✳ الجزء 21 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
دخلو عندها لقاها مبعدة تيشورت من صدرها كتكب عليه الماء و يديها مجروحة بالكاس لي طرطق ليها و كي سيل ليها بالدم هز راسو شرف و مش حل تلاجة و اكرام طيران ليها تيشورت لقات بدوني و حيت راضية كتحشم من باها بقات تخبا من مور مها
شرف(دار عندها):أجي لهنا نشوف
راضية(كتبكي):لا حشومة
شرف(خنزر):زيدي لهنا نشوف زيدي
راضية:لا مبغيتش ا بابا
اكرام:ارا ا شرف ارا
دارت عندها كتدوز على صدرها لي ولا حمر و هي كتبكي شرف مشا قطع ليها خرقة و جا عندها كي شوف يديها و هي مخبية
شمس:الله يهديك ا راضية راه غير باك
راضية(كتبكي):حشوووومة ماما خبيني
شرف(ما حيلتو يضحك ولا يتعصب ولا يتخلع جابت ليه بنتو تمام):راني باباك ا بابا شكون كان يدوش ليك في صغر اااه
راضية(مادة يديها لعندو):حشومة
اكرام:خليوها على خاطرها نوضي ا بنتي أجي البيت بدلي نوضي
شرف:بدلي ليها و يالله نديها الطبيب على يديها
راضية:موقع باس ا بابا
شرف(خنزر):سمعي الهضرة يالله اكرام
حنات راسها و دخلات مع اكرام البيت و شمس مشات تجمع شقوفى ديال الكاس هزات راسها في باها: دا البلى و الباس معرفتي شنو هز عليها هذه النهار ا بابا
شرف:الحمد لله
(طول فيها شوفة و عنقها جنب):الله يرضي عليك و مبروك عليك عقبال مباراة الجاية تولي استادة في التانوي تأهيلي
شمس(هزات يديها):امييين ا بابا
اكرام(خرجات):شرف
شرف:يالله معايا
شمس؛عنعاون ماما ا بابا غير سيرو انتوما
هز ليه براسو و شد بنتو خرجو الطبيب حيت بانت ليه مجروحة بزاف و مزال كي سيل منها دم ركبو في لوطو و زاد خلفة الطبيب و كي تنهد اما راضية مرة مرة الحرقة و جرحة ك يعطيوها الحريق منين وصلو دخل معاها راضية كتقول ليه صدري مزياااان و شرف كي قول لطبيبة شوفي صدرها راه محروقة المهم ما خرجو من تما حتى كانت تقلبات كلها
رجعو و هي مخنزرة و شرف كي دور يشوف فيها و يضحك من تحت التحت راضية كتدي لاكرام بزاف منين كتقلق و تقول لا و هو كي بزز عليها تبسم و كمل طريقو و هو كي فكر بلي لي ولد ما ماتش و هذه الشي لي واقع ليه مع ولادو
وصلو الدار مع غوتة نايضة في الحومة و واحد كي دابز مع التاني منين وصل كي لقا رضى و نادر و معاهم حتى هداك لي جا جديد هذه الشي لي دور في راسو اما راه اسلام لي مقربلها في الحومة و هو يالله حط رجليه فيها✳ الجزء 22 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كيف دخل فطر مع مو و غني مجبد ضاربها بنعسة مهواااش هنا بقا مجبد كي تفرج في تلفازة و ريهام كتدور في الدار من جيه الجيه فرحانة و هبطات عندو
ريهام:خويا واش حتى الفوق ديالنا
اسلام:اه
ريهام(كتنقز):اوولييييي حبييييت
غيثة(غير كتشوف في ولدها ممرتاحاش و هي تدوي):اسلام جيني نيشان اولدي و قول ليا منين جاتك الفلوس باش تكري هنا
اسلام(شاف فيها):ولدك راجل مي و مزال الخير القدام
غيثة:ااح ااح اولد كرشي و تكون داير شي زبلة قد راسك
اسلام:مي متخافيش لي بغاها الله هي لي عتكون كوني هانية
غيثة:ها هي هانية ا ولدي حتى نشوفو فين عتوصلنا هذه القضية
اسلام:الله يدير لي فيها الخير دعي معايا بتيسير
غيثة(ناضت):الله يدير شي تاويل ديال الخير نوضي ا ريهام نوضي ا بنتي سيري عند مول الحانوت جيبي من عندو عطرية لداك الفروج نديرو الغدا نوضي
ريهام:واخا
اسلام(خشا يديه في جيبو):أجي لهنا هاكي
مشات عندو مد ليها 50 درهم و قالت ليها غيثة اشنو تجيب و خرجات البنت عندها 15 السنة مزال ما شاربة عقلها مزيااان مزالة كطير و شي طبيعي لوحدة في سنها تحرمات من الاب و هي في عمرها عام و مكتعرفوش عكس اسلام لي كان في عمرو 13 العام تحملات مهم مسؤوليتهم الام مشي كيف الاب بالعكس تماما كتحضن على ولادها حتى كي كبرو و يقدو براسهم
اسلام دري عندو نيشان نيشان معندوش مع تلاوي و كثرة الهضرة الا قلب عليه الواحد يلقاه و اهم حاجة مكيحملش الضلم و هذا من احد الاسباب لي خلاه يقبل بهذه المهمة هذه و منين كنقول احد اسباب راه كاين اسباب اخرين و منها عيشة الذل باغي ختو و مو يعيو في وضع مزيان و يدير مشروع راسو اي بدا كي فكر فيه من دابا نيت
بقا جالس حتى كي سمع صوت ختو عقد غوباشتو و خرج كي جري اما في هذه الاثناء كانو ولاد الحومة كي نگو عليها منين خرجات حيت اصلا مكيعرفوهاش مشي كيف بنت دربكم كتكون موقرة و حتى واحد ما يقدر يقرب ليها
في المقابل كان حتى رضى و نادر جايين غير شافوهم مشاو ليهم نيشان منين سمعو غواتها
ريهام:واش انتوما مكتحشموووش اااه مزال معرفتو انت خت من والله حتى يصيفط باباكم السبيطار
رضى(قرب العندهم):ايييه مالكم انتوما مع درية
***(حك لحيتو)؛واالووو ا خويا رضى
رضى؛هي الا حسبتو الخطوات
ناضو تگعدو مشاو و اسلام خرج عند ختو عاقد غوباشتو فيها:اش واقع ا ريهام
ريهام:هذو تحرشو ليا ا خويا و**
مزال مكملات حتى هضرتها حتى كان اسلام شنق على رضى و عطاه كروشي الحنك: ختييي القوااااااااد ختييييي الله يحرق طباسل ممممك
رضى خنزر و جنون طلعو ليه في راسو منين سمعو عاير مو دخل فين براس حتى رجع اسلام لور و زادو ضربة فيا ضربة فيك و المعيور ريهام دخلات عند مها تجري تخرج تفك و غني ناض مضهشر غير كي دور راسو معرف باش تبلى اما نادر جا مسكين الوسط ما حيلتو لهذا ولا لهاذا اكرام لبسات تيقابها و خرجات تجري منين سمعات صوت ولدها
المهم القضية ترونات حتى كي سمعو الكلاكصون رضى غير شاف باه حبس و جات فيه دقة ديال اسلام حتى شرف مشي من العاگزين جمعها و عطاها الاسلام نيشان المنخر حتى طوش دمو