سبية مستباحة -بقلم الكاتبة ميامين الدليم
-- اصوات صياح هوسة من كل مكان كلمات تتردد ابالي صار نفسي اثكل شي علية راسي صار ثكيل سديت اذاني واحاول اهدي روحي واتنفس ذبيت حملي للكاع واخر كلمة سمعتهة جانت
:- يمهه مهڤ الحك مريتكك
- ماعرف شصار بعد بس من كعدت جنت بغرفتي ولكل كاعد يمي مهڤ حاط كرسي يم الجرباية لازم ايدي حاطهة على وجهة ومدنك
- من كعدت عمتي كلتلة "يمة كعدَت
- رفع راسة بسرعة علية
مهڤ: شلون صرتي يبوي
حرير: لحمدلله بس لساني ثكيل
مهڤ: هوة لسانج طويل وثكيل وصكعة وعثرة
حرير: ترة هسة كعدت خير
ام مهڤ: دعوف البنية وعوف سواليفك يول
حرير: صعد ضغطي مو راح يجلطني
مهڤ: ترة انتِ الهابط ضغطج وضغطي الصاعد وليدي
حرير: انتَ تعصبت مو مني صعد
مهڤ: لاا يابوي انتِ وين تصعدين الضغط
حرير: دحك علي طلكني
مهڤ: رجعي نامي تسوين فضل
عبير: بدال هلمشاحنات كوم جيبلهة اكل من المطعم
مهڤ: برنسيسات عيني
عبير: شعبالك عجل بس بنات عمتك برنسيسات
مهڤ: معثورات انتن معثورات ماتربزن
حرير: ادافع مو اطلع ولاا ترجع يمي
مهڤ: ارتاحيتي
عبير: البنية راح تخرب من الجوع دشوفهة جنهة وردة ذبلت ذبلت من القهر
مهڤ: هوة هذا صديق السوء
حرير: ارييد اكلل
مهڤ: ول ول ول قبانووو هسة اجيبلج المطعم كلو هوة ولبي
حرير: يوووه مهڤ لاا تحمة اريد لفة صغيرونة
مهڤ: مال برنسيسات
حرير: لاا اشاقة اريد دليمية
مهڤ: يبوي ونرفع الردان ونتربع وننجمع اني وياج بصينية ثريد
عبير: هوة انتو بس بهاي الصينية راح تنجمعون ههههه
حرير: على عنادج احبوو
- استوعبت شنو كلت وبقيت اباوع لعبير وعبير تباوع لمهڤ كلبي صار طبل
-عمتي تضحك بس اسمع ماباوع على احد راح مهڤ وطلعت ورا عمتي كمت على عبير اريد اضربهة ماكدرت اكوم
عبير: يمهه اعترفتي ولجج شلون اعتراف كدامنة كلنة شتسوالج هااي هسة
حرير: عادي عمتي شمدريهة اني مكايلتلة احبك هية عبالهة احنة عايشين قصة حب وحبني واحبك
عبير:- عجل انتو شعايشين
حرير:- حالة صخااام ولطاام شلون راح اواجهة هسة عبيييررر كلة منج عزاا فشلة ولج فشلة هسة شيكول علية
عبير: شبيج عيني ترة هذا مو صديقج رجلج المفروض هسة انتِ بطنج كدامج تارسهة بيبي
- هاي لو نور جان هسة عدهة 4 بعين العدو
حرير: لجج لجيبين طاريهة يمي هلحية وتخليني اكوم ادوس ابطنهة داشوفهة شلون اجيب 4
عبير:- عجل من تغارين ليش ماتعترفين لو هية عيارة نسوان
حرير: العيارة كلهة يمج وتعرفين شنو اقصد اذا ما لزمتج انتِ واية ونور وافر بيجن البيت فر وارتاح منجن اصبرلي
عبير: هاا هاا طلع وجه الحية
حرير: جلطوني يمه كلبي صار عندي خفقان
عبير: راح يجي التحبينوو اندار عليكم اعوفكم وحدكم
- ردتها تبقة يمي ماقبلت ضلت تضحك وراحت سويت روحي نايمة وغطيت وجهي ماريد اواجهة
- اختنكت لان بقيت مغطية وجهي بعد فترة انفتح الباب حتة النفس كطعتة سمعتة يدندن ايي عيني فرحان ولضيم علية
- بدون سابق انذار انسحب الغطى بس بقيت مغمضة
مهڤ: حور وليدي عليمن هلكلاوات يولي
- ماتحركت ولا انطيت ايي ردة فعل
- تقرب علية بحيث لزك راسة على راسي
مهڤ: هواجيسي
- كمزت من مكاني ردت اوكع سحبني من ايدي
مهڤ: الله الله شبيج يلعثرة شلكيتي
حرير: شبيك مهڤ حباب ماعيدهة بعد لاا تستخف
مهڤ: ياا يابة شلون صكعة
حرير:- وخر وخر شبيك
مهڤ: هسة يمج انه ستغفرلله حرير تعاي اكلي احسن ماا اوكلج بطريقتي
انتَ بس لاا تستخف واني اكل
مهڤ: حور عيوني ترة هاي غلطة
حرير: مو غلطة تصرفاتك عييب
مهڤ: الله اكبر غير مرتي جايب صديقتي قابل
حرير: هسة شتريد مني شبعت ماريد اكل
مهڤ: دليمية ابوية مو انتِ ردتيهة اروح اكل انه ونور
-اروح احركهة حرك ادفنها وانحرها وانحرك وياهاا وانعل اليوم الاجت بي احط راسها بصينية سمعتنييي
- يرفع بحاجبة ويضحك لزم ايدي وسحبني الحضنة وبعدة مابطل ضحك
حرير: شـ شبيك تضحك
مهڤ:- منو لتحبينو
حرير:- ابوية
مهڤ:- الله يرحمو وبعدو
حرير:- انتَ
مهڤ:- كلبي كلبي تشعوط يولي تشعوط اويليي
- ليش متكليلي يبوي لشوكت ضامتهة
حرير: هاي السالفة ماتنكال الة اختل بحضنك
مهڤ:- يابة زادت جمال انوب فوك ماتكليلي احبك تستحين ومتكوليهة الة بحضني كاعد تفيديني انتِ
حرير:- خليتني احب مدينة كاملة والشارع الي انتَ بي خليتني ادمن عطرك الجيران وبيتكم واهلك واشياء ماجنت احبهة
- لهجتك كلامك لونك المفظل. حنانك الخلاني اعيش من جديد واتحمل الحياة واتحمل نفسي وكلشي بيهة
- اذا اكو سبب مخليني عايشة هوة انتَ اذا رحت مني بنفس الدقيقة اموت لان خلص روحي تعلكت بيك حرفياا انتَ السبب العايشة علمودة بسس
مهڤ: لاا تبجين يبعد اهلي ودفاهم لتبجين اندار عليج اندار لهلعيون يولي اشتغل نهر الفرات شيسدة
- بوية عاينيلي عاينيلي خليني اروي عيوني بعيونج يسواليفي ريت السوالف يوسعنج
- رفعت عيوني الي مليانات دموع بعيونة وادية محاوطة خصرة مثل الطفل شفت الامان ولمعة ولفرحة بعيونة
- بوس عيوني ثنينهن ومسح دموعي
مهڤ: هلعيون ماريدنهن يبجن مادام انه عايش خوش بوية
حرير: اذا بقيت ساندني عمري مراح تنكسرلي هامة
- جنت هيج اكول وجنت متاكدة من كلامي جان كد هلكلام واكثر من هيج
- دائما جان اكو ابالي جملة -مهڤ ماكو شي راح يوصفة او يعوضة ابدا
- وماجنت متوقعة الراح يصير
-
عبير:
- من اخر موقف صار صرت اتغاضة اشوف جبل او حتة هوة يشوفني
- تهديدات المجهول جانت مستمرة بس جنت ماهتم الى ان اجة يوم خلص صار يدز تهديدات ورقية ويدز للرقم كومي شوفيهن
- هنا ماكدرت اسكت صعدت بلسطح بس جنت مترددة حيل وماعندي غير حل اتمنى يتفهمني
- صعدت ودزيت رسالة لجبل
- اذا موجود اصعد للسطح موضوع كلش مهم ولتفكر ميتة ع شوفتك بس شي خطير
- شافهة وحط اعجاب للرسالة بقيت انتضر لحد ما انفتح باب السطح طب وحاط ادينة بجيوبة ومبين ضايج واصلاا مطايق شوفتي تقدم وكف يمي بس تضل يتقدم واني ارجع ورة
- دفعت صدرة وكلت "هوووب وين تريد يمعودد
جبل: انوثتج وين ناسيتهة
عبير: تبادلنة اني وياك من يوم الوصلني خبر خطوبتك
- طلع ايدة من جيبة ولزم ايدي عصرهة حييل
جبل: عبير لسانج واعرفي حدودج لشوفيني ساكتلج ترة داعبرهن الج بمزاجي بس اذا خلص صبري
- ايي اذا خلص صبرك شنوو تزوج انوب مو بعيدة عليك بس لتفكر راح اهتم
جبل: احجيي شصايرر
عبير: فتحت تلفوني وطلعت الرسائل من كل الارقام لان جنت كل ماا احضر رقم يشتري رقم جديد ويراسلل
- انطيتة الجهاز وصار يكلب بيهن عيونة نطت من العصبية يباوع علية ويرجع يباوع للرسائل
- اخذ ايدي وحط التلفون بيهة بعصبية
جبل: عاشت ايدج على تصرفج واعتبريهة نحلت
عبير: شراح تسوي جبل لدخل نفسك اني اتصرف اني كلتلك بس حتة متفهمني غلط بعدين لان اذا صار هيج راح اخسر نفسي وتخسر نفسك
جبل: هذا المفجع اذا ما وريتو ورجعتو لبطن اموو انه مو جبل يخسى اذا اعوفو يولي
عبير: جبل مراح تسوي ايشي كلتلك لدخل نفسك جبلل لتخليني اعلي صوتي انتة ماا الك ايي سلطة علية صار عندك خبر موو خلص هلشي كافي مايهمني شي بعد
- اذا راد يطلع بروحي فَ يسوي فضلل
- رجع لزم ايدي وكال - لسانج اذا ضل طويل راح اكصو
عبير: تدري شنوو - بجيت هوااي بس هيهااات
- انـتَ ماينبجي عليك جبل انتَ اذيتك تهد الجبل تخيل بس تخيل بعد كلشي اني عايشة وياك انـتَ ومرتك تخيل كمية الاذية الي بروحي
- ماا اريد مساعدتك ولاا اقبلهة تذكر هلشي اني عندي اخوان اثنين وهمة يوثقون بية بس كلتلك لان بعد السويتة ماا اضمن ايشي منك
- ماا متت بعدك ولاا راح اموت شوفني كدامك هاي اني وحدي
- بس نرجع لبيوتنة ماريد اشوف وجهك جبل طول عمري ماريد اشوف وجهك
- جان واكف حاط ادينة بجيوبة ويباوع علية بدون اي ردة فعل بس يباوعلي الدنيا جانت ليل ولاضوجية مال بيوب عاكسة علينة بينت لمعة عيونة بس لاا جبل مايبجي على منو على الي كسرهة بدون لاا يسئل
جبل: طبي جوة باردة
عبير: الله ياخذ البرود العندك
جبل: تقبل الله
عبير: لتشوفني وجهك ولتدخل بشي يخصني
جبل: طبي جوة ترة تحملتج هوااي
عبير: واذا ماتحملت شتسوي شنو يعني هسة تريدني اخاف
جبل: ورينه ولله ورينه
عبير:- مشيت بعصبية وادردم بصوت ناصي خايب كوت ورتهم وذا وريت
اسمعة يستغفر كلت ربي دخيلك شلون سمعني
:- واني انزل شفت نور دخلت من الحديقة هية جان عدهة نفس السوال الي ابالي شنو جانت تسوي برة هية وهتفونهة وتلفونهة ومبينة فرحانة
:- مشَت باتجاهي بخطوات فخر عبالك مسلميهة العراق لو محررة الموصل
نور:- شنو منين نازل عصفور الحب خلصتو دراما لو بعد
عبير: - لاا درامتنا حتصير عبرة للتاريخ وانتي راح تصيرين مضحكة للجمهور
نور:- اووه صدك لعد اني انتضر ونشوف منو الراح يصير مضحكة
عبير:- واني بعد انتضر المسرحية شوكت تبدي بفارغ الصبر صدكيني
نور:- لعبتنة ما خلصت هسة راح تبدي ياا حبيبة كلبي.
عبير:-نور ترة احنة مو بمسلسل من مسلسلاتج الي اتابعيهة بليل
:- وخري عن وجهي احسن ما اشحطج واعلمج عـ العب شلون يصير
دفعتهة وطبيت للغرفة لكيت بس وردة حاطة هتفونهة ولجهاز وبغير عالم ولله هاي عبالك ماعايشة ويانة ولاا بعالمنة ولاا تعرف هموم الدنيا هية صح بادية بيهة علامات التوحد وموزين هلشي بس اتمنى بية توحد من يوم الي انخلقت جان كلبي الاغبر ماحب ولاا انصكع
:- امي كالعادة يم خالتي يضلن يحجن بمواضيع الدنيا واحداثها لحد ماا تنام مرات تنام هناا ويانة بس غرفت خالتي بصف الغرفة الي نايمين بيهة ومانام اذا ماقفل الغرفة حتة اذا جانت امي موجودة
:- صح ماكو احد ولا احد يدخل من الولد بس اني ماعرف ارتاح هيج تجيني افكار من انام لاا اروح اتكشف احد يدخل بلغلط وهواي افكار فـ اكول الافضل اقفل بابي وانام
:- حطيت راسي ع مخدتي واخذني التفكير بزماني وكلشي يصير وصار وياي مثل كليوم ..
مرَت الايام وصرت اخاف من كلشي محاوطني صرت اخاف على وردة اكثر وانتبه الهة ولتصرفاتهة وابعد كل الافكار من بالي شي يكول هية مو اجتماعية وشي يكول اعراض توحد
:- الي يبعدني عن فكرة التوحد انو وردة من تكعد وياي لسانهة اطول منهة وتحشش وتحجي مو مثل مديكولون من هلناحية وهاي اهم شي
:- صرت اشوف حرير تراقب مهڤ وين ميروح نضراتة حركاتة من يكوم تكوم وراا غريب هية ممسوية هيج قبل
:- من يلتحق تضل شايلة جهازهة وتباوع وداخلة لمحادثة مهڤ حتة لو مكاعد تحجي وياا عينهة بلتلفون وبنور
:- ارجع اباوع لنور فرحانة بتصرفات حرير ومنتبهة الهة
فلاش بااك:
صرت اشوف نور بكل مكان مهڤ موجود بي بلمطبخ سوة برة سوة بلصالة قريبة علي واحسهة فرحانة لشي بس مكاعد تحجي كتلني فرحها من تباوعلي بانتصار
:- نضراتهة جانت اتكلي ديخونج وياي بس شي مانعها
:- اني اعرف مهڤ مستحيل يباوع عليهة ولاا راح تخليني افكر مهڤ ديخوني تفكيري جان غير شي ردت اعرف اذا جان اكو شي مضموم علية وحتة مهڤ مكاعد يكلي.
:- ليش ليش كاعد تلحكة بهلطريقة شنو غايتهة ليش تتعمد تشوفني عاد لو هوة معبرهة ميخالف
:- اكثر من مرة صرت الحكهة وين متروح وعيوني عليهم ثنينهم صار عندي الم مستمر براسي من التفكير ماضحك ولاا احجي وية شخص عبير ماعرف شكد صارلي ماا كاعدة وياهاا ولاا متناكرة وياهاا
:- حسيت نفسيتي تعبت وشي دياكل بجسمي يريد يعرف شكو بس ميكدر ماكو شي يخليني اصحى وينقذني من هذا التفكير
:- الكل انتبهلي مو بس هوة بس بيومها جان نزول مهڤ واتأخر ماا اجة كال اوصل بـ 10 بليل وصارت 1 بليل وهوة ماكو باوعت من الشباك جانت نور كاعدة بلحديقة بلمرجوحة ورجليهة طالعات ستغفرلله مهڤ رجلي واستحي اسوي هلحركة يمة
:- من كلت هيج نزلت بسرعة مثل المخبلة وكنبصت اباب الشارع الجو جان ثلج باوعتلهة وباوعت لملابسهة عبالك بعز الحر عفية ع هيج قابلية ومناعة عرج ميطكهة ولاا تتمرض
:- عينهة بلتلفون وبية وتبتسم شمرت شعرهة وكالت
:- شنو خايفة علي من جمالي
حرير:- انتِ كل عقلج يباوع لجهرتج بس اني اريد اشوفج وين توصلين واني ضايجة عليج صراحة لان الكرامة متنباع
حرير:- اكتفت بلضحك وكالت
نور:- السكوت علامة الرضى تدرين مو
حرير ماجنت ساكتة جنت افشر عليج بكلبي للامانة
نور:- ترة بعدج متعرفيني شنو ممكن اسوي اني عندي حاضر ماعندي خيالل
حرير:- طُزز ياروحي طُزز على مابخيلج اركبي
:- ضحكت بوجهة وابتعدت عنهة بحيث صارت متشوفني وبقيت انتضرة المهڤ
:- كعدت على عتبة الباب وحضنت نفسي من البرد ونمت على ادية ماعرف شكد مر من الوقت واني انتضرة
:- كل الجنت اسمعة صوت نور وهيَ تحجي اعتقد بكروب لان جانت تحجي وية اكثر من شخص باسماء مُختلفة
:- واخيرا سمعت الباب انفتح رفعت راسي بسرعة واني اضحك
:- هوة جان يباوعلي رافع حاجب ومستغرب والابتسامة مالية وجهة
ملابسة جانت عبارة عن لون اسود وشفقة سودة وجنطتة الي شايلهة على جتف واحد شمر الجنطة بلكاع بمعنى تعاي
:- كمت على حيلي بسرعة وتعلكت بركبتة
مهڤ:- بوياااي يمعثورة شكثر مشتاك لضحكتج من تعاينيلي
- نزلت من حضنة فتح قمصلتة وطببني لحضة وغطاني بلقمصلة
حرير:- تدري صارلي 4 ساعات واني انتضرك وتحملت وجوه تسد النفس ولبرد لخاطرك
مهڤ:- ول يخالي اذا تمرضتي انه شسوي يمهبولة
حرير:- خفت حيل بس جنت زعلانة بنفس الوقت ماعرف على شنو يمكن هرمونات وانت واجبك تتحمل
مهڤ:- شمذبل الوان الوجه يولي
حرير:- امشي نصعد ارتاح واكل ونحجي بكلشي جمدت باوعت النور جانت مسوية نفسهة مو ويانة ومشغولة بس ملامحها واضح تغيرت
:- بقة محاوطني وطبينة البيت جان هدوء ولكل نايم
-صعدنة وحضرتلة ملابس بين ماسبح حميت الاكل وصعدتة كعدت ياكل واني كعدت يمة حطيت ايدي على خدي انتضرة يبلش اكل راد ياكل اول لكمة باوع علية ومد اللكمة الية
:- فتحي حلكج درنفيس
حرير:- بطل تكلي هلالقاب هااي واكل انتَ اني موجوعانة
مهڤ:- يليلة الصكعة فتحي حلكج واكلي
حرير:- ضحكت واكلتهة ضل ياكل ويوكلني وحسيتة مرتاح او شاف تغيير بية ماعرف من طريقة حجية شفتة مندمج ولفرحة بعيونة بس اعرف شنو بداخلة وهوة ليش يتأخر من ينزل
حسيت ماكدر انطقهة وشلون اكولهة لان راح اختنك بنص الكلام انتبه لعيوني الي انملت دموع بمجرد التفكير قبل لاا يحجي ويسال كلت
:- كاعد تبقة يمهم وتتاخر موو
:- مثل ماتوقعت اول ماا حجيت صرت اشهك اريد اطلع الغصة الي بداخلي روحي مشتاكة احس روحي دتنمل لان مابيدي حيلة
:- تقرب يمي ومثل كلمرة كلماتة وتصرفاتة تفوز على كلشي بس بهذاك الوقت ماجنت اسمع شي ولا اشوف شي شعوري وكلبي جانو مسيطرين علية
:-تعرفون الشعور من ادخلون لامتحان الشعور الي يصير بلمعدة الوجع هذا بس الي حاس بي حيعرف شنو حسيت وشنو هلخوف ماعندك حيلة ولا مهرب وكل مافكرت انو ماكو حل يزيد الوجع ولخوفة
مهڤ:- ليش تبجين هلوجه الصكعة يولي
:- تدرين وجهج فايض بلنعمة يولي عش تبجين يمعثورة
حرير:- اسمع سوالفة واكول هسة ابجي اضحك
مهڤ:- اذا صابج تعب بس انخي ربج وانه باقي ادعيلج بكل لحضة وطول ايامي هناك انه بمنيه لو ارجع لو مارجع
حرير:- روحك حنينة مهڤ روحك كلس حنينة مثل الخبزة الي يدوروها بايام الحصار شكد حنينة
مهڤ:- اني عايش لخاطرج انتِ وامي لوما انتن اني ماا اعيش ولاا انطي فرصة النفسي داقوي بنفسي لخاطرجن الله شاهد
حرير:- واحنة لاا شيئ بدونك ابوس روحك الحنينة
:- بعد ماا سولفنة اخذت المواعين غسلتهن وصعدت لكيتة متمدد
:- رحت مددت بصفة وضميت وجهي بحضنة
:- هوة ضمني لحضنة واني غمضت عيني وكلت
-( يارب عينك علي واحفضة بجاه النبي مُحمد )
عبير: - بيوم ما متوقعتة
طلعت من الغرفة العصر بعد ماا جنت نايمة الضهر ادور لوردة مو من عوايدهة تطلع وتعوف الجهاز
ضليت ادور ماكو سمعت صوت بلصالة شنو هااي معقولةة طبيت للصالة ونصدمت ...يتبع
- ادري مو وكتهة ولبارت متاخر بس كلنة مانعرف ضروف الناس الثانية ولضرف جان من حرير اول شي وبعدها مني
:- ثاني شي اريد اعرف شي وللبعض هاي انتو متابعيني علمود القصة لو علمودي اني شخصيا يعني اهتمامكم للقصة بس؟
- يعني من تجين وبكل عين صلفة تكليلي سلمي القصة لغير كاتبة شتحسين انتِ وسوال انتِ تنطين تعبج وسهرج وشي خااص بيج انتِ لغير شخص ولله عجيب شهلقابلية
- المهم عمري القصة هنا ومتصير بغير مكان واني مانطي شي الية وخاصتا هاي القصة لان انتو متدرون انو بيهة احداثي لان اني وحرير بنفس المحافضة وعشنة نفس الحرب وكل احداثي ضايفتهة واني الجنت اعبر عن شعوري انطيهة لغير كاتبة شنو
-- هاا وازيدج انوب قصصي ولاا كاتبة تستاهل تكتبهة تليق بية اني بس واذا ميعجبج الله ماكثر غير القصص كلبي
- اتمنالكم قراءة ممتعة
- استودعتكم الله.