمو الديوان بدون لا ندري
- ورجعنا نضحك أقوة من القبلها ..
- يعععععع .. ياريتتت لو حلواتتت يربيييي نوب ما لابسات شالللل
- شهكت ايجة وكالت ..
- عزاا العزانيييييييي .. يمةةةةةة .. نسيتتتت شاليي عزااااا .. خربببب
- يمعودة عادي .. بلكي يخطبوج
- ضحكنا وكلت ..
- شني يشمون چف ايديهم هاي ايجة !!
أجت اميلة .. وكومتنا .. رحت سبحت وطلعت لبست وبدلت .. ولزمت جهازي اتصفح ..
لكيت صديقتي .. أكثر من 11 مكالمة ..
مو من عوايدها الة إذا شي طارئ ! .. رجعت خابرت وبنفس الثانية جاوبت .. حجت وصوتها مخنوك وتشاهك !
سدِم : لججججج نوسةةة .. محتاجتججج نوسةةة
اسة : ياعيوننننن نوسةةة .. شبيججج سديمي شبيجج
سدِم : لججج راحح اموتتت اختنكتتت ومحمددد تعاييي اخذينييي منهمم اسةةة اخذينييي كسروني والله كسرونيييي
اسة : بس اهدئي حبيبتي .. هسة اجيج والله هسة بس فهميني شكو !
سمعت صوت دك باب قوي .. صرخت بكل علو صوتها تطرد طارق الباب .. وانكطع الخط !
رجعت حاولت هواي اتصل بس ماعدها نت .. ضليت اخابر .. اراسل .. بس اريدها ترد راح يوكف گلبي ..
شمرت تليفوني خايفة ومتوترة ومقهورة حيل ..
بهاي الاثناء .. انفتح الباب .. كمت خايفة من منضرة وشكلة .. شعرة إلي دائماً ما مرتب .. عيونة الحلوة تعبانة .. وجهة ذبلان !
بدون أي مقدمات حضني ..
اسة : شبيك عيوني .. أحد مضوجك !
- لا عاش اليضوجني .. بس تعبان وأجيت أخذ جرعة طاقة
اسة : ضحكت وكعدت على الچرباية واجة نام على رجلية ..
- اكلك
- نعم
- إذا مثلاً كتلك نروح المكان بس هاذ المكان محافضة ثان....
- تدللين
- ضحكت .. وكلت .. تعرف صديقتي سدِم !
- هاي إلي شفناها بالحديقة بـ بغداد ؟
- أي
- بس لا هم مضوجيها بيت عمها
- ما أعرف .. بس خابرتني تصرخ وابجي وتكول كسروني
طفر من مكانة وعدل كعدتة وكال ..
- شرفها !!!!
اسة : ما أعرف .. والله كلشي ما أعرف بس شوية وسمعت صوت باب يندك حيل وشخض يصيح عليها وهية ضلت تصرخ وانكطع الخط ! وقبلها كالت تعاي اخذيني منهم هم
- عندج وقت ترحيلها ؟
اسة : أي چا شعندي
- يلة بدلي ...
*****
- بربج ! عود ليش افرجتي عنها فوج ؟
فوج : مهيب فدوة كافي .. شنو هستوك يالة حجيت !
مهيب : ردت احجيي بس سكتني نفسيتج .. وهسة بكل صلافة تهددج وتسكتين !
فوج : عادي مهيب .. ختولي شتريد تخلص عمرها بالسجون مو عيب يصير من عائلتكم شخص خريج سجون !
مهيب : وخلييي يصيررر .. طبها مرض فوك مرض
فوج : مهيب حباب كافي ترا راسي ضل يوجعني والله راسي يوجعني كافي تلوم بية
اجة حضني وضل يهدئ بية ..
يمكن اغبى قرار اتخذتة بحياتي افرجت عن أرما بس شسوي ! كلكم شفتو وحضرتو إلي صار وما تلوموني بس مهيب يومية يلومني .. وأني الوم روحي بس شسوي ! بالسجن وما خلصت من يمها ..
عفتة ورحت أخذ شاور واتجهز الجامعتي .. تجهزت وبقى بس ادريان .. رحت بدلت الة وخلصت وراح هوة ومهيب .. وأني رتبت قدر المستطاع المطبخ ..
ورحت الجامعتي ..
مر وقت عادي .. امتحانات .. وتعب .. وبرودة تموت
خلصت كل محاضراتي وامتحاناتي .. ورجعت اتمشى علمود اشتم هوة نقي .. هواي صارلنا ما طالعين أني ومهيب .. ولا شامين هوة نضيف ..
شفت أرما من بعيد .. درت وجهي عنها بس وقفني صوتها تصيح بأسمي .. وكفت ودرت وجهي بعصبية
أرما : شنو خفتي مني !
فوج : لا بس ما أحب احجي ويا الجهلة
أرما : بس اكدر أأذي ابنج ؟
فوج : اتحداج .. ما اخليج خريجة سجون .. اخليج خريجة هاي الحياة وللأبد ..
عفتها ورجعت للبيت .. بدلت وسويت غداء لأن راح يجون .. وبعدني ما مخلصة اجو !
فوج : اهوووو .. عود كلت أحضر لكم أكل وسفرة ودنية اسوي مفاجأة
ادريان : يلا على غير مرة عود سويلنا مفاجأة
فوج : ابتسمت ورحت حضنتة .. وسلمت عليهم ..
ومر يوم وليلة طبيعية ..
كعدت ثاني يوم .. روتين أقل ما يُقال عنة عادي ...
****
ضليت مصدومة .. ما مستوعبة إلي سمعتة !
ضل يردد ويصيح .. على صوتة كبار وصغار كعدو .. طلعو الولد واحنا وراهم .. وانطانا الخبر الصادم !!
- ابووو فهددد هجموو عليناا .. كتلو الولددد صگار راح بيهاا الرجالل راححح
سمراء : عمتي صرخت والكل صرخ .. وطلعو الولد وهمة يحجون عليهم طول ما يلبسون ..
- ولكمممم زلممم انتو زلممم
- عمييي مسلحيننن .. مسلحيننن .. ثلث سياراتت مسلحات ..
سمراء : رحت توجهت علي .. ونقطت كلمة وحدة
- مات ؟
- ما اعرففففف .. مااا اعرفففف
سمراء : ركضو الولد بعد ما لبسو .. وأني صرخت ورحت اركض وراهم .. طلعن عمتي والنسوان يردن يلزمني .. بس مفرفحة روحي .. راحت روحيي وياهم .. رجع علية اسد .. وكعت روحي علمود لا يكدر يشيلني ويرجعني جوة .. صرت مثل الطفل بيدة .. أصرخ واضرب بي وهوة متعصب .. حتى ما سمعتة شنو يكول ..
بس ما كدرت علي .. قيدني وشالني وأني أصرخ .. الجوارين كلها طلعت على صوت صراخنا ..
هوة يمشي ويرجعني للبيت وأني أصرخ ..
سمراء : ولكككك عوفنيييي .. صگاررر .. عوفونيي
طببني للصالة ونزلني وراح وهوة لزمني .. صرت اضرب بروحي واصرخ واتوسل بيهن يعوفني ..
بادت روحي .. أو طلعت روحي .. وكعت كلشي ما اشوف بس سواد واسمع صريخ ..
آخر شي اذكرة صوت عمتي ..
خديجة : ولكككككك يمةةةةةةةة صگاررررر ..
.....
ضحى : وكعت سمرة علينا .. كلنا نايمين وفزينا على صوت صياح وكلام يهد الحيل .. الهسة ما مستوعبين الصار .. قبل ساعة اجة اصهب وكلشي ماكو وجهة طبيعي !
نكعناها بماي بس ما كعدت .. تخبلت وصرت ابجي واحضنها واتوسل بيها تكعد بس ماكو ..
وماكو رجال علمود ياخذها للمستشفى .. سبحان من سخر اسد يرجع لأن ركض بدون بس بفالينة النوم .. ورجع يلبس .. من شافها اخذها .. أخذت العباية من الشيخة وركضت وياهم .. وغزل ويانة ..
اخذناها للمستشفى إلي بالصدفة بيها صگار .. عافنا بعد ما خليناها على سدية النساء وراح الصگار ..
مهبوطة .. وسوو الازم وياها .. غزل تبجي وتكول ..
غزل : يمةةةة صگاررر .. الله لا يوفق كل شخص أذاك يابعد روحيي .. ضحى أريد اروح ابقي يمهاا حبابة ..
ضحى : گلبها يم اخوها وما الومها .. راحت ورا ربع ساعة أجت وتبجي أكثر من قبل ..
- هااااا شبيجج غزيلان !
غطت وجها وبجت حيل ..
غزل : ما خلوني اشوفةة .. ما خلونييي ضحى
وخرت وجها وضربت خدودها ..
- ولججج لو تشوفييي .. لوو تشوفيييي دشداشة بيضة تخبل علي ومحمدد .. متروسة دم ! متروسة دممم ..
ضحى : ما عرفت شلون اصبرها اكتفيت بالبجي وياها ..
صار الصبح .. وكعدت سمراء ..
أول ما فتحت عيونها ضلت تهمس بأسمة .. بعدها بدت تصحصح وهنا انهارت .. كوة كضيناها .. رادت تخلي مهدئ الممرضة بس ضلت تحجي ..
......
سمراء : الله يخليج لاااا .. الله يخليج لااا تضربوني ابرةةة فدوةةةة .. اريدد اشوفةةة بس اشوفة ومحمددد .. عوفنييي
بالكوة عافني .. هدئت وعدلت شالي .. ولبست عبايتي واخذتني غزل الصگار .. شفتة نايم وملفوف على صدرة وكتفة شاش .. متتتت قهرر متتت ..
ورجع اغمى علية !! ..
.....
ضحى : رجعناها المكانها .. وكذالك صاير عدها هبوط .. وهاي المرة ضربوها ابرة منوم ..
ونامت .. مر يومين .. وكل ما تكعد تبجي ونضربها مهدئ .. صگار طلع وللأسف أول ما طلع هية ضربوها منوم لأن صارت تصرخ .. ومحد كال النا .. وغزل رجعت للبيت وأجت عمتي خديجة ..
مر يوم كامل .. وبدت تصحى .. وگ العادة تبجي وتصرخ .. ورجعت انهبطت .. وضغطها نزل ..
أربع أيام ضغطها هابط .. ما أعرف شنو اجاها !
والمصيبة .. حيدرة أربع أيام ما ماكل ! حرفياً يا حليب وغصباً علي ويضل حتى يشرگ يا يضل يبجي
لحد ما ينام ..
رضعتة بت عم صگار بس ما تقبلها وكأن يعرف امة وهاذ حليبها لو لا !
رجعت صحت .. بس قبل لا تصحى كلش ضليت اردد صگار ما بي شي لأن كل مرة ما تنطينا مجال حتى نحجي أو نحجي وما تسمع بس تصرخ ..
وفعلاً .. شوية هدئت بس ما سكتت من البجي ..
خديجة : هسة عليمنن تبجين يا عمةة .. هسة غير انة امةة وإذا بي شي المفروض ابجي حالي من حالج بس ما بي شي وحتى طلع ...
.....
سمراء : ما صدكت شوكت اطلع واشوفة ..
طول الطريق دكوعي ما وكفت .. منضرة ومنضر الأجهزة والشاش ودم على صدرة وايدي ..
بعد ما طلعت روحي من الطريق القصير .. وصلنا ..
رحت ادورة .. عفت علي إلي بس شافني كلب الدنية وغزل وهند أدفع بيهن بس أريدة .. كالولي فوك بغرفتنا .. نزعت العباة .. وصعدت ..
أول ما فتحت الباب لكيتة واكف يعطر روحة .. أول ما شافني كال ..
صگار : اخخخخخ سمرتييييي .. مشتاقلجججج
سمراء : بجيت ورحت شمرت روحي بحضنة .. صرت ابوسة واكول ..
- يوجعكك .. توجعمك هاذ المكاننن ..
واخلي أيدي على الشاش ..
وارجع احضنة وابوسة .. كلش مشتاقة الة كلش ..
سمراء : والله راحت روحي من كلولي .. والله راحت روحيي صگارر .. گلبي راححح
صگار : اروحلها فدوة روحج النقية .. اروح فدوة الگلبج يابعد گلبي ونبضة ..
سمراء : ضل يهدئ بية .. وهدئت .. سمعت صوت علي يقرب .. وفعلاً .. جانت غزل شايلتة وأول ما نزلتة للكاع ضل يصرخ وركض علية وحضني ..
ضليت اسكتة وهوة يعاتب أنو عفتة ..
علي : انتيي وباباا عفتونييي .. انتيي وبابااا .. ردتج أنتي ماكوو .. ردت بابا ماكووو .. هيةة شنيةةةة هيةةة شنيةةةة
سمراء : وانهد بالبكاء ..
راح صگار لأن صاحو .. وأجت عمتي بيدها حيدرة ..
حضنتة حيل وصرت اشم بريحتة الحلوة ..
رضعتة .. من كد جوعة الكافر ساعتين وهوة يرضع .. كل ما ينام واحركة يفز ويرجع يرضع ...
****
- يلة هاي هية .. وضعها صار زين تكدر تطلعها
الحر : اضربها منوم خاف تفز
عباس : تمام ..
الحر : ضل يجهز الابرة .. وهوة يكول ..
- هاي نص .. راح تكول ساعات قليلة .. كافية !
الحر : أي هية بس ساعة ونص ..
عباس : هاي هية لعد ..
الحر : ضربها بالمغذي .. وشوية وخلص واخذتها للببت ..
وصلت وانصدمت من شفت الباب مفتوح .. وتذكرت نسيت اقفلة ..
خليت ابيجيل على القنفة ورجعت اقفل الباب ..
ورجعت الها ..
مر وقت قليل .. وصار الصبح .. وكعدت ..
أول ما شافتني حضنتني وضلت تبجي ..
......
ابجي خوف ، حزن ، اشتياق آلة ..
تذكرت إلي صار وصرت أكلة على المكان إلي شفت الشي المرعب منة !
الحر : ابيجيل والله هاذ وهم .. والله وهمم عيونج وعقلج يوهم لعيونج ويخليج تشوفين هيج اشياء .. ترا حتى رب العالمين كايل .. ماكو هيج شي وحتى لو اكو مستحيل نكدر نشوفهمم .. بس العقل يوهم الأنسان لأن يضل يفكر بالشي إلي خايف منة ويصير
ابيجيل : كلة من ورا دامِس .. والله 15 يوم حتى جنت ما اكلع من الغرفة ولا انزل من الچرباية .. حتى أكل جنت يومين يالة أكل ..
حضني وكال ..
الحر : يلة حبيبتي .. هسة أني يمج بعد ما اعوفج حبيبتي
ابيجيل : ضل حاضني .. شوية وكام يسويلي أكل .. من خوفي طفرت قبلة اروح ويا ..
سوالي أكل وكعدنا ناكل سوة .. تغيرت نفسيتي نوعاً ما .. مشتاقة السوالفة حيل .. ضل يسولف وياي وحيلللللل ونسني بسوالفة التضحك ..
كل الأيام إلي دامِس ما موجود بيها الحر جان موجود ..
صار اليوم إلي يرجع بي .. بس خابرنا وكال راح يبقى بعد شهر ..
ومر شهر .. احلى شهر بحياتي ويا الحر ..
أب ، أم ، اخ ، اخت ، صديق ، صديقة .. كلشي صار إلي .. يومية نسهر وناكل ونسولف وشناقة ونلعب
كلشي أني احبة سوا إلي ..
اسوء ساعات هوة من يطلع يجيب الشغلات الناقصة ..
آخر فترة صار يشربني منوم واغط بنوني .. لحد ما يطلع يشتري النواقص ويجي ..
وبيوم .. جنا كاعدين وناكل حلويات ..
كتمت صوت التلفزيون من حسيت على صوت مال عواء كلب ..
انصدمت وكمت ادور بكل مكان ..
ضليت أكول ' بس بس ' .. واقلد صوتة علمود يجي
وفعلاً .. ضليت اميز صوتة وطلع فوك بالكابق الثاني
صعدت فوك .. ولكيتة ..
صرخت بفرحة .. أول مرة بحياتيييي اشوف هيج شي .. وكائن لطيف !
خفت اتقرب يمة .. والحر راح لزمة .. وشالة ..
هستوني تشجعت ورحت أريد الزمة .. فززني صوت دامِس !!!! ...
****
سدِم : تربعت بنص الكراج .. ولزمت راسي منهارة .. ومصدومة .. معقول أني طرف ثالث بين علاقتين !!
باوعت علي .. كمت بحركة وقهر وصرت اضربة بصدرة واكول ..
- لككككك طلعتتت طرف ثالثثثثث !! لكككك طلعت **** مثل ما كالتتت كح** .. ولككككككك ثعلببببببب ..
خلى ايدة على حلكي وكتم صوتي وجرني جوة البيت .. عافني وصرت أصرخ ..
رجع خلى ايدة على حلكي وكال ..
الثعلب : بس اسمعيييي منييي ونوب انهارييي سدِم
بس اسمعيييي منييي مو من غيرييي
سدِم : وخرت ايدة وكلت ..
- شسمعع ؟؟ شنو اسمعع ثعلبب شنو ؟.. اسمعع شلون تزوجتها وليش تزوجهااا !!! .. ولككك شسمعع
هدئت علمود اشوفة شنو يكول ..
بس اشاهك وهوة يحجي ويبرر ..
الثعلب : ما انكر .. ما انكرر سدِم .. بس كل انسان ويغلط بحياتة محد معصوم عن الغلط سديمي محدد واعترفلج جانت عندي علاقة محرمة وياها .. بس وحق الخقلج قبل لا حتى اشوف وجهج واشوف عيونج .. الخاطرج عفت كل المحرمات وداعت سديميي ..
سدِم : يعني صارلنا 5 سنواتتتت .. 5 سنواتتتتتتت هسةةة يالةةة اجتتت !!!! هسةةةةة .. منننن عرسنااا بعدلةة شهررر واحدد يالة أجتتت !!
الثعلب : رحت المكان موزين مجبور .. وشفتها ولزكت وضلت تسوي كل هاذ وهددت بس ما عبالي قسماً بـ الله سدِم ومحمد ما اجذب عليج بكلمة أبد
سدِم : ثعلببببب .. بنيةةة غيرييييي متقرب الهاااااا وشايف كل جزء بجسمهااااا ثعلببببب
الثعلب : بسس مننن شفتججج حرمتت علية غيرجج سدِم .. ما تكدريننن تحاسبيني على ذنب قبل لا تدخلين حياتييي صاررر
سدِم : هنا ما عرفت شنو أكول !! .. خلاص .. ما أعرف .. بس إلي احسة تعب ، تعب ، تعب ، تعب وخذلان !
عفتة ورحت .. لزمني ودفعتة ..
الثعلب : وين رايحة !
سدِم : إذا أجيت وراي يا ثعلببب .. ونبي محمددد تحلم تشوفنييي .. تحلمممم .. يصيررر شي أكبر من هاذذذ ثعلببب .. محددد يدري وإذا فكرت تجي اوصلها الخالي وتحرم تلمح خيالي ..
عفتة ورحت .. مرن الأيام .. كل هاذ أفكر بالثعلب ..
وفعلاً !! .. ذنب قبل لا إجي الحياتة سوا .. ومو من حقي احاسبة .. حلفلي .. وبنفسها أجت وكالت صار هواي هية تعرفة وقبل 5 سنوات مدري أكثر عافها .. يعني من أول يوم ..
هدئت روحي بهاي الأيام ..
وبيوم .. جنت مقررة اروح واحجي ويا ..
مو معقول حب 6 سنوات ينتهي بسبب غلطة قديمة كلش وقبل لا حتى اعرفة ..
رجعت من دوامي .. لبست وجهزت ..
وجنت مخططة العرس بعد أسبوعين .. وحددت يوم معين ببالي ..
احلى يوم جان .. تراضينا .. واسعد يوم بحياتي ..
وزادت فرحتنا من حددت العرس ..
صرت اجهز .. وكلت للكل موعد العرس .. مثل ما جنت مخططة مجرد حنة والعرس نسافر وما نسوي
اشتريت أشياء تخبللل .. كلشش حلوة ..
بالرغم أحياناً أتذكر إلي صار وأحاول ما اتغير على الثعلب لأن راح يخرب الأول والتالي إذا تغيرت ..
وصعب ابقى اتعامل مثل طبعي القديم وحبي الة وهوة جان قبلي متقرب المرة غيري ..
صار للعرس أسبوع ..
هستوني راجعة أني واسيل وثنين من بنات خالاتي من اختيار القاعات للحنة ..
أول ما وصل النت التليفوني .. اجاني اشعار .. وعبالي من الثعلب ورحت للواتساب ..
رجع نفس النغزات .. ونفس لوية البطن .. ونفس كل المشاعر الموحلوة ..
رسالة وحدة ! .. لعبت بحالي لعب ..
- إذا تردين تعرفين زوجج يخونج لو لا تعاي للحديقة إلي يمكم .. أني بأنتضارج ....
يتبع ...
*********
_______________
الخيانة تكتل 😔
الله يساعدها على هاذ الموقف ..
بس ..
شنو إلي راح يصير ! ومنو هاذ الشخص !
وشنو راح يكول !!
ومنو هذولي إلي ذكرتهم 😎🤫
واعتذر جداً على البارت قصير ..
بس قسماً تعبانة كلش وايدي توجعني بشكل
مو طبيعي وحيل تعبانة ..
بس راح وداعتكم عندي راح اعوضكم ببارت
احلى منهاذ بأضعاف 😔🤍🤍🔥
ولا تنسون تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨