مساء الخير
أين أنتِ يا من جعلتيني لليل أشتكو وفي النهار لم أجد بقائي أو فكري وفي ساعات الغروب أشعر بخوفي وفي لحظات الشروق أنتظر أملي فهل تكوني شمسي وقمري؟ اشتقتك ليلة وبعض من نهارها استوحشت وجودي بعيداً عنك يا قرة عيني أجيبي العاشق الولهان المُتيّم بك.
ريماس؛ جنت نايمه وسمعت صوت رجال صحاني كمزت وشفت ادهم اححح هااا
ادهم؛ اااا امي تريدنا ننزل اني رايح اسبح وانتي غيري ملابسج حتى ننزل اخذت ملابسي ودخلت للحمام
ريماس؛ كمت عن لسرير رتبت الحاف ورحت لبطانيت ادهم صفطتها وخليتها باب المجر مالت السرير والمخده رجعتها فوك السرير
ادهم؛ طلعت وكانت ارتب بالسرير كعدت على الكنب اخذت تلفوني اتصفح بي
ريماس؛ كعد هوه على الكنب رحت اخذت ملابس من الكنتور ودخلت للحمام غيرت ملابسي وخليت شويه مكياج مسكاره وحمره خفيفه وطلعت
لفيت الشال
ادهم؛ ااا كملتي ننزل.
ريماس؛ ايي نزلت اني وادهم وخالتي ام ادهم هلهلت ورباب واخوات خالتهم اجتي خالتي ام ادهم سلمت عليه
ام ادهم؛ بالمبارك حبيبتي
ريماس؛ نزلت راسي
رباب؛ رحت بوست ريماس الف مبروك تستاهل كل خير
ريماس؛ شكرا
حنان؛ لبتسامه شاكه حلكي طول وعرض بوست ريماس الف مبروك رموسه وغمزتلها
ريماس؛ شكررررا كعدت وكعدت يمي ام ادهم وخالات ادهم جانو يسولفون وبدو يجون النسوان شوي ودخلت امي وخالاتي
ام عز؛ سلمت على ام ادهم ورحت سلمت على رموسه حبيبتي شلونج
ريماس؛ عيوني غوركت الحمدلله مسكت نفسي وما بجيت
ام عز؛ بالمبارك بنيتي
ريماس؛ شكرا سلمت على خالاتي وكعدت ولكل يسولف وناس هوايه كمت
ام ادهم؛ هاا بنيتي وين
ريماس؛ االحمام
ام ادهم؛ روحي حبيبتي
ريماس؛ رحت للحمام وبعدها رحت لغرفتي
حنان؛ بس شفت ريماس كامت عنهم كملت لشغله يلي بايدي وصعدت فوم اححم دكيت الباب ممكن ادخل
ريماس؛ تفضلي
حنان؛ دخلت وسديت الباب وركضت لريماس حضنتها حبيبتي الف الف الف الف الف مليون مبروك
ريماس؛ ههه شكرا
حنان؛ اييييي بشري اخويه شلونه وياج
ريماس؛ شنووو
حنان؛ والله اخويه حباب بشرفج موو
ريماس؛ اسكتي اسكتي البارحه لما رباب عافتني ونزلت لو شويه جا متت
حنان؛ ههههه اكولج هاي شنو ليش ممخليه مكياج
ريماس؛ ما كدرت استحيت من ادهم بس خليت مسكاره وحمره خفيفه
حنان؛ تعالي اني اخليلج
ريماس؛ نزعت الشال وحنونه خلتلي مكياج خفيف حلو
حنان؛ والله تخبلين جنننين
ريماس؛ شكرا حبيبتي
حنان؛ يله يله البسي شالج خل ننزل
ريماس؛ اي البست الشال ونزلت اني وحنونه صبو لغده وتغدت الناس اني كعدت بصف امي وما اكلت
ام عز؛ بهمس هاا يمه شلونج
ريماس؛ الحمدلله
ام عز؛ هاا بشري زوجج زين وياج
ريماس؛ كولش استحيت من امي وكلتلها نشالله دوم زين وياي لمهم ورا الغده بدت الناس تروح واخوات خالتي ام ادهم هم راحو وامي وخالاتي راحو فرغ البيت ولزلم راحو هم
رباب؛ رموسه تعالي اتغدي انتي متغديتي
ريماس؛ لا تغديت حبيبتي شكرا
حنان؛ تعالي نكعد بالمطبخ نشرب چاي تعالي رباب
رباب؛ هسه اجي بس اودي الملابس الامي بالغرفه وارجع
ريماس؛ كعدنا بالمطبخ وحنونه صبت لچاي كولش جنت تعبانه ونعسانه وبل كوه اشرب بالجاي
حنان؛ اكولج رموسه شنو البارحه مانمتي
رباب؛ حنوونه عوفيها عاد
حنان؛ ههههههه
ريماس؛ ولاوالله نمت بس راسي يوجعني
رباب؛ ايي والله يمكن من لهوسه يلي بالبيت هوايه ناس
ريماس؛ ايي والغاني وووو راسي انطبل
رباب؛ ايي حتى ركبتي مشنوطه
حنان؛ حتى اني من لركص
رباب؛ جنج خبله
حنان؛ هه غير عرس اخويه
رباب؛ ههه وعرس اخويه
ريماس؛ كعدت شويه وياهن سولفنا
رباب؛ ااا رموسه روحي رتاحي بغرفتج لان واضح حيل تعبانه
ريماس؛ اييي تمام صعدت للغرفه دخلت نزعت الشال ونمت
ادهم؛ تغدو كل الناس وره الغده بدو يروحون وبقو ولد عمي للعصر وراحو صعدت للغرفه دخلت لكيت ريماس نايمه والغرفه بارده لان مفتوح الشباك ولدنه شته فسديت الشباك وغطيتها تمددت على لكنب وبقيت افكر برهف شلونها هسه وبدون ما احس غفيت
...
..
رباب؛ سويت عشه وجهزت كولشي
ام ادهم؛ اي عفيه بنيتي حنونه وين
رباب؛ بغرفتها نايمه
ام ادهم؛ وادهم وريماس
رباب؛ ريماس اني دزيتها لغرفتها حتى تنام خطيه شفتها حيل تعبانه وتنعس وادهم قبل شويه الشباب راحو وهوه صعد لغرفته
ام ادهم؛ ايي خطيه ريماس جانت مبينه تعبانه
رباب؛ ايي
ام ادهم؛ اروح اصلي صلاتي وانتي بس يستوي العشه كعدي الكل حتى يتعشون
رباب؛ حاضر راحت امي واني كملت العشه وصعدت الغرفتي لكيت زوجي قدس متصل عليه كلمته وراها سديت الاتصال رحت كعدت حنانا حنونه اكعدي حنونه حنان اكعدي
حنان؛ هااا هااا عوفيني نايمه مابيه حيل
رباب؛ اكعدي تعشي وارجعي نامي
حنان؛ مابيه حيل
رباب؛ اكعدي اكعدي صلي احسلج
حنان؛ ااييي كمت بس وخري عني
رباب؛ عفتها ورحت لغرفت ادهم دكيت الباب
ريماس؛ كعدت المغرب باوعت على ادهم نايم على الكنب رجعت تمددت وفتحت تلفوني شوي وندك الباب كمت فتحته
رباب؛ مساء الخير
ريماس؛ مساؤ النور
رباب؛ حبيبتي كعدي ادهم وانزلو تعشو
ريماس؛ اني اكعده
رباب؛ ايي
ريماس؛ صفنت شويه هاي شلون اكعده
رباب؛ ريماس وين صفنتي
ريماس؛ هاا لالا ماصفنت ايي هسه اكعده
رباب؛ تمام اني نازله للمطبخ
ريماس؛ سديت الباب رحت غسلت وجهي وخليت مسكاره وحمره خفيفه ولفيت الشال على راسي وكفت يم ادهم عززه شلون اكعده اا ادهم ادهم ندهته بيدي ادهم
ادهم؛ هااا جنت متمدد وريماس ندهتني فاكعدت هاا ريماس
ريماس؛ رباب تكول انزل تعشه
ادهم؛ افف بيش الساعه 6ايي هسه اصلي وانزل
ريماس؛ تمام نزلت للمطبخ اساعد رباب
رباب؛ هاا رموسه كعدتي ادهم
ريماس؛ ايي
رباب؛ اا ريماس بس ليش لابسه شالج
ريماس؛ هاا اااا ما اعرف هيج لبسته
رباب؛ ريماس ترا ادهم زوجج ومحد بالبيت بس احنه انزعي الحجاب
ريماس؛ بسس ما اكدر استحي
رباب؛ ولج شتستحين غير البارحه نايمه وياه
حنان؛ مساء الخير والعافية
رباب وريماس؛ مساء النور
رباب؛ هسه رموسه ماراح تنزعين الحجاب
ريماس؛ لاخليني هيج
حنان؛ يباخ من منو مستحيه خاتون
ريماس؛ ما حجيت اي شي سكتت
حنان؛ يله عيني انزعي جنج حجيه
ريماس؛ ما مانزعه ولي
حنان؛ هااااا بغمزه لازم ادهم ختم الختم الملكي بركبتج
ريماس؛ عزززه لا والله ابد
حنان؛ لعد ليش لابسه الحجاب خليني اشوف
ريماس؛ نزعت الحجاب
حنان؛ غميت نفسي شمالج يحضي لاتصيرين فاهيه خليلج علامه حتى تتباهين بيها كدام اابنات
ريماس؛ ياا عزززه شبيه مخبله واسويها
حنان؛ انطيني الحجاب
ريماس؛ حنونه اخذت الحجاب واني ساعدت رباب وصبينه العشه
ام ادهم؛ هلا ببنياتي ايي عفيه خلو العشه
ريماس؛ خلينه العشه على طاوله الكل ونزل ادهم لكل كعد واني حنونه تاشرلي اكعد بصف ادهم كعدت وجنت كولش مستحيه لا بدون حجاب تعشينه واخذنا المواعين والبنات غسلوهن ومقبلو اساعدهن كعدنا شربنا چاي وادهم كال يريد يطلع
ادهم؛ امي اني راح اطلع
ام ادهم؛ يمه وين رايح
ادهم؛ يم جماعتي
ام ادهم؛ ياا يمه امس عرسك واليوم عايف عروستك ورايح لجماعتك
ادهم؛ امي اروح ساعه ساعتين وارجع
ام ادهم؛ بكيفك وليدي
ريماس؛ طلع ادهم
كعدت وي البنات نسولف وخالتي ام ادهم هم ويانه تقريبا 9كل وحده راحت لغرفتها دخلت للغرفه وتمددت على السرير اختنگت وضاگ صدري بچيت وبچيت لحد ما عيوني صارو يحركني اخذت دشداشه نص ردن طويله دخلت سبحت وطلعت مشطت شعري وشسورته رشيت الغرفه عطر وكعدت على السرير اتصفح بالتلفون ندك باب الغرفه
اتفضل
ادهم؛ دخلت للغرفه وتلكتني ريحت العطر وريماس كاعده على السرير اخذت ملابس ودخلت للحمام غيرت ملابسي وطلعت اااا ريماس لبطانيه يلي نمت ببها البارحه وين حطيتيها
ريماس؛ هياتها طلعت البطانيه وخليتها على الكنب وهوه اخذ المخده وطفا الضوه وجان متمدد ويتصفح بتلفونه اني تصفحت بتلفوني شويه ونمت باليوم الثاني كعدت الساعه 5الفجر
.....