سبحان الله وبحمده سبحان الله العظيم ♡
(الـمـسـتـشـفـى - 6:37 ص )
ابو عبدالله جالس على كراسي الانتظار بتعب وعلى كتفه نوره النايمه بتعب وام عبدالله الي خايفه على بهاج خايفه تفقده وماطب عينها النوم
نوره قامت وهي اساساً مانامت الا شوي : معليش عمي نمت بالغلط
ابو عبدالله : لا ياعيون ابوك نامي بالوقت الي ودك
نوره ابتسمت : عمي خالتي بروح اجيب فطور واجي تكفون اذا قال الدكتور شي لاتخبون عني
ام عبدالله : تمام ياعيون امك
نوره ابتسمت وراحت تجيب فطور
ابو عبدالله : يوهه ماراحت عن بالي اعتذاراتها امس
ام عبدالله : ايي والله تحزن تكسر الخاطر يابعد العربان هالنوري شف بهاج من دونها وش يصير به
ابو عبدالله : والله صادقه هم من دون بعض ولاشي
جاء الدكتور : صباح الخير اهل بهاج؟
ابو عبدالله : الله الله ، وش فيه؟
الدكتور : اقدر اقولكم ان حاله بهاج مافيها تطور ولاتحسن ولا شي بس حاب اقولكم ان مده زيارته ٥ دقايق فقط واهم شي نوره لانه بالاسعاف يردد اسمها كثير
ابو عبدالله : تمام يعطيك العافيه
الدكتور: تمام يدخل واحد واحد وتعالو معي تلبسون لبس مخصص لان اي جراثيم تدخل بيروح فيها الولد
ابو عبدالله : روحي يام عبدالله انا بنتظر نوره واجيبها لك
ام عبدالله : تمام
وراحت ام عبدالله ولبست اللبس المخصص للعنايه المركزه ودخلت على بهاج
جت نوره يالله يالله تمشي من التعب النفسي الي مرت فيه
نوره مدت الاكل : افطر ياعمي
ابو عبدالله فاقد الشهيه من شاف حال ولده : بس ياعيون ابوك انتي
نوره : عمي متى يفتحون الزياره
ابو عبدالله: هالحين بس ننتظر خالتك تطلع وندخلك
نوره بشوق : صدق عمي يعني بشوف بهيج !؟
ابو عبدالله بأبتسامه : ايه بتشوفينه
نوره تنهدت بفرحه وجلست تنتظر
____________________
(الـعـنـايـه الـمـركـزه )
دخلت ام عبدالله وقلبها يوجعها على شكل بهاج
ام عبدالله بدموع : بهاج ياقره عين امك قم وفرحنا والله ماقي فايده انك تنام طول هالوقت قم وانا امك يلا خلاص ماعاد بخانقك عن مقالبك ومحارشك ومحد بيقول لك شي اذا عصبت وغلطت انت بوجهي
ام عبدالله تمنت انه يستجيب معها وعلى اقل يشد علي يدها لكن بهاج اشبه بالجثه لاحركه ولاصوت
ام عبدالله بدت تقرى عليه لعلى وعسى يستجيب معها لكن مع الاسف فقدت الامل وطلعت
نوره بأبتسامه: بشريني يستجيب معك ؟
ام عبدالله هزت راسها بحزن : لا
نوره اختفت ابتسامتها والتفت على ابو عبدالله : عمي روح تطمن على بهاج انت ابوه يمكن يطيعك ويقوم
ابو عبدالله رفض انه يدخل ويشوفه بهاج بأضعف حالاته
نوره هزت راسها برضى ودخلت وتنهدت بضيق : بهيج ، بهيج تكفى قوم
تقدمت ومسكت يده : بيهج اذا تسمعني شد على يدي
بهاج مايستجيب
نزلت نوره راسها بحزن : بهيج انا اعرف انك قوي وتقدر تقوم وانت قد مره قلت لي انك دايم بتوقف معي ووراي طيب هاه الحين انا محتاجه وقفتك معي يلا يابهيج قم وفتح عيونك عيونك حلوهه بشوفها يلاا تكفى
سكتت من شافت مافي اي حركه منه
حطت يدها على فمها تمنع الشهقات لكن تعالت اصوات الشهقات ماقدرت تشوفه كذا والاجهزه حوله
مسحت على شعره بحنان : بهيج ماودك تقوم؟ وش هالنوم الثقيل يلا بهيج وش تعقيدت لحواجبك ورفعه الحاجب ووين مقالبك الي ماتخلص ووين عصبيتك ووين محارشك لي وينهه وين اختفى!
عقدت حواجبها بعصبيه : بعاج خلاص عاد قم عن الدلع مو لايق عليك !
دخل الدكتور : استجاب معك؟
نوره بدموع : لا
الدكتور : بنسوي له فحوصات واشعه وبتشوف متى يصحى
نوره هزت راسها برضى ودموعها ماتوقف جت بتروح لكن في شي شد على يدها التفت بفرحه : بهاجج
الدكتور : حلو في استجابه
نوره : بهاج افتح عيونك
بهاج ارخى يده
نوره بدموع: بهاج تكفي لاترخي يدك شدها تكفىى
الدكتور: ممكن تطلعين ؟
نوره : بهاج تكفى لاتتركني
الدكتور : لو سمحتي اطلعي
نوره : اكل ** دبل كبدي تراك
الدكتور كشر بفشله : لو سمحتي اطلعي
نوره : بطلع لاتبكي!
وطلعت ودموعها تسيل وحضنت ام عبدالله : استجاب ياخالتي استجاب
ابو عبدالله : الله يبشرك بالخير
ام عبدالله بفرحه: الحمدلله
وطلعو بهاج لغرفه مشتركه وبدو يفحصون بهاج ورافضين يدخلون اي واحد من اهل اي مريض
وشوي وطلعت الممرضه
فز ابو عبدالله : بشري
الممرضه : المريض الي الغرفه توفى
نوره مسكت الممرضه : هاه ؟ كيف توفى
الممرضه: توفى عطاك عمره
نوره رجعت خطوات لورا وتأشر بيدها بمعنى"لا لا مامات"
الممرضه راحت
نوره طاحت بالارض بأنهيار : لاا بهاج حي حي
ام عبدالله جلست على الكرسي بعدم تصديق وتبكي
وابو عبدالله مو مصدق !
نوره قامت بدموع ومتجهه للغرفه الي فيها بهاج وجت بتدخل
الممرضه: لو سمحتي ممنوع الدخول
نوره ببكى: تكفين بشوفه بشوفه
الممرضه عرفت من اهل المريض الي توفى: يابنت عطاك عمره خلاص مايفيد وبعد شوي
الممرضه ٢ مسكت نوره : ممنوع الحين نطلعه وتتأكدين اذا هو ولا لا
نوره بصراخ وبكى : فكيني بشوفههه ! تكفينن فكيني بشوفه بشوف زوله بس وجهه على الاقل تكفينن ان...سكتت من شافت سرير مقبل عليها
جاء السرير الي فيه المريض المتوفي
الممرضه تركت نوره وتقدمت نوره بهدوء ودموعها على خدودها وترددت ترفع اللحاف الي على وجهه المتوفي وتشجعت وفتحت اللحاف ببطئ وطلعت لها حواجب تعرفها زين وفتحت كله وشافت وجهه بهاج وشهقت بخوف وبكى وجسمها اقشعر واختل التوازن عندها وطاحت مغمى عليها من هول المنظر !
وشالوها الممرضات وحطوها بغرفه وحطو لها مغذي ...
اما عند ابو عبدالله وام عبدالله ماهم مصدقين ويكذبون على انفسهم وطلع السرير الي فيه المتوفي وتقدم ابو عبدالله وام عبدالله بخوف وفتح اللحاف ..
وتنهد براحه من شاف واحد غير بهاج مو بهاج!
ام عبدالله بفرحه: الحمدلله دائما وابداً
ابو عبدالله حضن ام عبدالله من الفرحه : وهه الحمدلله يارب
ابو عبدالله :طيب نوره ليش اغمى عليها!
الدكتور: نوره متعلقه ببهاج كثير فـ الممرضه صدمتها بوفاه مريض ونوره وانتم بعد توقعتوه بهاج وإلي مات مو بهاج نرجع لـ نوره نوره من بعد ماصدمتها الممرضه بوفاه بهاج بدا عقلها يرسم لها احداث ماهي موجوده وشافت وجهه بهاج على المتوفي وعقلها وجسدها تعبان وتحتاج فتره راحه وعن بهاج فأموره تحت السيطره وابشركم المشي يقدر يمشي بس يبيله علاج طبيعي مع مساعدات منكم والذاكره فحصناها طلعت سليمه واذا عن الغيبوبه فهو سليم وطلع من الغيبوبه بكامل قواه وبننقله على الغرفه العاديه وتقدرون تشوفونه
ابو عبدالله بفرحه: الله يبشرك بالجنه يارب مشكور ماقصرت
الدكتور: واجبي
____________________
(الـفـنـدق )
دخل سعود : ريف
ريف بخوف : هلا
سعود مسكها بخفه : لاتخافين جيت اسمع منك كل شي
ريف : وبتصدقني لو قلت لك؟ لا ماراح تصدق فـ خلني ساكته احسن لي
سعود : مايحتاج تقولين عرفت كل شي وعرفت انك مظلومه تعذريني ؟
ريف : مستحيل بعد كل الي سويته ؟مستحيل !
تنهد سعود وطلع
ريف : روحه بلا رده
____________________
(الـغـرفـه الـعـاديـه )
بهاج مستلقى بتعب ويفكر وش صار له !؟
دخلت ام عبدالله وابو عبدالله بفرحه : بهاجج
بهاج بأبتسامه: لبيه
ام عبدالله تمسح بهاج : ولدي رجع لي
ابو عبدالله : كنت واثق انك قوي
بهاج ابتسم : وين نورتي؟
ابو عبدالله سكت
بهاج عقد حواجبه : وينها؟ او ماحن قلبها ؟
ام عبدالله : الا حن قلبها ومن اليوم عندك وماتسكت وبس تبكي
بهاج : طيب وينها؟!
ابو عبدالله : بيهج نورتك تعبانه شوي
بهاج قام بألم :اهخخ ، بسم الله على قلبها وش فيها؟
ام عبدالله : ارجع انسدح ظهرك تعبان
انسدح بهاج: جيبوها لي
ابو عبدالله : البنت تعبانه بالمستشفى !شلون نجيبها
بهاج بخوف : هاه؟ بالمستشفى لحالها بغرفه وحده ومغذي لا نوره تخاف جيبوها طيب وش فيهاا؟
ام عبدالله: الممرضه الله يصلحها خلعت قلوبنا قالت المريض متوفي ونوره شافت المريض ومن كثر التفكير فيك شافتك المتوفي واغمى عليها
بهاج قام : بروح اشوفها
ابو عبدالله : اجلس رجلينك تعبانه لاتضغط على ولا تنشل بكرا
ام عبدالله رجعت بهاج : انسدح بجيبها لك
ابو عبدالله : بروح اتطمن عليها واجيبها
بهاج: تكفى
وراح ابو عبدالله
بهاج يمسح دموع امه : يمه ماتفقنا كذا !
ام عبدالله : بيهج يولدي ماقدرت انسى صدمتي يوم قالو توفى
بهاج : ياعيني يايمه
اما عند ابو عبدالله الي دخل غرفه نوره لقاها تطالع السقف بفراغ ودموعها ماتوقف
ابو عبدالله تقدم ومسح دموع نوره
نوره فزت : عمي
ابو عبدالله : عيونه
نوره مسحت دموعها : عمي انا اسفه اني زعلت بهاج
ابو عبدالله : بوريك مفاجأه
نوره نزلت راسها بضيق : ياعمي مافي مفاجأت دام بهاج توفى ومو معي
ابوعبدالله : قومي قومي معي
نوره هزت راسها برضى وساندها ابو عبدالله واتجههو لغرفه بهاج
نوره دخلت وطاحت عينها على بهاج : بهاج!
بهاج بشوق : لبيه يانورتي لبيه
نوره ركضت بأتجاهه وطاحت بحضنه وحضنته
وبهاج يضحك بفرحه ويبادلها الحضن : يالبى العيون الي رجعت للحياه عشانها
نوره بدموع : بهاج ياحيوان اشتقت لك
بهاج : ياعيوني انتي جعلك ماتفقدين غالي
نوره : انت اغلى الغالين
بهاج :ياحظي بس
ابو عبدالله وام عبدالله طلعو
نوره نزلت راسها: تحبني ولا رهوفه ؟
بهاج رفع راس نوره وباس خد نوره بشوق : لاتقارنين حبي لك بأي مخلوق انا حتى بغيابك احبك
نوره ابتسمت : يوجعك شي ؟
بهاج يعدل شعر نوره : لا ياسارقه قلبي لاياعيوني مايوجعني شي وانا شايفك قدامي صدق يانوره جلست افكر كيف ربي رزقني فيك قادره تعوضيني عن كل شي خسرته بهالدنيا كيف وجودك يسعدني كيف انك معي رغم كل شي صار بيننا الا اني لازلت احبك وكل يوم يزيد حبي لك وانتي تظنين انك شخص عادي بحياتي ماتدرين انك بالوريد واستقريتي بقلبي ياحرم بهاج انتي خذيتي كل شي فيني حتى بالي معك
نوره بأبتسامه وحضنت بهاج : بهاج خلاص ماقدر ارد ماعرف !
بهاج بادلها : هههههههههه
نوره شافت كدمه بجبهه بهاج ولمستها : ياعمريي
بهاج ابتسم
دخلت ام عبدالله : يانوره سعود جاء بيدخل يسلم على بهاج
نوره : تمام
وطلعت ام عبدالله والتفت نوره لبهاج وضربته بخفه : هه جاء خراب البيوت سعود خوي بهاج الي ذابحته الفزعه والنخوه !
بهاج : يويلي يالغيره مشتعله للحين
نوره : اخر مره اسامحك ترى تتزوج ثانيه بخلعك !
بهاج بضحكه: سمي على خشمي اوامر ثانيه ست نوري؟هههههههههه
نوره بأبتسامه: سلامتك
وطلعت نوره على دخله سعود وطالعت فيه من تحه لفوق وخزته وطلعت وهو قمط ام العافيه خاف تلعن خيره من بعد ماعرفت بزواج بهاج
سعود : ارحبب
بهاج : البقى
سعود : وشلونك
بهاج بضحكه : لوني اخضر هههههههههه
سعود : لا اشوا بهاج حقنا رجع المهم بهاج ريف
تنهد بهاج : ياليل اليل
سعود : لا صدق انا ضربت البنت لين قالت امين
بهاج بشهقه : ياراسيي ليشش ! بهيمه انت ماتفهم ؟ليشش
سعود هز كتوفه بمعنى "مدري"
بهاج : تمام تمام بس استعيد قوتي اتصرف وارجع كل شي كما كان
سعود هز راسه برضى
____________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
دقيقه دقيقه 🤌🏻🤌🏻ببر موقفي🤌🏻 ادري ان البارت قصير ادري طيب اصبرو خلوني ابرر🤌🏻 دقيقه🤌🏻 يعني انتم تبون انزله حتى لو قصير😔
النجمه تدعم الروايه✨
.