The President Secret

Chapter 6

He story tawp hi 'slow motion'

_________________

♡The Present Secret♡

Chapter-6

Author pov,

Bike a ken vangin Harry chu amahin a haw a, thlasik lai anih vangin dar 4:30 vel ah pawh chuan khua chu thim silo in a thim thet* tawh bawk.

Kawng chanve vel a thlen chuan a zun a chhuah vangin kawng sir ah chuan a bike park in public toilet lam chu ava pan a, a tihtur te a tih zawh chuan a chhuak leh nghal a.

A bike a a let leh lam chuan kawng thlang lam atangin thawm ri rak* a zuk hria a, a tir ah chuan tlema reh leh ngaw lai deuh anih vangin ransa thawm ah ngaiin a ngaihsak tehchiam lo a, mahse a bike a tihnun dawn lai chuan hmeichhe te thawm a hre ta tlat a, bike pawh chu tinung ta lo chuan thawm chu ngun zawk hian a han ngaithla leh a, hmeichhe te thawm ngei a, nuam ti thawm ni loin tanpui ngaia au thawm ani.

Harry chuan hmanhmawh deuhin thawm lo chhuahna lam ah chuan a zuk tlan thla nghal vat az a helmet chhuata tla ri chawrh pawh chu a hre chang tawh lo.

A tlan zel a, thawm pawh chu a hnai ve tial* a, a tawp ah chuan in rel chhe ve tawh tak, rohsan tih hriat tak a zuk thleng a, thawm pawh chu ta tanga lo chhuak ngei chu ani. In rel sir ah chuan bike pathum leh school bag chhuta lo let chu a zuk hmu nghal vat a, a chhung atanga thawm rawn chhuak nen chuan thil thleng chu a ting thiam nghal a, a bike hmuhna bula thir tiang lo let ngiai chu lain a chhungah chuan ava lut nghal a.

Mipa amah ang rual vel 2 hian school naupang class 11 emo 12 rual vel mi awm tak hi an lo bawhbet a, hmeichhia chu theihtawp in tal a, a au bawk mahse chu mite chuan a hrehawm ti thawm chu hmuh nuam ti awm tak hian an nuihpui a, an bulah mipa 2 dang hian an thiante chu en in an au dun dar* pakhat zawk chuan a phone ah thilthleng zawng* chu thla alo la a, an chet dan ah chuan nu emo unaunu nei lo ang mai an ni, hmeichhe hrehawm ti au thawm mawlh chu an hlimpui a.

An zavai chuan an kawr leh kekawr chu an taksa ah ala inbel kim vek a,
hmeichhia taksa ah pawh chuan pawnfen leh kamis chu ala inbel a, mahse a kamis in kilhna te chu a inphelh vek tawh thung, mahse a lan dan maiah chuan a tawpkhawk an la thleng lo niin Harry chuan a hria a, a thaw huai thei hial.

"Zawng ho leh!" tih pah chuan Harry chuan amah hnaih ber tu chu pan in a thirtiang ken chuan a lu ah tak chuan ava vaw chawrh a, a tha zawng* a vua ani bawka a hai ve chawlh tih a awmdan ah a hriat thei.

"Engnge mo I hriat le?" tiin phone a lo record tu chuan hmanhmawh em* hian a rawn pan a, hmeichhe lo khawihtu te pahnih erawh chuan an awmna tanga chesan silo chuan thil thleng chu an lo thlir a, an lo tang ve tung bawk.

An in hnaih chilh chuan Harry chuan a thir tiang ken chu chupa hma ah tak chuan a vai fua* a, chupa pawh chuan ava hnaihchilh ngam bik ta lo. Chutia an inchai reng tak ah chuan hmeichhe bula awm pakhat zawk chu ava tlan phei ve a, Harry an a tira alo vuak pa nen khan Harry chu an din hual a, thirtiang pakhat chauh nei ni mahse Harry chu a zam bik der lo, lehkha thiam in pakhat na ni ziah mahse insual ngai lo ani bik tlat lo alom. "Pakhat chauh anih kha. Zo fel vat ta che u" a hnung atangin mipa la awmchhun chuan a rawn ti vin hlar a, a hmeichhe naupang manbeh mekin chhuah tura a ngen lawm* te chu hre lo ang hmakin a awm a, chutah "Zawngi lo bengchheng chhen suh" tih leh hmeichhe hmaia ben chu a rual a, Harry alo in hum ruh hle thung.

"Tunah I kal anih chuan, kan chhuah ang che" a hmaa mipa ding pakhat chuan Harry en kar chuan ati a, Harry chuan ngeiawm taka nui suk pah hian, "Nangni ang mai* in ka nu in min enkawl lo" ati sak a, zamna chhete mah a hmelah a lang lo.