🤞🏼🤞🏼🤞🏼
___________________
♡ The President Secret♡
Chapter - 5
Author pov,
A ngai te bawkin Harry chuan bawr em* hian Nathan office kawngka chu thei leh thei lo hian a kim leh karh* a, "Imm" tih a hriat chuan rang deuhin a lut nghal a.
Nathan chu dawhkan bul sofa ah chuan alo thu ran a, Harry chuan a coffee ken lai dah a tum mek lai chuan dawhkan no dahchhan pahnih lo inchhawp sa ran chu ava hmu a, chhang dahna tur tih hriat takin bowl pakhat nen hian dawhkan ah chuan alo awm vang a, Harry chuan Nathan chu a va melh zeuh a, Nathan chuan newspaper alo en kar thung, Harry melh na pawh chu hre reng mahse hre lo ang hmakin a awm.
Chhang vel te a chhawp mawlh* lai chuan en pawh en lo hian, "I thil chhiar chu ngaihnawm em?" tiin a zawt a, "Imm" tih chhanna a dawn chuan nui suk in, "I newspaper kha a letling in a awm nia aw" ati zauh a, "Sawi ve mai*" ti chhunzawm leh zat bawk. "A paper quality ka check alom" a thil sawi chu amah Nathan ngei pawh chuan a awih lo lutuk, a sawi ta kher* chu a sawi zawh la* khan a inchhir nghal, Harry chuan "Awle" awki awmze nei leh ngeiawm fe chuan ati a, "Ei vat ang" zah zel ah chuan Nathan chuan ti ta ngawt a.
An ei dun lai chuan Harry phone message tone a rawn ri a, dawhkana dah mai anih vangin Nathan pawn "Love🖤" tih rawn thawntu chu tum reng vang pawh ni lo chuan a hmu a, a hma zana Harry nen a hmuh nu kha anih a ring nghal a.
Harry chuan nui deuh sang hian a message chu a type mual* a, a thil ei pawh a ngaihtuah thei tawh lo, a type zawh chuan phone chu awmna ngaiah chuan a dah leh a, a ei zawm leh mai lai chuan rawn khuh kharh* in Nathan chuan, "Ka office ah hian phone ken luh phal ani lo ania" rawn ti khurh a, Harry chuan en vung* hian, "Phal loh tawp mo?" awih hmel vak loh chuan a zawt a, a luh tirh a hriat tur zawng* Mafaki a zawh lai pawn chutiang phone khawih phal loh tihvel a sawi awm a hre lo ani.
"Ka lo hre tawh ang" tiin tha deuh chuan a chhang ve leh mai bawk a.
An lo tih fel deuh thuak tawh vangin a hmawr bawk tak* chuah a ngai tawh a, nidang aiin an zo hma bawk.
Harry an an department ava thlen chuan Mafaki chuan alo thutchilh nghal vat a, eitur a keng fur bawk.
"Ry, teh vawin ah canteen ah ka kal a thil thar a tam rap" a chhang ken lai te chu a hmuh kual a, "Hei te hi canteen ami vek anih hi, a dang pawh ala tam mai, dawr ah ka lo kal hmasa khanglang a, ka lo in ei puar vek tawh a, mahse tuihmel deuh* chu ka rawn la tho" a coffee ken lai chu Harry hmaah ava keng a, "Hei te hi a tak tui rap, a hma mi ang ni miah lo nia. In chhin teh" atih chuan Harry pawh chuan alo in vat a, a hma ang ani lo, a dang zar tih pawh a hre nghal, nimin chhun lama Nathan bula a thil sawi te chu a ngaihtuah a, a tih tir anih a ring nghal hmiah a, coincidence mai* chu anih a ring lo.
"Tun ah canteen ah chuan eitur ala tam em?" tiin Mafaki chu zawt a, "La tam mai, tlai thleng daih tur in lom an siam" tiin alo chhang a.
A sawi zawh chuan a tho nghal vat a, dawhkana a phone dah chu lak mai a tum a, mahse a lak hma chuan Mafaki bawk chu en in, "President office ah hian phone a keng luh theih loh mi?" tiin a han zawt a, Mafaki chuan ngaihtuah vung* pah hian, "Theih loh tih ka va hrelo, mahse ka lut khat em a" Pu Jonney lo kal a hmuh chuan ring ve leng lawng tak hian, "President office ah hian phone a ken luh theih loh mi?" tiin ava zawt lauh a, a au ring thawkhat ni tur ani midang lo awmve ho pawh an lam an rawn hawi thap mai, "Theih loh thu awm lo, kei pawn ka keng ziah lom" dar kan ek chung chuan alo ti a.
"Ava mak ve" ti nuah* chuan Harry chuan canteen lam a pan a, a phone pawh chu a keng ta chuang lem hlei lo a.
Canteen a thlen chuan menu thar lo awmte chu a en vung* a, a tam tak lutuk avang te chuan thlan tur te a hrelo hial thei. Thil alo ei tawh vangin ata tur phei chu lak tam viau pawh a tum lem lo, coffee chi hnih leh chhang tui hmel* a hming pawh a hriat loh te chu ala a, an department lam pan loin phur deuh chuan Nathan office lam chu ava pan a.
A thlen chuan pawn ah Nathan secretary alo thu a, kawngka kik mai a tum chuan alo phal ta tlat lo, "Ilo kal dawn tih a sawi lo, ka luhtir ngawt thei lo che" alo ti tlat pek a, Harry lah chu let duh der lo "Eitur hi ka pe lawk dawn lom" atih pawh chuan lungtum ang maiin kawngkhad bulah chuan a ding tlat a, "Luh I phal loh chuan nangman lo pe mai rawh" atih lahin "Chhun thil a ei tawh" lo ti tlat bawksi, kawngkhar bul ah chuan Harry chuan a eitur chu a nghat a, "Alo chhuah hunah lo lam mai rawh se" atih lai tak chuan Nathan secretary dawhkan a lane line chu a rawn ri a, Harry kal a tum lai chuan Nathan secretary chuan "Lut rawh" tiin a ko ding a.
"Engnge i du.." Nathan in a sawi zawh hma* chuan Harry chuan a thil ken chu khai kang vah hian "Eitur" tiin an thil ei na thin dawhkan ah chuan ava chawp nghal miah* a, office chhung chu ama ta angin a cheibawl a ang zawk mah, Nathan ava kal mai loh avang chuan "Lo kal ta che, canteen ami menu thar vek an nih hi aw, coffee pawh I duh ang thlap" tiin a kut chuan a hui phei a.
Phei ta mai lo chuan Nathan chuan a secretary chu call a, "Darkar chanve chhunga ka meeting neih ho cancel vek rawh" atih chuan a lehlam ami chuan shock tak mak hian, "Mahse minutes 15 hnu ah xxx hotel ah Delhi mite nen meeting tura kal kan ngaih kha" alo ti nghal a, a hnuaia a thawh chhungin vawikhat mah Nathan sawilawk awm loin engmah a cancel ngai loa, mak ati em ani, "Cancel" ti leh phone chu dah a rual nghal a.
"Canteen ah menu thar alo awm teuh a, thil chu ei tawh tho mah ila, ei nawn leh ka chak a, vawin anih loh chuan karleh Monday daih ngai sia, chupawh meterials vel en turin kan la chhuak dawn zui" Nathan phei lai chuan alo ti nghal bawrh* a, "Nangmah in tinge I ei mai loh?" tia zawh let chuan "Ka hre bik lo I ei ve chak ka ring a" tih te chuan alo chhang a.
Nathan pov,
A ei lai chuan a ti* pah reng a, a humor leh a sawi ang zawng* man ve chiah lo mah ila ka ngaihthlak ka thulh phah chuang lo. Eng vanga ka meeting pawimawh lutuk thulh ringawt nge ka nih ka in hrelo, ka tan chuan eng meeting pawh nise a pawimawh vek, engvang mahin ka thulh ngai lo, te tham te pawh nise ka hna hrim* chu ka dah pawimawh hmasa ber thin, mahse eng vanga hetia ti nge ka hrelo.
"He hi ila ei lo a tui teh nia, thil kan ei tawh sia pakhat ve* vek ka la a" tiin ka la ei loh pakhat chu min rawn pe a, hnial lem lo chuan ka eh ve mai a. Diktaka sawi chuan canteen ami thil awm thar zawng* khu nizan khan menu ah awm dawn nge dawn lo tih test nan ka ei chhin vek tawh, ka pawm hnua canteen a awm an ni, mahse chu* a hriat ve kher a tul lo.
Kan ei zawh pawh chuan thu ho deuh* sawiin amah chuan a tawng char* a, chhang lem lo mah ila amah pawn a tlei ve em* tho mai.
Eng vang nge chu ka hrelo mahse a bula ka awma keimah hi ka duh. Ka sawifiah thaim lo mahse a bulah hi chuan midang bula ka awm angin ka awm lo, ka thlamuang pawh ani mahna, midang bulah chuan engkim ah perfect thei ang bera awm ka thin a, min hmuh dan pawh a ni reng a, tumah ka tlin lohna te hi hmuh tir ka duh ngai lo, mahse a bulah hi chuan tihsual pawh nei mah ila pawi ka ti lo, mindang angin ka thil tih apiang ah min judge ve dawn lo tih rinna ka nei tlat.
Nge hetianga ka awm chhan hi chu midang anga min hmuh leh treat ve loh vang pawh ani maithei. Midang ka hriat leh ka hnuaia thawk zawng* te hi chuan min zah ni lo hian min hlau in ka hre thin. Mahse Harry hi chuan mihring pangai angin min hmu ka ti mai, min hlau loin min zah a, midang angin ka bulah a awm velo.
Min tlawn ve huam* lo a, ka tih ang* in a awm loa, bak ah midang ang lo takin min be bawrh* a, mihring pangai angin min en ve ka ti mai.
Harry pov,
"Nuuu LalHarry hiii ka lukhum min pe duh loooi" tiin U Mercy chu awrawl tawp hian a au a, kei lah "Ita ni bik hlol lo, U Duhsaka ta nih chi" tiin ka beanie cap kan inchuh lai chu ka la thlah duh der bik lo, hmanlai atangin kan nihdan ani ve hrim*, tun thleng in thil hi kan la inchuh reng.
"Awii in ninawm lutuk" anu chuan chawka atanga lo phei meuh chuan a rawn ti a, U Duhsaka a room atanga rawn chhuak a hmuh vel ah chuan, "Saka kha i lukhum kha laksak teh, an inchuh leh tawh kha, ninawm lutuk, Lian ve tawh uai si" ati leh hlak* a, U Duhsaka chuan bang bo deuh hian kan pathum chuan min la en a, anu lah a chawhmeh chawh na zawng* nen ala ni bawksi, keini pahnih lah in beanie chu a sir ve* ah chuan ka la pawt a, thlah kan tum loh hmel ve*
"Awii ka thil chhuan ka vil a ngai asin, lo in chingfel ang cheu" tiin anu chu a phei a, U Duhsaka chuan, "Ka room ah pakhat ala awm ang" tiin min kalsan nal* a, pakhat dang chu va la rawh u a tihna ani. A sawi zawh velah chuan U Mercy chuan rang mangkheng hian beanie chu thlahin U Duhsaka room lam ah a tlan nghal dawr* a, lak khalh chu a hlau ve khawp mai.
Sunday zan ah chuan Cathy nen chuan kan chhuak a, street food thar tui deuh awm na a hria a, kan kal dawn ani.
An ina ka va lam chuan a lo inpeih leh diam tawh a, nghah pawh ngai lo chuan kan chhuak nghal a.
A hmun kan thlen chuan ala thar vang nge mi an lo tam vak loa mahse chu* a tha zawk in ka hria. "A tlawm hlom sia" menu en pah chuan Cathy chuan ati huk a, ka duh a hriat tho vangin min chah kep nghal ang.
Kan corn dog ei chu a tui phian a, a man ngaihtuah phei chuan tlawm tak ani.
Tui ti deuh a ka ei lai chuan Nathan ka hrechhuak thut a, eng vang nge pawh ka hrelo mahse ei ve se ka ti, a tui em vang pawh ani maithei, street food te hi a ei ve ngem tih ka ngaihtuah mai* a, a hausa ropui si nitin chef chi hrang* ruai pawh nise mak ka ti miah lo ang.
Hun kan hmang tam ve tulh* a, miin an sawi ang a hlauhawm leh nelawm loh a nih na lai ka hrelo. Tawngkam erawh a ngah lo mahse chuvang chuan a sual emo min ngaina lo ani tihna ani ringawt lo, mi zawng* in pianpui nungchang leh mizia Kan nei vek a, a nihna ani ve mai, U Duhsaka nen hian in an na riau an nei an tawng tam loa, midang angin kan tawng laiin min chhang ve reng lo mahse kan thusawi an ngaithla tih ka hria a, tawng silo in an attention min pe thiam, min ti* pui char* te aiin a chang chuan an rilru ah a lut a, an vawng rei zawk bawk.
"Hey!!" Cathy in ka lu khawng meuha a rawn tih chuan ka harh deuh zawk a, ka lu chu tuai vut* hian "Va na reuh e" ka ti bul* a, "Vawi tamtak ka ko chea I hrethei loa" lungawi vak lo chuan ati a.
"Hna lam mai* mole" ka tih chuan dramatic deuh hian a thaw hak a, "Min van care tawh lo tak" tiin a thil ei lai chu a chawk let a chawk let a, a lungawi vak loh hmel, mahse a awm ve reng mai kar tluan in kan inhmu loa, kan inhmuh ve chhun ah kan company president deih ka lo ngaihtuah san deih a, ka thiamloh chu ani ve reng.
In ka thlen chuan ka chau ve deuh ni tur ani ka khum ka thlen velah ka muhil nghal bawrh* a, a tuk hna kal ngai bawk nen mut vat ka duh.
Ka phone rawn ri ral* chuan min kaitho a, meng pawh meng lo hian ka khum bul dawhkan a ka phone dah chu thei leh thei lo hian ka han ban a, a call tu pawh em ta lem lo chuan ka chhang vat a, "Hmm" ka tih chiah rual chuan "Office lama kal loin dawr ah kan inhmu nghal dawn nia, a address ka lo thon che kha" tiin a dah leh nghal a, ka la tho phang em bawka tunge anih hre chiang mah ila ka chhang thei hlol lo ani.
Author pov,
Harry ava thlen chuan Nathan chu alo awm fel vek tawh a, eng material emo ni hi chik takin alo en a, a han khawng chhin thul, Harry chu khi suk hian ava phei a.
"Ka lo thleng e" tiin Nathan bulah chuan ava ding a, inbual zo hlimna kal anih vang nge an in din hnaih lutuk vang chuan Nathan chuan Harry shampoo rim tui deuh chu a hre thuak hman a.
"A that chu ka lo en fel vek tawh a, thir ah hian I duh thlang la a tawk ani tawh mai" tiin thir awm hrang* chu Harry a hmuh a, "Ka la hreve vak siloa engnge tha I tih nangin" han khawih kual vel pah chuan Harry chuan ati a, a rilru a buai ve hmel takzet.
Nathan chuan thir awm zinga pakhat chu la kangin "Hei hi engnge ang itih" tiin Harry chu zawt a, Harry chuan a ai hnaia Nathan va kalcilh in "Khawmo" tiin ava en ve a, Nathan thil en chu va enin Nathan chu ava si deuh chawt a, a ban pakhat chu Nathan dar ah chuan ava dah a. Chutia an awm reng lai chuan Nathan smart watch chu lo riin "Sir, your heart beat is faster than normal. Are you taking an exercise" ti chuan a rawn tawng ta mai, Harry chu awmsan nghal a, a phu nasa em ani, a awmsan hnu pawh chuan Nathan sana chu a ngai te bawkin a rawn tawng leh a, Nathan lungphu a pangai loh vang te pawh ani mahna, "Ava mak e" tiin hmanhmawh deuh chuan Nathan chuan a sana chu a phelh rawk* a.
_______________________________________
School kan chawlh chiah a huau huau hlirin min rawn bawm a, hun ka nei thlot lo ni😔